قصائد نساء فقط

https://youtu.be/3rIQttdo4eI
اشترك بالقناة 👆👆👆 وراسلني على المعرف @Abas747

8.62K views11:51

هوسات حول يوم الدفنه

ونت عله اهلهه اليوم زينب ياخلك ونت
وبدفن الولي يا حيف ما حضرت
رادت فاتحه تنصب ولا نصبت

حسره بكت عل والي تره حسره
وبصدري عليكم ظلت العبره
جبيره كسرتك ماتنجبر كسره

*(العبره ابصدري/واختك مالومه)*

من عادت الفاكد يون الاحبابه
ينصب فاتحه ويوكف عله بابه
وتدري بل بجي ايهود امصابه

خويه البجي يهود تره ونيني
والدمعه تره ما بطلت ابعيني
انه ابديرة غرب وحدي تخليني

*(ابسكته من ابجي /خاف يسمعوني)*

جاكون الكبر لختك ولفاها
ولا ظلت غرب تمشي ابممشاها
يشمت ابزينب وين ولياها

يا حجي الشماته اهواي اسمعنه
ويصدع بل كلي يا خويه اسمعنه
راح الولي مني اوين اشوفنه

*(يكول الكافل/راح وخلاها)*

يكلولي الاهل جاوين يا زينب
واضل ابجي وناري بل كلب تلهب
وعيني بل دمع ياخويه بس اتصب

تدري اشكد شماته والحجي يكتل
وكلبي يا الاهل تدرون ما يحمل
يكون الماتت احبابه بعد يرحل

*(الفارك شخص الغالي/كون يموت وياه)*

بس انه دفنت احبابي كلهم
ومغربه ابظعن يا ناس منهم
وكت الدفن اني الما شفتهم

لا حضريت دفنه ولا بجيت انه
ولا يم الاهل حضريت دفانه
رحت اميسره وعل والي تعبانه

*(ابنفسي وياكم/يا خويه الموته)*

يريت الموت اخذني ولا تخلوني
غريبه امرافجه ويه الما يرحموني
تره جتالكم والله عمه عيوني

انه امرافجه الما بيهم امروه
والصوط عله اختكم كام يتلوه
كتلهم حسافه راح ابو انخوه

*(وكون اتحشم/عباس اجيبه)*

جا كون الكفلني اليوم احشمنه
ونايم لا يضل يا خويه اكلهه
اكعد بالاخت عالو يا المجنه

يصكار الزلم يالبيك هيبتهه
احزام البل شدد بس بيك شدتهه
زينب يا حسافه فكدت اخوتهه

*(اليوم الكله امروه/زينب تردينه)*

تردين الكفل بس طاحت اجفوفه
ويمه رايته عله النهر ملفوفه
زينب بعد عينه ظلت ابخوفه

تخاف من الزلم زينب تمر بيهه
وهيه امخدره ومعروف طاريهه
صاحت عل بطل بس ما نهض ليهه

*(الكافل نايم/ونتي اتحشمينه)*

*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له
من ديوان طف الزهراء

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747