جنوبيه للقاسم ع
*********
طلبت مراد من جفوف جسام
******************
منك والنعم متقصر وياي
ياما بالشدد جربتك هواي
متعوف الموالي ودوم وفاي
اعلك شمعتك كل مره انضام
******************
يلعاف العرس يلماتهنه
ومن دم ركبته جفه تحنه
عله العريس دمعتنه ولطمنه
يتجدد مصابه بينه كل عام
*******************
آ يبن الحسن والكرم والجود
بجفوفك معاجز مالهه حدود
يمك مايظل كل باب مسدود
وعينك عالظلم ماتقبل تنام
******************
من ضاك الوكت بيبانه دكيت
يعريس الهواشم سيدي انخيت
خلصني عليك الزهره ناديت
من حكم الزمان وجور الايام
******************
طلبت مراد من جفوف طيبه
بيده ماتظل الحاجه صعبه
احلفه بالمشن بديار غربه
بالراحن سبي للكوفه والشام
******************
أم علي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هل الهلال يزينب هل الهلال
والحمل مال يزينب. والحمل مال
حظري روحج لسبي
وصوط ذاك الاجنبي
هل الهلال يزينب. هل الهلال

➖➖➖➖➖➖➖➖
من شفت انه الهلال ايدي اعله كلبي
صحت انه بصوت عالي ادخيل ربي
يمكن اخسر انه اخوتي الباري حسبي

خفت حيل اعله اخوتي
و اختنكت بعبرتي

هل الهلال يزينب هل الهلال
➖➖➖➖➖➖➖➖

اختنك بالعبره انه واحسب احساب
راح اضيع انه اخوتي وكل الشباب
اضل وحدي اويه الضعينه بكل السباب
وحدي اضل ويه الضعن
وخال ويلادي انطعن

هلا الهلال يزينب هل الهلال
➖➖➖➖➖➖➖➖

عسى لا هل الهلال وعاينيته
خال ويلادي رحل اورافجيته
وسار بيهم بالضعينه وسايريته

وين رايح يالولي
وين كلمه ادللي

هلا الهلال يزينب هلا الهلا

➖➖➖➖➖➖➖➖
زينب انه والدهر باليني بالوه
وراح اضيع بهالشهر غصبن وكوه
رايحه ويه الشمر ماكو امروه

وتنام كل اخواني
والزمن راواني

هل الهلال يزينب هل الهلال

➖➖➖➖➖➖➖➖
عله الناكه يصعدوني انده يعباس
وين التكفل ضعوني ويرفع الراس
انه تالي امشي سبيه ابين هالناس

اوياخذوني للغرب
وبالصوط انه انضرب

هلا الهلال يزينب. هلا الهلال


➖➖➖➖➖➖➖➖

تمت بقلم خادمة اهل البيت ع

*الشاعره هيلين الساعدي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

(نوحيه للهلال )



*اه يا هلال الكدر هل ابحزن*
*جابلي امرار ومصايب والمحن*

☆☆☆☆☆☆

جابلي امرار ومحن وحرك الخيم
علمتني عله المصايب والهظم
ضيعت دربي و ضايع كل الحلم
وهدميت الحيل كلبي الماسجن

☆☆☆☆☆☆☆

اهلال ماريدك بعد تطلع الي
امحزمه بمصاب انه بت علي
ياهلال الشوم فركتهم هلي
علمتني اعله الحزن روحي تون

☆☆☆☆☆☆

مظلم اهلالك تكله اشعجب
والدلال الي لزمته بي عتب
وين اروح بيانويه عليه صعب
اهلال لمكدر علينه بي محن

☆☆☆☆☆☆☆

اهلال لمكدر علينه و شوفته
حته احس الكلب منه وخوفته
تنزل امصايب علينه ابهدته
دموعي ظلت ساجبه ماينطفن

☆☆☆☆☆☆☆

ادموعي ظلت بالنوايح هامله
بت علي هاليوم تبجي وناحله
ناشديتك ياهلال عن ابكربله
بحال خواني عليه غدر الزمن

☆☆☆☆☆☆☆☆


تـــــمـت والحمـــــدللـــه
✍ *الشــــاعره ام آمـــنه*

واسالکم الدعاء🌹
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة نداء الحسین علیه السلام
🌷قصايد الشاعرة ام امنه🌷
غیرمبری الذمه من یحذف اسم الشاعرة 🌹
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه للأم


((( مغربة يم هلة .... جاوين تردين)))

الروحه هاي هية لو تردين

ياحيف الحنينه غمضت العين

الليله بالكبر يم هلة تباتين

وين الكاج يالعني تنشدين

هيبة معدلة بهمي تشركين

شمحلاتج بيتج من تكعدين

لو صارت فراضه انتي تحلين

تستاهل بجينة ام كلب الحنين

على الماشين اصيحن وين ماشين

وسفه وحيف عالرملة تنامين
.................................
تمـــــــت بصوت ام ريـــام المحمداوية


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لليوم العاشر
❥❥ـــــــــــــ❁❂❁❂❁❂❁ـــــــــــــ❥❥
للحومة اجيت وعثرت اجدامي
من شافت اعيوني جثة الضامي
❥❥ـــــــــــــ❁❂❁❂❁❂❁ـــــــــــــ❥❥
يوم اللي اعتنيت بهمي للحومة
ادور وين اخوي وروحي مهظومة
شفت اگبالي انة اضلوع مهشومة
لگيت الغالي اخوي اعلى الترب دامي
❥❥ـــــــــــــ❁❂❁❂❁❂❁ـــــــــــــ❥❥
يم جثتة اگعدت والطمت عالهامة
غارگ بالدمة ومسلوب العمامة
مكسريهة شفتها بعيني اعضامة
يريت امكسرين ابداله اعضامي
❥❥ـــــــــــــ❁❂❁❂❁❂❁ـــــــــــــ❥❥
اباوع للچفوف ومالي عين انظر
لگيت الغالي گطعو منه الخنصر
راح الصبر مني اشلون بعد اصبر
وسود اخلاف عينة صارن ايامي
❥❥ـــــــــــــ❁❂❁❂❁❂❁ـــــــــــــ❥❥
ياشوفة الشفتها هدمت حيلي
گمت اجمع اوصالة بايدي ياويلي
چنة يگلي خوية ادخيل فييلي
اذتني الشمس واجروحي و اسهامي
❥❥ـــــــــــــ❁❂❁❂❁❂❁ـــــــــــــ❥❥
عمت عيني عليه اشلون شاهدتة
سهام الصايبتة موذرة جثتة
الف وتسع مية جرح لحسبتة
وراح الحيل مني وزادت الامي
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

من قصائدنا لمحرم القادم .. نزلة
////////////////////////
يمولاي يابا الحسن // زينب تريدك بالضعن
يمولاي يابا الحسن // شوف الفواطم هل بجن
يمولاي يابا الحسن
/////////////////////////
يابوية احظر كربلا // يمولاي يابا الحسن
شوف المصايب والبلة // يمولاي يابا الحس
سهم اللفة من حرملة // يمولاي يابا الحسن
بجة العليل وكل هلة // يمولاي يابا الحسن
هاليوم صعبة المسألة // يمولاي يابا الحسن
يابوية حل المعضلة // يمولاي يابا الحسن
نسوانك ابدمع وصفن // يمولاي يابا الحسن
زينب تريدك بالضعن
يمولاي يابا الحسن
/////////////////////////////
بس الدمع يبرالي // يمولاي يابا الحسن
هاليوم ذبح رجالي // يمولاي يابا الحسن
يمي تصل حسبالي // يمولاي يابا الحسن
وتشوف حزن عيالي // يمولاي يابا الحسن
وانة ابفكد دلالي // يمولاي يابا الحسن
طبينة بدروب المحن // يمولاي يابا الحسن
زينب تريدك بالضعن
يمولاي يابا الحسن
////////////////////////////
شوف الزلم بالحومة // يمولاي يابا الحسن
بتك بقت مهمومة // يمولاي يابا الحسن
عباس هاك اعلومة //يامولاي يابا الحسن
مطارة كل اغيومة // يمولاي يابا الحسن
وحسين شد مرسومة // يمولاي يابا الحسن
العيلة هل محرومة // يمولاي يابا الحسن
للأسر كلهن هل مشن // يمولاي يابا الحسن
زينب تريدك بالضعن
يمولاي يابا الحسن
/////////////////////////////
هذا عدوك مقتنع // يمولاي يابا الحسن
تمشي الفواطم بالدمع // يمولاي يابا الحسن
سبعين الف هذا الجمع // يمولاي يابا الحسن
سوو فرح علكوا شمع // يمولاي يابا الحسن
احسين وحدة منصرع // يمولاي يابا الحسن
نور الشمس منة يشع // يمولاي يابا الحسن
حزنانة ياجنة عدن // يمولاي يابا الحسن
زينب تريدك بالضعن
يمولاي يابا الحسن
//////////////////////////////
جرحي صعب يا يابة // يمولاي يابا الحسن
حتى الوكت سد بابة // يمولاي يابا الحسن
كلمن مشى وي احبابة // يمولاي يابا الحسن
وحسين ضل بترابة // يمولاي يابا الحسن
وانة وحيدة ابغابة // يمولاي يابا الحسن
والدهر فك انيابة // يمولاي يابا الحسن
ضلينة احنة ابلا وطن // يمولاي يابا الحسن
زينب تريدك بالضعن
يمولاي يابا الحسن
////////////////////////////
الخادم ابو علاء العزاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه للعباس عليهه السلام
يعباس زينب صاحت ابصوت
ليش ابساع خويه جاكم الموت
====
ليش اباساع نمتو ماتكعدون
يكظاي الكلافه لاتونون
وسفه وحيف ياخويه تموتون
البي هيبه طمته الكاع
====
صحت ابصوت ياركابت الخيل
خويه اوداعتك مانمت بليل
يصعب يومكم هدالي الحيل
انهد حيلي من كالو مات
=====
الف وسفه عليهم شالو ابساع
اوياكم يخوتي ماشابعه اوداع
وسف ع الحياده اطمهم الكاع
شطميتي كاع احجيلي
====
طميتي الحياده المايهابون
نامو بلحد ماظن يردون
خالي البيت منهم مايرجعون
والدار اتون اوحزنانه
=====
يادار الحياده اليوم حزنانه
راح الحيد خونه اليكعد اويانه
ضل حزنان بيته وموحش امكانه
توحش يديار العياله
=====
يوحش بيتهم والدار حزانه
مشه راعي المروه اوحش دوانه
مايرج علينه ويرد المجانه
ويانه ونريدك تكعد
=====
تمت بعون الله بقلم العلويه
ام اسامه الموسوي شاعرة اهل البيت

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لسان حال مولاتي فاطمة العليلة عليها السلام
❥❥ـــــــــــــ❁❂❁❂❁❂❁ـــــــــــــ❥❥
خلص گلبي عليهم
اريد اسمع حچيهم
مشو لارض البعيدة
وبقيت انة وحيدة
ومدري شسادي بيهم
خلص گلبي عليهم
❥❥ـــــــــــــ❁❂❁❂❁❂❁ـــــــــــــ❥❥
خلص گلبي تراه وذوبة النوح
اون ليلي ونهاري وراحت الروح
على احبابي المشو كثرانة الجروح
دمع اعيوني سچاب
گلبي حن للاحباب
ومدري شسادي بيهم
خلص گلبي عليهم
❥❥ـــــــــــــ❁❂❁❂❁❂❁ـــــــــــــ❥❥
من حمل ظعنهم والله لليوم
اجر ونة بقيت وحيلي مهدوم
ولاراحة شفتها ولاشفت نوم
بعد راحة تجي منين
و عني اهلي بعيدين
ومدري شسادي بيهم
خلص گلبي عليهم
❥❥ـــــــــــــ❁❂❁❂❁❂❁ـــــــــــــ❥❥
صبر منين اجيبة لخاطر الله
ومشة عني الابو وكل اهلي وياه
بعد مابية فرگة احمل ولا اه
اجر حسرات واهات
فراگ احبابي جمرات
ومدري اشسادي بيهم
خلص گلبي عليهم
❥❥ـــــــــــــ❁❂❁❂❁❂❁ـــــــــــــ❥❥
اجر حسرة على حسرة ورايح الحيل
كتبت الهم تراني شگد مراسيل
ولاردو علي خلوني بالويل
علي شومايسألون
بعد يمتة يردون
ومدري شسادي بيهم
خلص گلبي عليهم
❥❥ـــــــــــــ❁❂❁❂❁❂❁ـــــــــــــ❥
اتاني وعيني تنطر دگت الباب
عسى ربي ولعل ترجعلي الاحباب
لچن ايس دليلي وجرحي ماطاب
ابد ماتشفة الجروح
وبية مابقت روح
ومدري شسادي بيهم
خلص گلبي عليهم
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*حٌيِّدِريِّهِ عٌلَئ أّلَعٌبِأَّّس*


نِدِهِوِ الاخو زينب َ ِ مَوَِّشٍ أّلَهِ أّلَنِوِمهِ
وِحٌيِّدِهِ وِحٌأّيِّرهِ ضّلَتّ أّلَمَهِضّوِمَهِ
//////////////////
ضّلَتّ حٌأّيِّرهِ وِتّعٌأّيِّنِ أّلَحٌوِمَهِ
نِأّيِّمَ بِلَشٍمََّس وِتّغٌيِّرهِ رَّسوِمَهِ
بِقِتّ زِّيِّنِبِ تّنِوِحٌ أّعٌلَيهِِّّ مَأّلَوِمَهِ
مَّهِضّوِمَهِ بِقِتّ يِّأّوِيِّلَيِّ مَهِضّوِمَهِ
///////////////////
خَلَ يِّگعٌدِ يِّعٌأّيِّنِ حٌأّلَهِهِ شٍلَوِنِهِ
خَلَ تّفِّزِّعٌ عٌمَأّمَهِ وِخَلَ يِّنِدِهِوِنِهِ
ګلَهِهِ خَأّيِّفِّهِ مَنِ خَزّرتّ عٌيِّوِنِهِ
الوالي اليوم چنها َ شٍأّعٌتّ عٌلَوِمَهِ
/////////////////
تّگلَهِ گوِمَ يِّأّأّلَوِلَيِّ وِدِحٌأّجِيِّنِيِّ
صٌعٌبِ فِّرګأّګ خَوِيِّهِ يِّأّبِعٌدِ عٌيِّنِيِّ
گلَيِّ عٌلَيِّګ يِّأّهِوِِ أّلَيِّ يِّدِأّلَيِّنِيِّ
مَنِ أَّّسمَعٌتّ خَوِيِّهِ مَوَِّسدِ أّلَحٌوِمَهِ
/////////////////////
بِعٌدِ يِّأّهِوِأّلَِّيّبِأّريِّنِيِّ يِّبِوِفِّأّضّلَ
مَنِ بِعٌدِ أّلَګفِّلَنِيِّ مَحٌمَلَيِّ مَأّيِّلَ
وِدِمَهِ اعٌلَه لَأّرضّ يِّأّنِأَّّس ضّلَ َّسأّيِّلَ
وِأّلَجِفِّيِّنِ يِّمَهِ وِتّجِريِّ دِمَوِمَهِ
////////////////////
زِّيِّنِبِ عٌلَنِهِر جِتّيِّ تّعٌأّيِّنِلَهِ
أّجِيِّتّ أّلَيِّوِمَ لَلَوِأّلَيِّ وِأّنِدِهِلَهِ
وِأّخَتّګ بِلَ مَعٌأّرهِ أّلَيِّوِمَ أّګلَلَهِ
هِلَيِّلَيِّهِ أّلَوِلَيِّ مَتّغٌيِّرهِ رَّسوِمَهِ
//////////////////
يِّخَوِيِّهِ أّلَگوِمَ مَنِ بِعٌدِګ يِّهِضّمَوِنِيِّ
وِصٌيِّأّطّ أّلَاعٌأّدِيِّ امَوِرمَهِ مَتّوِنِيِّ
مَنِ أّعٌتّبِ يِّخَوِيِّهِ لَأّ تّلَوِمَوِنِيِّ
وِأّعٌذرهِهِ أّخَيِّتّګ حٌيِّلَ مَأّلومهِ
//////////////////
*أّذوِ حٌأّلَيِّ عٌبِأَّّس أّگعٌدِ*


*أّلَشٍأّعٌره*ِ
*أّمَ رقِيِّهِ أّلَمَوَِّسوِيِّهِ أّلَ قِطّبِ أّلَدِيِّنِ*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

(قصيدة للمسير)

شو سره ظعن الهواشم چنه ناوي اعله الرحيل
المحملج عباس ناده انه يازينب كفيل
يبوفاضل ولنعم، ،،،يبوفاضل ولنعم
،،،،،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،،،،،،،،،

صاح عباس اعله زينب يختي انه كافلج
لاتخافين يحره كومي شدي محملج
احنه خوانج يخيتي ارواحنه فدوه الج
وينها يختي الفولطم خل تجي وتگابلج
جيبي اسكينه ورقيه وجيبي وياج العليل

،،،،،،،،،،،،،،، ،،،،،،،،،،،،،،، ،،،،،،،،،،،،،،،،،،،،،،،،،
كومي خل نمشي يزينب هل طريق الكربله
صيحي هاخوتي النشامه اويه المحامل راحله
احنه عد عيناج يختي امدللة عقد الوله
من بعد اهلج يزينب تكفليها العائله
راح يختي تشاهدي بكربله اصراخ وعويل

،،،،،،،،،،،،،،،،،،،،،،،،،،، ،،،،،،،،،،،،،،،،،،،،،، ،،،،،،،،،،،،،،
بلمسير وياج راسي وفوگچ اترف رايتي
لاتهمين ابحقدهم امشي دوم ابهيبتي
جبتچ انه منل مدينه وانتي اجيتي ابشيمتي
اميسره تمشين وسفه ياعصابت هامتي
ها يزينب بلطريق شلون لو حملج يميل

،،،،،،،،،،،،،،،،،،،،،،،،، ،،،،،،،،،،،،،،،،،،، ،،،،،،،،،،،،،،،،،،،
آه ياام المصايب شفتي لوعات وعذاب
يكتل مصابج يزينب عفتي اهلج عل تراب
عفتي عباس الشيفه بالدمه صاير خضاب
عل ثره حسينج رميه امسلبه منه الثياب
والشمر يحدي ابضعنكم يبن حماي الدخيل

،،،،،،،،،،،،،،،،،،،،،،،، ،،،،،،،،،،،،،،،، ،،،،،،،،،،،،،،،،،،،،،،
صحتي وينك ياكفيلي مو كلت بحمايتي
شو عفتني بدون والي وحيرتني ابغربتي
ياكفيلي اخلاف عينك وسفه داسو ثايتي
تعذبت طول الطريق وماهي سهله رحلتي
واعدتني يبو فاضل انته الحملي تشيل

،،،،،،،،،،،،،،،،،،،،،،،،،، ،،،،،،،،،،،،،،،،، ،،،،،،،،،،،،،،،،

تمت بعون الله بقلم الخادمة (ام رياض الاحمدي)


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لما وقف مولاي الحسين ع... عند مصرع ابي الفضل العباس ع..


رخه حزامي على الخوان.... وانحل

عليهم مني باد الجسم.... وانحل

على الشالوا يگلبي اليوم.... ونحيل


حزام الظهر راحوا من ايديه



][][][][

اون بسكوت محد سمع...... وناي

يطربني ونين الحزن...... والناي

على الخوان روحي حيل..... وناي

جانوا هيبتي وازماط اليه


¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ثكيلة للقاسم ع نفس طور اشوفك كل فجر للحاج باسم الكربلائي
************************************
هضمني البين يبني وضاعت آمالي
وعرس ماصار مثله الدهر راوالي
يعريس المنيه بطفوف الغاضريه
عرس ماصار مثله الدهر راوالي
***********************************
يبني اتعذبت تدريني برباك وحك ارباي اريده
وتدري اترملت وتعبت وياك بصغر سني وحيده
ردتك يالولد بالدنيه وياي بكل صعبه وشديده
يحضرني لون ظهري انحنه ومال اتوجه اعله ايده
احسبلك واعد ايام وليالي
وعرس ماصار مثله الدهر راوالي
رحت من بين اديه بطفوف الغاضريه
عرس ماصار مثله الدهر راوالي
*********************************
يبن الحسن ناديتك يمظلوم طفو شمعة شبابك
من ذبحو وريدك يبني لليوم طفت عيني بغيابك
جفن عيني جفاه النوم وانهار يوليدي لمصابك
اذكر شمعة الشبان جسام يالوعة عذابك
علكت شموع عرسك بيدي هنيالي
وعرس ماصار مثله الدهر راوالي
طفوهه آل اميه بطفوف الغاضريه
وعرس ماصار مثله الدهر راوالي
********************************
ربيتك يجاسم لجل هاليوم يوحيد لأمك
وصاني الحسن والدك من جيت واذخرتك لعمك
عكب ذبح الاهل يبني والانصار لهاي الساعه اضمك
اتحزم يبني لجل حسين للموت وخلي يسيل دمك
وصارت حنتك بدماك يالغالي
وعرس ماصار مثله الدهر راوالي
ذبيح اعله الوطيه بطفوف الغاضريه
وعرس ماصار مثله الدهر راوالي
*********************************
أم الولد دوم اتعد يالايام اتريد اتزف ابنهه
وتعجن حنته وتشعل الشمعات تفرح بيه ظنهه
وامك رمله متهنت بهاليوم اسمع يبني حنهه
اون اعليك وانحب ليل وانهار يفت الروح ونهه
يسليني الدمع والنوح يحلالي
وعرس ماصار مثله الدهر راوالي
شفت ضيم واذيه بطفوف الغاضريه
وعرس ماصار مثله الدهر راوالي
*******************************
شفتك سابح بدمك بالخيام ولا اكدر اعوفك
وابدال العرس يرموك بسهام ودم حنة جفوفك
زفة عرسك بطف كربله تصير واعداك التحوفك
يحلو الطول يوليدي يجسام عميه ولااشوفك
نايم عالترب متوذر اكبالي
وعرس ماصار مثله الدهر راوالي
وعكب عينه سبيه بطفوف الغاضريه
وعرس ماصار مثله الدهر راوالي
*****************************
أم علي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اللهم صل على محمد وال محمد
موشح.للامام العباس(( ع))


الليل ما يرحم دليلي ولا هدة
فوكَ همي امشي مابين العده. ●▬▬▬ஜ۩۞۩ஜ▬▬▬●
ياجفيل الليل موحش من يجي
وانه عاللوعات ولحسرة انتجي
بعيني اخبرك بعد ما باقي بجي

خيم ما ظلت علية مفرهدة
فوكَ همي امشي مابين العدة‏

‏ ●▬▬▬ஜ۩۞۩ஜ▬▬▬●
مخزنة هموم ومتاعب من رحت
بالحرم ويتام حيل اتمرمرت
بليل هندس بالدمع انه سهرت

كلبي عالويلات الله ايساعدة
فوكَ همي امشي مابين العدة


#✍اسيرة الأحزان مريم العبوديه
‏ ●▬▬▬ஜ۩۞۩ஜ▬▬▬●
فوك همي آنه أعوفك يا شهم
يا كفيلي خويه يا حامي الحرم
سهم البعينك بعيني هالسهم

هدم حيلي وقلبي زادت علته
فوك همي امشي ما بين العده


# ✍أزهار جبار الجياشي
‏ ●▬▬▬ஜ۩۞۩ஜ▬▬▬●
يا كمر هاشم اظلمت دنيتي
من رحت عني يخويه وهيبتي
نار بضلوعي احسها حسرتي

وعلى فراكك ابد ما متعوده
فوك همي امشي ما بين العده


#✍ أزهار جبار الجياشي
‏ ●▬▬▬ஜ۩۞۩ஜ▬▬▬●
الليل مايرحم دليلي قاسي
اخذمني احبابي واطيب ناسي
اخذمني حسيني وعباسي

عالترب عفت الغريب لوحده
فوكَ همي امشي مابين العدة


#✍أم زينب السعداوي
ناصريه
‏ ●▬▬▬ஜ۩۞۩ஜ▬▬▬●
يازماني ليش،ماترحم ابد
شضل الي بالدنيه متكلي بعد
خذت حتى احباب البغعمر الورد

وانه روحي من المصاب امرّره
فوكَ همي امشي مابين العدة


# ✍أم زينب السعداوي
ناصريه
‏ ●▬▬▬ஜ۩۞۩ஜ▬▬▬●

تمت بعون الله تعالى


بـ✍ــاقـ✍ــلام خـادمـات أهل البيت ع


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حضور الزهراء. ع في المجالس

نعي

للمجلس الزاجيه تعنت
مهظومه يم الباب كعدت
وي التون لحسين ونت


كعدت تون محني ضلعها
ومثل الجمر ينزل دمعها
يايوم ابو اليمه فجعها




حضرت الزهره بدمع مسفوح
وعلى الذبيح تلوج وتنوح
وليدي بقه على الكاع مطرووح


اه اه

حضرت وياجن ياتونن
وتريدجن بالنوح تبدن
ولم الخدر هليوم عينن
***********

تكول الزجيه عاوننها
بنيتي الغريبه وساعدنها
وحضرن للعزه ولاتهظمنها
***************
تبجي وتون وتصيح يبني
وين التعاوني على حزني
جرحك كلف كلش لجمني


لجمني الجرح والدمع جاري
عليك انتحب ليلي ونهاري
بعز الهوه يالولد ثاري

😭😭😭😭😭😭😭

هديه. الى روح. والدتي


ام زينب السعداوي
ناصريه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مربعه في حق صبر زينب س



*يزينب بل صبر عين الله ترعاج*

*الحد.الموت يخت حسين وياج*


هذه اهلال حزنج لا تشوفينه
وابن امج يزينب بيه تفكدينه
مذبوح الولي رحتي تعوفينه
*وانتي اميسره وبوليت اعداج*


عفيه والصبر شنهي الجرعتيه
كل امصاب يا زينب حملتيه
راحت كل هلج ونتي صبرتيه
*صبرج فصله الرحمان وانطاج*


شنهي من صبر مولاتي تحجيلي
وعنه بت علي رايد تكليلي
تره حيران بيه ومانمت ليلي
*اكولن عل صبر من شفتي ولياج*



ركضتي ابيوم عاشر ولاهل نومه
ولكيتي حسين اخيج تجري دمومه
احسن عل ولي مولاتي مهظومه
*وتحشمين الكفيل الهوه كفلاج*


يوم اصعب تره هوه بحياتج
وحته النار مشتعله ابعباتج
ساعه عله الولي ساعه البناتج
*تلمين الحرم بدموع عيناج*


اه يا يوم عاشر كلبج اشلون
وكل اهلج بكت زينب يونون
ونتي ويه الغرب والما يرحمون
*ويا صوط الشمر مولاتي اذاج*


*لخادمة الزهراء العلويه ام جعفر*

غير مبري الذمه من يحذف الاسم وياخذ الكلام وينسبه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للسيدة زينب عليه السلام
"""""

لااخوتي وياي لاردو هلي


اشتاكيت انه لخواني
ومنهم خبر لاجاني
هل ضيعت عنواني
عباس ياهو الضل الي

•*

عباس نور اعيوني
خويه صدك عفتوني
لتخيبون ضنوني
زينب تضل ابلا ولي

*

واطفالكم مجتوفه
ومن دخلونه الكوفه
خويه بحبل مجتوفه
واصرخ وانادي ياهلي


**

تدري تيهيت اطفالي
ماضل ولي يالوالي
ترضاها الشمر يبرالي
من بعد عزكم ياهلي


راسك صدك يبرالي
ومن انضره يشل حالي
جنه يكلي اتصبري
ومن صدك عافاني الولي

****
تمت بعون الله

بقلم عہۣۣۗۗہۣۣۗۗاشہۣۣۗۗقہة أبۣۣۗۗہاصۣۣۗۗہۣۣۗۗہالۣۣۗۗہح
ام مهدي المحمداويه. نسالكم الدعاء

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابوذيه مع نعي كرناوي بحق مولاتنا العليله ع



دمعي لو نزل ينزل وياهم
على الشالوا ودلالي وياهم
اسولف ياحزن عنهم وياهم
اسيرت هم صفيت بكل مسيه



الحزن بغياب اهلنه عاشريته

وجافاني الفرح من يوم الضعن سار

ترس عيني الدمع وتسلى بالاه

واحس كلبي جمر والنار تجوي النار

اعاين وبنزلهم ضلت جروح

وعلى دكات كلبي الكلب منطار

هناه ذكرى اليه هناك الي هواي

وغفل سواها وكتي وصرنه طشار

صعب يوم العزاز ويوم الوداع

يريت مخاير انه الموت الختار

بس ماشوف منهم خالي البيت

شماله الوكت قاسي بالحضه يندار

على ذيج الاحباب التارسه العين

هسه العين بس الدمع نثار

اتأمل وكول شماله وكتي وياي

يريت الصار كونه ابد ما صار


بقلم الشاعرة سحر ام كرار الساعدي
غير مبري الذمه من يحذف اسم الشاعر


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هليوم واحد بالشهر.
واويلاه يالمنتظر

عاشور هل علينه واويلاه يالمنتظر
نلطم على والينه
نعازي الزجيه جينه
شهر الحزن هذا الشهر
واويلاه. يالمنتظر

الهلال احمر بالسمه
لمصاب بن حامي الحمه
اسود نلبس وي فاطمه
حاويلاه من هالدهر

بهل الشهر شنهو الجره
الحسين كصوا خنصره
والطفل كطعوا منحره
وزينب يسبيها الشمر
واويلاه. يالمنتظر

عباس ابو الغيره الشهم
الماي يجيبه للخيم
تنصاب عينه بالسهم
والاكبر يتكطع وذر
واويلاه. يالمنتظر

وجسام عريس نجتل
ورمله قلبها شكد حمل
وبكربله صار الاجل
وقلبها طاح ويه الكمر
واويلاه. يالمنتظر

------تمت بعون الله
بقلم خادمة الزهراء منى البصراويه
11 /7/2019

ملاحظه تقرا هذه القصيده والقصاثد الاخري التي سوف انشرها لاحقا
مقدمه في بداية كل مجلس والله ولي التوفيق

🍀🍀🍀🍀🍀🍀🍀🍀🍀🍀🍀🍀
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه لولاد مسلم عليه السلام


ماجوني ماجوني ولدي مشوا ماجوني
ضاعوا اومني بياصوب وانه اجاني الغروب
ولدي مشوا ماجوني


محتاره ادور ياكتر مدري امنين
للخيمه عيني اوعين تنظر لحسين
واولادي اخافن غدر بيهم هالبين
الطم براسي وتهل دمعات العين
كلبي عليهم محتار والخيم وجتها النار
ظربوني ظربوني والله العده ظربوني


فروا اولادي وانهدم مني الحيل
طلعيت ادور وينكم يمدالليل
ردوا اليه صار يايمه الليل
باجر الحادي نوه بينه ايشيل
ملوع يخلي كلبي وماشوف بعد دربي
امتوني امتوني طكاني اعله امتوني


محتاره ظليت او آهل الدمعات
لااخو عندي وانه بين الشمات
ناديت طاهر كتله عدمن اتبات
عينك لخيك لوكعت ابفيات
مايرد ابني اعليه واشلون انه بيه
عافوني عافوني من تيهوا عافوني



ضليت واعله اولادي انه اتغمه
كلساع اصيحن ردوا الي يايمه
الصدرك يطاهر الزغير ظمه
ايخاف من السجن يبني ظلمه
اوالخال نايم نومه خليته وسط الحومه
اعيوني اعيوني ماشوف بيها اعيوني


طاهر ييمه اعليك كلبي مهظوم
شسوي محتاره انه بين الكوم
وعله النهر خالك حلاله النوم
وحسين بالحومه ذبيح المضلوم
مغدور كطعوا نحره والخيل رضت صدره
أذوني أذوني أنه العده أذوني


اعله الولد دوريت ماهم بزري
فوك اخوتي اوهمه الكسروا ضهري
ضلت ادموعي اعليهم البس تجري
اشلون اكل للروح كافي اوصبري
باجر يجينه الحادي مادوريت اولادي
يسبوني يسبوني خاف العده يسبوني


*تمت*
*بقلم✍شاعره آهل البيت عليهم السلام*
*المله جنان الحسناوي*
*الطميه من ديوان الفاجعه الحسينيه*
*الجزء الأول*
*مشكول الذمه كلمن يغير او يتلاعب بالكلمات*
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/JihYDUK0h4E
الخيل جرت الخيل والأكبر تلكاها
توجد مكتوبه المراسلة على المعرف @Abas747