#القصيده_بديوان_زينب_والمصائب_الجزء_3_.


موشح للنزله والشهر


حسين جاي اليوم ليها كربله
أو جايب أخوانه وعياله وكل هله

حسين جاي اليوم لرضج يالطفوف
أو تبجي عياله أو ماخذهه الخوف
أو بيهه بس عدوان أبو سكينه يشوف
وشلون حال أم الخدر المدلله

شلونهه أم الخدر وأشحالهه
أو كربله صاير حزنهه أكبالهه
أسم الله كالت من رجف دلالهه
أو صارت عيون الغريبه هامله

أو صاحت لحسين أو لعياله
هالشهر من شفت أنه أهلاله
أنقبض كلبي أو دمعتي هماله
أو لاهنالي العيش وأنة أمبهذله

خويه ردنه أدكله وتهل الدموع
أحس يبن أمي أنحنت مني الضلوع
أو خايفه من كربله أو هاي الجموع
خاف تغدرنه يبن عقد الوله

هالحرم رجعهه يبن الهادي
خاف محتاره تضل وتنادي
أو للسبي يأخذنه شمر الحادي
أو بيده خويه أيصير ضعن القافله

خل نرد يحسين أويبن أمي
أمصابهه كربله أخافن يعمي
أو فوك همي البيه يكثر همي
وأبقه أبلايه ولي ومبهذله

خويه ردني دكله دهري قاسي
أهنانه تضايك أحسهه أنفاسي
والزمن يسطرني أعله راسي
وأنتم أتنامون يهل المرجله


*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747