قصائد نساء فقط

قصيدة لديار الاهل
—————————————————
اجينة بـشـوگ يــم اديــار اهلنة .. ومحد يطلعنة
صحنة بصوت وين اهل المحنة .. ومحد يطلعنة
وگعنة بعتبة الباب . .. . نون والدمع سجاب
مهضومين وين اليشكـي همنة .. ومحد يطلعنة
🎤🎤🎤
الـچـانـو بـل هلة یـلاگـونة هسة ، مــا طـلعو علينة
جلدة اگلوبنة جينة على الـدار ، بـس نصفگ بدينة
يون گلبي وصحت طلعو يالاحباب ، ما تدرون بينة
شحال التفگد اعزاز . .. . ودمع العين نزاز
مر اغيابكم يهلي وكتلنة .. ومحد يطلعنة

مُـر اغـيـابـكم مــا بـيـة اجـرعـة ، يـعزازي ارجعو
مـا احمل بعد گاضيني الافراك ، عن حالي انشدو
خلص گلبي بجفاكم ذابت الروح ، عاد بحلم مرو
نتنطرهة الاحلام . .. . صعبة تگضي الايام
جذب من گال بلفرگة قبلنة .. ومحد يطلعنة

هـنـيـال اللـي عـاشـر اهـل طيبين ، والعيشة هنية
حسرتي بل كلب لمن جفوني ، وعمت عيني الثنية
اصـدن خــالية وضلمة ومغبرة ، وبس اصفك بدية
اصفك راح علراح . .. . بعد ماضگت الافراح
ضليت انتحب واجذب الونة .. ومحد يطلعنة

مـا يـرتــاح گـلبـي يجـر ونــات ، ونيرانة مسعرة
ترف العين من شالو الاحباب ، وبية اتركو كسرة
كـل فـاگد ابـد لتضنة يرتاح ، وجوة الضلع جمرة
وياهم راح كلشي . .. . وجرح الگلب يدي
افراگ الموت يالاحباب سلنة .. ومحد يطلعنة

هضم وهموم شفنة من رحلتو ، شفنة شكثر لوعات
الـبنت لـو راحـو الـغـالين عنها ، تبقة تجر حسرات
وكـت اغروب تتزاحم الوحشة ، وبيهة تزيد شوغات
اه ياوحشة الليل . .. . مني تاخذ الحيل
من النوح ملينة وجزعنة .. ومحد يطلعنة

الله يعينها بت حيدر شلون ، من عافت اهلها
ضحايا علرمل والروس برماح ، يامعظم المها
اويلي شلون من ردت للديار ، شنهو اكثر لجمها
لا خوان واولاد . .. . ومصيوبة بل افاد
تصيح شلون اطب لوطان جدنة .. ومحد يطلعنة
————————————————————————
بقلم خادمة اهل البيت ع الشاعرة والملا رغد البهادلي
اهدي ثوابها الى روح المرحوم (جبار ابو ستار البهادلي)
والى روح والدي الشهيد (بشير وهم )

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw