قصيده ل اولاد مسلم
تقرأ مربوعه فزاعيه
=========


مذابيح على المسيب  يونون

وهلهم نومه علرمله ميدرون

=========

على جرف النهر مذبوحه الاولاد

اهلهم مادرو وبعيده البلاد

وگلب ام الولد لليوم ماهاد

ماتدرون يمه بحالتي شلون

👝👝👝👝

اهلهم نومه مايدرون بيهم

على جرف النهر ومذبحيهم

عمهم مادره السادي عليهم

الراحو للمنيه مايرجعون

👝👝👝👝

شيردهم بعد راحو الاولاد

ضاعو بلغرب وبعيده البلاد

اضل طول العمر مشلوعت افاد

ولادي بحضني وسفه ماينامون

👝👝👝👝

ضاعو مني ابحومة الميدان

من هجمت علينه سيوف فرسان

فرو يوم رعبوهم العدوان

من النار للهيمه يفرون

👝👝👝👝

ميته ريت يايمه عسني

ولاضيعت بلوديان  ابني

محد نشد من خواني عني

محد من هلي عني ينشدون

👝👝👝👝

ياهو يروح ويخبّر الريسان

يگله ضاعو بحومة الميدان

وانه محيره وماعندي وليان

محد من هلي وياي يدورون


=========
خادمة ال البيت الحجيه ام علي البصره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_١٦_.


فزاعيه للقاسم عليه السلام


كل هذا وني واللطم
للزفته بالحومه
❥━──➸➽❥💔❥━──➸➽❥💔
كل وني صاحت عمته
جسام طيحو خيمته
نوح وونين ابفرحته
نايم اشحلوه النومه
❥━──➸➽❥💔❥━──➸➽❥💔
يا عمه شنهل فاجعه
للموت طوله انودعه
عريس زفته ابمصرعه
وامخضبات هدومه
❥━──➸➽❥💔❥━──➸➽❥💔
رمله وخواته اتعاونن
سكنه ورقيه اتكابلن
عالعاف زفته اشكد بجن
وامه تون مهضومه
❥━──➸➽❥💔❥━──➸➽❥💔
هاي المناحه للصبح
جانه الحزن شال الفرح
عريس بالحومه انذبح
منه تسيل ادمومه
❥━──➸➽❥💔❥━──➸➽❥💔
شفنه العجايب والدهر
شبان نامت بلكبر
عشرين ماتم العمر
كل حيد حلوه ارسومه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

يوم العاشر يوم الفاجعه على قلب العقيله
زينب 💔 بين حرق الخيام وتبحث عن اخيها الحسين في ميدان الطف الدامي
🖤🖤🖤🖤


هذاك حسين ـ يا زينب تدورينه
شمي منحره وانـتـي تعرفينـه

•••••••••••••••••••••••••••

خوج ابلاهدم مسلوب ومكطع
لمي اعضاه من الخيل والمصرع
يازينب شَـــگلّج خــــييج موزع
تعاي وياي وبعينج تشوفينه
-•••••••••••••••••••••••

خييج صار مَشتل كل الارماح
وبضربت حجر من المهر طاح
نزف دمه الشريف بشيبته ساح
وعينه لخيمتج ماغَمّضت عينه

•••••••••••••••••••••••••

محتاره يزينب لا تحيــــرين
اذَّكري وصيَّت خييج حسين
وي حيلج بعد يراد حيليــن
وعلي السجاد عل شدَّه تعينينه

••••••••••••••••••••••••••
محتاره وعباتج لاكفه النار
وعله متونج تعب ومبينه لاثار
وشَچايَه لخيج وجايبه الصار
كل ظنج عدل يحمييج تردينه

••••••••••••••••••••••••••••

ريج الطف رواه ابدم وريده
ويزيد ابمقتله هليوم عيده
خذو ثاراتهم بأبن الصميده
وماظن ياحيف يخلونج تدفنينه

••••••••••••••••••••••••••••••
كلمات:  ام الحسن الزيدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للعباس عليه السلام
===========


چاوين ابو فاظل

ماتلكاني

چاوينه الزمطلي اطيچ ذرعاني

===========

چاوين الزمطلي اينزل ضعوني

يعدل شيلتي ويداوي امتوني

من غصبن تره اعتب لاتلوموني

وين الوفايه // اتحشم زينب

💘💘💘💘💘

زماطك وين دگعدلي يجيدومه

جيتك بس حرم ويتام مالومه

چاوين الشجاع الشاعت علومه

اگعد لينه // يانور عيوني

💘💘💘💘💘

يامن زامطت گوم وتلگاني

جيتك خاويه والبين بچاني

اديه مورمه من احبال عدواني

اختك مهضومه // اگعد حاچيها

💘💘💘💘💘

وين الگاك يزماطي الحلو طبعه

يوم الغربت مني طفت شمعه

ضليت بحزن وتلالي الدمعه

وين الگاه // ازماطي الغرب

💘💘💘💘💘

انه الزامطتلي وكفو من زماطك

كفيت اوفيت اطيتني ذراعك

محله خوتك محلاهن اطباعك

شمر ذرعانه // بيوم الطب للملعب


===========
خادمة ال البيت الحجيه ام علي البصره

لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للهلال

عندما نظرت السيده زينب عليها السلام الى السماء رأت الهلال وقد تغير لونه
فقالت بلسان حالها

شغيرك يهلال گلي
لونك خرب خافن على اهلي
بعد اخوتي بالعمر شلي

ا===============

گلبي انشلع يهلال الاحزان
حزنك اخافن على الوليان
مظلم شبيك وبيك دخان

ا===============

يهلال گلي مدخن شبيك
گبل الذبح تعلن تعازيك
علامات هلت ياشهر بيك

ا===============

گبل الوعد عازاني الهلال
لاگيته ابچي بدمع همال
شفته وگلت يتغير الحال

ا===============

يهلال الحزن منك تأذيت
خافن عليه يفرغ البيت
شفتك حزين گبالي وبچيت

ا===============

شفتك حزين وصحت لحسين
شافه الولي ودمع العينين
يزينب للحرب والموت ناوين
وبذمتچ تبقى النساوين

ا===============


ام تبارك الخفاجي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده / لمسلم عليه السلام
بالميدان مسلم بانت افعاله
طباهه الحرب والسيف يحلاله
🥇🥇🍀🥇🥇
مسلم شال سيفه والكلب حيران
بالملعب اله صولات عالعدوان
دارت خيل اميه عليه بالميدان
(مظحيهه والروح بدمه)

🖍️🖍️🖍️🖍️🖍️🖍️🖍️
ضجه وظغبره اليوم بالكوفه
اله صولات مسلم ببه معروفه
يكلبه كلب عدوانه اتشوفه
( تجادح نارمن عيونه)
🖍️🖍️🖍️🖍️🖍️🖍️
مسلم بشجاعه مايكدرونه
مايدري بحبل تالي يربطونه
من عالقصر وسفه يذبونه
(وتهل ادموم من عيونه)
🖍️🖍️🖍️🖍️🖍️🖍️
نيتهم غدرحفرولك الحفره
الك مولاي ظلت بالكلب جمره
اويلي عليك مارحموك هالكفره
(يسحلونه مسلم. بحبال)
🖍️🖍️🖍️🖍️🖍️🖍️
خانوبيعته مايدري ابن عمه

رموه. من القصر ماكومحب يمه
ضلوعه اتكسرت وجروحه لجمنه
(مصابك مسلم مانساه)

بقلمي ام هاجر الشريفي غيرمبري الذمه حذف الاسم وتلاعب بكلماتي من ديوان دمعه زينب الجزءالثامن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للعليله ع(يلماخذ دلالي)

يلماخذ دلالي ورايح .... .. رايح وين
كلوله ضلع من ضلوعه... ناسي حسين
@@@@@@@@@@
يلماخذ دلالي ورايح يم الموت
تصرخ دمعاتي تحاجيني ومامش صوت
يعني تكلي بهجرك حضريلج تابوت

الموت ارحم من فركاكم،،،،،،،، ياطيبين
يلماخذ دلالي ورايح،،،،،،، رايح وين
@@@@@@@@@@@
يلعايفني بحسرة وينك خذني وياك
روحي انساهه ومااكدر يابويه انساك
يمكن بس بحلامي من اشتاگ انه الإكاك

اني اعرف لفراكك مااكدر،،،،،،،،،، بعدين
يلماخذ دلالي ورايح،،،،،،، رايح وين
@@@@@@@@@#
لتكلي اتعود شتعود هذا مصاب
اليودع واحد ميودع كل الاحباب
عندي محضره انه لفركاكم خوش عتاب

مو انه اعليله وكلتولي،،،،،، متحملين
يلماخذ دلالي ورايح،،،،،،،، رايح وين
@@@@@@@@@
موش بصحه انه وهاي انتم هل تدرون
تخلوني وجرحي بفركاكم متخافون
شلون تغمضون ابلا طولي وترتاحون

وانته تكلي كلش همنه،،،،،، ترتاحين
يلماخذ دلالي ورايح،،،،،،،، رايح وين
@@@@@@@@@@
ماجن همك انه وهمك بس تروح
كلبك ينطيك تخليني بكلبي جروح
بقانونك تاخذني وياكم مامسموح

يلكلك حنيه القسوه جتي،،،،،، منين
يلماخذ دلالي ورايح،،،،،،، رايح وين

الشاعره رسل الابراهيمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

يوم العاشر يوم الفاجعه على قلب العقيله
زينب 💔 بين حرق الخيام وتبحث عن اخيها الحسين في ميدان الطف الدامي
🖤🖤🖤🖤


هذاك حسين ـ يا زينب تدورينه
شمي منحره وانـتـي تعرفينـه

•••••••••••••••••••••••••••

خوج ابلاهدم مسلوب ومكطع
لمي اعضاه من الخيل والمصرع
يازينب شَـــگلّج خــــييج موزع
تعاي وياي وبعينج تشوفينه
-•••••••••••••••••••••••

خييج صار مَشتل كل الارماح
وبضربت حجر من المهر طاح
نزف دمه الشريف بشيبته ساح
وعينه لخيمتج ماغَمّضت عينه

•••••••••••••••••••••••••

محتاره يزينب لا تحيــــرين
اذَّكري وصيَّت خييج حسين
وي حيلج بعد يراد حيليــن
وعلي السجاد عل شدَّه تعينينه

••••••••••••••••••••••••••
محتاره وعباتج لاكفه النار
وعله متونج تعب ومبينه لاثار
وشَچايَه لخيج وجايبه الصار
كل ظنج عدل يحمييج تردينه

••••••••••••••••••••••••••••

ريج الطف رواه ابدم وريده
ويزيد ابمقتله هليوم عيده
خذو ثاراتهم بأبن الصميده
وماظن ياحيف يخلونج تدفنينه

••••••••••••••••••••••••••••••
كلمات:  ام الحسن الزيدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للحسين ع


اعله الثره مطروح
ابن الساده

➖➖➖➖➖➖
وين اليغسله اليوم
ويبجي بكلب مالوم
ويشيع المضلوم
ابن الساده
➖➖➖➖➖➖

اجروحه ياذنه
شبقو بعد منه
محد كرب يمه
ابن الساده
➖➖➖➖➖➖

اعله الرمل مطروح
اوجسمه كله اجروح
اودمه ضل يفوح
ابن الساده
➖➖➖➖➖➖

امكسره صدره الخيل
زينب تدوره بليل
يالراح منه الحيل
ابن الساده

➖➖➖➖➖➖
وينه شريج الروح
عن عيني لا ميروح
كلبي عليه مجروح
ابن الساده
➖➖➖➖➖➖

ماشرب ماي حسين
صبت دمه هالعين
التمت علي صوبين
ابن الساده
➖➖➖➖➖➖

تمت بقلم خادمة اهل البيت
الشاعره
هيلين الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لثورة الحسين
__



الك يحسين هالونه النون بيها./
من يوم نولدنا نستمع ليها./


من يوم الولاده رافكينها.
امنه تنوح وحنا انوح وياها.
من وحنا اجنه اعرفنا معناها.
على رفض الظلم رايه نعليها/


ببطون الحناين نسمع نعوه.
جنها للحزن تنطينه دعوه.
نشارك بدمع ولا اه والوعه .
نحضر للمجالس دوم نحييها/


الله خصصانا نقيم هالماتم.
من يوم الولاده الطلعت القائم.
واليكظي حياته ابد ما نادم .
نرفع رايتها بروح نفديها /


من عمر الطفوله نعشك النوحه.
وكلوب التحبك دوم مجروحه.
مناحرنه غدت للدين مذبوحه.
وللزهره ببنها احنا نعزيها/


كل هذا الوكت وعدانه متحزمه.
لاتعرف ضمير ولا الها رحمه .
من دمانه شربت كوس مزدحمه.
وحنا ويه التضدنه شلون تاليها/


*ناعية الخيام*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للهلال (منخمش دلالهه)

اليوم زينب منخمش دلالهه
بيهه يذبح ياهظيمه هلالهه
@@@@@@@@@@
اليوم زينب تنحب الواليهه
تجري بالدمعات مدري شبيهه
ثكل مال جبال حاط اعليهه

(مخنوكه تون الحزنانه)
@@@@@@@@@@
كاعد تشبر شبر بخوانهه
شلون تنحمل تنظر لوليانهه
تنذبح والطبل يم عدوانهه

(الناس معيده وزينب مفجوعه)
@@@@@@@@@@@
يهل زينب صاحت المهظومه
ارد اشم حسين من هدومه
يغمض عيونه ويطول النومه

(باجر لو عالو بضعونه )
@@@@@@@@@@@
وارد اكض عباس من جفوفه
اعله الحنين بكلبي صارت خوفه
باجر امكطع تخاف تشوفه

(يفكدونه والكافل حيف)
@@@@@@@@@@
ارد ابوس عيون اخويه هوايه
باجر الكاهه تره مداميه
حيل ماعندي ايتحمل هايه


(والحيل وياك امضيعينه)
الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

حصریا محرم 1445
قصیده للعلیله ع شمت رایة العباس


شمت رایة العباس ــــ من تعبت العلویه

ـــــــــــــ🏴🏴🏴ـــــــــــــ

من زاد المرض بیها
وشتاگت لهالیها
بس الله الیجویها

علیهم حیل محنیه
شمت رایة العباس ــــ من تعبت العلویه

ـــــــــــــ🏴🏴🏴ـــــــــــــ

غمتت روحها الفرگه
حته الدمعه محترگه
غیر الضیم وشتلگه

اتون من الصباحیه
شمت رایة العباس ــــ من تعبت العلویه

ـــــــــــــ🏴🏴🏴ـــــــــــــ

تون من الفجر لللیل
والمدمع دموم ایسیل
حته اوشاله من الحیل

ما ضل یالولي بیه
شمت رایة العباس ــــ من تعبت العلویه

ـــــــــــــ🏴🏴🏴ـــــــــــــ

عمت عیني علی الوالي
خلاني ابطرگ حالي
بس الدمع یبرالي

ما احمل مهضمیه
شمت رایة العباس ــــ من تعبت العلویه

ـــــــــــــ🏴🏴🏴ـــــــــــــ

بادت روحي یاهالناس
وشم ابرایة العباس
اعتابي ما بعد ینداس

مروا یا هلي اعلیه
شمت رایة العباس ــــ من تعبت العلویه

ـــــــــــــ🏴🏴🏴ـــــــــــــ
تمت بعون الله تعالی
کلمات یاسمین الشموسي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لليوم الاول

لبسينه السواد عليك
والرايه رفعناها

ا===============

جينه للعزه جينه
عليك نعازي مهدينه
وللزهره تعنينه
نون ونة حزن يحسين وياها

ا===============

اه يحسين يالغالي
يالساكن بدلالي
عليك النوح يحلالي
يبن المرتضى وطه

ا===============

هل شهر الحزن يحسين
مانشفت عليك العين
الك مولاي مديونين
الشيعه بثورتك ظل عالي لواها

ا===============

الله بيك علانه
يحسين انت مولانه
خل يسمع العادانه
حزن بس بيه نتباها

ا===============

حزن بس بيه تعلينه
مناظل مات ابو سكينه
ولا فد يوم ملينه
وثيقه سيدي بالدم كتبناها

ا===============

نفده ارواح منبالي
بس اسمك يظل عالي
انت عالگلب غالي
وامك عاهديناها

ا===============

ام تبارك الخفاجي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصـيده حــربيــه الابــو فاضل ع

❥❥ـــــــــــــ❁❂❁ـــــــــــــ❥❥

خـيط رايـتـه بشـيـله المـعـدولـه
بعدوانه ابو فاضـل لعـب جـولــه

❥❥ـــــــــــــ❁❂❁ـــــــــــــ❥❥

خيـط رايـته مـن شـيـله الــحـره
حالف علنهـر بيهم يحط كســره
عباس ونزل بالحـومــه شيـكدره
{ الـرايــه وجـفه // يـدك بيـهه}

❥❥ـــــــــــــ❁❂❁ـــــــــــــ❥❥

طش عدوانها وتمركز السـاحــه
شد كحيـلتـه ويـزامط اسلاحــه
ويـا عباس بيهم صـاح صياحــه
{ اتمـركز بطف // واهلك عياله}

❥❥ـــــــــــــ❁❂❁ـــــــــــــ❥❥

الملعب بس الك كالت البدويـه
دك المشـرعه وطشـر الـحربـيه
الـــك دمــام دك يوم العزوبيــه
{ ياهو الغاضك // وامك بدويـه}

❥❥ـــــــــــــ❁❂❁ـــــــــــــ❥❥

حط بجربـتــه روس اليضدونــه
اخـوكم بالحرايب شايعه فنونـه
يـاشيـخ الهواشهم تحدج عيـونه
{ عبــاس الشدها // وطب ليها}

❥❥ـــــــــــــ❁❂❁ـــــــــــــ❥❥

صيتك عـابر الــدوله يبو فاضـل
وزينب بالمراجل حيـت الـكافـل
خويه وداعتـك ماوصل كل عايل
{ اختك من هوست// يالعـباس}

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه نصف بحر طويل
لليوم الثاني

وين اهل المروه اليوم
شالوا وين نيتهم

---------
شالوا وين هالنيه
ابو اليمه وغواليه
هم الهم بعد جيه
لو هيهات ردتهم
==============
كل العايله اخذوها
والديران سدوها
خافن مايردوها
وليها بعد شيردهم
=================

مسدود النزل ظلمه
عنه شال ابو اليمه
على اعياله كثر همه
طلعوا من وطن جدهم

=================
مسدود النزل خالي
عنه شايل الوالي
وانه شصاير ابحالي
روحي والفكر عدهم
=================

حسين محمل اعياله
وياه محزمه ارجاله
وعباس العلم شاله
اشحده اليوصل الحدهم

=================
اشمحله رفجه الاخوه
وياهم كعدتي حلوه
هيبه وللكلب سلوه
ريت الروح فدوتهم

=========================
✍️✍️ام حسين الهلالي
اسالكم الدعاء لي ولوالدّي
لا اجيز شرعا حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

رداديه لحضور الزهراء في المجالس(طور عريس الولد)
~~~~
كومن ياخواتي لطمن ويانه
دخلت للعزه ام حسين حزنانه
~~~~

دخلت للعزه كومو تلقوها
هاي ام الحسن يالماتعرفوها
مكسورة ضلع ويلي دشوفوها
وعالمظلوم تلطم حيل تعبانه
~~~~
من ماتم الماتم تبجي وتنعى
هنياله الذرف وياها الدمعه
ويلي لوتشوفوا الزاجيه البضعه
وبعاشور من الهظم نحلانه
~~~~
واسوها بدموع العين واسوها
هاي ام الحسن مفجوعه تدروها
ابنها منذبح والركبه علكوها
قلبها منصدع والروح حيرانه
~~~~
كعدتها بعتبة الحسينيه
بيديها قميصه وتبجي يوميه
يامظلوم يامحروم الميه
تنعى بصوتها والعين سهرانه
~~~~
تاملو زين ام الحسن ونتها
المله لوذكر زينب بنيتها
تلطم راسها وتعلي صرختها
اويلي تصيح هاي الدنيا خوانه
~~~~
بيت الدعاء
الاهي بجاه ام الحسن والعتره
المهدي المنتظر عجلي في امره
نار البالقلب سيدي مستعره
ونار فراك هجرانك الجوانه

~تمت ~
بقلم خادمة الزهراء البصراويه
20/7/2023

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مع هوسه للحسين ع


طاح حسين فوك الكاع
والتمت الخياله

➖➖➖➖➖➖
طاح وحركو الصيوان
ضلت شابه النيران
ضلت تصرخ النسوان
( اموذرينه لحسين بكونه)

➖➖➖➖➖➖
حسين يهملن عيونه
من شاهد المحزونه
وخيه مكطعه متونه
( مكسريها لحسين ضلوعه)

➖➖➖➖➖➖
الخيل التمن اعله حسين
بجسمه خلت نياشين
يخيل شمالج ادوسين
(محد شاله ابن امي يون)

➖➖➖➖➖➖

يون ومحد الشاله
شاف مفرهده عياله
ماواحد تدناله
( مالوم حسين اعله عياله)

➖➖➖➖➖➖
وظل يعالج بروحه
يروح احسين مجروحه
احلامه صفت مذبوحه
( خربانه ارسوم ابن امي)
➖➖➖➖➖➖
تمت بقلم خادمه اهل البيت
الشاعره
هيلين الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للنزول

راح احطن رايتي خويه فوك خيامج
@@@@@@@
راح احطنهه بعد
حته مايوصلهه احد
بيهه لبوه بت أسد

(يطب ليهه محد ياختي)
@@@@@@@@@
راح اكابلهه واظل
خادمج ابو الفضل
صوتج انه والفعل

(اشريلي وانه اكضي الحاجه)

@@@@@@@@
رايتي فوك الخيام
رغد تكضينه المنام
ومن تطيح اقري السلام

(يعني العباس امكطعينه )
@@@@@@@@@
سالمه خيامج تره
لوطحت عالكنطره
انتي مو زلمه مره

(بس تعادل جيش بحاله)
@@@@@@@@@
انه مااخافن عليج
بضيجتج اشري بديج
راسي مكطوع ويجيج

(لتظن زينب اكطع بيهه)

الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك