لطميه للامام العباس عليه السلام (ياعباس)


ياعباس زينب صاحت بعبره
گوم وشوف اخيك داسو بصدره
/////////////////////////////
گوم وشوف اخيك داسو اضلوعه
اهل الخيل من كل صوب مجموعه
چفوفك ياحسافه اليوم مگطوعه
وراسك ياشفيه انجسم بالطبره
/////////////////////////////
وسفه بهامتك مطبور ياعباس
گوم وشوف اخيك طاح بين ارجاس
گطعوا رگبته وبالخيل صدره انداس
واعله الگاع يجري ولا نشف نحره
/////////////////////////////
يجري اعله التراب ولانشف دمه
ياعباس گوم وشوف ابو اليمه
عزلو منحره العدوان عن جسمه
رسول الله انفجع وانفجعت الزهره
/////////////////////////////
نفجعت فاطمه وانفجع والدها
كوم وحالة المظلوم شاهدها
اختك لا اضماد ولا دوه عدها
كسر اضلوع اخيك بيمن تجبره
/////////////////////////////
بيش تعالجه وتضمد اجروحه
ابو السجاد مذبوح وكضت روحه
حگهه تنوح زينب ماتفل نوحه
تلطم عالوجه لو شافت الطبره
/////////////////////////////
تلطم من تشوف الطبره والطعنه
مات حسين اخيهه وبطل الونه
چفك ياشفيه تگول اريدنه
ترد عن المخيم غارت الكفره
/////////////////////////////
ترد عن المخيم غارت الكفار
ياعباس ماتكعد تطفي النار
گلب ام المصيبه امصدع ومحتار
مو كسره تكسر لا الف كسره
/////////////////////////////

عمل مشترك على محبة الامام الحسين عليه السلام
*بين الشاعره العلويه هجران الياسري والشاعره زينب المشرفاوي*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للعباس ع


نعكد راية العباس
وريده يشافينه

➖➖➖➖➖➖➖➖
نعكد رايته اليله
وانه كاضيه نحيله
يالعباس صيحيله
يجلي هم العلينه

➖➖➖➖➖➖➖➖➖
يجلي الهم الهوايه
ابجي وعكد الرايه
اجيك اليوم مشايه
وللعباس دمشينه

➖➖➖➖➖➖➖➖➖
امشن نوكف ابابه
هيابه وابن الهيابه
بالعباس ومصابه
انحلفه بداعت سكينه
➖➖➖➖➖➖➖➖
نحلفه بداعت المذبوح
عالغبره كضت هالروح
ياجرح النشد اجروح
نريده اليوم ينطينه
➖➖➖➖➖➖➖

ينطينه ونرد لمراد
منك يانسل لمجاد
ابابك نوكف استعداد
ويكضيه ابجفينه
➖➖➖➖➖➖➖➖➖


تمت بقلم خادمة اهل البيت ع

#هيلين_الساعدي
#هيلين_ الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعاشر

اويلاه عالسحگــته الخياله
اويلاه ومحّد فزعله وشاله
ــــــــــــــــــــــــــــــــــ
بالشمس ظــل ابلا چفن
والخـيل فــوگه يهوسن
واضلوع صدره إتهشمن
مطـــــروح ظل ياحاله
ــــــــــــــــــــــــــــــــــ
من الگفه حـــزو منحره
وبلكون صــارت ضغبره
واخـــــته بقت متحيره
رادت تلم اوصــــــــــاله
ــــــــــــــــــــــــــــــــــ
يذري الهــــــوه بشيباته
وامكسره اضــــــلاعاته
ون وعـــــــــــلن ونــاته
و ظل يّرفسه چتاله
ــــــــــــــــــــــــــــــــــ
حسين اعله وجها عالترب
عــــاري وقميصه منسلب
و نــــــابت امثلث بالگلب
طرّ العطـــــــــش دلّاله
ــــــــــــــــــــــــــــــــــ
ملطــــــخ قميصه بالدمه
واعليه بچت دم الســـمه
ظــــــلت تشم بي فاطمه
وبالطف بگت تنعاله
ــــــــــــــــــــــــــــــــــ
اموذر بقــا بميدانه
وما شيعو جثمــانه
ماضاگ ماي السانه
ليوم اللطم يحلاله
ــــــــــــــــــــــــــــــــــ
طاح السبــط من مهرته
والشمس جسمه صهرته
وبالسيف حــــزّو رگبته
و املوعين اعياله
ــــــــــــــــــــــــــــــــــ
بدمومه مغسلينه
بمثلث امصوبينه
والخاتم امسلبينه
وماواحد ادتناله
ــــــــــــــــــــــــــــــــــ
بالشمـــس والحر جثّته
وخيل الاعادي سحگته
انصبغت ابدمــه شيبته
للموت اظل اقراله
ــــــــــــــــــــــــــــــــــ
✍للعلويه أم علي الشرع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للقاسم ابن الحسن جديد محرم 1444



عريس الهواشم طاح بالحومه
ويلا يالشباب الحنته دمومه


​┈┈‏•​​​≜⊱☆●☆⊰≛┈┈‏

عريس الهواشم رايح محسر
ويلا يالشباب بدمه معفر
بدلال ضلت جمرته تسعر
نايم عالثره ومتغيره رسومه

​┈┈‏•​​​≜⊱☆●☆⊰≛┈┈‏

يسباح كلبي اكعد وحاجيني
اون بسكوت يبني لاتخليني
غيابك يجاسم حيل ياذيني
يبني مووكتها الك هالنومه

​┈┈‏•​​​≜⊱☆●☆⊰≛┈┈‏

جابه حسين بدمه محنينه
صاح بصوت يازينب تلكينه
عريس الهواشم غمضت عينه
نصبي العزيه وضميهن هدومه

​┈┈‏•​​​≜⊱☆●☆⊰≛┈┈‏

رمله تنوح عالعريس عزنها
شموع العرس بالدمع طفنها
ويلا يالشباب الراح منها
ماتبطل بعد ونت المالومه

​┈┈‏•​​​≜⊱☆●☆⊰≛┈┈‏


شلون تهيد السهرت ليالي
تدرون الولد شكثر غالي
ماتكدر تشوف مجانه خالي
شيصبرها المن شوفته محرومه

​┈┈‏•​​​≜⊱☆●☆⊰≛┈┈‏
يالعريس امك خاب رجواها
خلافك بعد شلها بدنياها
ياوسفه دهرها عليك وازاها
تون ضلت والدمعات مسجومه


​┈┈‏•​​​≜⊱☆●☆⊰≛┈┈‏
(بقلم العلويه 💫✍ام رائد زوين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه
جديد

باجر خواتك ينسبن
عباس بس هاليله
➖➖➖➖➖➖

اشوف العده توليهن
عباس لتخليهن
وينجون رجليهن
شوف الحبل بديهن
عدوانكم تحديهن
نوك الهزل تاذيهن
ويتحركن يعبيهن
يصرخ يويلي اعليهن
جر وضرب يعميهن
جنك اظن ناسيهن

(باجر خواتك ينسبن)
(عباس بس هاليله)

➖➖➖➖➖➖

تبكه العقيله حايره
اطفالكم مطشره
وحيده هيه مرمره.
عفيه صبرها هالمره
كلكم ضحايه اعله الثره
كلمن خذوله منحره
كلبها مدري اصبره
حزينه بنت الطاهره

( باجر حواتك ينسبن)
(عباس بس هاليله)

➖➖➖➖➖➖

حرم ما يمهن زلم
طحت يشيال العلم
نادت الك ها يا شهم
وسفه يالبعينك سهم
زينب بكت بيكم تلم
منهو اليدافع عالحرم
وتحركت كل الخيم

( باجر حواتك ينسبن)
(عباس بس هاليله)

➖➖➖➖➖➖

اطفال تسحك عالجمر
يهجم عليهن هالكفر
نوح وبواجي والقهر
بالسبي يخلص هالعمر
وانته صريع اعله النهر

( باجر حواتك ينسبن)
(عباس بس هاليله)

➖➖➖➖➖➖


تمت بقلم خادمة اهل البيت
الشاعرة
هيلين الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للعباس ع جديد

اوطباها ابو فاضل
بالحومه لعب جوله


➖➖➖➖➖➖
طب للحومه المغوار
صولاتك علي الكرار
الكافل طشر الكفار
ملك الموت صاحوله

➖➖➖➖➖➖
اليكرب يمه ياويله
بركبته صارت العيله
ابد مانام كل ليله
كفر ميدان عدلوله

➖➖➖➖➖➖
ميدان الكفر صارت
الشجاعه يمك احتارت
و اركاب العده طارت
بطل وحزام شدوله

➖➖➖➖➖➖
احزامه صار بيرغهم
شده وصاح يا حيهم
عالعدوان همتهم
الف احساب حسبوله
➖➖➖➖➖➖

زينب بس نخت نخوه
ابو فاضل يبو الخوه
شجاع وبيك المروه
اخوي ويا حلو طوله
➖➖➖➖➖➖

تمت بقلم خادمة اهل البيت
الشاعرة
هيلين الساعدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه لشجاعة العباس
❥ـــــــــــــ❁¤¤❁ـــــــــــــ❥❥ـــــــــــــ❁¤¤❁ـــــــــــــ❥❥ـــــــــــــ❁¤¤❁ـــــــــــــ❥

صكار الزلم عباس(ترهب خزرة عيونه)

بميدان الحرب فنهم يكحمونه


هذا الترهب افعاله
چا فنه التدناله
والميدان يحلاله
عباس ويشهدوله

❥ـــــــــــــ❁¤¤❁ـــــــــــــ❥

يشهدون بميادينه
خافو لو فتح عينه
شمحله السيف بيمينه
صكار ويعرفونه

❥ـــــــــــــ❁¤¤❁ـــــــــــــ❥

عباس وكفو منه
فنه الي كرب منه
هذا الحيد المجنه
عدوانه يهابونه
❥ـــــــــــــ❁¤¤❁ـــــــــــــ❥

خزرة عينه هابوها
جفوفه مايلاووها
الرايه بحين شافوها
كل فارس خفه لونه

❥ـــــــــــــ❁¤¤❁ـــــــــــــ❥

فارس ما مثيله دوم
معروف الكمر جيدوم
يومه ما مثيله يوم
فنهم لو يوصلونه
❥ـــــــــــــ❁¤¤❁ـــــــــــــ❥

محد يوصل حدوده
ياجود الكرم جوده
خله ايامهم سوده
عون الرافكه عونه


ام زينب السعداوي /ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة حول الامام العباس ع وكاني بأم البنين ع




بضعن ام الخدر عباس وصيته
لهذا اليوم شيخ الزلم ذخريته



لهذا اليوم ردته ويرفع الهامه
ماهمه يزيد وكثرت ازلامه
سبع والعال بيه الليل ما نامه
على الزينات بعد امه انه ربيته



بضعن اختك ييمه انته وتباريها
تمشي اويه الغرب لا لا تخليها
هاي الغاليه وحط عينك اعليها
واكولن والنعم ورباي وفيته



وصيته بوصيه وكال هذا انه
نهوس للكلافه الحيد ربانه
وحك ارباج يمه وعلي وعنوانه
عباس البطل للكل وصل صيته



كتله اختك ييمه وعينك اعليها
تبيع الروح يالكافل وتشريها
عمت ابنك ييمه وانت واليها
ازعل لو ييمه الضعن خليته



هاي اختك واريدنك تدللها
اخوج انه وكفيلج دوم كللها
تدريه الزمان هواي زعلها
دوار الوكت كون انهجم بيته



✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي الشهر محرم الحرام

ياشهر المحرم ريت لاهليت
خذيت حسين مني وكعيت البيت
انه الكربله بس وحدي ضليت
اخوتي بالحرب كلهم صفو موته


شفت كل اخوتي طاحو عالغبره
خوي حسين عطشان وخلص عمره
بمصاب الاهل كلبي نفذ صبره
بقيت امنحله والروح مفتوته


بقيت امحيره منك شهر عاشور
محتركه الخيم والخيل بيهه اتدور
اشوف حسين اخوي امن النحر منحور
وحيد ابكربله حركوهن ابيوته


شوف اشگد مصايب من يجي اهلالك
مو مثل الشهور امغيم اشمالك
مجدر مثل حالي هل صبح حالك
حسين ابجيتك شفته كرب موته


الشاعرة ام ابراهيم الحلفي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#القصيده من ديوان جبل الصبر الجزء العاشر


اليوم الروايه معلكه
والــبـيوت مفتوحه
ـــــــــــــــــــــــــــــــــــ
نسوان حزنانه وزلم
كل بيت يصفك بي علم
لحسين نذكر ياالم
باادموعنه المسفوحه
ــــــــــــــــــــــــــــــــــــ
واجب علينه نهل دمع
ولحسين نلطم عالضلع
وماننسه عباس السبع
ودم هامته وجروحه
ــــــــــــــــــــــــــــــــــــ
ماننسه جفه وهامته
عباس حلوه وكفته
ولحسين تلطم شيعته
وهيهات نكطع نوحه
ــــــــــــــــــــــــــــــــــــ
للموت ننصب ماتمه
ونعزي امه فاطمه
ضلت اعيونه مسلهمه
ولاام الحزن مشبوحه
ــــــــــــــــــــــــــــــــــــ
شابح لزينب عينه
ومره يصد لسكينه
ومصيبته تبجينه
وعطشان راحت روحه
ــــــــــــــــــــــــــــــــــــ
وعطشان كطعو منحره
واعضامه كلهه مكسره
وكلنه نعزي الطاهره
وهيهات نكطع نوحه
ــــــــــــــــــــــــــــــــــــ
يالخوتك بيهه وفه
بعدك عله الدنيه العفه
جرح البراسك ماشفه
واجنازتك مطروحه

للشاعره ام هجران العمارچية



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيدة للهلال(تبچي فاطمة)
#حصرياً_من_ديوان_قُربانُ_الطف_ج٥
❥━──➸➽❥❂❥━──➸➽❥❂
من يهل عاشور تبچي فاطمه
يبچي وياها العرش وارض وسمه
❥━──➸➽❥❂❥━──➸➽❥❂
تبجي وياها الارض واهل الارض
ام حسن هاي وعزاها ينفرض
ياجفنهه اليوم مانام وغمض
ضلت تنوح وتون مانايمه
❥━──➸➽❥❂❥━──➸➽❥❂
ظلت تنوح وتدك اعله الصدر
تنادي بحسره يمحزوز النحر
تصيح عازوني عله ابني المنغدر
تحظر المجلس عله الخد لاطمه
❥━──➸➽❥❂❥━──➸➽❥❂
تحضر المجلس تجينه بكل عزه
تصيح يوليدي الرگبته امحززه
والدهر شيريد وازاها وزه
خله دنياها حزينه ومظلمه
❥━──➸➽❥❂❥━──➸➽❥❂
محزنه ومالوم من عدهه الگلب
تحظر وياكم يشيعه وتنتحب
تنادي يوليدي انحرمت امن العذب
ال اميه الماي منك تحرمه
❥━──➸➽❥❂❥━──➸➽❥❂
ال اميه اشلون يبني حاربوك
كلهم يعرفون ياهو وياهو ابوك
بالخيول الحاقده رگضو واجوك
وخلو اضلوعك كسيره امهشمه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعي ل اولاد مسلم

فرو اولادي بلخلي
م‌ـــِْن هدت الخياله
****
فرو م‌ـــِْن ايدي ثنينهم
ماادري ولدي وينهم
يامن يكعد حسينهم
ويدور اعله اطفاله
****
ماادري ياديره مشو
شربو اميه لْـۆ بقو
يبجون لْـۆ هسه غفو
ياريت ااشوفن حاله
****
ازغار وبعيد الدرب
ماتندل بديرة غرب
هذا الدرب كلش صعب
ياهو اليحشم خاله
****
ياهو اليحشم كافلي
يكعد يدور مدللي
ناديت لحك ياعلي
طاهر اريد اخباره
****
عدلين لو ماتو سوه
اطفالي اعز م‌ـــِْن الهوى
ياضيم كاعج نينوى
حسين عاف عياله
****
عايف عياله حسينهه
وفرر بساع ابنينهه
خمسين من سنينهه
والحيل ضل وشاله
****
*تمت القصيده بقلــــ✍🏻ــم.
الشاعره حوراء بنت الكوت
صاحبة ديوان 📚نحور الشام 📚
الحان 🎤الملا ام اديان الجمالي 🎙️
غير مبري الذمه م‌ـــِْن ينسب القصيده ڵـهٍ 📲 او يتلاعب بلكلمات*❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للقاسم

•ياهو معرس بدمه
•اللّـہ‌ يعين كلب امه
»
تشوف وليدهه ذحو
حته من العرس حرمو
ياهو معرس بدمه
****
ماصارت كبل ياناس شاب وبلدمه حنته
ياهو بليلة الزفه.مشه وترملت مرته
ماصح هلوضع بلناس ياجسام بس انته

ميت والعده ترفسه
جاسم مايجر نفسه
ضل يحشم بعمه
ياهو معرس بدمه
****
•اللّـہ‌ يعين كلب امه الراح بزفته للموت
ياشاب الذي بعرسه مو غرفه نجر تابوت
ضلت تنتحب وتصيح من التعب مامش صوت

تريد وليدهه وتعبت
امك يلولد ملت
جاسم ماكعد ل امه
ياهو معرس بدمه
****
ماتم ياعرس جسام ونزلت دمعته عمك
مايتحمل يشوفك موذر منسفح دمك
رد حسين م‌ـــِْن عندك راح يصبر اعله امك

وامك حيلهه مركوك
تذكر هزة الكاروك
تكول مطشر النعمه
•اللّـہ‌ يعين كلب امه
****
يانعمت بني هاشم هاي تطشرت بلطف
مكسور كلب ضلت يايوم الولد يكلف
تتذكر مهد جسام وتضل عينهه تذرف

ياما ساهارت كالت
امك ياشبل ماتت

مشتاكه اسمع اليمه
ياهو معرس بدمه
****
كوم وكلي يمه بساع لاموتن وراك انه
بلخيمه يبعد امك سكنه بقت حزنانه
ياما بلمهد هزيت ترضه اتذلني اعدانه

كوم ولاتشمت الناس
احلفك بلبطل عباس

عليك حسين ابو اليمه
ياهو معرس بدمه
****
*تمت القصيده بقلــــ✍🏻ــم.
الشاعره حوراء بنت الكوت
صاحبة ديوان 📚نحور الشام 📚
الحان 🎤الملا ام اديان الجمالي 🎙️
غير مبري الذمه م‌ـــِْن ينسب القصيده ڵـهٍ 📲 او يتلاعب بلكلمات*❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للأمام الحسين عليه السلام


بالسيف حزوا منحره
ضنوة الزهره فاطمه
❥━──➸➽❥❂❥━──➸➽❥❂
حسين محزوز النحر
وأيهوس أبراسه الشمر
جالس أمربع عالصدر
والحره علخد لاطمه
❥━──➸➽❥❂❥━──➸➽❥❂
يترافس أبرجلينه
تصرخ يبويه أسكينه
والدم عله خدينه
بالحومه صارت ملحمه
❥━──➸➽❥❂❥━──➸➽❥❂
علرمح راسه منصب
والجسد غاطيه الترب
محروم من ماي العذب
أبنك يحماي الحمه
❥━──➸➽❥❂❥━──➸➽❥❂
نايم أو زينب تنسبي
والنار شبت بالعبي
أو للعيله أگعد يالأبي
روح العقيله أمهدمه
❥━──➸➽❥❂❥━──➸➽❥❂
ياضنوة الزهره متت
عله الترابه أتمددت
بيك الحزينه أتحيرت
أمصابك أمبچي السمه
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ٢٧ من شهر ذو الحجّة
الموافق / ٢٠٢٢/٧/٢٧
                        

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 

نزله سريعه لنهاية المجلس
ل اولاد مسلم
..................


اويلاه ياسيدي

اولاد مسلم علنهر

اويلاه ياسيدي

===========

طاهر وخيه بلسجن
اويلاه ياسيدي

ذاب الگلب من الحزن
اويلاه ياسيدي

زغيرون يوليدي ويون
اويلاه ياسيدي

محد على حاله يحن
اويلاه ياسيدي

والگلب ذاب من القهر
اويلاه ياسيدي
اويلاه ياسيدي
..............

وين اليدورهم الي
اويلاه ياسيدي

ضاعو اولادي بلخلي
اويلاه ياسيدي

محد يباري محملي
اويلاه ياسيدي

وينك يحيدر ياعلي
اويلاه ياسيدي

راحو على دروب الخطر
اويلاه ياسيدي
اويلاه ياسيدي

.............


ذبحو اولادي علجرف
اويلاه ياسيدي

عباس بيهم ماعرف
اويلاه ياسيدي

گلبي على اولادي يرف
اويلاه ياسيدي

اوليدي مايحمل ترف
اويلاه ياسيدي

وعيوني ذبلها السهر
اويلاه ياسيدي
اويلاه ياسيدي
............

منهو يدور امدللي
اويلاه ياسيدي

وامهم غريبه بلسبي
اويلاه ياسيدي

ويرحم عبرتي اونتي
اويلاه ياسيدي

يمه يطاهر سلوتي
اويلاه ياسيدي

شتريد منهم يادهر
اويلاه ياسيدي
اويلاه ياسيدي


( ويذبحونه / شمسوي وليدي)

=========
خادمة ال البيت الحجيه ام علي البصره
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للامام الحسين ع

عريان جوه الشمس والحر
ويلي الجســـد مابيه منحر
ومن السحگ صدره تكسر
ـــــــــــــــــــــــــــــــــــــ
شرد احچي ياهالناس عنه
واثيابه مسلــــــــوبات منه
وعظمه الحوافـــــر هشمنه
ـــــــــــــــــــــــــــــــــــــ
تاذي صـــــــوابات البگلبه
محّد رضه اُميّه يشــــربه
وحده بقه بديار غــــــربه
ـــــــــــــــــــــــــــــــــــــ
منثور دمه عـــــــله الغبره
بين الارض والسمه طشره
وجـروحه ماتنحسب كثره
ـــــــــــــــــــــــــــــــــــــ
مادافنينه ابنچ يزهـــره
واوصــاله عالتربان نثره
محد فزعله وماله نصره
ـــــــــــــــــــــــــــــــــــــ
امطرره من العطش شفته
ماچنه اخيي ماعــــــرفته
تراب ودمه غاطيها جثته
ـــــــــــــــــــــــــــــــــــــ
ابنج يزهــــــره ذابحينه
واوصال جسمه مگطعينه
بدمومه ويلي امغسلينه
ـــــــــــــــــــــــــــــــــــــ
محد نطا گطره اميه
لاغيره عدهم لاحميه
شسوت بحاله الغاضريه
ـــــــــــــــــــــــــــــــــــــ
الظالم تحاماله ويرفسه
تربع بصدره وگطع نفسه
من خنصره سلّب محبسه
ـــــــــــــــــــــــــــــــــــــ
✍للعلويه أم علي الشرع 😭


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان ايات الشهاده جزء التاسع عشر
موشح لبداية محرم (هاذه ابو السجاد)


هاذه ابو السجاد لاتنسونه
كل محرم واجب اتذكرونه

هاذه ابو السجاد واجب ينذكر
غيره ماعدنه وسيله ولاضخر
يشفع النه ويوگف النه بالحشر
كلكم بيوم الفزع تنخونه
هاذه ابو السجاد لاتنسونه


ياحسين نصيح كلنه بالفزع
نطلبك بهاي المجالس والدمع
نلتم بسدك انريد وننجمع
والتسجله بدفترك خيعونه
هاذه ابو السجاد لاتنسونه


والله هنياله التسجله بدفترك
كل مناحرنه فداء المنحرك
من يهل عاشور ننصب چادرك
والسواد احبابك يلبسونه
هاذه ابو السجاد لاتنسونه


كل سنه احبابك يلبسون السواد
وبالضماير والگلب نكتب حداد
مانسينه اشلون من رد الجواد
للخيم يصهل وتبچي عيونه
هاذه ابو السجاد لاتنسونه


المهر مرعوب رد الخيمتك
من طحت واعداك داسو جثتك
مانست ذيچ المصايب شيعتك
مقتلك طول العمر يقرونه
هاذه ابو السجاد لاتنسونه


مقتلك فوگ المنابر ينقره
ياعمود الدين يبن الطاهره
شيعتك ونصيح دنيه واخره
مانعوف حسين لو ذبحونه
هاذه ابو السجاد لاتنسونه


عاهدينه الطاهره بهاذه العهد
وبطريق حسين نمشي للأبد
هوه ملفانه ورجانه والسند
ياضوانه المانعيش بدونه
هاذه ابو السجاد لاتنسونه


الشاعرة المله
ام غصون العمارجيه
غير مبري الذمه من يمحي اسم الشاعره او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لنزول في كربلاء

اليوم راعي الزود دك اعلامه
والهواشم هوسو جدامه
............
دكها على حد حسين
وتجدح شرار العين
يم عون مو تبجين
ياهو اليكرب ساحة الوهامه
............
دك رايته العباس
وبيده الدرع والطاس
ينشال بيه الراس
اليوم للكلفات شد احزامه
...........
دكها ويصيح بصوت
شرايه الك ياموت
وعله المنايه انفوت
اسباع ذوله ماتطخ الهامه
...........
اتثنه العجيد اليوم
اكبال العقيله ايحوم
جاشنهي هاي الكوم
ايلفها الج عباس لف الثامه
...........
ايلوك بيك الزود
راعي العلم والجود
ونعم يبن العود
وهوس العباس يم الخيامه

.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء الحادي عشر المآسي الفاطميه
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده عزائيه للامام الحسين ع

❥❥ـــــــــــــ❁❂❁ـــــــــــــ❥❥

علـى المذبوح كومن لطمن وياي
جسمه اعله رمل محـروم الفياي

❥❥ـــــــــــــ❁❂❁ـــــــــــــ❥❥

عـلى المذبوح خل ننصب عزانه
ثلث ايام ضل عــــاري ابـمـجانه
تكــول ام عون عكبه الهم ولانه
عطـشـان الولي وماحصل الماي

❥❥ـــــــــــــ❁❂❁ـــــــــــــ❥❥

لا كـافـور لا مـن جــفـن جابوله
دوسه الـخيل تالي ابن الفحوله
يسـتاهــل عــزه يـامن تلطموله
يــومــك يبو اليمه مــرد اجلاي

❥❥ـــــــــــــ❁❂❁ـــــــــــــ❥❥

شــدنــه الــطــم ســـوون عزيه
مــات حـسـيـن مــحروم الاميه
مــسلـوب ويــون فــوك الوطيه
واخـتــه اتكول شو ماكام وياي

❥❥ـــــــــــــ❁❂❁ـــــــــــــ❥❥

يــحلـه الـنـوح للمـيـت وما كام
جـثــه وضـالــه مــا بـين ضلام
لونه اعليك يامرضوض العضام
يامـن حاضره وني اعله مبجاي

❥❥ـــــــــــــ❁❂❁ـــــــــــــ❥❥

عــيـالـه امسره والنحر مكطوع
كـلهــا مكـسـره ماضلت اضلوع
كلب ام الخدر يحسين مفجوع
عكـبه إبلا محامي اوين منواي

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه
........
اعيالك والحرم يحسين رد بيها
ردها لوطن جدها الگوم توليها
.............
المن جايب اعيالك يبو اليمه
عدوانك يبواليمه بلارحمه
وهنه امخدراة وربن عل الحشمه

ابوطن جدها يغالي اهناك خليها
.......
خليها ابوطنها لاتغربلها
المن جاي بيها اعداك تسلبها
تسبيها عگب عيناك تضربها

اخلافك لليسر يحسين تحديها
.........
لاتلفي ابحريمك هل الارض گشره
خليها يغاتي ابديرت الزهره
وتدري اعداك مابيها رحم غبره

لگبر امك يبو السجاد وديها
........
يم گبر الزجيه اهناك ودعها
براضي كربله لا لا تضيعها
يفجعها الزمن بجفاك يفجعها

وام عون الزمن ضيمه يراويها
...........
يراويها الهضم بت فاطمه الكبرى
ردبيها يبوالسجاد هل الحوره
المن جاي بيها امخدره الحره

وتدري الگوم باجر تفزع اعليها
........
ادخيل ارجع لرض طيبه يبوالسجاد
المن جايب الشبان والاحياد
باجر عل الثره تمسي ضحايه اجساد

وادموم النحر بسيوف تجريها
...........

ام عمار العيساويه

https://tttttt.me/joinchat/AAAAAELdvGssZMurwfLsJA