فزاعيه جنوبيه للأربعين
************************
زينب عالكبر طاحت يبو الجود
ضمي ايدج يعمه وضمي الكيود
************************
بهيدج بالمناحه عالكبر هيدج
مايحمل يشوف اكيودهم بيدج
وانتي امدللة عباس واعضيدج
نايم باللحد مكطوعه الزنود
************************
ارحمي بحالته لمن تنوحين
شفت عباس يبجي من تونين
غطي دموع عينج والنياشين
راعي المرجله عباس والزود
************************
نايم بالكبر واتراب غاطي
كافي اعتاب عمه لاتعتبي
زراك امتون عمه لاتراوي
صك عينه السهم مايرجع اردود
************************
زينب صاحت بونه يخال ابني
اجيت ورايتك خويه عله متني
بهايه الاربعين الفاركتني
بليلي مانمت والكلب ممرود
************************
بديار الغرب ياخويه عفتوني
بديوان الرجس عباس وكفوني
نظرات الشماته نار بعيوني
تمنيتك عدك بالشام موجود
*************************
راسك عالرمح جبته يعباس
ارده للجسد وانهض ينوماس
ردنه للوطن لتشمت الناس
نرجع بالضعن وياكم نعود
**************************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الحسين من داخل الضريح ينادي زينب ع
عندما اقترب الاربعين



طال غيابكم. جنكم نسيتونه
ننطر يا اهلنه وما اجيتونه

زينب خويه رحتي ومارجعتي
طال غيابكم عني بعدتي
اطاك شلون كلبج طوليتي
ما يشتاگ دلالج بعد لينه

انطر والكلب تارسته حسرات
هسه تعود بت راعي الكرامات
ماتنسه اخيها البالغرب مات
وترد العزيزه ومايعوفونه


خافنكم بعد عنه التهيتو
بهاذي الغيبه جنكم طوليتو
يعزاز النحبهم مادريتو
غطانا اللحد بالترب ساوونه


يمته يحن كلبكم لينه تلفون
وتكعدون يمنه وهم تونون
اشتاكينه عليكم يهل الضعون
شسوه الدهر ما تخبرونه


شسوه البين بيكم من تركناكم
ياهو الراح ياهو الضال وياكم
احجولي على بنياتي انخاكم
الصفيه وخوله ورقيه الزغيرونه


ام زينب السعداوي /ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لرجوع زينب على قبر الحسين عليه السلام
المستهل

يازينب / من اليسر رديتي
يازينب / جم فاجعه مريتي

•───✧◐🕊🌻🕊◐✧───•

ياخويه احجيلي الجره بحوالج
ويالوعه منهن مردت دلالج
بدرب اليسر ماكو ولي يبرالج
واليوم متعنيه لعد كفالج
يازينب /يم النهر شلكيتي
يازينب / جم فاجعه مريتي

•───✧◐🕊🌻🕊◐✧───•

اتعنيتي يم ابن امج تشوفينه
جايبه راس الولي تردينه
وشلون شفتي حالته خبرينه
مرضوض صدره شلون اله ترجعينه
يازينب /يم الكبر ونيتي
يازينب / جم فاجعه مريتي

•───✧◐🕊🌻🕊◐✧───•

بيا حال ردت والهظم غاطيها
محنيه من كثر المصاب البيها
عكب الكفيل العايله تحميها
الأطفال من الخوف لاذو بيهه
يازينب /هم وقهر شبعيتي
يازينب / جم فاجعه مريتي

•───✧◐🕊🌻🕊◐✧───•

درب اليسر كله قهر مشته
وراس الولي مرفوع شاهدته
مخضب بدمه وخظبو لحيته
رقيه تنادي يالولي اخسريته
يازينب / من ماتت اتعذبتي
يازينب / جم فاجعه مريتي

•───✧◐🕊🌻🕊◐✧───•

القصيده بقلم ✍🏻المله والشاعره ام علي الإماره

غير✖️مبري الذمه اليحذف❎اسم الشاعره📄 وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعیه للاربعین الحسین علیه السلام
اجت للمکبرا زینب المحزونه
یلایخوتي کوموتلکونه
---------------
اجت للمکبرا وتصیح یخواني
تعبني الدرب والشمر اذاني
توجع طکته بالسوط طکاني
رقیه امن الضرب ماتت ازغیرونه
-------------
اجت للمکبرابس تلطم الخدین
جاساني الهظم عکبك ینورالعین
امنین انه اجتني کربله امنین
عافاني الاخوبل یسرمرهونه
------------
عافاني الاخووالهضم سلاني
ماضل حیل بیه وحیل ببداني
ناموا بالکبرکلهم ترا اخواني
لدیارالاهل یلادرجعونه
----------
اشلون ارجع انه لدیارخلوانه
قاطیهه التراب وبکت حزنانه
واشوف ام البنین اتاني حیرانه
عباس البطل السهم بعیونه
----------
ناموبالکبر اومادروبیه
نامویاحسافه اهل العزوبیه
صفیت امن القهربس اصفج ایدیه
کومو من التراب یهلي وتلکونه
----------
✍تمت بعون الله بقلم ام یاس الساعدیه

❌غير مبري الذمه الي يحذف اسم الشاعره او يتلاعب بالقصيدة❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده علئ زينب واخوتها



بفراكك يخويه حيل تاذيني
نايم ليش جا عدمن تخليني
━━━━━━━━━━━━━━━━━━━━
تخليني وحيده وماألي والي
وجتالك يخيي صدك يبرالي
ودمعي ع الوجن يحسين همالي
وفراكك صعب موتدري ياذيني


صعب فركاك يبن امي والعب بيه
اضل مساهره ومانام يوميه
من كثر الدمع العيون معميه
طيفك لو يــمر هوه اليسليني

اتنطر طيوفك ياعزيز اختك
غدر بيه الزمان شلون ضيعتك
من ابعيد خويه بصوت ناديتك
يضي عيني يخوي كوم وديني


ودينه الاهلنه والمت الحلوه
بالي الزمان أشلون يابالوه
جفن عيني تعب بغيابك شسوه
يحرم حيل بيه وما يخليني


يبو طول الحلو مشتاكه شوفنك
واسمي عليك يبن امي وحضننك
وبيكم ريحة امي من اشبكنك
وهمي يزول خويه من تحاجيني



🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للاربعين

وصلت كربله وطاحت من الناگه
مشتاگه لخوها الفرگه حراگه
🖤🖤🖤
مشتاكه لخوها رايده تشوفه
ذبت روحها من الناكه ملهوفه
تدور عالكبر تنوح وتطوفه
تنادي يخوتي ,//كعدوا تلكوني
🖤🖤🖤
كعدوا ياهلي رديت بضعوني
روحي ناحله وماشوف بعيوني
ومن سياط الاعادي مورمه متوني
شوف متوني// ياخويه اكعد
🖤🖤🖤
تنادي يخوتي محد كعد ليها
نايم باللحد ياوسفه واليها
ردت تشتكي هظم الجره عليها
المهظومه// ردت لخوتها
🖤🖤🖤
مهظومه ياخوتي من حجي الشمات
ترضاها الاميره بالخرابه تبات
اكضي الليل كله بحسره وبآهات
وايتام تون //خويه گبالي
🖤🖤🖤
ايتام وحرم تمحنت بيها
شلون تهيد طفله راح واليها
وسياط العده تلعب تره عليها
ماتحمل سوط//وضربوها
🖤🖤🖤
ماتحمل اسياط مدلله بنيتك
عذبها الشمر تلوع نادبتك
تالي عالطشت ماتت مدللتك
بس راس تشوفك //يالغالي
🖤🖤🖤🖤🖤

تمت بعون الله تعالى
خادمة الزهراء ام حسين الأسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لرجوع مولاتي زينب (عليهه السلام) الئ كربلاء كأني بها تقول 👇😭

اجيـت اعتـب عليـهم ليـش عافونـه
وبـيـن الـعـده يـاحـــيف تيـهــــونـه
....................................
عافونه بهضم وبنوح ليليه
ياخال الولد وسفه كطع بيه
كوم اتلكه اختك اجت مسبيه
اخـيي عالنهر غمضهن اعيونـه
.....................................
اجيت وكلبي محمل بالعتاب
جـا يمته ترجعـولي يغيــاب
دلالـي بهجركم خويه هالذاب
ولو شفتونه ماضن تعرفونـه
.....................................
ولو شفتو اختكم ماتعرفـوها
شاب الراس لـمـن تـركـتوهـا
جابت رؤسكم كومو تلكوهـا
وسافه من وكت يخوان عفتونـه
................................
بدروب السبي احتاجيت عباس
حرمه ميسره ومابين انجاس
يمي كون ردتك يبو النوماس
بدروب السبي عباس اذونــه
....................................
تمت بحمدالله وببركه مولاتي الزهراء (ع)
بقلم الملا والشاعره غدير الحساني غير مبري الذمه من يحذف اسم الشاعر او يتلاعب بالقصيده اسألكم الدعاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لاستقبال مولاتي زينب


زينب جابت الرايات
مو بس روس وياها

〰️〰️〰️〰️〰️

ابد ماطخت الهامه
اخت الشيد اعلامه
وسفه الوكت مادمه

(( مرفوعه ياهامة زينب)))

〰️〰️〰️〰️〰️
جابت رايه العباس
شدتها عللك على الراس
بيارغهم صفت حراس
((( مطبوعه الخوه بيرغ))
〰️〰️〰️〰️〰️



〰️〰️〰️〰️〰️
بيها ريحة الخوه
رايتهم صدك حلوه
كلبها بيهم جوه
((( ردت بيها الرايه اليوم)))
〰️〰️〰️〰️〰️
عكال وتاج فوك الراس
متعجبه عليج الناس
الج رايه يامنبع ساس
(بت الكرار المهيوبه)))
〰️〰️〰️〰️〰️
اجت الكربله الحره
ضوكها الدهر مره
كلبها على الاهل جمره
( تلكوها زينبكم ردت)))
〰️〰️〰️〰️〰️
خلت علم بلتله
عزائج ابد.مانمله
اليلطم دومه يتعله
((( مشهوده التله لزينب)))
〰️〰️〰️〰️✍🏻 بقلمي المتواضع الفقير خادمه البتول المله ولشاعره ام نادين المحمداويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*🍃قصيدة ثگيلة للاربعين🍃*
❥❥ـــــــــــــ❁❂❁❂❁❂❁ـــــــــــــ❥❥
وصلن كربلة وايهلن العين
وكل وحدة لوليها ادورة وين
*گلبهن بالحزن ذاب…صاحن وين الاحباب*
بتراب الگبر نامو الطيبين
❥❥ـــــــــــــ❁❂❁❂❁❂❁ـــــــــــــ❥❥
بيهن حرمة استغرب وضعها
تعثر بالجدم محني ظلعها
مهظومة ويهل عالخد دمعها
ادور عالذي مصابة فجعها
*اظن هاي العقيلة…اجت كلش نحيلة*
تصيح بصوت ياعباس ويحسين
❥❥ـــــــــــــ❁❂❁❂❁❂❁ـــــــــــــ❥❥
تگوم اطيح زينب من تعبها
وتسمّع لابن امها عتبها
وتشكي للبطل من الضربها
والشمر وخولي اشلون سبها
*نوبة يم الخوان…تنعة بگلب حزنان*
نوبة يم ولدها اجر الونين
❥❥ـــــــــــــ❁❂❁❂❁❂❁ـــــــــــــ❥❥
محتارة لوين الطاهرة تروح
عدياغالي تنعة وتگعد تنوح
اشگد گلب العقيلة شايل جروح
وياصبر البقة ويصبر الروح
*لا واحد ولااثنين…راحو منها سبعين*
متفيد الدموع ولطم الجبين
❥❥ـــــــــــــ❁❂❁❂❁❂❁ـــــــــــــ❥❥
ثنين من الفواطم يبچن ادموم
بحزن اتگابلن والحيل مهدوم
وحدة اتصيح يوليدي يمحروم
وذيچ الصارخة يمة يمفطوم
*رباب وهاية رملة…لابنها اگعد تگلة*
يايمة انفطر دلالي نصين
❥❥ـــــــــــــ❁❂❁❂❁❂❁ـــــــــــــ❥❥
ويم الاكبر اجت حرمة حزينة
تنادي والگلب زايد ونينة
مشتاگة اشوفن ابني وينة
انة امك يبو الروح الحنينة
*ليلى تلطم الهام…تون وكلها الام*
ماسمعاها ابنها نام الحنين
❥❥ـــــــــــــ❁❂❁❂❁❂❁ـــــــــــــ❥❥
هاي احوالهن تربات الخدور
يوم اللي اعتنن وجن للگبور
خنوح ابحزن واليبچي ماجور
نعازيهن ونلطم حيل الصدور
*نواسي الخدّر اليوم…لدمع انسيله ادموم*
ونعازي الزچية وابو الحسنين
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للأربعين(يشيعه كل سنه)

************************

يشيعه كل سنه بعاشور آنه حسين ذكروني

***********************

يشيعه كل سنه وكل عام

لبسو اسود ودكو الهام

اجركم عندي يا خدام

ومن حگکم تندبوني

********************

يل لطمتو ما ناسين

وتصيحون آه يحسين

الكم هالأجر بعدين

بالمحشر تلاگوني

*********************

بالمحشر شفيع الناس

انه والگمر عباس

يل تلطمون فوگ الراس

کل عام وتعزوني

**********************

يل تنصبون نوحيه

عله العطشان يوميه

تجازيكم المسبيه

يلي ما نسيتوني

**********************

شفيع الشيعه الكرار

بدمعاتك تطفي النار

وانتو ابخت حامي الجار

وابختي يل تندبوني

****لشاعره رسل الابراهيمي *

**زليخة العباس ***


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للاربعين


اجينه نمشي الكربلاء والعليل ويانه
كوم ياحامي الضعون اكعد اتلگانه

كوم يبن امي على بختك ليش هاي النومه
ماگلت زينب اجتني من اليسر مهضومه
عالترب عفتك يگافل من رحت مندومه
جبت ايتام وحريم الكربلاء الميشومه
من يرجعنه الوطنه يالولي حيرانه

++++++
من يرجعني الوطنه وانه حرمه بلا ولي
جيتلك ناحله خويه كومو ردونه الهلي
اقسم عليك بمحمد جدك والله وعلي
لاتخلينه حياره وكاعدين بهل الخلي
فراكم غيرني خويه بدونكم نحلانه

+++++++
الفراك هواي هدني جيتك بهم اليسر
جيت اشكيلك احوالي ياابن فارس مضر
ليش خويه ماتصدلي ليش نايم عالنهر
انه مهضومه وحزينه وخاطري ماينجبر
لوشفت من وكفونه يزيد وبديوانه

+++++++
لو، شفت من وكفونه وراد بيهه ذلتي
لجن اختك جبل واكف ماانزل هامتي
خطبت بالديوان ماله لو شفتهه وگفتي
هزت اركان الضلاله وحق عينك خطبتي
كلت ماتمحو ذكرنه دوم عالي الوانه

++++++++
يايزيد الزمن يحكم منهو صاحب ثوره
اهل بيت ال الرساله وحنه اهل العتره
يبقه تاريخ النه يشهد ماتضمه الزمره
زمرتك واهل الطواغي من السقيفه المره
وحي جبرائيل احنه بالمجد زكانه

++++++++
تمت بقلـ🖋️ـم ام روكان الشمري


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعة و فزاعية ( للاربعينية لسان حال زينب ع )
---------------------------------------------------

وياها الزجية نشد الاحزام
اجت بالاربعين وشايلة اعلام


نشد احزام وياها ونجي امگابل
تصيح حسين يبني ويبني يلكافل
اريد انصب عزة ودم الدمع هامل
واون الليل كله يبني ما نام

اريد الطم على ابني من يگابلني
يمحبات گومن يلة عزني
مهضومة على مصابة وصحت يبني
ويلي حسين گلبه شابع اسهام

گومو وياي نلطم وي اخياته
اجن من اليسر كلهن امحباته
ضعنهن بي نقص ماهن ابنياتة
وزينب صارخة اگعد يضرغام

الله ايعينها ويعين بلواها
شحال التفگد اخوة وين منواها
مهضومة العقيلة وماكو رجواها
وتذكر طيب اهلها وذيج الايام

اجيت هليوم وتعاتب حبايبها
عتبها بلگلب يوجع وتعبها
عدمن تشتكي ضيم ومصايبها
ودمع العين عل وجنات سجام

خوية ابجي عليكم راحت اعيوني
شوية وياي اگعدو شوية واسوني
مارحموني خوية انتم ترحوني
حگها الحرمة لو تزمط بالازلام

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*

اهدي الى روح اهلي وارواح المسلمين والمسلمات كافة ومن لم يذكرهم ذاكر والى شهداءنا الابرار
ذمة عدم حذف الاسم وغير مبرئ الذمة كل من ياخذ من الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح (2)
للاربعين
……
زينب اتعنت اليوم الكربله
جايه لاخوتها ويه العايله
…..
جايه هليوم زينب بت علي
جايه ادور عله گبر الولي
اتصيح خويه جايه گومو الي
گومو اتلگو يخويه القافله
….
خويه جبت العايله الكم واجيت
جيت ادور اكبوركم واتحيريت
وين گبرك يا حبيبي ناشديت
ارد ارشنه ابدمعتي السايله
……
من يدليني عله گبر الولي
احسين خويه گوم نزل محملي
جيتكم والحيل راكد ياهلي
والعيال اتصيح خويه اومعوله
……
جايه النسوان ودور الشباب
وينها ابدور الي نامت بالتراب
ايعينهن الله عله عظم المصاب
ارواحهن من المصاب امنحله
………
اگلوبهن من الفراگ امفطره
اومن مصاب الشام كلها امرمره
ردن اوشافن حفر متناثره
صاحن اهنا يالي نمتو ابكربله
……
يمه جيناكم اگعدو بالعجل
جينه مالومات ماخذنه الوجل
ريت هلساعه يوافينه الاجل
كومو اتلكونه يهل المرجله
…….
الحاجة ام احسان الخاقاني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الاربعين//فزاعيه


الحره طبت كربلا. يعباس لاكيها
نزل حملها يالولي وانضر يخوها شبيها


اكعد يشيال العلم
حيل العقيله منهدم
شافت اللوعه والالم
وي عياللها ميسرييها

يالكافل اتلكاها
شوف الجره وياها
والعدو مارحماها
صار العدو يسبيهاا

عكبك فلا رحموها
ماتدري شراووها
بكم ديره من اخذوها
وبسياطم ماذيهااا

شبعت مهظمه بت علي
شافت نوايب يالولي
يلي تكلها ادللي
تالي العده توليهااا

الروس اجت وياها
واطفالكم ترعاهاا
اشايل كلب بت طه
محد اليراعييها

من عدها اخذو أيتامكم
كافي عليها مصابكم
ما تدري بعد غيابكم
يالوعه ياهم بيهاا



ام زينب السعداوي/ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للأربعين (يا خو زينب )

يا خو زينب گوم زينب جتي توهه من اليسر

ياخو زينب گوه تمشي جتي محنية ظهر

**____________🖍🖍________

ياخو زينب گوم لختک جتي من درب الهظم

جتي مهمومه بگلبھه گوم صير الهه انته أم

گوم شجيھه يخوھه وكافي گلھه لا تهم

گلھه محنه وگلھه عدت چنتي ما بين الزلم

يا خو زينب گوم ليھه______ومنهه ابد لا تعتذر

_🖍🖍🖍_________

ھله بزينب گوم گلھه بشوفتك تهده قليل

جتي علظيم اتوچه بعد ما ظل عدهه حيل

تگبعت بالنوح بعدك وانسمع صوت العويل

جان شي واحد اظنه صوتي يطلع مستحيل

ياخو زينب تالي زينب _يزمخ اعليهه الشمر

____✏✏✏____________

گوم گللھه يختي اشفتي گولي من عناه

وليش متنج لونه ازرگ ليش مشگوگه العباه

خويه بس لا شمر طگچ محد الگلاله لاه

لا تجسر هاي زينب ____حرمه مابين الكفر

_🖍🖍🖍_____________

گلھه اشمن يلعقيله بالعباه ريحت حرگ

صدگ من غمضت عيني حرگو الخيمه صدگ

وگالو الملعون يذكر اسمي ويزينب يطگ

رادته يذلچ يزينب وانتي ذليتي الخلگ

يا خو زينب گوم گلھه _عفيه بختي ام الصبر

____✏✏✏✏_________


گوم گلھه گطعي ونچ يالعزيزه وبطلي

انه لو ما أمر الله ياهو يدنه الي

وامره تنخيتي سبيه وما اگول ادللي

جرمه بيه يبقه سبيچ اي وحگ غيرة علي

ياخو زينب گلھه سبيچ جمره تسعر للحشر

_🖍🖍🖍🖍________


يا خو زينب گوم زينب جتي توهه من اليسر
_____________
* *
* * للشاعره رسل الابراهيمي
*
* (زليخــــة العباس )


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

☘️قصيده للاربعين☘️


اجت اختك يكافل ..كوم حاچيهه
من ضيم اليسر متشيل رجليهه


اجت لمدلله گومو تلگوهه
بگعدات الخرايب حيل اذوهه
يتعمد يزيد وحيل ضربوهه
وهيه حايره وتنضر الواليهه....
اجت اختك يكافل كوم حاچيهه

+++++++

تنضر للولي وتصيح حاچوني
يزيد بن الزنه طكني على متوني
مانه مخدرتكم ماتعرفوني
خويه الشام ماريدن محاريهه....
اجت اختك يكافل كوم حاچيهه

+++++++

ردينه بهضم والشام اذتني
دكعد يالولي عن حال ناشدني
اشو چنك ابد خويه متعرفني
اجيتك حايره ولدمعه اجريهه....
اجت اختك يكافل كوم حاچيهه

+++++++

جبت الروس خويه اگعد تلگاني
هلبت لو شفتني مغيره الواني
تفز من نومتك وتصيح هذا اني
هلا بلغاليه وياهلا بطاريها....
اجت اختك يكافل كوم حاچيهه

+++++++

مهضومه وجيتك خويه شكيني
تسمع شكوتي وتمسح دمع عيني
ترضاهه النذل خويه يبچيني
هاك جروح اديه خويه داويهه....
اجت اختك يكافل كوم حاجيهه

+++++++


تمت ومن الله التوفيق
باقلام شاعرات اهل البيت عليهم السلام
✍🏻 ☘️ام فراس الساعدي ☘️
✍🏻وام روكان الشمريه
١٣/صفر/١٤٤٣


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للمشايه والاربعين
.❥ـــــــــــــ❂❥ـــــــــــــ❥❂ـــــــــــــ❥.
نكصد كربله بالاربعينيه
وكل رايه ترف ثوره حسينيه
.❥ـــــــــــــ❂❥ـــــــــــــ❥❂ـــــــــــــ❥.
نروح لكربله ونواسي الزهره
على حسين البقى مرمي على الغبره
من نمشي بمشينه نعازي الحره
ونذكر من مشت للشام مسبيه
.❥ـــــــــــــ❂❥ـــــــــــــ❥❂ـــــــــــــ❥.
نتذكر مشيها حافيه الرجلين
من نكصد مشي ونتعنه صوب حسين
للعطشان نرؤيه بدموع العين
ونذكر قصته محرؤم الاميه
.❥ـــــــــــــ❂❥ـــــــــــــ❥❂ـــــــــــــ❥.
نوصل كبر ابو السجاد مشايه
لبوفاضل ترف بجفوفنه الرايه
اجينه لكبر ابو السجاد عنايه
ماهمنه التعب جينه فدائيه
.❥ـــــــــــــ❂❥ـــــــــــــ❥❂ـــــــــــــ❥.
فدائيه لبو الاحرار اسامينه
يمولاتي يزينب بس اسجلينه
ونضره رحمه من عينج تنضرينه
سلمي الزاير وحفضي يعلويه
.❥ـــــــــــــ❂❥ـــــــــــــ❥❂ـــــــــــــ❥.
سلمي الزاير المتعني مولانه
كلنه نريد نضره هنا يحزنانه
نحلفج بالوگع مذبوح بمجانه
نرد من العزاء كل حاجه مقضيه
❥ـــــــــــــ❂❥ـــــــــــــ❥❂ـــــــــــــ❥.

"لشاعـرة اهل البيت نورس الحلفـي"


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

جينه نزورك جينه نزورك
ونقيم الماتم ياحسين

~1~~~~

ياجنه ومفتوحه ابوابك
وكل هاي العالم خطارك
من البصره تطلع زوارك
وممدوده السفره بكل حين

~2~~~~
يستقبل عباس ضيوفه
ياويلي ومكطوعه جفوفه
تلطم عالهامه من تشوفه
والسهم نابت بالعين

~3~~~~

ماجور اليمشي يكلوله
كل خطوه بحجه يحسبوله
وبالموكب سفره يمدوله
وياكل من خيرات حسين

~4~~~~

تتمنه اهل الجنه وياكم
ويبجون بحركه بممشاكم
بهل الرتبه حسين الخلاكم
وبالطف نحي الاربعين

~6 ~~~~

نقيم الماتم يم الحضره
والمهدي يحضر والزهره
وياهم نبجي بالعبره
ودم دمع تجريها العين

~7~~~~
بيت الدعاء
للمهدي عجل يالباري
وحفظه من جور الاشراري
وهالوباء بعده عن داري
بحق حيدر ابو السبطين
--تمت بعون الله ---
بقلم خادمة الزهراء البصراويه
23/9/2021


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لسيده زينب ع عزائيه

مشنه نروح وزينب نعازيه
جت من اليسر تدفن اهاليه
✍✍✍✍✍
هاضمه الوكت وشلون الاكيه
نلطم عله الوجه ولو نحيه
ننصبله المأتم وي بواجيه
جت ام المصايب ياهله بيه

اخت حسين اجت وروس وياهه
تدفن راس اخوه اليوم منواهه
تكله عجره وصار وياهه
هاي ام المصيبه وهاي بلواهه

مشنه نروح وزينب نعازيه
.
هاي ام المصايب ياكبر همه
من الشام اجت بلاه والونه
وياه اليتامه جت لبو اليمه
واجب بلعزه الزهره نعازيه

مشنه نروح وزينب نعازيه

تلكن بت علي واجب نعازيه
نلطم عله الوجه نحظن غواليه
شحالج عتعب وروس جبتيه
نطش اتراب ولونه نعليه

مشنه نروح وزينب نعازيه

نطش تراب والهامه نطينه
نكله ياهله وهلج اهالينه
نتعازه عليهم واجب علينه
وزهره الزجيه هناك تلكيه

مشنه نروح وزينب نعازيه

زهره متانيه زينب المهظومه
تنشد عن ابنه وتنطر علومه
تقبله ااخدامه الي تقدميه
اجت زينب تكلجن كومن عليه

مشنه نروح وزينب نعازيه


تمت بعون الله بقلمي المتواضع خادمة اهل البيت ام صلاح الكناني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه اومربوعه للاربعين

كطعت دروب والشوفك تعنيت
حنين النوك خويه عليك حنيت
.............
حنيت عالشوفك وارد الاكيك
ترد الصوت لختك من تحاجيك
وانشدك ياجرح ياحسين ياذيك
خليتك تون عالكاع وامشيت
...........
خليتك تون وجروحك هواي
عطشان الدليل وماضكت ماي
جيت اسكيك من دمعات عيناي
جرح ماطاب بدلال خليت
..........
اخبرك ياجرح شوغلي الروح
انشدني ياجرح زاد عله الجروح
كتلني الراس يم اعيوني ايلوح
شكثر ونات فوك النوك ونيت
.......
جيتك وارد اسولفلك عله الحال
واحجيلك هظم ماشالته اجبال
ظل حافر بديه شد الاحبال
اريداشكي الهظم يحسين رديت
........
مشتاكه عالوجهك ياضوء العين
اصيحن حيل فك الباب يحسين
نوخ ناكتي ونزل النساوين
تره الملكاك والطولك اشتاكيت

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك