رحت وراس اخيي راح وياي
تضل عيونه مشبوحه على الماي



رحت وراس اخوي وياي خذته
عينه شابحه ويبست شفته
على المظلوم ياوجهي لطمته
اضل عليك خويه تايهه الراي



ضل جسمك عل الغبره يوالي
وراسك شايلينه برمح عالي
ضيعت الاخو وضايع دلالي
عميه ولا اشوفه بهاي عيناي



خذوني باليسر كوه يمهيوب
يم جسمك ردتها رويحتي تذوب
كلبي مثل كلبك صار مصيوب
ادفن راسك انه بيمنتي هاي


عكبك لاتهنه بلذة الزاد
ياخويه العمر عكبك مينراد
كلبي عليك ماساعه ابد هاد
والله تحيرت يانور عيناي



انه تمنيت كون الموت اخذني
وكبري كبل يومك كون لفني
ولاراسك اشوفنه وهظمني
شفافه يابسه وعينه على المااي



ام زينب السعداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه بعدة اطوار لسبي عندما سألو عن السبايا

وين اهلها والشمر بجاها
مجتفه وفوك الهزل مشاها
..............
هاي ياهي الوادم ينشدونها
ناشدوها ودم تسيل عيونها
وين اهلها بيوم لاح متونها
لاعشيره والاحنين الجاها
............
نشدت الوادم عليها وانحنت
هاي بتمن والعيون اتساجبت
بجت النوك العقيله من بجت
يوم بجلسه النذل حاجاها
..................
صاحت بصوتين والمدمع جره
انه بت حيدر الحير خيبره
وانه اخوي الحيد سبع الكنطره
الحير الحومه واتون خلاها
..............
انه المحد نضر لخيالها
وانه بيه هموم محد شالها
هاي زينب والدهرشل حالها
اسهام توجع بالكلب صاباها
..............
صدك دهري توجع صواباته
لاكن امضى اصواب ياجلماته
كال مسبيه وبكن لجماته
الشمر يوم الصاحلي وكالاها

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

وكأني بمولاتنا زينب ع


خذوني ميسره مارحت دفانه
خليت الاودهم على التربانه


خذوني ميسره وماشلت خال ابني
على الوليان هذا الوكت حاربني
كل ساع الشمر يهضمني ويسبني
لا تغسيل لا حضرت الجفانه



لا جادر ولا خلوني ادفننه
مكطوع النحر يالوالي اشوفنه
لا تشييع لبن امي واشيعنه
ونصب فاتحه وصرخ يملفانه



انصب فاتحه وكون اليجي ايعازي
واكعد ونتحب وابجي على عزازي
شمالك ياشمر ماخذنه متوازي
خليني اضل يم الولي اتوانه



ما صارت مصيبه ولا سدت هايه
ابجي اعله النحر لوطيحت الرايه
مو بيدي وروحن للولي عنايه
واكله اكعد يخويه الروح خلصانه



خلصان الدليل و حيل ما بيه
مدري شلون يمه امشي اعله رجليه
اخوي من الشمس خربت معانيه
الدنيا شمالها بالزين خوانه



بقلم الشاعرة أم كرار الساعدي
غير مبري الذمه من يحذف اسم الشاعر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسبي
===
مشوني العدة حرمة وسبية
ماواحد من اهلي كام ليه
حرمة مشيت يهلي
محد كال ظلي
ما واحد كعدلي وحن علية
===
محد گال لاتمشين يختي
مشيت ميسره وتجري دمعتي
دمعي ايسيل مخنوگة بعبرتي
مخنوگة وأون حيل
وبيه ما بكة حيل
حرمة ميسرة وصفك بديه
===
حرمة وماشية وي اليكرهون
وعفت اهلي ع الرملة يونون
ما حنو عليه ولايكومون
ماحنو وكامو
بيه عداي عالو
يظربوني العده. وشكف بديه
====
يظربوني العده وطفال وياي
ما عدنه ولي ولاعدنه حماي
احامي للحرم ومتيهه الراي
دولبني زماني
وأبن أمي نساني
محد نشف دموعي الجريه
====
من بعد الاهل ماكو حبايب
عني حملو والگلب ذايب
عكب عيونهم شفت المصايب
كعدوني بخرابة
ورقية تريد بابا
عدوان ويكرهون الزجيه
====
عداوة من قبل الهم ويانه
طلبو ثار من سكبو دمانه
ومن ظربو علي حامي حمانه
بالمحراب وكعوه
منة الراس طبروه
عدوان بظلم جارو عليه
===
تمت بعون الله بقلم العلويه ام اسامه الموسوي شاعرة اهل البيت عليهم السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربوعه لليسر
على طور ﴿يبن امي عالتربان﴾ من ديوان رثاء النحر الطاهر الجزء الثاني



درب اليسر لوعات ويريد اهلنه
خلاف الاهل ضليت اجذب الونه

-------------------------------
شفت القهر والويل شفت العجايب
درب اليسر يـاخـوي كـله مـصايب
ضكنه الألم والاه ضكنه النوايب
ماانسه نحر حسين دوم اذكرنه
------------------------------
كيدونه هالظلام جرونه بحبال
كثر الضرب والجر اتبهذل الحال
طاح الحمل يحسين وماكو شيال
ماكو ولي ياخوي او يفزع النه
-----------------------------
صعدونه عالناگه كلش هزيله
تسأل عليه الناس هاي العقيله؟!
اسمع حجيهم زين والمدمع اسيله
يبن امي حجي الناس كلش هظمنه
-------------------------------
خويه الحرم وياي مابين الاجناب
هذا الوضع ياخوي صوبني اصواب
مايبطل ونيني عليك ودمعي سجاب
وسفه غدرنه البين طشر شملنه
-------------------------------
مودع يخويه حسين بالله اوداعك
يصعب عليه الفراك يالحلوه اطباعك
يديرن عـلـيه كون كلهن اوجــاعـك
ريض ياحادي شوي خل اودعنه

🖇تـمــت بتـــوفيــــق الله

بـٲنـامـل شاعرة ٲهـل البيت عليهم السلام

🖊 الشـاعرة مـهـا الخـيـگاني


وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

حصريا لهذه القناة
لا اسمح بإزالة الرابط


هاي زينب من صبرهه اهتزت اجبال
مدرسه اتعلمت بيهه كل الاجيااااااال
🎤🎤🎤🎤🎤🎤🎤؟
لاتكووولون انسبت والله هظيمه
ايه زينب بت علي كولش عظيمه
من عزيمتهه يناس انشد عزيمه
وبمصايبهه اتحمد الله اعله كل حال
🎤🎤🎤🎤🎤🎤🎤🎤؟
لكربله جاي ويه اخوهه ام الاحزان
اتحملت وصبرت عله دولاب الزمان
شالت الهم عن اخوهه وكل هظم جان
بجيش طه جندي جانت وام العيال
🎤🎤🎤🎤🎤🎤🎤🎤🎤؟
جان عد زينب رساله اوصلت الناس
النه ترجمهه سبيهه وكطعت الراس
وكالت يذلوهه حاشه اخت عباس
قسم قسمت اله اذلهه كل الارجال
🎤🎤🎤🎤🎤🎤🎤🎤؟
يسلب الحره العظيمه ياهو يكدر
تمشي كل خطوه بسبيهه تبني منبر
امر الله وحكمه جانت يسره تفتر
خاطر توصل الحسين لكل الأجيال
🎤🎤🎤🎤🎤🎤🎤🎤؟
طبت الديوان عايد لاال اميه
بشكل اميره طبتلهم مو سبيه
وألقت الخطبه بوجود ابن الدعيه
وخلت الطاغي وجنوده يتيه اشكال
🎤🎤🎤🎤🎤🎤🎤؟
موت زينب واعتنت عنوه عليهم
ترعد وتحجي غضب من تحجي بيهم
الموت انه وهمه جابوني بديهم
نار زينب والحطب دمعات الاطفال


للشاعره زليخة العباس رسل الإبراهيمي

هذه القصيده من ديوان سفرة ابواب الرحمه الجزء الأول صفحه ١٣٩

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لليسر


رايحه للشام امشي صاعده فوك الهزيله
كوم ردني بيمنتك مدلاله وانه العقيله

ونت الوني الهزل
ويبره الظعني النذل

النوك تتباجه عله حالي كوم ينايم دردني
امشي ويه عداك ترضه ينضرب كلساع متني
يبو فاضل اهاك اسمع كامو ينشدون عني

انت موانت الكفيل
زينب شحده اليعيل

يبوفاضل راكبه الناكه واميل

كاطعه ادروب وبعيده عفت خدري وصحبتي
واعتب انه حكي خويه بلصحاري غربتي
الناس تتنشد عليه ضعيت كل خوتي

الحالي تبجي ناكتي
كوم ردني الديرتي

يبوفاضل راكبه اناكه وميل

بوحدي وجيوش اميه شلون امشي بمشيتي
حاره الدنيا بظهرهه النوك صارت خيمتي
والشمس يحرك ضوها خويه عاين وجنتي

بس عده خويه ونواظر
والحرم تكسر الخاطر

يبوفاضل راكبه اناكه واميل

والظعن سار بمشيته والدرب اليل وبعيد
موجره من المصايب كلب اختك مايهيد
رايحه للشام اكلك ماشيه المجلس يزيد

قدموه كل الروس
الشامت بكلبي يدوس

يبوفاضل راكبه الناكه واميل

من علناكه واودعك نبدي ونسولف سوه
ورايحه الدرب اليسر وكلبي ابناره انجوه
كافي بسك نوم بطل يلنمت فوك الثره

ماخذه وياي اليتامه
رايتك عندي علامه

يبوفاضل راكبه الناكه واميل


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراء بتاريخ الثلاثاء2021/8/25
15محرم 1443نسالكم 🙏🙏الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للسبي
***********************
آنه اخت البطل عباس تدروني
شمالك ياشمر تضرب عله متوني
************************
زينب بت علي الكرار آنه اسمي
تتمرجل عليه وتشتم بأمي
بمتوني السياط انطبعت بجسمي
يندار الوكت حيف وتضربوني
*************************
خيالي جان محد يكدر يشوفه
آنه ام الخدر بالخدر معروفه
تتفرج عليه الناس بالكوفه
لبن زياد ويه الروس دخلوني
*************************
ذبحو كل هلي الطيبين واخواني
يسيره بالحبل مابين عدواني
يتفرج عليه القاصي والداني
حكي انهضم تنزف دمه عيوني
*************************
تدري آنه العقيله اللي افكدت ولياي
احجي وياك ماجانت ابالي هاي
سوطك وين من جانو اخوتي وياي
وسفه ياشمر الاخوان عافوني
*************************
آنه اخت الذبيح بكربله ياناس
وآنه اخت الكمر راعي العلم عباس
بقيت امحيره مابين كوم ارجاس
اخلاف اهلي الخلك بحجار يرموني
*************************
يانار الشماته شلون اطفيهه
اضمهه لدمعتي ماريد اراويهه
راسي للسمه مرفوعه ابقيهه
يهل الكوفه جنكم ماعرفتوني
***************************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة بعدة اطوار بحق السيدة زينب ع وايام السبي


اه منج كربله .....والله حيرتيني
اجيتج ابزود الولي...مسبيه رجعتيني



اجيتج و عباس رافع هامنه

وفوك من راسي ترف اعلامنه

اليوم ارد شلون وي عدوانه

لا انصار ويانه لا خوانه

كلها نومه اعله الثره

امصيبه ابد ماصايره

مسبيه رجعتيني....والله حيرتيني
🎤🎤🎤🎤🎤🎤🎤🎤🎤🎤🎤🎤

اجيت وخواني يبارون الضعن

وهسه ارد شلون مو هذا المضن

كبرن الحسرات وبروحي ربن

بعيني الدمعات اضن اتعلمن

اه راحولي اشكثر

بيج من دار الدهر

مسبيه رجعتيني.....والله حيرتيني
🎤🎤🎤🎤🎤🎤🎤🎤🎤🎤🎤🎤

بيج شفت ايام راوتني العجب

اشحصلت لمن اجيتج بس تعب

وياج ما تنفع ملامه ولا عتب

بيج خسريته دلالي بلا ذنب

انوب امشي محيره

بلايه والي ميسره

مسبيه رجعتيني......والله حيرتيني
🎤🎤🎤🎤🎤🎤🎤🎤🎤🎤🎤🎤

اجيت والوليان يسره ويمنتي

والكفيل بزود يبره لناكتي

هسه ارد شلون من غير اخوتي

من مرارج والله كبرت حسرتي

حيل اذاني الهظم

شكد شفت منج ضلم

مسبيه رجعتيني....والله حيرتيني

🎤🎤🎤🎤🎤🎤🎤🎤🎤🎤🎤🎤

بقلم خادمة الحسين ع ام كرار الساعدي

الشاعره سحر ام كرار الساعدي
💫قناة 💫خطيبة المنبر الحسيني🎤
✍ الشاعره ام كرار الساعدي ✍


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شلت عباس ولطمللك عل الناكه
اديه مشدده ولشمس حراكه
〰️〰️〰️〰️〰️〰️

ويلطم الحنان يريد عوانه

نمشي ونلتفت عباس ماجانه

كلب اختك ياولي صار دوهنه
((( ونينه ياخويه عليكم)))
〰️〰️〰️〰️〰️〰️

وين الفاتحه خويه نسويها

اهلنه ابعاد وختك منكطع بيها
اكعد يابوفاضل خويه حاميها

(((اكعد وعياللك سابيها)))

〰️〰️〰️〰️〰️〰️

ينار المشو بروحي حراكه
هم يعود شخصك بعد نتلاكه
روحي اليوم للوليان مشتاكه



بجانه ياخويه البين
〰️〰️〰️〰️〰️〰️
بترابه وسمومه شلون عفناكم

طرحه على الارض ماو دعينكم
خويه بلدمه ياحيف شفناكم

(((شيال الكلفه اكعد لينه)))
〰️〰️〰️〰️〰️〰️


〰️〰️〰️〰️〰️〰️
صعبه على الحنينه تفارك اخوتها

اسمعو من بعد ياخويه ونتها

شايل يلخو عباس هيبتها

(( وين الكاه الولي الغرب))
〰️〰️〰️〰️〰️
✍🏻بقلمي الفقير خادمه البتول المله ولشاعره ام نادين المحمداويه القصيده من جرحات الطف الجزء الثالث اصدار لهذا العام متوفر في جميع المكاتب

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حصريا لمحرم (جروح كلبي)

جروح كلبي ... جروح جسمك مالهن خويه عدد
تلاكن وسون مناحه قهرت العالي الصمد
.........
تلاكن وسون مناحه بجت اجروف النهر
انته ضلعك وانه كلبي لمن داسوك انكسر
رددت من جوي يمك قل اعوذ من الشمر
تعوذت بسم ابو فاضل ردت من عنده المدد
جروح كلبي جروح جسمك مالهن خويه عدد
.......
شيب راسي وفطر راسك بجه عرش الله دمه
ومن لطمت اعليك يمي اسمعت لطمت فاطمه
صارت المغرب ولسه يفور من نحرك دمه
وامي صاحت ركضو ليه مافزع ليه احد
جروح كلبي جروح جسمك مالهن خويه عدد
...........
بركبتك حز سيف اميه بركبتي يحز الحبل
الشمس تضرب براسك يضرب براسي النذل
انته نايم عالوطيه وجسمك امزرفه النبل
وانه دلالي تزرف من مشه عني السند
جروح كلبي جروح جسمك مالهن خويه عدد
.............
بخيزرانه فطور شفتك فطر شفتي من العطش
بالخرابه نوموني والترب ليه فرش
وانته نايم بالصحاري الحاره مالك نعش
القهر مثل القهر خويه والوجع مثله بعد
جروح كلبي جروح جسمك مالهن خويه عدد
.......
انه وانته يسرونه برفجت الشامت سوه
خاطر الماعرف زينب يعرفك وانته الضوه
منك انته يعرفوني لو من الشال اللوه
ياهظم مامر عليه وانكتب ليه وعد
جروح كلبي جروح جسمك مالهن خويه عدد

تمت الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للحسين عليه السلام يوم سابع
.........................

سبع تيام مرن علي يحسين

جنهن عمر ياخوي يحنين

مرن عليه جنهن سنين

.................😭

مرن عليه بحزن وبنوح

يوم العفتني بكلب مجروح

وعفتك على التربان مطروح


.................😭

خويه بودي اسويلك ثوابات

ونصب عزه اسوي اقرايات

عذرني تراني ابين شمات

..............😭

سبع تيام ونته بعيد عني

عفتني بهظم يلرحت مني

ماحسبت خويه تذبني

.................😭

گوه يخويه فاركيتك

ومن العذب ماشربيتك

خويه لو تنشره بروحي شريتك

................😭

اسبوع يلخالي مجانه

وبس الحرم محد ويانه

كل الخلگ خويه حزانه

.................😭

وسفه اخوي الترب غاطيه

تحت الثرى وغيير معانيه

والراح مني وين الاكيه

عميه على الخوان عيني

===========
خادمة ال البيت الحجيه ام علي البصره
لا اجيز حذف اسم الحجيه ام علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه
لدخول طوعه على سبايا ال محمد صل الله عليه واله وسلم
في الكوفه
.......
اجت طوعه تون والعين تجريها
اوسلمت علعقيله اوحبت ايديها
....
اجت طوعه اودمعها علوجن يجري
اوصاحت الج فدوه روحي اوعمري
حبكم وسط كلبي اوبالدمه يسري
ريحة فاطمه الزهره اوذراريها
....
ذرية النبي فاز الي والاها
خاب الي غدرها اوما وفه اوياها
محبتهم اجر كال الله الطاها
ذرية النبي اوبروحي افديها
......
اليحب النبي الباري ايحبه
يتوب اعليه ربه اوينغفر ذنبه
حرب الي يضدهم للنبي حربه
الصلاة اعله النبي يامحله طاريها
.....
خاب الي ترك عترت محمدها
او واله ال اميه الرجس نطفتها
وابن ازياد طاع اوترك سادتها
سادات الارض والسمه يدريها
.....
انه جايه يم عون اسولفلج
على مسلم ابن عمج اخبرنج
يشيل الراس مسلم يعتذر منج
ايوصيج احميده انتي تكفليها
......
حميده ابنيته ويه ابنات ابو اليمه
وانتي الها يزينب خاله اوعمه
لاجل احسين مسلم ضحه ماهمه
ابحميده كالي زينب اوصيها
........
اوصيها عليها ابنيتي مهظومه
ما شافت ابوها سبح بدمومه
محد من هله وياه اولا كومه
يكلي وصي زينب كون تحميها
......
الحاجة ام احسان الخاقاني
18محرم الحرام 1442 هـ


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه او مربوعه حول سابع الامام الحسين


*سبع تيام وابن امي مضيعينه*،

*عاتبنه الحنين وما يرد لينه*


سبع تيام صار وروحي هداها
كتلهه افراكهم يا ناس سلاها
صارت ما توجد بعد ممشاها
*عميه اخلاف اخوهاالغمضت عينه*



مابيهه تون يا ناس خلصانه
وين السابعه تسوي الحزنانه
تعاين عالولي وتكول ماجانه
*بعد راح الحنين ولا تنطرينه*



شال ومايرد هيهات خال ابني
سبع تيام صار وحيف فاركني
اكله ادخيل خويه المتن يوجعني
*وظل صوط الشمر يحسين ياذينه*


ياذيهه الضرب يحسين ياذيهه
واختك كاضيه وكل حيل مابيهه
ليش بنص غرب ظلت يواليهه
*وتكول الحنين اتاخر علينه*


اتأخر مايجيهه ومشت مسبيه
اتصيح بصوت لحك يالولي بيه
تره ضربو سكينه وضربو رقيه
والتكلف عليه ونت سكينه*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده. علئ زينب ؏



عافت اهلها بكربله. للشام من يسروها
ماالحـــكــــو خـــوانــــهـا يردوهــــا
━━━━━━━━━━━━━━━━━━━━
واعله الارض نامو سوه
ولا الحكــو شم الهــــوه
جاويــــــن راعي اللـــوه
يردون اختهم بل غرب عافوها
━━━━━━━━━━━━━━━━━━━━
ردوها اختهم بل غرب
يفراكهم كلش صعـــب
الديوان كلفه من نطب
وهايه عزيزت بت علي خلوها
━━━━━━━━━━━━━━━━━━━━
وهايه عزيزت حيدره
ولوالي مايدري شجره
والمصابهم لا مـــــادره
مايـــدري بنته بل يسر ودوها
━━━━━━━━━━━━━━━━━━━━
الله يساعد بنت علـي
ووحيده تبقه بلا والي
نيام صاحت كل هلــي
والارض جدها خلهم يــــزتوها
━━━━━━━━━━━━━━━━━━━━
خل يرد عباس ويشوف
مكطوعه منه هل جفوف
وعينه بسهم ضن مايشوف
خل يلحك اخته هواي هل اذوها
━━━━━━━━━━━━━━━━━━━━
🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة بحق مولاتنا زينب ع....وهي تخبر امها الزهراء ع بذبح الامام الحسين ع



يمه يازهره انذبح والينه
وليه يايمه العده مسلبينه


انوب عطشان ويدير عيونه
شربت اميه ولا ينطونه
حيل قاسين اولا رحمونه
و عالنهر عباس مارد لينه


وين عباس اليحامي محملي
كال يا زينب عليه ادللي
اليوم ميسوره يخويه بلا ولي
كوم يا عباسنه ورد بينه


شلون بالايتام والصار وجره
وانه تدريني يبعد امج مره
كون يدري اليوم بيه حيدره
والله صعبه وي عدو سابينه


ابنج الخيل وعساكر سحكته
وبحوافرها ييمه اذته
الكوم نحر حسين يمه كطعته
فرد ونه اليوم من ونينه


سلبوه وفرهدوا خيماتنه
تسعر و لا تنطفي جمراتنه
يمه من ذبحوه علت وناتنه
وطاح عباس الكبل يحمينه



بقلم الشاعرة أم كرار الساعدي
غير مبري الذمه من يحذف اسم الشاعر



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لسان حال سيدتي ومولاتي زينب"ع"في طريق المسير وهي تخاطب الامام الحسين"ع"

راسك عالرماح وعيني اتشوفة
وانة عالهزل وايدية مچتوفة
*گلبي ينهظم حيل ...خوية ودمعتي اتسيل*
روحي اشگد الك يحسين ملهوفة
راسك عالرماح وعيني اتشوفة


خانگني الحنين وروحي مشتاگة
اول مرة هيچية احنة نتلاگة
اشوفنك ولاكن من على الناگة
گلبي ماكو مر ياخوية ماضاگة
*اباوعلك على ارماح ...وگطّع گلبي النياح*
وروحي اشگد الك يحسين ملهوفة

خانگني اشتياقي وحيلي فاگدتة
بالطف الدلال وياك ودعتة
هسة انة غريبة والبچي سكتة
وذباحك ينور اعيوني رافگتة
*جسمك ظل عالتراب ...وانة بولية اجناب*
وروحي اشگد الك يحسين ملهوفة

كون اگعد وياك واشكي الحال
ولامرة غيابك هاكثر طال
صوتك مااسمعة ماهي بالبال
چنت اترافگ اختك مثل الخيال
*يالمن زغري وياك ... حن گلبي لحچاياك*
وروحي اشگد الك يحسين ملهوفة

احس بيك انة وادري ياضوة العين
شگد گلبك علية يالولي احنين
يخوية والدليل اتجر الونين
تدري من الضرب متورمة الايدين
*حتى وانت مذبوح...عينك صوبي متروح*
وروحي اشگد الك يحسين ملهوفة

اشوف اشگد علية دارت عيونك
ومن گد الخجل هالمنخطف لونك
تعاين حالتي مهظومة من دونك
تگلي سامحيني وذابلة جفونك
*چن تگلي صبري... والي مشتاگ ادري*
وروحي اشگد الك يحسين ملهوفة


*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسيدة زينب ع جنوبيه فزاعيه


اجت زينب تون يم دار اهاليها
تون وتصيح ياعباس رد لــــيها


اجت زينب تون اليــوم حـزنانه
حيف حسين اخوهه ساد بيبانه
اجت تلطم عليه وتـــريد عوانه

(رد عباس لزينب//جتك متعوبه)


رد عباس زينب جــــــايه بهمه
تنادي ياكفيلي شوف ابو اليمه
من خيل العدة لعضام متهشمه

(الخيل الداست صدرة//داست كلبي وياه)


خيل الداسته خلت الــــف عله
تشوفه بعينها منحور مو سهله
بگلب زينب يبو فاضل اثر خله

(گلبي يون وينادي//وين العافوني)


ونت من لگت عباس مو يمها
ونت حيل لاچن بلخيم همها
دارت للمدينه وشتكت لاأمها

(ها يلزهرة دخيلج// لحگي لبتج طگوهه)


كلمات

الشاعرة هبه الموسوي
صاحبة ديوان "تراث الطف//حلم مذبوح"

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي وابوذيات عن لسان السيده زينب عليها السلام


عله افراگ المشو بليل مايغمض چفن عيني
أون الهم ألف ونه ويگعد النايم اونيني
ياولحض يدنيا شبيچ يوميه وغدرتيني
اشو چنچ عداوه وياي شتردين حاچيني
اخذتي اعزاز من گلبي واخذتي اوجوه من عيني

//////////////////////////////////////


ولابت

عيني اعله البطو صبت ولابت
لا اخو ولا ولد لا أهل ولابت
تگطع مابقى بگلبي ولابت

وبعدني أمشي وچثيره جروح بيه

//////////////////////////////////////

گلبي بسببهم حيل مجروح
ودوم بخيالي وين ماروح
نسد باب اهلنه الچان مفتوح
والله كتلني الشوگ ولنوح
من كثر وني الصوت مبحوح
________________________

بقلم شاعرة اهل البيت ع المله
أم ريام دخيل الركابي✍...
تجدون التكمله في ديوان الرأس المطبور
والضلع المكسور الجزء الرابع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لدخول سيدتي ومولاتي زينب عليها السلام الشام ودخولها مجلس بني اميه لعنه الله عليهم

المستهل👇👇


وينه عباس كفيلي وينه عباس
ابچي والمدمع هلي
حرمه ماعندي ولي
تهابني الناس بوجوده تهابني الناس
وينه عباس كفيلي وينه عباس

┄┉❈❥ًً❀)💔(❀❥❈┉

وگفت گبال الدعي زينب تنوح
والگلب مليان بالهم والجروح
تعاين عله الطشت والمدمع سفوح
تصيح بفراگك احس طلعت الروح

وراسك بطشت الذهب
ابچي ودموعي تصب
لگطع الانفاس اذكره لگطع الانفاس
وينه عباس كفيلي وينه عباس

┄┉❈❥ًً❀)💔(❀❥❈┉

إنه زينب بت علي وبنت النبي
وانته تعرف منهو إنه ومنسبي
وخر ايدك عن اخوي ومذهبي
بعده مايهنه طعامي ومشربي

لاتضربه وتلمسه
هذا ابن خير النسه
ماله مقياس امامي ماله مقياس
وينه عباس كفيلي وينه عباس

┄┉❈❥ًً❀)💔(❀❥❈┉

يضرب الراس الشريف بخيزران
يگول اخذت الثار من حيدر الان
ثار بدر واحد بگليبي نيران
انطفت ويلي بعترته وحسيت امان

وينه هسا حيدره
يعاين الصار وجره
فعل الارجاس يشوفه فعل الارجاس
وينه عباس كفيلي وينه عباس

┄┉❈❥ًً❀)💔(❀❥❈┉

رحمه ماعندك من الله وماكو خوف
تگلب براس الولي وعيني تشوف
والدمع ينزل من الوجنه ذروف
وإنه اذكر طعنته وضرب السيوف

يريد يقهر الرباب
براس اخوي ومايهاب
يگلب الراس وتبجي يگلب الراس
وينه عباس كفيلي وينه عباس

┄┉❈❥ًً❀)💔(❀❥❈┉

وخر ايدك عن ابن حامي الدخيل
لاتلمسه وتضربه يبن الذليل
والله لو يمك بهالساعه الكفيل
جان راواك العجب راواك ويل

وسفه نايم عالنهر
واخته مكسوره ظهر
بلايا حراس يويلي بلايا حراس
وينه عباس كفيلي وينه عباس

┄┉❈❥ًً❀)💔(❀❥❈┉

✍ الخادمه ام زيد الشمري

نسال •اللّـہ‌ القبول
ونسالكم الدعاء بتعجيل فرج مولانا صاحب العصر والزمان عج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك