قصائد نساء فقط

القاسم ابن الحسن عليهم السلام

❥ـــــــــــــ❁¤¤❁ـــــــــــــ❥

طلعت من اخيامها المهظومه
سمعت القاسم وكع بالحومه
تركض بلايه فكر
تصيح الحكي يم طهر
سمعت القاسم وكع بالحومه

❥ـــــــــــــ❁¤¤❁ـــــــــــــ❥

صوت جاسم وصل ليها. عمي الحگني وكعت
عالوجه كامت وطاحت. رمله من صوته اسمعت
تسمع العسكر تكبر. اذبحنه فارس وافرحت
يمه هذا انت يجاسم. نادت اسم الله متت
صاحت بحسره ييمه لاتمووت
انه امك يالولد اسمعلي صوت
شلي بعدك بالعمر.
تصيح الحكي يم طهر
سمعت القاسم وكع بالحومه

❥ـــــــــــــ❁¤¤❁ـــــــــــــ❥

وكفت اباب المخيم. تبجي وتون صايحه
الصوب الهامه ييمه. للحشر ما اسامحه
روحي بفراكك عليله مني جنها رايحه
مصيبتك هدمت حيلي. ولدليلي جارحه
الله لاينطي الصوب راسك
والكطع من هالدنيه انفاسك
كلبي ياجاسم جمر
تصيح الحكي يم طهر
سمعت القاسم وكع بالحومه

❥ـــــــــــــ❁¤¤❁ـــــــــــــ❥

الحكي يم عون الجرالي. مايحملنه الجبال
جابو العريس نايم. والوجه مثل الخيال
بدمه جف امه تحنه. وراح كل ذاك الدلال
ليش مايكعدلي ابني وانكطع حبل الوصال
بيني ومابينه حال الموت حال
اتكطعت يازينب احبال الوصال
انثر اسنيني.نثر
اتصيح الحكي يم طهر
سمعت القاسم وكع بالحومه

❥ـــــــــــــ❁¤¤❁ـــــــــــــ❥

شابكه القاسم وتنحب والكلب من عدها ذاب
اسم الله يايمه على طولك يا وليدي يالشباب
لاتخلي امك وحيده والكلب شاف العذاب
فراك ابوك العذباني. وانت هسه شهالمصاب
يمه فدوه رد عليه يالحنين
انه امك يابعد هاي السنين
منين اجيبنه الصبر
اتصيح الحكي يم طهر
سمعت القاسم وكع بالحومه

❥ـــــــــــــ❁¤¤❁ـــــــــــــ❥

شلون بيه اوليدي راح. ياهو اليصبر الكلب
هو جان الخيمه ليه وشمعتي بليل الغرب
وين اروح انه بكبرتي. نار دلالي تشب
وليدي مات ومن يضلي عندي اغله من العذب
وين اروح وياهو اليباريني
لو كبرت ومشت بيه سنيني
نريد والي للكبر
اتصيح الحكي يم طهر
سمعت القاسم وكع بالحومه

❥ـــــــــــــ❁¤¤❁ـــــــــــــ❥
ام زينب السعداوي. /ناصريه
لا اجيز التلاعب بالقصيده. وغير مبرء للذمه من يحذف اسم الشاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw