بسم الله الرحمن الرحيم




قصيدة #ثگیل #للاکبر ع


مروني.....مروني/ عالولد شو مروني

خلوني اشم وليدي
وامسح اصوابه ابيدي

عالولد شو مروني



🚩🚩🚩🚩🚩🚩🚩🚩🚩🚩🚩🚩


خايب يحادي النوگ شو نزلني

گلبي انفطر خليني اوادع ابني

يم العزيز المنذبح شو خلني

ماريد منه اولو ردت عاتبني

بس ريحته آنه اشتمها
وچف الولد الزمها

خلوني ...خلوني/ يم الولد خلوني

مروني.....مروني/ عالولد شو مروني


🚩🚩🚩🚩🚩🚩🚩🚩🚩🚩🚩🚩


يمه الولد روحي ويريع افادي

ياهيبتي انته او یاچبیر اولادي

الحادي مايرضالي اظل الحادي

مالوم گلب امك حزينه اتنادي


حرموني من مدلولي
ياريت دفنو طولي

يعيوني....يعيوني/ اعمن بعد يعيوني

مروني.....مروني / عالولد شو مروني

🚩🚩🚩🚩🚩🚩🚩🚩🚩🚩🚩🚩



خلي الدمع لمصاب الاكبر عبره

وگلبچ بعد ماتصح جبره الکسره

عالناگه اونن والولد عالغبره

یحبیبه یمه صوابي بابني اشکبره


مثل الورد بالوادي
نايم شبيهه الهادي

فجعوني .فجعوني/ بذبحك علي فجعوني

مروني.....مروني/ عالولد شو مروني


🚩🚩🚩🚩🚩🚩🚩🚩🚩🚩🚩🚩


زينب يخيه الروح راحت تگضي

يم الولد لوشفتي الاكبر غمضي

لوله الحبل چارکضه گتلچ رکضي

وذبي التراب اعله الوجه واتوضي


بس الشمر مايرضه
انزل للاكبر ركضه

نزلوني.... نزلوني/ يهل الرحم نزلوني


مروني.....مروني/ عالولد شو مروني



🚩🚩🚩🚩🚩🚩🚩🚩🚩🚩🚩🚩


تمشي الناگه وتبعد ابممشاها

تبچي الحزينه الناگه تبچي اوياها

ظلت جريه اعله الولد عيناها

وفوگ الهزل ماوادعت ضنواها


تنعه اعله ذيچ الشبان
صاحت کفر یاعدوان

ذبحوني ....ذبحوني/فدوه العلي ذبحوني

مروني.....مروني عالولد شو مروني


🚩🚩🚩🚩🚩🚩🚩🚩🚩🚩🚩🚩


*تمت*


العمل مهدى الى مولاتنا ليلى ام الاكبر ع

#ام علي رضا#الشريفي#الحسيني


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747