فزاعيه للوداع( ويودعن ببو أسكينه )


ملتمه الحريم اليوم
ويودعن ببو أسكينه
❥━──➸➽❥💔❥━──➸➽❥💔
طبن خيمة الوالي
أبونه وأبدمع هالي
وصاحن وين يلغالي
من تمشي تخلينه
❥━──➸➽❥💔❥━──➸➽❥💔
بلخيمه أگعدن يمه
وصاحن ها يبو اليمه
أوداعك للگلب هضمه
الهم عگبك يغطينه
❥━──➸➽❥💔❥━──➸➽❥💔
زينب گعدت أحذاله
أتودعه أبعين هماله
أتگله الشمر وأرجاله
يردونك يوالينه
❥━──➸➽❥💔❥━──➸➽❥💔
أتگله أوياك بس هليوم
وباچر تنچتل مظلوم
طير البين گام أيحوم
الليله يالولي أعلينه
❥━──➸➽❥💔❥━──➸➽❥💔
گالتله يمولانه
عگبك وين منوانه
ريت الصبح لا جانه
وأفراگك يمر بينه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ١ من شهر ذي القعدة
الموافق / ٢٠٢٤/٥/١٠

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

تم نشر 200 قصيده لكل ايام محرم بالترتيب لكل يوم من ايام محرم الحرام اشترك بالقناة ليصلك كل ما جديد وحصري 👇👇👇👇👇
https://telegram.me/aabas78

قصيده للامام العباس بوزن
النصاري مفاعيلن مفاعيلن مفاعيل


طاح اليوم ابوفاضل يالحسين
وكع عباس وتكطعن جفين



طاح اليوم محد ظل تره وياك
الحك خويه صاح حسين بسماك
هلت من دمه لصوابه عيناك
ظل يجري دمع ويجهر بالونين



مدنك ظل تره مستحي الرواي
يكول بهاي ماوفيت بالماي
التمت بالسيوف ارماح وعداي
فزعت كل زلمها هواي صوبين



مايكدر يكوم الكافل اليوم
ينزف كل كتر مجروح ودموم
ناده بصوت ولحكني يمظلوم
ابساع ابساع ليه هنا يالحنين



رحت تركض ركض مشاي لهفان
من شفته يبو السجاد خجلان
يفكر بالعقيله هواي خلصان
سالت من دمه ومصوبه العين



بعينك شاهديته حسين وينوح
موسالم بقه كل جسمه مجروح
بسيف ومنذبح وشويه بيه روح
ظهرك ظل تره هم محني سنين



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الجمعه/2024/5/15
١٥ذرالعقده سنة هجري ١٤٤٥نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده زينب عليها السلام

عباية زينب الستر اليغطينه
عفه ومنزله ودروس تنطينه
*✿────= ..=────✿

مدارس للستر ام عون موصوفه
هاي اخت الكمر الضحى بجفوفه
معروفه بقيمها هاي معروفه

من فيض الصبر بالروح تروينه
عباية زينب الستر اليغطينه
*✿────= ..=────✿

يل تاخذ درس من عدها اتعلم
وخلي لمافهم هاليوم خل يفهم
توضى لو ردت لم عون تتكلم

اسمها من العلل ياناس يشفينه
عباية زينب الستر اليغطينه
*✿────= ..=────✿

رسمت للعفاف الطاهره الصوره
رغم چانت اسيره بحزن مكسوره
بت حيدر علي من الله مستوره

عاشت شامخه للعز تودينه
عباية زينب الستر ليغطينه
*✿────= ..=────✿

وحيده بكربله واخوتها مذبوحين
لا عباس يمها ولا اخوها حسين
اخيال الحره لظن شاهدتها العين

وحگ ذاك المصاب اللي يبچينه
عباية زينب الستر اليغطينه
*✿────= ..=────✿

خذت دور القياده ومنهج الثوره
اميرة للبيان الطاهره الكبره
صبرها بكربله ما واحد ايصبره

كافلها السهم لمن طفه عينه
عباية زينب الستر اليغطينه
*✿────= ..=────✿

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مع هوسات لاولاد مسلم(يهل الخيل)
#من_ديوان_مسير_الفواطم_لأرض_المظالم_ج٦
#الشاعرة_العلوية_مريم_النور
❥━──➸➽❥❂❥━──➸➽❥❂
يهل لخيل ضاعوا مني الاولاد
عليهم بس انوح وحزني ما فاد
❥━──➸➽❥❂❥━──➸➽❥❂
يوم الهجمت اخيول ال اميه
ضيعت الولد واصفگ بديه
ياهو يدور الحلوين اليه
(وايردلي الراحو من ايدي)
❥━──➸➽❥❂❥━──➸➽❥❂
راحو من اديه ومااجوني
وظلت بس تهل دمعه اعيوني
يايمه اصيح ومالفوني
(اصرخ يمه وماسمعوني)
❥━──➸➽❥❂❥━──➸➽❥❂
ماسمعوني ابد حلوين الرسوم
اتناحب واون والحيل مهدوم
ضيعت الولد ماضايگه النوم
(مانامت عيني ومهظومه)
❥━──➸➽❥❂❥━──➸➽❥❂
المضيعه ولدها شلون ترتاح
من عدها ضناها ياخلگ راح
لاينفع بچي ولاونه ونياح
(شيرد الضاعو بالهيمه)
❥━──➸➽❥❂❥━──➸➽❥❂
شيردهم بعد لاحضان امهم
اتاني ولن خبر ياناس عنهم
اثاري اعله النهر شمرو جثثهم
(بالدم اتغسلو صبياني)
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي و امواتكم:

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

☘قصيده لهلال عاشور☘


ماريد اشوفك يهلال
يل صوبيت الدلال

بيك فكدت خواني
والبلا بشهرك جاني
وكل القهر رواني
ماحسبتها اعله البال....
ماريد اشوفك يهلال يل صوبيت الدلال

لاتهل ياشهر الشوم
يل هلتك بس علوم
يل خذت مني الجيدوم
وحالي صبح باتعس حال.....
ماريد اشوفك يهلال يل صوبيت الدلال

ويه اخوتي جيت بأمل
وحسين وياه الكفل
ماادري من حان الاجل
والدهر بيهم شو مال....
ماريد اشوفك يهلال يل صوبيت الدلال

مهمومه واخذوني غصب
حرمه ويسيره ويه الغرب
امشي وبمتوني الضرب
ومتكفله انه بعيال....
ماريد اشوفك يهلال يل صوبيت الدلال

احسبلك انه الف حساب
يل خذت مني الاحباب
سليت وكليبي انعاب
وبشوفتك دمعي سال.....
ماريد اشوفك يهلال يل صوبيت الدلال


✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للامام العباس عليه السلام

عازي العقيله ام الخدر
علي فكد جفينه
ا=================
عازي ام طهر عازيها
اليوم الحزن غاطيها
صوابه حيل ماذيها
عليه العقيله حزينه
ا=================
طاح العزيز من اخوتي
شيفيد نوحي وونتي
عافاني وحدي بغربتي
بين اعداه مخليني
ا=================
اعداك ميرحمونه
ظلام ويضربونه
جانو بيه يهابونه
صابه اللعين بعينه
ا=================
عينه بسهم صابوها
والجفين كطعوها
واخته تون خلوها
ضحى بحياته الدينه
ا=================
وينه يزيد وزمرته
وين المنافق گبته
وعباس تبقه هيبته
والله ما ذلينه
ا=================
ام تبارك الخفاجي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لبداية محرم والهلال (( يحسين الك ونه ))


يحسين الك ونه     يحسين الك ونه
بين الگلب والروح     يحسين الك ونه
ننصب مجالسنه     ننصب مجالسنه
كلما يهل عاشور     ننصب مجالسنه


تستاهل الونه     وتستاهل العبره
وكلما يهل عاشور     نلطملك ونقره
وانعازي الكرار     وانعازي الزهره
ليش الغريب نصيح     حز الشمر نحره
تصرخ ضمايرنه     تصرخ ضمايرنه
شمسوي ابو السجاد     تصرخ ضمايرنه


شمسوي ابو السجاد     صوت الضمير ايصيح
اموذر ومسحوگ     وولادك امذابيح
وتعنتك زينب     تحچيلك بتوضيح
تسحل سحل بالروح     كلما تگوم اتطيح
خلوني اودعنه     خلوني اودعنه
چا وين اخيي اتگول     خلوني اودعنه


چا وين اخيي اتگول     زينب وتتعثر
كلما تون اعليك     گلب الصخر ينطر
شافت نعش مرمي     لاراس لاخنصر
ياهو الذي ايدفنك     والضيغمي امطبر
ماگام المچنه     ماگام المچنه
ضل عالنهر مطروح     ماگام المچنه


ضل عالنهر مطروح     وامگطعه ازنوده
وامطشره الهامه     والعين ممروده
طاح العلم منه     ولاح السهم جوده
مات البطل عباس     للخيم شيعوده
خل تگطع الضنه     خل تگطع الضنه
شمتانيه سكينه     خل تگطع الضنه


خل تگطع الضنه     وتأيس سكينه
عمهه انهشم راسه     واتصوبت عينه
وياها كلنه اليوم      ننصب تعازينه
وبدفتر المظلوم     مذكوره اسامينه
مانبتعد عنه     مانبتعد عنه
للموت درب حسين     مانبتعد عنه


من ديوان مسلوب العمامه الجزء ١١



لشاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده الى فاطمه العليله(( ع ))



*ياكلب كافي   كافي لا تعتب عليهم*
*ياكلب كافي     لايجونه ولانجيهم*



شالو ابعيد      وحمل عني   العزاز
شالو ابعيد   والكلب من العتب جاز
شالو ابعيد    والهم انه روحي تعتاز
ياكلب كافي   الموت ماهوه بديهم
ياكلب كافي   لايجونه  ولا نجيهم


ايست منهم   من جفوني  وشالو
ايست منهم    عزازي عني  شكالو
ايست منهم    اليش بالطف حالو
ياكلب كافي     الي مشو خليهم
ياكلب كافي   لايجونه ولانجيهم


ما  يردون     روحي  منهم  ايست
ما  يردون       ضعونهم  من  غربت
ما يردون    من البجي عيوني عمت
ياكلب كافي   العتب زحمه  عليهم
ياكلب كافي    لايجونه ولانجيهم


عني شالو    والكلب يسعر لهيبه
عني شالو    فراكهم والله مصيبه
عني شالو    ابوي راح منين اجيبه
ياكلب كافي  عيون ودرهه بجيهم
ياكلب كافي   لايجونه ولانجيهم


عيوني راحن  نشفن وماضل دمع
عيوني راحن  شلون اوصفنه الوضع
عيوني راحن  والامل يهلي انكطع
ياكلب كافي    بعد مانسمع حجيهم
ياكلب كافي    لايجونه ولانجيهم


كف العتاب   اهلك  تبرو  يكلبي
كف العتاب   ضيعت من مشو دربي
كف العتاب  بابهم يدموعي صبي
ياكلب كافي   اعتابنه ايذيهم
ياكلب كافي  لايجونه ولانجيهم


لخادمة الحسين ((ع)) العلويه ام اياد لايجوز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيل اويهدم اجبال ياهم العليه
للكوفه الضعن شال من الغاضريه
اصيح هنا يخوتي
محد سمع صوتي
مايدرون الأحبال كصت جف اديه
✍🏻✍🏻✍🏻✍🏻✍🏻✍🏻✍🏻✍🏻✍🏻
ثكيل اويهدم اجبال همي اوعدمن اشكيه
اشلون امشي سبيه والعطشان اخليه
لاغمضت عينه ولامديت رجليه
ماخلوني اشوفه
يزعل من اعوفه
لويرضون ضليت وي ابن الزجيه
✍🏻✍🏻✍🏻✍🏻✍🏻✍🏻✍🏻✍🏻✍🏻
ذوله الكوم كفار عدوان اويكرهون
صحت خلوني اضل يوم لاكن مايقبلون
جسم حسين المه واغسله بدمع العيون
ابهيده ابهيده اشيله
واقراله العديله
وراس حسين ارده للجثه الرميه
✍🏻✍🏻✍🏻✍🏻✍🏻✍🏻✍🏻✍🏻✍🏻
مايرضون ادفنه واحط راسه اعله نحره
ادور خنصر ايده وألم اضلوع صدره
بسنين المضت ذيج اخوي حسين اذكره
انه وياه ربينه
بحضن امي الحنينه
شلون ايام حلوات عشناهن سويه
✍🏻✍🏻✍🏻✍🏻✍🏻✍🏻✍🏻✍🏻✍🏻
ربينه ابيت ابونه وعشنه ايام حلوات
بعد هيهات يرجع ياذاك الوكت فات
هسه حسين مذبوح وانه ابين شمات
لاونيت يمه
لاخلوني اشمه
من بعيد اسمعه يوصيني ابرقيه
✍🏻✍🏻✍🏻✍🏻✍🏻✍🏻✍🏻✍🏻✍🏻
سمعته ايصيح زينب ريضي اولاتروحين
عليج ابدرت امي وعشرت ذيج الأسنين
اذا شفتي رقيه شوفي اعيون الحسين
ازغيرونه اويتيمه
ماتحمل هضيمه
ضميهه بعباتج عن اسياط اميه
✍🏻✍🏻✍🏻✍🏻✍🏻✍🏻✍🏻✍🏻✍🏻
ضميهه ابعباتج عن السوط بتي
يزينب روحهه اتروح لوشافت ركبتي
اشلون اصبر يهالناس شلون احبس دمعتي
راح اشبع مذله
والديوان ادخله
وصوت ايزيد اسمعه ايكلي الخارجيه
✍🏻✍🏻✍🏻✍🏻✍🏻✍🏻✍🏻✍🏻✍🏻

بقلم🎤المله أم هجران العمارجيه
القصيده بديوان📚صبر العقيله
الجزء السابع عشر

غير مبري الذمه من يمحي الاسم او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للنزول ونصب الخيام في كربلاء
طور مرتضى حرب
حلو  بيارغهم
=========


وصلت  قوافلهم

ونزلو   محاملهم

وبكربلا نزلت العيله بهيبه
مرتبهم الكافل حلو ترتيبه

والگمر  كافلهم
والگمر  كافلهم

=========

حط الرحال بكربلا بلبيده

وثنى الكفيل ونزل اخته بهيده

كلها بخدمتچ هلعمر ماريده

والسيف والرايه يرفن بيده

يگلها  يمحزونه
خيمتچ مامونه

فنه الوصل حدچ يبت الزهره
والله وعلي لكسر يزينب ضهره

فنه الي يوصلهم
والگمر  كافلهم

🟢🟣🟤🔵

أترجّل العباس من حصانه

عينه اعلى خيته يشوفها حزنانه

كلها يخويه ادلليى هذا انه

ماطول اشتم الهوى وعنوانه

افديچ انه بروحي
يابلسم  اجروحي

گدامج اچفوفي وروحي وعيني
فدوه الچ يازينب ولحسيني

وعين الله تحرسهم
والگمر  كافلهم

🟢🟣🟤🔵

نزلهم الكفال والحر يلهب

وحسين اخوه يعاين وعينه تصب

يگله فديتك يلاخو يمرتب

وقلب العقيله من الحزن يتعذب

خافت على اخوتها
ينسون  عشرتها

برض الطوف تروح هاي الخوه
وسوط الشمر بچتافهم يتلوه

وتخاف تفگدهم
والگمر  كافلهم

🟢🟣🟤🔵

نصبو اخيام الحرم بلبريه

ويدرون هاي الارض غاضريه

ارض الحزن والظيم والرزيه

بيها تروح العايله سبيه

والشمر يحديهم
ويسب  اهاليهم

ارض المنايا العايله نزلوها
كر وبلاء اسمها ويعرفوها

وتوكّلو  كلهم
والگمر كافلهم

🟢🟣🟤🔵

گعدت حزينه زينب بخيمتها

وقلب العقيله خايف على اخوتها

يرحون وتروح الحرم هيبتها

ضلت اتون وضامه حسرتها

والگلب حن سكته
محد  دره  بونته

يعلم گلبها هلسفر بيه الدم
حتى الطفل من السهم مايسلم

ومحد يضل منهم
والگمر  كافلهم


=========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ولعبد الله الرضيع ولأمه الرباب جراح لازلت تنزف

.....
اي وحگ ليل السهرته
ايضيع تعبي ما حسبته
خالي حضني والمهد
والولد راح الولد
......
اي وحگ كل لحظه مرت من حياتي
وحگ صبري الچان بي موصوفه ذاتي
وي رضيعي ضيعت كل أمنياتي
امه وتمنيت لو گبله مماتي
اللوم ما ينفع بعد
والولد راح الولد
.....
شلون منظر مرمراني بيوم شفته
سهم المثلث أنه بعيني لمحته
صحت يمه وهيست روحي ضربته
ريته صوب گلبي ماصوب رگبته
لجرحي ما ينفع ضمد
والولد راح الولد
.....
صورتك لحظه ولا تركت خيالي
وروحي مني تروح يم ذيچ الليالي
اتخيلك نايم واناغيلك يغالي
وبيدي هزيت المهد وٱنه ادري خالي
فارگت طير السعد
والولد راح الولد
.....
دورت مهدك ييمه وما لگيتك
ضيعيتك من اديه ضيعيتك
ازغير عمرك يلي بالطف كبر صيتك
الدمعه والحسره ولا كفت قضيتك
الدمعه ما تكفي ابد
والولد راح الولد
.....
عتگ صبري يالجديده ايام عمرك
امك ويصعب علي يوليدي هجرك
وينك أو وين العطش يمه شيصبرك
عظم الله اجري ييمه وعظم اجرك
هذا من ربي وعد
والولد راح الولد
بقلمي ... الشاعرة نسيم كربلاء

لا اجيز حذف حقوق القناة

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزعيه شجاعيه لبو الفضل العباس عليه السلام
🖊️🖊️📙

طب ميدانهم طشر الخياله
غـار بـشگرته وذبح العـياله

•───✧◐ 🖤 ◐✧───•
للميدان طب وصال بيهم صول
ابن ام البنين اربـاتهم الفحول
ملك الموت سيفه بلحروب يجول
محد گــابله. ومـحـد تــدناله

•───✧◐ 🖤 ◐✧───•
شجاعة حيدره من يدخل الحومه
شبيهه المرتضى بوصافه ورسومه
تشهد لــه المنايه ابفعله وعلومه
ويلــوگ الدرع والسيف يحلاله

•───✧◐ 🖤 ◐✧───•
يحله السيف بيده والدرع عـباس
شجاعه ومرجله وغيره ابونوماس
زينب تفتخر بوجوده رفــعة راس
لبو فاضل يلوگ الـعلم شياله

•───✧◐ 🖤 ◐✧───•
للحومه نزل بيده العلم شايل
ماخاف المنايه وهجمة العايل
خزره عينه تكفي ترجف حمايل
وعين اخته العقيله دوم تبراله

•───✧◐ 🖤 ◐✧───•
وصل للعلگمي وشال النهر بيده
ما طاوعها روحه ولا برد جيده
صبغ لون الجرف من گطعو اوريده
ناده بلخويـه دموعه هماله
•───✧◐ 🖤 ◐✧───•
طفاها السهم عينه ابو الغيره
مگطوع الزنود وينظر بحيره
صاحو يلكفل زينبكم يسيره
تروح اوي الغرب شمات عياله
•───✧◐ 🖤 ◐✧───•
تمت بعون الله تعالى
بـ✍ــاقـ✍ــلام خـادمـات أهل البيت
✍ الفاطميه وسهام المالكي
نسالكم الدعاء
بتعجيل الفرج لصاحب الزمان (( ع))


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للعباس ع نفس طور ريت السافر يعود للحاج باسم الكربلائي
***
عباس اعتنيته بالدمعه نخيته
لايسره ولايمين عالشاطي لكيته
**
اجيت لمصرعك عباس دمعاتي اعله خدي
صحت يابو الفضل ادركني خويه ابقيت وحدي
ماعندي بعد اخوان لاوليان عندي
ترضاهه الشمر ياكافلي بضعوني يحدي
ميته ولا أشوفك مكطوعه جفوفك
شيصبرهه للعين عالشاطي لكيته
****
من حرك الخيم للمشرعه جيت اركض بساع
بالحومه لكيتك خويه دمك تارس الكاع
وبعينك سهم نابت شفت ياحلو الاطباع
راسك بالعمد طروه واخته تريد فزاع
جيتك يبن ابويه الحكلي يخويه
وين اتجه لاوين عالشاطي لكيته
***
مهضومه واجيتك احجي خويه شصار بيه
يخويه استوحدو الحسين عكبك آل اميه
غريب ابلامناصر وحده بارض الغاضريه
ماشفت الشمر ويحز نحر ابن الزجيه
اتربع فوك صدره لأخونه يحز نحره
ها يحزام الحسين عالشاطي لكيته
***
كلبي من الحزن يابو الفضل بي تشتعل نار
عكب عينك غريبه وانهضم مابين الاشرار
حرت بيدي اطفي النار مدري بيمن احتار
مابين الخيم والخيل سحكوهم للزغار
ازغار شلون ألمهم والحافر سحكهم
شعنده وياهم البين عالشاطي لكيته
***
أنه بعازة يمينك يابو فاضل فرهدونه
عشر خيول خويه اتعنت المظلوم اخونه
صدر حسين بالحافر يخويه طشرونه
من عكب الولي لدرب السبي كوه خذونه
ياخويه سبوني وبالسوط اضربوني
زركه امتوني الاثنين عالشاطي لكيته
***
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للنزله (( لاتبنيهه ))


لاتبنيهه     ...     لاتبنيهه
هاي اخيامك ماطب ليهه


لاتبني اخيامك نزلهه     هاي اخيامك بيهه الموت
من عدهن يتراجف گلبي     شو خايف گلبي ومبهوت
والتموا عدوانك كلهم     الهم ضجه ورنه وصوت
بالك يبن امي اتجاورهم     خل نرجع عنهم بسكوت
عوف الحومه وشلك بيهه ... هاي اخيامك ماطب ليهه


للحومه شعندك متعني     وجبت اعضيدك للميدان
چا ليش امجاور عدوانك     راسك يردونه العدوان
لاتنصب خيمه ولاچادر     لاتبني ادخيلك صيوان
گلبي يگلي اوداعك باچر
مظلوم تموت وعطشان
واعيالك وين تخليهه ... هاي اخيامك ماطب ليهه


باصرني شويه وحاچيني     يبن امي ويابعد الروح
اطفالك وين تخليهه     باچر من توگع مذبوح
كل هاي اخيامك تتحرك     بمتوني اشچم سوط ايلوح
ماضل حيل اتهدم حيلي     واتوجع گلبي المجروح
اجروحي اهواي وشيداويهه ... هاي اخيامك ماطب ليهه


اجروحك واجروحي اهوايه     لاواحد لاهنه اثنين
اتوجع واتلوع منهن     لو شفتك حاير يحسين
واجموع اعداكم ماتنعد     وانتم مابيكم تسعين
نصهم عروضلك بالسچه     ونصهم عالشط ملتمين
ماندري الگوم شتاليهه ... هاي اخيامك ماطب ليهه


ماندري الگوم شغايتهم      من عندك مدري شيردون
ودولك خط وجيت الهم     چا تالي اشلون ينكرون
ثاريهم جابوك بحيله      مابيهم واحد مامون
باچر يبن امي يذبحونك     واعليك بخيل يسحگون
وعيوني امصابك يعميهه ... هاي اخيامك ماطب ليهه



لشاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#

قصيده بحق مولاتي السيده فاطمه العليله

ما ينحمل فرگاهم ،، ياروحي موتي اوياهم
الـــــمن باقــــــيه چا ما تموتيـــن
حسين وكل هلچ بالطف مطاعين
ياروحي

/////////////


يا روحـي المشـو عن عينـچ اعزاز
مــوتي اولا تضــلين
اليغيب حسين عنه سنينه شتفيد
مره اتصــير السنين
عمر وبلايه ابوي اعتــبره خلصان
وانتي بحالي تدرين
ابچي اعله الجفاني اشما تملكين
مـن ادمـــوع ياعين

حسين الاخذ آمالي ،، بس هوه عندي الغالي
وانتي ابهالأمر ياروحي تدرين
المـن باقــــيه چا ما تموتيـــــن
ياروحي

//////////////

بقيت اتبــع أثرهـــــم حـد الاغروب
خفـت واليل چلـــچل
اديرن وجهـي المــن والوكت خوف
زغيــره ومعرف الحل
صـــــعبه الدنيا صـــارت كلها وياي
بعد يا شــــــده تسهل
الگمر فارگني مو بس والدي الراح
وجسمي اعليهم انحل

وشل دمعها اعيوني ،، الراحو دمه يبچوني
راحو كل هلي وماضلي امعين
المن باقـــــــــيه چا ما تموتين
ياروحي

///////////////


شــد ضعن ارحيل وســـافر ابعـيد
ابوي وعــــــذباني
اخــذ كل الاهل حـتى النســــاوين
اوياهم ما خذاني
بقيت ادعــي يلاهي تعجل الموت
عگــب الفــارگاني
كحل اعيوني ابوي ابشوفته ارتاح
وحارب بي زماني

بس يمه تنسر عيني ،، راح الذي يسليني
نحيله وضاله بس تهمل العين
المن باقـــــيه چا ما تموتـــين
ياروحي

///////////////

كل لحضه التمر بيه اشتهي الموت
من تعرض صورهم
هلي وعـزاز عنــــدي ازغـار واكبار
فدوه آني الذكرهم
بچيــت اشـگد بچيت وما يردون
اويا دمعه التردهم
اتبـــعي آثار ضــعن الاهل ياروح
وموتي اويالنحبهم

صح الدروب ابعيده ،، بس روحي ابوي اتريده
ماريد العمر من بعد الحسين
المن باقــــيه چا ما تموتيـــن
ياروحي

//////////////

الچ گالوا نرد مـن بعد الاغياب
بقيت اشگد اســائل
لا الأكبــر أجه ولاجـاني عباس
يطمنوني ابرســائل
غير الدمع والحسـرات والنوح
ما امــــــلك وسائل
يهيد شلون ها ياروحي وينام
العنه اگليببه شـايل

حسرات يخلص ليلي،، وكل لحظه ينهد حيلي
وراهم عدله گولي شگد تضلين
المـــن باقــــيه چا ما موتيــــن
ياروحي

////////////////

تم بعون الله تعالى
بقلم خدمة اهل البيت ع
الشاعره ام زين اللامي
والشاعر ضياء الكناني
نســالـكم الـدعـاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه للعليله

اعزاز كلبي حملو.  بالديران عافوني
ضليت تجري عيوني

عافونه ليش بعلتي
مهظومه واجذب حسرتي
يانار كلبي ولوعتي
صارت صدك تركوني

صارت صدك يحبابنه
محد يدكه لبابنه
بس الحزن بأعتابنه
ماچنكم تردولي

ماچنكم تعودون ابد
انطوني للجيه وعد
مو كلبي من هسه انمرد
يهل الشيم حاچوني

لا يمي ام ولا اخت
ياهو العليه يلتفت
ويردهم عليه البخت
الدمع دم بعيوني

ياروحي صبري عالجره
كلساع اكلها محسره
بس الكلب شيصبره
وانخطف مني لوني

من راحو اللون انخطف
ماضلي بالدنيه عرف
رايح يبو حجي الترف
فدوه هلي ردولي.

ام زينب السعداوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للامام الحسين ع
__

ماعدنه زلم وتشيل ابواليمه
مذبوح وعليه الخيل ملتمه
_

مذبوح الغريب ومنگطع نحره
وملعون الشمر گاعد على صدره
ماعنده اهل وتشيعه لگبره
بس عباس اخييه غارگ بدمه
___

كون اخوان عنده تكوم وتشيله
عمامه والاهل تحضر لتغسيله
عكب عباس جا منهو اليتچيله
عالشاطي وگع ومحرگه اخيمه
____

نايم عالنهر ومگطعه زنوده
وضلت جثته يحسين ممدوده
ينهضله ويجيله شلون ابن عوده
يتچيله لان ماذي الگلب سهمه
_

يتعنه ويشيله من على التربان
بدمع عينه يبلل منحر العطشان
تره لهذا الوكت مريوده الاخوان
يحسين لحريمك مابقى زلمه
____

يحسين لخواتك مابقى والي
عگب عباس هذا الشمر يبرالي
يتجسر عليه ويضرب اعيالي
كفر وكلوبهم ماتعرف الرحمه

_
هذه القصيده ضمن ديوان قارورة المصائب الجزء الثاني لشاعرة اهل البيت نورس الحلفي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_أقل_الوفاء_في_مصائب_كربلاء_الجزء_٢٠_.


لطميه للعباس عليه السلام


يهز الكون طاريك يعباس
انته الي تجيس اشلون تنجاس
❥━──➸➽❥💔❥━──➸➽❥💔
اسد تتجادح عيونه
لو يبرز يعرفونه
يلوچ السيف بسنونه
شجاع او بلحرب صيته مينقاس
❥━──➸➽❥💔❥━──➸➽❥💔
يهز الكون اخو زينب
لو طب للحرب يغضب
يخلي النار بيهه اتشب
خلاهه الزلم بلخيل تنداس
❥━──➸➽❥💔❥━──➸➽❥💔
خلاهم جثث نومه
يوم الصال بلحومه
يشهد للبطل يومه
حره الجابته بي رفعت الراس
❥━──➸➽❥💔❥━──➸➽❥💔
بيده السيف يحلاله
فنه البارز اكباله
ما جابت مره امثاله
حيد او ماتهمه اجيوش الارجاس
❥━──➸➽❥💔❥━──➸➽❥💔
فنه الكابله فنه
شافو واشردو منه
هز الكون الامجنه
زرع بكلوب عدوانه الوهواس
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للقاسم ابن الحسن عليهما السلام (( عريس بعدك يبني ))


عريس بعدك يبني     واهدوم عرسك ذني
بالچفن ليش امحزم     تدري الچفن يفجعني


تدري الچفن يفجعني      الچفن ليش اتلبسه
ماشفت مثلك عريس      مذبوح ليلة عرسه
گلبي انمرد يوليدي      وگلبي انفطر من هسه
كلساع عمك ينخاك     كلساع يضعف حسه
ماتگعد اتشيل الهم     عن الفريب وعني


ماتگعد اتشيل الهم     عن گلبي وعن گلبه
ماتنوصف بغيابك     حالتنه كلش صعبه
هاك الدمع يوليدي      ماعدنه ماي اتشربه
ماتنحسب طعناتك     وبراسك چم ضربه
متحني موش بحناك     بدماك شو متحني


بدم الجروح امحنه     عفت الشموع وحناك
ماريد روحي اخلافك     خليني اموتن وياك
صوب دليلي وحيلي     سهم المنيه وفرگاك
انته العزيز وغالي     واشلون چا گلي انساك
بعد وبعد يسبيني      امصابك ويهضمني


بعد وبعد تچويني     نار الهجر واغيابك
عريس عمك وداك     غرگان بالدم جابك
ياهو اليگوم ايزفك     كلهم ضحايه اصحابك
والبين واگف وگفه     والموت لازم بابك
لافرح لاهلهوله     لملمت حزني اوني



ملتهيه بالنوح اليوم     لافرح لاهلهوله
للحسن روحوا ناديت      ابنك وگع گلوله
طبروا جبينك نصين      عدوان عمك ذوله
چنك غصن تتمايل      مابيك خله ولوله
ماحسبت هيچ اتنام     وتضيع بالطف مني


ماحسبت هيج اتنام     يالموش الك هالنومه
تنشد عليك وتبچي      بت عمك المهضومه
اشلون اگلهه امطبر     وامخربات ارسومه
مو بالخيم عرسك صار     صار العرس بالحومه
كون الگبر ماضماك     الگبر كون يضمني



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك