الى صاحب التاج ولمعراج نبي الرحمه ابا القاسم محمد ص
طور ثكيل مواساه الزهراء
〰️〰️〰️

غفت عين الابوه وتهدم الحيل
ياجد الولد حملي ترى يميل
〰️〰️〰️〰️〰️〰️〰️
انهضم كلبي يابويه من غفت عينك
واني كاعده وبس اسمع ونينك
انادي من كلب محروك جا وينك
دموعي اليوم ضلت لاجللك اسيل
〰️〰️〰️〰️〰️
بويه بس غفت عينك اجوني
دفعو باب بيتي وروعوني
ومحسن طاح من عندي وعموني
مكسور الضلع وحيلي انحيل
〰️〰️〰️〰️〰️〰️
حركو باب داري ودمعه العين
ضل يبجي وينادي الحسن وحسين
بعد منين اجيبن شخصك منين
بفراكك شفت حسرات ولويل
〰️〰️〰️〰️〰️
كسرولي ضلع وعمولي العين
ضليت بحزن يابويه وونين
نكرو كل وعودك وحرفو الدين
الهم ساس ماضي بايه الفيل
〰️〰️〰️〰️〰️〰️〰️
اشلون تنام وبتك يعيلون
تعال وشوف ولدي اشلون يبجون
اصبرهم يابويه ومايهيدون
وبفركاك ياولي دمعي يهيل
〰️〰️〰️〰️〰️✍🏻✍🏻بقلمي خادمه البتول الشاعره ولمله ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده لفقد الرسول
____________

بويه تنادي ، بويه تنادي
اكعد امسح دمع اولادي .


جد اولادي انودعه الليله
هادم ركن وحيل العيله
وسفه يموت وربعه اشيله
لفراكه محروك افادي ،

يابويه ارجع با والينه
تدري عداك ادور اعلينه
تاخذ كل حكنه وتولينه
ونطش بسهل وبالوادي ،

بيتك موحش طافي سراجه
يل تكصدلك وكت الحاجه
تدري ببنيتك محتاجه
دوم وجودك ها يالهادي ،


ظلت محتاره ومحزونه
من ظلو ربعه ينعونه
حيدر بمصابه يعازونه
وبوجه الهم كلش بادي ،

متاثر بفراك الهيبه
حيدر يدري فراكه مصيبه
وهاي الامه بكلبه اتصيبه
ويتنمر كل ظالم عادي ،

ظلت تنعه البضعه الوالي
لمن طاح السور العالي
والدها المرسول الغالي
جان الها البيرغ والحادي ،


ناعيه خيام الطف
ام فاطمة الزهراء ✍✍


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه لرسول الله ص عن لسان حال الزهراء ع

شايل وين ابونه وهيبة الساده
مفكود وعليه اتنوح ويلاده
..........
شايل وين ابونه وعز العلينه
نشبع من عشرتك ماتخلينه
يوم الحملت بالضيم ضلينه
افراكك والكلب يابوي ماراده
..............
ماراد الفراك ايضيع احبابه
ابوي اشكد عزيز ويوجع صوابه
مشه البيه المحنه وانغلك بابه
الميت مايرد والنوح ماعاده
............
بعد مافاد ونج غرب الهيبه
يزهره والخذاه الموت شيجيبه
روحج يالحزينه ضلت بريبه
اليوم حسين شالت هيبة اجداده
............
مشه هيبة الزهره وشال واليها
بويه ارسوم وجهك وين الاكيها
عفت بتك حزينه واكطعت بيها
حيدر عله اغيابك ذابت افاده
............

حمل والاملاك عليه مرجونه
ابو ابراهيم من رادو يشيلونه
حزن وحي الاله وهلت عيونه
محرابه بجه وتنحب السجاده
............

✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

اليوم شال المصطفى هاديها
والزجيه الدمعه اله تجريها


✿────↻✿...✿↺────✿
امست بيا حال فاطم ياوضع
على الهادي تنوح وتهل الدمع
ينحب الكرار يمها ومنفجع

وحزنت املاك السما وباريها


✿────↻✿...✿↺────✿
وحزنت الاكوان وأملاك السمه
من بعد هاديها وحشه ومضلمه
شال الف ياحيف والد فاطمه

والزجيه عدمن امخليها
✿────↻✿...✿↺────✿


وسفه يل مختار عن فاطم غبت
خيم اعليها الحزن يوم الرحت
يالنبي وياذونها لو عنك بجت

من المدينه فاطمه امطلعيها

✿────↻✿...✿↺────✿

من رحت يلهادي ماتدري شجره
ضلوع فاطمه الزجيه امكسره
وبلحبل مجتوف كادو حيدره

وشبو الدار الزجيه اعليها

✿────↻✿...✿↺────✿

✍نور الولاية الفاطميه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة *[ #بالسلامة ]*
عند عودة الركب الزينبي للمدينة ولقاء السيدة زينب بأخيها محمد بن الحنفية عليهم السلام ، 1441 هـ
_____________

1 /
بالسلامة .. يابعد روحي اخيتي الهاشمية
بالسلامة .. الحمد لـ الله ارجَعتوا لي اْمن الغاضِرية

ايسلمك الله .. خويه يَمحمد يَباقيها اخوتي
ايسلمك الله .. خويه تعبني السفر راواني موتي

2 /

اسم الله زينب .. اتقربّي يَختي تعالي خل اضمچ
اسم الله زينب .. سولفيلي اشصار يا عينيها امچ

لا سلامة .. خويه لاقينا ابسفرنا امن المدينة
لا سلامة .. إلـ رَّسلوا لحسين "اقدم" خِلَوا بينا
3 /

ابنفسي ياخوي! .. يعني غدروا بيه خويه اهل كوفان!؟
ابنفسي ياخوي .. زينب آنه عفته لنّي امشي عجزان

اهدا خويه .. ماقلتلك آنه اي شي إلهسَّه اهدا
اهدا خويه .. ماقلتلك ليش قلبك خويه تِلزمه
4 /

وينه الحسين .. كافي لَتقوليلي اشصار ابسفركم
وينه الحسين .. اندهي له ماخِلص يَختي ضعنكم؟

يَبن ابويه .. يا حُسين اُو ياضعن تحچي إلـ يِوصله
يَبن ابويه .. راح عنّي اُو زاد فوق العلَّه علَّه

5 /

الغاضرية .. اخذته منِّي اُو تِركني آنه اخته
الغاضرية .. من وصلناها وِداع احباب شفته

الغاضرية .. ضمت احسين اُو انا سِلبتني ضمه!
الغاضرية .. اترابها حسرني احضن امدلل امه
6 /

ابليل عاشِر .. خويه چنه قاعدين قعده أخيره
ابليل عاشِر .. آنه قلَّه "ياذبيح" ايقلِّي "يَأميره"

اُو يوم عاشِر .. هِمس بإذني ايقِّلي بـ احچايه خطيره
يوم عاشِر .. اوداعة الله واعذريني يالأسيره
7 /

راح الحسين .. معنى اسرچ يا أميرة آل هاشم
راح الحسين .. يارسول الله تِناظر يَبو القاسم

مو فقط راح .. إلا ياخويه انرفع راسه بالرماح
مو فقط راح .. إلا ياخويه وخِدر اختك بعد راح
8 /

آه يَزينب .. فطريتي اقليبي يَأختي ياهضيمه
آه يَزينب .. اتحمليتي اشلون انتي ياعظيمه!

بالله اْنشدچ .. اشحال قاسم وي علي اُو كافل ضعنكم
بالله اْنشدچ .. آخر امناشد في وين عبدالله بنكم

9 /

يابوفاضل .. ياحلاة اسمه كفيلي اُو حامي خدري
يابوفاضل .. ياغلاته افقدته إليجبرلي كسري

كلها راحت .. قطِّعوا الأكبر اُو طبروا راس عبَّاس
كلها راحت .. حتى جاسم والرضيع خَمدوه لأنفاس

10 /

ايعظم اجري .. آنه آسف چي حِلمت ابقعدة اهلي
ايعظم اجري .. هالسفر لا جدد الله زينب اختي

قومي يَختي .. قومي زينب مَـ انتِهت رحلة عذابچ
قومي يَختي .. هايه ام البنين اِجت تِنعى اعلى بابچ .
_____________

بِـ قلم / خادمة وليِّ النعمة ( قصائد وليِّ النعمة )

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه لرسول الله ص واله
======================

حزنان الزچيه اليوم
شال اليوم واليهه

_^^^^___^^^^___________

شال اليوم والدهه
اليوم الله يساعده
چامنو بعده عدهه
منهه رحل حاميهه
___
حاميهه رحل لبعيد
محتاجه الابو وتريد
يجيهه لو لفاهه العيد
يعايديهه. ويحاچيهه
_______
يعايديهه الابو بالبيت
بيك معليه انه الصيت
بعدك بويه شسويت
روحي تروح واسييهه
__
روحي اليوم واسيهه
وحدهه لاتخليهه
بدلالك انت تدريهه
تذل اشلون تاليههه

_______
تاليتي،اظل وحدي
يسطروني عله خدي
ولدي تبچي بسدي
وروحي الهضم عاليههه
_______
تمت بقلمي ام حسين المحمداويه
لا اجيز شرعا مسح الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده الى مولاتي زينب ورجوعها الى دار الحسين مع هوسات جنوبيه
واسوها

ردت للمباني تجذب الونه
نوبات الطم للوالي سونه
〰️〰️〰️〰️〰️
خليه بيوتكم شنسوي جيناها
بس تراب غاطيها لكينها
عن حسين بلدمعه نشدناها
شيعوده الولي الغرب
〰️〰️〰️〰️〰️〰️
ونت فاطمه الكبرى بعبرتها
جاوين الكمر وحسين تنشدها
شو ضعن الحرم خالي تكللها
جاوينه عمي العباس
〰️〰️〰️〰️
كعدنه بداركم كوه ياخواني
حسبالي الكمر هو يتلكاني
مر فراكم ياخويه هضماني
اتلكاني ياسبع الحومه
〰️〰️〰️〰️〰️
اطب لبيتكم حسبالي الكاكم
جبت نوح ودمع هيهات انساكم
خويه عتاب اختكم ابد ما جاكم

عا تبنه اليوم الولي
〰️〰️〰️〰️〰️〰️
تلاكوه اختكم حيل مهضومه
خليت الولي غافي بوسط حومه
مصوب بلكلب تجاري يدمومه
فاركناه العز ولهيبه
〰️〰️〰️〰️〰️〰️
يابيت المحنه اليوم ضل خالي
على الطيبن دمعي اليوم ضل هالي
جاوين الحنين الينشد بحالي

زينبكم ردت مهضومه
〰️〰️〰️〰️〰️
✍🏻الشاعرة ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه
لسقوط الزهراء عليها السلام
.......
يبويه رحت عني وين
ياجد الحسن وحسين
.....
يبويه اشلون هلالك
اشلون انطاك دلالك
متدري ابلوعة اعيالك
تتصارخ اطفالي
والگلب نصين
.....
يشوفوهم تولوني
ضربوني عله اعيوني
لذت منهم اوعصروني
من طبو عليه
اطفالي مخترعين
......
وسط حزني وسط وني
صحت يافضه شيلي ابني
اخذ حيفه النذل مني
طفلي سكطه
اودرها مني العين
.....
على العتبه شفت محسن
عمت عيني عليه ايون
حضنته والگلب محزن
اسمعنه عمت عيني
يون اونين
......
يفضه جيبي اخماري
اشوف ابحيدر اشجاري
واعلمنه عله اخباري
واگله سكطوني
اوسكطو الجنين

.......
الحاجه ام إحسان الخاقاني
27صفر1442هـ
......
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*فزاعية لرجوع زينب(ع) الى المدينة*
*من ديوان 📚 عبرات وانين الجزء5*
❥━──➸➽❥❂❥━──➸➽❥❂
*خنواسي زينب ياخلگ*
*محد بگة من اخوانها*
❥━──➸➽❥❂❥━──➸➽❥❂
مالومة واتهل الدمع
والگلب منها منفجع
لاوالي وياها رجع
ذبحوها كل وليانها
❥━──➸➽❥❂❥━──➸➽❥❂
لارض المدينة الطاهرة
ردت حزينة وحايرة
الحسين گطعو منحرة
وظل نايم بميدانها
❥━──➸➽❥❂❥━──➸➽❥❂
وعباس راعي المرجلة
نومة على الشاطي حلة
عاف الكفيل العايلة
مهظومة عد عدوانها
❥━──➸➽❥❂❥━──➸➽❥❂
وهاليوم بت حيدر علي
ردت ومدمعها هلي
واتصيح خوية بوعلي
اختك دهرها خانها
❥━──➸➽❥❂❥━──➸➽❥❂
خوان ياوسفة الدهر
اذه العقيلة ام الخدر
بالاهل فجعاها وغدر
ظل الحزن عنوانها
❥━──➸➽❥❂❥━──➸➽❥❂
حزنانة للديران اجت
وابحسرة اهلها اتذكرت
لطمت على الراس وبچت
وحشة صفت ديرانها
❥━──➸➽❥❂❥━──➸➽❥❂
الدار وحشة اعليها
وظلمة وكدر غاطيها
وين الذي يعازيها
واعلى الغوالي عانها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للامام الرضا ع

اريد ابعث سلامي ودمعتي بعيني
على بعد المسافه البينك وبيني
اريد ابجي عله مصابك
يالمبعد على احبابك
اريد ابعث سلامي ودمعتي بعيني
.........................

سلامي من بعد مولاي اوديلك
وانصبلك عزه بالنوح وابجيلك
سموك الاعادي وركدو حيلك
بعيده اهلك عليك ونار بدليلك

يون واحباب ماعنده
وبالسم كطو جبده

اريد ابعث سلامي ودمعتي بعيني

...........................
خل عيني تهل الدمع واتصبه
وتتذكر مصاب الميت بغربه
مات وعينه عله الاحباب تتربه
يامسموم والله حالتك صعبه

اسمع ونك بهيده
واهلك عنك بعيده
اريد ابعث سلامي ودمعتي بعيني
........
يبومحمد الفكدك كل محب مندوم
يالكضيت عمرك سيدي مهموم
اه يبن الزجيه وحيدر المعلوم
بغربه ولااهل ياسيدي ومسموم

الك ننصب ماتمنه
وتجري عليك دمعتنه

الك ابعث سلامي ودمعتي بعيني
...........
ياروحي مشت يم الضريح اتنوح
ياكلبي احسه الغربتك مجروح
ساعه ابجي عليك وساعه عالمذبوح
ياضيم العليكم ماتحمله الروح

يمصاب الجره عليكم
حكها العين تبجيكم

اريد ابعث سلامي ودمعتي بعيني
..........
اوديلك سلا م امحمل ابأهات
سادتنه وعليكم بالكلب حسرات
ماننسه محنكم سادتي هيهأت
ابجيلك امامي واطلب الحاجات

نحسكم دوم ويانه
ذخرنه انتم يمولانه

الك ابعث سلامي ودمعتي بعيني
............

✍ام زينب كربلاء غير مبري الذمه من ياخذ الكلام وينسبه له او يحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي لرضا ع وحال الأخت الفاكده

غالي الاخو واغله من العيون
وتتمناه اخيته ويه اليدفنون
والمات اخوها بحالها شلون

ثاري الاخو ماكو بغلاته
لوفاركن شخصه خواته
بكل كعده واذكرن صفاته

يذكرن ايامه الجان هيبه
اخوهن وايطلبنه بحليبه
امي الراح منه ماتجيبه

وني وخلي النوح راحات
اذكري الغريب البل غرب مات
ومالحكن بيه الحنينات


مالحكت بيه الحنينه
والاغمضت بالموت عينه
بعيده والاسمعت ونينه

معصومه ثكل هاليوم ونها
رادت الملكه بخال ابنها
بعيد خال الولد عنها


بعيد الولي ومالحكت بيه
رادت يحاجيها واتحاجيه
حمل ضعن اخيتك لاتخليه


وياك حمل ضعن اخيتك
جنينه والابيها الفركتك
متوسفه ماحضرت ابونتك

✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

حصريا الناشر عباس التميمي
لا أجيز حذف الروابط

لطميه للرسول صلى الله عليه واله وسلم (قرآنك حزين)


قرآنك حزين ومنبرك خالي
تبچي ام الحسن وتصيح يالوالي


تبچي ام الحسن بدموع سچابه
قرآنك حزين اتصيح يايابه
گلبي اشلون اضمده ويسعر اصوابه
حالي امچيد بعدك مايسر حالي


من بعدك تراده الحال ماشفته
گلبي وگلب ابو الحسنين صدعته
قرآنك يون واعليك ناشدته
غارگ بالحزن والضيم دلالي


غارگ بالحزن گلبي وكثر ضيمه
عني اشلون تمشي وتنحر الهيمه
ياجد الولد ياسور ياخيمه
يانبع المحنه وياسگف عالي


يانبع المحنه ومصدر الغيره
حيرني الزمان بفرگتك حيره
احس گلبي انكسر واشلون تجبيره
واثياب الحزن هاليوم تحلالي


يحلالي الحزن والنوح ارغبنه
وجهك راح مني وبيش اعوضنه
اشلون اتغيب هالغيبه وتفارگنه
يومين وترد للدار حسبالي


ردت يومين ماتبطي وترجعلي
انته امي وابوي وهيبتي واهلي
حلاتك من تطب واشلونچ اتگلي
تسامرني برحابه وتگعد اگبالي


تسامرني برحابه وتمسح اهمومي
كون اليوم مو يومك عساه يومي
بحال الضيم لو تنشد عله اعلومي
اخلافك يالحنين اختلفت احوالي


الشاعره المله
ام هجران العمارچيه
غير مبري الذمه من يحذف الاسم او يغيره

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه
لسقوط الزهراء عليها السلام
.......
من حس بيها خلف الباب
عصرها الماله امروه
....
تعناها ابحطب وبنار
هوه اوزمرة الاشرار
التمو وسف علكرار
عصرها الماله
امروه ولا نخوه
....
صاحت ياعلي وينك
يحيدر طيحو اجنينك
اوعاينهم مداليك
عليهم ياعلي
دلالي اچوه
....
يحيدر وين عني وين
يافارس بدر وحنين
دلالي انجسم نصين
يحيدر راح ابوي
الجان الي سلوه
....
يحيدر عاين الحالي
من بعد الابو الغالي
احشمك وانته الوالي
يحيدر ظالمي
ابحالي اشسوه
....
يحيدر خايفه اعليها
عكب عباسواليها
لون جار العدواعليها
باراضي كربله
لوفكدت الاخوه
.......
الحاجه ام إحسان الخاقاني
29 صفر 1442هـ
......
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعية
سقوط الزهراء عليها السلام
.....
اعصابة حزن
شدت فاطمه الزهره
.....
اعصابة حزن شدت والدليل انحيل
بسمار الصدر منه الدمايه اتسيل
يا بويه تنادي حالي ما له امثيل
تعال اوشوف
اصحابك المتجبره
......
تعال او شوفهم وسموها الأيديه
من ضرب العصي كل حيل مابيه
امتوني وارمه من جور العليه
بيدي لازمه ظلعي وازم كسره
....
يبويه صدري بالبسمار متصوب
يوجعني يبويه اوحالي متعذب
حسن وحسين مدمعهم عليه ايصب
وبو الحمله يبويه منفني صبره
....
يبويه للحزن شديتلي اعصابه
كمت انحب اوهمه اعليه نحابه
الحسن يمسح ادموعي وامسح اصوابه
وابو اليمه ابدمعته ضلعي ايجبره
....
يبويه وانه اعله الولي حزنانه
متشمته ابعلي يابويه افلانه
امرنه صار الهم وهي فرحانه
اومتشمته ابوصيك خاينه دهره
....
الحاجة ام احسان الخاقاني
29 صفر1442 هـ

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

جديد صفر 2020

قصيده لسيدي ومولاي علي بن موسى الرضا عليه السلام
تقرأ بطور الفزاعي وبأطوار أخرى



المستهل:

بمصاب الرضا هاليوم
نعزي فاطمه الزهره



انعزيها ابقلب مالوم
على ابنهه الكضه مسموم
تهل دمعاتنه من ادموم
ننوح ونسجب العبره

✨✨✨✨✨✨

نعزي الليله معصومه
بمصاب الرضا ويومه
الفكد الولي مهظومه
القلب لفراكه شيصبره

✨✨✨✨✨✨

قلوب الشيعه حزنانه
امصابه حيل اذانه
ابو محمد يمولانه
افراكك بالقلب جمره

✨✨✨✨✨✨

الرضا مسموم هالليله
الإنس والجان تبجيله
بحزن الارواح تنعيله
الصخر وناتهه اتفسره

✨✨✨✨✨✨

الشيعه تبجي لمصابه
تنوح الليله احبابه
والدمعات سجابه
تِوِن وتجذب الحسره

✨✨✨✨✨✨

ليلة حزن ليلة نوح
ذِكرَنه حالة المذبوح
ثلث تيام ظل مطروح
عاري ومنكطع نحره





خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم أو يغيره

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للزهراء والمحسن سلام الله عليها


انه ام حسين يحبابي. تعالو شدو اصوابي


ضلعي انكسر بلبسمار

والباب اشتعل بلنار


لهيب النار بثيابي. تعالو شدو اصوابي



__________


عود استرت بلباب. عنهم لا يشوفوني

خفت منهم رجف گلبي. اجاني الصوط بمتوني

نبت بسمار بضلوعي. عصر بلباب عصروني


صــحــت زيـنـب تــعــالـيـلي


عــله الحـيـطـان تـچـيلـي


لون يدرون غيابي انه ام حسين يحبابي


_____________



محسن وين يم حسين. خليرضع واگمطنه

مات الولد يم الباب. روحن غاد دورنه

مدري انون عله ضلوعچ. مدري المحسن الونه


مــحــسن يامـحـمـد راح

يـم عـتـبـت نـزلـكـم طـاح

بعد ماينفع اعتابي انه ام حسين يحبابي

______________


من وجع الضلوع ابچي. مدري اعله الجنين المات


يزينب مو ضلع واحد. اضن ضلعين مكسورات


ضعف حالي وطحت للگاع. اجاني الموت يمحبات


لــو يــدري الــنـبـي طـه


طـفـلـهـا انـصـاب ويــاها


والنار احرگت بابي انه ام حسين يحبابي


_______________



اليه عتاب وي حيدر واليه وي الرسول اعتاب


سيفك ليش ضميته شلك بيه يليث الغاب


يبوي اشمتو بيه. گالو شو. هلج. غياب


بـچـيـت وصـبـن اعـيـونـي


تــعـالو عاد ضــمـدوني


امر ماچان بحسابي. انه ام حسين يحبابي

____________


جرو حيدر الكرار. وانه اركض وراه حافي


انه المفروض مااطلع. بس من الظلم كافي


ليش انه انعصر بلباب ليش ايورمن اچتافي


من رفــعـت عــصـابـتـها


تـرى الحـيـطــان هــزتـهـا


الاهـي ابجاه دولابي. انه ام حسين يحبابي

______________


زينب ضلت اعله الباب. لا أمها ولا ابوها


امها شحالهه وطلعت. ورى الكرار جروها


لن حيدر علي اينادي. ياسلمان رجعوها


لو يــدري الــضـلع مـكـسـور

مـهـضـومه وگلبها يـفـور


ولوها وليت ارهابي. انه ام حسين يحبابي

_________


انضملچ قصيدة نوح يم حسين اسمعيني


خدمتچ وانه عمري ازغير. وابچي اعليچ صدگيني


ولامرني الفرح ساعه. بالاه خلصن اسنيني


انه ام ادمــوع هــاي انه


نــخـيـتـچ وانه تـعـبـانه


وين البچت لمصابي. انه ام حسين يحبابي

____________


بقلم الشاعرة ام ريـــام الركـــابــي✍..

تجدونها في ديوان عزاء وبكاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه للرسول [ص]

❀❥❃❥❀━┅┄ ┈┉━❀❥❃❥❀
يمي اعمامة الهادي.. دخلوها
تظل اگبال عيني لا شيلوها
❀❥❃❥❀━┅┄ ┈┉━❀❥❃❥❀

تظل اكبال عيني والطم عليها
عمت عيني بمكابر نام راعيها
بنيتك ناحله والهظم كاظيها
[مربيها... ابنيتك ظلت ]
❀❥❃❥❀━┅┄ ┈┉━❀❥❃❥❀

مربيه وتعال والبس الصايه
دلف عمامتك واخطب بالولاية
يون قران بيته امكدره الايه
[الدين امثبت...بوجوده ]
❀❥❃❥❀━┅┄ ┈┉━❀❥❃❥❀
ياخاتم رسلنه الزهره نحلانه
تون اعليك تصرخ وين ملفانه
اجينه وياج ياكوثر الحزنانه
[نعازيها... بالطمه اليوم ]

❀❥❃❥❀━┅┄ ┈┉━❀❥❃❥❀
وين الفاكد الوليان تدنه
نلطم للرسول اليوم كلحنه
نعين الزاجيه وتنزل مدامعنه
[انعين الصرخت.. يابه]

❀❥❃❥❀━┅┄ ┈┉━❀❥❃❥❀
يايابة تصيح وحيل مهظومه
شلت يابوي خاف اطول النومه
ماريد النزل بعد الابو ويومه
[ماريده يابيتك... يرهب]

❀❥❃❥❀━┅┄ ┈┉━❀❥❃❥❀
الشاعره ام ذو الفقار(اسراء اللامي )

تمت بعون الله وتوفيقه
غير مبري الذمه من يحذف الأسم ويغير في الكلمات أو ينسبه الكلام لغير شاعرة مشكول الذمه


🕊🌟اهدي عملي هذا الى صاحب العصر والزمان عجل الله فرجه صدقه جاريه لسلامته

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*قصيدة للرجوع للديار من ديوان 📚 عبرات وانين ج5*
عندما رجعت مولاتنا زينب(ع) للمدينة رأتها مولاتنا ام البنين(ع) ولكنها لم تعرفها فكأني بلسان حالها تقول:

هاي زينب بت علي حامي الدخيل
مااصدگ هيجي صارت مستحيل
❥━──➸➽❥❂❥━──➸➽❥❂
هاي معقوله العقيله بت علي حامي الحمه
مدلله عباس اخوها وورده امها فاطمه
هذا حال الحره ليش امتونهه تگطر دمه
اثر سوط وشد سلاسل حالها بچه السمه
من شفتها ذاب من عندي الدليل
مااصدگ هيچي صارت مستحيل
❥━──➸➽❥❂❥━──➸➽❥❂
زينب اتذكرها اني واذكر اني عيونها
ياما شميت العقيله وبست ذيج جفونها
هاي معقوله اهي زينب هيج صاير لونها
زرگه ومدمايه ليش وماتشيل امتونها
من جفنها دموم مو مدمع يسيل
مااصدگ هيچي صارت مستحيل
❥━──➸➽❥❂❥━──➸➽❥❂
تگربت منها بحسرتي ومني مذهول الفكر
من شفتها گوه تمشي ومنها محني الظهر
هلت دموعي عله خدي وسألتها شالخبر
ليش گوه اجر جدمها وچن جواب ام الخدر
عالجمر سحگيت من هجمت الخيل
مااصدگ هيچي صارت مستحيل
❥━──➸➽❥❂❥━──➸➽❥❂
نهدم حيلي عالعقيله والگلب من عندي ذاب
وين كفالچ ييمه ردي اعليه جواب
ليش ماشالچ يزينب ليش رحتي ويه الاجناب
وانتي يبنيتي امانه من علي داحي الباب
وينه عنچ راح يايمه الكفيل
مااصدگ هيچي صارت مستحيل
❥━──➸➽❥❂❥━──➸➽❥❂
لطمت الراس ودمعهه من دمه عالوجنه هل
جرت الحسره وتگلي ولا ولي ويايه ظل
لاتعتبين عله ابنچ والله ماقصر بطل
لاچن اچفوفه اگطعوها وصار بية اللي حصل
شرد اسولفلچ بعد ماظلي حيل
مااصدگ هيچي صارت مستحيل
❥━──➸➽❥❂❥━──➸➽❥❂
عذباني مصاب اخوتي وهيچ صار بحالي
من شفتهم ذبحوهم كل اخوتي گبالي
ويايه متعاهد زماني يصيبني بدلالي
صرت اسمي ام المصايب والدمع يبرالي
الطم عله الراس واتصارخ يويل
مااصدگ هيچ صارت مستحيل
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

حديث بين زينب واخيها محمد
عند،رجوعها من كربلاء الى المدينه

يمحمد معرفتني ليش
حقك لو تگول. امنين

تعبني،الدهر. والبين
وغيرني، ،مصاب. حسين

حقك لوتگول. ،منين
//////////////////////////////////////////

اگعدخله اسولفلك اهوال الطف واحزاني
يخويه رحت وياهم اختهم وهم خواني
وصلنه الكربله،وهناك،انه،تغيرت الواني
شفت بيهه المصاب الصار وظيم الدهر راواني
بيمن ابدي يمحمد،،،،،،،،
عليهم. گلبي. يتمرد
وحرت وين انه اروحن وين
حقك. لو،تكول. امنين


هول،الطف يخويه اجبيروكلهم راحوا اخواني
ياهو المنه اسولفلك ومصاب حسين العماني
لاعبدالله لاجعفر ولاعثمان بيهم زادت احزاني
والكافل اجيت وياه راح وما،رجع ثاني

جفوفه ورايته وجوده، ،،،،،
على المسنايه. موجوده
وصابه السهم بالعين
حقك لو تكول امنين


عبدالله انذبح ضامي وعلي الاكبر،انقتل عطشان
والقاسم يمحمد حاربهم حرب فرسان
عريس وحنته دمه ومن دمه انترس ميدان
اجتهم المنايا ابساع وبالطف راحت الخوان
صحت على ما سمعني،،،،،،،
هدم حيلي. وفجعني
صوبني الدهر بحسين
حقك، لوتكول. امنين


المواقف بالطف هوايه،وموقف منهم اذاني لمن شفت اخوك حسين علىصدره الشمر،ثاني
صحت،لا،لا تحز نحره يزينب،ردي ناداني
لمي ايتامي يازينب يختي وحفظي نسواني
شفته من يحز نحره،،،،،،
وداست. خيلهم. صدره
وسمعته يجر اونين
حقك. لو تكول. امنين




الاشدمن هذا ياخويه هجموا عالخيم كفار
وشبوا بيهن،النيران اوفرت ازغار،كبار
وطلعت،من الخدر نسوان وگلبي،ظل جمره،ونار
وتاهت بالجبال،اطفال ماادري بامرهه اصار
وعلى التل اوگفت،وحدي، ،،،،،
بحسين انمرد. جبدي
مذبوح شفته حسين
حقك لو. تكول امنين



اخوك حسين يمحمدعلى صدره تدوس الخيل
وظل الوحده وياهم وياحاله يهد الحيل
ودمعي ظل علي مصابه يجري بالنهار وليل
وحيده انه يمحمدودمع الحزن مني يسيل

راسه على الرمح،شالوا،،،،،،
وابوي. المرتضى. شتموا
ورحنه كلنا مسبيين
حقك لو. تكول. منين

✍بقلم خادمة،اهل البيت عليهم السلام
ام مصطفى،الاسدي/مع كفيلي عتاب

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للزهراء سلام الله عليها



حرگوها. حرگوها. باب الرسول بنارهم حرگوها


ضربوها ضربوها يافاطمه عله العين ضربوها

///////////////////////////////////////

شلون ضربو فاطمه ياابو الحسن

العين ورمت والضلوع اتكسرن

وزينب وفضه عله الباب اركضن

كتلوها. كتلوها. الله اكبر فاطمه كتلوها

حرگوها حرگوها باب الرسول بنارهم حرگوها
//////////////////////////////////////////

احنه نبچي عليچ يابت الرسول

اليوم علتشييع گليلي شگول

وانتِ اسمچ فاطمه الزهرا البتول

عصروها عصروها مابين بسمار وحجر عصروها


حرگوها حرگوها باب الرسول بنارهم حرگوها

////////////////////////////////////

صوت عالي من گبر طه انسمع

خاف چي محسن عله العتبه وگع

لو عله الباب احترگ لو علضلع

علگوها. علگوها بسما. غبت هاي الحرب علگوها.

حرگوها حرگوها باب الرسول بنارهم حرگوها

//////////////////////////////////////

غيره لا عدهم ولا عدهم عدل

ليش شمسويه البتول وتنكتل

ذنب يوم الاخره ماينحمل


نكروها. نكروها ليش الوصيه ابفاطمه نكروها

حرگوها حرگوها باب الرسول بنارهم حرگوها

////////////////////////////////////

كتلو المحسن وكتلو فاطمه

الضرب عينچ عسه عينه العمه

الارض. ماجت بهلها والسمه

عزوها. عزوها نزلت خديجه اعله النعش عزوها

حرگوها حرگوها باب الرسول بنارهم حرگوها

/////////////////////////////////////

گوم وبسيفك علي صفيهه

ليش بوجودك وعالوا بيها

الدنيه خلهه تنگلب خليهه

شالوها. شالوها يازينب امچ للغسل شالوها

حرگوها حرگوها باب الرسول بنارهم حرگوها
//////////////////////////////////

ليش مايدري الامام ابحالتچ

نزلت الاملاك تكتب قصتچ

وشيعوها ابليل ضلمه اجنازتچ

فجعوها فجعوها اليوم سكان السماء فجعوها

حرگوها حرگوها باب الرسول بنارهم حرگوها

////////////////////////////////////////

اليوم قتلو فاطمه وستشهدت

آه من اهل السقيفه شگد بچت

وماجت الدنيه باهلها وما هدت

رادوها رادوها. تنكر وصيتك يلنبي رادوها

حرگوها. حرگوها باب الرسول بنارهم حرگوها

////////////////////////////////////////

الزهره گالت لاعلي مابيعه

هوه الخليفه وبلأمور نطيعه

اهل السقيفه اتأمرت ياشيعه

وسووها. وسووها كتلو طفلها وبلضلع. سووها

حرگوها حرگوها باب الرسول بنارهم حرگوها

ضربوها ضربوها يافاطمه عله العين ضربوها

/////////////////////////////////////////

بقلم الشاعرة ام ريـــام الركـــابــي ✍ ..

تجدونها في ديوان عزاء وبكاء

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw