#لطمية_للسبي #طلب_خاص
{لسان حال عقيلة بني هاشم تشكي الحال بعد فقد اخوتها}

يالتركتوني...يالتركتوني
بين العده و سوط الشمر #يالتركتوني
◐◐◐◐◐◐◐◐◐◐◐◐◐◐◐◐◐◐◐◐◐◐◐◐
ﭼـنت مهيوبة بزودكم يااحنان
من بلد جدنة وصرنة غير امكان
استوحدوا بينا خوية هالعدوان
اتغيرت ارسومي من فگد لخوان
خوية يبن امي...دمعي ظل يهمي
رحتوا يسلوة دنيتي وحدي #عفتوني
✪●✪●✪●✪●✪●✪●✪●✪●✪●✪
راح وادعنكم وامشي ياعباس
بالضعن يحدون زمرة الأرجاس
ترضاها ياخوي تتفرج هالناس
غيرة ماعدهم لا ذرة احساس
اتغيرت احوالي...لا الي والي
شايل ياكافل هالخدر ياضوا #اعيوني
✪●✪●✪●✪●✪●✪●✪●✪●✪●✪
رايحة للشام والگلب يمكم
بالغرب امشي وابعدت عنكم
امشي يسيرة واسمعت ونكم
ياهضيمة اشلون الگبر ضمكم
يهل الحمية...اصفگ بيدية
من راحوا اعزاز الگلب خابت #اضنوني
✪●✪●✪●✪●✪●✪●✪●✪●✪●✪
بنت الرسالة انـة الاميرة
بالغرب يهلي وحدي ابحيرة
للشام اخذوني امـﭼـتفة ايسيرة
ناحلة وامشي من ديرة الديرة
گيدونة بحبال...والدمع همال
گوم الكفر من البـﭼـي ليش #ايمنعوني
✪●✪●✪●✪●✪●✪●✪●✪●✪●✪
ابكربلة اجينة جتنة المصايب
تصرخ الايتام شفنة العجايب
روس فوگ ارماح والگلب ذايب
ياصاحب الثار وينك يا غايب
بأيدينك هاية...رفرف الراية
ثار الزهرة وثار اخوتي وانـة #اليسروني
✪●✪●✪●✪●✪●✪●✪●✪●✪●✪
تــمـت بــعــون اللــہ
2/10/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس🔴
نسـألكم الـدعـاء....
〰〰〰〰〰〰〰〰〰〰〰〰


قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw