قصيده فزاعيه لانصار الحسين عليه السلام


نگلب كونها من اتصير
زينب والله حزنانه
..................................

نصار حسين احنه انصار
نفدي ارواح. للاطهار
لو زينب  تمسها  النار

نغطي الارض بدمانه
..................................

مذعورة العقيلة بخوف
مابين الخيام اتطوف
لرماح الاعادي تشوف

اسهام  تصيب عطشانه
..................................

لم عون احنه فزاعه
الخوف نلاوي اذراعه
الجيش نشيله من گاعه

ونحط خيم بمجانه
..................................

يا درة علي الكرار
جينه لكربلاء احرار
نهز الرمح والبتار

فنه اليطلع اللسانه
..................................

حبيب انه مثل عمج
همي اهون ولا همج
يا هو اللي كرب يمج

وانه واكف اهنانه
..................................
شنهي زينب شتردين
نفدي اروح لجل حسين
كلنه وياج لاتهمين

نور لباري ويانه
..................................

لعيونج نضحي اعيون
برير وعباس احنه وجون
حبكم بالكلب مدفون

دم وعايش اويانه
..................................

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للنزله ( وصلوا كربله )


وصلوا كربله ... ودگوا خيم بيهه
هله وكل الهله بزينب واهاليهه


هله وكل الهله بزينب وخوتهه
وصلوا كربله وطبوا ثنيتهه
وابو السجاد شمهه وعرف تربتهه
( عطشانه وبالدم يرويهه )


شم اترابهه ويگول عطشانه
باچر ترتوي من تشرب ادمانه
زينب سمعته ولطمت الحزنانه
( صاحت ماضل بواديهه )


صاحت لاتدگ صيوان بالوادي
اظلم يخمش الدلال وافادي
عن هاي الارض حدثكم الهادي
( لو عجت يخنگ ذاريهه )


تعج اهموم سوده وماتعج ذاري
بيهه تموت ضامي والنهر جاري
گلبي ينخمش لو جبت هالطاري
( ماريد الحومه وطاريهه )


اسم الله اعليك منهه ومن مصايبه
اذا تدري الذبح خويه بحرايبهه
المن هالحرم وياك جايبهه
( عدوانك باچر تسبيهه )


باچر ننسبي وراسك يگطعونه
عدوانك يبو السجاد ملعونه
يسحكون اليطيح ومايرحمونه
( وعيوني امصابك يعميهه )


امصابك مايخلي عيون يتلفهه
من هسه النوايب حضرت چفهه
عوف الگاع هاي ولاتوالفهه
( غداره اولهه وتاليهه )


اولهه الحزن وشلون بالتالي
باچر ينفجع حالي ودلالي
وين انروح من اتطيح يالوالي
( ماخيمه اتضل ونطب ليهه )


✍لشاعرة اهل البيت
ام غصون العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

تم نشر 400 قصيده لكل ايام محرم بالترتيب لكل يوم من ايام محرم الحرام وسوف يتم نشر اجمل القصائد اشترك بالقناة ليصلك كل ما جديد وحصري 👇👇👇👇👇
https://telegram.me/aabas78

لطمية للوداع (( هاذه حسين ))


هاذه حسين روحي امعلگه بروحه
خافن من اودعه يفزن اجروحه


روحي بروح اخوي حسين مشدوده
ياليلة وداعه امكدره وسوده
بالسبعين الف وگفوا عله احدوده
وعينه امساهره وللحرم مشبوحه
هاذه حسين روحي امعلگه بروحه


عين اعله الحرم والثانيه اعليه
يودعني ويوصيني بغواليه
خاف يروح ويعيل الشمر بيه
احلف دين مابطل بعد نوحه
هاذه حسين روحي امعلگه بروحه


انوحن طول عمري النوح ماعوفه
وحق چف الكفيل وغاليه چفوفه
ودعت الحنين اوداع ملهوفه
بعتاب وهضم وادموع مسفوحه
هاذه حسين روحي امعلگه بروحه


بدموع وهضم ضليت اودعنه
اشمن منحره وبشوگ احبنه
عن سيف الشمر چا وين اضمنه
ونبلة حرمله بالخاصره اتلوحه
هاذه حسين روحي امعلگه بروحه


باچر ينطعن بالخاصره وگلبه
وذيچ الگوم كلهه امحزمه الحربه
مصيبه امصيبته وياغربته غربه
وكل انصار ابو السجاد مذبوحه
هاذه حسين روحي امعلگه بروحه


ماكو انصار ضلت عد ابو اليمه
بس هاي المسيه ايبات بخيمه
باچر بالحوافر ينسحگ جسمه
واشوف اجنازته امگطعه ومطروحه
هاذه حسين روحي امعلگه بروحه


اعوف اجنازته مطروحه اخليهه
والعدوان مايرضون اغطيهه
اگله اشلون تنسه اختك يواليهه
وانت الخوتك بالطيب مملوحه
هاذه حسين روحي امعلگه بروحه


✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزال للعباس ع
............

يوم ابو فاضل دخلها والحرب داراها

والاعادي ابحيره ضلت والدرب سداها

..........

طبها مثل الليث غاضب والعده كراها كر

يحصد ابروس الاعادي ولايصح الهم مفر

شبل حيدر بل المعارك لا يطخ ولا خسر


ابصولت الكرار عوده بل الحرب يتباها

............

شالها ابسيفه ويكرها والاعادي اتحيرت

مايصح المفر منه والشرد عنده بخت

ابوفاضل غضب نازل بيه زينب حشمت


حيهم اتنادي العقيله والكمر حياها

.......

ركب فوك الخيل مهره وسيفه يكطع بل الركاب

الخيل فوك الخيل حطها والزلم فوك التراب

غيرت العباس هايه من سمع صوت الرباب


اتصبر ابعبدالله ابنها والكمر سمعاها

.......
غار والغيره ابوريده وطك عرك هاشم يفور

وللشريعه كصد غاضب سيفه يلعب بل النحور

صارت الجيمان كلها جل الرحه و بيده تدور

ماتشوف الدرب صارت صارمه غطاها

............

اتمركز ابشاطي الشريعه وشال بجفوفه العذب

اتحسر وهلت دمعته ولابرد منه الكلب


يانفس هوني ينادي ولا دنه ليه وشرب


وابواليمه كلبه ضامي ودمعته صباها
..........

هوني يانفسي يكلها دون ابواليمه الغريب

اشلون اضوك الماي كبله والجبد منه لهيب

لواوصل الماي ليهم لو اطيح اهناخضيب


وشال بيمينه قربته وعل المتن خلاها
........

حاوطوه الكوم ويلي وصارت اسهام ومطر

والعساكر كلها فزعت حاوطت صوب النهر

بل الغدر كطعو يمينه ولاح ياويلي القدر


ويسرته كطعوها منه وجربته بداها
....

اه لوما الغدر والله مايطيح وينثني

بلعمد صابو جبينه المايطخ وينحني

طاح ويصيح اعله اخيه ايريده يمه يعتني


ادركني خويه حسين روحي والاجل يدناها

........

اجه ليه حسين حاير والمدامع هامله

شاف اخيه امكطعينه الكله غيره ومرجله

رحت يحزامي وعضيدي الموت بعيونك حله

منكسر ضهره اعله اخيه وخيمته هداها

.............
ام عمار العيساويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

((فزاعيه مع هوسه لمولاتي العليله))
..........................................
ظلمه الدار ضلت عگب اهالیهه
بس فاطم توّن اوحيل مابيهه
..........................

ظلمه دورهم من ابعدوا عنهه
شالوا كل اهلهه وضلت ابونهه
عافوها العليله والبچي فنهه
(وابنيه الكم يلعفتوها)
ظلمه الدار ضلت عگب اهالیهه
................
تهد الحيل بتهم يوم عافوها
ركبوا بلضعن والكبرى خلوها
گوه اعلی الاهل یوم الی ودعوها
(و حسین اعلیهه اتهل عینه)
.......................
ودعوها الاهل والضعن عنها سار
عافوها العليله والگلب محتار
دخلت دورهم ظلمه ومچدره الدار
(عميه ولاشوفن ديرانه)
................

راحوا كل هلي وبلدار عافوني
ابچّي الوحدّي مرعوبه خلوني
مريضه انه وعليله ماتباروني
(ياريت اوياكم شلتوني)
...........................
رحتوا ياهلي ريت الله يرعاكم
ماادري مشيتوا اووين منواكم
حتى الطفل يهلي راح وياكم
(بس آنه الوحدي امخليني)

........................................
تمت بعون الله //
✍الشاعره صديقه الهلالي//
الشفاعة مولاتي يافاطمه//
..........................................

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصرياً_من_ديوان_قربان_الطف_ج٧
قصيدة لحضور الزهراء في المجالس(تعنت فاطمة)
❥━──➸➽❥❂❥━──➸➽❥❂
نعم أيتها الموالية لاشك أن روح فاطمة ترفرف على رأسكِ في هذا المجلس لأنها تحضر في كلِ مجلس يذكر بهِ اسم ولدها الحُسين فلنساعدها ونواسيها في هذا المصاب:

تعنت فاطمة للمجلس اليوم
تلطم عالضلع والگلب مالوم
تنادي يمه يحسين ... وتهل دمعة العين
تعنت فاطمة للمجلس اليوم
❥━──➸➽❥❂❥━──➸➽❥❂
تعنت والگلب خلصان ياناس
تلطم عالضلوع وتلطم الراس
ساعه احسين تصرخ ساعه عباس
آ يمصيبه تخنگ حتى الانفاس
مصيبه ماجرت هاي … نوحو اتگول وياي
تعنت فاطمه للمجلس اليوم
❥━──➸➽❥❂❥━──➸➽❥❂
نوحو عالحسين وونو وياي
ابني يل مصابه فتت احشاي
گطعو منحره وماشارب الماي
ضامي ذابحينه نور عيناي
اريد اليوم الاحباب … عينوني اعله المصاب
تعنت فاطمه للمجلس اليوم
❥━──➸➽❥❂❥━──➸➽❥❂
اجيت لمجلسه واگعدت بالباب
واصيحن ساعدوني بهذا المصاب
آياشيعه گلبي من الحزن ذاب
عله النامو يويلي ابحر التراب
عليهم يحله هالنوح … اون وگلبي مجروح
تعنت فاطمه للمجلس اليوم
❥━──➸➽❥❂❥━──➸➽❥❂
مجروح الگلب ويريد عونه
عالسحگوه وداسوهن متونه
ومن حر الشمس مگلوب لونه
كفار العده وما يرحمونه
حضرته ورحت للطف ... ودمع العين ماجف
تعنت فاطمه للمجلس اليوم
❥━──➸➽❥❂❥━──➸➽❥❂
يشيعه ابني انذبح عشطان ويلاه
بعالي الصوت صيحو وآ حسيناه
مصابك يا عزيزي شلون انساه
بكل عاشر اذكره بحسره وابآه
لا تنسون ابني ... ونوله اويه وني
تعنت فاطمه للمجلس اليوم
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للنزله (( خايفه اعله اخوانهه ))


اليوم زينب ... خايفه اعله اخوانهه
من مصايب كربله وميدانهه


اليوم زينب خايفه ومهضومه
من مصايب كربله والحومه
گوم ردني اتصيح ياجيدومه
كلهن التمن عليهه احزانهه
اليوم زينب ... خايفه اعله اخوانهه


الحزن ملتم عليهه والهضم
واستعدت للمناحه واللطم
يامصاب امصابهه يحني العظم
من هجم بيت الزمان الخانهه
اليوم زينب ... خايفه اعله اخوانهه


من هجم بيت الزمان البيهه دار
جاب زينب للمصايب والمرار
ياكفيلي اتصيح ماريد اعتذار
گوم رجع هالحرم لوطانهه
اليوم زينب ... خايفه اعله اخوانهه


گوم رجع هالحرم لنزولهه
ياكفيلي وياكفيل احمولهه
بالحرب صيوان لاتبنولهه
خاف باچر يحترگ صيوانهه
اليوم زينب ... خايفه اعله اخوانهه


مايضل صيوان باچر لاخيم
گوم رجعنه يشيال العلم
حلوه عينك خاف يمردهه السهم
يابعد عين اختك وذرعانهه
اليوم زينب ... خايفه اعله اخوانهه


يابعد عيني وبعد هاي الچفوف
ليش جبتوني واجيتو للطفوف
ضيم وافراگ ويسر چني اشوف
اشلون بالنسوان ياريسانهه
اليوم زينب ... خايفه اعله اخوانهه


اشلون بالنسوان من تگضي الحرب
يانويه اتروح تلزم يادرب
خويه خويه وحالهن باچر صعب
من يعوفن جثتك بمچانهه
اليوم زينب ... خايفه اعله اخوانهه


✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده سريعه زينب(( ع)) تبحث عن ابو الفضل  ((ع))



*جيت ادور المشرعه وين الغيور*
*والدمع  بعيوني  يالكافل  يفور*



خيمنه وجوهه يبو فاضل بنار
والطفو حرك  عباتي  والشرار
وعكبك العسكر علي ياخويه دار
عليك خويه ايلوك يالطم الصدور


تيهت خويه الدرب واعثر  واكوم
على الجثث ضليت يالكافل احوم
الكيت جسمك سايله منه الدموم
يبن ابوي  وخيلهم  يمك  تدور


خويه  دخان  الخيم  عاميني
اجيتك اركض ما اشوف ابعيني
تيهت خويه  الدرب حاجيني
اكعد اتلكاني ياراعي الخدور


خويه من وصليت نهر  العلكمي
وضهري من كثر المصايب منحني
الكيت راسك منجسم يالضيغمي
وراسك امعلك يخويه ويه النحور


هذا جوده  والعلم  وين  الزنود
وين سيف الهاشمي وين الوعود
اكعد وشوف الحرم بيمن تلوذ
عليهه صوبين العده كامت تدور


خويه انضر للخيم شوف البنات
اليله وحشه وكلي اويامن نبات
وبالصحاري اطفالكم صارت شتات
وكلبي اليله خلص ذاك الصبور



لخادمة الحسين ع العلويه ام اياد
لايجوز حذف الاسم اهدي ثولبها الى شرف النبي محمد وال محمد والى روح والدي سيد قاسم ابن سيد عطوان قربة الى الله تعالى

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للنزله (من امس لليوم)


من امس لليوم تهمل دمعتي
للهضم والضيم جابوني اخوتي


من امس لليوم عيني هامله
گلبي يتراجف وصلت الكربله
بين خواني عزيزه امدلله
والبطل عباس گال بعهدتي
من امس لليوم تهمل دمعتي


گال اجيتي اوياي وانتي بشاربي
شحده لخيامچ يطب الاجنبي
انه اخوچ الهاشمي والطالبي
ونزلاني وگام يبني بخيمتي
من امس لليوم تهمل دمعتي


نزلاني وگام يبني بالخيم
وگال لاتبچين شيال العلم
وانه من هسه تراوالي السهم
خايفه اعله عيون عزي وهيبتي
من امس لليوم تهمل دمعتي


خايفه اعله عيون عزي وكافلي
بالسهم تنصاب واحنه ننولي
گتله اريد انخاك گال ادللي
گتله ردني ابساع وارحم حالتي
من امس لليوم تهمل دمعتي


ردني ياعباس بيدك للنزل
گوم گوم بساع ماطولك عدل
مايضل صيوان باچر لاشمل
هاذه الفراگ وعذابي ولوعتي
من امس لليوم تهمل دمعتي


هاذه الفراگ وعذابي اتلملن
نزلن بوادي الطفوف وغيمن
والسيوف اعله الغريب اتحزمن
كون گبله السيف يگطع رگبتي
من امس لليوم تهمل دمعتي


كون ينگص منحري ولامنحره
لااضل بدار غربه اميسره
من سمعهه اغتاض سبع الگنطره
وگال لفديچ بيميني وهامتي
من امس لليوم تهمل دمعتي



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٧
قصيدة للمسير إلى كربلاء(رايحين)
❥━──➸➽❥❂❥━──➸➽❥❂
رايحين / وجيت اودعكم يجدي
رايحين / والدمع يجري اعله خدي
گاصدين لكربله … تمشي كل العايله
         رايحين / رايحين
❥━──➸➽❥❂❥━──➸➽❥❂
راح نمشي الكربله شديت الاضعون
وجيت اودعنك وصبت هاي العيون
خذت كل العايله والگلب محزون
هناك ادري الگوم بيه هم يغدرون
رايح ومابعد ارد ... هناك بالطف انفگد
         رايحين / رايحين
❥━──➸➽❥❂❥━──➸➽❥❂
عفت دار اهلي وتعنيت ارض الاطفوف
وبگلب زينب احسه بين الخوف
خايف اعلي والهضيمه باچر اتشوف
بجسمي چم طعنه تجي من ضرب الاسيوف
وزلمي كلها اعله الثره ... وهيه تبقه حايره
         رايحين / رايحين
❥━──➸➽❥❂❥━──➸➽❥❂
آه يا دار الاهل رحت وعفتهه
وبتي الطفله العليلة فارگتهه
تعاين اعله الدرب مالومه اتركتهه
ودعت گبرك ودمعاتي اهملتهه
وزرت امي فاطمه ... ودمعي ينزل من دمه
         رايحين / رايحين
❥━──➸➽❥❂❥━──➸➽❥❂
بحسرتي ناديت يمه يازچيه
اوداعة الله ودمعتي عالخد جريه
حملت وامشيت لارض الغاضريه
هناك راح تحل عله راسي الرزيه
تسلب اثيابي العده ... وابگه جثه امدده
         رايحين / رايحين
❥━──➸➽❥❂❥━──➸➽❥❂
ورحت يم گبر الحسن جريت وني
گتله يا خويه النوايب تعبني
عدل ريت تزيل كل احزاني مني
هاي زينب نادتك خويه اسمعني
صاحت بحسره وألم ... امودعينك يا شهم
         رايحين / رايحين
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#النعي_بديوان_بحر_الولاء_الجزء_٢٧_.


نعي للعليله عليها السلام


يا دار وين اهلي مشو وين
بضعونهم شالو الطيبين
عمامي وهلي وعباس وحسين
❥━──➸➽❥💔❥━──➸➽❥💔
يا دار وين الدللوني
شالو بليل وضيعوني
بفراكهم والله عموني
❥━──➸➽❥💔❥━──➸➽❥💔
تكتل يفركتهم ثجيله
ما كالو اتلوج العليله
خلوا ابنيتهم نحيله
❥━──➸➽❥💔❥━──➸➽❥💔
اشوفن مكان حسين خالي
بلبيت طوله ايتراوالي
راعي الكرم ما ريضالي
❥━──➸➽❥💔❥━──➸➽❥💔
راعي الكرم شال ونساني
عليه هظم ما كال تاني
امصابك يبو اليمه عماني
❥━──➸➽❥💔❥━──➸➽❥💔
انشد عليهم وين يا دار
حسين ابوي ابعيلته سار
حمل وياه ازغار واكبار
❥━──➸➽❥💔❥━──➸➽❥💔
ضلت عليلتهم وحيده
لفراكهم كلبي اشيهيده
عافوني وطرو البيده
❥━──➸➽❥💔❥━──➸➽❥💔
يا دار وين اهل الامروه
وياهم فركني البين كوه
وابدارهم كلبي يتلوه
❥━──➸➽❥💔❥━──➸➽❥💔
لغروب توحشني المباني
خالي مجان الدللاني
حسين ابوي الفاركاني
❥━──➸➽❥💔❥━──➸➽❥💔
يا دارهم وحشه عليه
تعنو هلي للغاضريه
واعدني عباس الشفيه
ايوديه الي حامي الحميه
وانه أكربت مني المنيه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسيدة فاطمة العليلة عليها السلام
***
اعاتبكم ودمع العين سچاب
رضيتو اشلون بالفرگه يالاحباب
اعاتبكم يمن رحتو ومشيتو
وبحال العليله ما دريتو
بعدكم ما حله عيشي ولا طاب
رضيتوا شلون بالفرگه يالاحباب
**
سؤال وبالي كل لحظه يعيده
شغل فكري وجوابه اليوم اريده
ٱنه شسويت عفتوني وحيده
شنو ذنبي واظل عنكم بعيده
فرگتكم هلي تصعب عليه
وٱنه زغبره ولا احمل اذيه
اسألكم واريد اليوم الجواب
رضيتوا شلون بالفرگه يالاحباب
****
ثگيل فراگم ماليه حيله
عفتوني ولا چني العليله
ويله من الهجر دلالي ويله
وحسراتي ولا تخلص طويله
عليله الروح بغياب التحبهم
تريد تروح ما تندل دربهم
اظل امناطره وعيني عله الباب
رضيتوا شلون بالفرگه يالاحباب
**
بت حسين آنه وضايع دلالي
وحالي بالبعد ون اعله حالي
حلالي النوح بالفرگه حلالي
وحشه خلافكم يهلي الليالي
ادور وينكم يهل الحميه
ولا واحد سمعني ورد عليه
الهجر مو من عوايدكم يالاطياب
رضيتو شلون بالفرگه يالاحباب
***
اعاتبكم يمن كل روحي بيكم
واتمنه لون هالساعه اجيكم
المريض ايطيب لمن يعتنيكم
عليله يا هلي مدولي اديكم
تطيب الروح لو رديتوا الهه
يهنبال التعيش ابين اهلهه
هنياله البشم من عدكم تراب
رضيتو شلون بالفرگه يالاحباب
***
يمرني الليل جاببلي صوركم
ولو مرني الهوه اشتم عطركم
احبكم يا هلي والله احبكم
واعاتب بلكت اعتابي وصلكم
روحي معلگه وتدرون بيهه
عجببه ما وصل يمكم بچيهه
ظلمه سنين صارت والعمر ذاب
رضيتو شلون بالفرگه يالاحباب
*****
احس بالكون مختل كل نظامه
نجم ما يضوي بيهه ولا علامه
بعدكم دهري صوبني بسهامه
ولا راحه تصح لي ولا سلامه
ليل نهار ما يبرد غليلي
من راحوا هلي هدولي حيلي
اخافن لو طحت تفزعلي الاجناب
رضيتو شلون بالفرگه يالاحباب
**
الشاعرة نسيم كربلاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لثاني يوم عاشوراء


كاني بمولاتنا زينب ع. تخاطب شهر الحرام. وكأني بها تقول…..

🧿🧿🧿🧿🧿🧿
نعي.
شماله الشهر مسرع يالخوان
چنه اليوم ثاني من شهر الاحزان
اعاين للنشامه حضرت الاجفان

النزلة …..

.مسرع ليش. ياشهر اليونون
ريض للنشامه ولليعلون

🧿🧿🧿🧿🧿🧿🧿🧿

مسرع ليش ياشهر الاذيه
بايامك ولك تركض عليه
خوال ابني راحت من اديه
((عله النبيه//شمالك مسرع))

🧿🧿🧿🧿🧿🧿🧿🧿.


ثاني اليوم وانه معذبه احوالي
وين انطي الوجه لوغرب الوالي
وانه امخدره والفخر يحلالي
((وبت الهيبه//علويه انه))

🧿🧿🧿🧿🧿🧿🧿🧿

انه الهاشميه ياشهر تدري
بخواني ولك ليش كسرت ظهري
خلي اخوان گلبي وهاك اخذ عمري

((لاتدناها//ارجال العز))

🧿🧿🧿🧿🧿🧿🧿🧿

ياشهر الحزن والنوح تاذيني
اشمن بيك ريحة موت حاجيني
لتگلي بولينه راح تچويني
((تاذيني//بسباع الملعب))

🧿🧿🧿🧿🧿🧿🧿🧿

جنها اتگربت والخيل منتظرته
حتى ادوس صدر المدلل الزهره
هجم بيت الگلب ياناس ياصبره
((ونشوفه//حسين يعالج))


🧿🧿🧿🧿🧿🧿🧿🧿
تمت بعون الله وتوفيقه


✍️ام ذو الفقار إسراء اللامي

غير مبري الذمه من يجرد اسمي او يتلاعب بالقصيدة او ينسب الكلام له.

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه للعباس ع
****
يبو الكلفات كوم لزينب بساع
غريبه بكربله وتريد فزاع
****
طلعت بليل خويه دوريتك
نايم عالشريعه من لكيتك
صحت عباس مهضومه اجيتك
اختك بالطف اتولوهه
يخويه مو وكتهه نومة الكاع
يبو الكلفات كوم لزينب بساع
**
آنه بعازتك لتكول مدري
واريدن فزعته لكفال خدري
اموذر عالتراب دمومه تجري
يالهيبه يالكلك غيره
شلون تعوفني ها يبن الاسباع
يبو الكلفات كوم لزينب بساع
***
يبن حامي الدخيل شلون بلوه
أنه بعازة يمينك يابو المروه
احلفنك يخويه بداعة الخوه
انهض لتخليني بحيره
من طاح العلم خويه البخت ضاع
يبو الكلفات كوم لزينب بساع
***
حرمه ابلا ولي انطي الوجه وين
ابو فاضل كطيعه جفوفه الاثنين
وبسهم الغدر طفوهه للعين
بعامود الهامه يطروهه
خربوهه لمعاني حلو الاطباع
يبو الكلفات كوم لزينب بساع
***
هضموني يخويه وجيت احاجيك
تصب دمعات عيني واعتب إعليك
كتلتني الشماته وين ألاكيك
من صاحو زينب طلعوهه
لسومك بالعمر لو عمري ينباع
يبو الكلفات كوم لزينب بساع
****
حركوهه الخيم خويه عليه
بحبال السبي شدوهه اديه
راس حسين فوك السمهريه
عطشان الوالي يذبحونه
ياكلبي شبعد تتحمل اوجاع
يبو الكلفات كوم لزينب بساع
****
حجيت وياك بس مذهولة الراي
عتبي اعليك وادري بيك وفاي
مو بيدي الكلب للخوه عناي
فلت والخوه اكضيناهه
اعوفنك غصب هذا آخر اوداع
يبو الكلفات كوم لزينب بساع
****
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للعليلة عليها السلام


ياهو اليگلهه اشلونچ اليوم
عين المريضه ماخذت نوم
ضعف حيلهه ولاتگدر اتگوم


تتوچه عالحيطان وتطيح
مثل السعف لو مال بالريح
چا وين حمل والدي اتصيح


چا وين حمل والدي اتگول
مدري عدل لو طاح مچتول
ماچنت اضن اغيابه ايطول


ماچنت اضن يغيب عني
بس انه ابوي اعتذر مني
وي الفواطم مااخذني


بالضعن كلهن صعداهن
وخلاني اتنوع وراهن
چا شو نساني ومانساهن


بس انه ابو اليمه نساني
من المرض وافراگه اعاني
لاوده طارش لااجاني


لاوده طارش لارجعلي
للبيت اصد والبيت يخلي
بسچ عتب محد يگلي


محد يگلي اشلون صرتي
وعيوني غرگانه بدمعتي
چا وينهه امي اوينهه اختي


اليوم اريد امي وخواتي
مريضه ويغطني بعباتي
اخلافهن شنهي حياتي


شنهي الحياة ولاردتهه
اشلون الحنينه اتعوف بتهه
حگي عليهه وعاتبتهه



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات الى شجاعة ابو فاضل ((ع))




شبيهه المشرعه ياهو النزل بيهه
عجت بالتراب و وكف  جاريهه
تغير لونهه وتمطر  دمه  عليهه 
والكافل طلع بالجود والرايه امعليهه

((هوس بيهه عباس الطف ))


هوس بالطفوف وصاح خويه حسين
انه احزام  ضهرك  وانته  تدري  زين
بس ارخصني وانه امحيهه الك صوبين

((بزينب حالف  ماطخ هامه ))



حالف ما اطخ الراس عدي الكنطره عنوان
ومن حيدر علي لوصيح اسويهه الزلم نسون
وسيفي بالركاب ايميل يثرم ثرم بالجيمان
خلاهه الزلم والخيل تترادم كمر عدنان

((ايسولف بيه الطف تذكار ))


اخلي ابكربله تذكار  ماينسه  هذا اليوم
وزينب كالهه شوفيه خويه تباهي بيه ام عون
اجيب المشرعه وياي ومنهه كلكم تشربون
خادم الج يازينب وللخوه اضل ممنون 

((واتباهي اليوم انتي ابزودي ))


وحك عصابتج زينب وحك حسين والرايه
للخوه ابيع اجفوف وانه امواعد  بهايه
ماخلي الخدر ينداس احط بحدودنه ثايه
بس اجفوفي اذا طاحن خويه اعتذر من هايه
((زينب امني احدودج  مامونه ))



لخادمة الحسين ع العلويه ام اياد لايجوز حذف الاسم اهدي ثولبها الى شرف النبي محمد وال محمد والى روح والدي سيد قاسم ابن سيد عطوان قربة الى الله تعالى

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك