*قصيده للرسول (شيردك اليه)*
#من_ديوان_مسير الفواطم_ج٤
❥━──➸➽❥❂❥━──➸➽❥❂
الله وياك يالرحت من اديه شيردك اليه
صارت شوفتك حسره علية شيردك اليه
يالماكو بحنانك ... ظل خالي مكانك
من بعدك يغالي اشلون بيه شيردك اليه
❥━──➸➽❥❂❥━──➸➽❥❂
توادعنه ورحت عني وعفتني بويه الموت اخذاك
تابوتك نظرته وافجعتني گمت اصرخ وانعاك
اصيح ابصوت وانت مسمعتني بويه خذني وياك
اصيح وزاد وني شلون تروح عني
شلون اتنام بويه عالوطيه شيردك اليه
❥━──➸➽❥❂❥━──➸➽❥❂
تابوتك يبو الروح الحنينه گبال عيوني شالوه
ادگ عالراس ظليت وحزينه عني لمن اخذوه
عشرتنة گضت واتفارگينة وشخصك بويه دفنوه
وسفة ايضمك اتراب ... وشخصك يالابو غاب
اطب دارك واهل دمعه جرية شيردك الية
❥━──➸➽❥❂❥━──➸➽❥❂
دارك مظلمه واتهدم الحيل من طبيت الهه
تنشدني عليك وذاب الدليل ماادري شگلهه
راح الوالي او خلاني بالويل والدمعه اهلهه
الدللني مشه وراح وخله اخلافه الجراح
بعد متعود گعدتنه سوية شيردك اليه
❥━──➸➽❥❂❥━──➸➽❥❂
ريت اتعودلي واترد الايام ترجعلي يغالي
شبسرعة عفتني ابحسره والام والمدمع يلالي
انوح اعليك حتى الليل مانام توحشني الليالي
مني شيب الراس ايتيمه اصيحلي الناس
اسمعهم واون ونه خفيه شيردك اليه
❥━──➸➽❥❂❥━──➸➽❥❂
تدري ابغيبتك شصيحلي الناس سموني يتيمه
يتيمه وياحچيهم يجرح احساس شگد صعبه واليمه
يالغالي ادگ ظليت عالراس يابويه هظيمه
بتك لوعوهه ... ياطاهه وولوهة
ريت وياك اخذتني المنيه شيردك اليه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للرسول ص عن لسان الزهراء ع


مر الفراگ // بوية مااگدر اجرعة
مر الفراگ // اعليك يومية انة انعة
ابچي واعيوني عمت.......شمعة سنيني طفت
مر الفراگ......................................مر الفراگ

من رحت عني وعفتني هذا حالي
من بعد عينك ترا سودة الليالي
بوية راح وياك كل عزّي ودلالي
ماحسبت احساب نتفارگ يغالي
صحت وبلوعة گلب ....ارجع غيابك صعب
مر الفراگ......................................مر الفراگ

ظلمة صارت من بعد عينك حياتي
وگلبي كسرنة ويريدنك خواتي
لساني يلهج باسمك وادعي بصلاتي
كون يخلص عمري ويگرّب مماتي
شلي ابهاي الحياة .......... بس قهر بس نايبات
مر الفراگ......................................مر الفراگ

حسرة صارت شوفتك يانور العيون
وين اشوفنك بعد يالغالي وشلون
وانت بتراب الگبر ياوسفة مدفون
شگد صحت عاللي خذوك ومايسمعون
صحت ردولي الولي.........بعدة چاياهو الي
مر الفراگ......................................مر الفراگ

صعبة البنية ترا تفارگ ابوهة
الناس ماترحم حزنهة ويهظموهة
تدري روحي اشگد يبوية لوعوهة
بنيتك المدلولة بعدك عذبوهة
مارحم بية الزمن ......شفت الام ومحن
مر الفراگ......................................مر الفراگ

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للرسول ص حال الزهراء ع

❥❥ـــــــــــــ❁❂❁ـــــــــــــ❥❥

هـديـت حـيلـي ياجـبـير الساده
بــويــه روحـتـك للكـلــب مراده

❥❥ـــــــــــــ❁❂❁ـــــــــــــ❥❥

هديت حيـلـي يلعفت بتك تون
الـيـل مانامـت عليك ام الحسن
ضاكـت خـلافـك تره كل المحن
راعـي المحنه اعليك ون وناده

❥❥ـــــــــــــ❁❂❁ـــــــــــــ❥❥

ابو الـقاسم مشه لرض الغريريه
بـــتــك ضـالــه وتـنــوح ليـلـيه
كـاسـرنـي الزمــن بفـراكه تاليه
شماله الموت بس للزين يتراده

❥❥ـــــــــــــ❁❂❁ـــــــــــــ❥❥

مـفكـود الـرسـول وداره خلوانه
تـون كــل المدينه اعليه حزنانه
يا راعــي الـــكـلافه ساد ديوانه
حطــولك رمل ما حطو اوساده

❥❥ـــــــــــــ❁❂❁ـــــــــــــ❥❥

تـنـحـب ِفـاطـمـه وصيح يا يابه
مـسـدود الكـبر مانسمع اعتابه
دمـعـاتــي تـهــل اليوم سجابه
ويم باب النـزل حطيت حداده

❥❥ـــــــــــــ❁❂❁ـــــــــــــ❥❥

الدين خلاف عينك هدم اركانه
تــركـض حـافيه وصيح ما تانه
انـــدهولي الرسول يكوم ويانه
ياهم الكلب فــوك الحزن زاده

❥❥ـــــــــــــ❁❂❁ـــــــــــــ❥❥

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#هوسات_للرسول_من_ديوان_عبرات_وانين_ج٥
❥━──➸➽❥❂❥━──➸➽❥❂
اليوم المصطفى حملهن ظعونه
وشال وخلة بتة عليه محزونه
يفراگ الابو يصعب تعرفونه
*((اشحال الزهره//بيوم الفگدت واليها))*
❥━──➸➽❥❂❥━──➸➽❥❂
ظلت تنتحب واتسيل عيناها
ابوها شال عنها ووسفه خلاها
خل نبچي ونون عالوالي وياها
*((باحمد ومصابه//انعازي الزهرة))*
❥━──➸➽❥❂❥━──➸➽❥❂
عاف الزاچية مهظومة ووحيده
واعليه يون ظل حيدر عضيده
مصيوب الگلب ياناس شيهيده
*((الكون واهله//ايون اعليه))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه حول وفات الرسول



*شايل حسافه اليوم جد الساده*

*وحيدر علي الكرار تبچي اولاده*


يريدونه/الهيبه يعود


غرب حسافه وبالحزن عافاها
والعشره خلصت والنبي فلاها
محزونه بته بس تون خلاها

مر عليهه/ الزهره اتون


ظلت حزينه والقهرگاضيهه
والگوم عكبك يالنبي تاذيهه
مابيهه تبجي ام الحسن مابيهه

المحزونه/اتون عليك


شايل حسافه والخلك محزونه
والساده تبجي وجدهم يريدونه
بهيبه وبيارغ كلهم يشيعونه

*يشيلونه/البيرغ لاجله


طلعت بيارغ بالحزن شالوها
وصوب البقيع اجنازته ودوها
بفراگه بته وعل جره صبروها

فلاها/العشره وياهم


ظلت حزينه ام الحسن مالومه
غرب ابوها وفاطمه مهظومه
باجر عليهه تعتني كل كومه

يدفعونه/الباب عليهه


*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

: فزاعيه للامام العسكري ع
......
حزنان ابوصالح هلن عيونه
نعش العسكريه اليله يشلونه
..........
حزنان ابوصالح فاكد العود
يصد لدار عوده موش موجود
جر ونه عله ابوه وحيل ممرود

(اليله ايون فاكد عوده)
.............
فاكد عوده ابوصالح وحزنان
الدار العسكري سدو البيبان
تحسر من يشوف البيت خلوان

(خليان البيت وبجاني )
.......
ننصب ماتمه وابنه نعزيه
حزين المنتضر خلنه نواسيه
يون ويوم عوده حيل ماذيه

( وياه نون كلنه الليله )
.........
حنه ضلعه لبوه ويهمل العين
يصيح بصوت خلصتوا يطيبين
ومنكم خاليه يهلي الدواوين

(خلصت عشرتكم يحبابي )
........
حزنانه المنابر عكب اهاليهه
جبيره جروحكم محد يداويهه
مكسور الكلب والعين يجريهه

( الله يعينه والفاكده عوده )

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شايله امي وعذبتلي حوالي
بلدار الگه امي انه حسبالي
++++

مشتاكه اكعد انه وياهه العصر
شمحله كعدات الحنينه من تمر
دار ضلمه وتوحش وكلبي نعصر
بالدار صورتهه بگلبي تلالي
++++
بالدار صورتهه من صدن ليهه
تعصر الروحي وتضل تاذيهه
تطول الفركه اضن تاليهه
ماابطل الدمع لجلج هالي
++++
ماابطل دموع عيني يم حسن
امي ياعطر المحنه والوسن
خاف تراب الگبر عينج عمن
نمتي يمه وضيعتي امالي
+++++
كلساع اصد للباب وصرخ ماتجين
حيل يذبح روحي يحبيبه الحنين
حگي يمه عليج مابطل ونين
مالحكت الضعن مدري شمالي
+++++

النعش بالباب من لاكاني
صحت حيل بصوت ماتاناني
يالحنينه عليج طار اذهاني
وين رايح بيها ها يلوالي
++++
رايح الارض البقيع اليله
تبجي گلهه عليج هاي العيله
فراگ وجهج مالي حيل نشيله
البيت مجدر والله صبح خالي
++++++


٢٨/صفر/١٤٤٣
بقلم شاعرة اهل البيت عليهم السلام
✍🏻ام روكان الشمريه
غير مبري الذمه لكل من يغيير الاسم
او ياخذ كلمات القصيده وينسبها اليه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شور للعسكري ع نفس طور ابو فاضل للرادود علي الرميثي
*************************************
ابو صالح تهل عينه بمصاب العسكري وينه
ابو صالح ابو صالح
**********************************
دمعة المهدي الليله هماله
بعيونه شاف الوالد اكباله
مسموم جبده ومنخطف لونه
ويدير عينه يودع عياله
ممرود جبده وتستعر ناره
ويموت وحده بعيد عن داره
ياحيف مات بغدر عدوانه
مهدينه يمته ياخذ بثاره
ابو محمد عله مصابه تنوح الليله احبابه
ابو صالح ابو صالح
***********************************
مات الغريب بأرض سامره
وتنادي امه فاطمه الزهره
مسموم ليش بياذنب ابني
كعدت تواسي المهدي يم كبره
تبجي وتنوح بونه مخفيه
هاذه الكلب اسمع نواعيه
بعدك شباب وضيعو عمرك
يالعسكري مصابه شعمل بيه
تهل دمعه عله دمعه وتوج الليله جم شمعه
ابو صالح ابو صالح
************************************
مهدينه ناح بكلبه حسراته
عالكبر طاحت حمره دمعاته
ويصيح ابويه الماإلي غيره
بعده غريب وتبدي مأساته
يتمني فكدك بويه يالغالي
بوكت الطفوله والدمع هالي
بأول سنيني ويبتدي قهري
ادفن حبيبي بيدي وآمالي
انوح ودمعتي بعيني لأبويه وشمعة سنيني
ابو صالح ابو صالح
**************************************
لسامره كلب العاشك اليحدي
ويوكف ابابك وكفة امجدي
يجدد إلك يالمهدي هالبيعه
ويصيح ماعوفن ابد عهدي
مشايه اجينه اليوم يم دارك
يالمهدي كلنه نصيح انصارك
لثار الحسين وثار اجدادك
يمته تكوم وتاخذ بثارك
إلك هالشيعه مشتاكه وحك الصعدت الناكه
ابو صالح ابو صالح
****************************
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لاستشهاد السيده الزهراء عليها الصلاه والسلام


تهد الحيل ياونة المظلومه
تون الزاجيه من النوم محرومه
〰〰〰〰
تهد الحيل ونه فاطمه الزهره
مكسوره ضلع وعينها حمره
ماتكدر تنام وبالگلب جمره
عالمحسن تنوح وحيل مالومه
〰〰〰〰
عالمحسن تون الراح منها بساع
ميت شافته من هوت فوق الگاع
ياحيف التعب والامل ذاك الضاع
فوق آلامها عالولد معدومه
〰〰〰〰
جانت تنتظر جيته وبلهفه
يحرمهه الدهر منه ألف وسفه
باب الدار صارت موتته وحتفه
وعالعتبه اويلي تجري ادمومه
〰〰〰〰
يايوم السقيفه لحيل اذاهه
بهجوم الكوم هالبسمار صاباهه
وبعصره الطاغي طاح ضنواهه
مثل امه الزجيه اضلوعه مهشومه
〰〰〰〰
مثل امه الزجيه امهشمه اضلوعه
زينب شافته والروح مفجوعه
ظلت حايره ما تحمل اللوعه
زغيره والاخو ماينحمل يومه
〰〰〰〰〰
تصد الهه الزجيه والدمع بالعين
يمه بكربله تشوفين اخوج حسين
حاير وحده دارت عليه صوبين
شميلي الذبيح وخففي همومه
〰〰〰〰〰〰〰〰〰〰〰تمت بعون الله تعالى
✍خادمة الزهراء ام حسين الأسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه بهوسه للسيده الزهراءع


ازامط بيج الوواحد يحاجيني
وبعد ياهو ييمه ابزود يحميني


ازامط بيج ياروحي وضوه عيني
كعدي يم هله وحجايه سمعيني
انام بحظنج اليله دخليني

(وعفتيني وشلتي ابليل )


ازامط بيج خل نسولف شصاير
وكلبي بغيبتج يايمه ظل حاير
وياريت العمر افديه الج داير

(ومشتاكه والشوفت طولج )


ومشتاكه ييمه اليله اريدنج
ترجعلي اليالي وبيها اشوفنج
وماتدرين كل الحظه احنلج

(ورديلي وشيلي حزاني )


تعاي اوياي يمه وشوفي البيه
مري انوب مره وسيري اعليه
تهل عيوني يمه عليج مجريه

(حزنانه ظليت بفكدج )


وحزنانه ييمه وحيل مهظومه
يوجعني غيابج وابجي مالومه
وبسج نوم بطلي وكافي النومه

(ومهظومه الفراكج انه )


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراء بتاريخ الجمعه/2021/22/10
14ربيع الاول1443 نسالكم 🙏🙏الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه نخوه لزهراء ع

جينه بهظمنه اليوم لزهره جينه
ياحاضره الشدات بسمج نخينه
............
يم الحسن هاليوم منج طلبنه
البابج يبت الجود جينه وكصدنه
يمج يماي العين نشكي هظمنه
مولاتي مهظومين عينج علينه
...............
عينج عله المهموم اه يالزجيه
وبداعت المظلوم واخته السبيه
نضره يبت الجود نضري عليه
منج نريد امراد خليه بدينه
..........
منج نريد امراد يم العطايه
مشيه المشت لشام ويالسبايه
للمجلس اتعنيت واعكد الرايه
طلابه للحاجات ليج اعتنينه
...........
كلمن ولاها الضيم تندب يزهره
تتذكر العطشان والدمع يجره
وبدمعت المذبوح وبكطع نحره
نذكر مصاب حسين وعليه بجينه
..........
جينه نهل العين يم الميامين
يم الحسن جيناج والدمع بالعين
دمعه نريد امراد ودمعه عالحسين
ماننسه العطشان والضل رهينه

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للزهراء

ونت امي ومادريت شمالها
انطي عمري لو ترد لعيالها


سوم يادكتور وانه اشريها
امي شفجه ياحلو طاريها
خاف كسر ضلوعها ياذيها
امورمه العيون امي شحالها
◼️◼️◼️◼️◼️◼️
امي من نضراتها جن شايله
شنو يوجعها الطبيب ارد اسئله
سدره هيه الي تلم العايله
حك عراضه والتفك تبرالها

◼️◼️◼️◼️◼️◼️
حك عراضه والتفك تعرض الج
حك عليج اليوم تتنكب هلج
خاف زعلانه يشفجه ارد اسئلج
بهيده من تمشون ياشيالها
◼️◼️◼️◼️◼️◼️
طر مسايه غروب مارد لي بعد
کلبي عالشفجه تحسر ونمرد
شالت وياها السوالف والسعد
حت حمام الدوح ضل ينعالها
◼️◼️◼️◼️◼️◼️
ابجي يايمه فلا بطله الدمع
شذكر السطره الو اذكر ضلع
عليج يمه حسين يبجي ومنفجع
يكول من البيت ضاع خيالها

بقلم ام روكان الشمريه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله للسيده الزهراء ع ولفقد الوالده


ذكرتج بالمسيه........وعنيتي عليه
يمه شلون الفراك..لو طال شبديه


ذكرتج والكلب نار يمه شلون حالي
اشوف البيت وحشه ابدآ ما حلالي
محزن بيتج اعليج منج صار خالي
يمه استعجليتي.....بيه ولا دريتي
فراكج موت اليه........عنيتي عليه



فراكج ما احمله و الله يروح الروح
يحلالي ييمه عكبج صاير النوح
كلبي من الهضايم بيت لكل الجروح
فراكج ما هويته....شخصج ضيعيته
يالدارج خليه .. ...... ...عنيتي عليه



خليه اليوم دارج صوتج ماسمعناه
ابد ما جان عالبال فراكج ماحسبناه
يكتل يوم الفراك يمه وعيب ردناه
يالكلج محنه..........عليج أسدر الونه
يا يمه شبديه................عنيتي عليه



ماحسبنه لا يوم نتفارك حسافات
من البيت تمشين يمه بغير جيات
نتلاكه بعد وين صارت حيل هيهات
ياشمعة حياتي.........بعد انه وبناتي
بعد ما الج جيه.............عنيتي عليه



هم اتعود هيهات امي الي اودها
يكون اتوسد انه يا ناس بالحدها
شالت ونست البيت جا ياهو اليردها
صعبه مفاركينج....تعاي نصيح وينج
يامكسر وفيه.................عنيتي عليه


✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه الزهراء


مشتاگه الج گد الهوه يحبيبه يمه
ماانسه من جنه سوه. يحبيبه يمه
صار اربعينج ياضوه. يحبيبه يمه

✦❥※❥※✿✿※
گلبي ييمه اشتاگ الج ردي عليه
زينب عليج امعلمه يمها الزجيه
ونيران تسعر فركتج يحبيبه بيه
ارد افتح گليبي الج واشكيج همه
✦❥※❥※✿✿※
شلون البنيه بلايه ام تبگه وحدها
وتتوسد بنص الگبر امها وسندها
افراگ العزيزه فاطمه الروحي مردها
وجرح الگلب يم الحسن ياهو اليلمه
✦❥※❥※✿✿※
ساعه اروح الحجرتج ساعه المصلاج
وضليت ادور ابيتج وحسبالي الكاج
وارجع بخاطر منكسر يمه بلياج
يااغله من ماي العذب والهوه وشمه
✦❥※❥※✿✿※
عشره وثلاثين اصبحت ضلمه الليالي
يالوجهج وطولج حلو غايب تعالي
ياوسفه ضيعلي الدهر عزي ودلالي
ودارج ييمه خاليه اوحشه ومضلمه
✦❥※❥※✿✿※
تهضمني يمه يم حسن من اطبلها
ابنج شگله لو نسد خالي نزلها
احا يعلت فاطمه اوزينب عللها
طول الدهر آ ياكلب مايگضي همها

ام انور الذبحاوي
✦❥※❥※✿✿※
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لزهراء ع

ردي يم حسن تاهت يتماج
ييمه حسين مايرهم بلياج
...........
ردي لنزل يابعد العيون
وولادج عله فراكج يونون
حزنانين والشوفج يريدون
بعدهم مشبعو من لذت ارباج
............
يتباجون ويكسرون الكلوب
يذكرون الحنينه وكت الغروب
زينب صارخه والدمع مسجوب
وكت اليل بالونات تنعاج
...........
تفز بليل وتريدج تردين
تكابل حجرتج والدمعه بالعين
تصيح بصوت يمه وماتسمعين
حن ليج الكلب وارد اكعد وياج
.........
بعدنه بشوك كعداتج يزهره
عفتيني بحزن والعين تجره
مكسور الكلب بجفاج كسره
تلوج الروح وتحن عله ملكاج
...........
بعد ذاك الشمل ماضن نلمه
وتدرين اليتيم ايزود همه
يهدم بالصخر لوحن عله امه
تهل عيونهم من يمر طرواج

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*فزاعيه سريعه للزهراء، ع*
ـــــــــــــــــــــــــــــــ
اويــــــلاه دار ام حسن حرگوها
اويـــــلاه ظلام ما رحموها

ـــــــــــــــــــــــــــــــ
والنار شبت مسعره
تبجي وتنوح الطاهره
مصابج عظيم وماجره
اويلاه يضلوعج الصابوها
ـــــــــــــــــــــــــــ
مصيوبه ابوها نادته
خلي يشوف بنيته
تعازيه كلها شيعته
والزهره ما هابوها
ــــــــــــــــــــــ
وسفه النذل ما هابج
جاب الحطب يم بابج
يكلف علينه غيابج
وام الخدر واسوها
اويــــــــلاه
ــــــــــــــــــــــــــــ
واسوها لم النايبه
الماجره دموعه تعاتبه
ماتت الزهره مصوبه
وحقوق الج غصبوها
اويــــــــــــلاه
ــــــــــــــــــــــــ
وحقوق معروفه فدك.
كلمن يعاديها هلك
ياربي ندعي ونسالك
كلمن يوون سجلوها
اويــــــــــــــــلاه
ــــــــــــــــــــــ
كلمن يوون مسجله
ذنوب كثره شايله
باب الزجيه ونساله
كلمن ندب سمعوعا
اويــــــــــــلاه
ــــــــــــــــــــــــــــ
*تمـــــــــــــت بقلم خادمة اهل البيت ع ام وليــــــــــد الموســــــوي لا اجيز حذف الاسم شرعا


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة حيدريه بحق مولاتنا الزهراء ع


اه واويلاه ماتت فاطمه
ارتجت الدنيا وملائكة السمه


ارتجت الاكون لجل الطاهرة
وكلب ابوالحسنين جاشيصبرة
استعدي يا لعقيله للجره
اليوم تبجي ادموع زينب من دمه


تبجي والدلال ناره ماطفت
وعينها للوالده ولا غمضت
اه واويلاه زغيره اتحملت
ادكول روحي اليوم لمي مئلمه


اتألمت روحي ولا ينفع دوه
كون موتتنه يالحبيبه سوه
انتي نبض الروح ولعيني ضوه
روحي من يوم المشيتي هايمه


روحي هامت والكلب ماينجبر
عكب عينج يمه ماريد العمر
كبل ضلعج كلبي احس بيه منكسر
اليوم فكديتج وباجر حيدره


باجر الهامه اشوفنها انفجع
وكلبي يمه اليوم ينزف للضلع
وافكد الانوار يا زهره التشع
انوب اشوف الضيم كله بكربله


حسين من ذبحوه عيني اتشاهده
شلون من داسوا على صدره العده
كون يمه اتشاهدين الي سده
حسين لو شفتيه ايلوج امن الضمه

🎤🎤🎤🎤🎤🎤🎤🎤🎤🎤🎤🎤
بقلم✍الشاعرة ام كرار الساعدي
غير مبري الذمه من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للزهراء وللام ايضاا
✿➻✾❢❧✭„✪„✭❧❢✾➻✿
المحنه وياج يمه فاركيناها
الدنيا بغير شخصج ماهويناها
✿➻✾❢❧✭„✪„✭❧❢✾➻✿
الدنيا بلايه ام تصير مو حلوه
عكب الدللتنه والله ماتسؤه
ترفه ارؤاحنه وافراك مانهوه
يم احسين دارج مادخلناها
✿➻✾❢❧✭„✪„✭❧❢✾➻✿
دارج مااطبهاا تنعمي عيني
اصيح بشوك وين امي التلاكيني
انابيها بدمع عيني وتنابيني
حتى الدار ونت من فكدناها
✿➻✾❢❧✭„✪„✭❧❢✾➻✿
من يؤم الفكدنه امنه الحنينه
بعد محد يمرنه وينشد علينه
ينار يفراكها تسعر وتجوينه
نكول الدللتنه وين نلكاها
✿➻✾❢❧✭„✪„✭❧❢✾➻✿
بعد وجهج ييمه مااشوفنه
وصوتج بالمنازل مااسمعنه
منج ايسينه وخابت الضنه
ونتذكر عمرنه الجان وياها
✿➻✾❢❧✭„✪„✭❧❢✾➻✿
تذكرنه المجان البي تسامرنه
وذيج ايامنه الحلوه وسؤالفنه
ووي امنه الحنينه الموت فاركنه
الف ياحيف هسه ضيعيناها
✿➻✾❢❧✭„✪„✭❧❢✾➻✿
كلمات الشاعره نورس الحلفي

الفاتحه الى رؤح جدتي وامواتكم🙏


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه ختمة مجلس
******************
واويلي عله الزهره ٢
*****************
جينه ننصب المأتم
بخيمة فاطمه نلتم
والوالاهه مايندم
دنيه وآخره إتحضره
*****************
خدام احنه يم بابج
بينه يلجم صوابج
يشبه كربله مصابج
خله بالكلب جمره
******************
ام حسين عصروهه
والضلعين كسروهه
باب الدار وجوهه
ومحسن طاح عالغبره
******************
فجعونه بهجوم الدار
بضلعج نابت البسمار
وامجتف علي الكرار
زينب تندب بعبره
******************
بيش امي يطلبوهه
بجعب الرمح ضربوهه
واعله العين سطروهه
توجع طكة السطره
******************
حسره ازيارتج بينه
ماندري الكبر وينه
يمته يعود مهدينه
يبني الكبه والحضره
******************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لفقد الاب وكذالك الاحباب والخطاب لزينب ع

يالفاكده ذخر الكلب وني وحملي الهظمات
والراح مايرجع بعد ماضن ترده الونات
مافاد ونج بيهم / تراب الكبر غاطيهم
وني وحملي الهظمات
..............

لوراح ابوج ومارجع وني وتلوك الونه
مايكعد النام وغفه يرد عله بابج ضنه
واليندفن حدر الثره الونات ماجابنه
كلبج خلص من ونته الحسرات مافادنه

بطلي العتاب عليهم / تراب الكبر غاطيهم
وني وحملي الهظمات
..............
المن تودين العتب غمض ابوج العينين
لوغاب عنج والدج المن بضيمج تحجين
ترحين لديار الاهل بدمع الهظيمه تردين
دمعج يهل عله الوجن والشوف ابوج تحنين

خلي الكلب يبجيهم / تراب الكبر غاطيهم
وني وحملي الهضمات
..........
رفكي الحزن طول العمر ذكري الابو اوناته
يازينب الوالد ذخر وكت العسر وكفاته
يشبعن هظايم لومشه وايذلن ابنياته
كلما يمرن بالنزل يتذكرن كعداته

ماضن بعد تلكيهم / تراب الكبر غاطيهم
وني وحملي الهظمات
................

يالضيعت وجه الابو ايضل الحزن غاطيها
ماسولفت ضيم الكلب لاحجت هم البيها
كطعت الضنه وايست حدر ترب واليها
الراح شيرده بعد واينشد اردود عليها

شسوه زمانج بيهم / تراب الكبر غاطيهم
وني وحملي الهظمات
.........
يالشال عنج والدج وعافج حزينه بهمج
يازينب ايام الحزن طول العمر رفكنج
ضلت اديارج خاليه لاعودج اولاامج
حملي الهظم يم الحزن مايوم يخلص حزنج

راحو والا ترجيهم / تراب الكبر غاطيهم
وني وحملي الهظمات

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم تم تصحيح هذه القصيده من جزء العاشر الماسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك