فزاعيه لزهراء ع

ردي يم حسن تاهت يتماج
ييمه حسين مايرهم بلياج
...........
ردي لنزل يابعد العيون
وولادج عله فراكج يونون
حزنانين والشوفج يريدون
بعدهم مشبعو من لذت ارباج
............
يتباجون ويكسرون الكلوب
يذكرون الحنينه وكت الغروب
زينب صارخه والدمع مسجوب
وكت اليل بالونات تنعاج
...........
تفز بليل وتريدج تردين
تكابل حجرتج والدمعه بالعين
تصيح بصوت يمه وماتسمعين
حن ليج الكلب وارد اكعد وياج
.........
بعدنه بشوك كعداتج يزهره
عفتيني بحزن والعين تجره
مكسور الكلب بجفاج كسره
تلوج الروح وتحن عله ملكاج
...........
بعد ذاك الشمل ماضن نلمه
وتدرين اليتيم ايزود همه
يهدم بالصخر لوحن عله امه
تهل عيونهم من يمر طرواج

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*فزاعيه سريعه للزهراء، ع*
ـــــــــــــــــــــــــــــــ
اويــــــلاه دار ام حسن حرگوها
اويـــــلاه ظلام ما رحموها

ـــــــــــــــــــــــــــــــ
والنار شبت مسعره
تبجي وتنوح الطاهره
مصابج عظيم وماجره
اويلاه يضلوعج الصابوها
ـــــــــــــــــــــــــــ
مصيوبه ابوها نادته
خلي يشوف بنيته
تعازيه كلها شيعته
والزهره ما هابوها
ــــــــــــــــــــــ
وسفه النذل ما هابج
جاب الحطب يم بابج
يكلف علينه غيابج
وام الخدر واسوها
اويــــــــلاه
ــــــــــــــــــــــــــــ
واسوها لم النايبه
الماجره دموعه تعاتبه
ماتت الزهره مصوبه
وحقوق الج غصبوها
اويــــــــــــلاه
ــــــــــــــــــــــــ
وحقوق معروفه فدك.
كلمن يعاديها هلك
ياربي ندعي ونسالك
كلمن يوون سجلوها
اويــــــــــــــــلاه
ــــــــــــــــــــــ
كلمن يوون مسجله
ذنوب كثره شايله
باب الزجيه ونساله
كلمن ندب سمعوعا
اويــــــــــــلاه
ــــــــــــــــــــــــــــ
*تمـــــــــــــت بقلم خادمة اهل البيت ع ام وليــــــــــد الموســــــوي لا اجيز حذف الاسم شرعا


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة حيدريه بحق مولاتنا الزهراء ع


اه واويلاه ماتت فاطمه
ارتجت الدنيا وملائكة السمه


ارتجت الاكون لجل الطاهرة
وكلب ابوالحسنين جاشيصبرة
استعدي يا لعقيله للجره
اليوم تبجي ادموع زينب من دمه


تبجي والدلال ناره ماطفت
وعينها للوالده ولا غمضت
اه واويلاه زغيره اتحملت
ادكول روحي اليوم لمي مئلمه


اتألمت روحي ولا ينفع دوه
كون موتتنه يالحبيبه سوه
انتي نبض الروح ولعيني ضوه
روحي من يوم المشيتي هايمه


روحي هامت والكلب ماينجبر
عكب عينج يمه ماريد العمر
كبل ضلعج كلبي احس بيه منكسر
اليوم فكديتج وباجر حيدره


باجر الهامه اشوفنها انفجع
وكلبي يمه اليوم ينزف للضلع
وافكد الانوار يا زهره التشع
انوب اشوف الضيم كله بكربله


حسين من ذبحوه عيني اتشاهده
شلون من داسوا على صدره العده
كون يمه اتشاهدين الي سده
حسين لو شفتيه ايلوج امن الضمه

🎤🎤🎤🎤🎤🎤🎤🎤🎤🎤🎤🎤
بقلم✍الشاعرة ام كرار الساعدي
غير مبري الذمه من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للزهراء وللام ايضاا
✿➻✾❢❧✭„✪„✭❧❢✾➻✿
المحنه وياج يمه فاركيناها
الدنيا بغير شخصج ماهويناها
✿➻✾❢❧✭„✪„✭❧❢✾➻✿
الدنيا بلايه ام تصير مو حلوه
عكب الدللتنه والله ماتسؤه
ترفه ارؤاحنه وافراك مانهوه
يم احسين دارج مادخلناها
✿➻✾❢❧✭„✪„✭❧❢✾➻✿
دارج مااطبهاا تنعمي عيني
اصيح بشوك وين امي التلاكيني
انابيها بدمع عيني وتنابيني
حتى الدار ونت من فكدناها
✿➻✾❢❧✭„✪„✭❧❢✾➻✿
من يؤم الفكدنه امنه الحنينه
بعد محد يمرنه وينشد علينه
ينار يفراكها تسعر وتجوينه
نكول الدللتنه وين نلكاها
✿➻✾❢❧✭„✪„✭❧❢✾➻✿
بعد وجهج ييمه مااشوفنه
وصوتج بالمنازل مااسمعنه
منج ايسينه وخابت الضنه
ونتذكر عمرنه الجان وياها
✿➻✾❢❧✭„✪„✭❧❢✾➻✿
تذكرنه المجان البي تسامرنه
وذيج ايامنه الحلوه وسؤالفنه
ووي امنه الحنينه الموت فاركنه
الف ياحيف هسه ضيعيناها
✿➻✾❢❧✭„✪„✭❧❢✾➻✿
كلمات الشاعره نورس الحلفي

الفاتحه الى رؤح جدتي وامواتكم🙏


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه ختمة مجلس
******************
واويلي عله الزهره ٢
*****************
جينه ننصب المأتم
بخيمة فاطمه نلتم
والوالاهه مايندم
دنيه وآخره إتحضره
*****************
خدام احنه يم بابج
بينه يلجم صوابج
يشبه كربله مصابج
خله بالكلب جمره
******************
ام حسين عصروهه
والضلعين كسروهه
باب الدار وجوهه
ومحسن طاح عالغبره
******************
فجعونه بهجوم الدار
بضلعج نابت البسمار
وامجتف علي الكرار
زينب تندب بعبره
******************
بيش امي يطلبوهه
بجعب الرمح ضربوهه
واعله العين سطروهه
توجع طكة السطره
******************
حسره ازيارتج بينه
ماندري الكبر وينه
يمته يعود مهدينه
يبني الكبه والحضره
******************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لفقد الاب وكذالك الاحباب والخطاب لزينب ع

يالفاكده ذخر الكلب وني وحملي الهظمات
والراح مايرجع بعد ماضن ترده الونات
مافاد ونج بيهم / تراب الكبر غاطيهم
وني وحملي الهظمات
..............

لوراح ابوج ومارجع وني وتلوك الونه
مايكعد النام وغفه يرد عله بابج ضنه
واليندفن حدر الثره الونات ماجابنه
كلبج خلص من ونته الحسرات مافادنه

بطلي العتاب عليهم / تراب الكبر غاطيهم
وني وحملي الهظمات
..............
المن تودين العتب غمض ابوج العينين
لوغاب عنج والدج المن بضيمج تحجين
ترحين لديار الاهل بدمع الهظيمه تردين
دمعج يهل عله الوجن والشوف ابوج تحنين

خلي الكلب يبجيهم / تراب الكبر غاطيهم
وني وحملي الهضمات
..........
رفكي الحزن طول العمر ذكري الابو اوناته
يازينب الوالد ذخر وكت العسر وكفاته
يشبعن هظايم لومشه وايذلن ابنياته
كلما يمرن بالنزل يتذكرن كعداته

ماضن بعد تلكيهم / تراب الكبر غاطيهم
وني وحملي الهظمات
................

يالضيعت وجه الابو ايضل الحزن غاطيها
ماسولفت ضيم الكلب لاحجت هم البيها
كطعت الضنه وايست حدر ترب واليها
الراح شيرده بعد واينشد اردود عليها

شسوه زمانج بيهم / تراب الكبر غاطيهم
وني وحملي الهظمات
.........
يالشال عنج والدج وعافج حزينه بهمج
يازينب ايام الحزن طول العمر رفكنج
ضلت اديارج خاليه لاعودج اولاامج
حملي الهظم يم الحزن مايوم يخلص حزنج

راحو والا ترجيهم / تراب الكبر غاطيهم
وني وحملي الهظمات

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم تم تصحيح هذه القصيده من جزء العاشر الماسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات جنوبيه + لطميه للزهراء ع

❥❥ـــــــــــــ❁❂❁ـــــــــــــ❥❥

سطروهه الف ياويل فاطمه الزهره
وكــسر ضلــوعهه ما طاب شيجبره
صــاحـت يــا مـحمــد ونادته بعبره
{ عــصــروهــه // بتك بـالـبــاب}

❥❥ـــــــــــــ❁❂❁ـــــــــــــ❥❥

طــــاح الــبــاب والـنيــران شعلوهه
بين الحايط وهالنار وسفه عصروهه
ضــلــوع الزهـــره بالبسمار كسروهه
{ وكــســروهه // اضــلــوع الزهره}

❥❥ـــــــــــــ❁❂❁ـــــــــــــ❥❥

صــاحت حيـل وينج فضة لحكيني
شــوفي الكوم طيـــحو من اجنيني
جــاوينه على الكرار كومي شيليني
{ بين الحايط ولبسمار// زهره تأذت}

❥❥ـــــــــــــ❁❂❁ـــــــــــــ❥❥

👇لطميه

صاحت ياعلي الكرار خلف لباب عصروني

شــوف إعــداك مــا تـــــرحــم وسطروني
كــســر البــلـــضلــع عــامـيــهه لــعـيــوني
بــيــن الــحـــايـــط وبــســـمــار كسروني
طــــاح ابــنــي الـمحــســن حيـــل اذوني
كــالــــــو بــت مــحــمــد انــتــي دفعوني
بــــــت امـــــاســــــس الأكــــوان طكوني
حــيـــل اعــلـــه الــمــتن يا علي ضربوني
حــــــركــــــو دارنـــــه وإعـــــداك جروني
{ اســم الله أعله اسمج // كسر بعدوانج}

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح لصمود العقله امام الاعداء
●●●●●●●●●
بهيبه زينب طبت الديوانه
ذلت ايزيد وابن مرجانه
●●●●●●●●●
ابهيبه طبت شامخه بين العدة
وبشجاعه اخذلت اهل الردة
شبه ابوها المرتضى متعودة
شنهوا عندكم دين كولوا اويانه
●●●●●●●●●
ابمسجد الكوفان زينب من لفت
رثت خطبتها اوكلها اتعجبت
خافت العدوان منها وارجفت
جنها ابوها حيدرة والحانه
●●●●●●●○○
زينب الديوان طبت شامخه
.واسمع التاريخ ظل امارخه
اسعي سعيك كيد كيدك صارخه
الباري بلرحمه وعطف وصانه
●●●●●●●
يايزيد اوبيك مايحصل رحم
وجدي المختار سيدها الامم
يبكه اسمي شامخ وانه العلم
الباري على المخلوك هل علانه
●●●●●●●●
زينب انه بت واشكثر عندي صبر
من رسول الله يطاغي اشتعتذر
من الباري اعلينه مكتوب الامر
شحدك انت يانذل تدنانه
●●●●●●●●●
جنها ابوها حيدرة تحجي ابغضب
والكلام اتكول زلزال اويصب
والله وبخطبتها راوتهم عجب
من مثل زينب حجه الحزنانه
●●●●●●●●●
ابكل جدارة وكفت ولنها تكول
انت ماتعرف ديانه ولا اصول
والله زينب بن علي اتحير العقول
اوهزت المجلس اوكل بركانه
●●●●●●●●●
هل الاميرة بت علي حامي الحمه
من وصلها هلجديرة العالمه
زينب نعرفت شبيهة فاطمه
انريدها يوم الحشر ويانه
●●●●●●●●
لشاعرة اهل البيت ام عمار الصائغ
نسالكم الدعاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله بحق الوالد





يابعد العمر بويه وحياتي
فدوه نروحلك اني وخواتي
ياشمعة نزلنه
يالكلك محنه
يا لتعبيت يا بويه برباتي
فدوه نروحلك اني وخواتي




يابعد العمر يالشوفتك عيد
مخلينه يبويه وشايل بعيد
تدري الشوفتك يالوالدانريد
ياضلنه وسندنه
نحتاجك بعدنه
احلفنك ترد بويه بغلاتي
فدوه نروحلك اني وخواتي


وحشه الدار شايل ياضواها
مفكود الامس بيده بناها
تموت الروح من بعدك عساها
فدوه يروح عمري
للمهيوب ذخري
يكون وياك فد ساعه وفاتي
فدوه نروحلك اني وخواتي


ياغالي وعلينه شلون فركاك
وحنه بعازتك وبعوز ملكاك
شايل يالحنين وكلبك انطاك
شخصك ضيعيناه
بعد جا وين نلكاه
يبويه ولا كلت ضلن بناتي
فدوه نروحلك اني وخواتي



خيمتنه ويهيبه اونست البيت
على الفركه يوالدنه توازيت
اروح اوياك يا بويه تمنيت
صعب يفراك وجهك
شلون اتحمله بنتك
مااحمل بعد تعرف صفاتي
فدوه نروحلك اني وخواتي


بقلم الشاعرة أم كرار الساعدي
غير مبري الذمه من يحذف اسم الشاعر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للزهراء سلام الله عليها
============


الج ونه التهد الحيل

يلغربتي تالي الليل

===========


يابت النبي وكل الفخر بيها

هاي الماحچو شينه ابطاريها

كفو ثوب الكرامه لايك اعليها

راحت للكبر والظيم غاطيها

ومهظومه ... احا يلماتت

🌲🌲🌲🌲

يادفانها بالك تأذيها

مهظومه تون من راح واليها

من تحفر كبرها توسعه ليها

تراب الكبر حار وخاف ياذيها

وياذيها .. خافن لتراب

🌲🌲🌲🌲

حيف ام الحسن لتراب غاطيها

هاي ام الكرم بلضيج نرجيها

لو عندج الحاجه اليوم ندبيها

تكضيها بعجل لاماتخليها

وحلفيها .. بجفوف الكافل

🌲🌲🌲🌲

ابوها المصطفى المعدل الميله

على فراك الزجيه منهدم حيله

يلشايل نعشها عوفها الليله

حط النعش خلي توادعه العيله

ايودعونه .. نعش المهيوبه

🌲🌲🌲🌲

بتها تون عليها دموعها تسيله

وتراب الكبر علراس وتهيله

فراكچ يلحنينه صعب شيشيله

على فركاج كالت مانمت ليله

ونعازيها .. والشالت أمها

============
خادمة ال البيت وخادمتكم الحجيه ام علي

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للزهراء س نفس طور وداعا للرادود نصير الكربلائي
****************************************
حزينه أمي ماتت بالقهر
حزينه وبعمر ثامن عشر
حزينه مارحم بيهه الدهر
حزينه
********************************
آه يافكد الشباب وناره شيطفيهه
تستعر جمرة غيابه بالكلب ثاريهه
الفاكد امه كل حياته اي طعم مابيهه
بوجه امه المايصبح ليلته شيكضيهه
يتيمه ضيعت وجه الشمس
يتيمه امي طفاهه الرجس
يتيمه عيني ذبلهه السهر
حزينه
************************************
التموت امه يتيم وماتطيب جروحه
حته نبض الكلب يثكل زين شايل روحه
دوم دمعاته اعله خده مايبطل نوحه
بعينه احلام الطفوله من الزغر مذبوحه
مصيبه راحت امي فاطمه
مصيبه دمعتي بعيني دمه
مصيبه ضلعج وكلبي انكسر
حزينه
**********************************
اليسموهم صحابه بالغدر جازوهه
والله لاجنهه الوديعه وبالنبي حفظوهه
هجمو اعله الدار بعده تنهضم خلوهه
كسرو الضلعين منهه من الألم موتوهه
غريبه دمعتج يم الحسن
غريبه تنزف بدار الحزن
غريبه وانتي بت اعظم بشر
حزينه
**************************************
ودعت نعشج ييمه والدمع بعيوني
وياج ودعت المحنه ضحكتج حرموني
عيني مكسوره بغيابج بالزغر يتموني
ريت كبلج يالحنينه بالكبر خلوني
هضيمه يمه ماشوفج بعد
هضيمه نور وجهك باللحد
هضيمه ليلي ظلمه ابلا كمر
حزينه
****************************************
تاخذ الحسبات بيه يمه وتوديني
بعد حضنج يالحنينه شلون اكضي سنيني
يمه لوجتني المصايب والحزن يلفيني
إلمن اشكي هموم كلبي وياهو اليواسيني
حنينه امي راحت من وكت
حنينه من حضنهه مشبعت
حنينه ماتت ومحني الظهر
حزينه
****************************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_دموع_وعبرة_ج٢_خاص_بالزهراء_وام_البنين
#قصيدة_للزهراء_(يا يوم تردين احجچلي)
❥━──➸➽❥❂❥━──➸➽❥❂
يا زهرة مصابچ هد حيلي
يايوم اتردين احچيلي
❥━──➸➽❥❂❥━──➸➽❥❂
يا يوم تردين اعليه
عگبج لا حيل الضل بيه
ما انام و اسهر ليليه
اگضي بالحسره يا ليلي
يايوم اتردين احچيلي
❥━──➸➽❥❂❥━──➸➽❥❂
يالفارگتيني وشلتي بسرعه
اولادچ ضلت منفجعه
ما عدهم بس ونه ودمعه
اولادچ كلساع تناديلي
يايوم اتردين احچيلي
❥━──➸➽❥❂❥━──➸➽❥❂
اولادچ صاحت يا يمه
بيتچ عكبچ صبح ضلمه
وما نحمل تدرينه الهظمه
يالفگدچ مردلي دليلي
يايوم اتردين احچيلي
❥━──➸➽❥❂❥━──➸➽❥❂
نامت بالتربان رسومج
ضاعت يالمضلومه اعلومج
زغيره و هذا لا مو يومچ
شلون احمل بعدچ گليلي
يايوم اتردين احچيلي
❥━──➸➽❥❂❥━──➸➽❥
ما احمل يا بت الهادي
من دفنوچ بوسط الوادي
تهدم كل حيلي وافادي
من بعدچ ياهو يتچيلي
يايوم اتردين احچيلي
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه او مربوعه حول استشهاد الزهراء



*صعب يوم الزچيه. ويوم ابنها*

*ومثل حسين. هم كسرو ظلعها*


هم اجروحهه اهواي الزچيه
ومكسورت ظلع يا ناس هيه
چثيره اهمومهه ولا مو شويه
*الحد الموت بيهه ولوعنها*



لوعات ام حسن كلش چثيره
اجوها الدارهه الجانت اميره
ماتحچي العلي ومحتاره حيره
*ومكسوره وغفت ويلي بحزنها*



مثل حسين هم اجروح بيهه
وحركو دارها وتشگف بديهه
طاحت والكفر جالت عليهه
*الضربو عينهه وعينك نفسها*



نفس ذيج العصابه الاحگوها
تعنو كربله واختك سبوها
يحسين الزچيه هم ولوها
*وهم ضرباتهم بيهه اوجعنها*



مثل امصاب ابنها ويومهه يوم
ماتت بالحزن ومحمله اهموم
نفس حسين هيه وشافت الگوم
*تشوف ابدارها العدوان كلها*


لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيدة_للزهراء_عليها_السلام
#من_ديوان_عبرات_و_انين_ج١_خاص_بالزهراء_عليها_السلام
❥━──➸➽❥❂❥━──➸➽❥❂
اليوم ام المحنه عافت الدار
و بدفن الزچية حيدر احتار
❥━──➸➽❥❂❥━──➸➽❥❂
محتار الوصي من غسل الزهرة
ضل يبچي ويون ويجذب الحسره
والنيران تلهب بالگلب جمرة
محزون ويهل الدمع مدرار
❥━──➸➽❥❂❥━──➸➽❥❂
يهل دمعه لاجل ضلع الزچيه
دفنها بليل حماي الحميه
وبنص الگلب ناصب عزيه
وتتباچه عليها إكبار وازغار
❥━──➸➽❥❂❥━──➸➽❥❂
تبچي الطاهره وتگول اريد امي
وصارت من بعدها دارها تعمي
چا عدمن ييمه اشتكي همي
ودمعي اعله الوجن يا زهرة نثار
❥━──➸➽❥❂❥━──➸➽❥❂
وحشه الدار من عگبچ ينور العين
لفراگچ أضل الطم عله الخدين
شخليتي ييمه بالحسن وحسين
وبنص الگلب شبت تره النار
❥━──➸➽❥❂❥━──➸➽❥❂
ريت النار سعرت بيه ذاك اليوم
يا يمه اعله فگدچ هالگلب مالوم
وحيلي من بعد عينچ صبح مهدوم
راح الحيل من صابچ البسمار
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لزهراء ع من كتاب الجزء التاسع الماسي الفاطميه


يمنه معدله واتريد هوسات
موش بليل زتوها بعرضات
.........
زتوها بهيابه يالتشيعون
تسوه النوح وعليها شتكولون
وين اهل العراضه خل يطلعون
الج ميدان هوسه وبيه رايات
............
الج بيرغ يزهره كون ينشال
بسكته دفتنج ماهي عله البال
يابت النبي وتربات الارجال
يزهره بس الج لاكت الونات
...........
الف ياحيف ضعنج غرب بليل
عليج اتحسفو ركابت الخيل
حيدر حملاج ومدمعه ايسيل
حطاج عالمتنه والجدم مات
..........
شالها علي والحيل خلصان
وتسعر بالدليل عليج نيران
الف ياحيف يابت سيد الاكوان
لاصايح وراج والامشيعات
..............
تريد اليوم ونه يم الاطهار
شالت بضلع نابت البسمار
هاي معدله واربات الاخيار
تسوين العزه بت الهيابات

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للزهراء ؏ (سوط المتن كاظيها)

اشلون تغفه ام الحسن
سوط المتن كاظيها

ــــ❁❂❁❁❂❁ــــ

سوط المتن اذاها
تبجي وتهل عيناها
تنام ما خلوها
وضلوعها مكسريها

ــــ❁❂❁❁❂❁ــــ

مكسور من عدها الضلع
كلساع منه تنوجع
مالومه وتهل الدمع
تتناحب مخليها

ــــ❁❂❁❁❂❁ــــ

خلوها تتلوه الكفر
مددة ومحني الظهر
الهادي يا ريته حظر
لبيته ويجي يباريها

ــــ❁❂❁❁❂❁ــــ

جا وين ابوي تنادي
ريته يشوف السادي
احا ينار افادي
جا شنهو اليطفيها

ــــ❁❂❁❁❂❁ــــ

ياهو اليطفي جمرتي
يا هظمتي ويا حسرتي
من العين سالت دمعتي
من البجي ارد اعميها

ــــ❁❂❁❁❂❁ــــ

ارد اشتكي لرب السمه
روحي عليله مألمه
تقبلها فجعو فاطمه
والهظم بان اعليها

ــــ❁❂❁❁❂❁ــــ
تمت بقلم العلويه مريم النور من ديوان دموع وعبرة في رثاء العترة الجزء الثالث

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

يالنسيتيني وراچ ^^^^^^يمه عفتيني شجاچ
لیش تبطين ييمه^^^^^ ليش تبطين
---------------------------
یمه مشتاگه انه الجلمة اليمه
عيني متروسه بچي وروحي اتغمه منین ماصد الثنيتچ كلها ظلمه
يمه كاتلني اليتم ماشفت رحمه ومنهد چفچ بعد ^^^^مارحمني اي احد
لیش تبطین ییمه^^^^^ لیش تبطین
---------------------------
آنه يم روح الحنينه ابعازتچ
يمه بتج بيها لوعه ورادتچ
أشعل اشموع آبمچان اجنازتچ تهوم روحي للمگابر رادتچ
آنه ملهوفه علیچ ^^^^^^انتي مشتاگه هیچ ؟
لیش تبطین پیمه ^^^^^^لیش تبطین
-------------------------
فكري بينه ليش تردين الگبر
واحنه كلنه ازغار گاظینه القهر
يمه مانعرف نعاشر اي بشر
یمه مومثلچ حنينه انتي اشكثر
الناس ماعدها رحم^^^^مللونه م‌ـــِْن الهضم
ليش تبطين ييمه ^^^^^^^ليش تبطين
--------------------------
يمه هنياله البعدها امه جريبه امدلل وهي العوافي والطبيبه
الظيم عالظلت بلایه امها غریبه زينب الفگدت حنان إمها الحبيبه
اتيتميت من الصغر^^^^^اتعلميت اعله الصبر
ليش تبطين ييمه ^^^^^_لَيــش تبطين
--------------------
يمه كل عيد اليمر اتمنى اشوفچ
یمه نتعايد يزهره وما نعوفچ
ليش من دون البشر تفرق ضروفج ماشبعنه من الدفو التارس اچفوفچ
ورده ذبلها الدهر^^^^^^ غصنچ ابساع انکسر
لیش تبطین ییمه ^^^^^^^لیش تبطین
---------------------------


تـمـت

🖌هاجر الموسوية


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للزهراء( ع )
❂ــــــــ❂ــــــــ❂

من طاحت الزهره وطاح محسنهه
حيدر ما سمع ياوادم لونهه
حركو دارهه ومحد حجز عنهه
(ومعصوره ظلت بالباب )

❂ــــــــ❂ــــــــ❂

يم الباب ظلت تجذب العبره
وضلوع الزجيه كلهه متكسره
بين الباب والحايط وبالعصره
(طيحت محسنهه المهظومه)

❂ــــــــ❂ــــــــ❂

حركو دارهه واحتركت وياهه
وعمت عينه الكصد والنار وجاهه
تون من الضلع والعين سطراهه
(امدميهه وعيون الزهره)

❂ــــــــ❂ــــــــ❂

من ضاك النفس والكاع لاحتهه
يفضه بساع لحكي اعليه صاحتهه
خافت تسمع المهظومه ونتهه
(وتون وي امهه المسطوره )

❂ــــــــ❂ــــــــ❂

خفه ونها الزجيه وحيلها تهدم
ضلع مكسور منها وعين تنزف دم
اضنها ام الحسن هالمره ماتسلم
(شيطيب جرح الوجعانه)

❂ــــــــ❂ــــــــ❂

شيطيب جرحها مااضن هيهات
وضلعها موش كسره انكسر لا كسرات
خلي نروح كلنه ونجذب الونات
(وي زينب ننعى المضلومه)

❂ــــــــ❂ــــــــ❂


تمت بانامل خادمات الزهراء
الشاعره نورس الحلفي
الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حول زينب والمحسن والقصد الامام الحسين والمحسن. وابا الفضل العباس



*هذا اخوي وذاك اخوي. والجرحني ابن ابوي*


*طاحت اجفوف الاحبهه. من رحت ليهه وشفتهه*


ميته جني. ميته جني



اه يا المحسن يخويه. مانسيت امصاب جرحك
من طحت بالباب وامي. ركضت وكامت تشمك
تگلك وليدي ييمه. اكعد ونوبه تگلبك
وانته غافي وماشفتهه. مودع بالله تگلك


فرگتك صعبه وعمتهه. من رحت ليهه وشفتهه

ميته چنی‌. ميته چني



واني هم نفس المأسي. بكربلهه رجعت عليه
هم رحت لحسين اشوفه. وهم اگلبنه اباديه
گتله ما تگعد يخويه. لو اگولن هاي هيه
خلصت العشره العشتهه. انه وانته يالشفيه

ولاخت. ما ودعتهه. من رحت ليهه وشفتهه

ميته چنی. ميته. چني



انوب يالمحسن يخويه. رحت والكافل اشوفه
وصدت عيوني بدمعهه. ولنهن بعيني جفوفه
كتله هاي اشلون حيره. وكلبي هل منضر يخوفه
بالله ما تكعد يكافل. جرحك البيه تروفه

*ليش اخيتك ضيعتهه. من رحت ليهه وشفتهه*

*چني ميته چني ميته*




اجفوفه مكطوعه الاحبهه. الشالن امتوني امس
ودللني بكل طريجي. وفي يصيرن بل شمس
من شفتهن يا عجيبه. مادري شنهي احس
چني مختنگه بحياتي. وراح من عندي النفس

*ريحت ايده اتنفستهه. من رحت ليهه وشفتهه*

ميته جني. ميته جني



عالنهر طاحن يوسفه. طاحن الجانن دلالي
اجفوفه اخي والكفلني. العاشرني وچن خيالي
هسه كلشي راح مني. وراحن وبس هم بكالي
تهون كل احزان اخوتي. وكلهم الراحو غوالي

*بس حزن ايده اجزعتهه. من رحت ليهه وشفتهه*

ميته. جني ميته جني



*لخادمة الزهراء. العلويه ام جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_دموع_وعبرة_في_رثاء_العترة_ج٣
*قصيدة ثكيلة للزهراء (وين گبرچ يالزچيه)*
❥━──➸➽❥❂❥━──➸➽❥❂
وين گبرچ يالزچيه نريد ننصبلچ عزيه
ونگعد بنص الصحن ... نصيح يا ام الحسن
يالزچيه يالزچيه
❥━──➸➽❥❂❥━──➸➽❥❂
وين گبرج يم حسن ما ندري عنه
كل ليالي فاطميه انجرهه ونه
يمته مولاتي بضريحچ نگعد احنه
ويظهر المهدي اويانه يلم شملنه
وننصب عليچ العزاء ... نصيح يا خير النساء
يالزچيه يالزچيه
❥━──➸➽❥❂❥━──➸➽❥❂
آه يا زهره مصابچ فت الضلوع
وخله دلال العقيله اعليچ مفجوع
والله نتمنه بضريحچ نشعل شموع
زيارتچ نقراها كلنه بحرگه ودموع
ونظل نلطم عالصدر ... بينه حسره چن جمر
يالزچيه يالزچيه
❥━──➸➽❥❂❥━──➸➽❥❂
بينه حسره يم حسن بالگلب تسعر
كلب كل شيعي لمصابچ ترى تفطر
كلنا منتظرين يوم المهدي يظهر
ويطلب بثار الضلع ذاك التكسر
يصيح يمه فاطمه ... روحي حيل مألمه
يالزچيه يالزچيه
❥━──➸➽❥❂❥━──➸➽❥❂
يصيح يا يمه يزهره وتنحب الناس
وتظل كل الشيعة تتلاطم على الراس
ونقسم الها احنه قسم بحسين وعباس
نون عليچ نظل لحد گطعه الانفاس
ما جره مثلچ مصاب ... محسن وعصرة الباب
يالزچيه يالزچيه
❥━──➸➽❥❂❥━──➸➽❥❂
ماكو بالدنيه مثل فجعة مصابچ
الشيعة كلها ايتامچ اتاني جوابچ
وكفة السائل وكفنه احنه اعله بابچ
حايره تون وبگت تنحب احبابج
تنتظر يوم الفرج ... ليچ مشتاگة المهج
يالزچيه يالزچيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك