،، ﷽.قصائد محرم( 2020)


يالماشي للعباس. وحسين اخيه
مني اخذ وياك. هاي الوصيه
مشتاك ازور . ذيج النحور بالغاضريه
❥✿•┈┈┈• •.،، • •┈┈┈•✿❥

وصية كلبي تترواح بين اعيوني اخليها
وين الكَه اليزور حسين وي امتاعه اوديها
انه المحروم اشوفنه وروحي هالالم بيها
اوصيتي من تروح اهناك بالشباج ترميها


لو خطوة وحدة ارجوك منك هدية
تكفيني بالشدات شر البرية

ابالي تدور ذيج النحور بالغاضريه
❥✿•┈┈┈• •.،، • •┈┈┈•✿❥

بتراب المشي ياريت انه اتكحل عيوني
شوكَي لباب ابو السجاد خاطف ناظري ولوني
كون ابدربه هالزوار اقبلهم يخلوني
عوارض دهري ياوسفه عن ممشايه منعوني



بروحي يظل. يحوم شوكَ الزياره
وعيوني رسمت بيك كَبه ومناره

ماهي قبور ذيج النحور بالغاضريه
❥✿•┈┈┈• •.،، • •┈┈┈•✿❥
يالكاصد لابو اليمه. وناوي الكربله بهمه
اريدك من تطوف حسين من المرقد اتشمه
سلملي عله المظلوم الطايح عالترب دمه
وكله خادمك مولاي عينه من البحي تعمه



ياحسرته الماراح . صوبك يغالي
يبقى العمر مندوم يسهر ليالي

دمه يفور.. ذيج النحور.. بالغاضريه
❥✿•┈┈┈• •.،، • •┈┈┈•✿❥

كون ابدربك الخالد اوزع عاليزور الماي
يالذجرك ابد عاف كلبي وساهرت وياي
اريدك ساعة احسابي تجيني سيدي عناي
ماعندي ذخر غيرك انه ادريك يالوفاي



انته الهوى لهروح محتاج اشمك
من زغري يامولاي امشي وخدمك

بكل الدهور ذيج النحور بالغاضريه
❥✿•┈┈┈• •.،، • •┈┈┈•✿❥

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*قصيدة للاربعين (نزور اگبوركم جينة)*
*القصيدة من ديوان 📚 عبرات وانين في رثاء الطاهرين الجزء5*
❥━──➸➽❥❂❥━──➸➽❥❂
*نهل العين ………… يخوية احسين*
نزور اگبوركم جينة // ونشكي السادي اعلينة
❥━──➸➽❥❂❥━──➸➽❥❂
يضي عيناي ياخوية رجعنة من اليسر هاليوم
نعـثر بالجـدم وانـوح ومن عدنة الگلب مالوم
گومـوا اتلـگو العيلــة الحيل من الهظم مهدوم
*هظمنة البين ………… نجر الونين*
بچينة وحيل ونينة // نزور گبوركم جينة
❥━──➸➽❥❂❥━──➸➽❥❂
مدمعنة يسيل ادمــوم والگلب انفطر نصين
مرة نطيح ومرة انگوم من گد الضرب يحسين
حنـــت روحــنا ليـــكم يوالي اهواي مشتاگين
*الحرم وايتام ………… تدگ عالهام*
تصيح بصوت يوالينة // نزور گبوركم جينة
❥━──➸➽❥❂❥━──➸➽❥❂
تصيح بصوت هالايتام يوالينة دگوم النة
شوف شــصار يالغـالي بينة وشنهي حالتنة
اجينة انزور ونشـكيلك ويمك نجري دمعتنة
*اربعينك صار ………… گلبنة نار*
انهض يالولي لينة // نزور اگبوركم جينة
❥━──➸➽❥❂❥━──➸➽❥❂
ماواحد نــهض الـــنة وگلنة ياهلة بيكم
نومة كــلكم ابگيـــتو وتراب الحار غاطيكم
گعدنة بحسرة وابعرة نون وننحب اعليكم
*الگلب مفجوع ………… نهل ادموع*
وعلى الهامات لطمينة // نزور گبوركم جينة
❥━──➸➽❥❂❥━──➸➽❥❂
بگيتوا كلكم امنومين النومة چن حلت الكم
ماگلتوا يبعد الروح اجت مهظومة عيلتكم
صار الاربعين اليوم واجت تنصب عزيتكم
*وروس الكم …………لجسايدكم*
الها انردها بيدينة //نزور گبوركم جينة
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ندبه الى مولاي ابا الفضل العباس يقضي جميع الحوائج

المستهل

صدك هيبه وكلافه وترفع الراس

تخاف الناس من اسمك ياعباس
.〰️〰️〰️〰️〰️〰️〰️〰️.

رافع راس كلمن زامطو بيك

تطي امراد عاجل ولوفه لليك

اريد الطم وشد الطمه عليك


بكل ضيجه عباس اندبه

〰️〰️〰️〰️〰️〰️〰️

تلمع كبتك وتحي زوارك
فدوه تروح روحي كله للنوارك
كون اكضي العمر كله بجوارك

شمحلاه كبه عباس

〰️〰️〰️〰️〰️〰️〰️

دكتور المرض وانته التصفيه

ااشيعه بضيج واريدك تحميه

حلوه رايه العباس اعكديه

ارفعيه الرايه باسمه

〰️〰️〰️〰️〰️〰️

صيتك بلمعاجز هل حجو عنه
محبتك سيدي تنوصف بلجنه
ميقصر اخو زينب اعرفنه

يكضيه كل صعبه العندك
〰️〰️〰️〰️〰️〰️〰️

مهضومين كلحنه بحميتك
يارعي المرجله نطلب من ايدك
هاي الناس مهضومه وتريدك

يسمونه دكتور الشيعه
〰️〰️〰️〰️

اجيت اليوم وكفيت بضريحك
مهضوم الكلب انه دخيللك
اريد اليوم تنطي من ايدك

.وتكضيه الحاجه الصعبه

〰️〰️〰️〰️

نطلب بلنيابه اليوم ذريه
وهاي هدتك حلوه ومرجيه

وتستر كل ولد وتستر البنيه
〰️〰️〰️〰️〰️〰️〰️

بقلمي الفقير المتواضع
ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي عن لسان حال زينب ع


اليوم الكعدت الخوان حنيت
جاباني الجدم والشوفكم جيت
دربي بعيد وعليكم تعنيت


كطعت الدروب عليك كلها
خويه الرجل ماتنكل وتلها
واكلها الروح مشتاكه عالهلها

المشتاك من يكثر حنينه
ايحن واتضل اتسيل عينه
يصدع المرمر من ونينه

الروح لوحنت عله للاحباب
مثل اليلوج وبيه الاصواب
يوجع يجرح الكلب لوصاب

كل مجروح يتعنه الطبيبه
وجرح الكلب ماصحله طيبه
وين الكه دوه الكلبي واجيبه

عزيز الكلب بالحد مدفون
مايكعد بعدوتشوفه العيون
الماتو شيردهم مايردون

وحك التحلف الوادم ببوها
اخت الفاكده ماتنسه اخوها
يعاشرها الحزن لو تيهوها

✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه جنوبيه لرجوع مولاتي زينب عليها السلام إلى كربلاء

❥❥ـــــــــــــ❁❂❁ـــــــــــــ❥❥

وسفه أعله الولي نايم بسردابه
تــلهــب نــار كـلبـي وناره لهابه

❥❥ـــــــــــــ❁❂❁ـــــــــــــ❥❥

وســفـه إلنــام بـتراب الغريريه
تــلهــب نــارهم بالكلب سعريه
شفت المكبره وكل حيل مابيه
محــتام الكـلـب ويـدور احبابه

❥❥ـــــــــــــ❁❂❁ـــــــــــــ❥❥

محتام الكلب يحسين حاجيني
انــه اخـتـــك يخويه لا تخليني
دلــينــي الـكبـر يبن امـي دليني
وانـه دمعتي أعله الآخو سجابه

❥❥ـــــــــــــ❁❂❁ـــــــــــــ❥❥

لـيوم المـكبــره خلونــي اعازيهه
المضـيعه ولــد وامضيعه واليهه
روحـــي رادت ل زهره تمر بيهه
لا كــام الــولـي ولا فـك إلي بابه

❥❥ـــــــــــــ❁❂❁ـــــــــــــ❥❥

اجـيــت اليــوم مـن الشام عنايه
اندهــك يــلاخو يــالبيك الكفايه
مـن ضيم الكلب لحسين شجايه
صحت بصوت بلكي ينفض ترابه

❥❥ـــــــــــــ❁❂❁ـــــــــــــ❥❥

نــام حسين كـلــش طـول النومه
جبت رأس اندهه واغسل دمومه
رديــت بـحـرم والـحــرم مالـومه
يلجم بــالكلب مـن انضر اصوابه

❥❥ـــــــــــــ❁❂❁ـــــــــــــ❥❥


تــــمت بقــــ✍🏻لم خادمه أهل البيت عليهم السلام


✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات للإمام الرضا عليه السلام
=========

على باب المراد اليوم اتعنه

اوكف وكفت امجدي وطلبنه

اكله تشيل مولانه الوبا عنه

يمولانه تراهو الوكت تعبنه

وتفكّونه .. من هاي الشده

💥💥💥💥

تره ضاجت علينه هواي دنيانه

ورواح الشعب مولاي خلصانه

يمته تنغر علينه يمولانه

تراهو الشيعي بلحسرات وتشمتت عدوانه

انهض ليها .. والشيعه بضيج

💥💥💥💥

ضاكت ياعلي ياضامن الجنه

وتدري صارت بكل بيت بس ونه

شيل الوبا والامراض من عدنه

هاي الدنيه بس احزان خلتنه

اتنجيها .. والشيعه تنادي

=========
خادمة ال البيت الحجيه ام علي البصره



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*هوسات جنوبيه للاربعين*
*من ديوان 📚 مسير الفواطم لارض المظالم الجزء 4*
❥━──➸➽❥❂❥━──➸➽❥❂
اگعد يالولي يالكلك مروه
امسح دمع عيني يا ابو النخوه
اجيت اليوم اشوف رسومك الحلوه

*اجيت اليوم اشوفنك ... يخال ابني*
صوابك بالگلب يا اخوي صوبني
عباس اليسر دولاب دولبني
عذبوني وبالسوط اضربو متني
*((هظموني من نامت عينك))*
❥━──➸➽❥❂❥━──➸➽❥❂
هضموني عگب عيناك هضموني
اگعد شوف حالي وعاين امتوني
گبل بحماك عدوانك يهابوني

*الجان يهابني ... ضل يزمخ اعليه*
ياعباس شوف الي جره ليه
مهظومه وحزينه وحيل ما بيه
من عگب الخدر صبحت مسبيه
*((مسبيه اخلافك يالوالي))*
❥━──➸➽❥❂❥━──➸➽❥❂
مسبيه اوحيده وما بگت وليان
چنت مهيوبه بين حسين والريسان
نامو يا حسافه كلهم بتربان

*نامو عالتراب ... وما درو بيه*
من ضيم اليسر والجور محنيه
وين الچان خيمه واگعد بفيه
تفاركنه وبعد ماينشد اعليه
*((حيرني ابزره ونسوانه))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه لرجوع العلويات الى كربلاء
يوم الاربعين

المستهل 👇👇

فرشن عبيهن من اجن
وسون عزه وقرايه

•───✧◐🕊🌻🕊◐✧───•

يم الكبور اتحزمن
بنات النبي لمن اجن
بالويل صاحن وبشجن
اشتاكينه خويه اهوايه

•───✧◐🕊🌻🕊◐✧───•

صاحت الحره وينجن
لطمن وذبن حيلجن
للنامو وناسينجن
وللكفل ودي الرايه

•───✧◐🕊🌻🕊◐✧───•

التمن على اكبور الأهل
لطمن عليهم بالوجل
وصاحن يعباس الكفل
نايم عله امسنايه

•───✧◐🕊🌻🕊◐✧───•

وراحن لعد كبر الولد
جاسم والاكبر مايرد
عبدالله ارجع للمهد
نشريكم احنه اشرايه

•───✧◐🕊🌻🕊◐✧───•

وانصبنه لحسين العزه
وراسه لجرحي يفززه
والدمع عيني تبززه
عندي لك الف احجايه

•───✧◐🕊🌻🕊◐✧───•

محنيه يم كبرك اجت
زينب يخويه تعذبت
منك اخيتك ايست
لكبرك اجيت اعنايه

•───✧◐🕊🌻🕊◐✧───•

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له

جديد 2020👆👆

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

بعد ايام وترجع تلك القافلة
التي خرجت من كربلاء بأسر
وحاملة معها تلك الرؤس
التي قطعت في طف كربلاء
والى الان لم تدفن
سترجع زينب الحوراء
ومعها رأس اخيها الحسين ع



جابت روس اهلهة وجاية بلوعة
صار هواي علوليان مفجوعة

اه يزينب اه يزينب اه يزينب


ردت بت علي والروس وياهة
ضيم هواي عدهة وتشكي ولياهة
من كثر البچي ذبلانة عيناهة
ومن ضرب السياط المتن موجوعة

اه يزينب اه يزينب اه يزينب


بربعين الوالي ردت من يسرهة
ليش زينب ما رتاحت من عمرهة
ويه العدة والغرب مشاهة دهرهة
الجانت بجال الولي كلمتهة مسموعة

اه يزينب اه يزينب اه يزينب



ردت ام عون بحزنهة الكربلة
جانت بولية شمر وي حرملة
بلبچي والحزن ردت معولة
وعليهة راس حسين تجري دموعة

اه يزينب اه يزينب اه يزينب




گعدت ونصبت عزاهة يم الاگبور
وردت الراس المجانة الچان منحور
والگلب منهة بحزنهة نار وتفور
اه ينار الثكالة البحزن مفجوعة

اه يزينب اه يزينب اه يزينب



هواي عدهة عتاب زينب للولي
گعدت علة گبورهم والدمع يهلي
خوية يحسين الجرة والصا ر الي
من عگب عينك شفت چم لوعة


اه يزينب اه يزينب اه يزينب


لخادمة الحسين ع مله فاطمة



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نزله ..لزيارة الاربعين

ااااااااااااااااااا

لا تضن غايب ..مهدينه ماغاب
بكربله يحضر..يشارك بالمصاب
ااااااااااااااااااا
حاضر المهدي معانه بس يهل دمعاته
وينضر لحال السبابه ويبجي وي عماته
وبمحرم نصب مأتم ونور بخيماته
بيهه يستقبل ضيوفه بنوح وبعبراته

وعالصدر يلطم ..مهدينه ماغاب
بكربله يحضر...يشارك بالمصاب
اااااااااااااااااااا
يالخدمت حسين انت اتعنه اله مشايه
واسي مهدينه بمصابه وامشي رافع رايه
لاجل دين الله يخادم لاجل هاي الغايه
رايه حسين وعضيده وعلعهد وفايه

كلهم ينطرون ..مهدينه ماغاب
بكربله يحضر..يشارك بالمصاب
ااااااااااااااااااااااا
اليوم جينه نواسي زينب باربعين احسينهه
وبيهه نبجي اعله الكفيل وزينب الله يعينهه
اجت ملهوفه عليهم ودمه تنزف عينهه
تشكي للخوان ويلي شلون وملوعينهه

وثارك امتانين...مهدينه ماغاب
بكربله يحضر...يشارك بالمصاب
اااااااااااااااااااااا
وتحضر الزهرة الزجيه باربعين اولاده
اوي الخدم تلطم عليهم تطفي نار افادهه
وتبجي وي زينب يويلي والمرض ما هادهه
بدمعتج يلي بجيتي اخذي منهه امرادهه

وينضر لحالج ..مهدينه ماغاب
بكربله يحضر..يشارك بالمصاب
ااااااااااااااااااااااااا
اندبك يالمهدي وينك اشهره لبتارك
من ظلم احفاد اميه اخذ منهم ثارك
ويالثارات الحسين وبيهه طفي نارك
ننتضر يالمهدي وينك اونتبع اخبارك

بكربله نلكاه..مهدينه ماغاب
بكربله يحضر..يشارك بالمصاب
ااااااااااااااااااااااااا
✍
خادمة الزهراء ع ام حسين الفريداوي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه جنوبيه للأربعين
**********************
هاي ام الخدر والروس وياهه
ردت بالضعن لكبور ولياهه
******************
صاحت ياعلي السجاد حاجيني
كبر حسين اخويه وين دليني
يسمعني وتسولف دمعتي بعيني
زينب هالزمان تنوح خلاهه
*******************
تعبانه وتون كتلتهه هالحسره
ذبت روحهه من المحمل لكبره
آ يحسين خويه تصيح بالعبره
ام عون الأجت كوم وتلكاهه
*******************
يبو السجاد جيتك روح مابيه
جفني ماطبك سهرانه ليليه
جبت العايله ولاتعتب اعليه
رقيه مااجت بالشام عفناهه
*******************
من ضيم اليسر هاليوم ردينه
الموش من الزلم يتمرجل اعلينه
يضربنه الشمر وحبال بيدينه
وبلون العبي المتون سواهه
*******************
اليوم الاربعين وجيت مشايه
روس اعزاز كلبي خويه ويايه
رحت صوب الشريعه شايله الرايه
صحت عباس زينب كوم وياهه
*********************
أم علي

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه ايودع الزهره حزين

.....
لطميه
للرسول صلى الله عليه وآله وسلم
......
يودع الزهره حزين
بعدي بويه تنولين
يا فاطمه يافاطمه
مالج معين
.....
يازهره بويه ايعز علي
مصابج يلوع كلبي
بضعتي انتي فاطمه
وصاني بحبج ربي
اوصيتي يبويه تنكر
تضيع الوادم دربي
وصيتي بويه تضيع
يعز عليه كسر الظلع
يا فاطمه يافاطمه
مالج معين
.......
يافاطمه أدنى علي
يابويه اودعيني
خليني اشمج بالظلع
يازهره وشميني
ريحة الجنه ريحتج
ومصابج ايبجيني
ينكسر منج ظلع
كلبي بويه ينفجع
يا فاطمه يافاطمه
مالج معين
..........
فاطمه بويه دمعتج
علخد تظل سياله
يمنعوج بويه من البجي
تعيشين أصعب حاله
يسكطون محسن علثره
اتشوفينه بويه اشحاله
شافع الامه صريع
علترب حاله فجيع
يافاطمه يافاطمه
مالج معين
..........
فاطمه بويه بالعجل
دنياتج اتعوفيها
يازهره وبعمر الورد
تذبل شجرتج بيها
اطفالج اصغار اوبالعجل
يابويه اتيتميها
بويه ايتامج تصيح
والدمع منها يسيح
يا فاطمه يافاطمه
مالج معين
..........
يا فاطمه بحقد وغدر
ينبت بصدرج بسمار
يجمع حطب ويروعج
ويشعله اباب الدار
وعلعين بويه يسطرج
بجف يبويه الغدار
بويه متنج ينضرب
ايذوب من عندي الكلب
يا فاطمه يافاطمه
مالج معين
.........
فاطمه انتي بضعتي
ويحبج الحبابي
لا نال بويه اشفاعتي
الاذاج والاذاني
يازهره ياام عترتي
مصابج يهيج احزاني
فاطمه حبج أمان
للنبي نبعه حنان
يافاطمه يافاطمه
مالج معين
...........
هليله افارك دنيتي
يخبرها ويسليها
رايح يبويه بحسرتي
وبحيدر ايوصيها
مكيدبصبره حيدره
واوصيتي تحفظيها
موقفج موقف صعب
دمعتي لجلج تصب
يافاطمه يافاطمه
مالج معين
.......
الحاجه ام إحسان الخاقاني
صرخه الأحزان ج 3
لطفاً لا تحذف اسم الشاعرة
........

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للرسول(ص)
////////////////////

وين اتريد ياصدر الدواوين
عليك اتنوح كتبك والقرائين
////////////////////

وين اتريد شايل هالمسيه
عليك اينوح حيدر والزجيه
مهضوم الحسن وحسين اخيه
يتعازون لمصابك محازين
////////////////////

يتعازون هالليله ويونون
فكدك مو سهل كلهم يكولون
اشلون اتغيب عنهم ياضوه الكون
محد يكدر الفركاك يومين
////////////////////

محد يكدر الفركاك تدري
اتصيح ام الحسن مكسور ضهري
اشلون اصبر بعد خلصان صبري
لاكلبي اليهيد ولاغفت عين
////////////////////

كلبي المايهيد وبيش اهوده
عدل ردناك بابك ماتسده
اشلون اتعوف ابو الحسنين وحده
خذاك الموت منه انجيبك امنين
////////////////////

خذاك الموت شيجيبك يمهيوب
محله وكفتك بالبيت الغروب
يون اعليك كلبي وصار مصيوب
اشلون ايطيب بويه الصوبه البين
////////////////////

اشلون ايطيب كلبي البين صابه
موحش مسجدك وانغلك بابه
ياجيدوم يالتكضي الطلابه
ياكهف اليتامه والمساكين
///////////////////

يجد حسين ياكهف اليتامه
فكدك مو سهل نوح وندامه
بجفاك الدهر خيم ظلامه
وهضموا فاطمه كوم الملاعين
////////////////////

لشاعرة اهل البيت
المله ام هجران العمارجيه

لا اسمع برفع الرابط


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*فزاعية في استشهاد النبي*

*من غاب النبي العدنان*
*مظلم صار ديوانه*

امغرب سيد اﻻكوان..
ينعه و محزن الديوان..
وياه نعت انس وجان..
*ينشد عنه قرآنه*


ينشد وين غاب الدين..
وينه سيد الثقلين..
عنه النبي غايب وين..
*كل الخلگ حزنانة*

حزنانة وجرت عبرة..
تنعه لوالد الزهرة..
منه تنتظر نظرة..
*حامي الدين خﻻنه*


خﻻها و رحل عنها..
فاطم زيدت ونها..
والدمعات حاطنها..
*سد الفرح بيبانه*


عگبك ما تضوگ افراح..
من عنها ابوها راح..
بس يبگه هضم ونياح..
*بعد النبي دوهانه*


دوهانه على امصابه..
وياها ناحت احبابه..
فزعت كلها يم بابه..
*منها الدمع جروانه*


جروانه ويه بلواها..
فاطم تظل عيناها..
جار الدهر وياها..
*شب بالگلب نيرانه*


نيران الگلب تجري..
شبه السم وسط صدري..
بيه ياﻻبو تدري..
*بتك فاطمة انا*


فاطم تدري باحوالي..
بفگدك ينعه دﻻلي..
عنه امغرب الغالي..
*متكسر بضلعانه*


ضلعي ما هجع ونه..
بوية من غبت عنه..
حيلي منهدم منه..
*هد الحزن بنيانه*
•••••••••••••••••••••••••••••••••••••••••••
بقلم الشاعرة:
متيمة_الحسين

الجمعة
25 نوفمبر

لا أجيز حذف الرابط

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*قصيدة ردادية ختامية للاربعين مقدمتها نعي*
*من ديوان عبرات 📚 وانين في رثاء الطاهرين الجزء5*
❥━──➸➽❥❂❥━──➸➽❥❂
*النعي*
صار الاربعين وروحي نحلانة
ومتعنية اجيت گبور وليانة
ارد اشكي لخوتي الصار ويانة
*القصيدة*
*للوليان اجيت وحيل مابية* //للوليان اجيت
اسوي اليوم لخواني اربعينية//للوليان اجيت
اهمل دمعتي من ادموم مجرية//للوليان اجيت
مايدرون بالصار وجرة علية//للوليان اجيت
بديار الغرب خليتها ارقية//للوليان اجيت
من ضرب السياط امورمة ايدية//للوليان اجيت
گوة اتعيني هاليوم رجلية//للوليان اجيت
وصلت المگبرة والروح محنية//للوليان اجيت
وصحت بصوت ماواحد گعد لية//للوليان اجيت
*((اتلگاني//ماواحد گام))*
*((ماسمعو //ياوسفة اعتابي))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

حصريا الناشر عباس التميمي
لا اسمح بإزالة الرابط

لطميه للرسول صلى الله عليه واله وسلم (قرآنك حزين)


قرآنك حزين ومنبرك خالي
تبچي ام الحسن وتصيح يالوالي


تبچي ام الحسن بدموع سچابه
قرآنك حزين اتصيح يايابه
گلبي اشلون اضمده ويسعر اصوابه
حالي امچيد بعدك مايسر حالي


من بعدك تراده الحال ماشفته
گلبي وگلب ابو الحسنين صدعته
قرآنك يون واعليك ناشدته
غارگ بالحزن والضيم دلالي


غارگ بالحزن گلبي وكثر ضيمه
عني اشلون تمشي وتنحر الهيمه
ياجد الولد ياسور ياخيمه
يانبع المحنه وياسگف عالي


يانبع المحنه ومصدر الغيره
حيرني الزمان بفرگتك حيره
احس گلبي انكسر واشلون تجبيره
واثياب الحزن هاليوم تحلالي


يحلالي الحزن والنوح ارغبنه
وجهك راح مني وبيش اعوضنه
اشلون اتغيب هالغيبه وتفارگنه
يومين وترد للدار حسبالي


ردت يومين ماتبطي وترجعلي
انته امي وابوي وهيبتي واهلي
حلاتك من تطب واشلونچ اتگلي
تسامرني برحابه وتگعد اگبالي


تسامرني برحابه وتمسح اهمومي
كون اليوم مو يومك عساه يومي
بحال الضيم لو تنشد عله اعلومي
اخلافك يالحنين اختلفت احوالي


الشاعره المله
ام هجران العمارچيه
غير مبري الذمه من يحذف الاسم او يغيره

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مربوعه للأمام الحسين عليه السلام


شكد حلوه أوحنينه جلمه الخوه
شتكول الضاع أخوها وجلمته حلوه


أشكد حلوه وحنينه جلمت أبن أمي
غيور أوبيه محنه أيشيل كل همي
أبد مايرضه أخوي حسين أبهظمي
وحاربني زماني أوبلوته بلوه



شتكول الضاع أخوها أوبعد شيعوده
مهضومه تضل والروح ممروده
تشوف الدار ضلمه خلافه مسدوده
راح الجان بيه كل العزم يكوه



مالي عين أطب البيت ضل خالي
وعنه أمسافر أومارد اله الوالي
وأطفاله تون بيه ونشده بالي
صعب ماينحمل أفراكه بالكوه



صعب ماينحمل والله الأخو أفراكه
شيرده بعد أوين نتلاكه
أوناره ماطفت بالكلب حراكه
أوداره من أطبها أوهوه ماهوه



بعد دار الحنين ماأطب ليها
أخلاف حسين أخوي الماكعد بيها
ماتسوه بعد أبدون راعيها
نار أفراكه بيها روحي تجوه



ناره ماطفت ضلت تجويني
أذكره جان من يكعد يحاجيني
أويكلي حسين زينب لاتخليني
لئن شوفتج خويه للكلب سلوه



أشلون أنساه أخوي أو ماأشوفنه
أذا أشتاكيت لمي هوه أشمنه
أوهسه البين بالكوه فاركنه
وأخد مني عزيزي راعي المروه




*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*القصيده بديوان زينب والمصائب الجزء السابع*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده جنوبيه على زِّيِّنِبِ ع



ترج الكون. ياصرخت العلويـه
حيهم وين اخوتي اليوم المسبيه
❥❥ـــــــــــــ❁❂❁ـــــــــــــ❥❥
حيكم يالنشامه شوفو احوالــــي
اخيتكم وحيــــده الشمر يبرالـــي
صاحت وين اخويه الضيغم الغالي

هجمو ياخويــــــــــه/العيالــــــــــه
ــــــــــــــــــــــــــــــــــــــــــــــــــــــــــــــــــــــ
من هجمو يخويه حركو خيامي
محتاره ياويلـــي بلمت ايتـامــي
محتركه عباتي وهايجه الامـــــي

نيــــــــــران التسعر/بخيامــــــــــي
ــــــــــــــــــــــــــــــــــــــــــــــــــــــــــــــــــــــ
بخيامي تـــــــــوج النار الهابـــــــــه
والصوب النجف وينك صحت يابـه
وبنيتك وحيده بديره نشابـــــــــــه

الحك اليــــــــنه /يابويــــــــــه اليوم
ــــــــــــــــــــــــــــــــــــــــــــــــــــــــــــــــــــــ
ياحيدر تضل زينبكم بحــــــــــيره
يمشيهه الشمر من ديــرة الديـــــره
ياويلي العزيزه ماشيـــــــــه يسيره

يكتل يايــــــــــوم/المحزونــــــــــه
ـــــــــــــــــــــــــــــــــــــــــــــــــــــــــــــــــــــ
يكتل حيل يومج والله أذانــــــــــه
مهضومه تون وحيل نحلانــــــــــه
من دروب اليسر ياناس تعبانــــــــه

وتحشم /ماگعــــــــــدو ليهــــــــــه
ــــــــــــــــــــــــــــــــــــــــــــــــــــــــــــــــــــــ

🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه في وصية الرسول ص لامير المؤمنين ع
لا اسمح بإزالة الرابط
///////////////////

عندي ياحيدر وصيه --- وصيه
خلي عينك عالزجيه --- الزجيه
////////////////////

خلي عينك من عكب عيني عليها
امدلله الزهره يحيدر تدري بيها
بس اموت الكوم للمنزل تجيها
تشكف السوط الوديعه بجف اديها
وتنضرب مثل السبيه --- السبيه
خلي عينك عالزجيه --- الزجيه
///////////////////

ياعلي واهل السقيفه من يجوها
مايراعون الوصيه يخالفوها
ينوخذ حك الزجيه المن ابوها
خلها تصبر فاطمه لو شتموها
لازم اتصبرون ياحامي الحميه --- الحميه
خلي عينك عالزجيه --- الزجيه
////////////////////

لازم تصبرون مريود الصبر
ياعلي وضلع الزجيه ينكسر
عينها يورم جفنها وتنسطر
باجر تنادي يبويه وتنقهر
من رحت عالوا عليه --- عليه
خلي عينك عالزجيه --- الزحيه
////////////////////

بعد مايخلص بجيها والدمع
باجر الزهره يحيدر تندفع
اكبالها المحسن يطيح وتنفجع
مايطيب اصوابها وكسر الضلع
تون كل صبح ومسيه --- ومسيه
خلي عينك عالزجيه --- الزجيه
////////////////////

باجر امن اصوابها اتون البتول
عله افراش الموت تنخاني وتكول
اشلون ترضه الكوم بنزولي تجول
شتموني وجتفوا فحل الفحول
نار شبت بالثنيه --- الثنيه
خلي عينك عالزجيه --- الزجيه
////////////////////

حركوا الدار النزل بيها الوحي
الكوم ماعدها خجل لاتستحي
ضيم البكلبي بعد ماينمحي
البين كال اليوم بيه اتصابحي
وشفت من دهري الاذيه ---- الاذيه
خلي عينك عالزجيه --- الزجيه
////////////////////

شاعرة اهل البيت
المله ام هجران العمارجيه
ديوان لبيك ياحسين الجزء العاشر

 رابط القناة واسم الشاعر  ذمه في نقل القصائد  للكروبات

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*🍃قصيدة للرسول(ص)🍃*
لسان حال مولاتنا الزهراء(ع)
❥❥ـــــــــــــ❁❂❁❂❁❂❁ـــــــــــــ❥❥
بوية راح اشبع هظيمة…رحت وصرت انة يتيمة
*اه يبوية اه يبوية*
❥❥ـــــــــــــ❁❂❁❂❁❂❁ـــــــــــــ❥❥
بالهظم والحسرة راح ابقى بلياك
شلي ابعمري يغالي اخلاف عيناك
والله اتمنى متت يابوية وياك
مصيبتك والله عظيمة…رحت وصرت انة يتيمة
*اه يبوية اه يبوية*
❥❥ـــــــــــــ❁❂❁❂❁❂❁ـــــــــــــ❥❥
غفت عينك واتركتني المدمع يسيل
فرگتك مااحتملها اتهدم الحيل
هم تجي وترجع الية تفرح الدليل
لو حزن بالگلب اقيمة…رحت وصرت انة يتيمة
*اه يبوية اه يبوية*
❥❥ـــــــــــــ❁❂❁❂❁❂❁ـــــــــــــ❥❥
البنت لوراح ابوها اتعيش بالذل
محد اليرحمها تبقى المدمع ايهل
مثل گلب الابو ماكو گلب يسأل
حنين ويا روحك كريمة… رحت وصرت انة يتيمة
*اه يبوية اه يبوية*
❥❥ـــــــــــــ❁❂❁❂❁❂❁ـــــــــــــ❥❥
شگد حنين انتة چنت دومك علية
ماتفارگني چنت صبح ومسية
هسة وسفة اخذتك مني المنية
وفرگتك صعبة واليمة…رحت وصرت انة يتيمة
*اه يبوية اه يبوية*
❥❥ـــــــــــــ❁❂❁❂❁❂❁ـــــــــــــ❥❥
راح من بعدك ترا عزي ودلالي
اخلاف عينك محد اليرحملي حالي
ضلعي يكسرونة العدة يابوية تالي
وانسطر واسمع شتيمة…رحت وصرت انة يتيمة
*اه يبوية اه يبوية*
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw