بِـ طور / يا ناقتي للشيخ مصطفى

قصيدة *[ #الليلة_لقانه ]*
في إستشهاد السيدة #فاطمة_المعصومة عليها السلام ، 1441 هـ .
________________

المستهل /

ياخيتي الليله لقانه
مشتاق لچ يافاطم آنه
حنيّت يارُوح الأبو الكاظم
يَمدللـه أبُشرى انا قادم
ياخيتي الليله لقانه


1 /

بسم الله اعليچ الرِّضا ، ياخيتي هذا آنه
مأجوره لا باس التعب ، اتعبتي إلوصلتي اهنانه
ياسيّدة قم الأجل ، جاچ اُو قُرب ملقانه
بالله يَخيّه استعجلي، روحي اشكثر ولهانه

ادري ابعذابچ اُو شوقچ ادريه
خيّچ علي جرحچ يداويه
آنه الرؤوف اُو تدري الوادم
يَمدلـله أبُشرى انا قادم
ياخيتي الليله لقانه


2 /

قالولي مشتاقه إلي ، اُو جيتي ابغرض نتلاقه
شو مادريتي بالرِّضا ، بدموعه اُو اشواقه؟
يَختي هِدم حيلي البُعد ، نار البُعد حرّاقه
ليّه المنيّه وصلت ، قبلچ إجت سبّاقه

خطوات باقي اُو تنظريني
چان اُو حسافه خَذني بيني
ياساعد الله قلبچ الحالم
يَمدلـله أبُشرى أنا قادم
ياخيتي الليله لقانه


3 /

آنه ادري لازم نلتقي ، مهما الزمن فرقنا
والله يريدن بالتُرب ، نتلاقى قدّر إلنا
رايد على مرأى الأهل ، بونا علي وي أمنا
ويّا جميع أهل التُرب ، اهناكه يلم شملنا

يرتاح موسى الكاظم اهواي
بنته العزيزه وإبنه الماي
ينلم شملنا ابحضرة الكاظم
يَمدلـله أبُشرى أنا قادم
ياخيتي الليله لقانه


4 /

معصومه قوليلي صعب ، الفراق وشقد يَختي ؟
جسمچ نِحل حيلچ رِحل، معقوله هيچي صِرتي!
ذبلانه عينچ يالأخت ، ياورده واشقد نحتي؟!
فطرتي قلبي ابحالتچ ، قلب الرضا فطرتي

يَمدللـه يكفي نوايح
عنچ بعد لا ماني رايح
ذوبتي قلبي يابنِت هاشم
يَمدللـه أبُشرى أنا قادم
ياخيتي الليله لقانه


5 /

أذتنا دنيا هالعنا ، أدري اشكثر أذتنا
مارُحمت احسين اشعجب ، انتي اُو أنا ترحمنا
هِدمت صبر أم الصبر ، زينب نعم عمتنا
ايهون المُصاب امقابلن ، امصاب العقيله اُو ونها

احباب نِظرت چم بالِتراب
اُو موتتها بس حِضروها لأغراب
وآنه اجيتچ هسَّه يافاطِم
يَمدللـه أبُشرى أنا قادم
ياخيتي الليله لقانه


6 /

يالله يَخيّه اتعدلي، مدي اليدين اُو سِدلي
هذا الملَك يمي حِضر ، اُو حان الوَعد ايقلِّي
موسى ابونا مستعد ، احضانه فاتح يَختي
اتزَينت جِنان الله الوگت ، امن الدنيا هسه اترحلي

ظلمه الحياة ابدونچ اليوم
إلفقدچ ينوحوا أخلَص القوم
خِسروچ، واهلًا يا قلب راحم
حنيت يارُوح الأبو الكاظم
ياخيتي الليله لقانه .

_______________

بِـ قلم /خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747