#زينب_تخاطب_اباها

بويه ادفنتها بليل ظليت انحب حيل
عمري اندفن وي عمر الورد بالليل

&&&&&&&&&&&&&&&&&&

زينب تنادي مهجة افادي
لاوين بيها اتريد
قلبي شعبته النعش من خذته
ونّي تره ميهيد
بويه اسمعني وياها ادفني
ون القلب ميفيد
فاطمه ماتت باللحد نامت
عمري صفى تبديد

كتلك يبويه ادخيل ليلي عقبها اطويل
عمري اندفن وي عمر الورد بالليل


&&&&&&&&&&&&&&&&&&&&

انظر الحجره بعيني العبره
خالي بعدها البيت
امي يحيدر ضلعها اتكسر
وحيرتي حيره صفيت
ناشد المسمار واهل الاعبار
مني الزجيه اخذيت
ارحم بحالي ضاعت آمالي
دمعي دمى هليت

لاوين بيها تشيل ماعاد بيه حيل
عمري اندفن وي عمر الورد بالليل

&&&&&&&&&&&&&&&&&&&&&

بويه اسمعني بابي فاجعني
بقلبي نبت مسمار
طاحت خطيه فوق الوطيه
بصدرها جم تذكار
اخويه شفته طاح بعصرته
مهده المنيه صار
وبعيني انظر بابك توجر
واهجموا علينا الدار

نادت يفضه ادخيل بالعتبه نجم اسهيل
عمري اندفن وي عمر الورد بالليل

&&&&&&&&&&&&&&&&&&&

صوت الدعيه اصل الرزيه
يحمل معاه الهموم
بكسرة ضلعها وحمرة جفنها
بالطف تسيل ادموم
الزهره وضعها تكرر كسرها
بالطف صدر مهشوم
تنادي بالحسره فاطمه الزهره
حسيني انذبح هاليوم

زينب ونوك الهزيل عالشاطي نام الكفيل
عمري اندفن وي عمر الورد بالليل

&&&&&&&&&&&&&&&&&&

يالمهدي جيتك بدمعي نخيتك
اظهر يعمه وثور
حقد السقيفه نصب خليفه
اصل الظلم والجور
باب التوجر وصدر التكسر
خلى القلب مفطور
ضلع الزجيه باب الرزيه
بطفها لهيب اخدور

لمن دفنها بليل ظل ينحب الياويل
عمري اندفن وي عمر الورد بالليل

تمت بعون الله
خادمة الزهراء/ ليلى زغيب


قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw