شده للأكبر ع
**
ليله تنوح بالدمعات واسنهه
حكهه ام الولد لو ماتت بونهه
***
ليله تنحب وصاحت علي يبني
مو طاح الحمل يمه الوكت ذبني
ردتك للكبر بيدك تنزلني
الأم من الولد ماينكطع ظنهه
****
يالاكبر تموت اكبالي يالغالي
امطبر عالثره ماجانت ابالي
لصوابك علي ممرود دلالي
دكوم اسمع نواعي امك وحنهه
***
بعد هيهات مانكعد سوه ساعات
اعيش بذكرياتي وتنزل الدمعات
ماصدك علي وليدي تركني ومات
يريت الذكريات وياك ادفنهه
**
شبكته ابلاوعي لوليدي واشتمه
نايم عالتراب امغسل بدمه
رايح للكبر عايف حضن امه
سند بالدنيه جان الهه ويعاونهه
***
شباب وراح من ايديه عينوني
اريد ألطم لمن اعميهه لعيوني
تمنيت الاجل وابداله ذبحوني
جمرات الفكد بالام يكتلنهه
***
شبيه المصطفه يوليدي يالاكبر
راسك عالرمح كدامي واتحسر
وجهك باللحد ياحيف يتغير
وارسومك مثل طلعة كمر جنهه
***
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نوحيه ل علي الاكبر عليه السلام تقرأ بطور الفزاعيه والمربوعه والشده
============

امشونه ل ام علي الاكبر نعازيها

منها شال ابنها من يباريها

============

مشنه نروح يمها ونسجب العبره

ياكلب الحزينه بلبجي نجبره

دكي على الصدر خلي الدمع يجره

نواسيها علبنها الدمعه نجريها

🔰🔰🔰🔰🔰

مشنه نروح عزايه للمطبر

نعازيها الغريبه ام على الاكبر

ياوسفه الولد يلرايح محسر

امك ياعلي تريد اليجازيها

🔰🔰🔰🔰🔰

نواسيها الغريبه العافته اجنازه

ابنها الربته وللضيج تعتازه

الله يساعده يلفاكد اعزازه

امك بلحزن والظيم غاطيها

🔰🔰🔰🔰🔰

نعازيها اعلى بنها المشه وخلاها

وعايفها بحزن والظيم سلاها

وينك ياعلي تريد امك ارباها

تريده يلولد منك يواليها

🔰🔰🔰🔰🔰

نواسيها الحزينه وياها خل ننعه

علراح ومشه ومامن اله رجعه

تصرخ يلولد صوت امك تسمعه

امك بلهظم والزمن باليها

=============
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

اللهم صل على محمد وال محمد
قصيدتي إلى مولاي علي الاكبر

تهز الكاع هجمتكم يشبان
هذوله اولاد حيدر صدك شجعان

💔
نص الليل يمه اسأل عليكم
لتروحون فدوه أخذوني وياكم
انام الليل واتذكر حجاياكم
شبان يردون الهوى والبين ماخلاهم

💔
اعاين عالدرب وعيوني اربيه
افتح عين اسدن عين مجرية
اشوف اجساد عالتربان مرمية
امبين من عينه هذا ابني

💔
صاح حسين يابوية علي الاكبر
طب لخيمة امك راح تتطبر
تتوذر جثث الله واكبر
تعاي هنا يمه وادعيني

💔
يا نور الصبح يايمة وجهك
تخضب بالدمه يايمه وجهك
بعد هيهات يمه انشوف وجهك
تضل جروح كلبي تون عليه

💔
ياشبه الرسول شلون حالك
توجهلك بكر وطاح طولك
ليلى اتصيح ياربي دخيلك
ابن غانم ريت انشلت ايده
بكر ابن غانم الذي ضرب علي الاكبر


بقلمي خادمة الزهراء المله ام سلام
المحمداوي 🎤
والدة الشاعرة نور الهدى المياح
🎤🎤🎤🎤🎤🎤

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده موشح علي الاكبر ع جديد محرم 1444



علي الاكبر تحزم للمنيه
أمه تودعه بدمعه جريه

┈┈‏•≜⊱☆●☆⊰≛┈┈‏

سالم مايرد تدري هيهات
ليله ونت وصفكت الراحات
نصبت العزيه بحسره واهات
صاحت ياعلي اكطعت بيه


┈┈‏•≜⊱☆●☆⊰≛┈┈‏

علي يبني وحدي لاتخليني
هالواحد خلافك من يباريني
موهين فراكك حيل ياذيني
لوكت العازه أريدك يالشفيه

┈┈‏•≜⊱☆●☆⊰≛┈┈‏

يانبض الكلب وضي العيون
يل اكبر غريبه تعوفيني شلون
اغيابك صعب يوليدي ميهون
مايبطل الون صبح ومسيه

┈┈‏•≜⊱☆●☆⊰≛┈┈‏
رايدتك ذخر ليام شيبي
ماحسبت بيك يشح نصيبي
وسفه تنحرم شم العذيبي
اموذر تنام علل وطيه

┈┈‏•≜⊱☆●☆⊰≛┈┈‏


عليك امك وازاها دهرها
بعدك ياعلي شلها بعمرها
تضل تون ومحني ضهرها
يبني تصيح هدتني الرزيه


┈┈‏•≜⊱☆●☆⊰≛┈┈‏

(بقلم العلويه ✍💫ام رائد زوين)


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للاكبر

الاكبرطاح .. وحسين انهدم حيله
الحكيله يليلى روحي تجيله
..........
الحكيلي يليلى راح الاكبر
جسمه بالسيوف كله توذر
اريد اشيل جسمه بعد مااكدر
ياوليدي مصابك ...هد حيلي
...........
يومك يالولد هدالي حيلي
ومصابك كلف صوب دليلي
بعدك مانمت ياوليدي ليلي
والليل خﻻفك ....مانامه
.........
تكله شلون بيه ها يلحسين
ضرباني بدليلي وصوب البين
اخذمني اﻻكبر طفه العين
عدمن يايمه ...مخليني
........
يعماته تعالن بله وياي
اكعدن هل الولد ولبه احشاي
خلي نغسل جروحه بدمع عيناي
بلكت لجروحه/نداويها
..........

تكلهه راح الاكبر ايسي منه
صوابه مجيد ماينلم والمنه
راح ابنج ياليلى كطعي الظنه
مايرجع بعد ....راح ابنج الغالي


تمت بعون الله تعالى
اهدي ثوابها الى والدي العزيز رحمه الله
بقلم خادمه الزهراء ام حسين اﻻسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة مربعة وفزاعية ( لعلي الاكبر ع )
----------------------------------------------------

يعمي العين يفراگ المداليل
و تضل الفاگدة سهرانة بليل


تروح اعيونها لجلك يمدلول
جبيرة امك عفتها اتنوح بلجول
هاي السهرت و گالت دللول
عفتها امحيرة ما عدها كل حيل

عفت امك تون و الحيل عدمان
شحال الوالدة الفگدت الشبان
تون ليل و نهار ابدمع جريان
ما ينشف دمعها عل مشة ايهيل

رايح يل ولد عايفها تبجي
التعبت بلربا عدمن توجي
اليمر بيها هضم للبزر تحجي
امك همها غيرك جا منو ايشيل

يشيل الهضم غيرك منهو ليها
اگعد شوف حالتها و بجيها
هاي امدوهنة و شلون بيها
تخاف من التراب اعليك الايهيل

يدفان الولد بهداي --- بهداي
غالي الولد هذا و لبة احشاي
اخاف اعليه ابني ابنومته هاي
محتارة و اصيحن ويل يا ويل

اصيحن ويلي اسمعو يلتدفنون
ارحموني ابدالة دفنتي كون
اعيشن ضالة عگب ابني شلون
هم يرتاح بالي و اغفة بليل ؟

--------------------------------------------------
*بأقلام خادمات اهل البيت ع*
* ✍آلــشــا؏ـرة وآلمـلا 🎤 رغــد آلـبــھہادليِہ*
* ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لعلي الأكبر عليه السلام


ما تگدر تنام الليل
سهرانه وتون ليله
❥━──➸➽❥❂❥━──➸➽❥❂
ما تگدر تغمض العين
ومنهه منفگد لحنين
سهرانه أو تجر لأونين
طاح الحمل شيشيله
❥━──➸➽❥❂❥━──➸➽❥❂
أمئذي البچي عيناهه
وزينب گاعده أوياهه
أتساعدهه أعله بلواهه
وأبنهه أبحزن تنعيله
❥━──➸➽❥❂❥━──➸➽❥❂
اليوم أشلون حالتهه
أو مو هينه مصيبتهه
أرسوم الولد ضيعتهه
وكل العمر تبچيله
❥━──➸➽❥❂❥━──➸➽❥❂
تبچيله العمر كله
وحزني أتگول ما أفله
عملت كربله عمله
من أمصابهه أنحيله
❥━──➸➽❥❂❥━──➸➽❥❂
بيهه أنذبحوا الشبان
ومطرحين علتربان
والأكبر علي الريسان
مالت رگبته ميله
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأحد / ٢٠ من شهر ذو القعدة
الموافق / ٢٠٢٢/٦/١٩
                        

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 

فزاعيه لعلي الأكبر عليه السلام


ياحلوا المعاني اليوم
نايم ليش عالغبره
❥━──➸➽❥❂❥━──➸➽❥❂
ها يابو لعيون أوساع
نايم شفتك أعله الگاع
وأعليك الگلب مرتاع
ڪل أوصوفك أمغيره
❥━──➸➽❥❂❥━──➸➽❥❂
أمغيره يا علي أوصوفك
وميت عيني أتشوفك
أو گلبي مارضه أيعوفك
حاضنتك وأجر عبره
❥━──➸➽❥❂❥━──➸➽❥❂
حاضنتك وأهل العين
والدم تالف الخدين
ويخطفك أمن أيدي البين
گلبي أنڪسر شيجبره
❥━──➸➽❥❂❥━──➸➽❥❂
شيجبره الگلب مڪسور
والمدمع نثر منثور
يا عون أو تچيه أو سور
يبني فلت العشره
❥━──➸➽❥❂❥━──➸➽❥❂
يبني ها يغصن البان
ليش أتنام بالوديان
حيلي لغيبتك عدمان
والفرگه أشڪثر مره
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ١٨ من شهر ذو القعدة
الموافق / ٢٠٢٢/٦/١٧


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصرياً_من_ديوان_قُربانُ_الطف_ج_٣
#قصيدة لعلي الأكبر(تاخذ هالروح)
❥━──➸➽❥❂❥━──➸➽❥❂
امودع الله عمه يالاكبر صحت
انكسر ضهري وهاي بعدك مامتت
شحال لو عني تروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
وداعت الله ياعلي من عمتك
گلبي يشبه گلب ليله لربتك
لجدي الهادي يعمه وداعتك
چنت من اشتاگ انظر طلعتك
يالغلاتك من غلاة حسين ابوك
بجدي الهادي صدگ من شبهوك
افراگك يهيج جروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
بالخيم بعدك واحس بمصرعك
تصيح ياناس العطش چني اسمعك
وچني اشاهد هالسيوف اتگطعك
وبالحصير حسين اخوي ايجمعك
وكل جمالك عمه غاطيه التراب
وما اميز وجهك انه من الخضاب
چنه دمك مسفوح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
صاير السانك مثل قطعة خشب
وضاهدك ثگل الحديد من الحرب
اصفر من العطش مدري من التعب
گلبي من هالحال ياعمه انشعب
عمه وابالي اجت اشگد صور
مصرعك گدامي ياعمه حظر
فگدك يهد صروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
طولك الهيبه يعمه چن گصر
بكل كتر وصله انتَ متگطع وذر
وين صارت سيف يخسفله گمر
آه يا عمه شكبر غدر الدهر
شوفتنه المانشوفه كربله
موت ويه العطش وانواع البله
وشچم عزيز المذبوح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
اوداعت الله روح حارب يالولد
ماكو شي ياعمه حته احچي بعد
هذا المقدره الله النه يالسند
لا اعتراض اعله الحكم لو عالعهد
حكمة الله شائت نشوفك چتيل
اعليك واعله القاسم المدمع يسيل
ويبقه طولك مطروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعلي لاكبرع وزن الميمر
مستفعلن مستفعلن مستفعل


يمه يالاكبر اكعد وحاجيني
مهظومه حيل بغيبتك تدريني


يمه يالاكبر روحي هلممروده
عمك وكع عباس طايح جوده
حشمتك اوليدي تره ومريوده
فراكك صعب يايمه هلكاظيني


عيوني عمن يلغالي هايوليدي
ارجع يالاكبر بيدك الزم ايدي
كلي ييمه ارجوج اسكتي وهيدي
مايهده جرحي ولايهود اونيني


يالرحت مني ومابعد ترجعلي
ردتك تجيه لكبري ياتالي اهلي
اتكوم اليه ابساعتك تنهظلي
ارجوك اكعد فدوه لاتخليني


يلتشبه آل مصطفى بحساسك
جسمك بقه ومخمدات انفاسك
موذر ييمه عالرمح شو راسك
راحت مشت وياك كل اسنيني


خلوك مرمري عله لارض وبدمك
موتك فجعني يالولد انه امك
خليني اسولفلك واظلن يمك
خافن رحت للموت جن ناسيني


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/2022/6/30
٣٠ذوالعقده سنة هجري ١٤٤٣
نسالكم🙏🙏🙏🙏الدعاء بتوفيق

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه او مربوعه لعلي الاكبر ع عن لسان حال الوالده

مديون الولد برباي اطلبنه
يشيل جنازتي ودفان اريدنه
.............
يشيل جنازتي ويروح دفانه
هاي الوالده البرباك تعبانه
ويعدل بالكبر ويهيل تربانه
يزتني للكبر موش انه ازتنه
...........
يزتني للكبر والدمع بعيونه
يحط تابوتها الربت عله متونه
تالي ايروح مني واكطع ظنونه
جاغير الولد لضيج اذخرنه
............
اذخره لليالي وساعة العازه
يشيل الوالده ويرفك الجنازه
رايح يالولد والكلب محتازه
النايم بترايب وين اشوفنه
............
اطلبه باليالي وشيلت متوني
وسنين التعب مانامت عيوني
راح الحيل مني وذبلن جفوني
يمتوني شكثر بالزغر شالنه
............
اليه ديون يالاكبر توافيها
تشيل اجنازتي وامك تجازيها
تالي تروح يوليدي وتخليها
حزنانه عليك وتجذب الونه

✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب المآسي الفاطميه السادس

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه على. علي الاكبر. ؏





يبني ياعلي لا تـــــــروح
عكبك تايها سنيـــــــــني
━━━━━━━━━━━━━━━━━━━
جامنهو بعد عينـك
يبني راحت سنينك
كافي بطل ونينـــك
ونك حيل يفجعنـي
━━━━━━━━━━━━━━━━━━━
هدم حيلي والله الــيوم
وكلبي اعله لولد مالوم
من شوفته ضل محروم
حيل غيابه يعميــــــــــني
━━━━━━━━━━━━━━━━━━━
عزيز امك يبعد الروح
وسفه بكربله مذبــــوح
ولجلك ماأبطل الــنوح
ومصابك مدوهــــــــــني
━━━━━━━━━━━━━━━━━━━
دوهني ولعب بــــــــــيه
واتــــــــذكرك ليليــــــــــه
كافي ارجع اعليـــــــــــــه
يبــــــــــني لا تعذبنــــــــــي
━━━━━━━━━━━━━━━━━━━
اخ من الزمــــــــــن غدار
وعله ابني الوكت من دار
منــــــــــه خاليه هـــالدار
فراك الولـــــــد تعبــــــــــني
━━━━━━━━━━━━━━━━━━━
🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده موشح علي الاكبر ع جديد محرم 1444



علي الاكبر تحزم للمنيه
أمه تودعه بدمعه جريه

​┈┈‏•​​​≜⊱☆●☆⊰≛┈┈‏

سالم مايرد تدري هيهات
ليله ونت وصفكت الراحات
نصبت العزيه بحسره واهات
صاحت ياعلي اكطعت بيه


​┈┈‏•​​​≜⊱☆●☆⊰≛┈┈‏

علي يبني وحدي لاتخليني
هالواحد خلافك من يباريني
موهين فراكك حيل ياذيني
لوكت العازه أريدك يالشفيه

​┈┈‏•​​​≜⊱☆●☆⊰≛┈┈‏

يانبض الكلب وضي العيون
يل اكبر غريبه تعوفيني شلون
اغيابك صعب يوليدي ميهون
مايبطل الون صبح ومسيه

​┈┈‏•​​​≜⊱☆●☆⊰≛┈┈‏
رايدتك ذخر ليام شيبي
ماحسبت بيك يشح نصيبي
وسفه تنحرم شم العذيبي
اموذر تنام علل وطيه

​┈┈‏•​​​≜⊱☆●☆⊰≛┈┈‏


عليك امك وازاها دهرها
بعدك ياعلي شلها بعمرها
تضل تون ومحني ضهرها
يبني تصيح هدتني الرزيه


​┈┈‏•​​​≜⊱☆●☆⊰≛┈┈‏

(بقلم العلويه ✍💫ام رائد زوين)


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لعلي الأكبر عليه السلام


أصوابك يالولد كلش عمى أعيوني
بنومك عالتراب أهواي فجعوني
❥━──➸➽❥❂❥━──➸➽❥❂
فجعوا بيك گلبي يبني يا غالي
أمدد هالأشوفك يا علي أگبالي
وأصعب يوم يومك مرد دلالي
ومن عندك يلب أحشاي حرموني
❥━──➸➽❥❂❥━──➸➽❥❂
بعدك ما فتت يا يمه بالعشرين
أمن الدنيه أشفت حته تغمض العين
هيچي أتعوفني وأتعوف أبوك حسين
وميت شفتك أنه وأنخطف لوني
❥━──➸➽❥❂❥━──➸➽❥❂
تسع أشهور شلتك بيهن أبطني
أو ما چنت أحسب أتروح وتفارگني
أو ردتك عون اليه وأبگبر سني
ويبني من متت وياك موتوني
❥━──➸➽❥❂❥━──➸➽❥❂
شبابك ياعلي ضايع بالأترابه
يالوجهك حلو شلون أحمل أغيابه
أجر حسرات وگلبي أمعطب أعطابه
ومن لطمي عليك أنهدمت أمتوني
❥━──➸➽❥❂❥━──➸➽❥❂
أمتوني أنهدمن وگلبي مرد ممرود
وأترد ما أضن يبني عليه أردود
ودموعي جريه أو جرحن لأخدود
وبذبحك يالأكبر حيل هضموني
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ١٨ من شهر ذو القعدة
الموافق / ٢٠٢٢/٦/١٧


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه لعبد الله الرضيع ع

****

اندهولي عبد يكعد أمن النومه

كاروكه يـــون وضــلن اهدومه

****

اندهــولي عبد مايحـمل النوم

جابـولي الولد والحيل مهدوم

انــه بعازتــه ويكعــدلي اليوم

{وضميــته .. للعـــازه وليدي}

💧💧💧💧

ندهولي الولد اسمع مناغاته

ياسهم المنيه ليش مافاته

من حر السهم وخر اكماطاته

{يذبحونه .. شمسوي وليدي}

💧💧💧💧

عطشان الولد بيمن يطلبونه

شسوه ياعبد ويلي يذبحونه

شوية ماي ماترضون تنطونه

{امروينه .. وبسهم الركبه}

💧💧💧💧

شمسوي الطفل بلدمه امروينه

بيد حسين ومفرفح مخلينه

تعالي بساع ياعمته تلكينه

{تلكينه .. شيلي المذبوح}

💧💧💧💧

تلكته العقيله تصيح ياعمه

ليش مشربين الولد من دمه

حضنته الولد وتشبكه وتشمه

{الشمامه .. ياطفل حسين}

💧💧💧💧

تشم نحر طفل وتصيح يحسين

من جاب الولد وامسبل الايدين

حكـــج عالولد لطمي وتدكين

{ارد اعميهه ٠٠ اعيوني اعليه}

💧💧💧💧

تمت بعون الله
قصيده مشتركه بين

✍🏻العلويه ام كنان الهاشمي

✍🏻الحجيه ام علي البصره

نسألكم الدعاء

لا أجيز من يحذف اسم الشاعرات أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعبدالله الرضيع ع

🚩🚩🚩🚩🚩

انه لو ليت حك أرباي أريدنه
ياماي العذب ابني نحرم منه

🚩🚩🚩🚩🚩
عبدالله بسهم تاليه يفطموه

مثل الطير ابني نذبح خلوه

راد الماي وبحضن الولي صابوه

وكاروك الولد بلهيمه خلنه

{ ايذبحونه // ازغير شلون}

🚩🚩🚩🚩🚩

صابو ركبته عبد الله يلغالي

عليه حيلي نهدم ونفطر دلالي

اهزن بالمهد ثاري المهد خالي

بعد آيس يكلبي واكطع الضنه

{يفطمونه // ياحيف بنبله}

🚩🚩🚩🚩🚩

مذبوح الولد مثل الورد ذبلان

شكول اعليك يازغير ياعطشان

الف ياحيف وجهك وسده تربان

ومالي روح ابني شلون اصدنه

{ مشبوحه // عيون اوليدي}


🚩🚩🚩🚩🚩

حكي اعله الزغير عيوني لعميها

مالي عين والركبه اصد ليها

آه ياحرمله سهمه نبت بيها

أظل للموت أون ماتكطع الونه

{مصوبينه //عبد الله بنحره}

🚩🚩🚩🚩🚩

مصوبين الولد والروح خلصانه

اون عليك يمه، وعيني عميانه

كاروكه اشوفه وخالي امجانه.

اناغي المن بعد وابني اشوفنه

{ ماريده // ياعمري أخلافك}

🚩🚩🚩🚩🚩

الله يعين أبو السجاد من شافه

شني ذنب المكمط يابسه اشفافه

ويلي الصوبه من الله ماخافه

لو ينسام والله بروحي اسومنه

{ايذبوحني// ياريت ابداله}

🚩🚩🚩🚩🚩

تمت بأقلام الملتقى الزينبي

خادمات كعبه لاحزان زينب ع

✍️الشاعره ام كنان الهاشمي

✍️ الشاعره ام نور الزهراء الزينبيه

ممنوع من يحذف اسم الشاعرات أو من ينسب القصيده له غير مبرئ الذمه أمام الله وأمام الزهراء عليها السلام 🏴

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للرضيع ع
**
يعبد الله إلك حنيت واشتاكيت
أنه الداريت يامه وشكثر لوليت
**
الرباب امك تدور عنك وتسأل
ساكت مابجيت الليله يمدلل
مو عاده إلك هالنوم شو طول
حليبي در عليك وانته ماكعديت
**
يبني ياحبيبي وثمر دلالي
اعاين عالمهد شفت المهد خالي
نايم ليش فوك الكاع يالغالي
غطوك بعبايه وميت ومدريت
***
اكشفت وجهك شفت نحرك يسيل دموم
اكلك يبني كوم وماتريد تكوم
حكك بالسهم مذبوح يامفطوم
ييمه ابيش اجيت لكربله ورديت
***
دلالي انفطر بالخيمه كابلتك
ضامي ومنذبح متفطره شفتك
أنه لشيباتي وايام الكبر ردتك
بأيام الرضاعه تموت ماظنيت
***
اكماطك بالدموم امخضب لكيته
غسلته بدمعتي باحضاني ضميته
عبير يفوح عطرك بيه شميته
اخذته وياي يمه لليسر وامشيت
***
ذبحوك الاعادي وراسك اعله ارماح
ازغير عالرمح راسك ييمه وطاح
يطيح وياك كلبي وشالك الذباح
دمعاتي دموم شما إلك صديت
**
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة فزاعية ( لعبدالله الرضيع ع )
----------------------------------------------------

دللو يل ولد يبني .. دللول
نايم عل ثرة عبدالله مجتول


دللو يبني حاجيني ... دللول
اناغيك و تناغيني ... دللول
وأرويك ابدمع عيني ... دللول
عفت يوليدي احظيني ... دللول

نايم ليش عفت امك ... دللول
يبني و سابح ابدمك ... دللول
ردت بس استمع ونك ... دللول
خالي يل ولد مهدك ... دللول

خالي و اني اهزنة ... دللول
اگماطك وين اضمنة ... دللول
عليك اني اجر ونة ... دللول
الماي منين اشربنة ... دللول

عطشان الولد يبني ... دللول
و فراگك حيل يتعبني ... دللول
خالي يل ولد حظني ... دللول
صدگ يبني تفارگني ... دللول

فراگك يل ولد يكتل ... دللول
يمه و الله ما احمل ... دللول
اريد أرويك يمدلل ... دللول
ترضة الوالدة تنذل ... دللول

ترضاها عبد يمة ... دللول
امك ضالة ابهضمة ... دللول
أللولي المن بعد يمة ... دللول
ابني و رايدة اشتمة ... دللول

---------------------------------------------------
*بأقلام خادمات اهل البيت ع*
* ✍آلــشــا؏ـرة وآلمـلا 🎤 رغــد آلـبــھہادليِہ*
* ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي لعبد الله الرضيع عليه السلام


ياناس الولد للگلب شريان
وانه اليوم گلبي انذبح شريانه
اهزن بالمهد وعيوني تغفه اشلون
ماتغفه العيون امگابله امچانه
عبد الله الطفل ياذنب مطلوب
صابوه بسهم مسموم عدوانه
جابه حسين للصيوان مهضوم
وطلع للمعركه ايحشم بخوانه
ياعباس ناده وجعفر وعون
ولاواحد گعد كلمن بميدانه
عفتوني غريب وحاير بنسوان
بين الگوم هاي الگوم خوانه


عفتوني وحدي ابين هالگوم
مكسور ضهري وحاير اليوم
اشوف الطفل بالسهم مفطوم
ومگطوع راسه وينزف ادموم
عباس خويه اتسلح وگوم
نايم اشلون ومو وكت نوم


اشلون نايم عالشريعه
اگعد يبو اچفوف الگطيعه
اخوك العده ذبحو رضيعه


بحضني الطفل گطعو وريده
بچه حسين ويگل العضيده
وچفك الهاي اليوم اريده


الهاي المصيبه انريد چفك
لوعدل ماتسكت اعرفك
حسبالي تگعد جيت اكلفك


حسبالي تگعدلي يضرغام
ووصيك عالحره والايتام
باچر يذبحوني الظلام


الشاعره المله
ام هجران العمارچيه
غير مبري الذمه كل من يمحي اسم الشاعره او ينسب الكلام لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

ولعبد الله الرضيع ولأمه الرباب جراح لازلت تنزف

.....
اي وحگ ليل السهرته
ايضيع تعبي ما حسبته
خالي حضني والمهد
والولد راح الولد
......
اي وحگ كل لحظه مرت من حياتي
وحگ صبري الچان بي موصوفه ذاتي
وي رضيعي ضيعت كل أمنياتي
امه وتمنيت لو گبله مماتي
اللوم ما ينفع بعد
والولد راح الولد
.....
شلون منظر مرمراني بيوم شفته
سهم المثلث أنه بعيني لمحته
صحت يمه وهيست روحي ضربته
ريته صوب گلبي ماصوب رگبته
لجرحي ما ينفع ضمد
والولد راح الولد
.....
صورتك لحظه ولا تركت خيالي
وروحي مني تروح يم ذيچ الليالي
اتخيلك نايم واناغيلك يغالي
وبيدي هزيت المهد وٱنه ادري خالي
فارگت طير السعد
والولد راح الولد
.....
دورت مهدك ييمه وما لگيتك
ضيعيتك من اديه ضيعيتك
ازغير عمرك يلي بالطف كبر صيتك
الدمعه والحسره ولا كفت قضيتك
الدمعه ما تكفي ابد
والولد راح الولد
.....
عتگ صبري يالجديده ايام عمرك
امك ويصعب علي يوليدي هجرك
وينك أو وين العطش يمه شيصبرك
عظم الله اجري ييمه وعظم اجرك
هذا من ربي وعد
والولد راح الولد
بقلمي ... الشاعرة نسيم كربلاء

لا اجيز حذف حقوق القناة


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆