السيدة خوله عليه السلام 👇👇👇👇

لطميه للسيده خوله عليها السلام( يا شجعان )


يا شجعان بتكم هاي حضروهه
ماتت باليسر عدوان ضربوهه
❥━──➸➽❥💔❥━──➸➽❥💔
أشعطلكم عليهه أتريد دفانه
خوله أتعذبت وأتموت نحلانه
وهالليله الحرم تنحب أو حزنانه
《 دفانه يحسين أحضرلي 》
❥━──➸➽❥💔❥━──➸➽❥💔
أشعطلكم علينه يالنوينيه
وعدكم بالدرب متوفيه علويه
ويا عباس يا فارس الحربيه
《 يابو الغيره للطفله أگعد 》
❥━──➸➽❥💔❥━──➸➽❥💔
كون حسين متحزم يجي لينه
وبيده أيشيل نعش أبنيته والينه
ومچبوح الزمان الما رحم بينه
《 عطشانه ماتت لبنيه 》
❥━──➸➽❥💔❥━──➸➽❥💔
خوله السوط ماذيهه وتون منه
ويشتمهه الشمر يا حيف أسمعنه
أتگله الماي أريده وهوه لاچنه
《 ما ينطيهه عطشانه تون 》
❥━──➸➽❥💔❥━──➸➽❥💔
طفله والجمل ما تحمل أرچابه
ومنه طاحت ودمعتهه سچابه
ما تلحگ تصيح أعليه يا يابه
《 شوف السادي يا بويه الحگ 》
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٢٦ من شهر محرم الحرام
الموافق / ٢٠٢٥/٧/٢٢

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه لمولاتنا خوله ع
اني خوله هم اخت رقيه
اعتب عليكم واريد عزيه
//////////////////
ياشيعه لكبري ليش  متزورون
واريد بحظرتي كلكم تطوفون
ومن اشوفوكم  تفرح العيون
ليش ناسيني... وماتدرون بيه
//////////////////
من تجون افرش الكم داري
واحجيلكم على مصابي والجاري
وخلي الدمع بعيونكم ساري
بت حسين خوله... ابجوا عليه
////////////////
جينه لكربله تصارخ العيله
خوله ورقيه الدمع تسيله
والعمر خلص  ويامه قليله
شفنه بليسر اهموم واذيه
///////////////////
حركوا الخيم وركضت عمتي
وركضت الايتام وزادت علتي
بذيج الساعه تمنيت موتتي
عدوانك يابويه اخذوني سبيه
///////////////////
من ضرب السياطه مورمه المتون
ومن كثر الدمع عمت العيون
ناموا  كل هلي بيه مايدرون
فراكك يابويه ناره جويه
////////////////\/
متت بلدرب مثل رقيه
اصيحن وينكم بهلي الحميه
محد بجه  وسوالي عزيه
عيني عالدرب تجون ليه
//((/////////////////(
تمت بقلم
  خادمة الزهراء
🍃✍️ العلويه ام يوسف


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الطميه بديوان بحر الولاء الجزء ١٨


لطميه للسيده خوله عليها السلام


خوله اتريد دفانه امنهاليهه
لا واحد حضرهه او لا اجو ليهه
❥━──➸➽❥💔❥━──➸➽❥💔
اهل الخيل ما حضرو الدفنتهه
او لا جوهه ولا شالوا اجنازتهه
ابعيد الدرب ميسمعون ونتهه
بس يمهه العليل او يبجي اعليهه
❥━──➸➽❥💔❥━──➸➽❥💔
ماتت بلغرب ما تدري ولياهه
لا واحد سمع ونتهه وابجاهه
ما تحمل زغيره السوط اذاهه
بيد الشمر لازمهه او يعت بيهه
❥━──➸➽❥💔❥━──➸➽❥💔
خوله اتريد اهلهه تحضر الليله
بلكاع النعش وايريد الايشيله
ابدرب الشام ماتت ويلي انحيله
اضنه مادره العباس واليهه
❥━──➸➽❥💔❥━──➸➽❥💔
اتريد اليوم اهلهه للدفن تحضر
بس عدهه العليل او بيهه متحير
يا ضيم الهظم والشافته الخدّر
تجدد مصايبهه او بواجيهه
❥━──➸➽❥💔❥━──➸➽❥💔
متعطله الجنازه اتريد دفانه
ما يدري ابوهه النام بمجانه
ما ضل بي نفس بخيول عدوانه
وين اهل الامروه الي تواريهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعة و فزاعية (  للسيدة خولة بنت الحسين ع )


*نعي قبل القصيدة*
😭

ونت موت صارت فوگ الاهزيلة
سمعتها ام طهر والتفتت انحيلة
بأرض لبنان طاحت خوله ابستان
گالت خبر موتج عمة شيشيلة

.....

*نزلة القصيدة*
🙅‍♀️

اهلها احيود خولة    هاي الابنية
بت حسين وسفة گضت مسبية


گظت عل هزلة خولة ومادرة عنهة
ابوها الدللاهة ما سمع ونهة
تون اعليه يوم اللي مشة منهة
ومن النوگ طاحت سوده اعلية

طاحت علثرة ابستان يم غربة
مهضومة بجت عمتها الاحبيبة
الماعدهة ولي والله شكثر صعبة
تگلها شبيج عمة گعدي اشوية

اگعدي اوياي خولة نمشي للوالي
نرد اردود عمة لشوفة الغالي
اريد انصب عزة ومني الدمع هالي
والطم للبقو اجساد عارية

خولة يل حبيبة شوية سمعيني
اريد اطلب عذر منج توصيني
شگل لحسين من ينشد بعد عيني
اگلة شلون ماتت بل مهضمية

ماتت بل درب كلفة يموتتهة
زرگة من الضرب خافت امغسلتهة
توجع يل يتيمة هناك ونتهة
تهد الحيل يا ونة المسبية

اريد انصب عزة للراحن من ايدي
ياروحي مشن و بونتج زيدي
امانة شگد عليهن وصه اعضيدي
وكل يوم امن ادية تروح علوية

---------------------------------------------------
*بقلم ✍آلــشــا؏ـرة وآلمـلا رغــد آلـبــھہادليِہ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده المولاتي خوله «ع»


خولـه بالـدرب مـاتت يــوالينه
تعبها السبي بتك يبو سكيــنه

ساعه تصيح بويه وساعه ياعمي
ضاگت كـل مـرار البيـن يبن امي
شيب رمـش عيني ونته مو يمـي
عليها اني وعلـي السجـاد ونينـه

بـدروب الخطـر يـحسين مرونـه
وتتفـرج علينــه الناس خلـونــه
الطفل لو طاح مني ما يرحمونـه
بلوه العـدو خويـه حسين باليـنه

شسولفلك على الظيم الجره بيه
بنص الدرب ماتت عنـدي البنيـه
يماي العين خويـه الحگ اعليـه
عمت عين الدهر كلش گطع بينه

من گد الضرب والحـرگه ولوعـه
طلعت روحهـا بنيتك المفـجوعه
ابعلبك ادفنتها ورحت موجـوعه
اثـر دمعـات يـــم الگبـر خليـنه

اعـذرني يـبعـد الـروح يالـوالـي
اذنـي المصايـب ونـشده بـالـــي
خويه وداعـتك ماينوصف حالي
وگلبـي المنكسر بس الله اليعينه


تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان( عـج)

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لخوله ع {{ الج ونات }} .. 😭

الج ونات خوله نجر بثر ونه
واسمج كل حبايبنه يندبنه..

((ما ننساه// اسمج بالماتم))
❥❥❥ـــــــــــ✿🪶✿ــــــــــــ❥❥❥
الج ونات خلت بالگلب عله
قصة موتتج مولاتي مو سهله
ماعندج ابو ظل عاري ونگله

((ميسريها // عندك مهظومه))
❥❥❥ـــــــــــ✿🪶✿ــــــــــــ❥❥❥
ماتت من هضمهه واه يمسبيه
صدگ يحسين لو من الفراگيه
ندري الشوگ يا خذهه يالبنيه

((تحن ليها // وعيونك حيل))
❥❥❥ـــــــــــ✿🪶✿ــــــــــــ❥❥❥
تشوف الراس عدوانك يمشونه
تشوغ الروح منها واه محزونه
خوله اسمج الشيعه لو يذكرونه

(( يهلوها // دمعات العين ))
❥❥❥ـــــــــــ✿🪶✿ــــــــــــ❥❥❥
نذكرج وي رقيه ونهمل الدمعه
ونين الفاگده نونه الج ونسمعه
شگد ونيتي لحسين وكسر ضلعه

((التاريخ يگول // نهضميتي ))
❥❥❥ـــــــــــ✿🪶✿ــــــــــــ❥❥❥
شلون بزينب بساعة طبگ عينج
بضرب السوط عدوانج امأذينج
صحتي بويه اه ويمي جا وينج

(( مخليني // بيد العدوان ))
❥❥❥ـــــــــــ✿🪶✿ــــــــــــ❥❥❥
#الشاعرة الملة هاجر الزينبية
لا اجيز الحذف او التلاعب بالكلام ❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🏴لطميه للسيده خوله عليها السلام🏴
●طور::--*يالزغيرونه يالزغيرونه مات ابوج حسين*


يابعد عيني يابعد عيني
خوله بنت حسين يابعد عيني

❂❂❂❂❂❂❂❂❂❂❂❂❂❂❂

كون دم ودموع تبجي اعيوني
واعله خوله كون ينشبح لوني
بالبجي وانياح انه خلوني
اعشكت خوله اولاتلوموني

خوله عذريني...خوله عذريني
طفله المذبوح...خوله عذريني

❂❂❂❂❂❂❂❂❂❂❂❂❂❂❂

عندي ابوي حسين غالي اوغالي
دنيتي والروح هوه وامالي
طفله من زغري وانهزز حالي
عالأبو صياحي وابد ماجالي

وينك حسيني...وينك حسيني
خوله هاي انه...وينك حسيني

❂❂❂❂❂❂❂❂❂❂❂❂❂❂❂

كوم ياعمي اورايده ذخري
كوم بينه شوف واشعمل دهري
طفله يابويه اتيم ابزغري
عني رحتوا وين واحترت بمري

لاتخليني...لاتخليني
ويه ذباحك...لاتخليني

❂❂❂❂❂❂❂❂❂❂❂❂❂❂❂

حالي من زغري امتوني الطاحت
والسياط اشلون لزينب اوراحت
بويه هدمتني اختي من صاحت
احس ريح اسياط من متن فاحت

بويه ضربونه...بويه ضربونه
خوله وارقيه...بويه ضربونه

❂❂❂❂❂❂❂❂❂❂❂❂❂❂❂

تمت والحمد الله تعالى
✒️بقلم الشاعره العلويه/ بضعه الزهراء عليها السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده عن السيده خوله عليها السلام



ياخوله الغريبه
و یا اعضم طبيبه
مريضه اليوم اجيتج مولاتي
ونخيتج یا اعضم طبيبه
🤍🥀🤍
مريضه اليوم جيتج واشكيلج احوالي
عبره اباب صدري وادموعي تلالي جربتج واعرفج ما واحد حجالي
مثل الحسن وحسين بالشده تحضرین
هيبه وخوش هیبه یا اغضم طبيبه
🤍🥀🤍
هیبه وخوش هیبه وللشيعه تجيه
عليج اقسم يخوله بسكينه ورقيه
بس انتي النخيتج غيرج ما أليه
ادك بابج وانادي انطي امرادي
ياشفجه ونجيبه ويأعضم طبيبه
🤍🥀🤍
یا شفجه ونجيبه ياديوان وفادي
عن بابج ولاروح منج رايد امرادي
امشي عليج عباس واعضيدج والسجاد وحماي الحميه وزينب والزجيه والمخضوب شيبه يا أعضم طبيبه
🤍🥀🤍
امشي عليج الاحباب واعزازج يخوله اجيت بضيمي اكلج غيرج ماأكله
اذکرج دوم اذكرج ذكرج مأأمله
ما أنساج طحتي بويه حسين صحتي وحسين شيجيبه ويا أعضم طبيبه
🤍🥀🤍
بالطف عودج حسين والطف عنج ابعيد ماكال البنيه بویه اتصیح شترید
بسج لاتعتبين بیش اعتابج ایفید
نام ابين الاتراب ماضل يسمع اعتاب الزاجي حليبه يا أعضم طبيبه


بقلم الشاعره ام غصون العمارجيه
کتاب آیات الشهاده الجزء العاشر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_دموع_و_عبرة_ج2
قصيدة للسيدة رقية (العقيلة تحيرت)
❥━──➸➽❥❂❥━──➸➽❥❂
شبگت الراس وغفت
        والعقيلة تحيرت
    يا رقيه          يا رقيه
❥━──➸➽❥❂❥━──➸➽❥❂
شبگت الراس الزغيره والدمع منهه يسيل
تگله يالذبحو وريدك فطرو مني الدليل
ليش خلوني يتيمه وما الي غيرك سبيل
ردتك الحضنك تضمني تالي شو راسك اشيل
يا مصيبة انه شفت / والعقلية تحيرت
            يا رقيه             يا رقيه
❥━──➸➽❥❂❥━──➸➽❥❂
يا مصيبه ارقيه شافت راس ابوها يصب دمه
زغيره ما تحمل هظيمه على فراگه مألمه
شمته وصاحت ابوي حسين حزني لملمه
طفله ما تحمل مصابه بگت عالخد لاطمه
صوتها لمن خَفت / والعقيلة تحيرت
       يا رقيه         يا رقيه
❥━──➸➽❥❂❥━──➸➽❥❂
نادت الحره العقيلة عمه نمتي للأبد
جاوباها علي يگلها عمه ماتت ما ترد
ماتت رقيه يعمه خل نوسدها بلحد
تندفن بديار غربه خل نودعها بعد
على قصتها نحت / والعقيلة تحيرت
       يا رقيه        يا رقيه
❥━──➸➽❥❂❥━──➸➽❥❂
ناحت المهظومه زينب والدمع عالخد جره
حيريتيني يعمه وين ادفنچ يا ثره
وبالمجالس گعدونه بعيده عنه المگبره
منين اجيبلچ مغلسه تغسلچ يالطاهره
ريت وي موتچ متت / والعقيلة تحيرت
         يا رقيه     يا رقيه
❥━──➸➽❥❂❥━──➸➽❥❂
منين اجيبلچ مغسله وانه بديار الغرب
والتغسلها الغريبه عليها هاي شگد صعب
والله يمصابچ هدمني وهدم حيلي والگلب
ريتها اخذتني المنيه ولا اشوفچ عالترب
دمعي عالوجنه يكت / والعقيلة تحيرت
             يا رقيه        يا رقيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده رقيه ع وهي تنضر الئ بنات الشام مدللات ....كاني بها تتكلم مع الامام الحسين ع
❥❥❥❥ـــــــــــــ❁❁ـــــــــــــ❥❥❥❥
هنيـــــــــالهن عدهن ابو هنيالهن
يجي المغرب ينشد اعله احوالهن

اه بس انـــه سبيه
بيد گوم بلا حميه

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
هنيالهن عــدهن ابو يتفگد الهن
مدللات العايشـــات ابيت اهلهن
ماحرگ جمر الخيم بويه جدمهن

بس انه نمت بخرابه
وتلجم بذاني الترابه

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
بس انه ضلــــيت بنت بلايه والي
ولايجي يوميه ينشد عله احوالي
حالتي بعدك بگت بــس دمع هالي

مادريت بحالي بعدك
يالروحي بگت عندك

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
كلي يالهاين عليك شلــونك انته
انه اذا تسئل علـــيه المر جرعته
جروا الترجيه مني ومتت سكته

كل وجع فدوه الك
گلبي بفراگـك هلك

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
بابا من يــــوم الرحت مانمت باليل
اشتاگلك والدمعه تبگه مني اتسيل
من السبي والضرب بويه بايد الحيل

بسوطهم ورموا متني
وانته ابد ماداري عني

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
هنــــيالها العدها ولي ينشد عليها
ولو بـــجت يعيونها يسكت بجيها
بس يروحي بغير والي شلون بيها

يالرحت يمته ترد
مرمر احوالي البعد

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نوحية للسيدة رقية عليها السلام ( وي ام عون )


وي ام عون الطمي وساعديهه
ماتت بت اخوها ابين اديهه
يالوليان صاحت ... زينب مارتاحت
امصاب اهل الشيم كافي عليهه
ماتت بت اخوها ابين اديهه


فوگ امصابهم هاي المصيبه
طفله وعالنحر ماتت غريبه
گلب ام الحزن ثاجب لهيبه
ابوها اتگول مدري امنين اجيبه
لامفگود لاغايب وليهه
ماتت بت اخوها ابين اديهه


لاغايب واگول حسين غايب
مات وعافني بنص المصايب
گلبي انحيل من ضيم الخرايب
لاوليان عندي ولاحبايب
مطروحه الجنازه اشلون بيهه
ماتت بت اخوها ابين اديهه


مطروحه الجنازه اتريد تشييع
خلت بالگلب ونه ومواجيع
حار اصوابهه ايشيب المراضيع
عالهامات نتلاطم مفاجيع
تبچي وهدمت حيلي ابچيهه
ماتت بت اخوها ابين اديهه


تبچي ولاسكن ونهه ودمعهه
افراگ حسين صوبهه بضلعهه
من بعيد تشچي وماسمعهه
والذباح شتمهه ودفعهه
يشيل السوط كلساع ويجيهه
ماتت بت اخوها ابين اديهه


كلساع وضربهه بسوط حاقد
يلچم راس ابوها الشمر رايد
حيلي وحيلهه امن اليسر بايد
بالميدان حلال الشدايد
عينه امصوبه وماگام ليهه
ماتت بت اخوها ابين اديهه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

# قصيده ثقيله للسيده رقيه بنت الحسين عليه السلام

بـويه العده ضربوني: بـويه العده ضربوني
روحي الهظم گاضيهه
وعيني الدمـع عاميهه
أگعد وشوف أمتوني: بــويه الـعده ضربوني

✿────↻✿...✿↺────✿
يابويه ظل مني الگلب :: بهمومه غرگـان
ميسوره امشي وي العده ::ولگلب خلصان
ناديت. ماتفزع الي. ::: عـالت العــدوان
ميسوره. أظل تاليهه
وعيني الدمع عاميهه
ويسيل دمع اعيوني : بــويه العده ضربوني

✿────↻✿...✿↺────✿
يابويه هضموني العده :: شدو أديه
.ومـن أذني جروها التراجي أل اميه
مشيت ميسوره واهـل..دموع الرزيه
روحي الالم ظل بيهه
وعيني الدمع عاميهه
أخلافك العـده أذونـي. بويه العـده ضربوني

✿────↻✿...✿↺────✿
للشام سرنه بالغصب :: ولحاله صعبه
:نحدي وي اجناب وكفر....ولدمع أصبه
ياهو ليشاهد. حالتي :: ينـلجم گلــبه
بتك حــزن غاطيهه
وعيني الدمع عاميهه
يتيمه بغرب عفتوني. بويه العده ضربوني

✿────↻✿...✿↺────✿
ونيت بحــزان ألگلب ;;أبتالي الليل
يوم الرحت وتغربت. مابــگه اي حيل
تمنيت بويه بشيلتك. أرويحتي أنشيل
روحي بحزن تدريهه
وعيني الدمع عاميهه
من شوفتك حرموني. بويه العده ضربوني

✿────↻✿...✿↺────✿

ظليت أبجي بغربتي.. وذكر حنانك
أشلون تتركني ونه.. العشت بلسانك
اتمنه هالساعه تجي. وغفه بحضانك
شنهي الراح والـيهه
وعيني الدمع عاميهه
ومنك خابت أضنوني. بـويه العده ضربوني
✿────↻✿...✿↺────✿
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام علي المـــالكــي
لااجيز حذف الأسم
من ديوان مجالس الأتقياء في مأتم كربلاء الجزء الثاني
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعيه جنوبيه للسيده رقيه عليها السلام
🖊️


كلف يومج رقيه يرهن الحيل

ريت نروح كلنه وياج ونشيل

✦✦•━•━••━•✦🍫✦•━•━•━•✦✦

كلف يومج رقيه وحيــل ياذينه

يعمـه أشلون تــــرحين وتخلينه

وجمرات الهظم ياعمـه تجوينه

((عمه أعليج ضل ملجوم الدليل))

✦✦•━•━••━•✦🍫✦•━•━•━•✦✦

يافگـدج رقيـــــه أيذوب الــروح

مهظــوم الگلب لمصابج أينــوح

نعوفــج بالغـرب أشلـون ونروح

((محتاره يعمه أوهمي أثجيل))

✦✦•━•━••━•✦🍫✦•━•━•━•✦✦

رقيه لشوفتج ياعمه محتامــــه

مالومـه عليـج أوليلي مـانـامــه

صوبني الزمـــان اليوم بسهامــه

((ماخله ولي الحملي أيشيل))

✦✦•━•━••━•✦🍫✦•━•━•━•✦✦

صرت بعد الولي ياعمه ابحيره

بحالي مادره عـباس ابو الغيره

مشيت ميسره من ديره الديره

((أون الفراگهم لوجلجل الليل))

✦✦•━•━••━•✦🍫✦•━•━•━•✦✦

أون لفــراگهم والدمع يــجـري

خــــلاني الدهر محنيه ضـهـري

أونار أغيابهم بـحشاي تســري

(( أبهمي مادرو وهم المداليل))

✦✦•━•━••━•✦🍫✦•━•━•━•✦✦

تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام علي المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( هوسات للسيده خوله عليها السلام ))*


يمولاتي عليج يهلن عيوني
ونذگرج دوم يلگلتي اذگروني
لمتونج يخوله فدوه متوني

(( ياخوله متونج مهشومه ))

يمضلومه يبنت المات مضلوم
شگد شفتي حزن مولاتي وهموم
متنچ يلسبيه مچرح ومهشوم

(( من طگ متونج ونيتي ))

بلسوط اللعين مهشم المتنين
تمنيته يشوفج البطل بلعين
ومامگطوعه ضلت عده الجفين

(( يسحك علطگج بچدامه ))

بس معذور عمچ ماسمع بيچ
مايدري العدو بلسوط ياذيچ
ولايدري بسلاسل چتفو اييديچ

(( نايم مايدري البي غيره ))

ليش بعلبك يم الغرب متي
ونيتي وبچيتي بيش هيستي
يمولاتي يخوله شگد تعذبتي

(( ونينه لونتج مولاتي ))



*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لمولاتي رقيه عليها السلام




زينـــب والفـــــواطـــم هالمسـيـه
الله ويــاج  صــاحـن  يــا رقــيــه


رقـيه اعليـج والله مـهـدم الحــيل
رحـتي مألـمـه ودم  اذنـج  يســيل
مـاهـود ونيـــنچ  طــــول هــاليــل
جـنــتـي مـدلله  وصــرتـي سبــيـه

مـن شـفتي الطشـت دنگـتي راسچ
ذيـچ السـاعه شنوصف  احسـاسچ
شـبگتي الـرأس ونگطعت انـفـاسچ
عــلى راس الــولـي جَــتـي المـنـيه

عجيـبه اعله الأميره شلون تنضـام
خمـس اسنـين شـافــت كــل الآلام
لــوعـات الطـفـوف وســــبي لشـام 
ورزيــة كـربـــلـه  اعــظــم   رزيـــه

شـفــنـه الضـيم واهـات ومـصـايـب
بــعــد العــز  گـعـدنـه   بـالخــرايـب
هــذا  الـدهــر  راوانـــه  العجـايـــب
وگلبـــچ مــا تـحمــل  هـــل  اذيـــه 

چبيره الفـرگه وانتـي صغـير عمـرچ
يمـن بالشام صـــــار ابــعيـد گــبـرچ
مـالحـــگنـه  يـــا وسـفـــه نخـــبرچ
اشــكي حـالنــــه  الــــرب الـــبريـــه

بــدمـوع الهـظـم صـاحـــت سـكـينـه
خــذاج الــمــوت يـاخيـه مـن اديننـه
يعـــذبــنــه   غـيابـــج  يـالـحنــيـنـه
تـــضــل بگـلـوبنـــه نـــارچ  ســريــه


تمـت بـعـون الله تعالـى
✍️خادمـة الحسين "عليه السلام"
الملـه أم مـجتبـى مـن ميسـان
نسالكـم الدعـاء بتعجيل الفـرج لصاحـب الزمـان( عـج)

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  بدايتها نعي الرقيه ع

ياهو الافزعه اليوم  ليها
ونحلان مايكدر   وليها
وين اهل الشيم تلحك عليها

نزلت الفزاعيه
وين اهلج   اريدنهم  يحضرون
يعمه وياج   دفانه   يروحون
.............
احشم وين  فزعتكم  يالاحنان
رقيه  هنا  يهلها    تريد دفان
مطروح النعش مابين  عدوان
(ايشيلونه / ايريد احباب )
..............
اريدن فزعت الخوان  كلهم
ماتت  بالخرابه اليوم  بتهم
زينب حايره  ورادت فزعهم
(يحشمونه / البيه الغيره )
............
وين البيه الامروه  وحميه
يشد احزام ويشيع رقيه
بين اجناب نعش الهاشميه
(يعينونه/   الحاير بيها )
...........
ضل محتار بخته زين الاعباد
يالنحلان حيلك  واهلك ابعاد
وين اهلك يعينونك   يسجاد 
(احتارينه  / بضيم  الدنيه)
...........
كضت عالراس وتحير وليها
وزينب صارخه وتصفج بديها
وين  اهل  الشيم تفزع عليها
(يخبرونه / حسين ابته)

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم   من كتاب الجزء السادس المآسي الزينبيه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسيده رقيه عليها السلام

تهدم الحيل ونات الزغيرونه

مشتاكه وتحن لحسين وعيونه
،،،،،،،،،،،،،،،،،،،،،،،،.،،،،،،،،

تهدم الحيل نص الليل ونتها
مهظومه وتريد حسين طلبتها
بلله شلون حيره الروح هظمتها
تكول الي يشوف حسين خيعونه
؛؛؛؛؛؛؛؛؛؛؛

تلوج من الالم وتريد واليها
كون يشوف ابوها الصاير عليها
ويعالج اذنها وينشد شبيها
نكله سلبو الترجيه عدوانه
؛؛؛؛؛؛؛؛؛؛؛؛؛
يهد الحيل ونج يابعد روحي
نوحج يا رقيه زيده النوحي
جرحج يالم الدلال وجروحي
ابوج منين اجيبه وروحي محزونه
؛؛؛؛؛؛؛؛؛؛؛؛؛؛؛؛
حالج يارقيه وصاب دلالي
مهظومه وتون بعازت الوالي
من جابو الراس وشفته انه كبالي
مايحمل كلبها الطفله يدرونه
؛؛؛؛؛؛؛؛؛؛؛؛؛؛
مشتاكه لبوها يحض تريده
مكسورةالخاطر ونت. بهيده
جاها راس ابوها وشمت وريده
ماتت عالنحر بته الزغيرونه

أم زينب السعداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان ظليمة زينب الجزء_الثاني


قصيده ثگيله للسيده رقيه "ع"


{يلقليله اسنينج}

***

يلقليله اسنينج
منين اجيب احسينج
شلون اگلج يا رقيه
جسمه ظل بلغاضريه
دولباني اونينج
يلقليله اسنينج

***

ـ
ـــــــــــــــــــــــــــــــــــــــــــــــــ
يلقليله اسنينج شلون احجي وياج
حسين من غصبن تره بالحومه عافاج
ضلوعه كلها امطشره وماكدر ينساج

گلي من گرب مماته
ظمي بتي امن الشماته
كافي عوفي احنينج
يلقليله اسنينج

***

ـــــــــــــــــــــــــــــــــــــــــــــــــ
روح عمتج تنهدم لو صحتي بابا
ما يعود الظل وذر فوگ الترابه
والعده يرقيه گعدونه ابخرابه

بطلي البواچي لا يسمعوچ
وبالراس يا عمّه يلوعوچ
ودمّه يملي احضينج
يلقليله اسنينج

***

ـــــــــــــــــــــــــــــــــــ
بطلي يا عمه البواچي ولا تنوحين
لا يسمعون الاعادي صوت الونين
والطشت دلّالج ايفجعه و تموتين

يبنيتي ما بيّه اعله الهموم
امصايب هلي خلتني ما اگوم
نشفي دمعة عينج
يلقليله اسنينج


***
ـــــــــــــــــــــــــــــــــ

بعد ماتنفع بواچي بطلي النوح
حيل يهضمني ونينج يلجم الروح
شلون لو شفتي الطشت والراس مذبوح

بيج اشيضل لمن تشوفيه
وبس راس ابوج حسين تلگيه

والعده ماذينج
يلقليله سنينج

***

ــــــــــــــــــــــــــــــــــــــــــــــــــ
فوگ ضيم اليسر شفتي افراگ ابوچ
وكل اخوتج والعمام الدللوچ
گلبج احنين بهجرهم عذبوچ

والهجر محد يحمله
ايربي وسط الگلب عله
بنيتي الله يعينج
يلقليله سنينج

***

ـــــــــــــــــــــــــــــــــــــــــــــــــ
باقلام خادمات اهل البيت (عليهم السلام) ✍️✍️✍️ الشاعره رسل الابراهيمي. الشاعره والمله نورس الحلفي. الشاعره والمله رِضاب الاسدي لا نجيز له وغير مبري الذمة من يحذف اسماءنا او يتلاعب بالكلام وينسب الرثاء له او لشخص اخر، ونسألكم الدعاء لنا ولوالدينا

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لسيدتي ومولاتي رقية ( ع)

※✿❥•~•♡•~•❥✿※•~•♡•~•❥✿※

بالـخرابة الليله زينب نايحه
مـاتـت ارقـيـه اوين الفاتحه

لا حضر عمها وابوها    والگبرها يشيعوها
           بالخرابه الليله زينب نايحه

※✿❥•~•♡•~•❥✿※•~•♡•~•❥✿※

بــالـخـرابـه مـاتـت الـطـفـلـه حزينه
والـگـلـب مـجـروح من خلص ونينه
الـظـلـت ايـام وللـيـالي اتـنادي وينه
حسين ابويه الغالي شو طول علينه

الهواشم خل يجوها    والگبرها يشيعوها

        من البواچي اعيونها متقرحه
        بـالـخـرابـه الليله زينب نايحه

※✿❥•~•♡•~•❥✿※•~•♡•~•❥✿※

مـن الـبچي مـاتهده وتريده يجيها
من تشوفه رقيه تسكت من بچيها
حـسيـن دمـعـتها وعبرتها وحچيها
عَـلم مـاعـدهـا انـچـتـل مايرد ليها

شلون بالله يسكتوها    والگبرها يشيعوها

        وروحه ملهوفه ويلي امفرفحه
        بـالـخـرابـه الليله زيـنـب نايحه

※✿❥•~•♡•~•❥✿※•~•♡•~•❥✿※

تنوح ملهوفه عليه هوايه تسأل
والبنيه يـوم يوم اصبحت تذبل
عمه زينب والدي ابسفرته طول
والدمع مـن عينهه جمرات تنزل

رقيه بيش يقنعوها    والگبرها يشيعوها

        مادرت حادي ضعنها الذابحه
        بـالـخرابه الليله زينب نايحه

※✿❥•~•♡•~•❥✿※•~•♡•~•❥✿※

مــادرت راســه بـدمـاه امخضبينه
وبـالـحجـر صوبوا والـيهه ابجبينه
كسروا اضـلـوعه وبقه يجهر ونينه
انـذبح وعــالـمـخـيـم تـصــد عينه

يدري بته يروعوها     والگبرها يشيعوها

        وگلب ابوهه هالمصيبه اتجرحه
        بـالـخـرابـه الـلـيـله زينب نايحه

※✿❥•~•♡•~•❥✿※•~•♡•~•❥✿※

شبگت اعله الـراس وتعاتب بابوها
بـويــه اشـلون الـزغــيـره يسلبوها
بـلا رحـم امتوني يابويه اضربوها
سـكنه اخـتي وعمتي هم شتموها

الطفله ليش يعذبوها    والگبرها يشيعوها

        والدموع امن الفواطم سايحه
        بـالخـرابـه الليله زيـنب نايحه

※✿❥•~•♡•~•❥✿※•~•♡•~•❥✿※

تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات


                نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك