مربوعه او قصيده حول وفات السيده زينب



*ليش اليوم يا زينب تونين*

*وحباب الكلب ليهم تريدين*


شالو كل هلج شالو يحره
كسرج بالكلب كولي شيجبره
مفكود الولد والوالي كسره
*الحد الموت مابطلتي العين*


تبجي العين يا زينب عليهم
احبابج عل جره كولي شبديهم
وكت الموت روحي هناك ليهم
*حته بكربله دفانج حسين*


اسم الله عليج جاموعدج خوان
واجب عل ولي يصيرلهه دفان
انتي ملوعه يا كهف الاحزان
*ليش بموتج ما اجو مسرعين*


حك عله االخو يحضر لاخيته
ويدفنهه العزيزه اتريد اديته
غربه اتشيل ما تقبل حميته
*يشيعهه تريده اليوم الحنين*


يهايه ونتج كطعتهه الكلوب
نامي اهلج عليهه بعيد الدروب
تصبرين الكلب يمعوده جندوب
*خلصانه وشفيد اعتاب تحجين*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

اللهم صل على محمد وال محمــد
قصيده للسيده زينب عليها السلام
تقـرأ بعــدة اطـوار****(✵♡✵)
✶♡•┈•‏​‏​​‏✹.❀.✹•┈•‏​‏​​‏♡✶

رجعت زينب لرض االشام
وذكرت ذيــــــــــج الأيـام

بسوطه العدو يضربهــه
وتشكف زينب ضربتهـه

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

لمـن طاح حسيــن الوالي
مذبوح أعله الغبره أكبالي
هجمت كله وشدهت بالي
وهجت بالبـر كل أعيــالي

حركو خيمنه أعلينــــه
طفال وخدر ضلينـــــه

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

وليــه هلكــوم أتـولونــــه
والطفل اليبچي يضربونه
لديـار الغربـه مشونـــــــه
فرجه للعالـم خلونــــــــه

ماتــدري الوادم بالصار
ترمينــه صارت بحجار

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

طبـيـت الدارك يحسيـــــن
ولنـهــه اجت ام البنيـــــن
تســـئلني وتهــل العــيـــن
نشدج عن ولدي مقصرين

ماقصـرو كـل وليـاني
بيهـم لوعني أزمـاني

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

بمحنــت كلبي وعذابــــه
أتــمر أبـالي الخـرابـــــــه
أتجدد حزني ومصابـــــه
أتنادي أرقيــه يابابـــــــه

ماتـت رقيـــه أكبالي
وينـــك عني يالـوالي

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

أذكرت أبرحـلــــة أيامي
كل ضيم الشفته وآلامي
ماتــدري بحالي يلضامي
ماتــت أطفـالك كـــدامي

كربـت ليـه المنيـه
وينك يبن الزچيـــه

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

تـمـت بعـون الله تعـالى

✍بقلم خادمة أهل البيت عليهم السلام

الملا ام زينب الواسطي💔 .❀.

نسـألكـم الـدعـاء *🤲*(✵♡✵)

بتعجيل الفرج لصاحب الزمان(عج)

غير مبري الذمه من يحذف الاسم

ويــنـسب الـكــــــــلام لــــــــه.❀.


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للسيده زينب ع


ياناكه بس حر وشمس
فاركت اخيي من امس


ياناكه ظلموني الغرب
موقف عدانه شكدصعب
امشي حزينه بلدرب
ماخذني للشام الرجس


ياناكه نار بخيمتي
عباس اخيي وهيبتي
من دمه تجري دمعتي
عطشانه والساني يبس


محروكه تدرين العبي
وهيبه انه وبت نبي
يحدي اظعوني الاجنبي
تعبانه مكطوع النفس


خواني نامو بلحرب
شيصير ياناكه الكلب
منعو احسين من العذب
حيرانه وبروحي احس


عفت الولي بترابه
يوجع بكلبي امصابه
مانسه طول اغيابه
من عنده سلبوه البس


الشاعره خادمة السيده الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيك يازهراء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة *[ #امسجِّل_التاريخ ]*
في إستشهاد #السيِّدة_زينب بنت أمير المؤمنين عليهما السلام، 1442 هـ .
____________

المستهل /

كلمه امسجِّل التاريخ
ليها وموقف وصوره
ربي اتقبَّل القربان
يم اعظام مكسوره

لا تعجب .. من زينب
بنت الداحي خيبر


1 /

تتحسس .. تتنفس
زينب من علي والدها من روحه
حِلَّتها .. بمحنتها
أيوب النبي بس زايده اجروحه
دمعتها .. اُو ونَّتها
يعقوب النبي ببچاه وبنوحه
ومن احسين .. تاخذ زين
نصره اعلى الظُلم من هدَّم اصروحه

مقيوده وذليله تسير
للكوفه تقول الناس
وتقول اهيَّه للسجاد
نفتح جينا والعبَّـاس

دِخلتها .. اُو قلبتها
و چن الجاي حيدر


2 /

من عاشت .. ما شافت
غير الهم يرافقها من الخامس
لزغيره .. اكبيره
وأمها أودعتها حسين إله حارس
وبالتالي .. هالغالي
صار ايرافقنها امرافق الهاجس
اوياه تقعد .. وتردد
لعيونك لربَّي ست مية عابس

حُره الحُره بت احرار
چالزهره رساليِّه
احترقت عالزچيه الدار
وخيمها اتحرق هيِّه

للوالي .. متبالي
تعثر وتمشي عالمجمر


3 /

شتتوصف .. وبعد الطف
رغم آلامها وسوط العدا والهم
قبال العين .. راس احسين
وشفت آنه الجميل تقول وتتكلم
فضحتهم .. قهرتهم
واهتز الدعي ابعرشه واتلعثم
بالسجاد .. يفتك راد
ووالي ليها من الذبح ما يسلم

حامت إلعلي وتقول
قبله يالعدو اقتلني
خلي والي للشيعه
واقتص لو ردت مني

سيدها .. وقائدها
تفدى ليه المنحر


4 /

وقفتها .. كلمتها
كد كيدك فلا تمحي ذكر لينا
تتخلد .. تتسيَّد
سيف احسين هيَّه واخته وعينه
افتكروا مات .. بس هيهات
ماتوا هم وعايش هو على سنينه
حيرتهم .. خَيلتهم
ساعه احسين چنها وساعه والينا

لو توقف يشوفوا احسين
وبيده ماسكه سيفه
تتكلم يجي الكرار
حِلته ولهجته وحيفه

ما ذلَّت .. واتعلَّت
نفس احسين واخطر


5 /

الذوبها .. ومرمرها
الأيتام العلى ذمتها مكفوله
كل ساعه .. مرتاعه
طفله بنومها وماتهدا بسهوله
عمه آنه .. عطشانه
تجيها ثانيه من العطش مذهوله
شتبدي .. شتخلي
العمه المن تعبها هيه منحوله

من قعده تصلي الليل
وتهمس لـ الله بالقوه
مهنَّى يا عسى العباس
خويه اليروي ابدلوه

ما نضما .. لو يمه
چنه وماي يحضر


6 /

حسرتها .. نِظرتها
من ابيوت المدينه تالي شافتها
رِدِّينا .. ما جينا
بابن الزهرا بالله ردِّي حَدْثتها
اطلعت اوياه .. وجيت ابلاه
خل تهجر جميع الناس زينتها
راح احسين .. نور العين
تسامحني الزچيه والعزا إلها

وما مهلتها ايد الموت
بأول ذكرى إخذتها
شمعه ومن اثرها تذوب
والطف طفى شمعتها

بالغربه .. للتربه
تروح وربها قدَّر .
____________

بِـ قلم/ خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

       لذكرى شهادة العقيلة عليها السلام
*
لا ما تطيح الرايه       شيعة ونظل وفايه
نشيعهه ميهمنه الخوف
ولزينب انصيراچـفــوف
شــيـعـه ونـظـل وفـــايه

****
يالعقيله الـــيوم اجينه انجدد اويــاج العهـــد
شيعه الكـــــــرار إحنه وما نعــوفج للأبـــد
راية الطـــــف بينه تعلة قســم بالله الأحـــد
إحنة خدامچ يزينب يا سبي الــيرجع بعــــد
عباس بينة وما مـــات
بچفوفنه وبالهامـــــات
انجيب الفرات او مايه
شيعه ونظل وفايــــــه
*

گلب اليحبچ يزينب لــــو ذكر خدرچ يــلـــوع
ويا حزن عاشر محرم سهمه نابت بالضلـــوع
اليوم اجينه يالعقـيله نصب على مصابچ دموع
نحضر انشييع الجنازه ونعلگ الليله الشمـــوع
مصابچ فلا مثله امصاب
يمخــدرة داحي البـــــاب
ولزيــــــــارتچ عنـــــايه
شيعـــه ونظـــل وفـــايه
*
أحنه ترباة أبو فاضل الشال بالطف اللــــواء
نهر غيره بدمنه يجري يرسم حروف الوفاء
صحنه رغـــماً عاليضدنه تبقه كَبتج بالسمـاء
كون لترابج يزينب نروح كـــــــل احنه فداء
نادينه كلنه ابهل صوت ابدربج يمحلاه المــوت
المـــوت لجلج غـــــايه
شيعــــه ونظل وفـــايه
*
خطوه خطـــوه من مشينه يمشي ويـانه الحنين
والحسن ندري يزينــــب شـال نعشج والحسين
ويه النسيم الدمعه صوغه للگبر ما ندري وين
بهل مصاب الليله اجينه نواسي أمير المؤمنين
جبنه النعش يا كـرار وجيناك لا مو خطار
يابو الحسن شچــايه
شيعه ونظل وفـــايه
*
يا علي وعن حال زينب شافــت الوان الــعذاب
عاشت آلام الوديعه وكل مصــاب يجر مصــاب
تالي قربان الشهــــــــاده قدمت سيد الشبــــاب
صابره وآ يا صـــبرهه ماله مقيــاس وحساب
مذبوح شافت بالعين والكـــافل ابلا چفين
زينب صــبرهه آيه
شيعه ونظــل وفايه
***
للشاعرة نسيم كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه لتشيع الامام الكاضم

مربعه مع هوسات جنوبيه

عليك البيرغ محدد يشلونه
للكاضم حرير اخضر يفصلونه

〰️〰️〰️〰️〰️〰️〰️
للك هوسه وعراضه الشيعه سوها
على جسر الرصافه الونه علوها
مرفوعه الروايه بسمه سموها
البيرغ باسمك يارعي النيبه
〰️〰️〰️〰️〰️〰️〰️〰️
هزوها البيارغ حيل للساده
يلماخذ كرامه وشارت اجداده
على المسموم لطمو الذايبه افاده

الكاضم يسوه نوح على مصابه
〰️〰️〰️〰️

مثل رايه محمدجده علوها
على نعش الامام اليوم حطوها

ترفرف رايت الكاضم تخلوها
البيرغ بسمك ياراعي النيبه
〰️〰️〰️〰️〰️

نوصل للجسر ونرفع للك رايه
هاي شيعتك تلطم وفايه
للك لطمت لطم علجسر شجايه

البيرغ يحلاه على الساده
〰️〰️〰️〰️

يومك مثل جدك حيل ماذينه

ثلاث تيام مرمي حسين ولينه

بونات وحزن اليوم هل جينه

على الساده نرفع الاعلام
〰️〰️〰️〰️
✍🏻بقلمي الفقير خادمه البتول الزهراء المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

محراب القلوب
للإمام الكاظم عليه السلام

*
بكل گلب محراب ويون
ودموعنه تشرح حــزن
يلكعبة الله تلــــوگ الك
المثلك شلــــون بسجن
*
القرآن انت ويا ســـــــــوه مضمونه وانت المحتــــوه
يالنورك امضوي الأرض يوم الرحت ما ظل ضـــوه
*
وياك ودعنه الأمــــــــــل غبت وفلا بعدك حصـــل
نادينه والآخـــــــــر نفس ويانه ياريتك تظــــــــــل
لتلومــــه كل شيعي يحن
المثلك شلــــون بسجــن
*
گلب اليحبك محتــــرگ بذكرى مصابك يختنگ
يمشيهه خطوات الألـــم ويرتل آيات  العشــــگ
*
ناذر الك كل العمــــــــر يمشي بطريقك لو جمـر
ميرده خـــوف ولا ذبح يوصل ضريحك ينتظـر
ميعوفك وخــاب اليظن
المثلك شلـــون بسجن
*
انته الإمام ابن الإمـــام والمعنى انت الكل سلام
بالكاظميــــه اترف الك رايات وجنـــاح الحمام
*
يالبيك آيــــــــات شكثر يا معنى انت لكل صبر
منك تفيض النه النعــم يالكاظم وخيــــرك يدر
يالشايل ايمــان وحسن
المثلك شلـــون بسجن

   **قلمي / الشاعرة نسيم كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

تهدم حيلي
للإمام الكاظم عليه السلام
*
تهدم حيلي تهدم حيلي
عالمسموم اتــــهدم حيلي
*
أقسم بالهادي وبالزهــره
وبالعطشان الحزوا نحره
عالكاظم ما تطفه الجمره
مسموم مگيد يا ويـــــلي عالمسموم تهدم حيلي
*
انوارك رادوا يطفـــوهه
سموك وظنهم يمحـــوهه
عميه عيون الما شافوهه
نورك ظل من جيل لجيلي *عالمسموم تهدم حيلي
*
يا باب الله وجيتك زايـر
ياليومك ينبع من عاشـر
السمك مو مسلم كــــافر
يالشمسك ضوت كل ليلي *عالمسموم تهدم حيلي
*
يالماخذ فكري او وجداني
ويالوضعك هيـج احزاني
(موسى الكاظم) لا تنساني
بالمحشر ريت اتبـاريلي عالمسموم تهدم حيلي
*
مفجوعه هاليوم احبابــــك
تنحب واتون اعله مصابك
حاجتنه وحاجتهه ابابـــــك
كل حاجه ابابك تگضيلي عالمسموم تهدم حيلي
*
كل خمسه وعشرين انادي
عجل عجل يبن الهــــادي
عالكاظم ما تدري شسادي
عالجسر امدد يا ويــــلي عالمسموم تهدم حيلي
*
عالجسر امـــــــدد مولانه
مسموم امگيدته اعـــــدانه
نبچي ودمع المهـدي ويانه
يا عيني كل دمعچ سيلي عالمسموم تهدم حيلي
* قلمي / الشاعرة نسيم كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للكاظم ع
خل تحظر بني هاشم للكاظم يشيعونه
ظل عالجسر مطروح تغسلونه وتجفنونه
*
فوك السجن ياساده ظل عالجسر مشمور
حماميل اربعه شالوه أهل الظلم والجور
أمام الرافضه يكولون وجهه مغطئ بالنور
هذا جده ابو الحسنين جنهم مايعرفونه
*
هاي جنازه الطيب شيلوها ياساده
مسجون بطاموره ومنه ذايب افاده
أهل بيت النبي ياناس الكتل الهم عاده
جابوله الطبيب يصيح خل أهله يحظرونه
*
الكاظم يابو طلبه ساجد يعبد ربه
يمه تنقضي الحاجات بس اوصل العتبه
وكله جيتك بمطلب مولانه ابو طلبه
مايرجع الخطار يكظيه تعرفونه
*
اجه سليمان طر الناس ويهل الدمع ساجم
يلطم عالصدر ويصيح تعالو يابني هاشم
هذا عالجسر مشمور ياساده الكاظم
بسجن الطاغيه هارون وانوب يسمونه
*
ياشيعه على اليوم لاتنسون امصابه
نعزي بته معصومه وأهله وكل احبابه
نارك بالكلب مولاي تسعر حيل لهابه
كل الجعفريه اليوم طلعو يشيعونه. ام محمد الهاشميه لايجوز حذف لاسم ذمه رجاء

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للامام الكاظم ع


مشونه الموسى ابن جعفر
ندك بابه

كومونه يمشايه
ناخذ بيدنه الرايه
ونكله اليوم شكايه

مايرضه الكريم بهظمت احبابه
.............
مهظومين مولانه
نشكي هموم دنيانه
يالكاظم تلكانه

نشكي الضيم يم حلال الطلابه
..............
نوكف عالجسر كلنه
وابو الكلفات يسمعنه
والله من الهظم متنه

وخلو دموعنه تنزل عله اعتابه
..............
كصدوه يالتحبونه
وبيرغكم تشيلونه
ذكره الحيد تحيونه

لطمو ودكو الهامه عله امصابه
.............
يوم السجن ماننساه
كل عام اليمر ذكراه
كلنه عالجسر ننعاه

برايات الحزن والعين سجابه
..........

✍أم زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده بحق الامام الكاظم ع


يعلويات ابوجن حمل وشال
كضاي الكلافه وفكده جتال


ابوجن شال كلبه محمل هموم
شايل يا حسافه ومات مسموم
يعلويات البسن سود الهدوم
كضاي الكلافه بالف رجال



محد شيعه وبس غربه شالوه
واهله بعيد عنه وما يحضروه
هذا ابن الهيابه شلون سموه
ماودع هله ولا شاف العيال



ضل اعله الجسر محد تدناه
لا خوان يمه ولا هله هناه
بجه عيونه وكل كلب كسراه
يستاهل عليه الدمع همال



يا نعش العزيز بنص الغراب
محلات الجنازه تشيلها احباب
مسموم الامام وجرحه ماطاب
سبع و جنازته شايلها حمال


حماميل اربعه شالوا المسجون
اخوته بعيد عنه وعيب يدرون
ما حضروه و لا شالته المتون
صعب يايوم موسى وعيب ينشال



كلمات أم كرار الساعدي
غير مبري الذمه من يحذف اسم الشاعر


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ثكيله للأمام الكاظم ع
*****************
دخيل اعله بابه واريدن جوابه
انوح لمصابه رهين السجون
*****************
ادك بيبان جوده وانتظر رحمه
حسبت احساب كلبي ينجلي همه
ياباب الحوائج بالخلك اسمه
بجفه ماتظل صعبه مثل عمه
جفوفه عطيه يحنن عليه
بجيت لعذابه رهين السجون
*****************
راهب عترة المختار يامظلوم
يمن كضيت عمرك بالسجن محروم
بطوامير السجون امكدر ومهموم
موتك بالسجن يابو الرضه مسموم
القيود بوريده العشيره بعيده
وبعيده الكرابه رهين السجون
*****************
مثل عاشور يومك ياعظيم الشان
نعشك عالجسر وحسين عالتربان
بس اعظم واشد امصيبة العطشان
ذبيح وخيل تسحك جسمه بالميدان
برمح راسه عالي يكضي الليالي
تون لمصابه رهين السجون
*****************
اجيت لحضرتك ولروحي داويهه
محتاره بزماني لاتخليهه
اجفوفك للجروح الصعبه يشفيهه
المشاكل سهله عندك دوم تكضيهه
شفيعي وحبيبي إمامي وطبيبي
عدوه يهابه رهين السجون
****************
طوامير السجن تشرح معاناتك
ذليت الاعادي بطول سجداتك
ماخاب اليندبك بيضه راياتك
امرادك بالعجل معروفه شاراتك
بجروحي اجيته حزين ونخيته
اصيح اعله بابه رهين السجون
******************
أم علي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي مجرد بحق الامام الكاظم ع
وكأني بمولاتنا المعصومه ع......تقول


بويه ونيت ماحضرينه ونتك
يمسموم يا الغالي اعلى بنتك
اليوم بويه يا محنتك



الشايل غريب وماله احباب
مثل الجرح لو نزف ماطاب
والله يبويه اصوابك اصواب


يومك صعب كلش ولاهان
يمسموم وبوليت السجان
ومن السلاسل بيك نيشان


ماينحمل يومك صعب حيل
بمتنك صفه طبع الزناجيل
ما غمضت ساعه ابطن ليل


شحجي يبويه وكلبي مكسور
وتدري الابو يا والدي سور
اضلم نزلنه و شايل النور


وليه ولوك الما يرحمون
والله اكسرت كلبي يمسجون
كون اليموت اهله اليحضرون


بقلم الشاعرة أم كرار الساعدي
غير مبري الذمه من يحذف اسم الشاعر


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة فزاعية مع هوسات للامام الكاظم ع
————————————————-
الكاظم مات وسفة بقعر الاسجون
على امصاب الامام تزلز الكون


الكاظم مات وسفة ابين شمات
لاحظرو هلة وهلو الدمعات
ابن خير البشر راعي الكلافات
جدة المرتضى واهلة اليرهبون
(امنسب هذا .. وماهابو )

الكاظم مات ياشيعة الطمو
على امصاب الغريب الليلة ونو
عازي ام الحسن والصدر دكو
وعازو كل هلة واعموهة الاعيون
(اعلة المسجون .. نعلي الونة )

حلاة النوح للميت ابطامورة
عون اللي تدك اعليه ماجورة
هاي اللطمة عَل مسموم مذخورة
للزهرة بحزن واجب تعزون
(انوح اعليه .. المات بسجنة)

نوحو اليوم والونات علوهة
والدمعات لجلة اليوم هلوهة
والزهرة اجت ويانة عزوهة
عَل مسموم عون اللي يلطمون
(انعزيهة .. بدموع العين )

ارثيلك يغاتي بدمعة اعيوني
خدامك اجت وياها سجلوني
كل شدة وكلافة انتم تحظروني
بلمحشر اريدنكم تشفعون
(احظر ليه .. اليندب بسمك)

—————————————————
قناة رثاء الاطهار
لخادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للامام الكاظم عليه السلام


هايبويه...ارجع الدارك يغالي
هايبويه... اذكر ارباي ودلالي

هايبويه هايبويه

انتظر جيتك عليه من تطب
من بعدعينك جمر بويه الكلب
راح كلشي وياك ياهمي صعب
حيل حالي منفجع بويه بغرب

رايح... تدري بويه شصاربيه
رايح ...حيل وازتني المنيه
رايح ...من بعد عينك خطيه

هايبويه هايبويه

حالي وحالك تره اصعب وضع
مساهرات عيوني ويجرن دمع
كلبي مكسور بغيابك منفجع
ذاب حيلي وذاب وياي الشمع

وينك...ماتجي البتك بعد
وينك ...كلبي اليله انمرد
وينك...رحت بويه وماترد

هايبويه هايبويه

حالك اليله فجعني من دريت
وسفه سماك العدو وتعذبيت
غيابك بكلبي جواني تمرمريت
بسهم وبجبدي يبويه تصوبيت

وبغيابك...حيل ثكلان الحمل
وبغيابك...الحزن لا مو سهل
وبغيابك...فكري يابويه نشغل

هايبويه هايبويه

بويه صعبه الدنياحيل وحيرتني
ردت وياك المنايه وماخذتني
العمر خلص علدلال وعلمتني
شلون هليله بعد هلفاركتني

يلعفتني...بنيه مااحمل اذيه
يلعفتني..يلرحت من بين اديه
يلعفتني ...بويه مافكرت بيه

هايبويه هايبويه

متت يابويه بعد ياهو اليجيني
سافرت انت يغالي وكل حنيني
ابد مايهده يبويه يجر ونيني
بعد ماحسب وتاني ياسنيني

حشمت...فدوه اليه بس تعال
حشمت...دمع عيني بويه سال
حشمت...لدنيا بغيابك اجبال

هايبويه هايبويه


الشاعره خادمة السيده الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيك يازهراء

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي للأمام الكاظم ع
**********************
وكأني بلسان حال الزهراء س تقول
يبني يالغريب المات مسموم
اجيت لنعشك ودمعاتي بونين
ادور عالجسر واكطع مسافات
يالكاظم ادورك وين ماوين
ايدي عالضلع يوجعني مكسور
ماطاب الضلع يايمه للحين
لكيتك عالجسر بالشمس ممدود
سموك بحقد ليش الملاعين
يم جسمك اون واتنفس الآه
واذكرت الغريب بكربله حسين
ثلثتيام ظل ابلادفن مطروح
وصارن بالزجيه مو جرح جرحين
ياجرح الاداوي جبدك المسموم
لو سهم المثلث والجبد نصين
يبني اتحيرت من غدر الايام
يوميه بولد انضرب عالعين
********************
عليك الكلب يامسموم داوي
مايرهم دوه لجرحك واداوي
يالكاظم حرت إلمن اداوي
جبدك لو ذبيح الغاضريه
**********************
يشيال النعش بالنعش هاوين
ريض خلي افك الكيد هاوين
عفت امه الزجيه اتصيح هاوين
غريب الكاظم بهاي المسيه
**********************
عله الكاظم دمع عيني يهلهه
حماميل النعش شالت يهلهه
غريبه اجنازته وصاحت يهلهه
يشيعوني الغرب بالكاظميه
**********************
أم علي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*قصيدة للإمام الكاظم عليه السلام(بويه بويه)*
*من ديوان 📚عبرات وانين في رثاء الطاهرين الجزء 7*
❥━──➸➽❥❂❥━──➸➽❥❂
بويه… يمته لنزولك ترد
بويه… گلبك وگلبي انمرد
بويه… ايست منك بعد
بويه بويه
❥━──➸➽❥❂❥━──➸➽❥❂
يمته لنزولك ترد كلش بطيت
وانتضرتك بس تجيني ومااجيت
بالسجن سموك تاليها وگضيت
لاشفت حالي يبويه ولادريت
حالي … من عكب عينك صعب
حالي … شاب راسي والگلب
حالي … عيني تربي اعله الدرب
بويه بويه
❥━──➸➽❥❂❥━──➸➽❥❂
عيني تربي اعله الدرب ومساهره
بوسط گلبي النار ضلت مسعره
صحت يابويه ودمع عيني جره
ارجع اترجاك يبن الطاهره
ارجع ... عليك امي فاطمه
ارجع ... والعيون تصب دمه
ارجع ... عليك روحي مألمه
بويه بويه
❥━──➸➽❥❂❥━──➸➽❥❂
اعليك روحي امألمه وگلبي حزين
ليش يابويه غبت كل هالسنين
اصد لمچانك واناديك بونين
بيمن ايطلبوك گوم الضالمين
فگدك… لاتضن فگدك سهل
فگدك… خله دم گلبي يهل
فگدك… مدري ميت لو عدل
بويه بويه
❥━──➸➽❥❂❥━──➸➽❥❂
لا تضن فگدك عليه بويه سهل
ليش رحت بساع عني بالعجل
انظر مصلاك ودموعي تهل
من عگب عينك بگيت بلا اهل
بعدك ... ما بگه واحد الي
بعدك ... من يگلي ادللي
بعدك ... بويه دمعاتي تهلي
بويه بويه
❥━──➸➽❥❂❥━──➸➽❥❂
يهل دمعي ومانشف ساعه الدمع
احن واشتاگ ودليلي ينصدع
بويه يابويه بعد ماننجمع
يالحلو ملگاك واغيابك وجع
يومك… شيباني امن الزغر
يومك… بعد ماعندي صبر
يومك… وين وداك الدهر
بويه بويه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

اللهم صل على محمـد وال محمــد
فزاعيه جنوبيه للكاظم عليه السلام

✶✬●•┈•‏​‏​​‏●✶💔✶●•┈•‏​‏​​‏●✬✶

تلطـم عالصـدر هليــوم أحبابــه
للكـاظم تـهــل أدمــوع سچـابـه

✶✬●•┈•‏​‏​​‏●✶💔✶●•┈•‏​‏​​‏●✬✶

الشيعه علجـسر تبچي وحزنانـه
أجت يـم الـغريب اليـوم مولانـه
أرتـج الكـون كله وضلمه دنيـانـه

مفكود الأمام ويصعب أغيابــه

✶✬●•┈•‏​‏​​‏●✶💔✶●•┈•‏​‏​​‏●✬✶

چـاوين الأهل خلهم يحضرونـه
أتشيل أجنازته الكـبره يشيعونـه
واتـراب الگبـر هـمـه الـيهيلـونــه

نـام أبـن النبي اليـوم بـتـرابــه

✶✬●•┈•‏​‏​​‏●✶💔✶●•┈•‏​‏​​‏●✬✶

نتـعـنـه الضريحـه اليوم عـنايــه
نمشي عالجـدم ونـزوره مـشايـه
ندك أعله الصدر وبيدنـه الـرايــه

ونـزور الضريـح أنـقـبـل أعـتـابـه

✶✬●•┈•‏​‏​​‏●✶💔✶●•┈•‏​‏​​‏●✬✶

عالكاظم ننـوح ونسـچب العبره
ونعازي أجينـه فـاطمـه الزهــره
بمصـاب الأمـام وسابـع العـتـره

نـون أعله الأمام اليوم ومصابـه

✶✬●•┈•‏​‏​​‏●✶💔✶●•┈•‏​‏​​‏●✬✶

ضـل أعلـه الجـسـر محـد تـدنـالـه
مـاحـضـرو هـلـه لاواحـد الـشـالــه
ولا اكو أحباب يمه الغربـه تـبرالــه

نــاره بـالـگـلـب تـسـعــر ولـهـابـــه

✶✬●•┈•‏​‏​​‏●✶💔✶●•┈•‏​‏​​‏●✬✶

مـيت والـسـلاسـل گيد بچـتـافـه
ومن سـم العـده أمغـيره أوصافـه
مذهول الفكر دكتوره مـن شافــه

راحــو گوضو كـل أهـل الـهيابــه

✶✬●•┈•‏​‏​​‏●✶💔✶●•┈•‏​‏​​‏●✬✶

تــﻣـت بـــ؏ــون الله تــعــالــئ

بـ✍🏻ــاقــ✍🏻ــلام خـادمـات أهـل البيت ؏

✍🏻#الـمـــلا ام زينـب الـواسـطي💔

✍🏻#خــادمــة الـزهــراء ام عـهـد

نســـألـكمــ الـدعـاء 🙏🏻(✶💔✶)

بتعجيل الفرج لصاحب الزمان (عج)

غير مبـري الذمـه مـن يحذف أسماء
الشاعــرات ويــنسب الـكــــلام لـــه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي للإمام موسى بن جعفر ع



عانى الإمام موسى بن جعفر ع في حبس
السندي أشد الالآم والأذى وكان إذا ضاق
نفس الامام لضيق الطاموره يأتي إلى بابها
يستنشق الهواء فإن رآه السندي ( لعنه الله عليه)
لطم الإمام ع على وجهه وأرجعه إلى داخل الطاموره .
ثم إن الطاغيه هارون بعث إلى السندي
رطباً مسموماً وأمره أن يقدمه إلى الأمام موسى بن جعفر ع
فأمتثل الطاغيه وقدم الرطب إلى الأمام
واجبره أن يأكل ،
ثم تناول سبع رطبات فأكلها ثم امتنع فقال له السندي ( لعنه الله عليه)
زد على ذلك .
فرمقه الإمام بطرفه وقال حسبك قد بلغت ماتحتاج إليه بعد ذلك أخذ السم
يسري في بدنه والإمام يعاني أشد الالآم
وبقى على هذه الحاله ثلاثه ايام بينما
هو يسمع أخشن الكلام واغلظه من السندي بن شاهك



يلسندي لا تزگر ولينه
ماتستحي من ايدير عينه
يتبره من عندك نبينه
بهداي ويه ابن المدينه


####################

يسجان الولي لا ترفع الصوت
تمدد بعد ساعات ويموت
الباب الحوائج جيب تابوت
دگوا سواد اباب البيوت
####################

لا تدفع الكاظم يسجان
ظلمه وعليه تغلگ البيبان
ياريت اله بهلبلد خوان
ويسووله ابغداد ميدان

##################

كون المريض ايعالجونه
وعله افراش المنيه ايمددونه
ويبچون لو غمض عيونه
وعليوجعنه ايناشدونه

___________________
بقلم شاعرة اهل البيت ع المله

أم ريام دخيل الركابي✍..
تجدون التكمله في ديوان
مأتم فاطمه الجزء الاول



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ابوذيه للكاظم ع

روحي اليوم عالمسموم هامات
شكثر بالسجن يامولاي هامات
حرمه عالجسره واتصيح هامات
وتدك عالراس ثاريها الزجيه

سمعت ونت الكاظم وجتها
بضلعي المنكسر نارك وجتها
وداعت عمتك زينب وجتها
بكيدك عاد كيد الغاضريه

الزمان هواي اللومنه وعتبه
خان اوتاد دين الله وعتبه
الكاظم كيد هد متنه وعتبه
ونده وين الرضه يلحك عليه


بجه وايكول وين المد اديه
ويكول شلون امدنجن يديه
بضلمه والاهل وكت المنيه


شبيه الجسر صبح يون حيل
ومرو عليه اربع حماميل
ذبو بيه تابوت وزناجيل


المن هالنعش صاحت الوادم
ثلث تيام فوك الجسر نايم
يشيعة علي الميت الكاظم


طلعت تصيح الله واكبر
فوك الجسر تمشي وتعثر
هذا البالنعش موسى بن جعفر


لطمو عله الهامه ويصيحون
اويلاه عله امصابك يمسجون
وين اهلك يبن جعفر يحضرون

✍أم زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw