ابوذيه ونعي لجواد ع

هذوله العلم دين الله يشيعون
شي اتعادت وياهم يشي عون
بالنعش ابن الرضاكامو يشيعون
وتصيح الناس هذا بن الزجيه

............
يطيبين المثلكم وين ياجد
دوم احجيلهم ياكرم ياجد
اذاه العطش ويصيح ياجد
فوك اضماك خيل الاعوجيه

مسمون وانون المصابه
ياسم دليله اوياشبابه
عالج وحده ومسدود بابه
............
يعالج وحده وركدان حيله
سم وعطش مرد دليله
وين اهله تحضر اليله
.............
يكطعوله دروب البوادي
وهاشم بصرختها تنادي
واليوم تفزع لبو الهادي

..............
وين اهله خلهم يحضرون
وأهل الحميه خل يفزعون
ضل الجواد ايدير العيون

.............
يعالج ومحد كاعد احذاه
غير اليموت احباب وياه
بساعت منيته تحضر اعظاه
.............

ضل الجواد ايدير بالعين
بيه مادرو وهله بعيدين
جر حسرته وتذكر حسين
.............
تذكر حسين ودمعته تسيل
ناده يجدي وناحل الحيل
وهل الدمع عالسحكته الخيل

.✍ام زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

السلام عليكم
ان شاء الله تعالى بالقريب سوف انشر لكم قصائد محرم يالترتب للعشرة الاولى

https://tttttt.me/joinchat/AAAAAELdvGssZMurwfLsJA

قصيدة للهلال


اه واويلاه يهلال الشهر
صوبت گلب العقيلة ام الخدر

اه ياشهر المصايب والبلة
زينب بجيتك حزينة موجلة
خايفة اعلة خوانهة والعايلة
بان عالحوراء من هسة الكدر

الحزن من هسة عالحوراء بان
تگول ماكو راحة بعد ولا امان
بيش طالبني ويحاربني الزمان
ياخذ احباب الگلب مني بغدر

اه ياعاشور من عندي شتريد
دوهنتني وحايرة واصفگ الايد
لايظل حسين لايبقة العضيد
مني راح تروح وليان شكثر

كلهم يطيحون وابقة بلاولي
وانده احضرني دخيلك ياعلي
شلون بعيوني اشاهدهم هلي
عالثرة يظلون والدنيا ظهر

عالثرة الوليان تبقة بلاغسل
شلون گلبي لهالمصيبة يحتمل
ياشهر عاشور بالله لاتهل
لهالمصايب هاي ماعندي صبر

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://tttttt.me/joinchat/AAAAAELdvGssZMurwfLsJA

(القصيدة من ديوان📚 قربان الطف الجزء الاول)
المجلس الثاني
قصيدة لليوم الأول(اواسي فاطمة)
❥━──➸➽❥❂❥━──➸➽❥❂
اجيت اليوم انوح واهمل العبره
بالمجلس اواسي فاطمه الزهره
❥━──➸➽❥❂❥━──➸➽❥❂
للزهرة الزجيه اليوم اواسيهه
بأبنهه المنذبح عطشان اعازيهه
شما ابجي اعله ابنها ما اوافيهه
هلال الشوم بان وبالكلب حسره
❥━──➸➽❥❂❥━──➸➽❥❂
شهر أحزان بيه اكلوب مفجوعه
وبيه بت حيدرة حست جم لوعه
شافت بي اخوها رضو اضلوعه
وخيل الكوم هم داست على صدره
❥━──➸➽❥❂❥━──➸➽❥❂
بالمجلس اريد احظر واجي وياها
والطم عالصدر وابجي اويه مبجاها
عالبطف كضوا دم تجري عيناها
تون وتنوح للضلو على الغبره
❥━──➸➽❥❂❥━──➸➽❥❂
بعزاء ونوح يخلص هالشهر كل عام
لحسين الذبيح مكدر الإسلام
على كلب الموالي صعبة هالايام
يتناحب يظل ويلطم ويقره
❥━──➸➽❥❂❥━──➸➽❥❂
وينعى اعله الكفيل العل النهر مطروح
ودمه عالارض يا ويلي ظل مسفوح
يمصابه جبير وفتتاها الروح
مصاب حسين خله بكل كلب كسره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للهلال لسان حال العقيله زينب عليها السلام
تقرأ بعدة اطوار
========

اهلال البين

هل يحسين

وگليبي رجف منه

========

اتخيلت العده اگبالي

ويمشي بضعني چتالي

ويشوف الردي اخيالي

وصوتك خويه اسمعنه
وگليبي رجف منه

➿➿➿

شفت هلاله گدامي

خفت لاتنذبح ضامي

واحير ابلمت ايتامي

دليلي شلون اصبرنه
وگليبي رجف منه

➿➿➿

خاف اتجور بينه ايام

تضيع الحرم والايتام

العدو مايعرف الاسلام

ماخلو زلم عدنه
وگليبي رجف منه

➿➿➿

على العباس اجر حسره

وعلى الي منگطع نحره

الضايع منهو اليدوره

يصيح ومااسمعنه
وگليبي رجف منه

➿➿➿

يخويه اتخيل المنضر

أموذرينه علي الاكبر

والعريس المطبر

عن حناته انشدنه
وگليبي رجف منه

➿➿➿

وشوفن طفلك الدافي

بخضني نايم وغافي

بس هلشوغه الي كافي

ماتت روحي اتمنه
وگليبي رجف منه

➿➿➿

اصيح وماحضر عباس

وسفه راعي النوماس

خلاني ابدين ارجاس

اخوي بنومته امهنه
وگليبي رجف منه

========
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شدة للهلال
***
هل محرم بالسمه وبجاني
ياشهر حزني وذبح اخواني
**
ياهلال بياوجه جاييني
شلون الك عين وتصد بعيني
آنه زينب بت علي حاجيني
والعقيله ام الخدر سماني
***
ياشهر ودعت بيك احله السنين
بليل عاشر ودعت بيك الحسين
إودعت عباس ابو كلب الحنين
وصار اسمي ام الحزن عنواني
*
بيك شفت اخواني نامو عالثره
شفت ابو السجاد حزو منحره
وعالشريعه نام سبع الكنطره
وبذبحهم تبتدي احزاني
****
شفت ابو فاضل بلا يمنه ويسار
سهم العين شفته والدليل احتار
صحت عباس حركو خيمتي بالنار
كوم ياخويه الشمر اذاني
*
مصاب حسين شفته واسمع ونينه
راسه عالرمح ويدير إلي بعينه
يوصيني عله ارقيه وعله اسكينه
والحادي بزجر والسوط مشاني
*
أم علي


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هلال محرم


هل الهلال يزينب. هل الهلال
والدمع سال يزينب. والدمع سال


ياعقيلة حيدره يم الخدر
هل محرم والحزن هل وكبر
ولايضل عندج ولي بهذا الشهر

والحمل مال يزينب والحمل مال
والدمع سال يزينب. والدمع سال



سالت دموع الرزيه والالم
باجر تهل المصايب والهظم
عالترب تجري من اخوتج كلها دم

والدهر عال يزينب. والدهر عال
والدمع سال يزينب. والدمع سال


اه من جور الزمان وعملته
باجر تشوفين اخوج وفجعته
باجر على الكاع كلهم ضنوته

الدهر ميااال يزينب دهر مياال
والدمع سال يزينب. والدمع سال


اليوم هل هلال هظمة فاطمه
بهالشهر. الآم والدمعه دمه
من تصدين على حرك مخيمه

سلى الدلال يزينب. سلى الدلال
والدمع سال يزينب. والدمع سال


يسيل دمعج من دمه لسبط النبي
تروح كل العايله لدرب السبي
يسب فاطم ما يهاب الناصبي

خابت امال يزينب خابت امال
والدمع سال يزينب. والدمع سال



ام زينب السعداوي. ناصريه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة مربعة لهلال شهر محرم الحرام ( لسان حال السيدة زينب ع )
--------------------------------------------------

يهلال الحزن لا تگبل اعلية
ترد اوجاع گلبي بهاي الامسية


يهلال الكدر و البين و الونة
خلوانة المنازل من حبايبنة
لا تگبل علينة و بيك فجعتنة
اتذكر مصاب اهل الاعزوبية

يهلال الشهر شفتك ابهليلة
انخمش گلبي وحبيبي اليوم انعيلة
واولادي وهلي و رويحتي انحيلة
واصيح بحسرة شيردهم بعد لية

برض الطف فگدت احبابي ياعالم
وبعيني شفت شيسوي الضالم
وجفني بقة ساهر ليلة ما نايم
ومن بلد البلد افتر و مسبية

مسبية مشيت و حالتي حالة
اون طول الدرب والدمعة همالة
و الملعون تجرح بيدي احباله
وكلساعة يسبني وهم يجر بية

من عت الحبل و امتوني توجعني
و روس اعزازي فوگ ارماح تنظرني
صحت بصوت خوية حسين تسمعني
وشاف شلون الشامت زمخ بية

شهرين اني دون اخواني متعذبة
و من ديرة الديرة امشي متغربة
ولا واحد علينة هم يحن گلبه
و تنام اموجعة العلوية ليلية

---------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للهلال عن لسان حال زينب ع

كون مايطلع اهلاله ولاتشوفه عيوني
يغيب لوكرب محرم يستحي من متوني
..............
يدري زينب تنفجع من طلعته
من تصد بالعين تذكر فجعته
يامصابي وياحسين اوذبحته
بيك اتذكر ليالي ويوم غير لوني
.............
كون يخجل مايهل هذا الشهر
يدعي ربه ايغيب ويذاك الكمر
الخله عينه انطفت يم راك النهر
يالخذت عزي ودلالي وخيبيت اضنوني
...........
ياشهر عاشور واحنيت الضلع
زينب تخاطب اهلالك بالدمع
يالبيك حسين دامي ومنصرع
مصابك ايألم دليلي وشيعتي ايعازوني
...........
تلبس اثياب الحزن بهلالك
وناعي يهلال بحزن ينعالك
اه يحسين وايسبي عيالك
ياذبيح الطف ينادي وانه ايذكروني
..............
ياهلال و يبدي وياك العتب
بيك ابوالسجاد ضامي وانسلب
بيك زينب عالهزل كطعت درب
مانسو يوم المصيبه وعالجره ايواسوني
...............
تدري يهلال المصايب من تهل
ترد مأساة السبي وشد الحبل
دهر حزنك ياهلال اومايزل
بيك مجتوفه ويسيره وعالهزل مشوني

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي وبوذيه للهلال

عله زينب بجم صواب هليت
دم العين لامو دمع هليت
من شفتك ترب عالراس هليت
ذبح حسين بيك وسبي اميه

نعي
هل الهلال وذاب كلبي
وياعين عالخوان صبي
اه يازمان عليك عتبي

يهلال يالفركت الاحباب
وخليتني مابين الاجناب
وراح الحنين اليسوه الاعتاب

خذيت وين الي اوده
ماخليت والي اكعد بسده
سهمك رمه كلبي واتعده

سهمك بنص احشاي نابت
روحي على خال الولد ذابت
هدب عيونه ابلواك شابت

ونيت من شفتك يالهلال
واتذكرت صرخات الاعيال
وسكنه ورقيه فوك الاجمال

مكدر اومالك تكطر دموم
يالبيك صدر حسين مهشوم
اعزاز اخوتي يومهم يوم

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_مسير_الفواطم_ج٥
*قصيدة للهلال(هلال عاشور)*
❥━──➸➽❥❂❥━──➸➽❥❂
اهلال عاشور عماني اهلال عاشور
گلبي مكسور يخويه گلبي مكسور
خاطري خويه انكسر/بين هلال الشهر
گلبي مكسور يخويه گلبي مكسور
❥━──➸➽❥❂❥━──➸➽❥❂
گلبي مكسور وخفت من هل الاهلال
هلاله محزون اوحش يخمش الدلال
انعصر گلبي يخويه ودمعي همال
خوفي يغدر هالزمن ويغير الحال
خوفي من ارض البله/تضيع بيها العايله
وتخله الدور يخويه وتخله الدور
❥━──➸➽❥❂❥━──➸➽❥❂
بين هلال الشهر اه يا ولينه
وانته تدري بالذي يجري علينه
بسهم ينصاب الگمر ويطفي عينه
وتنگطع يالوالي يسراه ويمينه
راسه ينصاب بعمد/يروح اخيي والسند
راسه مطبور يويلي راسه مطبور
❥━──➸➽❥❂❥━──➸➽❥❂
يضل كافلنه عله الغبره رميه
والرضيع يموت ما شارب اميه
وامه تنحب والدموع تصب جريه
وانه انادي منين اجتني الغاضريه
اصرخ بصوت واون/صار اسمي ام الحزن
وگلبي موجور بعدكم گلبي موجور
❥━──➸➽❥❂❥━──➸➽❥❂
گلبي موجور وانادي خويه يحسين
ذبحتك وسفه الاعادي امن الوريدين
بفرگتك ظلمه الليالي واهمل العين
بعدك انه ما يضلي والي ومعين
يبگه بس ابنك عليل/وعالهظم ما بيه حيل
ويكثر الجور علينه يكثر الجور
❥━──➸➽❥❂❥━──➸➽❥❂
تكثر علينه الهظايم والمصايب
نشوف من بعدك ترى احنه العجايب
يگعدونه بالخرابه و عالترايب
والله ما تنحمل گعدات الخرايب
يگعدونه عالتراب/ونشبع هموم وعذاب
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للهلال اول ايام محرم تقرأ بعدة اطوار
========

هل شهر الحزن ياناس

نشرو بيرغ الزهره

========

انشرو بيرغ الاحزان

للضلو على التربان

ولحسين المشه عطشان

وللنامو على الغبره
نشرو بيرغ الزهره

🏴🏴🏴

بيارغ سود انشروها

وام الحسن عازوها

صرخة حزن علوها

عازو زينب الحره
ونشرو بيرغ الزهره

🏴🏴🏴

ياشهر الحزن بيّن

من شافه الگلب خزّن

عيوني على الولي يرحن

أمر الله والمقدره
نشرو بيرغ الزهره

🏴🏴🏴

دگو اسواد وبكل بيت

قرايه ابكل كتر ياريت

حزنو لحزن اهل البيت

ابچو دموع وبعبره
ونشرو بيرغ الزهره

🏴🏴🏴

مواكب حزن قيموها

وبكل بيت خلوها

اليوم الزهره عازوها

بمصابك يبو العتره
ونشرو بيرغ الزهره

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للهلال (اه يهلال الشهر)*
*من ديوان📚 مسير الفواطم لأرض المظالم ج١*
❥━──➸➽❥❂❥━──➸➽❥❂
اه يهلال الشهر شفتك وگلبي انفطر
خايفه اعله حسين منك ادري باجر ينغدر
❥━──➸➽❥❂❥━──➸➽❥❂
ادري باجر ينذبح راسه ينشال برمح
گلبي من هسه انجرح وضهري عالوالي انكسر
❥━──➸➽❥❂❥━──➸➽❥❂
گلبي مهموم ويون روحي غطاها الحزن
حايره المن اون نوحي كاسرلي الظهر
❥━──➸➽❥❂❥━──➸➽❥❂
نكسر ظهري من الونين وبس اصيحن يا حسين
ماخذ عيالك لوين بيك يغدر هالدهر
❥━──➸➽❥❂❥━──➸➽❥❂
بيك غدار الوكت اشلون بيه لو متت
دمعي من هسه يكت وحشمت فارس مضر
❥━──➸➽❥❂❥━──➸➽❥❂
حشمت بويه علي باجر يطيح الولي
ومن يردني المنزلي امشي عگبه لليسر
❥━──➸➽❥❂❥━──➸➽❥❂
امشي عگبه ميسره وبالعيال محيره
المن اشكي الي الجره روحي كاتلهه القهر
❥━──➸➽❥❂❥━──➸➽❥❂
المن اشكي حالتي صعبه كلش قصتي
حملوا عني اخوتي وعيني تعبهه السهر
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثقيله للخدمه الحسينيه
===========

اريد اصرخ بعالي الصوت
وصيحن ما امل منكم

تحقق حلمي ابعاشور طلبت احيي مجالسكم

===========

صحيت من الحلم ياناس
بفرحه دربي ماشوفه

ركضت على القصيده بشوك
ركضة وحده ملهوفه

مملوئه حزن واحساس
هاي اللهفه معروفه

بلهفه وشوك
وحنين النوك

حنيت لمجالسكم

📒📒📒📒📒

من شفت القصيده بجيت
وقريت بحزن وبأحساس

لامرتبكه لامن خوف متعجبه عليه الناس

قريت على الحسين احزان
وعلى الزهره وعلى العباس

ادك علعين
وحك حسين

وما ابطل مجالسكم

📒📒📒📒📒

اجوني بطيف اهل البيت
يدروني احبنهم

جنت اتمنى لو بحلام
اقيمنها مجالسهم

يدرون الكلب ملهوف
وريدن دوم خدمتهم

اقيم النوح
على المذبوح

واحييها مجالسكم

📒📒📒📒📒

رادوني ادك لحسين
اهل البيت رادوني

درب حسين ماعوفه
لون قطعه يكطعوني

مُحبه انه لهل البيت
وهمه زين يدروني

اخدم دوم
للمظلوم

وما انسه مجالسكم

===========
خادمة ال البيت الحجيه ام علي البصره
المستهل لخادمة الحسين ملا ام كرار الديوانيه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة بحق العليلة ع عن لسان ابيها الحسين ع

اول دمعه السالت من عينك يحسين
الكبرى تصيحك وانته عليها اتهل العين

عيونك سالت يامولانه
من عفت بدارك وجعانه

اول دمعه اول دمعه
...........

اول دمعه السالت منك /يوم الشلت وعفت الدار
والكبرى اتصيح تانوني/ وبكلبك مولاي النار
من كالت ليش اتخليني/ ومحملها ازغار اكبار
بهاي الحاله هلت عينك / تاخذها بظعنك محتار

مانكدر ناخذها ويانه
عيونك سالت يامولانه

اول دمعه اول دمعه
...........

مانكدر ناخذها ويانه/ واحنه نشوف هواي الاالام
ماتكدر تمشي ويه ضعوني/ محتاجه اتهود وتنام
درب بعيد او ماتتحمل/ ونغيب اشهور وايام
سهم الكبرى صوب كلبي/ وتتلكاني اشكد اسهام

توحشها الدار الخليانه
عيونك سالت يامولانه

اول دمعه اول دمعه
............

مانام وماتغفه عيوني/ من اذكرها عيوني تسيل
اتصورها بدار الوحشه/ واتعاتب لو جاها
اليل
وتكول الوالد خلاني/ اشلون اتقبل عني ايشيل
يدريني بمرضي اوجعانه/ والحيل من الفركه انحيل

والبيت اتعاتب حيطانه
عيونك سالت يامولانه


اول دمعه اول دمعه
...........
كلما اشوف اسكينه اكبالي/ اتصورها اكبالي تحوم
اتذكر بالباب اتاني / وتصيح بكلب الملجوم
يابويه دخيلك رد ليه / كلبي عليك ايسيل دموم
اعيوني اشتاكن لعيونك/ وشيصبر كلبي المالوم

وبكلبي تهيج نيرانه
عيونك سالت يامولانه

اول دمعه اول دمعه
..........
اتعذر منج يالكبرى/ ماجتج من عندي اخبار
ماشفتي بعينج دولابي/ وماتدرين بحالي اشصار
يابويه احتاريت ابامري/ وحيرني الدهر الغدار
لوشفتي المر بعماتج / جان اتقبلتي الاعذار

يابويه اسوت دنيانه
عيونك سالت يامولانه

اول دمعه اول دمعه

.........
من طبعي ومن روح البيه/ مااخلف يالكبرى عهود
واعدتج يرجعلج عمج/ واكتابج يوصلج عود
اشلون ارسلج مكتوبي/ وعمج عالشاطي وممدود
ريتج يابويه اتشوفينه/ لاعينه ولاعنده
ازنود

عباس انكطعت ذرعانه
عيونك سالت مولانه

..............

✍ام زينب كربلاء غير مبري الذمه من ياخذ الكلام وينسبه له القصيده مطبوعه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_قصائد_الملة_أم_غصون_العمارجية_.


لطميه للعليله عليها السلام


الله اوياكم الله اوياكم
يالعفتوني اشلون انساكم
/////////////////////////////
اشلون انساكم وانتم روحي
واعزاز واغله امن الروح
ودعتوني بكسرت خاطر
وعبره ودمعه ولوعه ونوح
شيطفي النار التجويني
وشيضمد كلبي المجروح
من فركاكم من فركاكم
كلبي اتصوب من فركاكم
/////////////////////////////
من فركاكم كلبي اتصوب
يوجعني اصوابه ولا طاب
مانامت عيني السجابه
تتنوع عيني اعله الباب
وجعانه وعفتوني الوحدي
وانه اوياكم عندي اعتاب
واترجاكم واترجاكم
ضليت انطر واترجاكم
/////////////////////////////
ضليت انطركم مهضومه
حسبالي ابساع اتردون
حيلي اتهدم وابجي ابحركه
ودمع الفارك يعمي اعيون
ماكلتو ماتت لو عدله
مافكرتو بيه اشلون
ابلياكم ابلياكم
ماريد الدار ابلياكم
/////////////////////////////
ماريد الدار ابلياكم
لو بيدي ولا ضل بالدار
وين اوجوه الجانت تزهي
والعشره وصوت الخطار
انشد عنكم لا من طارش
ولا مكتوب وماكو اخبار
الشافاكم الشافاكم
هنيال عيونه الشافاكم
/////////////////////////////
هنيال اعيونه الشافاكم
والكعد يمكم يرتاح
يكلف حالي وما يتوصف
مثل الطير الماله اجناح
خافن عمي اتطبر راسه
وزينب سابيها الذباح
وين الكاكم وين الكاكم
وامضيعتكم وين الكاكم
/////////////////////////////

*تـــمت والـــــفضـــ🤲ـــل لله تعالى*
*بقلم✍الشاعره المله أم غصون العمارجيه*
*صاحبه ديوان📚آيات الشهادة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

محرم العليله
لطميه مربعه


ردو بالضعن. لاوين ناوين
ردو ياهلي شعدكم مبعدين


ردو بالضايعن يا لمشيتو
بحال الي تركتوها شدريتو
عمت عيني البواجي من جفيتو
تصدعيني. لضعنكم يالمغربين




انه شلون الكلب يرتاح ويهود
واحباب عليه تعدت حدود
الف ياحيف دار الولي مسدود
تصد العين ضلمه دار الحسين




ردو ياهلي رحمو بحالي
غير الضيم والعله شصفالي
يبويه شلون اضل بلايه والي
والينه مشه واحنه محزنين




فوك العله والهم ابدليلي
فراك عزاز الهدم حيلي
انون كل النهار وابجي ليلي
ولا يفتر ولاهود يالونيين





على الونات روحي علمتها
كل ليله بحزن وبهم عشتها
يا سباح كلبي كطعتها
بروحتكم يصير الكلب نصين






بويه انه العزيزه الضيعتني
شلون لوحدي تروح وعفتني
حسبات الزمان الدولبتني
من فركه الاهل مهظمين





ام زينب السعداوي، ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لسيده فاطمه العليله عليها الصلاه والسلام

وين الله ويجيني....ينشف دمع عيني
ابوي الراح مارد...دمعي جرح الخد...وين الله ويجيني
🖤🖤🖤🖤🖤
هم يرجع الي وترد لي روحي
وترجع فرحتي ويهود نوحي
ابوي الراح تاركني بجروحي
عليله والهجر هدم صروحي
راحل عني بعيد
كلبي ابد مايهيد
ذايب من حنيني...وين الله ويجيني
🖤🖤🖤🖤🖤
عليله والهجر سلني وعماني
لجيته احسين ابوي انطر وتاني
شال الكربله وانه نساني
حمل كل هلي وتعذراني
راحوا وانه ظليت
دمعي دمه هليت
فراكه عمه عيني
وين الله ويجيني
🖤🖤🖤🖤🖤
عافاني ابوي حسين بالامي
غريبه بموطني وضيع احلامي
وي ريح اليهب ابعث سلامي
لابوي الغالي وعمري وامامي
لعزيز الروح لحسين
فدوه تروحله العين
وعمري وكل سنيني..وين آلله ويجيني
🖤🖤🖤🖤🖤
متعوده جنت يحط راسي باحضانه
ويمسح هامتي بعطفه وحنانه
وبصوته العذب يرتلي قرانه
الف ياحيف ظل خالي مكانه
كلبي يريد ملكاه
روحي راحت وياه
هجره ياذيني وين الله ويجيني
🖤🖤🖤🖤 🖤
يكولون العليل اهله يدارونه
من الام المرض والون يسلونه
ماشفنه بهظم اهله يتركونه
وحيد بديرته ويدير بعيونه
وانه وحدي ظليت
وحشه عليه البيت
دمعي يسليني...وين الله ويجيني
🖤🖤🖤🖤🖤
كلي يرد الج الأكبر وعباس
ظليت انتظر ومجروحه احساس
هم مثلي بتلت وحده يهالناس
بالهم والمرض تجرع الانفاس
خاف الاجل يدني
وابوي بعيد عني
تظل مفتوحه عيني ...وين الله ويجيني
🖤🖤🖤🖤🖤
كلبي عليك ياوالدي ممرود
وتمر لي بحلم وحسبالي موجود
افر البيت ادور وابجي اردود
وارد تخيلك عالارض ممدود
وراسك برمح عالي
وعمتي بلايه والي
بذبحك ذابحيني... وين الله ويجيني
🖤🖤🖤🖤🖤
تمت بعون الله تعالى
✍خادمه الزهراء ام حسين الاسدي القصائد والاطوار موجوده في القناة للاشتراك اضغط


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للعليله"ع"*

امگابله الباب واتاني مگابله الباب
اتعود الاحباب اليه تعود الاحباب
طولو شومااجو ....چن عزيزتهم نسو
امگابله الباب واتاني امگابله الباب

منهد ماراحو لحد هسه اتاني
شو بعدگطعو ولا واحد لفاني
ابچي وسط البيت ظليت واعاني
اتاني دگت باب ويردهم زماني
ولابعد مروعليّ.....راحو احبابي من ادي
امگابله الباب واتاني امگابله الباب

خلص گلبي من حنيني وشوگي ليهم
لشوفهم لهفانه روحي ولحچيهم
والله فد بيهم محنه ادري بيهم
الله اعلم بالجرة واشمر عليهم
افراگهم حاني الظهر....تجرح ابگلبي الصور
امگابله الباب واتاني امگابله الباب

تجرح ابگلبي الصور والذكريات
والله احس من دونهم ماكو حياه
من كثر ماحبهم ادعي بكل صلاه
ربي ردهم ليه لوجيب الممات
روحي گاضيهه الحنين....وين اروحن انه وين
امگابله الباب واتاني امگابله الباب

وين اروحن وانه ماواحد بقالي
يبچي صدگوني الصخر يااهلي حالي
وحشه دون اوجهكم هاي الليالي
بس دمع عيني اليواسيني صفالي
ردت لو واحد يمر...يروحله فدوه العمر
امگابله الباب واتاني امگابله الباب

اتمنه لو واحد يمرني يشوف وضعي
منحني من المرض والنوح ضلعي
دمعي حفر خدي يالوليان دمعي
انه يوميه بدربكم اگعد انعي
مره اناطر بالدرب .... مره بالدار انتحب
مگابله الباب واتاني مگابله الباب

*بقلم✍خادمة تراب الزهراء(ع) الكربلائية فاطمة علي الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي حول العليله بنت الحسين


تبعت الظعن ظعن الاودهم
وتانوني صحت ما جني بتهم
عزلو احمولي من حملهم
وعميه يعيني ولا شفتهم


شفت ظعن والحيل رهنوه
وحمل المريضه ليش خلوه
والحيل مني اليوم هدوه


انهد يحيلي ابيوم شفته
ومريضه وبهمه لحكته
اخذوني صحت وانه تبعته


تبعت الظعن وامشي واطيحن
يعزاز الكلب تانوني اصيحن
مريضه صحت جاوين اروحن


تدرون يهلي الحال تعبان
وخذو احمولي اشلون ماجان
كلبي كضه واليوم خلصان



خلصان كلبي حيل تدرون
خذوني وياكم يل تحملون
الفركه طويله تغير الون


حملو ليش اعزاز كلبي
واركض كمت واعثر ابدربي
يالرايحين اشبعد عدي


ابيوم المشو وابعدو جنهم
وگفيت وبعيني شفتهم
شكولن يوكتي هم يردهم


بيه السفر هذا المنيه
وراحت اعزازي اشلون بيه
ماظن زماني يعود اليه
ويردهم بعد وانطر الجيه


*لخادمة الزهراء العلويه ام جعفر*
غير مبري الذمه من يحذف الاسم ويأخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك