قصيده ثكيله للسيده رقيه عليها السلام


يارقيه /نامي نوم العافيه
يارقيه /اظن جنج غافيه
يارقيه عمه كعدي

عمه كعدي خل اسولفلج ياعمه
وابدي وياج السوالف صبعه همه
نمتي علراس بونيج شفتي دمه

يارقيه /شفتي حسين بمنامج
يارقيه / زغيره ماكملن ايامج
يارقيه عمه كعدي

نمتي بتراب الخرابه من الحلم فزيتي
وكمتي تصيحين بابه بغربتج ناديتي
والدي اليله اريده بدمعتج ونيتي

يارقيه /كلتي اجاني حسيني
يارقيه /ومسح دمعت عيني
يارقيه عمه كعدي

خايفه ومرهوبه عمه حسين شفتيه
وشفتي احضان الحنان ومالكيته
هم نعيتي بصوت يفجع هسه رديته

يارقيه/نمتي وبكاع الترابه
يارقيه/والدج شعظم مصابه
يارقيه عمه كعدي

وذاباله ومثل الورد ضايع دلالج
شفتي حروب الطفوف وصعب حالج
نطبعت اصور الذبح عمه بخيالج

يارقيه /سولفي شصاير عليج
يارقيه /الدمه ينزف من ديج
يارقيه عمه كعدي

قدمولج طشت عمه وصحتي بابه
نامت عيونج رقيه وغمضيتي بلخرابه
غفت عينج يلحنينه حسين مأذيج بغيابه

يارقيه /جمليتي عمه حالي
يارقيه /مصيبتج تبقه بخيالي
يارقيه عمه كعدي


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوز حذف الاسم أسم الكتاب
لبيك يازهراء بتاريخ / 4ذو
العقده 1442 نسالكم 🙏🙏الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك بالقناة

رقــيــــه. ع
(مفتاح القصيده. ناذر سنيني)



والحزن هدني بويه المني★يامظلوم
ماتحاجيني دمعتي بعيني★يامظلوم
«★★★★★♣★★★★★»
بويه هدني حيل ولله والماني
تدري بصياط العادي عذباني
جرو الترجيه بويه م̷ـــِْن اذاني
بگيت اصرخ حيل ماواحد اجاني

لَيــ̷̴ِْ̬̩̃ ـِْش. ناسيني يانضر عيني★يامظلوم
لاتخليني زايد ونيني ★ يامظلوم
«★★★★★♣★★★★★»
انته گتلي يالعزيزه ماعوفج
يارقيه يالحبيبه شنو خوفج
حيل توجعني دموعج م̷ن اشوفج
بويه خليني ابوس انه جفوفج

زيدت وني ادري تحبني★يامظلوم
شمر يضربني حيل يجرحني ★يامظلوم
«★★★★★♣★★★★★»
ادري بويه هواي شيعه تبجي عليك
خل يذكروني يغالي بكل نواعيك
ناعي لمن ينعه بويه هم يائذيك
وينجرح كلب الزجيه وتبجي عليك

يلتحبوني عليه عازوني ★يامظلوم
لٱ تعوفوني مورمه متوني★يامظلوم
«★★★★★♣★★★★★»
بويه نمنه بلخرابه ماتجينه
عمتي تبجي وتگابلهه سكينه
تكول رايح بعد مايرجع ولينه
تكول عمتي م̷ن عگب عينه نسبينه

بويه هضمونه يزيد ودونه★يامظلوم
گومو ردونه ولاتخلونه ★ يامظلوم
«★★★★★♣★★★★★»

الشاعره العلويه★
ام رقيه الموسويه ال قطب الدين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

زينب تون وتنوح هاي المسيه
ويلي على راس حسين ماتت رقيه

مو بعده جرح حسين ينزف اصوابه
ماتت رقيه اليوم حيف ابخرابه
لا اهل عدها هناك لا كو كرابه
بتكم غريبه ليش يهل الحميه


طفله ويتيمه تنوح شكد عذبوها
لو كالت ارد ارتاح بسوط ضربوها
وتون نهار وليل وتريد ابوها
بحر الشمس مطروح بالغاضريه


خوف وحبل وسياط ياهو التحمله
ويرعبها هل السلاب ماجنها طفله
وساعه تحاجي الراس تبجي وتكله
يضربها خولي تصيح ابن الدعيه


تبجي رقيه تنوح من جور الايام
مجتوفه وعلى النوك من طبت الشام
والجفن من الجور طبك غفه ونام
صاحت شفت هالحين ابن الزجيه


الطفله من نوم كعدت ابهمه
فزت تصيح حسين شفته يعمه
او والدي هل حين جنت انه يمه
وعلى الطشت ياحيف جتها المنيه
*
✍نور الولاية الفاطميه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

رقيه



لاتبجين دمعاتج جوت كلبي
عمه من المصايب ماشفت دربي


لاتبجين ياعمه تأذيني
تراني من المصايب انعمت عيني
بونج يارقيه لاتفجعيني
وعلى بجاج زيدتي وكبر نحبي



دمعاتج جوت كلبي يمهظومه
زغيره يارقيه شلون مظلومه
متونج وارمهمن السوط مالومه
اشكي هظمتج واللوعه لربي



كافي من البواجي لوعتيني
كافي يارقيه روعيتيني
تلوجين بواجيج تتبعيني
مالومه واصيحن يادمع صبي



بويه حسين بسج لاتندهينه
بونج يالزغيره لاتعذبينه
يصد عليج راسه ويشبح بعينه
ودمعاته غدت فوك الوجن تحبي



من تصيحين يابويه ارتعد هالراس
دمعاته تهل وي صوتج بأحساس
ولو صحتي اريدن عمي العباس
اشوف دموع عينه وانكسر كلبي



راح حسين والعباس ياعمه
عنج سافرو للدوم ماهمه
ذكراهم تره لدلالي يلجمه
عافوني وحيده وعالمشو عتبي



راحو مابعد الهم بعد جيه
وياهم بعد هاي الفراكيه
ابوج الراح مني وانكطع بيه
يادمعي على الراحو دمه صبي


ام زينب السعداوي



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*((فزاعيه لسيده رقيه .ع.))*
نتعازه لرقيه اليوووووم
مانحمل مصيبتهه
📚📚📚📚📚
بيهه انعازي الزهره
مصيبتهه شكثر مره
كعدت تصرخ بعبره
*((فجعت كلب عمتههه))*
📚📚📚📚📚
كعدت تهمل الدمعه
تريد الكسروا الضلعه
زينب صوتهه اتسمعه
*((عمه شبيج نشدتههه))*
📚📚📚📚📚
عمه شبيج حاجيني
تونين ومردتينييي
اثاري من عمت عيني
*((ابوهه حسين رادتهه))*
📚📚📚📚📚
ثاري اتريد ابو سكينه
ياعمه نخت وينننننننه
طالت غيبته اعليييييينه
*((مابطلت ونتههه))*
📚📚📚📚📚
يوم السمعو العدوان
جابو منحر العطشان
صاحت والكلب خلصان
*((بتك شوف ذلتهه))*
📚📚📚📚📚
تشكي فوك راس حسين
مهضومه وخطفهه البين
وين امكطع الجفييييين
*((خل يحضر بزتتهه))*
📚📚📚📚📚
مايدرون ولياهههه
ماتت والقدر جاهه
وي زينب الفركاهه
*((تلطم دوم شيعتهه))*
📚📚📚📚📚

*بفضل الزهراء عليها السلام
*الشاعره ام ريام دخيل الركابي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*من ديوان 📚دموع وعبرة في رثاء العترة ج٢*
قصيدة ثگيله للسيدة رقية (العقيلة تحيرت)
❥━──➸➽❥❂❥━──➸➽❥❂
شبگت الراس وغفت
والعقلية تحيرت
يا رقيه يا رقيه
❥━──➸➽❥❂❥━──➸➽❥❂
شبگت الراس الزغيره والدمع منه يسيل
تگله يالذبحو وريدك فطرو مني الدليل
ليش خلوني يتيمه وما الي غيرك سبيل
ردتك الحضنك تضمني تالي شو راسك اشيل
يا مصيبة انه شفت / والعقلية تحيرت
يا رقيه يا رقيه
❥━──➸➽❥❂❥━──➸➽❥❂
يا مصيبه ارقيه شافت راس ابوها يصب دمه
زغيره ما تحمل هظيمه على فراگه مألمه
شمته وصاحت ابوي حسين حزني لملمه
طفله ما تحمل مصابه بگت عالخد لاطمه
صوتها لمن خَفت / والعقيلة تحيرت
يا رقيه يا رقيه
❥━──➸➽❥❂❥━──➸➽❥❂
نادت الحره العقيلة عمه نمتي للأبد
جاوباها علي يگلها عمه ماتت ما ترد
ماتت رقيه يعمه خل نوسدها بلحد
تندفن بديار غربه خل نودعها بعد
على قصتها نحت / والعقيلة تحيرت
يا رقيه يا رقيه
❥━──➸➽❥❂❥━──➸➽❥❂
ناحت المهظومه زينب والدمع عالخد جره
حيريتيني يعمه وين ادفنچ يا ثره
وبالمجالس گعدونه بعيده عنه المگبره
منين اجيبلچ مغلسه تغسلچ يالطاهره
ريت وي موتچ متت / والعقيلة تحيرت
يا رقيه يا رقيه
❥━──➸➽❥❂❥━──➸➽❥❂
منين اجيبلچ مغسله وانه بديار الغرب
والتغسلها الغريبه عليها هاي شگد صعب
والله يمصابچ هدمني وهدم حيلي والگلب
ريتها اخذتني المنيه ولا اشوفچ عالترب
دمعي عالوجنه يكت / والعقيلة تحيرت
يا رقيه يا رقيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله حول مولاتنا رقيه ع


يا دمعت رقيه...نزلت هل مسيه
تبجي اتريد ابوها
الضلام السبوها
وماكالوا خطيه




بويه اتصيح والضلام اجوها
براس حسين عمده جاوبوها
جابوا راس ابوها وسكتوها
ماتت عالنحر وي راس ابوها
ماتت والكلب نار
بيها العابد احتار
والدمعه جريه



طفله ومن مرار البين ونت
لحضن ذاك العزيز اليوم حنت
ماسكتت لبوها تصيح جنت
ماتت فوك راسه وما تهنت
بعدها صغيره عالموت
ورده بوسط تابوت
مو وكت المنيه



رقيه اتريد ابوها و تهمل العين
كل ساع وتون مو ونه ونتين
تصيح بلا وعي يا بويه يحسين
هم يرجع بعد ذاك البخت وين
شافت راس ابوها
عمدن روعوها
تصعب هل قضيه



الشمس حركت معاني الراس صهرتها
لكن شافته الطفله معاني حسين عرفتها
طاحت فوك راس الحيد دمعتها
ماتت بس ابوي حسين كالتها
فتح عينه عليها
ما يحمل بجيها
بجوها اهل الرديه



بقلم الشاعرة أم كرار الساعدي
غير مبري الذمه من يحذف اسم الشاعر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

@نعي للسيده رقيه ع

❥•••••••••••••••••••••✿*

شدهتني رقيه. دموعها تسيل
مني تريد. ابوها بتالي الليل
الها منين اجيب الداسته الخيل
عله بت حسين. تهدم الحيل


❥•••••••••••••••••••••✿*

يعمه مات. ابوج شلون اكلها
ودري هالخبر لل طفله. يكتلها
طفله وغياب حسين سلها
تون ليل نهار والدمعه تهلها

❥•••••••••••••••••••••✿*

لشوفة ابوها. حنت رقيه
خاف تروح هالطفله من اديه
بلياها شلون. ارد. للغاضريه
شنو العذر من ابن. الزجيه


❥•••••••••••••••••••••✿*

انه ادري عنها يناشد حسين
الوديعه يازينب بقت. وين

الها شكثر. مشتاك. تدرين
يزينب. خبرها. عني لاتضمين

❥•••••••••••••••••••••✿*

شهرين انتظر بنتي. تجيني
بيها صار. يختي. خبريني
وين الجانت. يزينب. تسليني
اشم ريحت فاطمه بيها تدريني


❥•••••••••••••••••*
تمت بعون الله بقلم الشاعره ام رائد زوين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثگيله الى سيدتي
ومولاتي رقيه (عليها السلام)


عمه أبوي حسين ماضنه يرد
عمه غطيني الشمر عينه تصد
عمه ..عمه .. عمه ..عمه ..
😭😭😭😭😭😭😭
عمه أيسي حسين ما يرجع بعد
راح من عدنه ياعمه السند
عمه اسئل وين راح ذاك الوعد
أنه شمسويه وبحبل أيدي يشد
عمه غطيني الشمر عينه تصد
😭😭😭😭😭😭😭
هالمصيبه والله أبد ماصايره
عمه أبويه ليش نايم عالثره
وبنته عايفها وحيده ميسره
هالمصيبه مردت گليبي مرد
عمه غطيني الشمر عينه تصد
😭😭😭😭😭😭😭
عمه أذاني وذبح گلبي ذبح
ليش جسم حسين هيج منجرح
عمه شوفي الراس فوگ اعله الرمح
صعبه اشوف بعيني مذبوح الورد
عمه غطيني الشمر عينه تصد
😭😭😭😭😭😭😭😭
بابا گلي الشمر بس گلي شيريد
ليش يا بابا گطع منك وريد
عليك اضل كلساع وبوني ازيد
عن راس ابوي حسين ما ريد ابتعد
عمه غطيني الشمر عينه تصد
😭😭😭😭😭😭😭😭
شلون ادفنج بالترب يمدلله
عمه هالطفله شهيدة كربله
عله أبوها نعمت حيل امعلعله
آه يا ظيم الطفوله وهالحقد
عمه غطيني الشمر عينه تصد
😭😭😭😭😭😭😭😭

الڜــٰٱ‌؏ــڔه غـدير البـاهلـي
غير مبري الذمه
من يمسح اسم الشاعر
او ينسب الكلمات لنفسه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده رقيه عليها السلام


بتك يبو اليمه توهدنت بيهه
زعلانه وتريد انته التراضيهه
💔💔🏴💔💔
زعلانه وتريدك هاي البنيه
وتكول بروحتك راحت الحنيه
لا طارش لفاني ولا رجع ليه
صغيره والهظم ما لايك اعليهه
💔💔🏴💔💔
اذا ما بيه جيه وياه ياخذني
وحاجيني شكلهه ها يخال ابني
من اسمع حجيهه صبري ميكضني
ابجي وياهه من اسمع بواجيهه
💔💔🏴💔💔
تكلي عمتي كليله خل يرجع
شكلهه يل بقيت اعله الثره مكطع
لو صاحت اريدك يهمل المدمع
ومحتاره يخويه شلون احاجيهه
💔💔🏴💔💔
ابويه لو مسافر جان ردالي
بوجوده يطكني الشمر يرضالي
تره لاجمني كلبي ومنشده بالي
لو كالتلي هيج بحضني اخليهه
💔💔🏴💔💔
وينه حسين ابويه عمه حاجيني
طالت غيبته بسج تصبريني
خبرني شكلهه يا نظر عيني
الطفله شلون اكلهه بموت واليهه
💔💔🏴💔💔

*تـــمت والـــــفضـــ🤲ـــل لله تعالى*
*بقلم✍الشاعره رسل الأبراهيمي أم حيدر*
*صاحبه ديوان📚سليل الأحزان*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله للسيده رقيه عليها السلام


عمه ظربوني العده
وبيش كولي نهدده
واهلي كلهه امدده

خل اشدنج يكلي يزمخ ابصوته ويعلي

وين ياعمه اهلنه خل يجي واحد يحامي
مانهظلي حسين نايم ماسمع صوتي وكلامي
شنوه كل هذه العذاب بلجمر تنجوي اجدامي

واحد يحاميني خلي يزمخ ابصوته ويعلي

عمه عمه حسين وينه مااجاني


طفله كلبي ملوعينه شلون الو انظر وريده
هو مواني الاميره مااجه حسين وعظيده
وامشي مسبيه يعمه خل يردني اليله بيده

وياي دمعاتج تهلي يزمخ ابصوته ويعلي

عمه عمه حسين وينه مااجاني


ليش جر ترجيتي مني هو اني شنهي ذنبي
النوب فوكاها دفعني عمه يطكني ويسبني
محد هنانه من اهلنه علااقل ويماشي دربي

روحي الحسينج وسئلي يزمخ ابصوته ويعلي

عمه عمه حسين وينه مااجاني


رايحه ويه الراس عمه اصعد الهزل واروحن
امش بادروب البعيده اكظي اليلي بس انوحن
زغيره وجبيره القضايه احجي وي روحي واكولن

وين صارو عمه اهلي يزمخ ابصوته ويعلي

عمه عمه حسين وينه مااجاني


من وصلنه الغربه عمه كعدونه بلترايب والشمس
شفت عمه حسين راسه مغمض ومابيه انفس
كمت اونن بلخرابه ابجي سمعاني الرجس

وبحياتي بعد شلي يزمخ ابصوته ويعلي

عمه عمه حسين وينه مااجاني


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراء بتاريخ السبت2021/9/4
26محرم 1443نسالكم 🙏🙏الدعاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده الى السيده رقيه ع من ديوان نحر الحسين ع الجزء الثاني



احسين منين اجيبه يا رقيه

اتون والليل مانامت رقيه .




تبجي الفاكده واتريد ابوهه

طفله ومن زغرهه يتموهه

جابو راس ابوهه او روعوهه

دارت عينهه او شبحت اعليه




جابو للخرابه راس واليهه

شمت نحر ابوهه وانغشه اعليهه

شهكت موت شهكت وانكطع بيهه

ماتت عل النحر ياوسفه البنيه




نوم العافيه نامي يعمه

مابيهه الخرابه افراش ضلمه

كليلي الكلب شيشيل هضمه

اون اعليج لو اون للشفيه




ياونت رقيه اتشيب الراس

شبكت عل نحر من شافت الراس

زينب من هضمهه تصيح عباس

يا عباس ما ضل حيل بيه




يا عمه اكعدي وﻻ تونين

امشيه اعليج عمه راس الحسين

كلبي اعليج والله انجسم نصين

اشلون اعوفنج وارد للغاضريه



مالت ركبتج واشلون اعدلنهه

ياسجاد مالي حيل اشيلنهه

رقيه اشلون يهل الشام اشيعنهه

ادفنهه اشلون وامشي ابيا نويه



*لخادمة الحسين / / العلويه ام اياد
لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه للسيده رقيه عليها السلام


تعبانه وغفت والدهاجاوينه
زغيرونه وكلبها الله تره يعينه


مذبوح الولي و تريدهه هليوم
بس تنزف جرح متروسه اهموم
ومحتركات حيل ابنار الهدوم
ويسمع يارقيه ودمعته ابعينه


ابد ماسكتت اليله ولاساعه
تون الحسين ابوها مكسره اظلاعه
تبجي عله الولي كثرانه اوجاعه
وجابوه بلطشت مذبوح ابوسكينه


مهظومه وكتلهه افراك الحسين
مشتاكه البوها وتحسب اسنين
مغربه للكبر عذبهه البين
تسولف بلسوالف هاايوالينه


اميره امدلاله وحسين دلالها
شبعت ظيم جم شمات عذبها
جر منهه التراجي وبيده عورها
تكلهه خلاف عينك مارحم بينه


صرخت حيل بويه بصوت مهظومه
وتبجي تريد ابوها زغيره مالومه
بعدهه من الطفوله بهاي محرومه
ومن كثر الظرب الراس ماذينه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراء بتاريخ السبت2021/9/4
26محرم 1443نسالكم 🙏🙏الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حول السيده رقيه


*سلام الله على/ الراحت سبيه*

*سلام الله على/الطفله رقيه*

*سلام بدمع العيون عله الراحت بالظعون*


*سلام الله على الطفله رقيه*


سلام الله عليهه بگد دمعها
وعله صرخاتهه وحسرت گلبها
زغيره وبالسبي خلص عمرها
وتسأل عالحنان بكل صبرها


*سلام الله على/الدمعه الجريه*

*سلام الله على/الطفله رقيه*



سلام الله الرقيه من خذوها
زغيره وبالحبل هم جتفوها
تبجي من الضرب وتريد ابوها
ما تحمل خطيه ولوعوها

*سلام الله على/الشبعت اذيه*

*سلام الله على /الطفله رقيه*



خذوها وبالغرب تبجي وحزينه
يزينب ما يجي گولي ولينه
ليش احبال شدوهه بدينه
من عكب الابو تالي انسبينه

*سلام الله على/المارد اليه*

*سلام الله على/الطفله رقيه*



سلام الله عله ابوي وكل الاحباب
اريدنهم يجوني ومنج اجواب
اريدن يالعقيله وشنهي الاسباب
ماشوفن هلي وجن كلهه غياب

*سلام الله على/الغالي عليه*

*سلام الله على/الطفله رقيه*



عليه مشتاكه ابوي وكل اخوتي
نروح انشوفهم هاي منوتي
اذا يتاخرون اتمنه موتي
وصعب كلش صعب بيهه سكوتي

*سلام الله على/العاف البنيه*

*سلام الله على/الطفله رقيه*


*لخادمة الزهراء العلويه ام جعفر*

غير مبري الذمه من يحذف الاسم وياخذ الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان سفرة العطاء
الجزء الرابع

رقيه. رقيه رقيه
اريد انخاج والفتي عليه

*********
كنا مجلسج هاليوم أجينه
لطمنه عليج مولاتي وبجينه
نريد مرادنا ومدينه ادينه
ومن ايدج صدك حلوه العطيه
********
تنطين العطيه بدن منه
واحنه اهموم جوه الگلب عدنه
نريد بمجلسج ندعي لولدنه
وتحفظينهم من كل رزيه
********
اجينه المجلسج يالما تقصرين
كلش هلوكت مولاتي مو زين
اريد انخاج نحوه للمريضين
عدنه امراض راوتنه المنيه
********
كلش هلوكت كثرانه الوجاع
صرنه انكوم ونلزم الگاع
نطلب فزعتج يا بنت الاسباع
عليج ابجاة زينب والزجية
*********
عليج ابجاة زينب يالغريبه
شافي كل مرض وانتي الطبيبة
گومي الشيعتج عدم مصيبه
تصب نهران من دمنه جرية
**********
تصب بلا ذنب نهران من دم
عفيه اگلوب عدنا تشيل ياهم
شوفي شچم صحن طاهر تهدم
وچم مرقد تفجر چم بنيه
*********
لهلج بالبقيع مهدمه كبور
مو حضرات خلوا فوگها صخور
يوم العيد يوم الغايب يثور
ويأخذ ثأرنه امن احفاد اميه
*********
يأخذ ثأرنا منهم الموعود
اريد انخاچ هلنخوه للاجنود
كل غايب على أمه سالم يعود
وتنصرين الحشد عالداعشية
*********

الشاعره الملة ام ريام الركابي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للسيده رقيه نفس طور يايوم اشوف اعتابك للحاج باسم الكربلائي
****************************
اتعاتب ابوهه وتنوح بالطشت راس المذبوح
آنه رقيه يابويه آنه رقيه
وين الجسد عني راح باحضانه اريدن ارتاح
آنه رقيه يابويه آنه رقيه
اغفه اعله ايده الحسين اريده
****************************
جابولي بطشت راسك ينور العين
اصرخت واستغربت وين للبقيه وين
حبيبي وشمعة ايامي خذاه البين
تعبانه واريد احضان ابويه حسين
اغفه وافز من النوم لن شفت راس المظلوم
بطشت النوايب يابويه بطشت النوايب
ذبحوك ليش الارجاس جا وينه عمي العباس
بطشت النوايب يابويه بطشت النوايب
ينزف وريده الحسين اريده
****************************
بخرابه طفلتك نامت يبو ارقيه
تدريني بدلالك اغفه يوميه
ماأحمل هضم يحسين مابيه
ضرب السوط ورم ظهري وايديه
مارحم حالي الجتال جتف اديه بحبال
حزت وريدي يابويه حزت وريدي
والشمر حادي الضعون. جر التراجي الملعون
حزت وريدي يابويه حزت وريدي
برحله بعيده الحسين اريده
****************************
أناشد منهو يتمني بزغر سني
شنو ذنبي الجنيته بويه فهمني
منظر راسك المكطوع شيبني
اخذ روحي يملك الموت ريحني
مابيه اشوفه بعيني ماريد اعيش سنيني
طفله يتيمه يابويه طفله يتيمه
صاحولي يالمسبيه آنه العزيزه رقيه
طفله يتيمه يابويه طفله يتيمه
محنه شديده الحسين اريده
****************************
بأحضانه انام وجان إلي عاده
باوقات الفرض افرشله سجاده
صحت وكت الصلا وينك يبو الساده
خدي عالتراب وصار إلي وساده
يجوي التراب بخدي وفراش ابد ماعندي
بطرك العبايه يابويه بطرك العبايه
حر الشمس ياذينه وابلا سكف ظلينه
بطرك العبايه يابويه بطرك العبايه
بنومي وحيده الحسين اريده
****************************
بكلب محروك صحت لحكيني ياعمه
ابويه حسين راسه امخضب بدمه
غسلته بدموع العين واشتمه
ودعت العمر وآخر نفس يمه
ماتت رقيه الليله من بعد رحله طويله
ازغر سبيه هالطفله ازغر سبيه
وادفنهه اخوهه السجاد كل الاهل عنهه ابعاد
ازغر سبيه هالطفله ازغر سبيه
تنادي الشهيده الحسين اريده
***************************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه ثقيله الرقيه ع

ياهو الدفنها زينب ياهو الدفنها
بتك يمحزوز النحر ياهو الدفنها
كثرت ونها زينب كثرت ونها
ماتت رقيه والاخت كثرت ونها
..............

لمن هوت فوك النحر زينب بياحال
لاعدها والي ولاضمد محتاره بعيال
تدرون يخواني النعش رايدله شيال
ياهو الاحشمه وينتهض وبوليت انذال

شاهد حزنها زينب شاهد حزنها
يحسين زينب حشمت شاهد حزنها
.............

حطت رقيه ونادتك الحك يمظلوم
جناز بتك يالاخو رايدتك اتگوم
حيره يوالي تحيرت ببنيتك اليوم
واختك بعد ماتنتهض من كثر الهموم

ناحل بدنها زينب ناحل بدنها
وجروح بيها وماشفت ناحل بدنها
.........

ياجرح گلبي الماشفه اوجر اصوابه
فوك المصايب والالم فرگت احبابه
وانوب اچتي وجملت ضيمي الخرابه
ماتت رقيه عله النحر تصرخ ييابه

زادت حزنها زينب زادت حزنها
يوم عله نحره اتمددت زادت حزنها
............

محتاره بيها ام الخدر ضلت يوليان
تدرون يحباب الگلب مات من الاحزان
ومنين اجيبن ياهلي لرقيه دفان
بالشام حيرني الدهر ماعندي اخوان

عيوني عمنها زينب عيوني عمنها
والله اليالي ياهلي عيونج عمنها

...........

حطيت بتك يالولي والگلب مفتوت
وانده الحگو يخوتي وبعالي الصوت
ياعمه جاياهو اليجي وايجيب تابوت
اتمنيت ويه اهلي لفه وماخذني الموت

وايست منها زينب وايست منها
بتك يبواليمه كضت وايست منها

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء الثامن الماسي الفاطميه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده الى السيده رقيه ((ع ))

*على النحر ونت على النحر ونت*
*شبكت رقيه على بوهه شبكت*



شبكت على الراس وتبجي رقيه
بويه حاجيني والتفت ليه
رحت انه اخلافك بويه سبيه
وزينب حتارت ويمهه ادنت


بالطشت شافت راس واليهه
والحيته يابس الدمه عليهه
روحي اخلافه جاشلي بيهه
فركتك بويه بيه شخلت


صاحت ابلهفه والكلب ذايب
رقيه اتحاجيك ابوهه وتعاتب
احنه باغيابك شفنه المصايب
اهل الخرايب بينه مارحمت


الطفله مشتاكه الشوفت ابوها
الليل مانامت وبي افجعوها
وزينب احتارت بيهه خلوها
على بت اخوهه حنت وانت


بالخرابه اتنوح زينب ابعبره
زغيره رقيه وكلبي تكسره
ماتت على الراس يمه يازهره
ندهتهه ابهومه ولنهه ماسمعت


ونت الطفله وشبكت على الراس
شهكت رقيه وكطعت الانفاس
وين اوديهه من ناضر الناس
دمعتي عليهه يالولي هلت


*الخادمة الحسين العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*

الشاعرة العلويه ام اياد


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الى مولاتي رقيه


نون وياج من ونت رقيه
بهذا اليوم من جته المنيه
ا〰️〰️〰️〰️〰️〰️〰️
نون وياج ونقيم العزيه
على الشالت ازغيره بهلمسيه
نضل للموت مانسى رقيه
هوسه ازغيونه ماتت على الراس
〰️〰️〰️〰️〰️〰️〰️
ياهو الكال يازينب نسيناج
نضل للموت نلطم كل عزه وياج
بيوم الاخره كلحنه بحماج
المهضومه عذبها الشام
〰️〰️〰️〰️〰️〰️
علي الصوت ويه الهاشميات
الليله بلخرابه رقيه تبات
وين اهل الفخر واهل الهيابات
هوسه يشيعوه وين الامجاد
〰️〰️〰️〰️〰️〰️〰️〰️
اريد الطم عليه ولابس السود
حسافه بلخرابه بت الحيود
عمه بلمعارك لزم الحدود
يشيعوه وين اهل الزود
〰️〰️〰️〰️〰️〰️
تشيب الراس ياقصتج رقيه
من ارض لارض رحتي سبيه
ماتت بلغرب سوده عليه
ازغيرونه ونت على الراس
〰️〰️〰️〰️〰️〰️〰️
محتار العلليل اليوم بيها
مهضومه رقيه من سبيها
ماتت بلغرب من نغر ليها
لونينه لرقيه نون
〰️〰️〰️〰️〰️〰️

بقلمي الفقير خادمه البتول المله ولشاعره ام نادين المحمداويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

.قصیده في حق مولاتي السیده رقیه ع .
.▪️▪️▪️▪️▪️▪️▪️▪️
عزیزة احسین الشفیه
ترید ابوها هل مسیه
تبچي وابدا ماتهید ....صارخه اترید العمید
یا رقیه ........یا رقیه
▪️▪️▪️▪️▪️▪️▪️▪️
فزت الطفله ابحلمهه ترید الحسین
تصیح ابویه چان یمي وتهمل العین
عمه جاني وگلي گومي اویاي هلحین
بابا عگبي بلیسر ادري تموتین
.گومي ویایه ابعجل ....دنت ساعات الاجل
یا رقیه .....یا رقیه
▪️▪️▪️▪️▪️▪️▪️
علت صرختهه وبچت ویاها الایتام
الیله عد زینب مصیبه ابدیرة الشام
الله لي ایساعد گلبهه الکل هل آلام
ماتت اعزیزة اخوها و لطمت الهام
ولله تصعب غصتچ ......الیله فجعه فجعتچ
یا رقیه .......یا رقیه
▪️▪️▪️▪️▪️▪️▪️▪️
طفله یلما خلصت خامس عمرها
شافت الراس ابطشت آیا صبرها
ماتت ابحضن النوایب یا قهرها
شافت الشوغات ما انصف دهرها
امتونهه متوسمه .....تشکي الرب السمه
یا رقیه .......یا رقیه
▪️▪️▪️▪️▪️▪️▪️▪️
علنحر ویلي گضت ایا رقیه
اختک اعله الراس وافتهه المنیه
گوم یلسجاد جدد هلعزیه
عازي زینب عمتک ابهاي الرزیه
تنوح وتصب الدمع .....بگلب دامي ومنفجع
.یا رقیه ........یارقیه
.▪️▪️▪️▪️▪️▪️▪️
✒️ام قاسم البوغبیش
لا یجیز حذف اسم الشاعره والرابط ❌❌❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك