فزاعيه للعباس ع
**
شدي لطمة العباس   زينب طبت ويانه
****
جابت رايه وياهه      نساعدهه اعله بلواهه
والهوسات محلاهه    للمكطوعه ذرعانه
*
لأخت عباس عزيهه    بالدمعات واسيهه
شدي اللطمه شديهه   زينب حيل تعبانه
*
غريبه ابين كوم ارجاس  مانصبت عزه العباس
لمجالسكم تجي ياناس  تدخل تبجي لهفانه
***
نكابلهه عله الونه        نلطم عالصدر كلنه
للعباس مأتمنه         واخته تنوح نحلانه
**
درب الشام تعبهه    الشمر بالسوط يضربهه
دمعة عينهه اتصبهه   للمحروك صيوانه
*
بالطف ضكتي جم لوعه   بجيتي بروح موجوعه
للجفينه مكطوعه        وراسه امعلك بزانه
**
ابو فاضل يمحزونه    السهم طفاهه لعيونه
عدوانه يوذرونه          وعنه مشيتي حيرانه
**
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه  للعباس ع رجوع الحسين الى المخيم

رد حسين لخته         وصاح الها بعبرته
  يزينب  مات اخونه 
.......
رد محني الضهر ويصيح  يختي
تلكيني انطفت  بالطف  شمعتي
انكسر ضهري وبعد راجت تجوتي
وراح  الكالج  طلعي عله بختي

وجرت عالخد بدمعته   /  رد احسين لخته
يزينب مات اخونه
.............
وصل يم  الخيم  يسحل بالاجدام
ذب  عمامته   وايلطم عله  الهام
يزينب مات  اخيي  والعكل  هام
عافنه  الحنين  و  عالنهر   نام

وانكطعت يمنته    ردحسين لخته
يزبنب مات  اخونه

.............
طلعت من خيمها  شلون  طلعه
صاحت صوت للمرمر   تصدعه
صدك عباس  مات  وماله رجعه
اريد اصيحله  وصوتي  ايسمعه

مااحمل  فركته     رد حسين لخته

يزينب  مات اخونه
............
كعدت  عل الثره  وهالت بالاتراب
وحك عباس كلبي من الحزن ذاب
جنها  اليوم  شالت  كل الاحباب
وانه  اوياك  غربه  ابين  الاجناب

ياكلبي وكسرته    رد  حسين لخته

يزينب مات  اخونه
.............
اجت يم الحنين ولطمت الراس
صدك يحسين عني نام  عباس
ضلت  خيمتي من دون  حراس
تهت يحسين وحدك بين الارجاس

وعضيدك فكدته    رد  حسين لخته
يزينب  مات  اخونه

✍ام زينب كربلاء غير مبري الذمه من ياخذ الكلام وينسبه له او يحذف الاسم   من كتاب
المآسي الفاطميه الجزء  الرابع والعشرون

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*من ديوان مسير الفواطم لارض المظالم ج٢*
*قصيده للحسين (رد خالي المهر)*
❥━──➸➽❥❂❥━──➸➽❥❂
رد خالي المهر لخيام الحسين
طلعت صارخه وتبچي النساوين
❥━──➸➽❥❂❥━──➸➽❥❂
طلعت صارخه وتبچي وتنشده
رجع مهر الغريب حسين وحده
يصهل ياخبر موزين عنده
اصيح بصوت خيالك وگع وين
❥━──➸➽❥❂❥━──➸➽❥❂
اصيحن وين خيالك تگنطر
شفتك هيست بالضيم والشر
جايب ياخبر موزين واغبر
عفت حسين مابين الملاعين
❥━──➸➽❥❂❥━──➸➽❥❂
عفت حسين عالغبره رميه
طاح الوالي وانه شلون بيه
شلون ينام اخوي اعله الوطيه
وتسحگ فوگ صدره الگوم صوبين
❥━──➸➽❥❂❥━──➸➽❥❂
سحگو جثته والصدر داسوه
عطشان الغريب حسين ذبحوه
گلي يامهر بيمن يطلبوه
عله اطفاله وبناته امسلهم العين
❥━──➸➽❥❂❥━──➸➽❥❂
عله اطفاله وبناته تربي العيون
حيف الگوم عالوالي يدوسون
رقيه عگبه ضلت حالها شلون
تگول اليوم اريد ابوي الحنين
❥━──➸➽❥❂❥━──➸➽❥❂
اريد حسين نادتني الزغيره
گلبي يامهر محتار حيره
وين البيه رحم والبيه غيره
ضل اعله النهر من دون چفين
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولإمواتكم:*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسبي
المستهل 👇🏻👇🏻

شلون يصير الموادع عله الناكه
لوداع الأهل ياناس مشتاكه

•───✧◐🕊🌻🕊◐✧───•

خاف اروح وتعيل الزلم بيه
يبو فاضل يخويه لحك اعليه
وانتو اولاد حيدر ياافاعيه
ماترضون اختكم تمشي مسبيه
يايوم اوياكم نتلاكه

•───✧◐🕊🌻🕊◐✧───•

خال ابني قبل لاروح اودعنه
ارد انزل امن الناكه واشبكنه
مايرضه الكفيل امشي واعوفنه
وياه اتوادع خلوني

•───✧◐🕊🌻🕊◐✧───•

كفيلي النام عالغبره بمعز بروحي
يبو فاضل امصابك يلجم اجروحي
عليكم ياعزازي مابطل نوحي
لخال اولادي نزلوني

•───✧◐🕊🌻🕊◐✧───•

اريد اوادعك يحسين يبن امي
ياناكه اعله اخيي تكربي يمي
وديني لخوي اعله الثره مرمي
امشي ابهيده ياناكه اوياي

•───✧◐🕊🌻🕊◐✧───•

اريد انزل امن الناكه واشبكنك
والزم لحيتك بيدي واشمنك
واشيل السهم من عينك وودعنك
يمشيم مو وكت النومه

•───✧◐🕊🌻🕊◐✧───•

عله الناكه اصعدت كل حيل مابيه
كلساعه النذل صوته عله اعليه
عفتك عالثره ومشيت مسبيه
اكعد خويه اكعد حدك عالو بي

•───✧◐🕊🌻🕊◐✧───•

خويه اختك غريبه لاتخليها
ياهو الها بعد لو عالو اعليها
وابوك المرتضى وصاك راعيها
ماعندي اجفوف اتعذريني


•───✧◐🕊🌻🕊◐✧───•

جديد 👆👆

اهداء هذا العمل الى زوج ام مجتبى
✍️بقلم ام مجتبى المولى
غير مبري الذمه اليحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

💥 لطميه حزينه للقاسم عليه
السلام  عن لسان حال امه

رمله 💥

بالكلب تلهب جمرتك...يمه يمه
ماشفت يمه فرحتك..يمه يمه

➖➖➖➖➖➖
ماشفت عرس وفرح لامن تهنيت
صحت ريض يالولد شو ماتوانيت
نار بالدلال يمه اليوم خليت
بالكلب تجوي فركتك.  يمه يمه

➖➖➖➖➖➖➖
بالكلب تجوي ونيرانك سريه
صحت يمه يالولد ريض اليه
ضيعت طولك يجاسم هالمسيه
شلون احمل غيبتك...يمه يمه

➖➖➖➖➖➖➖
شلون احمل غيبتك حراكه للروح
يمه ضل كلبي يون مايكطع النوح
والكلب مصدوع يمه وكله اجروح
البين طفه شمعتك...يمه يمه

➖➖➖➖➖➖➖
البين طفه شمعتك وطفالي عيني
يمه لغيابك فلا يبطل ونيني
ياحياتي وزهرتي وشمعت اسنيني
ياحسافه ضيعيتك....يمه يمه

➖➖➖➖➖➖➖
ياحسافه ضيعيتك وين الاكيك
وين اشوفك وين ارد اسمع محاجيك
يمه لو تنباع يمه بعمري لشريك
اشبيدي يمه ماحويتك...يمه يمه

➖➖➖➖➖➖➖
اشبيدي يمه والزمن مارحم حالي
اخذ مني فرحتي وضم الغوالي
يمه ياجسام ياعزي ودلالي
من المنيه وين اظمك...يمه يمه



تمت ✍️ الشاعره والمله ام حسين العامري

من ديوان زينب ولطفوف الجزء السابع

غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لعلي الاكبر ع

""""""""'''''''

ليله تنتحب واتصيح
مالــي روح اعــوفنه

""""""""'''''''

ليله الـيوم مـهضومه

الاكـبر طبها للـحومه

خاف اتضيع ارسومه

اتخاف ايروح المجنه

""""""""'''''''


اتنادي يصعب اغيابه

نــار الــولـــد لــهــابــه

خـل اتــوسـد اتــرابـه

خــوفــي لا اضــيـعنه

""""""""'''''''

خل اتوادع انه اوياه

وليدي ماحمل فرگاه

گلبي ما اضن يسلاه

سـهـام الـبين صابنه

""""""""'''''''

اتـضـل ادموعي سجابه

مــن ايـــودع احـبــابـه

صـابـو گـلـبـي بـصوابه

مـنـه انـگـطـعت الضنه

""""""""'''''''
رايــح يـالــولـد يــبني

يــلــي اربــاك تــعـبني

بالـــفـرگـــه تـعـــذبني

بعـد ما ضـن اشوفنه

""""""""'''''''

شبه المصطفى مذبوح

يا روحي تزيدي النوح

خـلـه بالـدلـيل اجروح

او ابــنـي ايـسـت منه

""""""""''''''

تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نوحيه لعلي الأكبر عليه السلام


أمـــصابك يـــا عــلي حـــنالي ضـــــــهري
عــــگبك مــــا ردت يــــوليدي عــــــــمري
❥━──➸➽❥💔❥━──➸➽❥💔
يــــــلتشبه رســــــول الله أبجـــــــــمالك
شـــفتك طايــح أو فــــاجعني حـــــــالك
وســـــــفه يــــلشباب المـــــوت أجــــالك
دمــــك عــــالأرض يـــــا يــــمه يـــــجري
❥━──➸➽❥💔❥━──➸➽❥💔
عمــــرك مـــا كمــــل يـــا يمـــه عـــشرين
مـــني أتــــــلاگفك أمــــــــلاگف البـــــين
يــــــــجهر ونتـــــــه خــــليت الــــحسين
ويــــــــمحسر عليــــــــك أزداد قــــــهري
❥━──➸➽❥💔❥━──➸➽❥💔
يـــا بعــــد الگـــلب يـــا مـــاي الأعــــيون
يـــــــمه أمــــفارگك أتــــــحمله أشــــلون
طاحـــن مــن لطــمتي أعلــيك الأمـــتون
وأبـــــــگلبي بــــــــگت هــــالنار تســــري
❥━──➸➽❥💔❥━──➸➽❥💔
يمــــــــه والــــــــدك ضــــــهره كـــــسرته
هــــــــزت كــــربله ويــــــــلي دمـــــــعته
راح أبــــني يــــگول أنــــــــه ســـــــمعته
وأنــــه أبعــــــــبرتي مــــخنوگ صــــدري
❥━──➸➽❥💔❥━──➸➽❥💔
أبــــــني أو گــــره عيــــوني أو حــــبيبي
مــن دمــــه أصبـــغت هالــــيوم شيــــبي
أمــــــــحسر راح مــــــحروم الأعــــذيبي
لله سلمـــــت مــــــــن بعــــــــده أمــــري
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الخميس / ٨ من شهر محرم الحرام
الموافق / ٢٠٢٣/٧/٢٧


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للاكبر
الوزن (ميمر)

يأمل روحي ودنياي
خاب الامل ضاع ارباي
ماريد عمري بلياك
ظليت انوح الفركاك
خاب الامل ضاع ارباي

****
ياناس دهري عالولد حاربني
مهظومه خلاني وزايد وني
ماحسبت من الولد يحرمني
ياريت سيف الصوبه صوبني

ظليت اهل دمع العين
صوبني يوليدي البين
هذا الجره من دنياي
خاب الامل ضاع ارباي

***
حاربني دهري والولد خلاني
سهرانه ليلي وغاركه باحزاني
وبوسط كلبي تستعر نيراني
انه أمه واشلون الولد ينساني

ينسه الربه وسهر الليل
ومن القهر ماظل حيل
ودهري ترى خان اوياي
خاب الامل ظاع ارباي

****
دهري فجعني والولد فاركته
ياريت لا جبته ولا ربيته
وسهر الليالي والمهد لازمته
وبكربله تالي الولد ضيعته

وشلون اصبرها الروح
وبعيني شفتك مذبوح
امك وانته رجواي خاب
خاب الامل ضاع ارباي

***

يأمل عمري وياربيع ايامي
مااظن تشفه يالولد الامي
دهري فجعني أو خيبت احلامي
مذبوح شفتك يالولد جدامي

خاب الامل يوليدي
وحيد ورحت من ايدي

ماريد بعدك دنياي
خاب الامل ضاع ارباي

***
يالفركتك ماتنحمل يوليدي
بلمحه بصر ماي وتبده امن ايدي
ماريد عمري بغيبتك يوحيدي
وياك اموتن لو يصير بايدي

وياك اموت اشوالي
مصابك مرد دلالي

حرموك حتى امن الماي
خاب الامل ضاع ارباي

****
امك غريبه ياعلي تخليها
سهرانه ليلي والدموع اجربها
ونار البكلبي ياهو اليطفيها
بعدك ييمه الروح شيسليها

ظليت اجر بالحسره
عليك الكلب شيصبره

بعدك رحت ويه اعداي
خاب الامل ضاع ارباي

****
✍️✍️
الشاعره
ام حسين الهلالي
من ديوان عبرات الموالين
الجزء الخامس
لتنسوني من الدعاء انا ووالدّي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_مصارع_الكرام

#الجزء_الثاني


هوسات لعلي الأكبر ( ع)

✦❥※❥※✿✿※❥※❥※✿✿※❥※❥✦

علي عطشان مات وما شرب ماي
وانه امه انوحن وناري بحشاي
ومن شفته انذبح تيهت انه الراي
ما عدهه رحم ظلمتنه هاي اعداي

( ايبچونه ... وحسين اعلى ابنه)

✦❥※❥※✿✿※❥※❥※✿✿※❥※❥✦

ابن حسين مات وشاعت اعلومه
شباب الاكبر ابني موسد الحومه 
طايح بالمعاره وفايضه ادمومه
ودروب الطفوف اعلينه ملزومه

( يرويهه ...  والگاع ابدمه)
✦❥※❥※✿✿※❥※❥※✿✿※❥※❥✦

الف هنيال گاع الحضنت اوليدي
اريد اوصله لا كن ما يصح بيدي
حرمني الدهر منه حسرتي زيدي
اودعت الحياة ابطيحه اوحيدي

( گولوله  ... حزنانه الدنيه )
✦❥※❥※✿✿※❥※❥※✿✿※❥※❥✦

ما تحله دنيتي ولا هنه بعده
على شربت آميه فتتوا چبده
ما يعاود علي ولا بختي ايرده
ويرد وجهه يضوي وتحله الگعده

( امغيبينه ... النوره ايلالي )

✦❥※❥※✿✿※❥※❥※✿✿※❥※❥✦

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى أرواح الـمـؤمـنـيـن والـمـؤمـنـات وبـالـخـصـوص إلـى روح الـمـرحـوم والـدي ( رحـمـهُ الـلّـه )


                   نـسـألـكـم الـدعـاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده عزائيه هوسات للرضيع

المستهل 👇👇

لعبدالله اللطم يحله والونين
ودكي عالصدر خلي نياشين

•───✧◐🕊🌻🕊◐✧───•

يستاهل لطم يامن تلطميله
لطمج عالصدر وادموم تجريله
رباب تنوح اله وعمته  تنعيله
وكل احنه اوياهن لطامه

•───✧◐🕊🌻🕊◐✧───•

جينه للرباب ونلطم اوياها
نساعدها بلزغيرون ننعاها
صعب حال التضيع لبة احشاها
وبالنبله اشلون ايفطمونه

•───✧◐🕊🌻🕊◐✧───•

اريد احجي للزغيرون مالومه
ونيشان السهم باقي ابلعومه
صغير وبالدمه متنكعه اهدومه
مصيوب ابنيله ونيله

•───✧◐🕊🌻🕊◐✧───•

ابدال الماي محزوز الولد نحره
بيد حسين شاله والكلب جمره
وينوح اعله الرضيع ويسجب العبره
مخضب وجهه من ادماه

•───✧◐🕊🌻🕊◐✧───•

ماينراد يومك يالزغيرون
يشيب راسنه ويعمينه اعيون
وخلينه نون ويه اليونون
وام الرضعان انواسيها

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_📚_قُربان_الطف_ج_٣
قصيدة لعبد الله الرضيع(مهدك تراوالي)
❥━──➸➽❥❂❥━──➸➽❥❂
عبد الله يبني يانحر ينگط ترافه
شلون يچويك السهم يمه حسافه
كل ساعه واگبالي .. مهدك تراوالي
               يمه .. يمه
❥━──➸➽❥❂❥━──➸➽❥❂
ها يبو نحر الترف/حته دمك من نزف
انه اشم عطر الورد چن نزف وياه
اوليدي ياشمعة ضوه/يااعز من الهوه
يانفس ريتي وفلا اگدر بلياه
امنيتي لو ساعه اناغيك واشمك
ابداعت امك يالعزيز تجاوب امك
يالشيبت حالي .. مهدك تراوالي
              يمه .. يمه
❥━──➸➽❥❂❥━──➸➽❥❂
زغير بعدك عالذبح/عليك دلالي انجرح
وسفه يا عبد الله يبني تموت عطشان
شلي انه بدنيتي/مني راحت فرحتي
ساعة الشفت السهم والوجه ذبلان
شلون اهزن بالمهد والمهد خالي
ابفگدك انه افگدت عزي ودلالي
خيبت آمالي .. مهدك تراوالي
             يمه يمه
❥━──➸➽❥❂❥━──➸➽❥❂
بعدك بعمر الورد/رحت مني وما ترد
وچنت من انظر لوجهك ارسم أحلام
للكبر ردتك ذخر/وتوسدني بالگبر
مو تعشيني بغيابك حسرة والآم
گمت احس بخنگه لمن اشرب الماي
لا فكر يالولد عندي ولا بقه راي
والحضن ظل خالي .. مهدك تراوالي
           يمه .. يمه
❥━──➸➽❥❂❥━──➸➽❥❂
انه كل ليلة افز/شايله اسمك حرز
اگعد انتظرك يگلولي الولد مات
ريت وياك اندفن/والله تعبني الحزن
ليش فرگنه الزمن يمه حسافات
بيا ذنب كفار ذولي وما يرحموك
بسهم المثلث بدين حسين صابوك
الموت يحلالي .. مهدك تراوالي
             يمه .. يمه
❥━──➸➽❥❂❥━──➸➽❥❂
يحرگ عيوني الدمع/وگلبي يعزيزي انفجع
شنهو حال التفگدلهه ولد يا ناس
تعيش مكسورة جنح/والگلب منها انجرح
عايشه بلا روح بس تصعد الأنفاس
كل عمري اضل اعليك انوحن واگعد انعاك
امنية عندي يالولد اتوسد وياك
كل حزني للتالي .. مهدك تراوالي
                  يمه .. يمه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

دولبني زماني لعبد الله الرضيع
___


دولبني زماني وحد عليه سيفه./
فجعني بموت عبد الله وخذ حيفه/

عبد الله فرغ حضني وفجع روحي.
عليه مافاركت مبجاي انا ونوحي .
كل ساعه الدهر يلجملي اجروحي.
وانا امرمره ومعلوله وضعيفه/


اصيحن ويل يبني يالمتت ضامي.
حالك فت دليلي ونحل اعضامي.
عماني وتيهت ماشوف كدامي.
لو مره الولد زاورني بطيفه/



رموك بنبله ونحروك يا طفلي.
عكب عينك انا بدنيتي شلي.
نوحي اعليه يا عيني ودمع هلي.
على الراح ومشه وضاعت تواصيفه/


حرموك العذب والماي هاليجري .
تشرب منه العدوان ياضخري.
بس انت متت وانا نكطع ضهري.
كلبي عالولد مابطل ارفيفه/


ابجي عليك مادام النفس بيه.
وهز مهدك ولوليلك بحنيه .
ويا نار الفكد بعضاي مسريه.
صرت موجه بجرف ياخذني بكيفه/


لعبد الله انوح وما افل حزني.
والرسوم الولد يا مهجتي حني.
ها ياعمته وكت الفجر وني .
وخل اروح اله مانتركه ونعيفه/


*ناعيه الخيام*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه  لرضيع ع  عن لسان الرباب ع

زغيرون بعدك عالذبح  عبدالله يبني
زغيرون ماتحمل جرح  عبدالله يبني

يوليدي  ما تجرع  الم
جا وينك  اوين  السهم

عبدالله   يبني    عبدالله  يبني
.............
يانارك بكلبي اسعرت يابعد العيون
خلاك دهري  يالولد  ويه   اليونون
وانته مجانك بالمهد ويه اليرضعون
مذبوح بكماطك متت اه يالزغيرون

نحرك ييمه  ماسلم
جاوينك اوين السهم

عبدالله  يبني    عبدالله  يبني
..............
ترفه ركبتك  يالولد  ماتحمل اسهام
عبدالله  يابعد الكلب ماتجرع الالام
مدري اعاتب عالدهر مدري عله الايام
والله  يعظم مصيبتك منها العكل هام

والباري عله امك حكم
جاوينك  اوين  السهم

عبد الله  يبني     عبدالله  يبني
..............
عبدالله  من ربنه انكتب هذا الجرالي
اكعد واهزن  بالمهد   والمهد   خالي
مناغه  حسك يالولد   دوم  عله بالي
حظنك  يريدك  والدهر عذب حوالي

وياي دهري مارحم
جاوينك اوين السهم

عبدالله  يبني   عبدالله يبني
............
جاليش ماعندك  رحم  خايب يدهري
كلما يمر  جرح النحر يوجعني نحري
ياريت  صاباني السهم كبلك  يذخري
اطلع  اكماطاتك  وون جاشني صبري

مفجوعه بكماطك واشم
جاوينك اوين   السهم
عبدالله  يبني    عبدالله يبني
.............
لوجاني  ليلي يالولد مايبطل  النوح
مناشد وانشدك عالجرح يبني يمذبوح
يوليد من  جاك السهم  وشكالت الروح
زغيرون  يالب الكلب  ماتحمل  جروح

بسهم  المنيه  وانفطم
جاوبنك اوين  السهم

عبدالله  يبني  عبدالله  يبني

✍ام زينب كربلاء غير مبري الذمه من ياخذ الكلام وينسبه له او يحذف الاسم   من كتاب
المآسي الفاطميه الجزء  الثاني والعشرون


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية لليوم التاسع

ياريت باجر لا يجي
البيه تنذبح ولياني

ا===============

باجر وحش مصباحه
ما اشوف باجر راحه
بيه لطم بيه نياحه
بيه يسيل دم خواني

ا===============

شيفاركك يا ابو علي
كون الموت كبلك الي
يحسين يا تالي هلي
حسين اليوم وصاني

ا===============

وصاني بام عياله
لو هجمت الخياله
من يبقى ناصر ماله
عيني تصب خلاني

ا===============

ما نشف دمع عيوني
اهلي بحرم وصوني
ام الصبر سموني
وانا الحزن سلاني

ا===============

سليت كبل الفاجعه
شلون اشاهد مصرعه
روحي من امس متلوعه
دهري شكثر عاداني

ا===============


ام تبارك الخفاجي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للرضيع ع
***
ظلت تحومي عالمهد امك الحزنانه
***
يم المهد واتنادي عبد الله ذاب افادي
ومنين اجاني الوادي ظلت تون حيرانه
*
خالي المهد هزيته وبدمعتي ناغيته
اكعد يشمعة بيته يالبالهضم خلانه
****
عبد الله شاهد حالي اتغيرت كل احوالي
بعدك فكدت الوالي روحي تون خلصانه
*
بمصابك انعه وانتحب والكلب ناره تلتهب
عايفني بديار الغرب متيسره وتعبانه
*
عبد الله يبني وينك وشكطع بيني وبينك
عالموت شابح عينك حرمله بنبله اسبانه
**
بالنبله ذبحو ركبته مخضوب من دم هامته
عبد الله توجع موتته وازغير اعله الزانه
**
ازغيرون مو مالت ذبح راسه عله راس الرمح
يوكع الراس وينطرح وذباحه يمشي ويانه
***
عبد الله يبني مظلوم من العذب يامحروم
بالنبله تالي مفطوم امصاب الطفل اذانه
****
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للعاشر محرم
***
اويلاه يافاطمه اويلاه يافاطمه
****
زينب تنادي بكربله اويلاه يافاطمه
مطروح ابنج بالفله
مسبيه كل العايله
ماعدنه والي ولاحمه
****
شافت عيوني جم جرح اويلاه يافاطمه
شفت ابو اليمه منذبح
والراس علكوه برمح
وياريت بعيوني العمه
**
يالزهره ماجيتيني اويلاه يافاطمه
بكربله ماشفتيني
بين الغرب عفتيني
وعالسبي ماني امعلمه
**
كل الخيم حركوهه اويلاه يافاطمه
والاطفال روعوهه
بالخيل سحكوهه
يمه العصابه المجرمه
***
من رحت صوب المشرعه اويلاه يافاطمه
شفت ابو الغيره ومصرعه
بكتره الجفوف امكطعه
إبعامود راسه إمهشمه
*
لدرب السبي اخذوني اويلاه يافاطمه
يمه العده شتموني
وبسوطهم ضربوني
ونار الشماته مضرمه
*
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه ليلة الوداع

وداعا ياضوه عيوني وداعا
وياكم خلصت الخوه وداعا
...........
اخوي ايكول شبعي وداع مني
باجر كل اخوتي تروح عني
عليه اصعب الحظات ذني

من كال الاخوه زينب وداعا
وداعا ياضوه عيوني وداعا
............
ساعات الوداع الهدمتني
كبلكم يخوتي ميته عسني
ياجلماتهم نار اوجوتني

جوتني بالكلب جلمة وداعا
وداعا ياضوه عيوني وداعا
.......
لوتدري الوداع اسوه بيه
وانه ادري الموادع للمنيه
اخذني وياك ياراعي الحميه

مااصبر عله افراكك وداعا
وداعا ياضوه اعيوني وداعا
...........

خويه يابعد عيني وضواها
يخوتي اوداعكم روحي خذاها
لوفجر الصبح يحسين اجاها

صعبه انكولها خويه وداعا
وداعا ياضوه عيوني وداعا

من كتاب المآسي العلويه الجزء التاسع

✍ام زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه الرضيع
عطشان عبدلله الطفل
للموت شبحت عينه

✒️✒️✒️✒️✒️
حرموه من ماي العذب.
امه تون وتنتحب
يريدماي وماشرب
وحسين الله يعينه
✒️✒️✒️✒️
وحسين. جابه الخيمته
وصاح زينب عمته
مهظومه تبحي تلكته

تنادي الولدجاوينه
✒️✒️✒️✒️✒️
مفطوم وبسهم العده
والعطش جبده مرده
ياحيف بالصاروسده
مابطل من اونينه
✒️✒️✒️✒️✒️
عبدلله صعبه قصته
امه تون وعمته
مذبوح. امه شافته
وضاع تعبي سنينه
✒️✒️✒️✒️✒️
يمه المهدضل خالي
والدمع من دم. هالي
خابت بعد امالي
ظلت تون سكينه

بقلمي ام هاجر الشريفي غير مبري الذمه حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك