لطميه لرسول الله صل الله عليه واله عن لسان فاطمة الزهراء ع

نادت بصوت الزجيه
بويه يالرحت من اديه
بويه مر افراكك
مااريد اغيابك
بويه بويه بويه بويه

...........
ودعتني وتدري بيه اشكد احبك
يالحنين عله الزجيه شكال كلبك
تدري عيني دومها اربيه عالدربك
تذوب روحي لوردت يابويه اندبك

ماضي بيه اصوابك
مااريد اغيابك

وياي جنك هاي اهيه
بويه يالرحت من اديه

بويه بويه بويه بويه
..............
هايه هيه وانكضت عشرتنه جنها
لاتضن روحي كضه وبطل حزنها
هموم والالام اليالي ايعذبها
ضلوعي حسرات الدهر بعدك لونها

هواي ازيد اعتابك
مااريد اغيابك

مادريت اصار بيه
بويه يالرحت من اديه
بويه بويه بويه بويه
...........
انشد واشوف اشجره لوطال الاغياب
وخل تسولف عن مصابي عتبة الباب
كلها ياضلع انكسر وبصفج انصاب
كلها ياهوالي جره دمه عله الاعتاب

رد عليه اجوابك
مااريد اغيابك

ضيم بعدك مر عليه
بويه يالرحت من اديه

بويه بويه بويه بويه
.............
ضيم كلبي والهضم نحلي الابدان
شاهد الحزني صبح يابيت الاحزان
صوابين صاباني الدهر والدمع جروان
صواب ضلعي وغيبتك ياسيد الاكوان

وروعتني اصحابك
مااريدك اغيابك

مارعو ذيج الوصيه
بويه يالرحت من اديه

بويه بويه بويه بويه
..............
اه ياحزني السلب نومي من العيون
ابجو بدموع الحزن يامن تواسون
ذكرو من شال الابو وحمل بالاضعون
ودمعت اولادي جرت وعليه يونون


بويه ذوله احبابك
مااريدك اغيابك

بجو والدمعه جريه
بويه يالرحت من اديه

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لرسول الله

المستهل

مااكعد بعد بالدار
شال اليوم راعيها

•───✧◐🕊🌻🕊◐✧───•

بويه الدار تعميني
شلون تروح عن عيني
عكبك من يسليني
الونه اعليك اعليهه

•───✧◐🕊🌻🕊◐✧───•

ابو ابراهيم رد ليه
عكبك هجمو اعليه
عدوك مارحم بيه
الدمعهه اعليك اجريهه

•───✧◐🕊🌻🕊◐✧───•

مابطل نياحه اعليك
بروحي يالولي اشريك
دم العين تبجي اعليك
غيابك حيل ماذيهه

•───✧◐🕊🌻🕊◐✧───•

متعوبه واصيح احاه
شايل يالأبو ويلاه
والمسجد بقى ينعاه
احبابك لاتخليهه

•───✧◐🕊🌻🕊◐✧───•

مفجوعه المدينه اليوم
للشال ابجرح مسموم
يوجع هالخبر ميشوم
والزهره نعازيهه

•───✧◐🕊🌻🕊◐✧───•

نعازي ام الحسن بالنوح
مكابل والدمع مسفوح
بالسم الرسول يروح
الصرخه اعليه عليهه

•───✧◐🕊🌻🕊◐✧───•

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

عزائيه لفقد الرسول ص
○●○●○●

اجينه انعازي الزهره ونواسيها
اليوم ام الحسن مفكود واليها
●○●○●○

انفجعت فاطمه من فكدت الوالي
دخلت بيت ابوها وشافته خالي
تنعى بت رسول الله على الغالي
اكعد ياالولي و اسمع نواعيها
●○●○●○

اليوم ام الحسن فكدت البي هيبه
وعكب الدللاها ضلت بريبه
البت لو راح ابوها تصبح غريبه
وديرانه تون لو مات راعيها
●○●○●○

اجينه اليوم نبجي ونلطم وياها
مكابل واللطم يحله اعله ملفاها
يتيمه شلون ابو ابراهيم عافاها
المن تشتكي لو عالو اعليها
●○●○●○

باجر من عكب عينك يأذوها
وبتك دراها عليها يحركوها
يدخلون وعلى خدها يضربوها
علي مجتف بعد منهو اليحاميها
●○●○●○
الشاعره نورس الحلفي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الي رسول الله المصطفى


مغرب وين ياتاج اليفرضون
يابو الزهره تبجي عليك العيون
〰️〰️〰️〰️〰️
شايل ياأساس الدين ياعروه

تلوك عليك ياطاها النبوه
مسافر للكبر ولزهره تتلوه
(((المشيد الدين مودعينه)))
〰️〰️〰️〰️〰️
يابرهان واضح بين الاسلام
جم ايه للك نزلت الاحكام
رب عروشها نزللك الهام
((( جبريل يون على مصابه))
〰️〰️〰️〰️
الزهره اليوم عازيها بونات
نشيل اعلامنه ونرفعله رايات
هذا الي صاعد سابع سموات
((( يريدونه الحكمه معدل))
〰️〰️〰️〰️
شايل يلنبي ومخلي محرابك
اجت الناس عنايه على بابك
انته الي الانس ولجان هابك
(( يسمونه الخاتم دينه)))
〰️〰️〰️〰️
ضل عليك محزن داحي الباب
حزنان الوصي بغياب الاحباب
شال البي هيبه وكلبه انعاب
(( الشال عضيده يعازونه))
〰️〰️〰️〰️〰️
صارك اسمك فرض ويه اليصلون
نشهدللك شهاده وتبجي العيون
للمختار نهدل حيل المتون
((نشهد باسمك ياهيبه))
〰️〰️〰️〰️✍🏻✍🏻
بقلمي الفقير خادمه البتول المله ولشاعره ام نادين المحمداويه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للاب اهديها الى سيدي رسول الله(ص) ومولاتي الزهراء"ع"
❥❥ـــــــــــــ❁❂❁❂❁❂❁ـــــــــــــ❥❥
*مايگعد بعد …راح اليباريچ*
*صوتچ مايسمعة ولابواچيچ*
❥❥ـــــــــــــ❁❂❁❂❁❂❁ـــــــــــــ❥❥
مايسمع عتب مايسمع ونين
ولصوب المگابر غرب الزين
حگچ عالابو لمن تلطمين
وحگچ لو عميتي عليه عينيچ
❥❥ـــــــــــــ❁❂❁❂❁❂❁ـــــــــــــ❥❥
الله يساعدچ من عنچ اخذوه
رايح للگبر تابوتة شالوه
يمچ مابقة ولالحضة خلوه
ظليتي يتيمة وحيل مابيچ
❥❥ـــــــــــــ❁❂❁❂❁❂❁ـــــــــــــ❥❥
كافيچ مناحة گطعي الظنون
مايرجع بعد يانور العيون
مجروح الگلب مايشفة وشلون
شيطيب الجرح والراح غاليچ
❥❥ـــــــــــــ❁❂❁❂❁❂❁ـــــــــــــ❥❥
غالي يالابو ويامحلة ملگاه
حنيتة وكلامة وگعدة وياه
علة ابنيتة صعب ياناس فرگاه
ياهو يصبحچ بعد ويماسيچ
❥❥ـــــــــــــ❁❂❁❂❁❂❁ـــــــــــــ❥❥
الله يصبرچ ويكون وياچ
من شال الولي ويتيمة خلاچ
مايدري مصابة اهواي اذاچ
دهرچ مايرحمچ حيل ياذيچ
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

وصيت النبي نكروها
حركو دارها الزهرة

ماهابو ابوها الكوم
من مات النبي هاليوم
كلبها على الابو مهظو
خطو بالكالب جمرة


صاحت فضة لحكيلي
مهظومة ونهدم حيلي
منو العالباب كليلي
اشم ريحة غدر برة

دفعو بابهة وفاتو
حاجتهم وماهابو
انة الزهرة وأن نادو

حزت خاطر الحرة


شجرى عليكم يهالاصحاب
عليه انة حركتو الباب
ماهاب النذل وارتاب
سطرها وتوجع السطرة


محسن وكع من عدها
بعد ما راح والدها
كسرو ظلع من عدها

علي الكرار شيصبرة


تمت بعون الله تعالى
الشاعرة خديجة العامري


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيده للرسول (شيردك اليه)*
#من_ديوان_مسير الفواطم_ج٤
❥━──➸➽❥❂❥━──➸➽❥❂
الله وياك يالرحت من اديه شيردك اليه
صارت شوفتك حسره علية شيردك اليه
يالماكو بحنانك ... ظل خالي مكانك
من بعدك يغالي اشلون بيه شيردك اليه
❥━──➸➽❥❂❥━──➸➽❥❂
توادعنه ورحت عني وعفتني بويه الموت اخذاك
تابوتك نظرته وافجعتني گمت اصرخ وانعاك
اصيح ابصوت وانت مسمعتني بويه خذني وياك
اصيح وزاد وني شلون تروح عني
شلون اتنام بويه عالوطيه شيردك اليه
❥━──➸➽❥❂❥━──➸➽❥❂
تابوتك يبو الروح الحنينه گبال عيوني شالوه
ادگ عالراس ظليت وحزينه عني لمن اخذوه
عشرتنة گضت واتفارگينة وشخصك بويه دفنوه
وسفة ايضمك اتراب ... وشخصك يالابو غاب
اطب دارك واهل دمعه جرية شيردك الية
❥━──➸➽❥❂❥━──➸➽❥❂
دارك مظلمه واتهدم الحيل من طبيت الهه
تنشدني عليك وذاب الدليل ماادري شگلهه
راح الوالي او خلاني بالويل والدمعه اهلهه
الدللني مشه وراح وخله اخلافه الجراح
بعد متعود گعدتنه سوية شيردك اليه
❥━──➸➽❥❂❥━──➸➽❥❂
ريت اتعودلي واترد الايام ترجعلي يغالي
شبسرعة عفتني ابحسره والام والمدمع يلالي
انوح اعليك حتى الليل مانام توحشني الليالي
مني شيب الراس ايتيمه اصيحلي الناس
اسمعهم واون ونه خفيه شيردك اليه
❥━──➸➽❥❂❥━──➸➽❥❂
تدري ابغيبتك شصيحلي الناس سموني يتيمه
يتيمه وياحچيهم يجرح احساس شگد صعبه واليمه
يالغالي ادگ ظليت عالراس يابويه هظيمه
بتك لوعوهه ... ياطاهه وولوهة
ريت وياك اخذتني المنيه شيردك اليه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للرسول ص عن لسان الزهراء ع


مر الفراگ // بوية مااگدر اجرعة
مر الفراگ // اعليك يومية انة انعة
ابچي واعيوني عمت.......شمعة سنيني طفت
مر الفراگ......................................مر الفراگ

من رحت عني وعفتني هذا حالي
من بعد عينك ترا سودة الليالي
بوية راح وياك كل عزّي ودلالي
ماحسبت احساب نتفارگ يغالي
صحت وبلوعة گلب ....ارجع غيابك صعب
مر الفراگ......................................مر الفراگ

ظلمة صارت من بعد عينك حياتي
وگلبي كسرنة ويريدنك خواتي
لساني يلهج باسمك وادعي بصلاتي
كون يخلص عمري ويگرّب مماتي
شلي ابهاي الحياة .......... بس قهر بس نايبات
مر الفراگ......................................مر الفراگ

حسرة صارت شوفتك يانور العيون
وين اشوفنك بعد يالغالي وشلون
وانت بتراب الگبر ياوسفة مدفون
شگد صحت عاللي خذوك ومايسمعون
صحت ردولي الولي.........بعدة چاياهو الي
مر الفراگ......................................مر الفراگ

صعبة البنية ترا تفارگ ابوهة
الناس ماترحم حزنهة ويهظموهة
تدري روحي اشگد يبوية لوعوهة
بنيتك المدلولة بعدك عذبوهة
مارحم بية الزمن ......شفت الام ومحن
مر الفراگ......................................مر الفراگ

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للرسول ص حال الزهراء ع

❥❥ـــــــــــــ❁❂❁ـــــــــــــ❥❥

هـديـت حـيلـي ياجـبـير الساده
بــويــه روحـتـك للكـلــب مراده

❥❥ـــــــــــــ❁❂❁ـــــــــــــ❥❥

هديت حيـلـي يلعفت بتك تون
الـيـل مانامـت عليك ام الحسن
ضاكـت خـلافـك تره كل المحن
راعـي المحنه اعليك ون وناده

❥❥ـــــــــــــ❁❂❁ـــــــــــــ❥❥

ابو الـقاسم مشه لرض الغريريه
بـــتــك ضـالــه وتـنــوح ليـلـيه
كـاسـرنـي الزمــن بفـراكه تاليه
شماله الموت بس للزين يتراده

❥❥ـــــــــــــ❁❂❁ـــــــــــــ❥❥

مـفكـود الـرسـول وداره خلوانه
تـون كــل المدينه اعليه حزنانه
يا راعــي الـــكـلافه ساد ديوانه
حطــولك رمل ما حطو اوساده

❥❥ـــــــــــــ❁❂❁ـــــــــــــ❥❥

تـنـحـب ِفـاطـمـه وصيح يا يابه
مـسـدود الكـبر مانسمع اعتابه
دمـعـاتــي تـهــل اليوم سجابه
ويم باب النـزل حطيت حداده

❥❥ـــــــــــــ❁❂❁ـــــــــــــ❥❥

الدين خلاف عينك هدم اركانه
تــركـض حـافيه وصيح ما تانه
انـــدهولي الرسول يكوم ويانه
ياهم الكلب فــوك الحزن زاده

❥❥ـــــــــــــ❁❂❁ـــــــــــــ❥❥

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#هوسات_للرسول_من_ديوان_عبرات_وانين_ج٥
❥━──➸➽❥❂❥━──➸➽❥❂
اليوم المصطفى حملهن ظعونه
وشال وخلة بتة عليه محزونه
يفراگ الابو يصعب تعرفونه
*((اشحال الزهره//بيوم الفگدت واليها))*
❥━──➸➽❥❂❥━──➸➽❥❂
ظلت تنتحب واتسيل عيناها
ابوها شال عنها ووسفه خلاها
خل نبچي ونون عالوالي وياها
*((باحمد ومصابه//انعازي الزهرة))*
❥━──➸➽❥❂❥━──➸➽❥❂
عاف الزاچية مهظومة ووحيده
واعليه يون ظل حيدر عضيده
مصيوب الگلب ياناس شيهيده
*((الكون واهله//ايون اعليه))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه حول وفات الرسول



*شايل حسافه اليوم جد الساده*

*وحيدر علي الكرار تبچي اولاده*


يريدونه/الهيبه يعود


غرب حسافه وبالحزن عافاها
والعشره خلصت والنبي فلاها
محزونه بته بس تون خلاها

مر عليهه/ الزهره اتون


ظلت حزينه والقهرگاضيهه
والگوم عكبك يالنبي تاذيهه
مابيهه تبجي ام الحسن مابيهه

المحزونه/اتون عليك


شايل حسافه والخلك محزونه
والساده تبجي وجدهم يريدونه
بهيبه وبيارغ كلهم يشيعونه

*يشيلونه/البيرغ لاجله


طلعت بيارغ بالحزن شالوها
وصوب البقيع اجنازته ودوها
بفراگه بته وعل جره صبروها

فلاها/العشره وياهم


ظلت حزينه ام الحسن مالومه
غرب ابوها وفاطمه مهظومه
باجر عليهه تعتني كل كومه

يدفعونه/الباب عليهه


*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

: فزاعيه للامام العسكري ع
......
حزنان ابوصالح هلن عيونه
نعش العسكريه اليله يشلونه
..........
حزنان ابوصالح فاكد العود
يصد لدار عوده موش موجود
جر ونه عله ابوه وحيل ممرود

(اليله ايون فاكد عوده)
.............
فاكد عوده ابوصالح وحزنان
الدار العسكري سدو البيبان
تحسر من يشوف البيت خلوان

(خليان البيت وبجاني )
.......
ننصب ماتمه وابنه نعزيه
حزين المنتضر خلنه نواسيه
يون ويوم عوده حيل ماذيه

( وياه نون كلنه الليله )
.........
حنه ضلعه لبوه ويهمل العين
يصيح بصوت خلصتوا يطيبين
ومنكم خاليه يهلي الدواوين

(خلصت عشرتكم يحبابي )
........
حزنانه المنابر عكب اهاليهه
جبيره جروحكم محد يداويهه
مكسور الكلب والعين يجريهه

( الله يعينه والفاكده عوده )

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شايله امي وعذبتلي حوالي
بلدار الگه امي انه حسبالي
++++

مشتاكه اكعد انه وياهه العصر
شمحله كعدات الحنينه من تمر
دار ضلمه وتوحش وكلبي نعصر
بالدار صورتهه بگلبي تلالي
++++
بالدار صورتهه من صدن ليهه
تعصر الروحي وتضل تاذيهه
تطول الفركه اضن تاليهه
ماابطل الدمع لجلج هالي
++++
ماابطل دموع عيني يم حسن
امي ياعطر المحنه والوسن
خاف تراب الگبر عينج عمن
نمتي يمه وضيعتي امالي
+++++
كلساع اصد للباب وصرخ ماتجين
حيل يذبح روحي يحبيبه الحنين
حگي يمه عليج مابطل ونين
مالحكت الضعن مدري شمالي
+++++

النعش بالباب من لاكاني
صحت حيل بصوت ماتاناني
يالحنينه عليج طار اذهاني
وين رايح بيها ها يلوالي
++++
رايح الارض البقيع اليله
تبجي گلهه عليج هاي العيله
فراگ وجهج مالي حيل نشيله
البيت مجدر والله صبح خالي
++++++


٢٨/صفر/١٤٤٣
بقلم شاعرة اهل البيت عليهم السلام
✍🏻ام روكان الشمريه
غير مبري الذمه لكل من يغيير الاسم
او ياخذ كلمات القصيده وينسبها اليه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شور للعسكري ع نفس طور ابو فاضل للرادود علي الرميثي
*************************************
ابو صالح تهل عينه بمصاب العسكري وينه
ابو صالح ابو صالح
**********************************
دمعة المهدي الليله هماله
بعيونه شاف الوالد اكباله
مسموم جبده ومنخطف لونه
ويدير عينه يودع عياله
ممرود جبده وتستعر ناره
ويموت وحده بعيد عن داره
ياحيف مات بغدر عدوانه
مهدينه يمته ياخذ بثاره
ابو محمد عله مصابه تنوح الليله احبابه
ابو صالح ابو صالح
***********************************
مات الغريب بأرض سامره
وتنادي امه فاطمه الزهره
مسموم ليش بياذنب ابني
كعدت تواسي المهدي يم كبره
تبجي وتنوح بونه مخفيه
هاذه الكلب اسمع نواعيه
بعدك شباب وضيعو عمرك
يالعسكري مصابه شعمل بيه
تهل دمعه عله دمعه وتوج الليله جم شمعه
ابو صالح ابو صالح
************************************
مهدينه ناح بكلبه حسراته
عالكبر طاحت حمره دمعاته
ويصيح ابويه الماإلي غيره
بعده غريب وتبدي مأساته
يتمني فكدك بويه يالغالي
بوكت الطفوله والدمع هالي
بأول سنيني ويبتدي قهري
ادفن حبيبي بيدي وآمالي
انوح ودمعتي بعيني لأبويه وشمعة سنيني
ابو صالح ابو صالح
**************************************
لسامره كلب العاشك اليحدي
ويوكف ابابك وكفة امجدي
يجدد إلك يالمهدي هالبيعه
ويصيح ماعوفن ابد عهدي
مشايه اجينه اليوم يم دارك
يالمهدي كلنه نصيح انصارك
لثار الحسين وثار اجدادك
يمته تكوم وتاخذ بثارك
إلك هالشيعه مشتاكه وحك الصعدت الناكه
ابو صالح ابو صالح
****************************
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لاستشهاد السيده الزهراء عليها الصلاه والسلام


تهد الحيل ياونة المظلومه
تون الزاجيه من النوم محرومه
〰〰〰〰
تهد الحيل ونه فاطمه الزهره
مكسوره ضلع وعينها حمره
ماتكدر تنام وبالگلب جمره
عالمحسن تنوح وحيل مالومه
〰〰〰〰
عالمحسن تون الراح منها بساع
ميت شافته من هوت فوق الگاع
ياحيف التعب والامل ذاك الضاع
فوق آلامها عالولد معدومه
〰〰〰〰
جانت تنتظر جيته وبلهفه
يحرمهه الدهر منه ألف وسفه
باب الدار صارت موتته وحتفه
وعالعتبه اويلي تجري ادمومه
〰〰〰〰
يايوم السقيفه لحيل اذاهه
بهجوم الكوم هالبسمار صاباهه
وبعصره الطاغي طاح ضنواهه
مثل امه الزجيه اضلوعه مهشومه
〰〰〰〰
مثل امه الزجيه امهشمه اضلوعه
زينب شافته والروح مفجوعه
ظلت حايره ما تحمل اللوعه
زغيره والاخو ماينحمل يومه
〰〰〰〰〰
تصد الهه الزجيه والدمع بالعين
يمه بكربله تشوفين اخوج حسين
حاير وحده دارت عليه صوبين
شميلي الذبيح وخففي همومه
〰〰〰〰〰〰〰〰〰〰〰تمت بعون الله تعالى
✍خادمة الزهراء ام حسين الأسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه بهوسه للسيده الزهراءع


ازامط بيج الوواحد يحاجيني
وبعد ياهو ييمه ابزود يحميني


ازامط بيج ياروحي وضوه عيني
كعدي يم هله وحجايه سمعيني
انام بحظنج اليله دخليني

(وعفتيني وشلتي ابليل )


ازامط بيج خل نسولف شصاير
وكلبي بغيبتج يايمه ظل حاير
وياريت العمر افديه الج داير

(ومشتاكه والشوفت طولج )


ومشتاكه ييمه اليله اريدنج
ترجعلي اليالي وبيها اشوفنج
وماتدرين كل الحظه احنلج

(ورديلي وشيلي حزاني )


تعاي اوياي يمه وشوفي البيه
مري انوب مره وسيري اعليه
تهل عيوني يمه عليج مجريه

(حزنانه ظليت بفكدج )


وحزنانه ييمه وحيل مهظومه
يوجعني غيابج وابجي مالومه
وبسج نوم بطلي وكافي النومه

(ومهظومه الفراكج انه )


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراء بتاريخ الجمعه/2021/22/10
14ربيع الاول1443 نسالكم 🙏🙏الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه نخوه لزهراء ع

جينه بهظمنه اليوم لزهره جينه
ياحاضره الشدات بسمج نخينه
............
يم الحسن هاليوم منج طلبنه
البابج يبت الجود جينه وكصدنه
يمج يماي العين نشكي هظمنه
مولاتي مهظومين عينج علينه
...............
عينج عله المهموم اه يالزجيه
وبداعت المظلوم واخته السبيه
نضره يبت الجود نضري عليه
منج نريد امراد خليه بدينه
..........
منج نريد امراد يم العطايه
مشيه المشت لشام ويالسبايه
للمجلس اتعنيت واعكد الرايه
طلابه للحاجات ليج اعتنينه
...........
كلمن ولاها الضيم تندب يزهره
تتذكر العطشان والدمع يجره
وبدمعت المذبوح وبكطع نحره
نذكر مصاب حسين وعليه بجينه
..........
جينه نهل العين يم الميامين
يم الحسن جيناج والدمع بالعين
دمعه نريد امراد ودمعه عالحسين
ماننسه العطشان والضل رهينه

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للزهراء

ونت امي ومادريت شمالها
انطي عمري لو ترد لعيالها


سوم يادكتور وانه اشريها
امي شفجه ياحلو طاريها
خاف كسر ضلوعها ياذيها
امورمه العيون امي شحالها
◼️◼️◼️◼️◼️◼️
امي من نضراتها جن شايله
شنو يوجعها الطبيب ارد اسئله
سدره هيه الي تلم العايله
حك عراضه والتفك تبرالها

◼️◼️◼️◼️◼️◼️
حك عراضه والتفك تعرض الج
حك عليج اليوم تتنكب هلج
خاف زعلانه يشفجه ارد اسئلج
بهيده من تمشون ياشيالها
◼️◼️◼️◼️◼️◼️
طر مسايه غروب مارد لي بعد
کلبي عالشفجه تحسر ونمرد
شالت وياها السوالف والسعد
حت حمام الدوح ضل ينعالها
◼️◼️◼️◼️◼️◼️
ابجي يايمه فلا بطله الدمع
شذكر السطره الو اذكر ضلع
عليج يمه حسين يبجي ومنفجع
يكول من البيت ضاع خيالها

بقلم ام روكان الشمريه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله للسيده الزهراء ع ولفقد الوالده


ذكرتج بالمسيه........وعنيتي عليه
يمه شلون الفراك..لو طال شبديه


ذكرتج والكلب نار يمه شلون حالي
اشوف البيت وحشه ابدآ ما حلالي
محزن بيتج اعليج منج صار خالي
يمه استعجليتي.....بيه ولا دريتي
فراكج موت اليه........عنيتي عليه



فراكج ما احمله و الله يروح الروح
يحلالي ييمه عكبج صاير النوح
كلبي من الهضايم بيت لكل الجروح
فراكج ما هويته....شخصج ضيعيته
يالدارج خليه .. ...... ...عنيتي عليه



خليه اليوم دارج صوتج ماسمعناه
ابد ما جان عالبال فراكج ماحسبناه
يكتل يوم الفراك يمه وعيب ردناه
يالكلج محنه..........عليج أسدر الونه
يا يمه شبديه................عنيتي عليه



ماحسبنه لا يوم نتفارك حسافات
من البيت تمشين يمه بغير جيات
نتلاكه بعد وين صارت حيل هيهات
ياشمعة حياتي.........بعد انه وبناتي
بعد ما الج جيه.............عنيتي عليه



هم اتعود هيهات امي الي اودها
يكون اتوسد انه يا ناس بالحدها
شالت ونست البيت جا ياهو اليردها
صعبه مفاركينج....تعاي نصيح وينج
يامكسر وفيه.................عنيتي عليه


✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه الزهراء


مشتاگه الج گد الهوه يحبيبه يمه
ماانسه من جنه سوه. يحبيبه يمه
صار اربعينج ياضوه. يحبيبه يمه

✦❥※❥※✿✿※
گلبي ييمه اشتاگ الج ردي عليه
زينب عليج امعلمه يمها الزجيه
ونيران تسعر فركتج يحبيبه بيه
ارد افتح گليبي الج واشكيج همه
✦❥※❥※✿✿※
شلون البنيه بلايه ام تبگه وحدها
وتتوسد بنص الگبر امها وسندها
افراگ العزيزه فاطمه الروحي مردها
وجرح الگلب يم الحسن ياهو اليلمه
✦❥※❥※✿✿※
ساعه اروح الحجرتج ساعه المصلاج
وضليت ادور ابيتج وحسبالي الكاج
وارجع بخاطر منكسر يمه بلياج
يااغله من ماي العذب والهوه وشمه
✦❥※❥※✿✿※
عشره وثلاثين اصبحت ضلمه الليالي
يالوجهج وطولج حلو غايب تعالي
ياوسفه ضيعلي الدهر عزي ودلالي
ودارج ييمه خاليه اوحشه ومضلمه
✦❥※❥※✿✿※
تهضمني يمه يم حسن من اطبلها
ابنج شگله لو نسد خالي نزلها
احا يعلت فاطمه اوزينب عللها
طول الدهر آ ياكلب مايگضي همها

ام انور الذبحاوي
✦❥※❥※✿✿※
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك