فزاعيه بطور الفواتح


*حط بيرغ عله اختك وامش وياها*

*بس ظيم وقهر شافت بدنياها*


يهاي اختك زغيره وغربت بيهه
حلوه الغاليه تغير معانيهه
بعد عل مكبره وموش الهه طاريهه
*اليوم بحسرته السجاد زتاها*



زتاها يخوهه ولازم ضلوعه
ماتت بت ابوهه وزودت لوعه
مابطل ينوحه وتجري دموعه
*وصوب المكبره ياحيف شالاها*


شالاها البنيه وموش شيلتهه
بعدهي مو محلهه وبعد موتتهه
شعاجلهه الزغيره وعشره شالتهه
*وحيف عله التراب اشلون حطاها*


حطاها ورجع يجري بدمعاته
وبكلبه الهظم وبنار حسراته
ثجيل افراكهن يا يوم اخياته
*جا شيكول اخوهه ابغرب دفناها*



كولي شعاجلج ياخويه عفتينه
ليش من الزغر رحتي وتركتينه
والله ابشيلتج كسره وكسرتينه
*الموت وياج يزغيره انتمناها*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للعقيله زينب ع

ماشفت راحه بحياتي والدمع بلل عباتي

ناحله ومابيه حيل وين عباس الكفيل
انه زينب انه زينب

*****************

انه زينب ..جنت هيبه مدلله
انه زينب والمصايب رافكتني الكربلا
انه زينب دولبتي اسياط خولي وحرمله
انه زينب ياعذاب ويا مصاب اتحمله
رايحه لعباس اكله خويه مااحمل مذله
حايره بعيله وعليل وين عباس الكفيل
انه زينب انه زينب

*****************

خويه وينك ..صحت صوت وماسمعني
خويه وينك .تقبل الشامت يطكني
خويه وينك طكني بسوط وجعني
خويه وينك جفك وراسك فجعني
نايم على المشرعه عفت زينب ضايعه
ماكو لمصابي مثيل وين عباس الكفيل
انه زينب انه زينب

*****************

ليش نايم ..شلك بنوم الشريعه
ليش نايم ..وانت جيدوم الطليعه
ليش ..نايم ضاكت عليه الوسيعه
ليش نايم ..كوملي بروح الوديعه
كوم نشف دمعتي طفي بيدك خيمتي
لليسر باجر نشيل وين عباس الكفيل
انه زينب انه زينب

*****************

ياخذوني ..لليسر وانه سبيه
ياخذوني ..وانه خويه الهاشميه
ياخذوني..وادخل لديوان اميه
ياخذوني..لحك بساعك عليه
كوم كلهم ماتروح كثرت بكلبي الجروح
ينزف اصواب الدليل وين عباس الكفيل
انه زينب انه زينب

*****************

ماكمتلي..من سمعت اعتابي ليش
ماكمتلي..وانه ياخويه ازامط بيش
ماكمتلي..كون عكبك مااعيش
ماكمتلي..رافكت عسكر وجيش
ماشفت ضيمي ومراري حافيه بذيج البراري
انحب ودمعي يسيل وين عباس الكفيل
انه زينب انه زينب

*****************

بقلم الشاعره ام غصون العمارجيه



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة بحق السيدة رقيه ع


الج ميدان علويه يوسعونه
عليج انكاب والجادر ينصبونه


الج ميدان يرقيه والج حسره
وبكلوب التودج نامت الكسره
والحسبات نار وكلبج اتفسره
نعشج مالفوه اهلج يشيعونه


كون اهلج يمولاتي اليحضرونج
يشيلون الجنازه بهم يشيعونج
يمسحون الدمع جامدعلى عيونج
ونعشج للمكابر من يزتونه



يزتون النعش والدمعه هماله
ولنعشج عمامج كون شياله
عمت عين الوكت وياكم شماله
حك اليوم شخصج من يحضرونه


حشموا حسين والعباس يحظرها
العلويه تره صاير بخاطرها
تعتب عالاهل ما واحد يمرها
شخصها شلون لو راحو يوسدونه


بالتربان نامت والكلب جمره
وجرح الصار بيها ولابعد يبره
نامت ياحسافه وغفت عالغبره
وزينب حايره ويا حالها شلونه



بقلم الشاعرة أم كرار الساعدي

غير مبري الذمه من يحذف اسم الشاعر


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نهايه عزاء حماسيه الى مولاتي السيده رقيه
〰️〰️〰️

رقيه تنسبي العباس جا وينه

يابت النبي العباس جاوينه

عذبه السبي العباس جاوينه

رقيه تنسبي .. العباس جاوينه
〰️〰️〰️〰️〰️〰️
تون بت المجد .. عباس جاوينه
غريبه بلبد.. عباس جاوينه
جاوين الوعد ... عباس جاوينه
رقيه تنسبي .. عباس جاوينه
〰️〰️〰️〰️〰️
محروك الكلب . عباس جاوينه
سلبوه سلب.. عباس جاوينه
اهله بلحرب. عباس جاوينه
رقيه تنسبي .. العباس جاوينه
〰️〰️〰️〰️〰️〰️
حللت فاجعه..العباس جاوينه
عيوني دامعه.. العباس جا وينه
خلو جامعه ... العباس جاوينه
رقيه تنسبي ... العباس جاوينه
〰️〰️〰️〰️〰️〰️〰️
تحشم يالولي .. عباس جاوينه
.اكعدو يا هلي ... عباس جاوينه
وينك ياعلي ... عباس جاوينه
رقيه تنسبي .. عباس جاوينه
〰️〰️〰️〰️〰️〰️〰️
بخرابه حشمت .. عباس جاوينه
من الهضمه متت ..عباس جاوينه
عدوانك لفت .. عباس جاوينه
〰️〰️〰️〰️✍🏻
بقلمي الفقير المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

جنوبيه للسيده رقيه ع
*********************
لرقيه اليوم كلب حسين محزون
يفت الروح ياموت الزغيرون
********************
لرقيه اليوم كلب حسين مجروح
فوك الراس بته طلعت الروح
يوم الاربعين لكبره متروح
ماردت رقيه ويه الضعون
******************
تحاجي راس ابوهه وتدمع العين
اخذني وياك صاحت بويه يحسين
ماريد العمر ويه الملاعين
من كد الضرب زركات المتون
******************
طفله بياذنب امشي سبيه
ترضه تنضرب بتك رقيه
بحبال الشمر جرني من اديه
يضرب عالمتن بالسوط ملعون
******************
بخرابه بالغرب مانمت ليلي
تعبني الضرب مو راح حيلي
عمامي وين بويه صحت ويلي
لاعباس اجه ولاجعفر وعون
******************
راسك بالطشت يااغله الاحباب
حمره شيبتك من دم الخضاب
اغسل بالدمع دمك والتراب
شفافه امفطره امكسرات السنون
********************
حضنت الراس بويه بكلبي جمره
ماعوفك بعد يحسين هالمره
روحي وياك اخذهه لفاطمه الزهره
وجسمي بالغرب بالشام مدفون
*********************
أم علي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للإمام الحسن عليه السلام
تقرأ بعدة اطوار


المستهل:

مسموم مسموم وا ويلي الحسن
مسموم مسموم والشيعه تِوِن


كَرَم بيت آل الرسول اليوم سموا جبدِتَه
وسفه أنوار الإمامه آل أُميه طفته
ابحقد وبغيض كافر أبو محمد سَمِته
هذا ريحانة نبينه ايلوع بالسم خلِته

أدموم أدموم الجروح أنزفن
مسموم مسموم وا ويلي الحسن

☀️☀️☀️☀️☀️☀️

جبدِتَه السم مردهه بالطشت يا ويل طاحت
المنيه لبو محمد بالوجه لحسين لاحت
بالسِمه الاملاك حزنت للسبط وبحسره ناحت
آه عالمسموم ويلي بالهظم اعياله صاحت

مظلوم مظلوم وبلوعه يِوِن
مسموم مسموم وا ويلي الحسن

☀️☀️☀️☀️☀️☀️

جم مصيبه للحسن ابيوم وافاه الأجل
الوصيه ابيت جده يندفن لا ما حصل
النعش من شيعوا العدا صابوا بالنبل
رابع اصحاب الكِساء هذا بن خير العمل

مهموم مهموم أبو اليمه حِزَن
مسموم مسموم وا ويلي الحسن

☀️☀️☀️☀️☀️☀️

أبحياته وبعد موته ابو محمد أنظلم
اندفن بارض البقيع وغصه بالروح والم
كُبَه وياهه مناره ومرتفع بيها علم
سَمِمُوا يا آل اميه ومن سَلَفهُم ما سِلم

مهدوم مهدوم كَبرَه والصحن
مسموم مسموم وا ويلي الحسن

☀️☀️☀️☀️☀️☀️

هَدِمَوا كُبتَه وضريحه وشيعته تبجي جَمُر
ذوله أذناب السقيفه الناصبه اهل الكُفُر
والسبب كله ابحقدهم ثار بحنِيِن وبدر
حاربوا آل الرسول وعظموا صُحبَة الشر

للدوم للدوم تبقه هالفتن
مسموم مسموم وا ويلي الحسن

☀️☀️☀️☀️☀️☀️

سيدي مُحيي الشريعه الظهورك ننتظر
تاخذ الثارات تبدي بثار ضلع المنكِسِر
والحسن تبني ضريحه وتكطع اذناب الكفر
وحيدر وطبرة الهامه وجثه مكطوعة نحر

وهموم وهموم الفواطم النسبن
مسموم مسموم وا ويلي الحسن


خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

رقيه

نص الليل فزت بت الحسين
تون وتصيح عمه والدي وين


نص الليل فزت والدمع سال
تصيح بصوت منه تذوب الجبال
اريدن والدي ياعمه بالحال
هسه جان يمي والدي الحين



تبجي وماهده لحضه بجيها
على باب الخرابه اتأشر اديها
بلكت طبت الوالي عليها
زادت نوحها وتزيد. الحنين



محتاره العقيله بيها هليوم
شلون تهود. مايرجع المظلوم
ونت والدليل عليها مهدوم
اريد حسين عمه اريد الحسين



جابو بالطشت راسك يوالي
كدام الزغيره وشده بالي
تعلي بجاها وانه الضيم حالي
وكلبي على الزغيره صار نصين


ماتت عالنحر بتك رقيه
من جور الزمان وال اميه
بعد يادهري جا شتسوي بيه
خذت عزاز وكرة العين




ادفنتها والكلب يمها دفنته
خويه حسين دلالي مردته
جم طفله وطفل ليكم فكدته
صفيه وخوله والضاعو يالحنين



ام زينب السعداوي. ناصريه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه للحسن ع

عليك اليوم حزنانه الدواوين
وذب عمامة وتنحب حسين
............
ذب عمامته وايصفك بايده
صبح حزنان جي فاكد عضيده
للكلفات وابن امه يريده
اليوم اعضاك لمصابك محزنين
............
حزنان اوين ديوان الاكرام
ابابك ياشهم تلطم عله الهام
عمت عين الدهر ياغدر الايام
يراعي الجود ومحيي المجبلين
............
حزنان اوين حسين ونات
الف ياحيف راعيه الكرم مات
سدو مسجده وفرحت الشمات
يبومحمد عليك ايجر الونين
............
ديوانك حزن والباب سدوه
بيرغ للحزن هاليوم شالوه
بحر الجود حدر الكاع دفنوه
وصبح محزن عليه ومكدر الدين
.............

دواوين الكرم صبحت حزنانه
والشيعه عليك تنوح مولانه
الك واجب علينه ننصب عزانه
وحك عليك لوهلت دمه العين

✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي لسيده رقيه عليها السلام


الـــيوم الـــعزيزه فاركـــتنــه

راحت غفــــل ماودعـــــتــنه

عــليها نجر حسرات خلتــنـه

••••┉❈❥ًً❀(«🦋»)❀ ❥❈┉••••

حسرات نجرعليها حـسرات

وموش ونه ونيـــنه ونــــات

ماينحمل يفراك الصغـــيرات

••••┉❈❥ًً❀(«🦋»)❀ ❥❈┉••••

صغـيرات من وكت شــــالــن

جــمـر بالكلب مشتعل خـــلن

دفــــناهــن وبالـــغرب ضــلن

••••┉❈❥ًً❀(«🦋»)❀ ❥❈┉••••

يخويه بالغرب ماتت رقــيــه

شبعت ضيم ويا مهضــمـيــه

ضلت بالغرب وحدها لــبنــيه


••••┉❈❥ًً❀(«🦋»)❀ ❥❈┉••••
اليوم لصغيره تريدالاعــــزاز

تدفنها وتصير الـــهــاجــنــاز

اليوم الكـــلب للاهل معـتــاز

••••┉❈❥ًً❀(«🦋»)❀ ❥❈┉••••

رقـيه بعــازتكـــم يا اهلــــهـه

وبعــازه حبـــايب يغســـلنهـه

يدورن عــــليها ويجـــفـنــهـه

••••┉❈❥ًً❀(«🦋»)❀ ❥❈┉••••
✍️العلويه ام علي الشرع
جديد

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده فزاعيه للاربعين
المستهل ✍**المله ام علي **


رأس حسين جيت وجبته وياي
تلكيني يزهره لطمي وياي
🖤🖤
رأس حسين جبته بحضني يمه
عله طول الدرب امسح بدمه
ريت العين بعد الوالي تعمه
ولاشوفه برمح يتناكط دماي
🖤🖤
خلوه يم حسن برمح عالي
عله طول الدرب يمه يبرالي
توكع دمعته من اشكيله حالي
وعينه ماتبطل تبجي لبجاي
🖤🖤
الطمي وياي يمه كلبي خلصان
عينيني يزهره وسوي ميدان
ابنج يم حسن منذبح عطشان
رياكه يابسه وما ضايك الماي
🖤🖤
رياكه يابسه وممرود جبده
وعبد الله الطفل وضعه ترده
محروم العذب ياذنب عده
فطموه بسهم من حرمله جاي
🖤🖤
من درب اليسر يايمه جينه
ننصب فاتحه نسوي اربعينه
خل نلطم سوه كلنه لولينه
عينيني يزهره ترجف عضاي
🖤🖤
تمت بعون الله تعالى
✍ خادمه الزهراء ام حسين الاسدي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*قصيدة ختامية لنهاية المجلس مقدمتها نعي*
*من ديوان 📚 عبرات وانين الجزء 9 خاص بالزهراء والإمام علي والفواتح يتضمن فزاعيات ومجالس نعي*
❥━──➸➽❥❂❥━──➸➽❥❂
*النعي*

لا تنسين زينب دوم اذكريهه
واذكري احسين اخوها وذبح اهاليهه
ومن راحت يسيره الدمعة تجريهه
*القصيدة*

لاتنسين زينب ... من تلطمين
اريد اوصيج يالجيتي تعازين
اذكري مصيبة العباس وحسين
من ضلو على الغبره مطاعين
وبكت يمهم حزينه ادير بالعين
ما ضل عدها والي ولا بقه معين
دولبها وعماها الدهر والبين
هاي الضيعت واحد وسبعين
تسمع ندبتج يامن تندبين
تنشف دمعتچ يالي تنوحين
وتنطي مراد الچ يا من تطلبين
بس حلفيهه بمگطع الچفين
((تدرين اشگد غالي اعليها))
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

يطارش روح للعباس كله زينب بحيره
😭😭😭
يطارش شو بطه اعلينه
كله ذبحو حسينه
ماظل كل ظهر لينه
غريبات بغرب ديره
😭😭😭😭
كله حسين مارحمو
بحافر خيلهم سحكو
كاست ماي ماشربو
هظمني وهظمتي اجبيره
😭😭😭
بناته شاهدن ذبحه
ونن من نزف جرحه
ومن جاب الشمر رمحه
ظلت تبجي الصغيره
😭😭😭😭
حمل راس الرمح راسه
تمرجل والشمر داسه
راح وماجه عباسه
علينه شنهو تاخيره
😭😭😭
يبن داحيهه كوملهه
وزينب لا تفشلهه
ترضه الشمر يوصلهه
حي الله يبو الغيره
😭😭😭
يطارش كله زعلوني
وبين الزلم عتوني
يرضاهه يطكوني
هيج الخدر تقديره


طكوني وانه اخت الوالي... هوسه


تمت
للشاعره رسل الأبراهيمي

قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA

كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

فزاعيه حول استشهاد الامام الحسن




*اليوم امكدر الديوان شايل حيف راعيه*

*وظلت خاليه دار العزوبيه*


اليوم امكدره ومسدوده بيبانه
ومكسوره الظهر وتنوح خوانه
كلف يوم ابو محمد حيل هدانه
*وفراكه ثجيل وكلف طاريه*


محزن يا مضيفه وتون يا داره
شال العزب ابجفين خطاره
مكسوره العشيره وحيل محتاره
*شال اليكرم الخطار يوميه*


بيرغ عل نعش طلعو يزنوته
يستاهل لابو محمد يشيلونه
وجدامه عراضه لو يشيعونه
*هذه ابن النشامه والهيابيه*


تشيعه كل اخوته وتنعه اخياته
ينصبن فاتحه وبزود هوساته
يستاهل معزب حلوه كولاته
*وكون عله الصدر لطمه بعداليه*



اليوم مكدر الديوان يبجيله
ابو محمد رحل يا حيف ونيله
يستاهل مناحه وهوسه هوسيله
*ونعازي بمصابه اخته العلويه*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

((قصيده مربعه للحسن المجتبى ع))

المستهل

نون اعله الحسن والدمعه سجابه
لطموا اعليه يشيعه وذكرو امصابه


✿────↻✿...✿↺────✿
✿────↻✿...✿↺────✿

نون على الحسن والدمعه نجريهه
نواسي زينب اعله امصاب واليهه
بالمسموم ياشيعيه عازيهه
حرْك جبدة العنب والنار لهابه


✿────↻✿...✿↺────✿
✿────↻✿...✿↺────✿

چبدته بالطشت زينب تشاهدهه
وضلت حايره والروح ماعدهه
تگله چبدتك منهو الماردهه
حزنانين ظلو كلهم احبابه


✿────↻✿...✿↺────✿
✿────↻✿...✿↺────✿

خطارك يخويه الليوم يردونك
شلون اتروح وتعوف اليحبونك
فدوه اختك يخويه اتروح لعيونك
شگّل للضيف من يوكف على بابه


✿────↻✿...✿↺────✿
✿────↻✿...✿↺────✿

گريم وتفكد الفقره المساكين
اواحدهم اجه ادموعه على العين
ثياب السود لبسولك يالحنين
ونبجي لقصته واذكرو امصابه


✿────↻✿...✿↺────✿
✿────↻✿...✿↺────✿

مانحمل اغيابه وحيل يعمينه
يم چلثوم يختي زيدي اونينه
بعد مثله كريم منين تلگينه
وشال ابساع يالما نحمل اغيابه


✿────↻✿...✿↺────✿
✿────↻✿...✿↺────✿


هذه القصيده بقلم ✍🏻 المله🎤 والشاعره📄 ام علي الامارهؤ

غير مبري الذمه اليحذف اسم الشاعره وينسب الكلام له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆ؤ👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

حصريا الناشر عباس التميمي

*من ديوان 📚 دموع وعبرة في رثاء العترة الجزء٢ صدر حديثاً*
*قصيدة ثگيله للإمام الحسن (خويه خويه)*
❥━──➸➽❥❂❥━──➸➽❥❂
خويه خويه وين اودي اعمامتك
خويه خويه انهدم حيلي بموتتك
وين شايل يالحسن ... دموعي عالوجنه جرن
خويه خويه خويه خويه
❥━──➸➽❥❂❥━──➸➽❥❂
خويه شايل وين عني يا ضوه العين
آه من غدر الزمان وعملت البين
اگضي بعدك دنيتي بحسرات وونين
بموتتك دلالي خويه انجسم نصين
عگبك گليبي انكسر ... وانته يحزام الظهر
خويه خويه خويه خويه
❥━──➸➽❥❂❥━──➸➽❥❂
يبو محمد يا عضيدي انكسر ظهري
بموتتك يالوالي والله تاه فكري
حرت وين انطي الوجه وين اشكي امري
ريتني انه المتت وانوخذ عمري
ريت انه الي متت ... ولا چبدتك بالطشت
خويه خويه خويه خويه
❥━──➸➽❥❂❥━──➸➽❥❂
ريتني يا خويه ميته گبل هاليوم
ولا اشوفنك يخويه تموت مسموم
عليك بس انحب وانادي بگلب مالوم
حسين من عگبك حزين وحيله مهدوم
مصيبتك ما تنحمل ... عنه گطعيت الوصل
خويه خويه خويه خويه
❥━──➸➽❥❂❥━──➸➽❥❂
اگطعت وصلك بسرعه اه يغالي
من بعد عينك بگت وحشه الليالي
بغيبتك يالسبط والله انشده بالي
طيفك بكل مسه يمي اه يوالي
اتخيلك يمي تجي ... تنشف بعيني البچي
خويه خويه خويه خويه
❥━──➸➽❥❂❥━──➸➽❥❂
من يمرني الليل اتخيلك يمي
چنت بيك انه اشمن ريحة امي
وحدي يالغالي عفتني وزاد همي
كثرت نوحي وعويلي وبان هضمي
كثر نوحي و الألم ... گلبي بجفاك انچلم
خويه خويه خويه خويه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

حصريا الناشر عباس التميمي
لا أجيز حذف الروابط

فزاعيه للاربعين (علي اوياچ يسكينه)


تعبانه اجيتي امن اليسر
علي اوياچ يسكينه


تعبانه والله يساعدچ
اليسر كلش ضاهدچ
اليوم اجيتي الوالدچ
حسبالچ اتشوفينه


حسبالچ ايگلچ هله
وضعن الرجع يستقبله
مدفون ابوچ بكربله
مايسمع اتحشمينه


حشمتي ابوچ وماسمع
مكسور ضهره والضلع
رشيتي گبره بالدمع
وحار الگبر تدرينه


هلي دمعتچ عالگبر
واشكيله من ضيم اليسر
بالسوط لاحاچ الشمر
وياهم بعد تشكينه


ياهم بعد يافاجعه
اليوم اجيتي املوعه
عمچ بحد المشرعه
جوه الزمل تلگينه


نايم بطبگات الثره
تلگين سبع الگنطره
گليله اجيت اميسره
حيد وشهم تدرينه


عمچ تعرفينه شهم
ماهمه سيف ولاسهم
ياحيف صگار الزلم
بالمگبره اتضيعينه

الشاعره المله
ام هجران العمارچيه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لرجوع مولاتي زينب الى كربلاء مع هوسات

اشلون تنام عينك وختك بحيره
اني عمت ابنك وانته ابو الغيره
😭😭😭😭😭😭😭😭
بلمضلم لكيت ارسومك الحلوه
يا عباس يلي بيك المروه
اريد اعتب على الولي ابو الخوه

مضيعينه وجهك ياحيد
😭😭😭😭😭😭

على الخوان بله اليوم ودوني
اصيح بصوت جنكم ما تسمعوني
بحماكم اجيت وركبتوني

اكعد يلبيك يهابوني
😭😭😭😭😭😭😭

خال ابني وجيت اليوم شجايه
لكيتك بلحد يلبيك الكفايه
تضل اختك ياخويه بغير حمايه

مغطيني ولهم ولضيم
😭😭😭😭😭😭😭
ولج يامكبره نيام اهلينه
اخذتي اعزازنه وبيهم فجعتينه
صدك جوه الرمل اليوم ونينه

نون اعليه الحل الخوه
😭😭😭😭😭😭
ليش تروح عباس وتخليني
على بختك ياخويه من يدليني
رد ضعني ياخويه اليوم حاميني

ركب ضعوني عباس اكعد
🚩🚩🚩🚩🚩🚩🚩

جبت اهموم كلبي اليوم عنايه
اكعدي ياكفيلي ورفع الرايه
اجتك هلحرم من غير حمايه

وعاتبنه اليوم الوالي
🚩🚩🚩🚩🚩🚩🚩
✍🏻بقلمي الفقير خادمه البتول
المله ولشاعره ام نادين زينب المحمداويه



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيــده لكريم آل محمد ص
الإمـــام الحـسـن المجتبى ع

❥❥ـــــــــــــ❁❂❁ـــــــــــــ❥❥

شايل ياكريم البيت وأهل الكرم حزنانه
مـسمــوم الــحســن والــروح خلــصـانه

❥❥ـــــــــــــ❁❂❁ـــــــــــــ❥❥

شــايـل ياكريــم البيت والديوان ينعاك
ديوانك يـــون حـيــل مـا يـرهم بالاياك
دز جـعــده العيــنـة ومــن الحقد سماك
إضـلم موحـش اليوم يا هالناس ديوانه

❥❥ـــــــــــــ❁❂❁ـــــــــــــ❥❥

نعشـــه صوبو بسهام وما كفهم يسمونه
ابـــــن حـيــدر عــلــي وبـيــمن يطلبونه
جبده مفتت ومسمَوم ويلي داير عيونه
شـــايل للكبر يا حيف وسددهن يبيبانه

❥❥ـــــــــــــ❁❂❁ـــــــــــــ❥❥

حار بحار ينطي الزاد جان معزب الخطار
واليكصد كريم البيت فنه ومايرد محتار
والكهــوه يخدرهـــه وما تطفه ابد هالنار
ويحل الطلايب دوم هذا الحسن عنوانه

❥❥ـــــــــــــ❁❂❁ـــــــــــــ❥❥

أبـو ملكـة وهلا معروف وديوان مفتوح
ديوانه خله هاليوم يبجي اعليه مجروح
والــدلــه تـون حيل وأعله الراعي اتنوح
نــامــت حيـف يا عينه والديران خلوانه

❥❥ـــــــــــــ❁❂❁ـــــــــــــ❥❥

طبت زينب وشافت جبده بطشت واكع
ويلي وروحه خلصانه وي الموت وينازع
صــاحت يــاخويه جا مني الآخو ضايع
بـًعــد يـــاهــو اليــلمــنــه ويكعد اويانه

❥❥ـــــــــــــ❁❂❁ـــــــــــــ❥❥


تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة للسيدة زينب(ع) وهي تخاطب السيدة رقية(ع) عندما ارادت الرجوع الى كربلاء
❥❥ـــــــــــــ❁❂❂❁❂❁ـــــــــــــ❥❥
عمة صعبة شلون ارد انة بلاچ
ريت اخذني الموت عمة ولاخذاچ
*شرد اگل لوالدچ … ادري اخيي يفگدچ*
عمة صعبة اشلون ارد انة بلاچ
❥❥ـــــــــــــ❁❂❁❁❂❁ـــــــــــــ❥❥
عمة گومي وياي يالله يارقية
خلصت ايام السبي وذيچ الاذية
راح نرجع للوطن كلنا سوية
گومي اوعوفيها تربان الوطية
*راح نرجع للحُسين… خاف يسألني انتي وين*
عمة صعبة اشلون ارد انة بلاچ
❥❥ـــــــــــــ❁❂❂❁❂❁ـــــــــــــ❥❥
غالية عند الولي و يحبچ ادري
اشلون بية لو وصلت وشنهي عذري
وحدي من دونچ شگلة اكسرتي ظهري
بعد مااحمل تراني وراح صبري
*صبر ماعندي بعد …مني الگلب نمرد*
عمة صعبة اشلون ارد انة بلاچ
❥❥ـــــــــــــ❁❂❂❁❂❁ـــــــــــــ❥❥
خاف يگلي احسين وين اتركتي بتي
ليش عفتيها بغرب وحدچ رجعتي
شنهي انة هنا شگلة ياحسرتي
ذاب دلالي ودمة اهمل دمعتي
*شلون اعوفچ بالغرب… شگل لعزيز الگلب*
عمة صعبة اشلون ارد انة بلاچ
❥❥ـــــــــــــ❁❂❂❁❂❁ـــــــــــــ❥❥
چنتي دوم بحسرة عنة تسأليني
فراگة هد حيلي وعماني تخبريني
وين راح احسين عني ومايجيني
گومي خل نرجع الة ولتعذبيني
*بلهفة ينتظرچ ترة…ومثلة سبع الگنطرة*
عمة صعبة اشلون ارد انة بلاچ
❥❥ـــــــــــــ❁❂❂❁❂❁ـــــــــــــ❥❥
امري لله اشتكي لربي المصيبة
ماشية عنچ واهل دمعة سچيبة
گلبي مجروح وابد لامالة طيبة
جواب ماادري لبوچ منين اجيبة
*(منة مااحمل عتاب…روحي اذاها المصاب)*
عمة صعبة اشلون ارد انة بلاچ
❥❥ـــــــــــــ❁❂❁❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه او مربوعه حول الامام الحسن



*عليك احزام يالمسموم اشدنه*

*اخي ابريحة امي اليوم اطلبنه*



عليك احزام اشده اليوم خال ابني
اشلون اتشيل يا خويه وتفاركني
ثجيل اشلون يومك حيل عذبني
*وكلبي بل حزن كثران يا ونه*


اليوم وياك خويه تخلص الخوه
وعني اتشيل بعد الروح كل عشره
مكسوره الكلب ما ينجبر كسره
*وكلي لو رحت بيمن اجبرنه*



عزيز وغالي اخيي لو نشد بيه
تره ظهري انكسر والعين معميه
خال ابني شحلاته يسير عليه
*حلو ينشد بحالي دوم اريدنه*


يسوه احزام اشده والطم الهامه
يبو محمد حسافه خلصت ايامه
اتكدر يمه اخوي وذب العمامه
*حسين انكسر ظهره اليوم احسنه*


طاح حسين يمه وصاح حاجيني
يبو محمد يكله روحت عيني
يفراكك ثجيل وحيل ماذيني
*وغيابك تكلي اشلون اجرعنه*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw