#نزله_للربعين



خلي نتلكه الجت مهضومه
من المصايب والحزن مالومه

❥•••••••••••••••••••••✿*❣°🕊

مفاركه الخوان ويلي عليهه
المدامع من دمه تجريهه
خلي نكصد كربله نعزيهه
ردت تزور البقو بالحومه

❥•••••••••••••••••••••✿*❣°🕊


بياوضع ردت يويلي ام الخدر
تريد تنصب عزه محزوز النحر
صيح يازينب والطم عالصدر
وخلي الدمعه تضل مسجومه
❥•••••••••••••••••••••✿*❣°🕊

عودت زينب لراضي كربله
من المصايب والرزايه ناحله
كوم ياجابر تلكه العايله
جايين من اليسر بهومه

❥•••••••••••••••••••••✿*❣°🕊

جتي تعبانه مغيره الوانهه
يعينهه الله مفاركه خوانهه
من الشماته زايدات احزانهه

تنشد عله حسين شنهو علومه

❥•••••••••••••••••••••✿*❣°🕊

الهه شهرين عنه غايبه
شوف زينب اله شنهو الجايبه
حاضنه راس الحسين اوناحبه
تصيح آه يالسلبو هدومه

❥•••••••••••••••••••••✿*❣°🕊

بقلم الشاعره ام رائد زوين




قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw