#قصيدة_لأستشهاد_الأمام_الحسن_العسكري
//وزن فائزي//

{للعسكري هاليوم خلنة انسيل الدموع}
{المعتمـد سَـمـاه خلـه الگلـب مفجوع}
::::::::::::::::::::::::::::::::::::::::::::::::::::::
انعازي الامام المنتظر ياشيعة هاليوم
يبـﭼـي وينوح لوالده للگضى مسموم
مصابك جرحنة يالأمام العسكري گوم
*العترة ضلت ابحزن وبگلب موجوع*
▩▩▩▩●▩▩▩▩●▩▩▩▩●▩▩▩▩
سامرا تنحب لك تنادي يا مصابك
كلنـا توجهنة يباب الله اعلة بابك
بدمعات نندب سيدي وقع جوابك
*يالماتخيب اللي اجتك هاية الجموع*
▩▩▩▩●▩▩▩▩●▩▩▩▩●▩▩▩▩
ظلموك حكم الناصبة ﭼـم مرة عذبوك
وبغرب عن اهلك بعيد شلون خلوك
ابحكم مـن المعتمد يـأمر وسجنوك
*مسجون ماعندك ذنب مدري شالموضوع*
▩▩▩▩●▩▩▩▩●▩▩▩▩●▩▩▩▩
عادوك حتى بهالزمن والگبر هدموه
آذونة بيك اهل الغدر والجرح عادوه
يردون نمشي بلاية نور العلم يطفوه
*شيعتكم ويبقى العهد لو كلشي ممنوع*
▩▩▩▩●▩▩▩▩●▩▩▩▩●▩▩▩▩
نندب يمهدينة العجل بالگلب النار
والدك سَموه بحقدهم ذولة الاشرار
يالمهدي رفرف بالعلم ياصاحب الثار
*اشفي غليل الطاهرة المكسورة اظلوع*
▩▩▩▩●▩▩▩▩●▩▩▩▩●▩▩▩▩
تــمــت بــعــون اللــہ
21/11/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس وكذلك يحق لهم التصحيح عند الوقوف في بعض الكلمات🔴
نسـألكم الـدعـاء....
▃▃▃▃▃▃▃▃▃▃▃▃▃▃▃▃▃▃▃▃
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

#قصيدة_ثلاثية_للأمام_العسكري

للحسن بهل اليوم ننصب عزانه
فاطمة تحظر هالعزا تلطم ويانه
......................................................
بحسرة ودمـوع العين ويـة الزﭼـية
مسموم ابنها اليوم خل ننصب عزية
تستعـر نيـران الگلـب وتظـل سرية

*لمصابك احنة ننتحب آه يمولانه*

++++++++++++++++

سموه بني العباس هالزمره اللعينه
اعليـه زادوا بـالحقد ظلموا ولينه
سجونه وبلاية ذنب من اجل دينه

*ظل عايش بنص الالم وية احزانه*

++++++++++++-

من الحزن ما فد يوم نامت اجفونه
وعن صحبته الاخيار منعو يجونه
خلوله تالي اسموم هالزمره الملعونه

*ويلاه آه يالعسكري مصابك عمانه*


+++++++++++

نهمل دموع العيـن ننصب مأتم
تلطم لك الهامات المظلومة فاطم
ويشهد علينه اليوم مولانه القائم

*يظهر متى الموعود ويرفع لوانه*

++++++++++++++

ظلت الشيعه تنوح والدمعه بالخد
والمهدي صلى اعليه وتالي تشهد
كل عمره بالأحزان يگضيها سرمد

*يبـﭼـي عليه المنتظر زادت اشجانه*
〰〰〰〰〰〰〰〰〰〰〰〰

تمت بحمد الله 21/11/2017

✍🏻آلــــّ؏ــلّويِـــــه آلّمٌوسويِــــۿ
🔺غير مبرئ الذمة أمام الله والزهراء من يزيل أسم الشاعره🔺
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw