قصيده حول هلال محرم



*ها يا دمع/ ماا حضرت روحك زين*

*ها يا دمع/ باجر يهل شهر حسين*


*خافن تقصر وياه ماتبجي لو مر طرواه*


*ها يا دمع ها يا دمع*



ويه الدمع انه حجيت بعالي
بس لا تقصر هل سنه ويه الغالي
لحسين اريدك بل مجالس هالي
ومن امشي كونك يا دمع تبرالي

*ها يا دمع/لا تجفي اريدك بالعين*

*ها يا دمع/باجر يهل شهر حسين*



بصوت الحزن حاجيته وجاوبني
كلي عله المذبوح واجب مني
دم ابجي اني والقضيه تهمني
مذبوح نحره اتصوريته بذهني

*ها يا دمع/ والكوم تركض صوبين*

*ها يا دمع/ باجر يهل شهر حسين*




من تدخل المجلس وناعي الينعه
لحسين اسمعه وجاب سيرت ظلعه
الزينب يكول تروح صوته اتسمعه
وتلكاه نايم والزلم مجتمعه

*ها يا دمع/وتصيح اروحن جاوين*

*ها يا دمع/باجر يهل شهر حسين*




لحسين راحت والحزن وياها
مابيهه تمشي تعاتب الجاباها
للحومه طرت زينب ابمبجاها
وتكله خويه حسين يا ملفاها

*ها يا دمع/وختك تظل عكبك وين*

*ها يا دمع/باجر يهل شهر حسين*



كبلك اطيحن لا تكلي بهايه
من اسمع الناعي يجيب طروه الرايه
وانزل اذا صوت الحزن وقرايه
يقره الشباب وعل طفل نعايه

*ها يا دمع/بالج بهاي اتبجين*

*ها يا دمع/باجر يهل شهر حسين*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

لطميه لاستقبال مولاتي زينب ع

👇👇👇👇👇
اجتجن عمة الساده تلكنها
بلطمه والبواجي اليوم واسنها
〰️〰️〰️〰️

شدي لطمتج اليوم شديها
هاي ام عون تسوه ولطم ليها
العلويه معنونه وعنواها بيها
(المهيوبه اخت العباس))
〰️〰️〰️〰️〰️
بت حيدر علي ولغيره وياها
هاي ام عون بله اليون حياها
عباس البطل بلهيبه جابها
(امشن نتلكه بت العياله)))
〰️〰️〰️〰️
هاي ام الفخر يحله الطم ليها
امه فاطمه الزهره وعلي ابيها
بله اليوم حيل اللطمه شديها
(ممنونه للزهره وزينب)))
〰️〰️〰️〰️
اجت بخوانها زينب المحشومه
تخليهم جثث مطروحه بلحومه
تعاين للولي غركان بدمومه
(مهضومه بس زينب ضللت)))
〰️〰️〰️〰️〰️
الله يساعدج يازينب الحره مهضوم الكلب ولدمع هل يجره
باجر بلكلب تنصاب ياجمره
((((لام عون نون لو ونينه)))
〰️〰️〰️〰️〰️〰️
نون وياج ولونه جماعيه
تسوين العزه انتي يعلويه
يابت المجد ياهله بهل الجيه
(اتلكوها زينب وخواتها)))
〰️〰️〰️〰️〰️〰️
وصلت كربله زينب واهاليها
وعباس البطل بلضعن حاميها
وخيام العقيله اليوم بانيها
(الرايه اتعلت من ذوله)))

〰️〰️〰️〰️✍🏻
خادمه البتول المله ولشاعره ام نادين المحمداويه

القصيده من ديوان جرحات الطف الفصل الاول
نسئللكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لمولاتي ام البنين ع وام الشهيد
❥❥ـــــــــــــ❁❂❁❂❁❂❁ـــــــــــــ❥❥
اهنا يالفاگده ام عباس ذكريهه
شبان اربعه ضحت لواليهه
❥❥ـــــــــــــ❁❂❁❂❁❂❁ـــــــــــــ❥❥
يالرايح وليدچ بيه مفجوعه
ذكري ام البنين وحسي باللوعه
كلهم عالترب والروس مگطوعه
لجل حسين ضحتهم تعرفيهه
❥❥ـــــــــــــ❁❂❁❂❁❂❁ـــــــــــــ❥❥
لجل حسين ضحت باربعت شبان
عباس ويه عون وجعفر وعثمان
شحال الطاهره منهه الگلب خلصان
گومي ويا الحنينه اليوم عينيهه
❥❥ـــــــــــــ❁❂❁❂❁❂❁ـــــــــــــ❥❥
واسيهه بدمع وبروح حزنانه
وخل ونچ عله العباس وخوانه
تهون مصيبتچ وني عله مولانه
شدي لطمتچ والونه عليهه
❥❥ـــــــــــــ❁❂❁❂❁❂❁ـــــــــــــ❥❥
واحد فاگدته وگلبچ اتصدع
شحال الراح الها من الولد اربع
الله يعينهه واشحالهه يفجع
عالويلاد ام عباس واسيهه
❥❥ـــــــــــــ❁❂❁❂❁❂❁ـــــــــــــ❥❥
واسيهه الحزينه وهلي الدمعه
ندري اللي خذاه الموت شيرجعه
بالحره اقتدي وخل صوتچ اتسمعه
گولي للحسين اولادي افديهه
❥❥ـــــــــــــ❁❂❁❂❁❂❁ـــــــــــــ❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه ثكيله للعباس ع عن لسان حال زينب ع

وين الكمر ضل عالنهر
ودونه خل انشوفه
واعد وعد وانطه العهد
لا يعوفنه ولا نعوفه

ليش من عدنه اعتذر
ليش فاركنه الدهر

ودونه خل انشوفه
...................

انه وسكينه والحرم نتناطره لينه يعود
يرجع علينه بجربته وشايل على متونه الجود
بيناتنه يابو الفضل من الزغر تدري عهود
ياخويه تدري بالعهد منك يايكافل مريود

ليش خلانه بقهر
ليش من عدنه اعتذر
ودونه خل انشوفه
..................

من زغري بيك امعلكه خويه يذخري ونخواي
انته الكلتلي ادللي وكومي يزينب بحماي
ياهو الي يكرب خيمتج والسيف هذا بيمناي
اشلون اضل ابهالوضع حيرانه مابين اعداي


ليش يا لكلك فخر
ليش من عدنه اعتذر
ودونه خل انشوفه
................

يالحرم كومن بالحزن يم الجفيل امشنه
ناخذ هضمنه ونشتكي وعباس اله نتعنه
ننده يحماي الضعن وين الوعد يمجنه
انه واسكينه والحرم نروح وندور اليمنه

ليش مو كلبي انفطر
ليش من عدنه اعتذر
ودونه خل انشوفه
.................


يا خويه دلالي انفطر من يوم علمك جاني
من حين طاحت خيمتك حزن وهضم غطاني
من شفت سكنه فرفحت طارت عليها اذهاني
وتصيح ليش البيه شيم خلاجن واخلاني


ليش حماي الخدر
ليش من عدنه اعتذر
ودونه خل انشوفه
..................
اركض واصيحن ياهلي وسكنه تجر بذيالي
اخذيني الصوب النهر خليني اودع الغالي
ارد اوصل الراعي الوفه بلجن يعاين حالي
حسين ضل الوحده والضهر اصبح خالي

ليش يحزام الضهر
ليش من عدنه اعتذر
ودونه خل انشوفه
.....................

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي العلويه الجزء السابع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للعاشر
للأمام الحسين عليه السلام

الماعنده عشيره مايشيلونه
چاوين الهواشم خل يحضرونه
★★★★★★
جاوين الهواشم خل يفزعوله
چادر بي عزه وفاتحه ينصبوله
قرايت فاتحه ثوابات يهدوله
ميتهم بگه بالخيل ايسحگونه

★★★★★★
الماعنده عشيره محد يشيله
من حر الشمس محد يفيله
اچفانه التراب اودمه تغسيله
هدومه تنسلب بالدم يغسلونه
★★★★★★
خيل الاعوجيه حسين داسنه
سونه وذر والعضم طحننه
دامي اعله الثره مسحوك خلنه
وبلبلدان راسه العده يفرونه
★★★★★★
تلث تيام هوه واخوته صرعه
وأثوابات ماكوابليلت الجمعه
لاعنده اهل لاناعيه التنعه
يضل مذبوح نعشه مايشيعونه
★★★★★★
ثلث تيام ضل مرمي بميدانه
براسه تهوس العدوان فرحانه
ماعنده عشيره حسين واخوانه
خل تحضر بني هاشم يدفنونه
★★★★★★
جديده
✍️العلويه أم علي الشرع
نسألكم الدعاء الرحمه والمغفره على روح المرحوم والدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للهلال

هل عاشور زينب هلت العين
تدري بهالشهر تفكد الطيبين
〰〰〰〰〰
هل عاشور هل وياه مدمعهه
زينب بت علي هالشهر يفجعهه
تفكد كل اهلهه تشوف مصرعهه
كلها مذبحه تشوف الميامين
〰〰〰〰〰〰
هل عاشور بين شهر الاحزان
بي سبط النبي ينذبح عطشان
تظل زينب غريبه بين عدوان
عالشاطي الكفل والسهم بالعين
〰〰〰〰〰
ماتبقه خيم ولا يبقى والي
كلهه مذبحه تشوف الغوالي
وايتام وحرم تحرس ليالي
تصيح الحك عليه خويه يحسين
〰〰〰〰〰
تصيح الحك ياخويه ومحد يكوم
تمشي ميسره وبوليه الكوم
وعليهه الاعادي كامت تحوم
تنادي ياعلي احضرلي الحين
〰〰〰〰〰
تنادي ياعلي احضر يحيدر
وخيول الاعادي عليه تفتر
حركوها الخيم واطفالي بالبر
ماادري يبويه انطي الوجه وين
〰〰〰〰〰〰〰〰〰〰
تمت بعون الله تعالى
خادمة الزهراء ام حسين الأسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*هوسات الى القاسم ((ع))* من ديوان نحر الحسين ع الجزء الاول




الحومه هلهلت جاسم نزل بيهه
هذا ابن الحسن يمبجي اعاديهه
مثل عباس عمه اعداه امبجيه
((مبجيه جاسم عدوانه ))


القاسم بلشجاعه اله وكفات
صال على العده ونكس الهامات
لكن حيف غدرت بي الجيمات
((وبلحومه جسام تكنطر))


اتكنطر بلعماره وطاح يا ويلي
وامه نادته يبني نهدم حيلي
شسوي شلون يا زينب دكليلي
(( ابني من ادمومه امحنينه))


محنين الولد يا زينب ابدمه
بعد منه ايست ما ضن اشوفنه
اوياي اتكابلي ونزيدهه الونه
((العرس بلطف وني اعليه))


فلشي خيمته والحنه بديهه
ورمله بالولد هليوم عازيهه
مذهوله وتون لفراكه شوفيهه
((رمله المحزونه عازيهه))


اليوم ام الولد مكسور خاطرهه
عنهه الشايل ابنهه اشلون نجبره
هاي ام الولد رمله شيصبرهه
((يا رمله انكلج ماجوره))


*لخادمه الحسين العلويه ام إياد لا يجوز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ابوذيات ونعي لرحيل الإمام الحسين عليه السلام إلى كربلاء عن لسان السيدة زينب


وگفه

لمن شفت الضعن سار وگفه
ياروحي وگفتي شبيچ وگفه
الم عتبي ويه المحملين وكفّه
العتب ماضن يرجع الشال إليه

///////////////////////////////////////

وداره

شال الدلل عياله وداره
مضيفه اليوم ضل خالي وداره
ياريت الضعن رده وداره
ويلم شمله ويعوف الغاضريه

///////////////////////////////////

ويه الضعينه البين يحدي
للوداع يمُ حسين اگعدي
وألمن نريد انروح أنشدي
أنه رايحه لكربله شعندي
ترى فراگنه بعاشور يبدي
ولازم اضل بلفاي وحدي
///////////////////////////////////////

محتاره اضل بعايلتهم
ولايهمون بحال اختهم
ياهو الأحشمنه ويردهم
محملين أهل گلبي شعدهم
تطلبون لو مطلوب دمكم
_______________________

بقلم شاعرة اهل البيت ع المله
أم ريام دخيل الركابي✍..
تجدون التكمله في ديوان
النهضه الحُسينيه الجزء الثالث

https://tttttt.me/joinchat/AAAAAELdvGssZMurwfLsJA

نعي للعليه عليها السلام
★★★★★★

خواتي للسفره استعدن
وبضعونهم گامن يحملن
وانه ملتهيه جروح اشدن

★★★★★★
سار الضعن وانه اتبعتهن
چلبت بأهوادج ضعنهن
بدموع من دم ودعتهن
★★★★★★
ويه المحامل ماحملني
من راحن بگلبي چوني
هانت العشره وفاركني
★★★★★★
من افراگهن ذابن اعيوني
أرچب ردت بس امنعوني
خذو كل اخوتي وماخذنوني
★★★★★★
كالوا اويانه ماتروحين
انتي عليله هنا تضلين
تبگه اوياچ بس ام البنين

*
من الاهل ماجاني اكتاب
بفراكهم بت الگلب ذاب
انطر يجوني لازمه الباب
★★★★★★
ساعه ساعه انتضرهم
هلبت تجيني اخبارمنهم
ماردوا وطول سفرهم
***
تمت والحمد لله
جديد
✍️العلويه أم علي الشرع
نسألكم الدعاء

https://tttttt.me/joinchat/AAAAAELdvGssZMurwfLsJA

فزاعيه
..............

هل شهرعاشور. زينب حايره
...............
تمشي وي اخوانهاومتنومسه
وبدلال ام الدلال امونسه
بهودج العزوالجلاله جالسه
وخادم الهاصارسبع الكنطره
...................
تمشي وي اخوانهاابهيبه وفخر
والكلب فرحان بيهم مبتشر
ماتحس ابضيم متهم ابخطر
من تصدلهل الشهامه ابمفخره
..................
ساعه لن كلب ام طهرويلي رجف
وانهمل مدمعهاواللون انخطف
شافت اهلال الكدرلاح وهتف
هايخت عباس ضنوت حيدره
.................
صدت اهلال الشهروسط السمه
لاح واعيون الوديعه ساجمه
خافت اتروح النشامه امخذمه
وكل شهم علكاع جثته اموذره
.................
خافت اعله اخوانهابت الرسول
منهاكلهااتروح والفركه تطول
ولنهاتنضرعرضت ارجال وخيول
اكبال ضعن حسين كلهاامسطره
...............
جعجعوبضعونهاوواليها
لكاع كشره والمصايب بيها
كربلايه ام الحزن تدريها
بيهاابوالسجادينحزمنحره
.............
النهايه
ام عمار العيساويه

غير برئ الذمة من يحذف اسم الشاعرة
https://tttttt.me/joinchat/AAAAAELdvGssZMurwfLsJA

لطميه لهلال شهر المحرام عن لسان السيدة زينب ع🎤🎤


رجف گلبي وخفت من شفت الهلال
يحسين المن جبت وياك العيال
رچف گلبي وخفت

//////////////////////////////////

هل شهر الحزن وأيام الفراگ
واليوم الأهل علموت عشاگ
اميه وجيشها وگفت عله الراگ

وگفو علشريعه الفين خيال
رچف گلبي وخفت من شفت الهلال

🏴🏴🏴🏴🏴🏴🏴🏴🏴🏴

هـل ابـللـيلة الـبـيـها نِزَلـنه
شفنه اهلال عاشور وحزنّه
بعد ماكو درب نرجع لهلنه

اليوم اهموم گلبي بثگل الجبال
رچف گلبي وخفت من شفت الهلال

🏴🏴🏴🏴🏴🏴🏴🏴🏴🏴

محزن ياشهر من دون الشهور
ياشهر الذبح سمّوك عاشور
هدمت اديارنه وعمرت الگبور

عرفتك ياشهر ماترحم الحال
رچف گلبي وخفت من شفت الهلال

🏴🏴🏴🏴🏴🏴🏴🏴🏴

رچف گلبي وبچيت بهل المسيه
وهل اهلال فرگاهم عليه
خويه حسين ضلمه الغاضريه

وهذا الجيش الك ياخوي چتال
رچف گلبي وخفت من شفت الهلال

______________________

بقلم شاعرة اهل البيت ع المله
أم ريام دخيل الركابي✍..
تجدون التكمله في ديوان
النهضه الحُسينيه الجزء الثالث


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه ثقيله عن لسان زينب ع

شايلين / وين يعزاز الكلب
شايلين / والفراك اشكد صعب

مشو والسفره طويله
افراكهم مابينه حيله

شايلين شايلين
.............

يوم شفت ارحالهم تمشي ومبعده
مودعين الله صحت يهل الموده
الرايح الصوب المكابر واشيرده
اخذ روحي الظعن من راح وتعده


شايلين / صحت وعيوني تصب
شايلين / وين يعزاز الكلب
............

بعيني اصدن لضعن لمن جزاني
هنا يشيال النعش بحبابي تاني
هذا ابوي وهيبتي وزهره زماني
خاليه ضلت عكب عينه المباني


شايلين / وبعد مافاد العتب
شايلين / وين يعزاز الكلب
.........
بعد ويه الشال ماينفع عتبنه
ترجع اضعون النحبهم هاي ظنه
الدار ضلت خاليه من اهل المحنه
ارد اجر عله المشو ونه عالونه

شايلين / ريح منهم مايهب
شايلين / وين يعزاز الكلب
..........
مايهب عطر المحنه ولايجينه
شلون اشوفه البالمكابر دافنينه
هذا ابونه وفركته صعبه علينه
يرجع ويلتم شملهم موبدينه

شايلين / كلبي نيران التهب
شايلين / وين يعزاز الكلب
.........
زينب بلوعه والم علت بجاها
لبست هدوم الحزن من ودعاها
وين اهل كلبي الدهر عني خذاها
ضعونهم من حملت اصرخ وراها

شايلين / شلكم بنوم الترب
شايلين / وين يعزاز الكلب

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي العلويه الجزء الثالث

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لبداية محرم

الك وسط الكلب ماتم نصبناه
بمجالسنه الشعائر واحسيناه

اليوم اعلنه الحداد
البالمهد لابس سواد

وبمجالسنه الشعائر واحسيناه
واحسيناه واحسيناه واحسيناه
.............
ياحسين الي جره بطف كربله
بجه عين المصطفى وكل المله
ودمعة ام الحسن ضلت هامله

دمعة عيون المحب
اليوم وي امك تصب

ويه دموعها المدمع جريناه
بمجالسنه الشعائر واحسيناه
............
هيه تنصب ماتم بنص القبور
واحنه وياها ندك عله الصدور
من يمر طاريكم وكطع النحور

حتى طفل البالمهد
عليك دلاله انمرد

وحبك من صدر امنه رضعناه
بمجالسنه الشعائر واحسيناه
واحسيناه واحسيناه واحسيناه
............
يامصيبه البجت عيون السمه
وعورت ضلع الزجيه فاطمه
تحضر ويانه المجالس لاطمه

تجي محنيه الضلع
والمصابك تستمع

تضل عالراس تلطم لونعيناه
بمجالسنه الشعائر واحسيناه
واحسيناه واحسينا واحسيناه
.............
لجلكم سبدي ماتنشف العين
بسمكم هالعزه واحنه المعزين
نصيح بصوت يامظلوم يحسين

كلما اشرب الماي
اخلطه بدمع عيناي

نجر حسره الرضيعك لو شربناه
بمجالسنه الشعائر واحسيناه
..............
لومرينه ننعه عله المصيبه
نصيح احاه زينب ياغريبه
عفتي جثة ابن امج سليبه

عزاج بنص الكلوب
يزينب دوم منصوب

ومصاب احسين ابدا مانسيناه
بمجالسنه الشعائر واحسيناه
واحسيناه واحسيناه واحسيناه
...........
ام زينب كربلاء غير مبري الذمه من ياخذ الكلام وينسبه له القصيده موجوده بداية القناة ومطبوعه بكتاب الماسي العلويه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للعليله ع نفس طور يايوم اشوف اعتابك للحاج باسم الكربلائي
***************************************
إتسافر يبن حامي الجار وكلب العليله يحتار
موش آنه بتكم يابويه موش آنه بتكم
هاذه المرض نحلني فراك الأهل كاتلني
موش آنه بتكم يابويه موش آنه بتكم
أصرخ دخيله آنه العليله
***********************************
ترحل والضعن كدامي مشيته
رقيه وكل بناتك محد انسيته
وعبد الله اخويه اكبالي ركبيته
اخذ كلبي عليمن يمي خليته
كلبي يريدك يحسين ويريد اخوتي الطيبين
عفتوني كلكم يابويه عفتوني كلكم
بيمن اشد جروحي خلصت مهجتي وروحي
عفتوني كلكم يابويه عفتوني كلكم
دمعي اسيله آنه العليله
************************************
حلم عمري اشوفه بالضعن ينباك
يبو السجاد يجويني ألم الفراك
اودي وين كلبي لو إلك يشتاك
صدري هالنفس ياوالدي بي ضاك
خلف غيابك آهات بالصدر صارت حسرات
اظلم نزلكم يابويه اظلم نزلكم
وحدي ادير عيوني ماصدكت عفتوني
اظلم نزلكم يابويه اظلم نزلكم
مؤلم رحيله آنه العليله
*********************************
عافوني هلي وعافيتي عافتني
كل خطوه لضعنكم بويه شيبتني
شما تبعد مسافه لموتي اخذتني
انعصر كلبي واحس بالعبره خنكتني
روحتكم ابلا رجعه صوتي بعد متسمعه
ماظن تجيني يابويه ماظن تجيني
باجر اموت بغربه وافراكك شكد صعبه
ماظن تجيني يابويه ماظن تجيني
الرحله طويله آنه العليله
********************************
اعاين عالمهد بويه انشده بالي
اهزن بالمهد وادري المهد خالي
اشم بكماط عبد الله اعرفت تاي
بسهم مذبوح اخويه ودمعته تلالي
عطشان محد رواه اتمنيت اروحن وياه
ازغر اخوتي يابويه ازغر اخوتي
انذبح كون ابداله ولاينمرد دلاله
ازغر اخوتي يابويه ازغر اخوتي
لهمه اشيله آنه العليله
********************************
اعرفت يحسين ذبحو اهل المروه
وعله الشاطي يبويه ذبحو الخوه
جبدك بالعطش يابويه يتلوه
اخذ دمعات عيني وبيهن اتروه
ضامي الاعادي ذبحوك وبدم وريدك غسلوك
عالغبره دمك يابويه عالغبره دمك
بالرمح ينشال الراس وياك راس العباس
عالغبره دمك يابويه عالغبره دمك
عون العقيله آنه العليله
*****************************
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للقاسم ع
********************
امصيبتك جسام ماننساهه
وامك احضرنه العزه وياهه
********************
كوم عاين حنتك جبنه الشمع
وانطفت شمعاتك بفيض الدمع
امك المظلومه محنية ضلع
ياوحيد امك تريد ارباهه
*******************
تصيح رمله عالولد عزوني
جاسم العريس بي فجعوني
عالوجه ألطم عميت عيوني
ويانه تلطم بالعزه شفناهه
********************
زفة العريس صارت فاجعه
جاسم سهام وسيوف اتكطعه
ثياب عرسه ليش بالدم ناكعه
امه بالطف تنتحب خلاهه
********************
تصيح يالقاسم اريدنك ذخر
من يجيني الشيب وايام الكبر
يبني ماظنيت ازفك للكبر
حسرة امك بالكلب تلكاهه
*********************
ياشباب لكلب امك مارده
حيل مابيهه تراهه الفاكده
تبقه للموت بحزنهه الوالده
ربك الرحمه بكلبهه انطاهه
*********************
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح للهلال عن لسان حال زينب ع

كون مايطلع اهلاله ولاتشوفه عيوني
يغيب لوكرب محرم يستحي من متوني
..............
يدري زينب تنفجع من طلعته
من تصد بالعين تذكر فجعته
يامصابي وياحسين اوذبحته
بيك اتذكر ليالي ويوم غير لوني
.............
كون يخجل مايهل هذا الشهر
يدعي ربه ايغيب ويذاك الكمر
الخله عينه انطفت يم راك النهر
يالخذت عزي ودلالي وخيبيت اضنوني
...........
ياشهر عاشور واحنيت الضلع
زينب تخاطب اهلالك بالدمع
يالبيك حسين دامي ومنصرع
مصابك ايلم دليلي وشيعتي ايعازوني
...........
تلبس اثياب الحزن بهلالك
وناعي يهلال بحزن ينعالك
اه يحسين وايسبي عيالك
ياذبيح الطف ينادي وانه ايذكروني
..............
ياهلال و يبدي وياك العتب
بيك ابوالسجاد ضامي وانسلب
بيك زينب عالهزل كطعت درب
مانسو يوم المصيبه وعالجره ايواسوني
...............
تدري يهلال المصايب من تهل
ترد مأساة السبي وشد الحبل
دهر حزنك ياهلال اومايزل
بيك مجتوفه ويسيره وعالهزل مشوني

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للحسين عليه السلام على وزن يزينب وين سويتي عزه حسين
========

عله کیفچ یزینب من تلطمین

لتعورين ظلعج من تدكين

========

متونج زركه من سوط الملاعين

بالج على عينج من تنوحين

عيونج رايحه لعباس وحسين

عفتيهم ذبح علثرى منومين

ماخلوج يم اهلج تضلين

ورحتي الشام وياج النساوين

تتفرج عليج الخلك صوبين

الف ياحيف بترابه تكعدين

بخرابه كعدو بت السلاطين

وينج وين دخلات الدواوين

كلبج علولي مفطور نصين

طلعتي صايحه جاوين تردين

بتل الزينبي جنج تصعدين

بس خيل وعده كولي شتشوفين

والميمون رد خالي من الحسين

اخوج علرمل مكسور ظلعين

وجفوف الكمر مشموره علطين

وراس حسين وبعينج تنضرين

فوك ارماح بي للشام ماشين

وبطشت الذهب حط راس الحسين

بس دمعج يصب وماتصرخين

ادري علكفل انتي تعتبين

بطلي من العتب مطروح بلطين

والله لو عدل لو عنده جفين

فنه اليوصلج من الملاعين

ونعازيها / بت الكرار

========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسيده رقيه عليها السلام


وتدري الشوفتك يابويه مشتاكه
خذوني عداك مسبيه وعلناكه


يبويه حسين خليني حاجيك
مو ادري الشمر وبسيفه ماذيك
وماخلاني اودعنك وامر بيك

(زغيرونه سلب ترجيتي )


زغيرونه وتراني الونه تحلالي
وطاح وياك كله حيلي يلغالي
والو ميته يبويه بساعتي اشوالي

(وتعبانه مااحمل طكه)


وعلناكه وصيحن وينك الحكلي
اريدنك تجيني اليله وتمرلي
ويبنيتي يابابه ومحد يكلي

(وجتالك اليمشي وياي)


وجتالك يبويه براسك يهوس
وكدامي اشوفه بجسمك ويرفس
وماخذني بظلام اليل بس هندس

(ويحاميني راسك يهتز)


طحت يحسين من علناكه علكاع
غفن عيوني خذني النوم وبساع
وبحجار الصحاري شابعه اوجاع

(تانوني ماواحد يسمع)


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوز حذف الاسم أسم الكتاب
لبيك يازهراء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_الدموع_الزينبية_الجزء_١٧_.


لطميه للأمام الحسين عليه السلام


خليني خليني وياك اضل خليني
بالهيمه واكعد يمك وبدمعي اغسل دمك
وياك أضل خليني
📚✍📚✍📚✍📚✍
خليني اجرن سهم البدلالك
ميته عساني وما شفت جتالك
يبره الضعون ولا رحم بعيالك
انمرد مثلك جبدي والسوط ورم زندي
تجويني تجويني نار الهضم تجويني
📚✍📚✍📚✍📚✍
ريتك شفتني والخيم منهوبه
وانه بمرار النايبه مصيوبه
ضليت حرمه محيره ومرعوبه
عطشانه واشرب دمعي ضلعك مصوب ضلعي
ماذيني ماذيني حيل اليسر ماذيني
📚✍📚✍📚✍📚✍
بالدرب راسك عالرمح يبرالي
شفتك تصدلي وانمرد دلالي
وانه الغريبه ولا بعد ضل والي
لا عندي ضلت خيمه والشمر مابيه شيمه
واليني واليني وليت عدو واليني
📚✍📚✍📚✍📚✍
شالوا ضعنه وعالجثث مرينه
ردنه الوداع وما يصيح بيدينه
كل نايبه المن الدهر ترمينه
صوبت كلبي العبره من عفتك اعله الغبره
تناديني تناديني اتعاتبني واتناديني
📚✍📚✍📚✍📚✍
كلبي تصوب من سمعتك يحسين
تعتب عليه اتكول زينب تمشين
مشمور جسمي لا غسل لا تجفين
امصوب وينزف نحري والخيل كسرت ظهري
عفتيني عفتيني فوك الرمل عفتيني
📚✍📚✍📚✍📚✍
تعتب عليه والعتب بجاني
ضليت يمك والشمر جراني
لمن نخيتك عالمتن ضرباني
جرني وصحت ياراسي مالان كلبه القاسي
كاضيني كاضيني ضيم العدو كاضيني
📚✍📚✍📚✍📚✍
وابنك علي السجاد شوف اشحاله
من شاف صدرك سحكته الخياله
صوت الحزن يحسين ضل يتعاله
شدوا الكوم امتونه دارت عليك اعيونه
يعميني يعميني كل مايون يعميني
📚✍📚✍📚✍📚✍
كل مايون يحسين يكسر ضهري
ابجي وكلت عباس جا مايدري
المن يصير الفكر تايه فكري
المن اجر الونات للضل عدل لو للمات
يبجيني يبجيني واليوكع ايبجيني
📚✍📚✍📚✍📚✍

*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي*
*صاحبه ديوان📚الدموع الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله بحق الحسين ع
كتبتها على اثر رؤية لاحد الاخوات
وكأني بمولاتنا زينب ع



اخيي الخيل داسنه
وانه اسمع الونه



مذبوح الولي وشفته
وعليه الروح ممروده
عطشان ويبس كلبه
وعضيده مكطعه زنوده
رحل مني العزيز وشال
بعد هيهات شيعوده
ضامي شلون اشوفنه
وانه اسمع الونه




وناتك جون كلبي
خويه و حيل مابيه
مذبوح وشفت نحرك
ودمومك المجريه
ادري بروحتك هايه
ما ترجع بعد ليه
اكطع منك الضنه
وانه اسمع الونه



عطشان وجثيره الكوم
والخوان ما همه
شفت النحر يبن امي
وعليك الزلم ملتمه
شيضل بالكلب كلي
كل ساع و صحت يمه
شمس وجروحه ياذنه
وانه اسمع الونه



مذبوح و يدير العين
ضامي وتكتل اجروحه
حيل الرمل يحركها
وراحت بالشمس روحه
يا ميت يضل هيجي
جثته ايام مطروحه
ولا خلوني ادفننه
وانه اسمع الونه



من طبع اليموت بهاي
نشيعه ونمشي جنازه
شمعنى بس اخوي انه
ضل و ضلت اعزازه
وباجر بالسبي الممشه
غريبه و ضاله بعازه
ما خلوني اودعنه
وانه اسمع الونه


بقلم الشاعرة أم كرار الساعدي
غير مبري الذمه من يحذف اسم الشاعر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك