شده للسيده رقيه ع
****
راسك يالأبو مابين إيديه
وجنك معرفت بتك رقيه
***
تلاكينه بعد ماطالت الفركه
ايام وليالي روحي محتركه
راسك بالطشت جابوه ممصدكه
يبو طول الحلو وين البقيه
****
ملهوفه عليك النوح تعبني
احجي وياك بويه وماتجاوبني
حكك يالولي لو معرفتني
ولا نفس الملامح ذيج بيه
****
أبجي ودمعتي تغسل بشيباتك
وليش بياذنب يتموا بناتك
خذوهن للسبي ساعة وفاتك
وسياط الشمر تلعب عليه
****
حركوهه الخيم يحسين عدوانك
ياشجرة محنه وكطعوا اغصانك
سلبوني التراجي بعازة احضانك
شكد صحتك يبويه افزع عليه
****
يبويه ماعرفت الراس من شفته
عطر امك الزهره بيك الأعرفته
اسنونه امكسره وامفطره شفته
واحتار الكلب والله بنواعيه
****
اجيت وياهله بالعايف ادياره
ماعوفك بعد هالدنيه غداره
غير الموت مايرهم إلي جاره
اموت ولا العده يصيحولي مسبيه
****
أم علي الكاظمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه الرقيه عليها السلام



ضلت بالخرابه تنوح
شافت راس واليها
ــــــــــــــــــــــــــــــــــــــــــــــــــــــــــــــــــــــ
شافت راس ابواليمه
مخضب باقي بدمه
نشخت عل طشت يمه
عيونه الدمه مغطيها
ــــــــــــــــــــــــــــــــــــــــــــــــــــــــــــــــــــــ
صاحت بويه شنهو صار
يحسين الكلب محتار
وانته جدك المختار
هيج يصير تاليها
ــــــــــــــــــــــــــــــــــــــــــــــــــــــــــــــــــــــ
تالي جسمك بلا راس
ويمك ماهو العباس
وجسمه بخيلهم ينداس
وعيالك السابيها
ــــــــــــــــــــــــــــــــــــــــــــــــــــــــــــــــــــــ
لو تدري شجره علينه
يبويه الضيم مر بينه
واضني بغرب ناسينه
العمتي وانه احجيها
ــــــــــــــــــــــــــــــــــــــــــــــــــــــــــــــــــــــ
عفتوني بيا حاله
وبونه عايف عياله
دموع العين هماله
يم غربه تسبيها
ــــــــــــــــــــــــــــــــــــــــــــــــــــــــــــــــــــــ

✮شـا؏ـــرة اهل البيت الـﻋلويـه
✮ام بـــهاء الديـــن المــوســوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للسيدة رقية عليها السلام ( للسلبوا تراچيهه )


خل نلطم عله الهامات
للسلبوا تراچيهه


خل ننصب عزانه اليوم
كلنه انصيح يامظلوم
بتك فزت امن النوم
وتريدك يواليهه


فزت صارخه اونت
حيل الشوفتك حنت
مو ميت عدل ضنت
وزينب حايره بيهه


الله يعين عمتهه
ماگدرت تسكتهه
والعدوان سمعتهه
وجابو منحرك ليهه


جابوا نحرك العدوان
للوجعان والنسوان
طاحت والگلب خلصان
بتك وانغمه اعليهه


مره اتصيح مره اتنوح
ياعطشان يامذبوح
ليش بساع عني تروح
واصوابك يبچيهه


تدني الراس وتشمه
وتغسل بالدمع دمه
وتنادي يبو اليمه
والهضمات تشچيهه


تشچيلك مصايبهه
وضيم البين دولبهه
ماتت ياحبايبهه
وماحضروها اهاليهه


✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للسيده رقيه (ع)


أريدن والدي بهالليله وبساعه
يشوف الگوم هجمت كلهافزاعه
اظن نايم يعمه مكسره ضلاعه

(اركض بالمعاره/ بهدمي وتعثر)


وين الدللاني بهاي يلحگني
يفتر هالشمر وبصوطه عذبني
اصيحن آه واگله المتن يوجعني

(من يسمعني اصيحن/عمده ويطگني)


متعمد يكطني ويشتم الوالد
من امشي يريته حسيني ليساند
ومن ابجي العين يشوفني يعاند


(شو محد جاني /من أيده خلصني)


كلتله والدي خلصني من عنده
معفر بالتراب بوجه وبخده
وداني سبيه ومحد يرده

(وبوصطه اجاني /ومارحم سني)


مهظومه وحزينه وليش ماجاني
اريد احجيلها اكله الشمر ا ذاني
جرترجيتي بيده وابجي خلاتي


(اريداحجيله همي/ وعن وضع حالي)


من بعده اسولف حالي ليوم
شداهن أديه وتدي ادموم
سابيني يعمه مترسه هموم

(ابوي الدللاني/ ومانهظ ليه)



خادمة الزهراءوالسيده رقيه ع
✍️الشاعره ام زهراء الفاطميه
لايجوزحذف الاسم أسم الكتاب
لبيك يازهراء / ٢صفرسنة هجري ١٤٤٧نسالكم الدعاء لي ولوالدي
🙏 اللهم عجل الوليك الفرج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لرقيه ع {{من الضرب تعبانه}} 💔

من الركض من الضرب تعبانه
عالراس ورده وماتت الحزنانه
❥❥❥ـــــــــــ✿🪶✿ــــــــــــ❥❥❥
ترتاح خلي وتحضن العافاها
تصيح وينك بابا رأسه الجاها

تمطر عله شفايف ابوها الدمعه
اتگله احجي مايرضه ايحجي وياها

ماكعدته النشغات يالحزنانه
من الركض من الضرب تعبانه..
❥❥❥ـــــــــــ✿🪶✿ــــــــــــ❥❥❥
من حضنت الراس ونظرتي بعينج
اعرفتيه لو تيهتي وجه حسينج

مطبور رأسه ثنعش طبره يكولون
وشلون قسمتي لمصابه اونينج

يتمج وانتي من الصغر وجعانه
من الركض من الضرب تعبانه
❥❥❥ـــــــــــ✿🪶✿ــــــــــــ❥❥❥
شاغت الروح بساع يم الوالي
حضنته وصاحت هلا برأس الغالي

رادتك تفتح عينك تعوف الموت
كالت وياك الموت حيل اشوالي

حته البواجي البيها هم نحلانه
من الركض من الضرب تعبانه..
❥❥❥ـــــــــــ✿🪶✿ــــــــــــ❥❥❥
من بعد ضيم الشافته بدنياها
كل روح لازم ترجع الملفاها

شو كربله منك حضن ليش تبوك
محتاجه اموت بحضنك وانساها

ارتاح من الظالم البجانه
من الركض من الضرب تعبانه
❥❥❥ـــــــــــ✿🪶✿ــــــــــــ❥❥❥
حاجته حجايه وماتت بصف راسه
كلبك صدك بويه اليذبحك داسه

فك عينك شوي شوفني شكد ابجي
اتأمله يحجي الگطيعه أنفاسه

يگعد اذا اگله نمت زعلانه ..
من الركض من الضربه تعبانه
❥❥❥ـــــــــــ✿🪶✿ــــــــــــ❥❥❥
#الشاعرة رسل الابراهيمي
#والشاعرة هاجر الزينبية
لا اجيز الحذف او التلاعب بالكلام ❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

للحسن عليه السلام 👇👇👇👇

لطميه للحسن عليه السلام


للمسموم هل لطمه دعدليهه
وانعازي العقيله شال واليهه
❥━──➸➽❥💔❥━──➸➽❥💔
اتكول ام الخدر عازوني علوالي
شايل هيبتي او ياعزي وادلالي
ديوان الكرم هليوم ضل خالي
افراشه والدلال اليوم لميهه
❥━──➸➽❥💔❥━──➸➽❥💔
اعدلي لطمت الشايل امندياره
محتار اويون هليوم خطاره
شال البلحشر نمشي ابتسياره
ضخر الشيعه من النار يحميهه
❥━──➸➽❥💔❥━──➸➽❥💔
شال المجتبى وانعازي الحره
محني حسين يمه او منكسر ضهره
مسموم الحسن والجبده متوجره
او زينب حايره او تندب بهاليهه
❥━──➸➽❥💔❥━──➸➽❥💔
الطمن حيل وانعازي الزجيه امه
على السمو جبدته او كطعو دمه
على افراش المنيه ميت ابسمه
اليوم البت رسول الله نعازيهه
❥━──➸➽❥💔❥━──➸➽❥💔
نعازيهه او نكلهه عظم الله اجرج
علمسموم مولاتي الله الايصبرج
اشكم مره انكسر يا فاطمه ضلعج
كلنه ابصوت شيعيه نواسيهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للإمام الحسن عليه السلام
=========

وين يريد .. هذا معزب الضيف
مشه مسموم وسفه والف ياحيف

=========

وين يريد شيال الكلافات
عاف الدار نايم بلمضلمات
هاذا الشايل هموم الثگالات
(ويردونه / للكلفه الوادم)

🏹🏹🏹🏹

وسفه وحيف يمعزب اليضيفون
بديوانه  يمرون  ويباتون
وخطاره  بصينيته   يشبعون
(بديوانه / والدله تلوگ)

🏹🏹🏹🏹

تلوگ الدله والگهوه وفناجين
تربات  الكرم  واهل  الدواوين
هاذا منصلصل معرب الجدين
(من جدوده / ماخذ شمراته)

🏹🏹🏹🏹

بزودك  ياشهم  يبن  الميامين
حييت الدين يربات السلاطين
ماننسه مصابك طول السنين
(ماننساه / الميت بلسم)

🏹🏹🏹🏹

مشه مسموم وبچبده نياشين
ميت  مايرحمونه  الملاعين
على نعشه السهام اتدور صوبين
(يرامونه / نعشك بسهام)

=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية
للامام الحسن المجتبى عليه السلام
....... .
زينب تون وتنادي
خويه ويروح الهادي
علحسن كلي اشسادي
.........
يحسين يبن امي اخبرني بحاله
السم يخويه جن مرد دلاله
اسمله عليه يتيتمون اطفاله
اعله الحسن خبروني
ابن امي ونور عيوني
آه يشماته الاعادي
..........
يحسين خويه گعده وتجيله
ارد انشد ابن امي واريد احجيله
منهو اللي سمه ويتم امداليله
گلبي ياخويه ملوع
واعله الاخوه متروع
ابن امي وريع افادي
............
خويه يبو محمد يروح الزهره
تتلوه يمي گلبي اشگد صبره
ياريت من عمري يصيرا بعمره
سالم ابن امي ريته
يرعه اعياله وبيته
تبجي ويخويه تنادي
......... .
شلي بعمري لو فگدت الخوان
من زعر سني رافگتني الاحزان
اهجس بگلبي خويه شبت نيران
ودمعتها غصبن تهمي
وتگله زايد همي
يبن امي كلبي شغادي
..........
السم يخويه بيك گلي شسوه
خويه على امصابك دليلي اتجوه
سالم يخويه وريت اختك فدوه
متحيره خويه بامري
دمعه اعيوني تجري
صوبوا گلب الهادي
.........
خويه اشوفنك تغير لونك
واميه خويه گامو ينگطولك
وغمضت يخويه جني اشوف اعيونك
يگلها يزينب غطيه
ومدي ايديه ورجليه
گامت تون وتنادي
........ .
لمصاب اخوه الحسن دمعة عينه
فكد الاخو يصعب او الله يعينه
تعزيه اصحابه وگاعد لتابينه
وزينب عليه مفجوعه
تعاين ايتامه بلوعه
من حده بيها الحادي
.........
يگلها يزينب الحسن غسلناه
ومن بعد غسله بحفرته واريناه
گعدنه بعزاه وبالبواجي انعيناه
لاجن يزينب يومي
يسلبون حتى اهدومي
وراسي ترفعه الاعادي
..........
راحت يسيره من بعد عزتها
ظلت اجساد اعله الترب اخوتها
رادت تظل يمها العده منعتها
زينب تون وتنادي
خويه ويروح الهادي
هليوم يحدي الحادي
..........
الحاجه ام إحسان
صرخه الأحزان ج 1
لطفاً لا تحذف اسم الشاعرة

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية عراقيه للامام الحسن ع

واسهام النعش يا خوي  ...والله وصلت ابچبدي

من نعش الحسن انشال ...والله وصلت ابچبدي
رشوه ابسهم وانبال ...والله وصلت ابچبدي
ودمه شفته لمن سال ...والله وصلت ابچبدي
واتخضب نجم سعدي


ريحني يخويه احسين ...والله وصلت ابچبدي
چم سهم الوصل لحنين ...والله وصلت ابچبدي
چنها اتعدت السبعين ...والله وصلت ابچبدي
وآنه الطم على خدي


وگلبي امن الحزن مشلوع ...والله وصلت ابچبدي
خوفي كسرت الاضلوع ...والله وصلت ابچبدي
ومدري بچم عِرگ مگطوع ...والله وصلت ابچبدي
وچم رامي اله وجندي


واسهامه تشعب الروح ...والله وصلت ابچبدي
گلبي بچم جرح مجروح ...والله وصلت ابچبدي
لا يبقى الجرح مفتوح ...والله وصلت ابچبدي
و اصرخ ما گعد جدي


ذابت مهجتي واحشاي ...والله وصلت ابچبدي
و اجروحه چثيره اهواي ...والله وصلت ابچبدي
و بعده انعمت عيناي ...والله وصلت ابچبدي
و اشعنده الدهر ضدي

الشاعرة الملاية زينب المؤيد
تمت بحمد الله تعالى
*ونسألكم الدعاء لتعجيل الظهور*
ــــ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لشهادة الحسن عليه السلام
…
احاه يانار الحسن
وسط الگلب تجويني
…
خالي امجانك يالولي
فركاك ساليني سلي
ياخويه يا ريحة علي
مكدر اشوفه خالي خويه ابعيني
…
خويه دليلي ملتهب
واعيوني مدمعها يصب
مصيوبه ابنص الگلب
يصعب افراكك خويه متحاجيني
…
افراك الولي لوعني
وعليه زايد وني
ياخويه اسمع مني
خويه فركتك يالحسن تاذيني
…
يا فركتك يبن امي
زيدت خويه همي
والدمع لاجلك يهمي
مالومه خويه اوما ابطل اونيني
…
يمه اخوتي لوعوني
بعيالهم محنوني
اوثكل الحمل شيلوني
ياريت يمه فاطمه اتعينيني

ام احسان الخاقاني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده فزاعيه رباط هوسه للامام الحسن اين علي عليه السلام 😭😭

مصابك يالحسن يعميها العيون
الك ميدان يحله.. ودك المتون

نون عليه //// المات بحسره
🧿🧿🧿🧿🧿🧿
الك.. ميدان  ياشيخ. المضايف
وسفه المنبرك. يالحسن  عايف
يابوا الزود .. يحلال .. الكلايف

يسمونه///  ياوسفه، اعداه
🧿🧿🧿🧿🧿🧿
يسمونه.. بتمر.. ياويلي.. مولانه
جعده. سمته الملعونه،  فرحانه
وحسين انتحب. ياويلي وخوانه

ياخويه  /// افراكك يكتل
🧿🧿🧿🧿🧿🧿
تكتل .. فركت. الخوان لو راحو
احزام.. الظهر جا وين  صاحو
ولتمت اخوته. وعالوجه طاحو

اكعد لينه //// يبن امي الزهره
🧿🧿🧿🧿🧿🧿
الله ايعين كلبج من... نظرتي
تقيئ  جبدته. بالطشت.. شفتي
تكتل.. ونته... من سبل.. ايديه

زينب يم عون /// شسويتي
🧿🧿🧿🧿🧿🧿
شسويتي يحره بيوم شالوه
الله أيعين كلبج يوم. دفنوه
غالي عل الاخت الاخو تدرو

يفراكه  ////يعميها اعيوني
🧿🧿🧿🧿🧿🧿
تكتل فركته ولعين، مدميه
من باب الحسن طلبي يشيعيه
اذكري مصيبته وزينب المسبيه
🧿
جفوف التطلب//// ينطيها
هذا ابن الزهره //ندك بابه
لاتنسونه ///المات بسم
عازيها /// بمصابه الزهره
🧿🧿🧿🧿🧿🧿

✍️الشاعره مريم العبوديه اسيرة الاحزان

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام الحسن عليه السلام( صوب البقيعيه )


تابوته سره صوب البقيعيه
زينب فاگده الحلوه معانيه
❥━──➸➽❥💔❥━──➸➽❥💔
زينب فاگده وأتنوح بفراگه
ومشتاگه لخوهه أهواي مشتاگه
والدمعه أبجفا عالوجن حراگه
وبفراگ السبط بت علي محنيه
❥━──➸➽❥💔❥━──➸➽❥💔
محنيه وتون عالمنفطر چبده
ويلي وسمته بنت النذل جعده
وياهه تون أعلى الولي ولده
والله أيساعده اليفگد غواليه
❥━──➸➽❥💔❥━──➸➽❥💔
مسموم الچبد يا هيبة الساده
ويمه أتنوح ويه أم عون ويلاده
راح المجتبى المو هين أفگاده
بنار الفرگه زينب حيل مچويه
❥━──➸➽❥💔❥━──➸➽❥💔
تابوته سره أعلى أچتاف خوانه
ومسدود أو حزين أو ضلمه ديوانه
والدله بچت وأنهضم فنجانه
ونايم بالتراب وما بعد جيه
❥━──➸➽❥💔❥━──➸➽❥💔
نايم بالتراب أو عايف أعياله
وحسين أعلى فگده أمدوهنه أحواله
ومن أبعيد خطار التعناله
وشاف أنوار بيته اليوم مطفيه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الخميس / ٥ من شهر صفر الحرام
الموافق / ٢٠٢٥/٧/٣١

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعية للحسن ع (مغتاضه السلاطين)
🔥



وعلمسموم     مغتاضه السلاطين

اليوم امحزم  العباس   وحسين

════════ ✥.❖.✥ ═══════

اشلون ابن الحياده اليوم مسموم

متكطعه جبدته الحسن  مضلوم

وزينب كاعده واتشوف الادموم

((   ايودعونه  // ياوسفه الحيد ))

════════ ✥.❖.✥ ═══════

اليوم حسين والعباس  يبجون

وللمسموم اخوهم حك يونون

صعب يوم الوادع وموش بلهون

((ويردونه // اليوم الضيجه ))

════════ ✥.❖.✥ ═══════

يريدونه الجبير اعله الكلافات

اشلون اتموت يمعدل حسافات

ويلتكضي الطلايب المصعبات

((ويكصد ليه  // الطاح بشده) )

════════ ✥.❖.✥ ═══════

ابن حيدر مضيفه دوم مفتوح

والعنده قضيه  البابه  ايروح

معروف الحسن ايطيب الجروح

((ودك بابه // الحاير بأمره ))

════════ ✥.❖.✥ ═══════

يكلمن حايره واهمومها اهواي

لاخو زينب تكوم وتلطم اوياي

يستاهل عراضه اليوم  مولاي

((وناخيته // الكل مهضومه ))

════════ ✥.❖.✥ ═══════

تمت

#الشاعره_زينب_المالكي


غير مبري الذمه وخصيمه العباس اليتلاعب بلقصيده ويحذف الاسم منها

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك