قصيده للرسول محمد صل الله عليه وآله وسلم


أبوي أشلون عافاني يتيمه
يا وسفه أو هضيمه
چان أعليه أبو أبراهيم خيمه
يا وسفه أو هضيمه
ضمه أتراب الأگبور ... هذا الچان الي سور
يا وسفه أو هضيمه
يا وسفه أو هضيمه
❥━──➸➽❥❂❥━──➸➽❥❂
وينه والدي خلوني أشوفه
وياه أرد أبات أو ما أعوفه
كعبة شوك چان أو لليطوفه
ياوسفه الرمل غير أوصوفه
حيف اليوم مفگود ... خله الحيل مهدود
يا وسفه أو هضيمه
يا وسفه أو هضيمه
❥━──➸➽❥❂❥━──➸➽❥❂
يوميه أذكر الحلوه ضحكته
وأذكر ذيچ أيامه أو گعدته
أصدن خاليه أو ضلمه حجرته
حمل للگبر نام أبحفرته
يا جد بزري وينك ... بعد ماشوف عينك
يا وسفه أو هضيمه
يا وسفه أو هضيمه
❥━──➸➽❥❂❥━──➸➽❥❂
ريت الموت ياخذني أو يخليك
ولا شوف الرمل بويه يغطيك
ساكت ليش ما تحچي أمن أحاچيك
يعميني الدمع من أبچي أعليك
يالبلروح أنه أهواك ... خلصت عشرتي أوياك
يا وسفه أو هضيمه
يا وسفه أو هضيمه
❥━──➸➽❥❂❥━──➸➽❥❂
ضماك الگبر بويه يالأحنين
وأفراگك كلف وأيعذب حسين
يا شيخ الهواشم يا ضوه العين
سهمي أخلاف عينك نوح وأونين
شيردك عليه ... يا راعي الحميه
يا وسفه أو هضيمه
يا وسفه أو هضيمه
❥━──➸➽❥❂❥━──➸➽❥❂
أنه الزهره لن أنته أصبحت ماي
أريد أوياك أموت وهاي رجواي
بشرني قبل لا ترحل وهاي
بيهه الفرحه ما توصلهه دنياي
بعدك روحي تطفه ... لا تضن عيني تغفه
يا وسفه وهضميه
يا وسفه وهضيمه
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٩ من شهر صفر الحرام
الموافق / ٢٠٢٢/٩/٦

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 

وفاة الرسول الاعظم صل الله عليه واله

فزاعيه


تون اليوم عالهادي الزجيه

يبويه لوعفتني شلون بيه



تون اليوم والدلال يلهب

انه بفركاك دلالي تصوب

عينك لاتسدها وشوفني انحب

يبويه اروح وين بيا نويه



يبويه الروح ماتصبر بلياك

شلون اصبر دكلي خلاف عيناك

يريت الموت بويه يصير وياك

ويريت بساع تاخذني المنيه




اريد وياك اتوسد بلحدك

يابويه وانه اتمدد بكترك

عمت عين الزمان الي يغدرك

بويه شكد شفت ضيم واذيه





بويه فركتك مانكدر الها

بنيتك ليش خليته حملها

تدري تون يبويه خلاف اهلها

تدري تعيش بالضيم واذيه



الله يساعده اليفكد احبابه

يكبر بالكلب ضيمه وعذابه

شلون اكضي العمر كلي ييابه

جنت وياي سلوه والتجيه



انت سلوتي وسور الي الفيي

انت كل سند بالضيج يكفي

كلبي بفركتك ذبيت حملي

وين انطي الوجه وشلون بيه




ام زينب السعداوي ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لرسول بطور باسم كربلائي
خطار اجاني

.......................

اليوم الرسول ايوصي بعياله
والزهره تبجي بدمعه هماله

صاحت يبويه لاتخليني
عگبك يبويه الگوم تاذيني

              ويلي
.................................


فراكك  امصابك  يابويه شفته لعلتي اجماله
اهمومي بيومي  يخلص عليه بدمعه هماله
اشبيهه احجيهه كومك بعد مارايده اوصاله

يخلوني بعدك دمعتي تجري
وي عمر ابويه انه خلص عمري

ايكسروني ضلعي  انه ويهظموني
وبره المدينه اله يطلعوني

         ويلي 
................................

روحي اجروحي تلجمني والله بغيبت الوالي
ليه بيه يزود الحزن والضيم ياحالي
منهم كلهم يابويه اشوف اصطره يالغالي


منهم اشوف اللوعه والونه
بعدك يبويه من يضل النه
         
بيت الحزن بويه يبجوني
ابني يموت وصطره بعيوني


           ويلي

...................................

صعبه غربه اهل السقيفه مايرحموني
زحمه  لجمه بخدي يبو  ابراهيم صطروني
اوصيتك بيتك يطبونه عكبك بي يضلموني

يابويه روحي لفركتك تسعر
نار ابدليلي وحزني يتوجر


ابجي اعله عودي مايخلوني
وبالسوط وبمتني يضربوني

          ويلي

.....................................

كلهم گلهم  هاي الوصيه فاطمه البضعه
مني  امي ام الحسن  بس تسجب الدمعه
ايحجي وتبجي تعرف طبعهم مو مثل طبعه

ذوله الصحابه امن الخطر اخطر
ضلع الزجيه بعده يتكسر

خافن عكب عينك يضلموني
بكسر الضلع ووليد فجعوني

            ويلي

................................

الحاقد يعاند يحرگ الباب ويصگط المحسن
يعصر يشمر باب الزجيه وكلبه ابد ميحن
ربعه بسرعه شبو النار  وفاطمه اتون

الكرار يبقى محد ابحاله
والزهره حالته اصعب الحاله


مات النبي وبعده يجافوني
ابجي اعله ابوي وكومه ملوني

          ويلي  

.................................

✍️خادمة اهل البيت ام ابراهيم الحلفي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للرسول الكريم ص
========

مغرب  وين

ياسيد  يمرسول

ظلمه الدار بتك فاطمه تگول

========

وين تريد بويه وعايف الدار

وماتدري يغالي بحالي شصار

شعلو بابنه يابويه بلنار

وعصروني / وصحابك بويه

🖍️🖍️🖍️

عصروني بحقدهم بويه بلباب

وجمعوه الحطب ما ادري الاسباب

وترسو دارنه دخان عطاب

وشعلوها / والنار ابابي

🖍️🖍️🖍️

ظلمه الدار من بعدك يوالينه

اگعد بويه اگعد ونشد شبينه

من يوم الرحت يلوالي ذلينه

واذونه / يابويه اصحابك

🖍️🖍️🖍️

مغرب وين گلي وعايف احبابك

ماراعو الذمه وبتك اصحابك

شعلو نارهم يابويه بعتابك

وسطروني / ماهابو حيدر

🖍️🖍️🖍️

ماهابو الحرمه تعدو عليها

گوم اگعد يوالي وشوفها شبيها

تراهي الالم والاحزان گاضيها

وگاضيني / يابويه فراگك

========
خادمة ال البيت الحجيه ام علي البصره
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شور للرسول ص نفس طور ابو فاضل للرادود سيد قاسم الشخص
*
ابو القاسم   ابو القاسم
**
تناديك الزجيه
عفتني هالمسيه
يبويه رد عليه
منو غيرك إليه
ابو القاسم   ابو القاسم
****
الوصيه خالفوهه
وبتك مارعوهه
ورثك يمنعوهه
ضلوعي كسروهه
ابو القاسم   ابو القاسم
****
كلت حيدر خليفه
وغدر اهل السقيفه
عله الزهره العفيفه
الجرح باقي نزيفه
ابو القاسم    ابو القاسم
****
من البجي امنعوني
يبويه روعوني
وره الباب اعصروني
المحسن سكطوني
ابو القاسم    ابو القاسم
*
ولاجني بضعتك
توصيهم سمعتك
يبو القاسم ندهتك
عليله الزهره بتك
ابو القاسم   ابو القاسم
*
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لنبي محمد صل الله عليه واله

محزن الكون  المصابه محزن الكون
تجري العيون الزجيه  تجري العيون

وين شايل   ياولينه 
الدنيه بغيابك حزينه

محزن الكون  المصابه  محزن الكون
...........
حزن عرش الاله وحزنت  اكوانه
تغطت  بالسواد   اليوم    دنيانه
يا يوم   الموادع   اسود   الوانه
والهم  والحزن   للراس   غطانه

يامحمد  رد   علينه
الدنيه  بغيابك حزينه

محزن الكون  المصابه محزن الكون
................
رد  الخاطري   مااكدر   الفركاك
خنكه  تصير دنيانه  بعد  عيناك
عليك  معلمه   وماارهم    بلياك
تمر بيه واشوفك وافرح بملكاك

وياك  بويه تفاركينه
الدنيه  بغيابك حزينه

محزن الكون  المصابه محزن الكون
...............
موتدى  يبويه  معلمين  عليك
ياخيمه  العلينه وياامان البيك
يابحر الحنان المايجف جاريك
كطع حبل الموده من رحل حاديك 

بويه  بفراكك بجينه
الدنيه بغيابك حزينه

محزن الكون المصابه محزن الكون
...............
بعد ياهو  الينشف دمعة البالعين
لوتنضر يبويه للحسن   وحسين
ينادونك يجدي وين شايل  وين
وحيدر عله غيابك يصفك الجفين

والكلب زايد ونينه
الدنيا  بغيابك حزينه

محزن الكون المصابه محزن الكون

...............

نذكروكفتك من توكف عله الباب
بعد عينك يبويه توحش الاعتاب
ننادي  يامحمد  والدمع   سجاب
يانار  الفراك  وغدرت   الاصحاب

يامصاب  الصار  بينه
الدنيه  بغيابك حزينه

محزن الكون المصابه  محزن الكون
.............

✍ام زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة بحق رسول الله محمد
صلى الله عليه وآله 👇👇

الدار وحشه والابـو مابيها
تزهي چانت من نسيّر ليها


آه لــو صدّيتها يهلــي الدمع
ينعصر گلبي واحسّه ينوجع
هم يعــود النه ونرد وننجمع
چان ابو القاسم گمـر زاهيها


تزهي چانت بالفـــرح مليانه
اشمحله ابونه لـو گعد ويّانه
شال حط بالمگـبره وماجانه
داره وحشه والهضم غاطيها


ابلايا ابونه الدار ما تنطب ابد
ما تدوس اجدامنه العتبه بعد
چان اقـرب ناسنه ومنه ابتعد
الدار مهـــدومه ومنو اليبنيها


خـيمة البيت التفـيي اعلينه
بابنه ايدگــــــه ويســيّر لينه
چان حنيّه وهـــــلا امغطينه
والله عين الماتشوفه اعميها


الگعده حلـوه والابو ابيناتنه
بفيّه نگعد ننجمع شــحلاتنه
بيها جمره من نجر حسراتنه
ولهبة الجمـــره منو ايطفيها


البيت بغيابــ.....لابو ماينســكن
بعد مابي ملگه لاشبگت حضن
شفنه بفراگه مــــرارات وحزن
ودمعة الهم مانشف جـــــاريها


✍️ العلوية ام علي الشرع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للرسول [صلى الله عليه واله]

اويـــــــلاه يــايــابـــــه
ــــــــــــــ❀•▣
صاحت الزهره وتنتحب
ياوالــدي يومـك صـعب
صــوب افــادي والگـلب
واشلون اطيبه ومايطيب اصوابه
ــــــــــــــ❀•▣
اصواب يومك مو سهل
ياوالـــدي ومــايـنـحـمل
تــقــبل المـهيـوبه تـــذل
نار بدليلي تسعر ولهابه
ــــــــــــــ❀•▣
نــــار بدلـيلي مـسعره
اسمع ونين الطاهـــره
يابويه ماتدري شجره
وجهك الغالي دولباني اغيابه
ــــــــــــــ❀•▣
وجهك گضتني فــرگتـه
مشتاگه بويه لشوفتـــه
حيلي المصايب هدمته
والبيت عگبك ماوصلت اعتابه
ــــــــــــــ❀•▣
شلي بيتك لو رحــــــت
ياوالدي وينك صحـــت
من سار ضعنك فرفحت
شايل الليله للگبر واترابه
ــــــــــــــ❀•▣
للگبر شايل يالنــــــبــي
ياهيبتي ويامعصـــبــي
عگبك شتمني الاجنبي
والمنزل العدوان حرگو بابه
ــــــــــــــ❀•▣
ياوالدي الباب احتــرگ
بسمار بضلوعي انطبگ
شيردون مني هالخلك
حقدو عليه والحقد شسبابه
ــــــــــــــ❀•▣
لشاعرة اهل البيت [عليهم السلام]
ام هجران العمارچيه
غير مبري الذمه من يمحو الاسم او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة حماسية للرسول ص 💔
كتبت يوم الخميس 22 سبتمبر 25 صفر


الوداع الوداع يا رسول الله الوداع

١
الزهرة نادت يا ولي
كوم يا حيدر علي
عكب ابويه ننولي
وحس حيلي اليوم ضاع

٢
وسفة يا نوره طفه
جفني ما ليلة غفه
ابيته خلي نطوفه
خل نشيل النبي بساع

٣
ومن سمعه حسين صاح
والحسن زاد النياح
ابو الزهره اليوم الراح
جان للأمة شراع

٤
ظلت الزهرة تون
تكول رافكني الحزن
عليك يعيوني نعمن
وسفة نايم على الكاع

٥
داره ظلت مظلمة
تانوا يا حامي الحمة
أبوي خلي نكلمة
اليوم كلبي عليك لاع

٦
الليلة في ليلة وداعه
كل محب يمد ذراعه
نطلب نريد الشفاعه
بحق نور النبي الشاع

٧
صاحت الزهره البتول
ياعلي فحل الفحول
شلون لو راح الرسول
ونطفه نوره وضاع


تمت بقلم
نور الهدى المياح ✍️
وضياء الخيكاني✍️

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للرسول محمد صلى الله عليه وآله وسلم
تكول ام الحسن💔😭

محنيه واتوجه اعله عصه
والضيم ماخذ مني حصه
وياغصتي المامنها غصه


راح السند راح التجيه
جامنهو ليسير عليه
ويسألني اشبيه مابيه

انه بعازت ابووعازت محنه
اعزيز الكلب مبتعد عنه
نكعد سوه وهسه فتركنه

تكله
اكعد يبويه وشوف ضلعي
واحضنني اونشف دمعي
وخفف علي آلام وجعي



توجع يبويه عصرت الباب
وكسر الضلع لساته ماطاب
نكرو وصيتك بويه لاصحاب

بنص الضلع غررز البسمار
مغشيه طحت ابعتبت الدار
ومن كل كتر تتلاهب النار


ابلياك بويه ستوحدوني
ومن ارثي يابويه احرموني
غصبو احكوكي وفرهدوني

عصروني لمن لذت بلباب
لجن ستري بكاوماطاح الحجاب
اركض كمت ولكلب مرتاب


دارو علي كلهم العدوان
ومنين مالتفت نيران
وبيه العدو يابويه شمتان


يالجان مالي البيت عطرك
تمنيت بويه يطول عمرك
واغفه وافز دوم اعله صدرك


مليان جان لبيت ونسه
ضلمه وحزن مليان  هسه
وللمكبره شال اليحرسه



لماعدها ابوتموت احنسللها
بعد جلمه هلامحديكلها
تضل بس للحزن ولنوح فنها


بعديحرم عليها الفرح للشيب
تشبع هضم لوعنها ايغيب
تكضي العمردمعات وانحيب


دارت يبويه وسفه لايام
مابين طيات الثره تنام
وراح الدلال وذيج لايام


ياروح بعدالمن تسيرين
لوضاك خلكج وين ترحين
المن باقيه احسلج تموتين


مهمومه ومخزنه جروحي
لافاد البجي ولافادنوحي
كلساعه تحن وتريده روحي


بهدومه اشم ريحت محنه
وبجدامه اشم ريحه الجنه
زغيرت عمر مشبعت منه


هالو ثراه وعيوني تربه
وضليت اشم بتراب كبره
ودمعي على الخدين يجره


ياشهكتي وياهوه انفاسي
محبس يمنتي وتاج راسي
بيك افتخر مابين ناسي


تبجي عليه بته الوحيده
بعازت حنان تكول اريده
تريدالابو التغفه اعله ايده

مليان حنيه لسانه
ياهوالبعدياخذ مجانه
ياخيمه لمغطيني بحنانه



يبو ملكه وهله يازين
وبشوفتك تتكحل العين
مامش يبويه مثلك حنين



فياي ويفيي عله بته
يحنين مامش من محنته
كله بخت وجبير بخته

✍️العلويه أم علي الشرع 💔😭


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده الى النبي محمد ص من ديوان نحر الحسين ع الجزء الثاني


*الزهره اتون لبوهه      الحّمل و شال*
*يا  يوم  الحنين           ايدوهن البال*



الزهره تون لابوها الغمضن اعيونه
يشيالين نعشه تصيح تانونه
خلونه انتوادع لا تدفنونه
اريد اعاتبه و الدمع همال


بويه البيت ظل خالي بلياك
عنه حملت جا وين منواك
ضلعي ينكسر من بعد عيناك
خلافك يالرسول اعليه ينعال


المثلك يا حسافه ابنعش ينشال
و شلون التراب عليك ينهال
عليك الروح راحت و الدمع سال
جن هذا الفراك افراك جتال


عليك  تنوح تبجي كل الأسلام
ويه الأسس الدين الدهر ما دام
الساده اليوم طلعت شايله اعلام
للشال او مشه و يتم العيال


مالومه على ابوهه و تجري العين
صبح مفكود جد الحسن و حسين
شايل يا حسافه الثبت الدين
عدمن ودعيت الزهره ما كال



اريد انخاك و اكعد يا ضوه عيوني
ترضه الكوم من بعدك يضربوني
بين الباب و الحايط يعصروني
صعب ما ينوصف يا بويه الحال


*لخادمه الحسين العلويه ام إياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_١٤_.


لطميه للزهراء عليها السلام


احا يادار اهلنه           وين ام المحنه
وياهه الي اعتاب       النامت حدر الاتراب
                وين ام المحنه
❥━──➸➽❥💔❥━──➸➽❥💔
احا يا دار وين امي مشت وين
الجنتي امنوره بيهه او دوم تزهين
خلتني ذليله واهمل العين
فركاهه كتلني ام كلب الاحنين
ما احمل بعدهه       ليه امي اشيردهه
                وين ام المحنه
❥━──➸➽❥💔❥━──➸➽❥💔
يم الطيب شيردهه عليه
ترد كعداتنه ذيج الزهيه
نتعاتب او نتسامر سويه
واكلهه اوياج اريدن للمنيه
واكعد يمه بلباب       عليج انشد هوه الهاب
                وين ام المحنه
❥━──➸➽❥💔❥━──➸➽❥💔
خلوان النزل من النودهه
او نام اعلع التراب اليوم خدهه
اصيح ابصوت امي من يردهه
اريد اشكي الهظم هليوم عدهه
منهه ماكو اخبار       حاجيني يهلدار
                وين ام المحنه
❥━──➸➽❥💔❥━──➸➽❥💔
يا دار ارد انشدج علحنينه
هم ترجع بعد لو ماتجينه
نشوف امجانهه وحشه علينه
ليش اليوم منهه اتفاركينه
والحسنين يبجون       وعليهه ينشدون
                وين ام المحنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للأمام حسن العسكري ( ع)

♢•--※--•✿❥❥•--※--•✿❥❥•--※--•♢

ابو المهدي يون وتراده حيله
وونات الحسن صارت ثگيله

♢•--※--•✿❥❥•--※--•✿❥❥•--※--•♢

ونات   الامام   اتهدم  الروح
ووليده ينظره وگلبه مقروح
صعبه حالته وبالدار مطروح

ولو  راح  الابو  ماكو  بديله

♢•--※--•✿❥❥•--※--•✿❥❥•--※--•♢

لو  راح  الابو   يافراگه   شده
وجرح اموادعه ياهو  اليشده
والشال   ومشه   مامنه   رده

وياسفرة الموت اشگد طويله

♢•--※--•✿❥❥•--※--•✿❥❥•--※--•♢

ياسفرة الموت التصعب اهواي
زغير ابنك تتركه اشلون مولاي
ابو صالح حزين بروحتك  هاي

ومعصوره   بآلم  صدره   الليله

♢•--※--•✿❥❥•--※--•✿❥❥•--※--•♢

مالوم   الامام   هوايه  حزنان
من  عاين  ابوه   وحاله  تعبان
بيهم   مارحم   ويلي   يالزمان

وامامي العسكري يوجع رحيله

♢•--※--•✿❥❥•--※--•✿❥❥•--※--•♢

يوجع   يومه   الميت  بالسموم
ويسمون الامام اشتطلبه الگوم
لولاد  النبي   تنصب  عده  دوم

وافعال   الدهر    اهيه   الكفيله

♢•--※--•✿❥❥•--※--•✿❥❥•--※--•♢

بالسم   والقتل   خلصت  العتره
يعين ام الحسن كل يوم صطره
بسامره    الولد    لمن    تحضره

حزينه   ونادته   روحي  نحيله

♢•--※--•✿❥❥•--※--•✿❥❥•--※--•♢

تمت والحمدلله✍ خادمة أم أبيها الشاعرة أم علي الحلفي  لاأجيز  شرعاً حذف الأسم أو تغير الكلمات


                    نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للسيده سكينه ع
*
يبو السجاد سكنه ما تشيعوهه
عزيزه كلبك الليله يدفنوهه
**
سكنه ماتت ودمعاتهه بالعين
تذكر بالغرب مذبوح ابوهه حسين
والعباس عمهه امكطعه الجفين
وين اعمامهه الليله يحضروهه
***
بتك ياغريب ابلا اهل ظلت
يوميه مناحه ونوح ماملت
تذكر كربله ولشوفتك حنت
تعالو للمدينه اليوم ودعوهه
***
ظلت عينهه مشبوحه صوب الباب
تعالج بالمنيه ورادت الاحباب
ولو ساعه يجوهه اتمنت الغياب
تعالو ياأهلهه العين غمضوهه
***
مشتاكه تشوف اخوانهه الليله
لعبد الله تذكره من تلوليله
لعلي الاكبر تون وناتهه اثكيله
وللسجاد حنت لا تلوموهه
***
خوات تريد سكنه بغربه ياهالناس
باحضان العليله اتوسده للراس
وتشم ريحة رقيه بآخر الانفاس
صفيه وخوله ماحضرن يجبلوهه
**
زينب وين عنهه ماتواسيهه
والعباس عمهه ماحضر ليهه
مجروح الكلب ياهو اليداويهه
بهيده بالنعش لا لا تلجموهه
**
أم علي

https://tttttt.me/joinchat/AAAAAELdvGssZMurwfLsJA

نعي حول استشهاد الزهراء



كسر الظلع يا يمه ماذيچ
شبيدي يبعد العافيه عليچ
متغيره اشوفن كل معانيچ


مكسور ظلعج وانه يمچ
وتمشين عنه اليوم چنج
گطع اهروش الكلب ونچ


شبيدي عليچ وكون اليه
درت الوجع يا امي الزجيه
بونينج ولا ظل حيل بيه

تلوجين وديرين العيون
وتغربين واحنه بحالنه اشلون
ابنج بجه ومتغير الون


چنچ عله الفرگه نويتي
وللموت بيدچ شمريتي
نص حيل من عدنه خذيتي


ردتي الفارك وراح تمشين
وعلينه اظنچ ما تردين
اخذينه وياج يا يمه اشتكولين

لو ناويه تمشين منه
وتبعدين بعد الروح عنه
اخذينه ونروح وياج كلنه


كلنه انروح انريد وياچ
ومانحمل يبعد الروح فركاچ
عزيزه ودوه يا يمه طرواج


*لخادمة الزهراء. العلويه ام جعفر*
غير مبري الذمه من يحذف الاسم وياخذ الكلام وينسبه له ج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  لزهراء معازات لزينب ع

اليلة ويزينب نون
عالحملت مصيوبه
................
ننصب عزانه عليها
ودمعة حزن نجريها
بيوم امها  انعازيها
ياونت   المهيوبه
..............
اليوم نبجي وياها
يوم الحنينه اذاها
وأم الحسن ننعاها
بدموعنه المسجوبه
..............
زينب تجر وناتها
كامت تهل دمعاتها
جاوين  المعزياتها
ونن عله المنكوبه
..............
ونن  عله امي  بدمع
صيحن يمكسورة ضلع
احاه  يكلبي المنفجع
وناري غدت منشوبه
.............
وياي وين الي تون
والابسه هدوم الحزن
كل الدموع الي جرن
عد ام حسن محسوبه

✍ام زينب كربلاء غير مبري الذمه من ياخذ الكلام وينسبه له او يحذف الاسم   القصيده من كتاب  المآسي الفاطميه  الجزء  التاسع والعشرون

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لم البنين ع(دگيت بابج)

دگيت بابج يم هله...  ماضنتي تفشليني
ــــــــــــــــــــــــــــــــ﷼
دگيت بابج بالدمع
والوجع صاير ينسمع
حلفتج بكسر الضلع

(وهمومي البيه تزيحيهه)
ــــــــــــــــــــــــــــــ﷼
منج الفزعه رايده
ولجودج ايدي امدده
كعدت مجدي كاعده

(ما اگومن لمن تگضيهه)
ــــــــــــــــــــــــــــــــــــ﷼
مااكـوم من بابـــج ابد
والهضم لبحيلي ارتعد
يابعد روحي والضمد
ازمط بيها/ام العباس
ــــــــــــــــــــــــــــــــــــ﷼
ازماطي  بيج مواعده
واسمج الدوم اردده
يام المبچـــيها العده
//بچفوفه /خلصيها الشده

ــــــــــــــــــــــــــــ﷼
منچ كفو ونعـــــمين الج
ماندم كلمن يوصـــــلج
باب الحوايج مجلسج
تنطينه //والرايد حاجه
ــــــــــــــــــــــ﷼


الشاعره رسل الابراهيمي
والشاعره ام حسين المحمداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي لام البنين ع

الدهر اجرع مصايب  راد مني
وحده فوك  وحده   راد مني
مهلني الموت لحظه  راد مني
امنيتي الاربعه يحدرون بيه
.........
نعي

تمنيتهم  بالموت اجوني
كعدو اكبالي وناشدوني
وبيده الولد غمض عيوني
.........
الوكت بولادج  شيعيده
تعتبين والسجه  بعيده
شوف الولد كلبج يريده
........
لربتك كوم   واتعنه
شيل الحنينه بغير منه
تعتبين واحنه وين جنه
.........
يالوالده عتابج  وصلني
ودمعات البعينج جوني
عنج ييمه الموت كضني
..........
علينه   ييمه  لاتعتبين
ماحضرو اولادي تكولين
شيال الجنازه بغير جفين

✍ام زينب كربلاء غير مبري الذمه من ياخذ الكلام وينسبه له او يحذف الاسم   من كتاب المآسي الفاطميه الجزء التاسع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسيده زينب عليها السلام


لأرض الشام خل أنروح
وندگ أعله هامتنه
❥━──➸➽❥💔❥━──➸➽❥💔
خل أنروح لأرض الشام
ولبت حيدر الضرغام
وأترف بيدنه الأعلام
وأنهل دمه دمعتنه
❥━──➸➽❥💔❥━──➸➽❥💔
أنهل أدموعنه أعليهه
وأسكينه نواسيهه
ويوم أم طهر ماذيهه
وأنعليهه صرختنه
❥━──➸➽❥💔❥━──➸➽❥💔
كلنه أم عون شيعتهه
وأنـوح الـــمصيبتهه
ونلطم وسط حضرتهه
أو ما تبطل عزيتنه
❥━──➸➽❥💔❥━──➸➽❥💔
أمصاب المشت ماذينه
ويكلف يومهه أعلينه
جمره أو ما طفت بينه
ويا أعظم مصيبتنه
❥━──➸➽❥💔❥━──➸➽❥💔
بالغربه حضرهه الموت
وجابلهه منو التابوت
وما گام البطل زاتوت
أو ما شيع أحبيبتنه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأحد / ٦ من شهر رجب
الموافق ٢٠٢٣/١/٢٩
                         
https://tttttt.me/joinchat/AAAAAELdvGssZMurwfLsJA

قصيده لوفاة السيده زينب ع{{ مانلتم سويه}}

❥❥❥❥ـــــــــــــ❁❁ـــــــــــــ❥❥❥❥

هاي اول مره مانلتم سويه
بموتي احشمكم ولاجيتو عليه

ليش ماجيتوني ليش
حتى اشوفنكم واعيش
انتو واعدتوني نبقى للمنيه
هاي اول مره مانلتم سويه

❥❥❥❥ـــــــــــــ❁❁ـــــــــــــ❥❥❥❥

چنه اذا واحد يريد الثاني يحضر
تاخذه الغيره ولا مره يتعذر
وين ابوفاضل الما گايلي مگدر

هاي اول مره هاي
مايجي يسند گفاي
هسه وين الجان روحه كلها بيه
هاي اول مره مانلتم سويه

❥❥❥❥ـــــــــــــ❁❁ـــــــــــــ❥❥❥❥

وين نبض گليبي وعيوني الثنين
الجان يحضر گبل لا انده حسين
هسه شو عايفني لأهات السنين

عافني وماسئل عني
ناسي لو زعلان مني
لو ماثره اعليه تربان الوطيه
هاي اول مره مانلتم سويه
❥❥❥❥ـــــــــــــ❁❁ـــــــــــــ❥❥❥❥


خويه لمتكم تره  عازتهه عازه
حلوة وكفتكم يخوتي عالجنازه
الگلب مشتأگ  ولشوفت اعزازه

عيني انتو والرمش
حضرو زتولي النعش
شيعو زينب يهل زينب هالمسيه
هاي اول مره مانلتم سويه
❥❥❥❥ـــــــــــــ❁❁ـــــــــــــ❥❥❥❥
تجدون تكمله القصيده في ديوان
عطش الفرات الجزء السادس

لشاعرتي اهل البيت ع
رسل الابراهيمي... نورس الحلفي

https://tttttt.me/joinchat/AAAAAELdvGssZMurwfLsJA