الى قائد الغر المحجلين امامي علي

دك دمامها ورتجت الكوفه
يوم الله اكبر لعبت اسيوفه
〰️〰️〰️〰️
لابن عم الرسول اليوم ونينه
صدك هذا  الخبر راسه مطبرينه
حسافات واسف  ينضرب ولينه
(مصوبينه شلون الحيد)
〰️〰️〰️〰️
حزنانه السمه ولارض وياها
هذا بلمعارك زلم بجاها
ذو الفقار سيفه  الدنيه رجاها
((حملاته عنوان تسولاف)
〰️〰️〰️〰️

يطر شطرين سيفه  الكابله فنه
  بسمك ياعلي عنوانه الجنه
  تلوك بمجلسك محلاته الونه
(  الشايل حيد من الساده)
〰️〰️〰️〰️
نتباها بولاية حيدره واسمه
. شلون على الجبين يسيل يا دمه
   ابن عم النبي  وشيخ العرب عمه
(( يشيعونه املاك الهيبه)
〰️〰️〰️〰️
  يطبر هامتك  غدار ابن منجم
  جرحك ياعلي الكل محب يلجم
    اسمك معجزه  ولكل عدو يرجم
(اسمك بلوح معلكينه)
〰️〰️〰️
انته الحك ياحيدر وانته برهانه
  بيوم الاخره   نرجاك يحمانه
       ابو الحمله علي ما يوم ردانه
(تجايه اسمك للشيعه)
〰️〰️〰️〰️
✍🏻بقلمي الفقير خادمه البتول المله ولشاعره ام نادين المحمداويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه ل الامام علي عليه السلام
تقرء بعدة اطوار
==========

شخصيه وصدر ديوان
     
للكلفات  يردونه

₩₩₩₩₩₩₩

شجاع ومايهاب الموت

بحيل على المنيه يفوت

يشردون العده من الصوت

(وتخاف الزلم من خزرت عيونه)

₩₩₩₩₩₩

  شخصيه وگف وگفات

بزود على المنيه فات

بفراش النبي من بات 
     
( كفو يابو الحسن كلهم يهابونه)

₩₩₩₩₩₩

صولاته  ابدر  وحنين

خله  العده  مذهولين

هاذا بو الحسن وحسين

(من صوته العده كلهم يخافونه)

₩₩₩₩₩₩

  ذراع المصطفى الايمن

   بلميدان     يتقدم

    تسلم  ياعلي  تسلم

(حتى النبي يصرخ ياعلي العونه)

₩₩₩₩₩₩

بيوم العده طشرهم

  شطر نصين مرحبهم

شحده  اليوصل الحدهم

(شجاع وما يهاب الكل يعرفونه)

₩₩₩₩₩₩

نخوه ومرجله وايمان

تشهد صولته العدوان

  تسلم ياعلي الذرعان

(گدها بو الحسن لمن ينخونه)

₩₩₩₩₩₩

  الكلفه  انته  راعيها

  وتحلها وتشد  بيها

  عيون العده تعميها

(يخافونه العده محد وگف دونه)

₩₩₩₩₩₩

وسفه  طبرو  الهامه

دم  خضب  العمامه

ضلت  شيعته  ايتامه

(راح الچان كل ليله يفگدونه)

₩₩₩₩₩₩

فده  روحه  لجل  هلدين

هاذا  ابو  الحسن  وحسين

يشردون  العده  صوبين

(يعرفونه بطل كلهم يحسبونه)

==========
الى شرف النبي واله الطاهرين بنية تعجيل الفرج
نسألكم الدعاء خادمة ال البيت وخادمتكم الحجيه ام علي

لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية لامير المؤمنين ع                         1
        ****

وسفه اشلون ابو الحمله يغدرونه
بشهر رمضان عالهامه يضربونه
***
بالمحراب طاح وسالت ادمومه
ياوسفه علي چي ماکمل صومه
مندومه اعله ابو الحسنین مندومه

یغدرونه اشلون الحید
****
ابو الحسنین یاوسفه یغدرونه
ویا دم الجرح نازل علی اعيونه
والایتام عالباب ویتانونه

یریدونه وایتامه الیوم
**»»»
اعلی الباب وکفت تنحب ایتامک
حزنانه علیک وواکفه ابابک
عمت عین اللعین اشلون من صابک

ایجر سیفه واشلون اعلیک
****
اشلون اطیح وانته القالع الباب
وبالمحراب کالو حیدر انصاب
وینزف جرح راسک بویه ماطاب

انداويهه والهامه اشلون
#**
ماطاب وکلف اصواب البراسه
ویاطبرت الهامه اشلون حساسه
ابویه هالکضه اوبااخر انفاسه

یودعونه ایرید اولاده
×*
بقلم ✍️عاشقه العباس الشاعرة ام عراق الشمري
لا يجوز حذف الاسم شرعا
وغير مبري الذمه لكل من ينسب الكلام لنفسه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للامام علي ع
•───✧◐🕊﷼🕊◐✧───•

يازينب عمامة علي ضميها
وديعة لكربله ولحسين خليها

•───✧◐🕊﷼🕊◐✧───•

ابوج اعمامته ضميها يالحره
لخيج خلها من توكع علئ الغبره
يازينب نشد بيها جرح نحره
بالعمامه جروح حسين شديها

•───✧◐🕊﷼🕊◐✧───•

باجر من يطيح حسين يازينب
تتكطع اوصاله وجثته تتسلب
من حر الصواب يلوج يتكلب
تتنازف دمه جروحه تشوفيها

•───✧◐🕊﷼🕊◐✧───•

عمامة والدج ضميها هالليله
عن الشمس بيها حسين فييله
بخيول العده تنرض مفاصيله
يبقئ يلوج واعضامه مكسريها

•───✧◐🕊﷼🕊◐✧───•

الليله والدج زينب تفكدينه
ومسموم الحسن بعده تشوفينه
حسين اعله الارض باجر تعوفينه
وضعون الهواشم شمر يحديها

•───✧◐🕊﷼🕊◐✧───•

مكتوبه تشوف مصايب اهوايه
ابو فاضل يضل فوگ المسنايه
يصوبونه بجبينه وتوكع الرآيه
وعلئ جرف النهر رايته يخليها

•───✧◐🕊﷼🕊◐✧───•

بقلم خادمة اهل البيت ـ ع ـ
الشاعره المله نورس الحلفي
اسألكم قراءة سورة الفاتحه الى روح والدتي ولأمواتكم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

رداديه


وهذا  الكون  راعيه مشه وين
وحكج ها يزينب من تونين
➖➖➖➖➖➖
وحكج ها يمحزونه تلطمين
تره فكد العزتز ايودر العين
يالماتو هلج كلهم شياهين
من شالو هلج كمتي شتكولين
محتاره عله واليج تنحبين
صبي ادموع يالحره عله الزين
الطمي اعله المتن يامن تعزين
يدار الشيدج كلهم مطاعين
عليها اغبار صارت هالقرائين
بعد مامش اطروش اعله المرحلين
يزينب يالبقيتي بس تنشدين
بعد فراكهم كمتي  تحسبين
يالعمرج كظه من شفتي الحسين
تنشدي الدار وين اهلج صفو وين
عفتيهم ضحايه بالميادين
من شفتي الكفل وبلايه جفين
ومن شفتي السهم عاميها العين

( وحيرانه اخلاف الشالو)
➖➖➖➖➖➖

تمت بقلم خادمة اهل البيت

الشاعره
هيلين_الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصرياً من ديوان فاتح خيبر ج٢
قصيدة للإمام علي(مو سهل موتك)
❥━──➸➽❥❂❥━──➸➽❥❂
بويه بويه مو سهل موتك عليه
بويه بويه رايح وعايف بنيه
فراگك اعليه صعب ... من رحت شاب الگلب
        بويه بويه ... بويه بويه
❥━──➸➽❥❂❥━──➸➽❥
مو سهل موتك تراه يعذب الروح
والله دلالي بغيابك ينزف جروح
اگضي كل ليلي بمناحه وآه وبنوح
واشم عطرك بالنزل ياوالدي يفوح
روحي تعبهه القهر ... راح اموت من الهجر
        بويه بويه ... بويه بويه
❥━──➸➽❥❂❥━──➸➽❥
من متت يابوي دفنو ضحكتي اوياك
قاسي ويسل العضم يكتلني فرگاك
روحي كل ليلة تحن وتريد ملگاك
لحد اخر نفس بيه ابچي وانعاك
انته يا اغله البشر ... الك افديه العمر
        بويه بويه ... بويه بويه
❥━──➸➽❥❂❥━──➸➽❥
من رحت ما مرت بشفتي ضحكتي
انته شمعة بيتي وذابت شمعتي
تبچي حته الصخر ياونتي وعبرتي
ومن يگولون اليتيمه اتهل دمعتي
تذبح الكلمة ذبح ... منهه دلالي انجرح
        بويه بويه ... بويه بويه
❥━──➸➽❥❂❥━──➸➽❥
آه يا البنيه تبقه بعوز والي
يعينهه ويحميهه من ضيم الليالي
عايشه انه بنوح بس الهم صفالي
اوياك ضايع يالابو عزي ودلالي
خيم اعليه الحزن ... ليلي وانهاري اون
        بويه بويه ... بويه بويه
❥━──➸➽❥❂❥━──➸➽❥
من بعد عينك احس الدنيه خنگه
وآ ينار الشوگ دلالي تحرگه
بعد بالدنيه بحنانك وين الگه
لو يشيب الگلب گبل الراس حگه
رحت مني يالسند ... نوحي ما ابطله ابد
        بويه بويه ... بويه بويه
❥━──➸➽❥❂❥━──➸➽❥
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه حول الامام علي


*اليله ام الخدر.  شايل الرباها*


*انشد احزامنه.  وانروح وياها*



نمشي انكابل الفاركت غاليهه
انشد احزامنه وزينب نعازيهه
تعاي وياي والونات عليهه
*عله الغرب ابوها وما نسيناها*



محزونه العقيله وشال والدهه
وكبل العيد ابوها بحزن عايفهه
خلصان وتون كل حال ماعدهه
*وخلافه تظل ماتكطع ابجاها*



تظل اخلاف ابوها العين مجريه
وشيعوده بعد والعشره مگضيه
تكول ام الخدر وينج يشيعيه
*عله ابوي وياي والونات محلاها*



يستاهل مناحه الخلف الساده
عليه مكدره الصوبين واولاده
اليله من للنزل يروحون جنازه
*صوب المكبره والعشره فلاها*



مشو صوب النجف وانكاب شدوله
وبيرغ بالحزن هليله شالوله
دگ دمامهم واحداد حطوله
*الكوفه محزنه وابنوح خلاها*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له ج


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  للامام علي ع

بيش  انهاب   يالغمضت العيون
يصكار  الحرايب  نومك شلون
............
ميال الدهر  وايميل  ميلات
يريد  ازلام  كضايت العتبات
كلي  شلون  لوكثرت  الونات
وانته ياعلي  بالحد  مدفون
...........
الك يوم الاريدك تحضر وياي
لونامو  سوه عالكاع   ولياي
خاف ايصير فوك النوك ممشاي
والخوان  عالغبره  ينامون
..........
فوك النوك مشدوده  بالاحبال
وفوك  ارماح راس حسين ينشال
لومريت  عالكوفه   بالعيال
وامر  عليك  وعيالي  يصرخون
..........
اريدك  لزمان  وغدر  الايام
شلون تعوفني بضيم وتنام
يزماط  الزلم يارفعت الهام
غدار  الدهر  ويغير  اللون
..........
بيش  انهاب  لوغطاك التراب
وتعيل  الزلم  ياداحي الباب
هواي اعاتبك يالتسوه العتاب
ينايم  بالترب  رد  اليعيلون

✍ام زينب كربلاء غير مبري الذمه من يأخذ الكلام وينسبه كلام او يحذف الاسم مطبوعه الجزء العاشر الماسي الفاطميه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي حول الأمير علي ع



اكعدلي خل نكعد سويه
واشد الجرح  بثنين اديه
حيلك ركد  سوده   عليه



انشلت ايده الصاب راسك
وينجاس كلبه يوم جاسك
يا  سبع ونخمدت  انفاسك



اكعد   يبويه  وافتح  العين
اسم الله عليك النوم موزين
ياجرح بويه اليوجعك وين



وجعان  اسمعك  تجهر  الاه
الصابك   يبويه  الله  لنطاه
اليوم  اصيح    احاه   بحاه



وين الجرح دليني اداويه
وكلي يزينب حيل  شديه
الصابك يكون نشلت ايديه


يالصوبيته  اصواب بيدك
ولا   تهنيت   بهذا   عيدك
هم   وحزن.  الله   يزيدك


✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصرياً قصيدة للإمام علي(عله افراش الموت)
((وزن قصيدة گلي يالميمون))
❥━──➸➽❥❂❥━──➸➽❥❂
عله افراش الموت نايم گبالي
صعبة يا هالناس فرگة الغالي
❥━──➸➽❥❂❥━──➸➽❥❂
من امس لليوم ابچي لمصابك
ما نمت ليلي
بيش اشدنه كلف يصوابك
هدملي حيلي
والحسن وحسين وباقي احبابك
نادت يويلي
تگابلينه بنوح والدمع هالي
والهم صفالي
❥━──➸➽❥❂❥━──➸➽❥❂
التمت الأحباب ابيتك الليله
آ يا ولينه
اعليك ونينه المدمع نسيله
بحسره ونعينه
لونك المخطوف بويه ماذينه
ونصفج بدينه
لا تروح دخيل تخيب آمالي
والهم صفالي
❥━──➸➽❥❂❥━──➸➽❥❂
بعبرتي ناديت بويه لا ترحل
تتركني وحدي
تيتم اعيالك شلون اتحمل
دمعي اعله خدي
موش وكته الموت ياعلي تمهل
من يبقه عندي
لو متت يابوي بالهضم حالي
والهم صفالي
❥━──➸➽❥❂❥━──➸➽❥❂
بويه جاي العيد بيك فجعونه
ويامن نعايد
شاهدت وجهك منخطف لونه
والحيل بايد
منهدم حيلي وگلبي شلونه
امدد الوالد
بيه انه اشلون افگد الوالي
والهم صفالي
❥━──➸➽❥❂❥━──➸➽❥❂
اظلم اعلينه يا شهر رمضان
من ودعتنه
بالحزن والنوح والقهر وأحزان
يخلص وكتنه
بحسره حاچيته والدمع جريان
يل دللتنه
لا تفارگني انفطر دلالي
والهم صفالي
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

تقبل الله صيامكم وقيامكم وصالح الأعمال، عيدكم مبارك وكل عام وأنتم بخير وصحة وعافية، أنتم ومن تحبون جميعًا بإذن الله تعالى.

شده لهدم قبور أئمة البقيع ع
****
يايوسف الزهره كوم وابنيهه
اكبور امهدمه التراب غاطيهه
****
يوسف فاطمه ليوين تنتظره
يعكوب بقميص ابنه لكه البشره
عميه وتنتظر وعيونهه حمره
بغيابك تون وحدك تداويهه
****
تلاكت بالبقيع وياك بالدمعه
تصيح بصوت يبني وصوتهه اتسمعه
يبو صالح إلك ثارات للبضعه
تحسب للفرج وظهور مهديهه
****
تكله ابني الحسن جاوين بيبانه
مهدوم الكبر بأحقاد عدوانه
لريحانة محمد انتحب آنه
وهموم الكلب يم راسه احجيهه
***
علي السجاد نايم بالكبر مهموم
احجارات البقيع اتون عله المسموم
يبن حسين احاجيك بكلب مهضوم
وين اعلك شمعتك وين اخليهه
****
عله الباقر انوح وكلبي يتفطر
وتراب الكبر من الشمس احمر
سكف ماكو و لاكبه ولامنبر
مناراته شوكت يبني تعليهه
***
الصادق بالسموم موذره جبده
مات بهالشهر واحباب ماعنده
ممنوعه الزياره وابني ظل وحده
ولاموكب وصل لأمه ويعزيهه
**
أم علي


https://tttttt.me/joinchat/AAAAAELdvGssZMurwfLsJA

فزاعيه لصادق ع نعزي مولاتي الزهراء ع

ماتم نصبت ام حسين
كومن  خن اعازيها

نصبت ماتم المسموم
حزنانه  وتون اليوم
اصيح بصوت يامظلوم
نحيله وحيل مابيها
...........
لصادق تجر  ونات
وبسم العده من مات
تذكره وتجذب الحسرات
وتريد   اليواسيها
...........
بدمع اعيونها تنادي
تصيح احاه يولادي
عليكم ذايبه افادي
ياونه  التون  بيها
...........
كلبي محمل ومجروح
الصادق عالج ومطروح
واترد   الونت  المذبوح
وتلطم  غدت  باديها
..........
كومن ننحب  وياها
جم صواب بجاها
اليوم اتسيل عيناها
وبالونات    عينيها
...........

✍ام زينب كربلاء غير مبري الذمه من ياخذ الكلام وينسبه له اويحذف الإسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

على بركة الله عدنا اليكم ياخدام الحسين
11/6/2023م
22/ذي القعده /1444

نزله للجواد ع
**
يمسموم عيني لجلك باكيه ٢
**
عالجواد دموم تجري  عيون عرش الله العظيم
وضجت الاملاك تنحب  ياسميع وياعليم
عالشباب الماتهنه بعمره  ومصابه الاليم
لجوده تشهدله الاعادي  وجده ابو الحمله القسيم
يمسموم بكلبي نارك ساريه
يمسموم عيني لجلك باكيه
**
انته بحر من المعاجز  لغز حل المعضلات
اتعجبت كل العقول لهالعلوم الباهرات
بزغر سنك ياإمامي  وتحل كل المشكلات
مثل يحيي النبي بحكمك  يبن خير الكائنات
يمسموم تالي جبدك ذاريه
يمسموم عيني لجلك باكيه
**
سمتك ام اللئامه  ودست السم بالشراب
وابد مارحمت شبابك  سيدي بعدك شباب
بلادفن ظليت وحدك  بالسطح فوك التراب
مثل جدك ابو اليمه  بالشمس نفس المصاب
يمسموم بهالمصيبه القاسيه
يمسموم عيني لجلك باكيه
*****
إ لفيض جفك ياإمامي تنظر عيون العباد
تمطر بكل لحظه رحمه  ياحبيبي يالجواد
انته باب الله الوسيع  الينعرف باب المراد
الليله كلبي مثل بابك  من توشح بالسواد
يمسموم ويه الكلوب الصافيه
يمسموم عيني لجلك باكيه
****
جبدك الضامي التوذر  عاش في كل العصور
مانسينه مصابك احنه  انجدده ليوم الظهور
نتاني ثارك كل مسيه  يمته مهدينه يثور
يطفي نار الكلب يمته  ودمك الطاهر يفور
يمسموم يفني كل الباغيه
يمسموم عيني لجلك باكيه
*****
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للجواد ع
.........

اليوم امكدره اهل الدين

والايات محزونه

ياشيخ العلم واعدا يسمونه
.........
اليوم اعله الجواد اتنوح

الضل فوگ الصطح مطروح

مثل جده الگضه مذبوح

ثلث تيام جسمه مايشيلونه
.
..........
مسموم ويلوج  ابليل

وحده وباد منه الحيل

ولحسين الدموع اتسيل

يذكره من بقه ابكونه
.........
اليوم اهل العلم تنعه

واليهم طفه شمعه

بركان العلم صدعه

شباب ومايرحمونه
.....

شبابه راح ياوسفه

وبسم العده يطفه

بعده ارويحته ترفه

ومن دنيا يحرمونه
........

شلهم هل العده شلهم

وي ال النبي اتضدهم

عاشت بل الحقد الهم

ولحيدر يكرهونه
.....

تكره حيدر العدوان

وكل ولده بني سفيان

ذوله اتباع للشيطان

ابكل حاجه يتبعونه
.......

لبن المصطفى اتضده

وسمهم گطع لچبده

الملعونه مثل جعده

غدرة بي الملعونه
.....

ام عمار العيساويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للجواد ع
*****
تصيح ام الحسن فاجعهه المصاب
تلجم بالكلب ياموتة الشاب
*****
يبني يالجواد بنوحي اتعنه
حكي لو أون اعليك الف ونه
شباب وبالعمر ياناس متهنه
كلبي بحسرته من الحزن ذاب
*****
أون إعليك يامظلوم واتحسر
جبدك بالسموم يذوب واتفطر
تموت ابلاعشيره مثل ابو الاكبر
اللعينه ام الفضل سدتهه الابواب
****
عله مصابك ييمه بالكلب لجمات
بعد موتك غريب وبالسطوح تبات
ثلثتيام مامدفون والعادات
ابنادم من يموت اتشيعه الاحباب
*****
من حر الشمس متغيره ارسومه
مثل جده الغريب الطاح بالحومه
فرق عنه الحسين امسلبه هدومه
الجواد يظل عدل مالاحه ابد نشاب
*****
ألطم عالضلع يبني وعمت العيون
أشيعك للكبر جيت اويه اليشيعون
بلاراس الحسين بمنحره مدفون
دمعي من دموم بكل وكت سجاب
*****
يمه من البجي والنوح تعبانه
هاجت بالكلب لمصابك احزانه
علي الاكبر ذكرته ابين عدوانه
امغسل بالدموم ويندفن بتراب
****
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

على بركه الله نبدا بنشر برنامج محرم 1445م/2023 ه

العشره الاولى بالترتيب ان شاء الله
اشترك بالقناة ليصلك كل ما هو جديد👇

https://tttttt.me/joinchat/AAAAAELdvGssZMurwfLsJA

قصيده للهلال [جريمة قتل]

عاشور لمن تهل **تراويني جرح وطفل
يامعظم امصيبتك **بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
ماينسكت هاي الجريمه اعليها
يهلال شهرك بالحزن چاويها
گدام زينب ينذبح واليها

وتشوف نحر ودمه **وضلوعك متهشمه
يسحگ اعليها النذل**بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
عاشور من تهل أظل محزونه
وشيخ الهواشم غمضاها عيونه
رحت النهر خاطر اطلبه بعونه

واخجلت شفت السهم **ومغطي عينه بعلم
ميت ومني خجل**بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
وحسين اشوف مسلبات هدومه
وتمارس الحومه من وگع بدمومه
من طاح رأسه تيهيت ارسومه

اركض واصيحن عليه **بلكي يأشر بديه
يتضيع المنچتل** بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
يهلال كل هذا وبعد فجعونه
شنو ذنب عبدالله ويجتلونه
وبحضن الحسين بسهم يرمونه

وامه تشوفه برمح** ومتنام ليل وصبح
شيشيل عني الحمل**بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
وتبدي المصايب من حرگ هالخيمات
ولليسر ينگادن تره العلويات
وبقصر ابن مرجانه طبن وسفات

خبرو عباس النشم **زينب أبين الزلم
لكل فعل ردة فعل **بيها جريمة قتل


الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حـصـريـاً
#الشاعرة_نورس_الحلفي
#قصيده للهلال
        ــ❁ــ❁ــ❁ــ

ياشهر المصايب لاتعذبني
اخافن بيك تتذبح خوال ابني

      ــ❁ــ❁ــ❁ــ

ياشهر المصايب جايني بلوعه
تريد تخلي زينب بعد مفجوعه
نشدت حسين عنك هلن ادموعه
چنه يگول بيامك يفارگني
ياشهر المصايب لاتعذبني
        ــ❁ــ❁ــ❁ــ

ياعاشور شنهو البيك يجرالي
گلبي يلوج منك عذبت حالي
اشوفه يجر صفنته وحاير الوالي
اضن حسبه بدليله ومايعلمني
ياشهر المصايب لاتعذبني
         ــ❁ــ❁ــ❁ــ

انشده شبيك خويه وينضر بعيني
يصبرني شويه لو يسليني
راح لكربله الوالي يوديني
بس هاليوم باجر يرتحل ضعني
ياشهر المصايب لا تعذبني
      ــ❁ــ❁ــ❁ــ

چنه اعله السفر ناوي ابواليمه
يگصد للطفوف وينهدر دمه
لبن امي يروحي اليوم متالمه
شفت حسين حيران وكثر وني
ياشهر المصايب لا تعذبني
      ــ❁ــ❁ــ❁ــ

هل شهر المصيبه وانخطف لوني
شفت حسين يمي وهلن اعيوني
اخافن لو مشينه العده يهضموني
وانه مدلله والهضمه تلچمني
ياشهر المصايب لا تعذبني
      ــ❁ــ❁ــ❁ــ
بقلم خادمة اهل البيت ـ ع ـ
الشاعره المله نورس الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك