لطمية للنزله (( لاتبنيهه ))


لاتبنيهه     ...     لاتبنيهه
هاي اخيامك ماطب ليهه


لاتبني اخيامك نزلهه     هاي اخيامك بيهه الموت
من عدهن يتراجف گلبي     شو خايف گلبي ومبهوت
والتموا عدوانك كلهم     الهم ضجه ورنه وصوت
بالك يبن امي اتجاورهم     خل نرجع عنهم بسكوت
عوف الحومه وشلك بيهه ... هاي اخيامك ماطب ليهه


للحومه شعندك متعني     وجبت اعضيدك للميدان
چا ليش امجاور عدوانك     راسك يردونه العدوان
لاتنصب خيمه ولاچادر     لاتبني ادخيلك صيوان
گلبي يگلي اوداعك باچر
مظلوم تموت وعطشان
واعيالك وين تخليهه ... هاي اخيامك ماطب ليهه


باصرني شويه وحاچيني     يبن امي ويابعد الروح
اطفالك وين تخليهه     باچر من توگع مذبوح
كل هاي اخيامك تتحرك     بمتوني اشچم سوط ايلوح
ماضل حيل اتهدم حيلي     واتوجع گلبي المجروح
اجروحي اهواي وشيداويهه ... هاي اخيامك ماطب ليهه


اجروحك واجروحي اهوايه     لاواحد لاهنه اثنين
اتوجع واتلوع منهن     لو شفتك حاير يحسين
واجموع اعداكم ماتنعد     وانتم مابيكم تسعين
نصهم عروضلك بالسچه     ونصهم عالشط ملتمين
ماندري الگوم شتاليهه ... هاي اخيامك ماطب ليهه


ماندري الگوم شغايتهم      من عندك مدري شيردون
ودولك خط وجيت الهم     چا تالي اشلون ينكرون
ثاريهم جابوك بحيله      مابيهم واحد مامون
باچر يبن امي يذبحونك     واعليك بخيل يسحگون
وعيوني امصابك يعميهه ... هاي اخيامك ماطب ليهه



لشاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#

قصيده بحق مولاتي السيده فاطمه العليله

ما ينحمل فرگاهم ،، ياروحي موتي اوياهم
الـــــمن باقــــــيه چا ما تموتيـــن
حسين وكل هلچ بالطف مطاعين
ياروحي

/////////////


يا روحـي المشـو عن عينـچ اعزاز
مــوتي اولا تضــلين
اليغيب حسين عنه سنينه شتفيد
مره اتصــير السنين
عمر وبلايه ابوي اعتــبره خلصان
وانتي بحالي تدرين
ابچي اعله الجفاني اشما تملكين
مـن ادمـــوع ياعين

حسين الاخذ آمالي ،، بس هوه عندي الغالي
وانتي ابهالأمر ياروحي تدرين
المـن باقــــيه چا ما تموتيـــــن
ياروحي

//////////////

بقيت اتبــع أثرهـــــم حـد الاغروب
خفـت واليل چلـــچل
اديرن وجهـي المــن والوكت خوف
زغيــره ومعرف الحل
صـــــعبه الدنيا صـــارت كلها وياي
بعد يا شــــــده تسهل
الگمر فارگني مو بس والدي الراح
وجسمي اعليهم انحل

وشل دمعها اعيوني ،، الراحو دمه يبچوني
راحو كل هلي وماضلي امعين
المن باقـــــــــيه چا ما تموتين
ياروحي

///////////////


شــد ضعن ارحيل وســـافر ابعـيد
ابوي وعــــــذباني
اخــذ كل الاهل حـتى النســــاوين
اوياهم ما خذاني
بقيت ادعــي يلاهي تعجل الموت
عگــب الفــارگاني
كحل اعيوني ابوي ابشوفته ارتاح
وحارب بي زماني

بس يمه تنسر عيني ،، راح الذي يسليني
نحيله وضاله بس تهمل العين
المن باقـــــيه چا ما تموتـــين
ياروحي

///////////////

كل لحضه التمر بيه اشتهي الموت
من تعرض صورهم
هلي وعـزاز عنــــدي ازغـار واكبار
فدوه آني الذكرهم
بچيــت اشـگد بچيت وما يردون
اويا دمعه التردهم
اتبـــعي آثار ضــعن الاهل ياروح
وموتي اويالنحبهم

صح الدروب ابعيده ،، بس روحي ابوي اتريده
ماريد العمر من بعد الحسين
المن باقــــيه چا ما تموتيـــن
ياروحي

//////////////

الچ گالوا نرد مـن بعد الاغياب
بقيت اشگد اســائل
لا الأكبــر أجه ولاجـاني عباس
يطمنوني ابرســائل
غير الدمع والحسـرات والنوح
ما امــــــلك وسائل
يهيد شلون ها ياروحي وينام
العنه اگليببه شـايل

حسرات يخلص ليلي،، وكل لحظه ينهد حيلي
وراهم عدله گولي شگد تضلين
المـــن باقــــيه چا ما موتيــــن
ياروحي

////////////////

تم بعون الله تعالى
بقلم خدمة اهل البيت ع
الشاعره ام زين اللامي
والشاعر ضياء الكناني
نســالـكم الـدعـاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه للعليله

اعزاز كلبي حملو.  بالديران عافوني
ضليت تجري عيوني

عافونه ليش بعلتي
مهظومه واجذب حسرتي
يانار كلبي ولوعتي
صارت صدك تركوني

صارت صدك يحبابنه
محد يدكه لبابنه
بس الحزن بأعتابنه
ماچنكم تردولي

ماچنكم تعودون ابد
انطوني للجيه وعد
مو كلبي من هسه انمرد
يهل الشيم حاچوني

لا يمي ام ولا اخت
ياهو العليه يلتفت
ويردهم عليه البخت
الدمع دم بعيوني

ياروحي صبري عالجره
كلساع اكلها محسره
بس الكلب شيصبره
وانخطف مني لوني

من راحو اللون انخطف
ماضلي بالدنيه عرف
رايح يبو حجي الترف
فدوه هلي ردولي.

ام زينب السعداوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للامام الحسين ع
__

ماعدنه زلم وتشيل ابواليمه
مذبوح وعليه الخيل ملتمه
_

مذبوح الغريب ومنگطع نحره
وملعون الشمر گاعد على صدره
ماعنده اهل وتشيعه لگبره
بس عباس اخييه غارگ بدمه
___

كون اخوان عنده تكوم وتشيله
عمامه والاهل تحضر لتغسيله
عكب عباس جا منهو اليتچيله
عالشاطي وگع ومحرگه اخيمه
____

نايم عالنهر ومگطعه زنوده
وضلت جثته يحسين ممدوده
ينهضله ويجيله شلون ابن عوده
يتچيله لان ماذي الگلب سهمه
_

يتعنه ويشيله من على التربان
بدمع عينه يبلل منحر العطشان
تره لهذا الوكت مريوده الاخوان
يحسين لحريمك مابقى زلمه
____

يحسين لخواتك مابقى والي
عگب عباس هذا الشمر يبرالي
يتجسر عليه ويضرب اعيالي
كفر وكلوبهم ماتعرف الرحمه

_
هذه القصيده ضمن ديوان قارورة المصائب الجزء الثاني لشاعرة اهل البيت نورس الحلفي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_أقل_الوفاء_في_مصائب_كربلاء_الجزء_٢٠_.


لطميه للعباس عليه السلام


يهز الكون طاريك يعباس
انته الي تجيس اشلون تنجاس
❥━──➸➽❥💔❥━──➸➽❥💔
اسد تتجادح عيونه
لو يبرز يعرفونه
يلوچ السيف بسنونه
شجاع او بلحرب صيته مينقاس
❥━──➸➽❥💔❥━──➸➽❥💔
يهز الكون اخو زينب
لو طب للحرب يغضب
يخلي النار بيهه اتشب
خلاهه الزلم بلخيل تنداس
❥━──➸➽❥💔❥━──➸➽❥💔
خلاهم جثث نومه
يوم الصال بلحومه
يشهد للبطل يومه
حره الجابته بي رفعت الراس
❥━──➸➽❥💔❥━──➸➽❥💔
بيده السيف يحلاله
فنه البارز اكباله
ما جابت مره امثاله
حيد او ماتهمه اجيوش الارجاس
❥━──➸➽❥💔❥━──➸➽❥💔
فنه الكابله فنه
شافو واشردو منه
هز الكون الامجنه
زرع بكلوب عدوانه الوهواس
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للقاسم ابن الحسن عليهما السلام (( عريس بعدك يبني ))


عريس بعدك يبني     واهدوم عرسك ذني
بالچفن ليش امحزم     تدري الچفن يفجعني


تدري الچفن يفجعني      الچفن ليش اتلبسه
ماشفت مثلك عريس      مذبوح ليلة عرسه
گلبي انمرد يوليدي      وگلبي انفطر من هسه
كلساع عمك ينخاك     كلساع يضعف حسه
ماتگعد اتشيل الهم     عن الفريب وعني


ماتگعد اتشيل الهم     عن گلبي وعن گلبه
ماتنوصف بغيابك     حالتنه كلش صعبه
هاك الدمع يوليدي      ماعدنه ماي اتشربه
ماتنحسب طعناتك     وبراسك چم ضربه
متحني موش بحناك     بدماك شو متحني


بدم الجروح امحنه     عفت الشموع وحناك
ماريد روحي اخلافك     خليني اموتن وياك
صوب دليلي وحيلي     سهم المنيه وفرگاك
انته العزيز وغالي     واشلون چا گلي انساك
بعد وبعد يسبيني      امصابك ويهضمني


بعد وبعد تچويني     نار الهجر واغيابك
عريس عمك وداك     غرگان بالدم جابك
ياهو اليگوم ايزفك     كلهم ضحايه اصحابك
والبين واگف وگفه     والموت لازم بابك
لافرح لاهلهوله     لملمت حزني اوني



ملتهيه بالنوح اليوم     لافرح لاهلهوله
للحسن روحوا ناديت      ابنك وگع گلوله
طبروا جبينك نصين      عدوان عمك ذوله
چنك غصن تتمايل      مابيك خله ولوله
ماحسبت هيچ اتنام     وتضيع بالطف مني


ماحسبت هيج اتنام     يالموش الك هالنومه
تنشد عليك وتبچي      بت عمك المهضومه
اشلون اگلهه امطبر     وامخربات ارسومه
مو بالخيم عرسك صار     صار العرس بالحومه
كون الگبر ماضماك     الگبر كون يضمني



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح لمولانا ابا الفضل العباس (ع)


ارتجت اليوم الارض بركانها
من ابـو فاضل دخل ميدانها
ــــــــــــــــــــــــــــــــــــ
من برز عباس ساحات الحرب
خــله بگلوب الـعده هم ورعب
مــن ابو فاضل ولا واحد گرب
الحــومه زلزلها وذبح شجعانها
ــــــــــــــــــــــــــــــــــــ
الحــومه زلــزلها وگلبها بيمنته
وزينب اباب الخيم من شافته
كفـو منك يابـو الغيره نادتــــه
مــن سمعها المهره جـر اعنانها
ــــــــــــــــــــــــــــــــــــ
يجــر بعنان الكحيله مـن بـرز
تـوسط الميدان وبنــصه ركــز
ناده انه العباس وبسيفه ارتجز
وضلمه صارت كـربله بتربانها
ــــــــــــــــــــــــــــــــــــ
دخن العباس مـن شال العلــــم
بسيفه گام ايجول ورعبها الزلم
مثل حيدر بالحرب هذا الشهــم
داس روس ألكفره گص ذرعانها
، ــــــــــــــــــــــــــــــــــــ
داس روس ألكفر بفعاله البطل
وجـن علـــي بالموزمه لمن دخل
مـــايهاب الموت هذا ابـن الفحل
جرها لجيوش العده اوفــرسانها
ــــــــــــــــــــــــــــــــــــ

تــــمت بعون الله تعالى
بقــــ✍🏻لم خـادمة السيده رقيه عليها  السلام
*الشـــاعره سهام المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسبي
کلمات/✍خادمة يعسوب الدين الشاعرة ام ذو الفقار ألمانيا
❀❥❃❥❀━┅┄ ┈┉━❀❥❃❥❀

منين ذني الراجبات اعله الهزل

ابونهن ايصيحن يشيال الحمل

شلون الهن هيبه
والشرف والطيبه

حرمه بيهم تنخه ياخير العمل

❀❥❃❥❀━┅┄ ┈┉━❀❥❃❥❀
حرمه حيل موقره تنعه وتون

هيبه بس بصوتها نبره حزن

اتوضت بمدمعها من كثر المحن

طفله بيهن تندعي
كون اشوفن والدي

مانشف مدمعها واعيون التهل

❀❥❃❥❀━┅┄ ┈┉━❀❥❃❥❀
طفله تبجي والاذن بيها دمه

تصيح ياجداه ياحامي الحمه

من نخته اظلمت حته السمه
الناگه وكفت ليها
تبجي وتون اعليها
هالمصيبه يشيب من عدها الطفل

❀❥❃❥❀━┅┄ ┈┉━❀❥❃❥❀
وكفت النوگ وتعاتب بالرمح

نزل الراس اليون من الصبح

درحم الطفله وگلبها المنجرح

الراس يبجي لحالي
ايشوفني ابلا والي


تنادي ياعمه واجتها بالعجل

❀❥❃❥❀━┅┄ ┈┉━❀❥❃❥❀

اجت عمتها ابهيابه ومفخره

جنها بت اشيوخ حيل موقره

كلشي ماينشاف منها امستره

جبل لابس هالسواد
وتشتگي لرب العباد

ترتل الايات تنخه بالكفل
❀❥❃❥❀━┅┄ ┈┉━❀❥❃❥❀

تنخه يکفيل الحرم انهض الي

هذا راسك خويه يبره لمحملي

حرمه اخيتك ضاله بلايه ولي

يالجبتني من الوطن
گوم رجع هالضعن
رد حرمنه وبيدك اتلم الشمل

❀❥❃❥❀━┅┄ ┈┉━❀❥❃❥❀

تمت بعون الله وتوفيقه🧿

غير مبري الذمه من يحذف الأسم ويغير في الكلمات أو ينسبه الكلام لغير شاعرة مشكول الذمه

🕊🌟اهدي عملي هذا الى صاحب العصر والزمان عجل الله فرجه صدقه جاريه لسلامته🕊🌟
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمن حيل لطمن يا بناته
المثلجن بالدهر شله بحياته
مايرجع ضوه العين
يكتل جرح الحسين
ياگلب اليظل باقي بثباته

----------------. . .------------------

تعالن چابلني بهالمسيه
تره فراگ الابو هم مر عليه
نوحي اليوم ياسكنه ورقيه
ابوجن مايرد هيهات اليه

اخذ ارواحنه وراح
تارك سيل لجراح

راح الوين تتحصل صفاته
لطمن حيل لطمن يابناته
----------------. . .------------------

احاچيچن وانه اخته الحزينة
من جرح الهظم سبي انسبينة
معلگ عالرمح شالو ولينة
ويصب الدمه لسه وتينة

الدين الينزف اوياه
بجمر الحسرة ينعاه

حسين الماحصل واحد غلاته
لطمن حيل لطمن يا بناته
----------------. . .------------------

افي اعليه ابطرف العباية
اصيح حسين كلبي فكد راية
اريدن طولك ليمشي ويايه
تشوف شلون مهظومه لسبايه

كسرت الظهر نصين
يكتل جرح الحسين

رحل عني الاخو لماكو بصفاته
----------------. . .------------------
ا
مجروح الكلب يفراكه مجروح
الطمن ساعدني عليه بالنوح
بس ذاري لتراب بخده ايلوح
عفته عالرمل ابشمس مطروح

طر الكلب نصين
يكتل جرح الحسين

اصد اعيونهم وكحه  الشماته
----------------. . .------------------
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه حزينه للشباب
علي الاكبر 



يامسية العافيه على عيونك
جوه التراب الحار يمه شلونك

مشتاكه الك والله يبعد عيوني
طال الغياب ورحتو ماجيتوني
وذيج الليالي الراحت تردولي
شيعود يبني الراح عكب عيونك

جانت ييمه وياك حلوه الايام
كبال عيني تكعد وجنت تنام
راحت يوسفه وليك كلبي محتام
احبابك ييمه كلهم يردونك

افراك الولد ياناس  كلش چتال
يصعب على امك فكدك وتدري الحال
مهظوم يبقى بغيبتك هالدلال
وعيني وكلبي. مني ييريدونك

مايرضه كلبي يصدك فراگك دوم
لا لا يكليفركته بس جم يوم
هسه يزيل بضحكته كل هموم
وارجع واكله خايبات ضنونك

المغرب اكعد واذكرك وابچيلك
وياريت مافاركتك واحجيلك
ضيم العليه اخلافك واشكيلك
الشافك حلم اكله انه خيعونك

ذتك الوجه وين وضحكته الحلوه
يالچنت ونسة بيتنه والسلوه
فراكك صعب كلش علينه وبلوه
موحلوه صارت دنيتي من دونك

مو حلوه صارت دنيتي بغيابك
صوب دليلي يالحنين صوابك
كون الكبر بي باب وافتح بابك
واكعد واشوفك هم تغير لونك

ام زينب السعداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لو يمر طاري العليل ومحنته
الكون يتحول عزه لمصيبته
*
ٱه واويلاه عله زين العباد
عله مصابه حزنت السبع الشداد
ابهالارض مگلوب كل اخضر سواد
وكل محب هاليوم هلت دمعته
*
دمعته نزلت عله خدوده المحب
والمٱتم صارت بنص الگلب
بلكي باچر بالقيامه ينحسب
لو بدفترهه الزچيه كتبته
*
كتبته خادم يشارك بالبكاء
ايواسي بالدمعات سيدة النساء
يدري بيهه حاضره بهذا العزاء
تنوح ويه احبابه لجل مصيبته
*

مصيبته كلفه وحملهه شكد ثكيل
وين عنه غاب حماي الدخيل
امگيدينه بالسلاسل هالعليل
وهو ابن طه وكلمته ورحمته
*
كلمة الله الگالهه كن فيكون
واليقين الما عرف معنه الظنون
شلون ما تبچي عليه دم العيون
وهو بعد حسين سادس عصمته
*
عصمته من الباري ونحبه فرض
نوالي ميهمنه الطعن واليعترض
هالولايه امفصله طول وعرض
اعليه لكن دنيته شكد غدرته
*
غدرته الغدرت گبل طه الرسول
ما سلم منهه علي وضلع البتول
وبالطفوف الي جره يتيه العقول
يا علي السجاد تصعب حالته
*
حالته صعبه المرض بي ما رحم
بعينه شاهد كربله وحرگ الخيم
شاف زينب فرت وكل الحرم
وشاف اميه شلون تسبي عمته
*
گبال عينه تنسبي عمته ويشوف
حايره ظلت عگب ظيم الطفوف
وين عنهه راح مكطوع الجفوف
مجلس الملعون زينب طبيته
*
طبت الديوان زينب طبته
كلفه حيل اعليه واذت مهجته
عينوا زين العابدين ابمحنته
وحيل دگوو اعله الصدر يا شيعته
*
الشاعرة نسيم كربلاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده حصريه لحبيب ام أخيها ابالفضل العباس "ع"((#يابو الجروح الجايده))




يابو الجروح الجايده
غيرك سند مارايده


شكد مااحب طاري النهر
ادري يضوگني القهر

وروحي اعله فكدك بايده
يابو الجروح الجايده
***
ادري يمر بيه وجع ماحسبت يلفيني
اتكطع وجسمي عدل عباس ياضي عيني
بأيام شيلك علمتن حلفتك تحاجيني


ماغرك ألمي عالضمه
وروحك دنت فوك السمه
مثل الطيور الشارده
يابو الجروح الجايده
**
اسرار بينك والنهر صارت اليه احجيها
بشنهي علينه مساومك وجفوف اله تنطيها
عباس كال وداعتج الخيام ميطفيها

وبالي شرد يم الخيم
يم اليتامه والحرم

واندهت ندهت فاكده
يابو الجروح الجايده
**
تيهت رشدي والعبي ماتاهن من عيوني
وبشيله وحده من الخيم اكضي اذا هظموني
بسهام ورماح وحجر افرح اذا ضربوني

خل يلتهون بجثتي
اسم الله عله جادر خيمتي

بنارج سلام وبارده
يابو الجروح الجايده
****
اتعطلت زينب مااجت خاف الخيم محروكه
تدريني ابو الغيره واظن تستحي من المشكوكه
مو انتي يا خويه الج روحي تظل محكوكه

سترج عله الغبره عره
حكج علي يشرف مره

جروحج بونج عايده
يابو الجروح الجايده
****
ولمن صرختي ناكتي عرجه وطحت من عدها
حطو الي ديرت هظم زينب بقت وحدها
خوان خمسه شيعت ماظل اليساعدها

حكهم واخوج المرجله
العيله ماتصلح اله
وعالو عليج الفاسده
يابو الجروح الجايده


#الشاعره_رسل_الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه بدايتها نعي للهلال  عن لسان حال زينب ع
يهلال المصايب يوم هليت
شفتك اونت   حزن   ونيت
حاجيتك بدمع العين وبجيت
يهلال  عد زينب    شخليت

نزلت الفزاعيه

ولك  يهلال     زينب  بيك مفجوعه
بيك حسين  ضامي وكسرو ضلوعه
............
انفجعت بالحسين  وجمعت خوانه
وصفت من النوايب حيل  تعبانه
صوابك  بالكلب   ماطاب  نيشانه
الشافك لطم  راسه وهلن دموعه
..........
هليت  بحزن  وبنوح   وبعبره
خليت الدمع فوك الوجن يجره
بيك  تصيح كامت فاطمه الزهره
وكلبها  من المصايب ماسكن روعه 
.........
تصيح بصوت يبني ولطمت الهامه
شهر عاشور طكني وتوجع اسهامه
بيه  ذبح  الحسين وسلب العمامه 
وبالخوان  زينب بكت  مصدوعه
............. 
بيك  اصار   بحسين    وغواليه
خليته   يون   وادماه    محريه 
وزينب حملت عالنوك  مسبيه
وصرختها بكت  لليوم  مسموعه
...........
يشيعه  بالطم   والنوح  عينوها
الحارت بالطفوف اليوم اذكروها
ونو  والدموع  دموم    هلو  ها
صيحو هنا يزينب لو عتج  لوعه

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
من كتاب المآسي الزينبيه جزء الاول

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🔥 اصدار حصري وجديد لطميه لاستقبال شهر محرم🔥

نستقبله شهر الحزن بالونه والنوح
وي فاطمه نهل الدمع للمات مذبوح

_
وي فاطمه نهل الدمع وانجر بلونين

وانادي وياها بحزن المصيبه حسين
ننصب عزاء لعملته ونهمل العينين
للظل رميه اعله الترب بالشمس مطروح

___

للظل رميه والعده  داست بصدره
من الكفه  كوم الرجس اكطعوه نحره
والحافر ثكيل و بكه يسحك بصدره.

طعنات جسمه ممتلي ومجرح جروح

_

طعنات جسمه ممتلي او ظل رميه
ما ننسى بهلال الشهر هم ورزيه
ينفجع كلب ام الحسن بالغاضريه
الروح منها امألمه والدمع مسفوح
____

موجوع گلب الطاهره للحسين ابنها

ونت حزن لچمت ضلع ليه من تونها

هاليوم ننصب مأتمه وننعى بحزنها
نام وخواته للسبي عالهزل تروح
___

ياحزن ننساه هالشهر لو يامصيبه

حسين العزيز المنذبح جثه سليبه

لو زينب ل بالطف بقت حرمه وغريبه

تتراكض بين زلم متعلعله الروح
__

تتراكض دور يتامه بين نيران

وحسين تسمع ونته ويكول عطشان

لا يمه ام ولا ابو ولاعدها وليان

ورقيه دمعها من أذنها يجري ويفوح

__
تمت بقلم خادمات الحسين  ✍️ام حسين العامري
✍️ ام علي الموسوي

غير مبري الذمه من يحذف الاسماء أو ينسبها له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

اخواتي بناتي خادمات الحسين هاي القصيدة بيها طلب حاجة من ديوان خيمة الخدام الجزء الثاني خاص بالعليلة ع اذا وحده منكم ماماخذه هذا الجزء اقروها بمجالسكم للعليلة واطلبوا حوائجكم وان شاء الله تنقضي بفضل الله وبركة فاطمة العليلة ولاتنسوني من خالص دعائكم القصيدة تتحدث عن حال فاطمة العليلة ع وهي تترقب رجوع اهلها سلام الله عليهم اجمعين وهي لاتعلم ما جرى عليهم في كربلاء😭😭 حيث قتل والدها وقطعوا رأسه وكسرت الخيول صدره وسلبوا الاعداء عمامته وردائه بعد استشهاد جميع اخوته واولاده وصحبته وبقيت عماتها واخواتها سبابا لاناصر ولامعين ...



     ( القصيدة )

امگابله البيبان ... شلچ بيهه
اليوم روحي العمتچ عازيهه


كون عندچ حيل روحي الكربله
واخذي ماي اوياچ لهل المرجله
كلهه بالحومه عطاشه امچتله
بس جنايز روسهم دوريهه
امگابله البيبان ... شلچ بيهه


بس جنايز عالتراب اموزعه
امتونهم والروس كلهه امگطعه
بين ليل وخيل زينب ضايعه
وين تمشي امصابهم گاضيهه
امگابله البيبان ... شلچ بيهه


وين تمشي اليوم زينب حايره
دورت عباس سبع الگنطره
مالگت بس الچفوف امطشره
وعين ممروده وسهم طافيهه
امگابله البيبان ... شلچ بيهه


عين ممروده ولگت بيهه سهم
شافت الچفين وبصفهن علم
اشلون زينب طرت اخيول وزلم
يمكن اتموتين لو شفتيهه
امگابله البيبان ... شلچ بيهه


مايضلن بيچ روح ولاگلب
من تشوفين العقيله تنضرب
والهضم ماينجرع لاينشرب
عالمصايب والهضم عينيهه
امگابله البيبان ... شلچ بيهه


ساعديهه بالمناحه والونين
والشمر گاعد عله افاد الحسين
مايخاف الله اللعين ابن اللعين
گال فنهه التوصل الواليهه
امگابله البيبان ... شلچ بيهه



تجدوننها في ديوان خيمة الخدام جزء الثاني خاص بالعليلة ع


✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*القصيدة من ديوان 📚 عبرات وأنين في رثاء قطيع الكفين ج٨ (خاص بالامام العباس ع)*
*قصيدة للامام العباس عليه السلام(بچفوفك يعباس)*
❥━──➸➽❥❂❥━──➸➽❥❂
فديت حسين بچفوفك يعباس
                     بچفوفك يعباس
ياوسفه العمد صابك عله الراس
                    بچفوفك يعباس
❥━──➸➽❥❂❥━──➸➽❥❂
فديت حسين بچفوفك يضرغام
وسفه اعله الشريعه عيونك تنام
اگعد شوف حال اختك والايتام
تصيح بصوت ماتگعد يفراس
                     بچفوفك يعباس
❥━──➸➽❥❂❥━──➸➽❥❂
تصيح بصوت ما تگعد يوالي
انه بلياك حال الهظم حالي
ومن عگبك بگت وحشه الليالي
وتتفرج عليه ظلت الناس
                   بچفوفك يعباس
❥━──➸➽❥❂❥━──➸➽❥❂
تتفرج عليه الناس بعدك
هضماني الدهر من طاح زندك
من نوم النهر خويه شيگعدك
منك راح ائيس واگطع الياس
                  بچفوفك يعباس
❥━──➸➽❥❂❥━──➸➽❥❂
منک ايست واگطعت رجواي
عليك اطفال تصرخ رايده الماي
شكللهم وگع كافلي الرواي
اكلهم طاح اخوي الكله نوماس
                    بچفوفك يعباس
❥━──➸➽❥❂❥━──➸➽❥❂
اگلهم طاح اخوي الكله غيره
حيرني الدهر بجفاك حيره
ترضه اختك تطب للشام اسيره
حرمه امچتفه مابين الارجاس
               بچفوفك يعباس
❥━──➸➽❥❂❥━──➸➽❥❂
*بقلم 🖊خادمة اهل البيت*
*الشاعرة العلويه مريم النور*
*نسألكم الدعاء الفاتحه الى روح اختي وﻷمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للأكبر ع
**
بس الليله خليني أظل يمك
باجر ياعلي متغسل بدمك
**
ليلة عاشر بعاشور هضمتني
بهدوء الليل أتسامر أنه وإبني
عتب بعيوني ياهالناس كاتلني
شباب تروح من إيدي يبعد أمك
**
تنوح الوالده وشلون تتصبر
عله فكد الشباب وعمره تتحسر
تعال وشوف حالي ياعلي الأكبر
يسل الروح يبني همي لو همك
**
بيش التفكد الواحد تسليهه
اذا راح الولد ياهو اليباريهه
امك ياعلي عدمن إتخليهه
وعيني تشوف باجر عالرمل جسمك
***
ميته ولا أشوفك باجر إكبالي
ذبيح وراسك براس الرمح عالي
إمطبر بالسيوف وليدي يالغالي
ومايرضون كوم اعداي اجي يمك
***
احاجيك بدمعتي يمه حاجيني
برباك اتعبت وإتبدت سنيني
تنام الليل وآنه إمساهره عيني
وجنت مانام اذا بالليل ماشمك
****
يالتشبه نبينه المصطفه المختار
وين ألكاك باجر يالولد احتار
راسك ينذبح بيدين ناس اشرار
وجهك ياعلي يتغير ورسمك
****
أشد الحيل كوه وحيل مابيه
بعد عيناك امك تمشي مسبيه
بعد هذا العمر شدوهه إيديه
مطشر عالترب عفتك ولا ألمك
****
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية الصينية القاسم أبن الحسن ( ع)

🖊️📙

هاي صينيتك يعريس الطفوف

نشيله اعالروس بالمجلس نطوف

•┈❅::::::::- 《💧》-:::::::: ❅┈•

الك ياجسام اشعلنه الشموع

ونبجي لمصابك ونهل الدموع

ويه كل شمعه يجاسم من تموع

وبالدمه أتحنت هليله الجفوف

•┈❅::::::::- 《💧》-:::::::: ❅┈•

الليله ياجسام بسمك هالعـزاء

ونـذكر امصابك الصار بكربلاء

ياشباب المثلك اتحـنه بدماء

انصبت يا مظلوم بطعن السيوف

•┈❅::::::::- 《💧》-:::::::: ❅┈•

امصوب العريس عمه جابـــه

وأمه مفجوعه وتشد بصوابــه

تصيـح نـــارك يالولــد لهابــــه

ريت عميانه ولاجرحك اشوف

•┈❅::::::::- 《💧》-:::::::: ❅┈•

آه ياشبل الحسن يايــومــه

حيف صارت زفتـه بالحــومه

بالثـره متغيره ويلي رســومه

اوف عالمدلول وشتنفع الاوف

•┈❅::::::::- 《💧》-:::::::: ❅┈•


محزونه يمدللي اعليك الشباب

الليله مهضومه وتبجي عالمصاب

آه يبني من طحت فوگ التراب

وبقه عمك وحده مابين الالوف

•┈❅::::::::- 《💧》-:::::::: ❅┈•

تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعية_جنوبية _✅حصرياً✅



نعي …
حضري الروح للدمعة والونين
بدت عدنه ترا فاتحة الحسين
مو يوم وثلث تيام. شهرين



النزلة….


تريد احزام . فاتحة اليرهبون
لبن الزاجيه ووين اليونون

ـــــــــ❋❋❋ ـــــــــــ


ابن اسباع يستاهل الونات
نصبوله چوادر بيها رايات
شيخ حسين سوله عرضات
((وسوله//كل موكب بيرغ))


ـــــــــ❋❋❋ ـــــــــــ

من هل الشهر والدمعه بالعين
ببيوت وشوارع اسم الحسين
يامهيوب ويل اهلك سلاطين
((حربيه//اهلك بالمعلب))


ـــــــــ❋❋❋ ـــــــــــ

حربية وتلوگ الونه الهم
هله بطاري النشامه الذاكرتهم
ولد هاشم كفو ونعمين منهم
((الخياله//فزعتهم حلوه))

ـــــــــ❋❋❋ ـــــــــــ


كل شده وعسر انخه بالاسباع
يگضون الشدد ينطونه بساع
ترا اليمشي بدربهم ولله ماضاع
((رافع هامه//واليخدمهم))

ـــــــــ❋❋❋ ـــــــــــ

ارفع هامتي ومن حگي ياناس
اسم حسين تاج ويرفع الرأس
واتشيم بعد بسمك يعباس
((انتم زودي//يعلام الطف))




ـــــــــ❋❋❋ ـــــــــــ

تمت بعون الله وتوفيقه🧿

ام ذو الفقار اسراء اللامي


غير مبري الذمه من يجرد الاسم او ينسب الكلام لغيره شاعرة خصيمه ابا الفضل العباس ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

💔اصدار حصري وجديد    فزاعي سريع للحسين ع بدايتها هوسه من ديوان الميدان الزينبي جزء 👈الثالث💔

من ننصب عزه لحسين ام الحسن تحضر بيه

عونه تريد للعطشان تدور ناعيه تنعيه

تكول ابني على التربان ظل جسمه  موذريه
ادور بالمجالس من يون عليه
(يازهراء كلنه نون وياج)

الفزاعيه

من ننصب عزه الحسين
تحضر فاطمه ويانه

➖➖➖💔➖➖➖
من ننصب عزه المظلوم
تبجي من كلب ما الوم
عونه تريد هذا اليوم
للنايم بميدانه

➖➖➖💔➖➖➖
تبجي وتهل دمع العين
تنوح اعله الشهيد حسين
عونه تريد يمحبين
لتوسد بتربانه

➖➖➖💔➖➖➖
تبجي وتهل مدمعهه
يوم الولد يوجعهه
يوم حسين صدعهه
تون اعليه و حزنانه

➖➖➖💔➖➖➖
تحضر توكف اعالباب
تنطر جيت الاحباب
كلب ام الحسن منصاب
تريد اليوم عوانه

➖➖➖💔➖➖➖
تون من كلب حزنان
عونه تريد للوليان
للضلو على التربان
حسين وجمع خوانه

➖➖➖💔➖➖➖
تون والكلب مفجوع
للي كسروله اضلوع
من عده النحر مكطوع
مارحموه عدوانه

(نعازيها//بحسين ويومه)

(ويانه//تحضر مالومه)

(لحسين ويومه//نشد احزام اوياها)

(تحضر مالومه//الزهره بنص الماتم)


تمت✍️ الشاعره والمله ام حسين العامري

من ديوان الميدان الزينبي الجزء الثالث

غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك