*قصيدة للامام علي(كافل الايتام)*
*من📚ديوان فاتح خيبر ج١*
❥━──➸➽❥❂❥━──➸➽❥❂
كافل الايتام شال الليله
عدلي ميدان الولي وهوسيله
❥━──➸➽❥❂❥━──➸➽❥❂
كافل الايتام شال ومايرد
نام جوه الگاع بتراب اللحد
گلبي نار اليوم يسعر مابرد
ضلت تنوح وتون العيله
❥━──➸➽❥❂❥━──➸➽❥❂
ضلت تنوح وتدك اعله الصدر
رحل عنهم والگلب يلهب جمر
رايح وللدار ما اظنه يمر
وزينب الحره دمعهه تسيله
❥━──➸➽❥❂❥━──➸➽❥❂
تسيل دمعتهه وتون وتنتحب
فراگ ابوها صاب من عدهه الگلب
احاه يفراگ الولي يكتل صعب
راح واليهه الگبل تشكيله
❥━──➸➽❥❂❥━──➸➽❥❂
راح واليهه علي حامي الحمه
وزينب الحره عليه معلمه
وبگت دمعتهه تصب ومألمه
بگت تلطم عالابو وتبچيله
❥━──➸➽❥❂❥━──➸➽❥❂
تبچي زينب والدموع بعينهه
وما بطل من يوم شال ونينهه
وگعد وياها يون حسينهه
والحسن حاير تهدم حيله
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
https://tttttt.me/joinchat/AAAAAELdvGssZMurwfLsJA

نعي للامام علي ع عن لسان حال زينب ع

انه مالوم دمع العين لوهل
الابو يشبه هلال العيد لوهل
شملذها تصبح الكعدات لوهل
يكعدون وتضل تزهي الثنيه

محلات اهلنه من يكعدون
جلماتهم حلوه ويو نسون
شيعود الوكت لينه ويردون
...............
ذيج وجوه اهلنه وين غابت
وسهم فراكهم بالعين نابت
يهلنه كلوبنه من الضيم شابت
...........
كون البجه احبابي يردهم
بحور الدمع نبجي الفكدهم
اعمي العين ماجازي تعبهم
...........
اليفكد ابو حك يبجي عليه
ويذكر حنانه وما يجازيه
يحن الشوفته وحضن المربيه
.................
اكعد يبو روح الحنينه
اليوم عالبابك سيرينه
عالشوفك يبويه شوك بينه
............
مشتاكلك والشوفتك جيت
الجلماتك الحلوات حنيت
حسره بدليلي عليك خليت
............
يبويه الخاطري تكعد شويه
جيت ارد اشوفك تفز بيه
اكعدلي يبو جلمة مريه
............
شيرده عليه الراح مني
ضلوعي عالفكده يوجعني
اعزاز الكلب فركتهم كضتني
...........
الموت فرك بين الاحباب
ضم الاحنان وسدد الباب
لاردهم بجه ولاردهم اعتاب
............
يامن هجم بيت اليالي
ماخلت من الاهل غالي
بفراكهم شلت احوالي
...........
كون العزيز بسوم ينسام
نرده وترد ذنيج الايام
يشفه الجرح وطيب الالام


✍أم زينب كربلاء غير مبري الذمه من ياخذ الكلام وينسبه له من كتاب الجزء الواحد والعشرين
https://tttttt.me/joinchat/AAAAAELdvGssZMurwfLsJA

لطميه لوحشة امير المؤمنين ع

وحشه وحشه / وحشه يادار النحبهم
وحشه وحشه / خالي ماينطب نزلهم
هلت عيوني وبجيت /بعتبة الباب انتجيت
وحشه وحشه / وحشه وحشه
............
تسيل يم الباب ضلت دمعتي
وين ابوي اوين امي وهيبتي
مني اشتردين اه يا دنيتي
انه عكب اهلي اعيش بغربتي

بويه اصيح وماحجيت
بعتبت الباب انتجيت
وحشه وحشه/ وحشه وحشه
.........
بويه اصيحن ياهلي ردو جوابي
الدار ضلت موحشه وزادت عذابي
وين راحت ياكلب جمعت احبابي
تجوي بدلال ياجمرت مصابي

اكبال ديرانك نعيت
بعتبت الباب انتجيت
وحشه وحشه/ وحشه وحشه
...........
وينهم يادار اهلنه حيل اصحين
اكبال عتبت بابهم ضليت انوحن
ماهم اهلي بالنزل جاوين اروحن
بعد بهموم الكلب المن ابوحن

خالي بيتك من اجيت
بعتبت الباب انتجيت
وحشه وحشه/ وحشه وحشه
..........
بويه صديت المجانك ياتجيه
اتذكرت كعداتنه وامي الزجيه
وصبن دموع الحزن غصبن عليه
وحشه والديران من عدكم خليه

وي زماني اتعاتبيت
بعتبت الباب انتجيت
وحشه وحشه / وحشه وحشه
........
اتعاتبت ويه الدهر وديار اهلنه
سال دمعي وناشدت وين المحنه
وبعد ماينفع اويالشالو عتبنه
منهم ايس ياكلب واكطع الظنه

والمجانك عاينيت
بعتبت الباب انجيت

وحشه وحشه / وحشه وحشه
-------------------------

✍أم زينب كربلاء غير مبري الذمه من ياخذ الكلام وينسبه له من كتاب الجزء الثالث المآسي الفاطميه

https://tttttt.me/joinchat/AAAAAELdvGssZMurwfLsJA

نعي للامام الصادق عليه السلام لسان الحال
========

حرگ داري
لاماتهمني حرگ داري

ظيمي ومراري
بچيت من ظيمي ومراري

شبت ابناري
نار الخيم شبت ابناري

...........😭

من حرگو الدار
وتذكرت من حرگو الدار

وطشار طشار
وصارت عيال النبي طشار

وحسين بلبر
وفرن بنات حسين بلبر

.........😭

والنار بيهم
وتذكرت والنار بيهم

الخيمه عليهم
من حرگو الخيمه عليهم

نايم وليهم
وضل علثرى نايم وليهم

.........😭

طلعوهن طلعوهن
صاحو عليهم طلعوهن

وروعوهن
وبراس اخوهن روعوهن

ولوهن
وبلسوط ياوسفه ولوهن

...........😭

سعرت بلخيام
نار الشمر سعرت بلخيام

مابيهم الظلام
كل رحم مابيهم الظلّام

يلماعدهم اسلام
عدوان يلماعدهم اسلام

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA

فزاعيه نصف بحرطويل
للامام الصادق ع


الصادق غاب مولانه
الليله نعازي الزهره


ندك ونلطم وياها
تجري لجله عيناها
الظالم حيل فجعاها
تون وتجذب الحسره


مالومه الزجيه اليوم
مولانه صفه مسموم
ينزف جسمه ظل ادموم
نفجعت حزنت العتره


حيل ام حسن مفجوعه
ظاكت بيهم الوعه
الكاظم يجرن ادموعه
الحوزه اتريده منتظره


تلطم عالصدر ظلت
بدين الله تره نفجعت
لباب الدار وتعنت
كعدت لطمت بكتره


حظرت شافته مغدور
مهظوم الكلب مكسور
وحشه مكدره هلدور
تراب ومنهدم كبره


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاحد/2022/5/22
٢٠شوال سنة هجري ١٤٤٣
نسالكم🙏🙏🙏🙏الدعاء بتوفيق


https://tttttt.me/joinchat/AAAAAELdvGssZMurwfLsJA

مربعه
لشهادة الامام الصادق عليه السلام
……
على الصادق نعزي فاطمة الزهره
مهجتها عليه هليله منفطره
……
نعزي فاطمه ونادي واه ويلاه
امام الدين هذي الليله افگدناه
ارضها والسمه محزونه اوتنعاه
حكها ام الحسن مدمعها دم يجره
…..
مالومه الزجيه اوحيل مهظومه
عترتها كضت مچتوله مسمومه
عله الصادق تون والدمعه مسجومه
ليش اليا سبب هذا الذي يجره
…..
ليش اليا سبب سموه بني العباس
امام الدين والي بيه رفعة راس
زمره حاقده لا دين لا احساس
عله ال النبي بگلوبهم جمره
…..
يتواكد حقدهم علنبي اواله
وبهل البيت في كل وكت عياله
يفاطم مادريتي ابنچ اشحاله
هليله انتهى يم الحسن عمره
…..
الله ايساعدج كل وكت مقهوره
ابألامج يزهره اعداچ مسروره
وحك زينب العاشت عمر مكسوره
من بعد الولي الي هشمو صدره
…..
يفاطم الله ايعينج عله الوليان
على الي ظل طريح اموسد التربان
الله ايساعدج علي بلا ذرعان
ابو فاضل اوزندينه المبتوره
……
الحاجة ام احسان الخاقاني
20شوال 1443هـ

https://tttttt.me/joinchat/AAAAAELdvGssZMurwfLsJA

قصيده ثقيله للشباب علي الاكبر والقاسم عليهم السلام
=================

فاركونه ... صعب يافركاهم

فاركونه ... ماخذونه وياهم

راحو بعز الشباب

خلو بكلبي العذاب

فاركونه ..... فاركونه

===================

ياشباب الماتهنه بدنيته

جنت اتمنى اشوفن زفته

حيف راح الربه وبطن الشالته

بكت محزونه وتون ياغرفته

شالو الجنهم ورد

الراح مني مايرد

فاركونه ...... فاركونه

....................................

من بعدكم بلحزن متعذبه

ضاع كل ذاك السهر ذاك الربه

جبدة امك من حزنها ذايبه

بلغصب للشام تالي مسلبه

امك تون وتنوح

والكلب خزن جروح

فاركونه .... فاركونه

....................................

من مشو ماحسبو عافوني

صحت وين تريد ماسمعوني

صرخت شيال النعش تانوني

للكبر وياكم انه اخذوني

اندفن ويه الولد

بغيره ابدا ما ارد

فاركونه .... فاركونه

...................................

يمه كلي منين اجيبلي صبر

دمعي كل ليله على خدي يخر

مساهره ليلي لحد طر الفجر

يمه اشوفك لو بزغ نور الكمر

يمه يابدر التمام

وجهك ينور الظلام

فاركونه .... فاركونه

....................................

ليل ونهار الهج بطرواهم

ابد ماليله الكلب ينساهم

شلون بيه مكدر ابلياهم

خان دهري وياي ماخلاهم

للمكابر من مشو

راحو بعز العمر

فاركونه .... فاركونه

===================
خادمة ال البيت وخادمتكم الحجبه ام علي البصره


https://tttttt.me/joinchat/AAAAAELdvGssZMurwfLsJA

فزاعيه لزهراء ع والامام الحجه لمحرم


تحزم يمهدي وخن نسوي اقرايه
مجلس تنصبه وانه بيه نعايه
..............
خاف شعيتنه المرض كظاها
وزينب اتضل من ينوح وياها
تريد عونه الضيعت ولياها
انته التردلي وانه اشيل الرايه
..............
نكعد انه اوياك نحضر ماتمه
والاملاك ترد علينه والاطمه
شالت الرايات بعنان السمه
نشرت قميص حسين بيه ادمايه
............
يمه يامهظوم كوم امشينه
انروح لناصب عزه خلينه
المحزن عله حسين وامتانينه
الناح لبني نعتنيله اعنايه
..........
مشينه لرادود ونشد حيله
انكابله وعزم العزه انسويله
وبيرغ العباس يمه انشيله
حتى يذكر يوم المسنايه
...........
يوم عباس الوفي ايذكرونه
درس خله والازم ايفهمونه
ضحه بجفين حتى اعيونه
الكافل انطه دروس للوفايه


✍ام زينب كربلاء غير مبري الذمه من يأخذ الكلام وينسبه كلام او يحذف الاسم


https://tttttt.me/joinchat/AAAAAELdvGssZMurwfLsJA

#من_قصائد_الملة_أم_غصون_العمارجية_.


لطميه للعليله عليها السلام


الله اوياكم الله اوياكم
يالعفتوني اشلون انساكم
/////////////////////////////
اشلون انساكم وانتم روحي
واعزاز واغله امن الروح
ودعتوني بكسرت خاطر
وعبره ودمعه ولوعه ونوح
شيطفي النار التجويني
وشيضمد كلبي المجروح
من فركاكم من فركاكم
كلبي اتصوب من فركاكم
/////////////////////////////
من فركاكم كلبي اتصوب
يوجعني اصوابه ولا طاب
مانامت عيني السجابه
تتنوع عيني اعله الباب
وجعانه وعفتوني الوحدي
وانه اوياكم عندي اعتاب
واترجاكم واترجاكم
ضليت انطر واترجاكم
/////////////////////////////
ضليت انطركم مهضومه
حسبالي ابساع اتردون
حيلي اتهدم وابجي ابحركه
ودمع الفارك يعمي اعيون
ماكلتو ماتت لو عدله
مافكرتو بيه اشلون
ابلياكم ابلياكم
ماريد الدار ابلياكم
/////////////////////////////
ماريد الدار ابلياكم
لو بيدي ولا ضل بالدار
وين اوجوه الجانت تزهي
والعشره وصوت الخطار
انشد عنكم لا من طارش
ولا مكتوب وماكو اخبار
الشافاكم الشافاكم
هنيال عيونه الشافاكم
/////////////////////////////
هنيال اعيونه الشافاكم
والكعد يمكم يرتاح
يكلف حالي وما يتوصف
مثل الطير الماله اجناح
خافن عمي اتطبر راسه
وزينب سابيها الذباح
وين الكاكم وين الكاكم
وامضيعتكم وين الكاكم
/////////////////////////////

*تـــمت والـــــفضـــ🤲ـــل لله تعالى*
*بقلم✍الشاعره المله أم غصون العمارجيه*
*صاحبه ديوان📚آيات الشهادة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA

القصيدة من ديوان 📚قربان الطف الجزء الاول
قصيدة لسان حال ام البنين بعد سفر أولادها إلى كربلاء(والله مره)
❥━──➸➽❥❂❥━──➸➽❥❂
والله مره ... فركة احباب النودهم
والله مره ... راحو ولينه شيردهم
والله مره والله مره
❥━──➸➽❥❂❥━──➸➽❥❂
سافروا لأرض المنيه وكلبي مهموم
نحل جسمي وعيني تبجي محاربه النوم
عالضعون التمشي ظلت روحي تحوم
وين يكضي الليل كلمن حيله مهدوم
البيت ظل وحشه علي ... من بعدهم منهو الي
والله مره والله مره
❥━──➸➽❥❂❥━──➸➽❥❂
ظلمه صارت دنيتي وبيتي عليه
ودعيت اولادي اوداع المنيه
ما اظن يردون اليه وهاي هيه
من سره بيهم الحادي ماله جيه
آ ييمه شيبت ... من الفراك تعذبت
والله مره والله مره
❥━──➸➽❥❂❥━──➸➽❥❂
عيوني تهمل من اصدن وانظر الباب
بصوت اصيحن ما ترجعولي يالاحباب
آه يا حسكم ييمه امن النزل غاب
عالدرب اكعد واناطر ماكو اجواب
وياي بتكم هل تون ... واذبلت من الحزن
والله مره والله مره
❥━──➸➽❥❂❥━──➸➽❥❂
ينهظم كلبي من اباوع للعليله
حنت لعبد الله واشتاكت تشيله
تنادي يالوالي اونتها ثكيله
تنحب بآهات والمدمع تسيله
طول عليها البعد ... زغيره ما تحمل فكد
والله مره والله مره
❥━──➸➽❥❂❥━──➸➽❥❂
آه منك يا زماني شكثر ناديت
واحرمت طفله من أهلها وشمعة طفيت
جروح خمسة من فكدهم بيه خليت
رجع اولادي يدهري ثكله ظليت
بحسره والهم والألم ... حزني واصل للعظم
والله مره والله مره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للجواد ع
****
آنه ابن الرضه ياشيعه واسوني
مامرو هلي ولا غمضو عيوني
****
وحدي بالغرب ماجوني احبابي
اعالج بالسموم بجبدتي صوابي
ظلت شابحه العيون يم بابي
ولاطارش يكلهم لأهلي لحكوني
****
سمت جبدتي الملعونه عافتني
سدت باب بيتي وحدي حبستني
اعالج بالمنيه بغربه خلتني
لاصوتي طلع لاناس سمعوني
****
حكام العصر غدروني يموالين
خلوني غريب ودمعتي بالعين
طفو شمعة شبابي الخمسه والعشرين
ومن شم الهوه ياناس حرموني
*
عازات الأهل ياشيعتي عازه
وكت الموت كلبي رايد اعزازه
يريد اهله وعمامه اتشيل الجنازه
تعالو ياهلي واحبابي شيعوني
*
بعد موتي غريب وجسمي بمجانه
ثلثتيام مرمي ويشبع امتانه
ويفرح من يجون الميت اخوانه
وين اخواني وين الهادي دلوني
*
واسوني يشيعه بدمعه سجابه
واذكرو غربة المذبوح ومصابه
راسه بالرمح وامسلبه اثيابه
جسمه ابلادفن هم مثله عافوني
*
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ابوذيه ونعي لجواد ع

هذوله العلم دين الله يشيعون
شي اتعادت وياهم يشي عون
بالنعش ابن الرضاكامو يشيعون
وتصيح الناس هذا بن الزجيه

............
يطيبين المثلكم وين ياجد
دوم احجيلهم ياكرم ياجد
اذاه العطش ويصيح ياجد
فوك اضماك خيل الاعوجيه

مسمون وانون المصابه
ياسم دليله اوياشبابه
عالج وحده ومسدود بابه
............
يعالج وحده وركدان حيله
سم وعطش مرد دليله
وين اهله تحضر اليله
.............
يكطعوله دروب البوادي
وهاشم بصرختها تنادي
واليوم تفزع لبو الهادي

..............
وين اهله خلهم يحضرون
وأهل الحميه خل يفزعون
ضل الجواد ايدير العيون

.............
يعالج ومحد كاعد احذاه
غير اليموت احباب وياه
بساعت منيته تحضر اعظاه
.............

ضل الجواد ايدير بالعين
بيه مادرو وهله بعيدين
جر حسرته وتذكر حسين
.............
تذكر حسين ودمعته تسيل
ناده يجدي وناحل الحيل
وهل الدمع عالسحكته الخيل

.✍ام زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

السلام عليكم
ان شاء الله تعالى بالقريب سوف انشر لكم قصائد محرم يالترتب للعشرة الاولى

https://tttttt.me/joinchat/AAAAAELdvGssZMurwfLsJA

قصيدة للهلال


اه واويلاه يهلال الشهر
صوبت گلب العقيلة ام الخدر

اه ياشهر المصايب والبلة
زينب بجيتك حزينة موجلة
خايفة اعلة خوانهة والعايلة
بان عالحوراء من هسة الكدر

الحزن من هسة عالحوراء بان
تگول ماكو راحة بعد ولا امان
بيش طالبني ويحاربني الزمان
ياخذ احباب الگلب مني بغدر

اه ياعاشور من عندي شتريد
دوهنتني وحايرة واصفگ الايد
لايظل حسين لايبقة العضيد
مني راح تروح وليان شكثر

كلهم يطيحون وابقة بلاولي
وانده احضرني دخيلك ياعلي
شلون بعيوني اشاهدهم هلي
عالثرة يظلون والدنيا ظهر

عالثرة الوليان تبقة بلاغسل
شلون گلبي لهالمصيبة يحتمل
ياشهر عاشور بالله لاتهل
لهالمصايب هاي ماعندي صبر

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://tttttt.me/joinchat/AAAAAELdvGssZMurwfLsJA

(القصيدة من ديوان📚 قربان الطف الجزء الاول)
المجلس الثاني
قصيدة لليوم الأول(اواسي فاطمة)
❥━──➸➽❥❂❥━──➸➽❥❂
اجيت اليوم انوح واهمل العبره
بالمجلس اواسي فاطمه الزهره
❥━──➸➽❥❂❥━──➸➽❥❂
للزهرة الزجيه اليوم اواسيهه
بأبنهه المنذبح عطشان اعازيهه
شما ابجي اعله ابنها ما اوافيهه
هلال الشوم بان وبالكلب حسره
❥━──➸➽❥❂❥━──➸➽❥❂
شهر أحزان بيه اكلوب مفجوعه
وبيه بت حيدرة حست جم لوعه
شافت بي اخوها رضو اضلوعه
وخيل الكوم هم داست على صدره
❥━──➸➽❥❂❥━──➸➽❥❂
بالمجلس اريد احظر واجي وياها
والطم عالصدر وابجي اويه مبجاها
عالبطف كضوا دم تجري عيناها
تون وتنوح للضلو على الغبره
❥━──➸➽❥❂❥━──➸➽❥❂
بعزاء ونوح يخلص هالشهر كل عام
لحسين الذبيح مكدر الإسلام
على كلب الموالي صعبة هالايام
يتناحب يظل ويلطم ويقره
❥━──➸➽❥❂❥━──➸➽❥❂
وينعى اعله الكفيل العل النهر مطروح
ودمه عالارض يا ويلي ظل مسفوح
يمصابه جبير وفتتاها الروح
مصاب حسين خله بكل كلب كسره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للهلال لسان حال العقيله زينب عليها السلام
تقرأ بعدة اطوار
========

اهلال البين

هل يحسين

وگليبي رجف منه

========

اتخيلت العده اگبالي

ويمشي بضعني چتالي

ويشوف الردي اخيالي

وصوتك خويه اسمعنه
وگليبي رجف منه

➿➿➿

شفت هلاله گدامي

خفت لاتنذبح ضامي

واحير ابلمت ايتامي

دليلي شلون اصبرنه
وگليبي رجف منه

➿➿➿

خاف اتجور بينه ايام

تضيع الحرم والايتام

العدو مايعرف الاسلام

ماخلو زلم عدنه
وگليبي رجف منه

➿➿➿

على العباس اجر حسره

وعلى الي منگطع نحره

الضايع منهو اليدوره

يصيح ومااسمعنه
وگليبي رجف منه

➿➿➿

يخويه اتخيل المنضر

أموذرينه علي الاكبر

والعريس المطبر

عن حناته انشدنه
وگليبي رجف منه

➿➿➿

وشوفن طفلك الدافي

بخضني نايم وغافي

بس هلشوغه الي كافي

ماتت روحي اتمنه
وگليبي رجف منه

➿➿➿

اصيح وماحضر عباس

وسفه راعي النوماس

خلاني ابدين ارجاس

اخوي بنومته امهنه
وگليبي رجف منه

========
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شدة للهلال
***
هل محرم بالسمه وبجاني
ياشهر حزني وذبح اخواني
**
ياهلال بياوجه جاييني
شلون الك عين وتصد بعيني
آنه زينب بت علي حاجيني
والعقيله ام الخدر سماني
***
ياشهر ودعت بيك احله السنين
بليل عاشر ودعت بيك الحسين
إودعت عباس ابو كلب الحنين
وصار اسمي ام الحزن عنواني
*
بيك شفت اخواني نامو عالثره
شفت ابو السجاد حزو منحره
وعالشريعه نام سبع الكنطره
وبذبحهم تبتدي احزاني
****
شفت ابو فاضل بلا يمنه ويسار
سهم العين شفته والدليل احتار
صحت عباس حركو خيمتي بالنار
كوم ياخويه الشمر اذاني
*
مصاب حسين شفته واسمع ونينه
راسه عالرمح ويدير إلي بعينه
يوصيني عله ارقيه وعله اسكينه
والحادي بزجر والسوط مشاني
*
أم علي


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هلال محرم


هل الهلال يزينب. هل الهلال
والدمع سال يزينب. والدمع سال


ياعقيلة حيدره يم الخدر
هل محرم والحزن هل وكبر
ولايضل عندج ولي بهذا الشهر

والحمل مال يزينب والحمل مال
والدمع سال يزينب. والدمع سال



سالت دموع الرزيه والالم
باجر تهل المصايب والهظم
عالترب تجري من اخوتج كلها دم

والدهر عال يزينب. والدهر عال
والدمع سال يزينب. والدمع سال


اه من جور الزمان وعملته
باجر تشوفين اخوج وفجعته
باجر على الكاع كلهم ضنوته

الدهر ميااال يزينب دهر مياال
والدمع سال يزينب. والدمع سال


اليوم هل هلال هظمة فاطمه
بهالشهر. الآم والدمعه دمه
من تصدين على حرك مخيمه

سلى الدلال يزينب. سلى الدلال
والدمع سال يزينب. والدمع سال


يسيل دمعج من دمه لسبط النبي
تروح كل العايله لدرب السبي
يسب فاطم ما يهاب الناصبي

خابت امال يزينب خابت امال
والدمع سال يزينب. والدمع سال



ام زينب السعداوي. ناصريه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة مربعة لهلال شهر محرم الحرام ( لسان حال السيدة زينب ع )
--------------------------------------------------

يهلال الحزن لا تگبل اعلية
ترد اوجاع گلبي بهاي الامسية


يهلال الكدر و البين و الونة
خلوانة المنازل من حبايبنة
لا تگبل علينة و بيك فجعتنة
اتذكر مصاب اهل الاعزوبية

يهلال الشهر شفتك ابهليلة
انخمش گلبي وحبيبي اليوم انعيلة
واولادي وهلي و رويحتي انحيلة
واصيح بحسرة شيردهم بعد لية

برض الطف فگدت احبابي ياعالم
وبعيني شفت شيسوي الضالم
وجفني بقة ساهر ليلة ما نايم
ومن بلد البلد افتر و مسبية

مسبية مشيت و حالتي حالة
اون طول الدرب والدمعة همالة
و الملعون تجرح بيدي احباله
وكلساعة يسبني وهم يجر بية

من عت الحبل و امتوني توجعني
و روس اعزازي فوگ ارماح تنظرني
صحت بصوت خوية حسين تسمعني
وشاف شلون الشامت زمخ بية

شهرين اني دون اخواني متعذبة
و من ديرة الديرة امشي متغربة
ولا واحد علينة هم يحن گلبه
و تنام اموجعة العلوية ليلية

---------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للهلال عن لسان حال زينب ع

كون مايطلع اهلاله ولاتشوفه عيوني
يغيب لوكرب محرم يستحي من متوني
..............
يدري زينب تنفجع من طلعته
من تصد بالعين تذكر فجعته
يامصابي وياحسين اوذبحته
بيك اتذكر ليالي ويوم غير لوني
.............
كون يخجل مايهل هذا الشهر
يدعي ربه ايغيب ويذاك الكمر
الخله عينه انطفت يم راك النهر
يالخذت عزي ودلالي وخيبيت اضنوني
...........
ياشهر عاشور واحنيت الضلع
زينب تخاطب اهلالك بالدمع
يالبيك حسين دامي ومنصرع
مصابك ايألم دليلي وشيعتي ايعازوني
...........
تلبس اثياب الحزن بهلالك
وناعي يهلال بحزن ينعالك
اه يحسين وايسبي عيالك
ياذبيح الطف ينادي وانه ايذكروني
..............
ياهلال و يبدي وياك العتب
بيك ابوالسجاد ضامي وانسلب
بيك زينب عالهزل كطعت درب
مانسو يوم المصيبه وعالجره ايواسوني
...............
تدري يهلال المصايب من تهل
ترد مأساة السبي وشد الحبل
دهر حزنك ياهلال اومايزل
بيك مجتوفه ويسيره وعالهزل مشوني

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك