قصيده للأربعين(يشيعه كل سنه)

************************

يشيعه كل سنه بعاشور آنه حسين ذكروني

***********************

يشيعه كل سنه وكل عام

لبسو اسود ودكو الهام

اجركم عندي يا خدام

ومن حگکم تندبوني

********************

يل لطمتو ما ناسين

وتصيحون آه يحسين

الكم هالأجر بعدين

بالمحشر تلاگوني

*********************

بالمحشر شفيع الناس

انه والگمر عباس

يل تلطمون فوگ الراس

کل عام وتعزوني

**********************

يل تنصبون نوحيه

عله العطشان يوميه

تجازيكم المسبيه

يلي ما نسيتوني

**********************

شفيع الشيعه الكرار

بدمعاتك تطفي النار

وانتو ابخت حامي الجار

وابختي يل تندبوني

****لشاعره رسل الابراهيمي *

**زليخة العباس ***


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للاربعين


اجينه نمشي الكربلاء والعليل ويانه
كوم ياحامي الضعون اكعد اتلگانه

كوم يبن امي على بختك ليش هاي النومه
ماگلت زينب اجتني من اليسر مهضومه
عالترب عفتك يگافل من رحت مندومه
جبت ايتام وحريم الكربلاء الميشومه
من يرجعنه الوطنه يالولي حيرانه

++++++
من يرجعني الوطنه وانه حرمه بلا ولي
جيتلك ناحله خويه كومو ردونه الهلي
اقسم عليك بمحمد جدك والله وعلي
لاتخلينه حياره وكاعدين بهل الخلي
فراكم غيرني خويه بدونكم نحلانه

+++++++
الفراك هواي هدني جيتك بهم اليسر
جيت اشكيلك احوالي ياابن فارس مضر
ليش خويه ماتصدلي ليش نايم عالنهر
انه مهضومه وحزينه وخاطري ماينجبر
لوشفت من وكفونه يزيد وبديوانه

+++++++
لو، شفت من وكفونه وراد بيهه ذلتي
لجن اختك جبل واكف ماانزل هامتي
خطبت بالديوان ماله لو شفتهه وگفتي
هزت اركان الضلاله وحق عينك خطبتي
كلت ماتمحو ذكرنه دوم عالي الوانه

++++++++
يايزيد الزمن يحكم منهو صاحب ثوره
اهل بيت ال الرساله وحنه اهل العتره
يبقه تاريخ النه يشهد ماتضمه الزمره
زمرتك واهل الطواغي من السقيفه المره
وحي جبرائيل احنه بالمجد زكانه

++++++++
تمت بقلـ🖋️ـم ام روكان الشمري


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعة و فزاعية ( للاربعينية لسان حال زينب ع )
---------------------------------------------------

وياها الزجية نشد الاحزام
اجت بالاربعين وشايلة اعلام


نشد احزام وياها ونجي امگابل
تصيح حسين يبني ويبني يلكافل
اريد انصب عزة ودم الدمع هامل
واون الليل كله يبني ما نام

اريد الطم على ابني من يگابلني
يمحبات گومن يلة عزني
مهضومة على مصابة وصحت يبني
ويلي حسين گلبه شابع اسهام

گومو وياي نلطم وي اخياته
اجن من اليسر كلهن امحباته
ضعنهن بي نقص ماهن ابنياتة
وزينب صارخة اگعد يضرغام

الله ايعينها ويعين بلواها
شحال التفگد اخوة وين منواها
مهضومة العقيلة وماكو رجواها
وتذكر طيب اهلها وذيج الايام

اجيت هليوم وتعاتب حبايبها
عتبها بلگلب يوجع وتعبها
عدمن تشتكي ضيم ومصايبها
ودمع العين عل وجنات سجام

خوية ابجي عليكم راحت اعيوني
شوية وياي اگعدو شوية واسوني
مارحموني خوية انتم ترحوني
حگها الحرمة لو تزمط بالازلام

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*

اهدي الى روح اهلي وارواح المسلمين والمسلمات كافة ومن لم يذكرهم ذاكر والى شهداءنا الابرار
ذمة عدم حذف الاسم وغير مبرئ الذمة كل من ياخذ من الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح (2)
للاربعين
……
زينب اتعنت اليوم الكربله
جايه لاخوتها ويه العايله
…..
جايه هليوم زينب بت علي
جايه ادور عله گبر الولي
اتصيح خويه جايه گومو الي
گومو اتلگو يخويه القافله
….
خويه جبت العايله الكم واجيت
جيت ادور اكبوركم واتحيريت
وين گبرك يا حبيبي ناشديت
ارد ارشنه ابدمعتي السايله
……
من يدليني عله گبر الولي
احسين خويه گوم نزل محملي
جيتكم والحيل راكد ياهلي
والعيال اتصيح خويه اومعوله
……
جايه النسوان ودور الشباب
وينها ابدور الي نامت بالتراب
ايعينهن الله عله عظم المصاب
ارواحهن من المصاب امنحله
………
اگلوبهن من الفراگ امفطره
اومن مصاب الشام كلها امرمره
ردن اوشافن حفر متناثره
صاحن اهنا يالي نمتو ابكربله
……
يمه جيناكم اگعدو بالعجل
جينه مالومات ماخذنه الوجل
ريت هلساعه يوافينه الاجل
كومو اتلكونه يهل المرجله
…….
الحاجة ام احسان الخاقاني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الاربعين//فزاعيه


الحره طبت كربلا. يعباس لاكيها
نزل حملها يالولي وانضر يخوها شبيها


اكعد يشيال العلم
حيل العقيله منهدم
شافت اللوعه والالم
وي عياللها ميسرييها

يالكافل اتلكاها
شوف الجره وياها
والعدو مارحماها
صار العدو يسبيهاا

عكبك فلا رحموها
ماتدري شراووها
بكم ديره من اخذوها
وبسياطم ماذيهااا

شبعت مهظمه بت علي
شافت نوايب يالولي
يلي تكلها ادللي
تالي العده توليهااا

الروس اجت وياها
واطفالكم ترعاهاا
اشايل كلب بت طه
محد اليراعييها

من عدها اخذو أيتامكم
كافي عليها مصابكم
ما تدري بعد غيابكم
يالوعه ياهم بيهاا



ام زينب السعداوي/ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للأربعين (يا خو زينب )

يا خو زينب گوم زينب جتي توهه من اليسر

ياخو زينب گوه تمشي جتي محنية ظهر

**____________🖍🖍________

ياخو زينب گوم لختک جتي من درب الهظم

جتي مهمومه بگلبھه گوم صير الهه انته أم

گوم شجيھه يخوھه وكافي گلھه لا تهم

گلھه محنه وگلھه عدت چنتي ما بين الزلم

يا خو زينب گوم ليھه______ومنهه ابد لا تعتذر

_🖍🖍🖍_________

ھله بزينب گوم گلھه بشوفتك تهده قليل

جتي علظيم اتوچه بعد ما ظل عدهه حيل

تگبعت بالنوح بعدك وانسمع صوت العويل

جان شي واحد اظنه صوتي يطلع مستحيل

ياخو زينب تالي زينب _يزمخ اعليهه الشمر

____✏✏✏____________

گوم گللھه يختي اشفتي گولي من عناه

وليش متنج لونه ازرگ ليش مشگوگه العباه

خويه بس لا شمر طگچ محد الگلاله لاه

لا تجسر هاي زينب ____حرمه مابين الكفر

_🖍🖍🖍_____________

گلھه اشمن يلعقيله بالعباه ريحت حرگ

صدگ من غمضت عيني حرگو الخيمه صدگ

وگالو الملعون يذكر اسمي ويزينب يطگ

رادته يذلچ يزينب وانتي ذليتي الخلگ

يا خو زينب گوم گلھه _عفيه بختي ام الصبر

____✏✏✏✏_________


گوم گلھه گطعي ونچ يالعزيزه وبطلي

انه لو ما أمر الله ياهو يدنه الي

وامره تنخيتي سبيه وما اگول ادللي

جرمه بيه يبقه سبيچ اي وحگ غيرة علي

ياخو زينب گلھه سبيچ جمره تسعر للحشر

_🖍🖍🖍🖍________


يا خو زينب گوم زينب جتي توهه من اليسر
_____________
* *
* * للشاعره رسل الابراهيمي
*
* (زليخــــة العباس )


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

☘️قصيده للاربعين☘️


اجت اختك يكافل ..كوم حاچيهه
من ضيم اليسر متشيل رجليهه


اجت لمدلله گومو تلگوهه
بگعدات الخرايب حيل اذوهه
يتعمد يزيد وحيل ضربوهه
وهيه حايره وتنضر الواليهه....
اجت اختك يكافل كوم حاچيهه

+++++++

تنضر للولي وتصيح حاچوني
يزيد بن الزنه طكني على متوني
مانه مخدرتكم ماتعرفوني
خويه الشام ماريدن محاريهه....
اجت اختك يكافل كوم حاچيهه

+++++++

ردينه بهضم والشام اذتني
دكعد يالولي عن حال ناشدني
اشو چنك ابد خويه متعرفني
اجيتك حايره ولدمعه اجريهه....
اجت اختك يكافل كوم حاچيهه

+++++++

جبت الروس خويه اگعد تلگاني
هلبت لو شفتني مغيره الواني
تفز من نومتك وتصيح هذا اني
هلا بلغاليه وياهلا بطاريها....
اجت اختك يكافل كوم حاچيهه

+++++++

مهضومه وجيتك خويه شكيني
تسمع شكوتي وتمسح دمع عيني
ترضاهه النذل خويه يبچيني
هاك جروح اديه خويه داويهه....
اجت اختك يكافل كوم حاجيهه

+++++++


تمت ومن الله التوفيق
باقلام شاعرات اهل البيت عليهم السلام
✍🏻 ☘️ام فراس الساعدي ☘️
✍🏻وام روكان الشمريه
١٣/صفر/١٤٤٣


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للمشايه والاربعين
.❥ـــــــــــــ❂❥ـــــــــــــ❥❂ـــــــــــــ❥.
نكصد كربله بالاربعينيه
وكل رايه ترف ثوره حسينيه
.❥ـــــــــــــ❂❥ـــــــــــــ❥❂ـــــــــــــ❥.
نروح لكربله ونواسي الزهره
على حسين البقى مرمي على الغبره
من نمشي بمشينه نعازي الحره
ونذكر من مشت للشام مسبيه
.❥ـــــــــــــ❂❥ـــــــــــــ❥❂ـــــــــــــ❥.
نتذكر مشيها حافيه الرجلين
من نكصد مشي ونتعنه صوب حسين
للعطشان نرؤيه بدموع العين
ونذكر قصته محرؤم الاميه
.❥ـــــــــــــ❂❥ـــــــــــــ❥❂ـــــــــــــ❥.
نوصل كبر ابو السجاد مشايه
لبوفاضل ترف بجفوفنه الرايه
اجينه لكبر ابو السجاد عنايه
ماهمنه التعب جينه فدائيه
.❥ـــــــــــــ❂❥ـــــــــــــ❥❂ـــــــــــــ❥.
فدائيه لبو الاحرار اسامينه
يمولاتي يزينب بس اسجلينه
ونضره رحمه من عينج تنضرينه
سلمي الزاير وحفضي يعلويه
.❥ـــــــــــــ❂❥ـــــــــــــ❥❂ـــــــــــــ❥.
سلمي الزاير المتعني مولانه
كلنه نريد نضره هنا يحزنانه
نحلفج بالوگع مذبوح بمجانه
نرد من العزاء كل حاجه مقضيه
❥ـــــــــــــ❂❥ـــــــــــــ❥❂ـــــــــــــ❥.

"لشاعـرة اهل البيت نورس الحلفـي"


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

جينه نزورك جينه نزورك
ونقيم الماتم ياحسين

~1~~~~

ياجنه ومفتوحه ابوابك
وكل هاي العالم خطارك
من البصره تطلع زوارك
وممدوده السفره بكل حين

~2~~~~
يستقبل عباس ضيوفه
ياويلي ومكطوعه جفوفه
تلطم عالهامه من تشوفه
والسهم نابت بالعين

~3~~~~

ماجور اليمشي يكلوله
كل خطوه بحجه يحسبوله
وبالموكب سفره يمدوله
وياكل من خيرات حسين

~4~~~~

تتمنه اهل الجنه وياكم
ويبجون بحركه بممشاكم
بهل الرتبه حسين الخلاكم
وبالطف نحي الاربعين

~6 ~~~~

نقيم الماتم يم الحضره
والمهدي يحضر والزهره
وياهم نبجي بالعبره
ودم دمع تجريها العين

~7~~~~
بيت الدعاء
للمهدي عجل يالباري
وحفظه من جور الاشراري
وهالوباء بعده عن داري
بحق حيدر ابو السبطين
--تمت بعون الله ---
بقلم خادمة الزهراء البصراويه
23/9/2021


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لسيده زينب ع عزائيه

مشنه نروح وزينب نعازيه
جت من اليسر تدفن اهاليه
✍✍✍✍✍
هاضمه الوكت وشلون الاكيه
نلطم عله الوجه ولو نحيه
ننصبله المأتم وي بواجيه
جت ام المصايب ياهله بيه

اخت حسين اجت وروس وياهه
تدفن راس اخوه اليوم منواهه
تكله عجره وصار وياهه
هاي ام المصيبه وهاي بلواهه

مشنه نروح وزينب نعازيه
.
هاي ام المصايب ياكبر همه
من الشام اجت بلاه والونه
وياه اليتامه جت لبو اليمه
واجب بلعزه الزهره نعازيه

مشنه نروح وزينب نعازيه

تلكن بت علي واجب نعازيه
نلطم عله الوجه نحظن غواليه
شحالج عتعب وروس جبتيه
نطش اتراب ولونه نعليه

مشنه نروح وزينب نعازيه

نطش تراب والهامه نطينه
نكله ياهله وهلج اهالينه
نتعازه عليهم واجب علينه
وزهره الزجيه هناك تلكيه

مشنه نروح وزينب نعازيه

زهره متانيه زينب المهظومه
تنشد عن ابنه وتنطر علومه
تقبله ااخدامه الي تقدميه
اجت زينب تكلجن كومن عليه

مشنه نروح وزينب نعازيه


تمت بعون الله بقلمي المتواضع خادمة اهل البيت ام صلاح الكناني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه اومربوعه للاربعين

كطعت دروب والشوفك تعنيت
حنين النوك خويه عليك حنيت
.............
حنيت عالشوفك وارد الاكيك
ترد الصوت لختك من تحاجيك
وانشدك ياجرح ياحسين ياذيك
خليتك تون عالكاع وامشيت
...........
خليتك تون وجروحك هواي
عطشان الدليل وماضكت ماي
جيت اسكيك من دمعات عيناي
جرح ماطاب بدلال خليت
..........
اخبرك ياجرح شوغلي الروح
انشدني ياجرح زاد عله الجروح
كتلني الراس يم اعيوني ايلوح
شكثر ونات فوك النوك ونيت
.......
جيتك وارد اسولفلك عله الحال
واحجيلك هظم ماشالته اجبال
ظل حافر بديه شد الاحبال
اريداشكي الهظم يحسين رديت
........
مشتاكه عالوجهك ياضوء العين
اصيحن حيل فك الباب يحسين
نوخ ناكتي ونزل النساوين
تره الملكاك والطولك اشتاكيت

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نوحيه للأربعين (ذولاك اهلنه)


هذيچ المگبره وذولاك اهلنه
مـسـبـيـات نـتـعـثر رجعنه
🏴🏴💔🏴🏴
ذيچ المگبره وذولاك الاحباب
اجينه انزورهم بگلوبنه اعتاب
نامو عالرمل واغطاهم اتراب
نصيح بصوت ما واحد سمعنه
🏴🏴💔🏴🏴
نصيح بصوت ماچنهم يسمعون
نامو بالثره العنه ينشدون
لا عباس لا جعفر ولا عون
مايلتم بعد بيهم شملنه
🏴🏴💔🏴🏴
اجينه انلم شملنه وياهم اردود
ماكو اوجوه شفنه امسطره الحود
بعد هيهات ذيچ ايامنه اتعود
وينشال الهضم والضيم عنه
🏴🏴💔🏴🏴
بعد هيهات هم الگلب ينشال
نوگع بالدرب من فوگ الاهزال
هلا بزينب ابو السجاد ما گال
ومحد گال ليش اتنوح اختنه
🏴🏴💔🏴🏴
محد گال ياهو الشتماها
اجتنه والهضم يسحل وراها
مايدرون بالضالم ولاها
اتگول السوط دولبنه وكتلنه
🏴🏴💔🏴🏴
تگول السوط يوجع مانجرعه
يطگنه الحادي من نهمل الدمعه
اجيت اليوم اون لحسين وانعه
واگله اشلون چتالك يزتنه
🏴🏴💔🏴🏴
وي الگوم نتعثر مشينه
وراس حسين بس يصد علينه
وصلنه الشام بالشام شلگينه
مهضومات للمجلس دخلنه
🏴🏴💔🏴🏴



*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده بحق السيده زينب ع فزاعيه

جبت الروس.. ما كو وياي دفانه
🔆🔆🔆
خل شيعت علي كلهه تلكانه
تضرب هامه تبجي عله مبجانه
تدفن راس اخوي وي جثمانه
تدرنه المصاب يرد عوانه
🔆🔆🔆
جيت ولا اجيت وجايبه علومي
شلت راس الشفيه محنه بدمومي
يا شيعت ابوي لدفن كومي
راس ابنك يحيدر بين عدوانه
🔆🔆🔆
راس ابن الحميه لجسدجبته
مكسورعليه ابنيت وي اخته
منهو يدفنه بلعين شايلته.
بس يمي علي ودموعه هماله
🔆🔆🔆
عمه ياعلي بهيده تحط خده
خافن تلجم المنحر من توسده
ابوك حسين ضامي شربه ومده
عينك عله الولي شوفه يملفانه
🔆🔆🔆
عينك لبو اليميه تلجم جروحه
جثته موذره والعين مشبوحه
طبرات البجسمه كله مفتوحه
لاتلجم اخيي تلجم احزانه
🔆🔆🔆
لاتلجم اخوي حزني يجدد
كل عام اليجينه بلكلب يحتد
ماضن ناسيه حسراته ماتبرد
دفنو راس اخوي وي جثمانه
🔆🔆🔆
تمت بعون الله تعالى
بقلم خادمت المنبر ام صلاح الكناني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للاربعين وزن المايلطم عله حسين
●●●●●●●●●●●●●●●

يلنايم بلحدك گوم زينب اجت مهظومه

●●●●●●●●●●●●●●●

جتي ام الخدر ● حسين

من درب اليسر ● حسين

اجت ام عون من الشام والله حيل مضيومه

●●●●●●●●●●●●●●●●

راسک جابته●حسين

يمک کلمته ●حسين

وحبت راسک المگطوع لمن ھلت ادموعه

●●●●●●●●●●●●●●●

جتي مدوهنه ●حسين

نحرك تدفنه ●حسين

يلمظلوم حتى تنوح هاي اختك المظلومه

●●●●●●●●●●●●●●●

فک گبر الولي ●حسين

عمه ياعلي ●حسين

رد الراس يلسجاد چنه طول النومه

●●●●●●●●●●●●●●●●

بلكت بالدفن ●حسين

يشوف ام الحزن ●حسين

ينشدني اريد حسين وانشد انه شعلومه

●●●●●●●●●●●●●●●

لخته ما فزع ●حسين

بگبرہ ما طلع ●حسين

صاحت جيتك من الشام ليك وروحي مالومه

ردت للنزل ●حسين

والدمعه تهل ●حسين


صاحت ما اطب الدار من دونک يجيدومه

●●●●●●●●●●●●●●●●
● الشاعره رسل الابراهيمي ● ● ●
● زلہيہخہه الہعہبہاس ● ●●●●●●●●●●●●●●

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للاربعين ورجوع عيالات الحسين
.❥ـــــــــــــ❂❥ـــــــــــــ❥❂ـــــــــــــ❥.
المعصب بيدها وتمشي العلويه
تريد اتسوي لبن امها اربعينيه
.❥ـــــــــــــ❂❥ـــــــــــــ❥❂ـــــــــــــ❥.
اجت من اليسر كل حيل مابيها
بس اتريد توصل كبر واليها
مو رايه اجت عصابه بيديها
حيها الشايله الثوره الحسينيه
.❥ـــــــــــــ❂❥ـــــــــــــ❥❂ـــــــــــــ❥.
اجت لكن يويلي شلون جيتها
من حر الشمس ركدت عبايتها
مهضومه وبعد مشتاكه لخوتها
من درب اليسر رجعت المسبيه
.❥ـــــــــــــ❂❥ـــــــــــــ❥❂ـــــــــــــ❥.
بعد ذاك المرار ولوعته وقهره
ردت لبن امها بعبره وبحسره
تكله اكعد يخي يامهجة الزهره
انهض شوف حالي وعاين شبيه
.❥ـــــــــــــ❂❥ـــــــــــــ❥❂ـــــــــــــ❥.
خلينه يخويه حسين نتسامر
كافيك بعد شلك بنوم البر
رضيت الغاليه بين الغرب تفتر
خذوها مجتفه لمجلس بني ميه
.❥ـــــــــــــ❂❥ـــــــــــــ❥❂ـــــــــــــ❥.
تفاركنه يخويه وحيل مشتاكه
واليوم اعله كبرك صار الملاكه
علي السجاد اجاك ويابسه ارياكه
على تراب الكبر سوه عزائيه
.❥ـــــــــــــ❂❥ـــــــــــــ❥❂ـــــــــــــ❥.
"لشاعـرة اهل البيت نورس الحلفـي"


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_دموع_وعبرة_في_رثاء_العترة_ج٢
قصيدة للإربعين (طال الغياب)
❥━──➸➽❥❂❥━──➸➽❥❂
طال الغياب يخوتي طال الغياب
حدر التراب غفيتوا حدر التراب
جيت يوم الاربعين گلبي مالوم وحزين
طال الغياب ... طال الغياب
❥━──➸➽❥❂❥━──➸➽❥❂
انه يخواني اجيت وگلبي مكسور
من عفتكم عالترابه بعشره عاشور
وين خوانك يخويه اوين البدور

وين الاحباب / يخويه / وين الاحباب
كل گلب ذاب / يخويه / كل گلب ذاب
ما اضن ترجع ... بعد گلبي اعليك انمرد
طال الغياب طال الغياب
❥━──➸➽❥❂❥━──➸➽❥❂
ما اضن ترجع بعد يا خويه يحسين
اليوم يم گبرك گعدت واهمل العين
وياي جبت اطفالك وجبت النساوين

گلبي لهفان / عليكم / گلبي لهفان
وحيل حزنان / عليكم / حزنان
جرت عالخد دمعتي ... مني ضاعو يخوتي
طال الغياب طال الغياب
❥━──➸➽❥❂❥━──➸➽❥❂
مني ضاعو اخوتي عمه يسجاد
خل ازور حسين واتعنه للاولاد
عمه والله فراگهم للگلب مراد

دمعي سچاب / عليهم / دمعي سچاب
جرحي ما طاب / بعدهم / جرحي ما طاب

بالدمه متخضبين ... جاسم وابن الحسين
طال الغياب طال الغياب
❥━──➸➽❥❂❥━──➸➽❥❂
مخضبين ونامو بحر الوطيه
ما سگوهم ماي وسفه آل اميه
وفلت العشره وجفوني وهاي هيه

يفجع الروح / بُعدهم/ يفجع الروح
گلبي مجروح / بعدهم / گلبي مجروح

گلبي مهموم وحزين ... من شفت گبر الحسين
طال الغياب طال الغياب
❥━──➸➽❥❂❥━──➸➽❥❂
من شفت گبر الحسين انهدم حيلي
گمت ادك عالراس واندبلك يولي
آه يمصابك صعب مرد دليلي

ارد احاچيك / يخويه / ارد احاچيك
بصوتي اناديك / يخويه / بصوتي اناديك

شوفني بحالي شجره جيت لإرض المگبره
طال الغياب طال الغياب
❥━──➸➽❥❂❥━──➸➽❥❂
شوف حالي يالاخو من بعد عينك
گوملي وعاين بناتك فاگدينك
اربعين انهار النه مفارگينك
فرگة تكتل واحنه كله مضيعينك

ضيعيناك / يوالي / ضيعيناك
صعب فرگاك / علينه / صعب فرگاك

ما اضن ترجع بعد گلبي اعليك نمرد
طال الغياب طال الغياب
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه مربعه للرسول الاكرم
====
شايل يارسول الله ونبينه
عليك اليوم حزانه المدينه
===
عليك اليوم حزنانه الزجيه
تدك وتنوح والدمعه جريه
يبويه لورحت ما الك جيه
ماترجع يجد ابني علينه
===
ماترجع عليه ومحمل فراك
وفراك الابو للكلب حراك
يبويه الشوفتك والكلب يشتاك
عليك ادموع عيني اتضل جريه
===
وعليك الكلب يجهر الونه
بعد شخصك يبويه ايست منه
وسفه عليك يالكلك محنه
اون عليك كل صبح ومسيه
===
اون عليك بويه بدمع غدران
يظل دمعي يسيل بوكت الاذان
صوتك ما اسمعنه بديوان
يبويه فركتك تصعب عليه
====
علي تصعب الفركه وما احملها
ودموعي ع فراكك اهله
البنيه تذل من عكب اهلها
ذليه ابكيت بس اصفك بديه
===
تمت بعون الله بقلم العلويه ام اسامه الموسوي شاعرة اهل البيت

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للرسول الاعظم صل الله عليه واله وسلم
===
وفراك الابو جتال
كلي شلون احملنه
===
فراكك صعب يالغالي
غيرك ماالي والي
منهو يرحم بحالي
صعب وشلون اجرعنه
===
يصعب حيل يفراكه
بعد هيهات نتلاكه
وناره بكلبي حراكه
من شال ايست منه
===
منك ايست روحي
الك مابطلت نوحي
تنزف ظلت
اجروحي
ومنك كاطعه الظنه
===
والظنه كطعناها
والبويه نسينها
وياكم ودعينها
ولي يصيح بويه ايست منه
====
اكعد يالابو ليه
ما احمل افراكيه
دارك توحش عليه
اون بالدار والوالد اريدنه
====
تمت بعون الله بقلم العلويه ام اسامه الموسوي شاعرة اهل البيت


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للرسول (بويه بويه)*
*من ديوان مسير الفواطم لارض المظالم الجزء4*
❥━──➸➽❥❂❥━──➸➽❥❂
*بويه يالكلك حنان*
*بفرگتك ضاع الامان*
*بويه بويه ... بويه بويه*
❥━──➸➽❥❂❥━──➸➽❥❂
بويه رايح وين يالغالي وعفتني
وسفه يالولي مشيت ويتمتني
وحدي بالدار مهظومه اتركتني
گاعده عليك انتحب ... تدري فراگك صعب
*بويه بويه ... بويه بويه*
❥━──➸➽❥❂❥━──➸➽❥❂
عليك اون ابگيت والمدمع اهلة
يصعب افراگك علية اشلون احملة
خلافك اشبع هظم وآلام ومذلة
اشبع هموم وقهر … خدي بعدك ينسطر
*بوية بوية … بوية بوية*
❥━──➸➽❥❂❥━──➸➽❥❂
خدي بعدك ينسطر وتهجم اعداي
وين گلي آه يوالي ابث شكواي
بلوعة وأحزان وقهر خلتني دنياي
الدنيه ويايه قست ... وچم عذاب تحملت
*بويه بويه ... بويه بويه*
❥━──➸➽❥❂❥━──➸➽❥❂
قاسية الدنيه وابد مابيها رحمة
صوبتني بفگدك وصارت مظلمة
عيوني ما الومنها لويابوية تعمة
شلي بعيوني بعد … ورحت ماشوفك ابد
*بوية بوية … بوية بوية*
❥━──➸➽❥❂❥━──➸➽❥❂
شلي بعيوني بعد يغله من العيون
گلي يالغالي بغيابك اصبر شلون
وليلي كله مساهره وما اطبك اجفون
جفني ابد ما ينطبك ... وصدري بالعبرة اختنك
*بويه بويه ... بويه بويه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

عزائيه لفقد الرسول ص
○●○●○●

اجينه انعازي الزهره ونواسيها
اليوم ام الحسن مفكود واليها
●○●○●○

انفجعت فاطمه من فكدت الوالي
دخلت بيت ابوها وشافته خالي
تنعى بت رسول الله على الغالي
اكعد ياالولي و اسمع نواعيها
●○●○●○

اليوم ام الحسن فكدت البي هيبه
وعكب الدللاها ضلت بريبه
البت لو راح ابوها تصبح غريبه
وديرانه تون لو مات راعيها
●○●○●○

اجينه اليوم نبجي ونلطم وياها
مكابل واللطم يحله اعله ملفاها
يتيمه شلون ابو ابراهيم عافاها
المن تشتكي لو عالو اعليها
●○●○●○

باجر من عكب عينك يأذوها
وبتك دراها عليها يحركوها
يدخلون وعلى خدها يضربوها
علي مجتف بعد منهو اليحاميها
●○●○●○
الشاعره نورس الحلفي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك