https://telegram.me/aabas78

بفضل الله وبركات الامام الحسين👆👆 القناة الأولى على للتلكرام لنشر القصائد الحسينيه

تم نشر قصائد جديده لكل ايام محرم

موشح (4)
اولاد مسلم عليهم السلام
……
لبو اليمه احسين اشكي حالتي
اتوجهتله اوسلت يمه دمعتي
…..
خويه يابو اليمه مالومه اجيت
اكعدت يم جسمك يخويه اوصوتيت
اكعد اترجاك يبن امي انتخي
فگدك اعليه كلف يا هيبتي
……
خويه اسولفلك واريدك تستمع
امصيبتي منها دليلي منفجع
فرت اطفالي اوحنت مني الظلع
او ماهدت خويه عليهم دمعتي
….
اه يا بو اليمه امصابي كلف
وانته بالي صار ياخويه اتعرف
اشلون اسولفها ابد ماتنوصف
افگدت اطفالي اچماله اعله اخوتي
……
افكدت اطفالي من هجمت الخيل
فرت الاطفال بالبر دنيه ليل
حرت وين اتجه ممرودت دليل
جيت يمك خويه احجي امصيبتي
…..
خويه مو هاين عليه الي جره
شفت جثتك والضلوع امكسره
غصب اشكيلك تراني امرمره
ادري اتهمك يخويه حالتي
….
راس ابو اليمه اهتز بيه الرمح
والجسد رغم الترضرض والذبح
منه صدرت اه لوبيدي اويصح
انه ادورهم او اوفي ابخوًتي
….
الحاجة ام احسان الخاقاني
4محرم 1443هـ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لاولاد مسلم"ع"

اه وا ويلاه وينك يالگمر
ذبحو الويلاد خويه عله النهر

اه ياعباس ماتدري شجره
گوم شوف الصار يا بن حيدره
ذبحو الويلاد وانه محيره
عالمنيه زغار ماعاشو عمر
اه ياعباس وينك يالگمر

زغار وشمحلاهم ابعمر الورد
حسبت چم يوم واولادي ترد
راحو ولاجوني ماردو بعد
ولني اسمع بيهم انحز النحر
اه واويلاه وينك يالگمر

رگابهم ترفات مومالت ذبح
والله وايخافون من سن الرمح
موتهم بالروح خله اشچم جرح
ابچي وميفيد لوراح النظر
اه واويلاه وينك يالگمر

لوعميت العين والونه تدوم
ماترد هيهات حلوين الرسوم
ردت ياعباس لو ليه تگوم
حايره وظليت مهظومه اشكثر
اه واويلاه وينك يالگمر

وين ادير العين ياخويه السبع
هذا اخوك حسين نحره منگطع
چامنو اليفزعلي ويشوف الوضع
اختك بيا حال مكسوره ظهر
اه واويلاه وينك يالگمر

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية سريعة للعباس يوم السابع من محرم الحرام

جديد ١٤٤٣هـ

صوت العقيلة ام الخدر
طاح شيال العالم 💔
♥︎♥︎♥︎♥︎♥︎♥︎
صاحت الحرّه معولة
أختك ياخويه مدلله 😭😭
انهض ياراعي المرجلة
منهو اليباري هالحرم
♥︎♥︎♥︎♥︎♥︎♥︎♥︎
وين أوديها عمامتك
قلّي يابعد أوخيتك
ياليت الزهراء حضرتك 💔
ماأحمل الذل والألم
♥︎♥︎♥︎♥︎♥︎♥︎
بالذلة من بعدك أضل
عزيزة أختك يانفل
انهض ياخويه يابطل
انهض ياشيال العلم
♥︎♥︎♥︎♥︎♥︎♥︎
خبّرني خويه ياشهيد
في وين عنّك العضيد
لاتقول في حر الصعيد
سكنه تتاني والحرم
♥︎♥︎♥︎♥︎♥︎
باجر يوديني ليزيد
ويسوموني سوم العبيد
والدمعه منّي ماتهيد
عالغبرى نامت الزلم
♥︎♥︎♥︎♥︎♥︎♥︎
عباس نور عيوني
بعده العدى يولوني
بسياط يضربو متوني😭😭
واصيح صوت من الألم
♥︎♥︎♥︎♥︎♥︎❥
تمت بحمدلله وتوفيقه
كلمات خادمة أهل البيت
فاطمة المسلم
ام محمد

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حول اولاد مسلم.


*دوري الاطفال (يزينب) دوري الاطفال*

*محزن الحال (عليهم ) محزن الحال*

*ضاعو اثنين ومشو ابحالي اظن مافكرو*
*محزن الحال عليهم محزن الحال*


راحو اطفالي ومشو من عندي ابعيد
وانه حال الظيم حالي وما اهيد
اليل ظلمه والطفل لامه يريد
لو يسكتونه عليهه ما يفيد
*دمعه همال عله امه دمعه همال*



يا درب منه مشو ما ادري وين
ازغار اطفالي و عليه امعلمين
راحو امنيدي وبكه كلبي حزين
لا ينام اليل بس سهمه الونين
*خاب الامال عليهم خاب الامال*



خابت اظنوني عليهم وابجي العيون
ادري من هذه السفر ماظن يردون
مدري ذكروني وعليه هم ينوحون
ادري ظلمه وتاهو علينه يدورون
*من العيال طلعتو من العيال*



طلعو ابليل وبعد ما رجعو النه
ابيوم طاحت عل ترب مذبوحه اهلنه
حشمت عباس زينب والكفلنه
لاكن اجفوفه كطيعه وغاب عنه
*والظعن شال تكله والظعن شال*



خويه حيرانه عفتني ابلم الزغار
فرت امنيدي شفتهه ابلهبت النار
اركض وحافي ادوري كلبي احتار
وين اروحن ما تكلي وكلهه كفار
*كوم الانذال ضربهه كوم الانذال*



امشي وصياط العدو حيل ألمتني
عاتبت عباس اكله ضيعتني
أنوب اسمع والده درويلي ابني
اطفالهه ضاعو يخويه وحيرتني
*والدمع سال يخويه والدمع سال*



*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_الدموع_الزينبية_الجزء_٨_.


فزاعيه للقاسم عليه السلام


امبارك يلولد عريس
والعدوان زافوفه
🏴🏴💔🏴🏴
امبارك دمك الحنه
مصيوب وتجر ونه
من حضراك يمجنه
وعمك طاحن أجفوفه
🏴🏴💔🏴🏴
امك طفت الشمعه
يا جسام بلدمعه
وحسين انكسر ضلعه
روحه اعليك مخطوفه
🏴🏴💔🏴🏴
من زفوك للحومه
امك بقت مهضومه
مو تبطي يجيدومه
وحمل الوالده تعوفه
🏴🏴💔🏴🏴
ضلت تجذب العبره
أم الولد وتنطره
ما تدري على الغبره
جاسم طاح بلكوفه
🏴🏴💔🏴🏴
طاح وصاح يا عمي
جاسم مات كل لمي
ناده كثرت همي
والمضلوم اجه يشوفه
🏴🏴💔🏴🏴
اشلون ابو علي شافه
الدم بدل اوصافه
امه تنحب اخلافه
لجيته اشكثر ملهوفه
🏴🏴💔🏴🏴
ملهوفه اعله واحدهه
ريت الله يساعدهه
طاح وراح من عدهه
بعد ما مرن اطيوفه
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي*
*صاحبه ديوان📚الدموع الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي حول اولاد مسلم


نام الولي ومادره بحالي
وضاع الولد والدمع هالي
ومشدوه ظل ياخويه بالي

جندوب اصبر الروح كلي
وبيهه بعد يبن امي شلي
ضاع الولد هليوم مني


ضيعيته الجان شحلاته ضيعيته
مالكيته وضيعت طوله ومالكيته
حشميته البيه المروه حشميته


جاوين اهلنه بصوتي صحت جاوين اهلنه
يتبرون منه اعزاز الكلب يتبرون منه
ضايع ولدنه بهيمه تره ضايع ولدنه


نطلب الخوه حكنه تره ونطلب الخوه
بلوه ونكلهم بلانه الوكت بلوه
البيهم امروه عتبنه عله البيهم امروه


اتريد اهلهه الضايع ولده اتريد اهلهه
طايح حملهه وبيد الغرب طايح حملهه
وي خال ابنهه عدهه عتب وي خال ابنهه


ما كام ليهه حشمت بس ماكام ليهه
ومارد عليهه حنين الولي ومارد عليهه
بعازت وليهه اختك تره بعازت وليهه


ضايع بزرهه اختكم تره ضايع بزرهه
واجب يمرهه وخال الولد واجب يمرهه
عذرهه نام الولي وخته عذرهه


مو هاي هيه الخوه تره موهاي هيه
مارد عليه غافي الاخو ومارد عليه
وشلون بيه راح الولد وشلون بيه


ضيعت روحي ضاع وعليه ضيعت روحي
وتنزف اجروحي ظليت اون تنزف اجروحي
مابطل نوحي ونيت اله وما بطل نوحي


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مع هوسات لاولاد مسلم(يهل الخيل)
#من_ديوان_مسير_الفواطم_لأرض_المظالم_ج٦
#الشاعرة_العلوية_مريم_النور
❥━──➸➽❥❂❥━──➸➽❥❂
يهل لخيل ضاعوا مني الاولاد
عليهم بس انوح وحزني ما فاد
❥━──➸➽❥❂❥━──➸➽❥❂
يوم الهجمت اخيول ال اميه
ضيعت الولد واصفگ بديه
ياهو يدور الحلوين اليه
(وايردلي الراحو من ايدي)
❥━──➸➽❥❂❥━──➸➽❥❂
راحو من اديه ومااجوني
وظلت بس تهل دمعه اعيوني
يايمه اصيح ومالفوني
(اصرخ يمه وماسمعوني)
❥━──➸➽❥❂❥━──➸➽❥❂
ماسمعوني ابد حلوين الرسوم
اتناحب واون والحيل مهدوم
ضيعت الولد ماضايگه النوم
(مانامت عيني ومهظومه)
❥━──➸➽❥❂❥━──➸➽❥❂
المضيعه ولدها شلون ترتاح
من عدها ضناها ياخلگ راح
لاينفع بچي ولاونه ونياح
(شيرد الضاعو بالهيمه)
❥━──➸➽❥❂❥━──➸➽❥❂
شيردهم بعد لاحضان امهم
اتاني ولن خبر ياناس عنهم
اثاري اعله النهر شمرو جثثهم
(بالدم اتغسلو صبياني)
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للعباس ع عندما خرج الى الميدان
وزينب تدعوه بعودت ابوالفضل اليها



ياالاهي من عليه برجعته
ياالاهي ماافارك شوفته

هوه حيلي وشوف البعيني ابوفاضل
هسه رايح وانه بدعوات اسايل

ياالاهي لاتطول غيبته
................
هوه حيلي ومن افكده راح اضل ابليه حيل
ضوه عيوني وبدر ليلي وبغيابه الدنيه ليل
لوتاخر لحظه عني ايذوب بفراكه الدليل
تدري زينب وابوفاضل هوه اخوها والخليل


روحي وي روحه يالاهي علكتها
ريت تاخذها ويه خلها لوخذتها

ياالاهي مااتحمل شوغته
...........
هذا غالي يالاهي واغلى من روحي عليه
اتوسل بدمعات عيني وادعي يارب البريه
انته تدري ببوفاضل هوه اخوي وكلشي اليه
لوفكدته وراح مني دنيتي تصبح خليه

ياتجوتي وهيبتي وزهره زماني
عاد اطلبك بالصبر لو مااجاني

يالاهي حيل تكتل ونته
................
مرن عليه وجزني شكثر نوح ونايبات
انه كل ونه اجرعتها وعشت بحزان الحياة
لاكن من انظر خياله انسه ضيم البيه فات
يالاهي ادعيك دعوه لوكرب منه الممات

خلي ملك الموت كبله ايمر عليه
حتى ليك ارواحنه تمشي سويه

يالاهي واحض دوم برفكته

...............
ياعزيز الروح اخيي وروحي بيه اتعلكت
لوخبر عباس اجاني وكالو اليمنه هوت
خبر العباس عني لوكضه وروحه اطلعت
كله ابساعة وداعه اضلوعي السبعه انحنت


كله يومك صابها صواب بضلعها
وطاح فص عيونها بطيحت دمعها

يالاهي صعبه صعبه ساعته
..................

صعبه من يرجع عليه حسين محني الظهر
من يصيح بصوت زينب مات عالشاطي الكمر
اكدر انهض واعتنيله وصابني اصواب الدهر
هم تضل الروح بيهه وصاحلي جفه انشمر


ارد اكله المعذره ما ما تت اوياك
عدله زينب من اجاهاحسين ينعاك

يالاهي شلون يومه حملته
..............


انه اريد وياه اروحن وين ماراح الحنين
من اضلن ماارافك غير حزني والونين
يالاهي دعوه مني احفظ خواني الاثنين
حن عليه واخذ روحي كبل عباس وحسين

همه روحي وشوف عيني ثنينهم
لاتطول اسنيني بعد اسنينهم

يالاهي الاخو توجع فركته



...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي الفاطميه الجزء الثالث عشر
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://telegram.me/aabas78

بفضل الله وبركات الامام الحسين👆👆 القناة الأولى على للتلكرام لنشر القصائد الحسينيه

تم نشر قصائد جديده الامام العباس عليه السلام

يطارش روح للعباس
كله زينب بحيره

➖➖➖➖➖➖➖➖
يطارش شو بطه اعلينه
كله ذبحو حسينه
ماظل كل ظهر لينه
غريبات بغرب ديره
➖➖➖➖➖➖➖➖➖
كله حسين مارحمو
بحافر خيلهم سحكو
كاست ماي ماشربو
هظمني وهظمتي اجبيره
➖➖➖➖➖➖➖
بناته شاهدن ذبحه
ونن من نزف جرحه
ومن جاب الشمر رمحه
ظلت تبجي الصغيره
➖➖➖➖➖➖➖➖
حمل راس الرمح راسه
تمرجل والشمر داسه
راح وماجه عباسه
علينه شنهو تاخيره

➖➖➖➖➖➖➖➖➖
يبن داحيهه كوملهه
وزينب لا تفشلهه
ترضه الشمر يوصلهه
حي الله يبو الغيره

➖➖➖➖➖➖➖➖➖
يطارش كله زعلوني
وبين الزلم عتوني
يرضاهه يطكوني
هيج الخدر تقديره


طكوني وانه اخت الوالي... هوسه


تمت
للشاعره رسل الأبراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشتراك بالقناة

:
#للشاعرة_ام_رائد_زوين

✿〰✿〰✿〰✿〰✿〰✿〰✿

#ابوذيه_ونعي_لليوم _السابع
لكفيل زينب ع

يبو فاضل جودك وين والماي
خافن ماتصح بعد وياك ولماي
اطفال حسين فتهه العطش والماي
مارد بي عم سكنه ورقيه
✿〰✿〰✿〰✿〰✿〰✿〰✿
عليك النواظر دمه يارن
وبعدك حيف ياعباس يارن
احزان ومصايب علي يارن
من تعطلت خويه عليه

✿〰✿〰✿〰✿〰✿〰✿〰✿

للنهر ياعباس ياخويه اجيتك
حيلي نهدم من شاهديتك
يخويه كعدت يمك ناشديتك
ها عباس ليش اكطعت بيه

✿〰✿〰✿〰✿〰✿〰✿〰✿
يخويه موالك نومت الغبره
حسين خلافك من ينصره
توحد خلافك ياحزام ضهره
او عليه دارت يخويه بني ميه

✿〰✿〰✿〰✿〰✿〰✿〰✿

افتح عينك بعيني يعباس
ولا تخلي اخيتك بين الارجاس
يسبوهه خلافك يبو النوماس
الشمر يتجسر عل هاشميه

✿〰✿〰✿〰✿〰✿〰✿〰✿
يخويه وين جفينك طاحن
وسهم طفه عيونك مايشوفن
ترد للخيم عباس ماضن
مصابك فجع كلب الزجيه

✿〰✿〰✿〰✿〰✿〰✿〰✿

يالي نمت فوك الشريعه
خلافك راح يسبون الوديعه
يعباس العرض غالي لاتضيعه
اكعد يبن حامي الحميه

✿〰✿〰✿〰✿〰✿〰✿〰✿
بقلم الشاعره ام رائد زوين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه لشجاعة العباس
❥ـــــــــــــ❁¤¤❁ـــــــــــــ❥❥ـــــــــــــ❁¤¤❁ـــــــــــــ❥❥ـــــــــــــ❁¤¤❁ـــــــــــــ❥

صكار الزلم عباس(ترهب خزرة عيونه)

بميدان الحرب فنهم يكحمونه


هذا الترهب افعاله
چا فنه التدناله
والميدان يحلاله
عباس ويشهدوله

❥ـــــــــــــ❁¤¤❁ـــــــــــــ❥

يشهدون بميادينه
خافو لو فتح عينه
شمحله السيف بيمينه
صكار ويعرفونه

❥ـــــــــــــ❁¤¤❁ـــــــــــــ❥

عباس وكفو منه
فنه الي كرب منه
هذا الحيد المجنه
عدوانه يهابونه
❥ـــــــــــــ❁¤¤❁ـــــــــــــ❥

خزرة عينه هابوها
جفوفه مايلاووها
الرايه بحين شافوها
كل فارس خفه لونه

❥ـــــــــــــ❁¤¤❁ـــــــــــــ❥

فارس ما مثيله دوم
معروف الكمر جيدوم
يومه ما مثيله يوم
فنهم لو يوصلونه
❥ـــــــــــــ❁¤¤❁ـــــــــــــ❥

محد يوصل حدوده
ياجود الكرم جوده
خله ايامهم سوده
عون الرافكه عونه


ام زينب السعداوي /ناصريه



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_عبرات_وانين_ج٨_خاص_بالعباس
*هوسات جنوبيه للامام العباس عليه السلام*
❥━──➸➽❥❂❥━──➸➽❥❂
گضاي الكلافه والنعم منه
مهظومه واجيت اليوم اندبنه
وبظلع الزچيه اليوم احلفنه

*احلفك يالكفيل ... بداعة الزهره*
مهمومين اجينه وبينه الف حسره
مكسورين منك نطلب الجبره
والحسرات تلهب بالگلب جمره
عليك نمشي الحسين وگطع نحره
*(بنحر حسين نحلفك كل حاجه اگضيهه )*
❥━──➸➽❥❂❥━──➸➽❥❂
نحلفك بالحسين وذبحت عياله
اجينالك نون والعين هماله
هموم البلگلب كثرت وچتاله

*هموم البلگلب ... ياهو الي يداويها*
بس عباس ابو فاضل اليمحيها
نظره لشيعتك هاليوم صد ليها
محتاجين الك تفزع تحاميها
مرضه هواي غيرك من يشافيهه
*((دخيلك صحنه دخيلك ياابن داحي الباب))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه عالشكل الهوسه

البيرع ون ياشياله
اكعد يمخوف العياله

عليك امكدر خليته
شلون من ايدك ذبيته
تعرف لوطاح بتاليته
تفزع لحسين الخياله
..........

عباس وشلك بنومه
والبيرغ هالساع ويومه
ايريدك تنزل للحومه
شلون اينام عالرماله
.........
شلون اتنام عالعيله
والبيرغ جاياهوايشيله
حسين اصبح راكد حيله
من طاح البيرغ وناله
........
اليوم عضيدك بجيته
البيرغ عدمن خليته
ايرد لجفوفه اتمنيته
يرجع ونزامط بفعاله
.........
ياموت شعندك ويانه
من طاح الكافل وحمانه
الرايه اتون وحزنانه
اليوم البيرغ ينعاله

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي الفاطميه الجزءالسابع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لمولاي القاسم
عليه السلام عريس الطفوف

المستهل👇👇

يايمه جاسم انهض إليه
مو ردتك إنه هيبه وتچيه

┄┉❈❥ًً❀)🧿(❀❥❈┉

يمه ياجاسم إنه رمله الحزينه
اعلگت شمعه لعرسك وزفة سكينه
گلبي ينعاك بحزن اسمع ونينه
من يرجع ضعني بعدك للمدينه

اخذوني للشام ويلي سبيه
مو ردتك إنه هيبه وتچيه

┄┉❈❥ًً❀)🧿(❀❥❈┉

جبت يايمه عروسك گوم ليها
عمتك جتك تحنيك بايديها
وعلگت شموع العرس ويلي عليها
اه يافگد الولد زيد بچيها

والله شعظمها هاي الرزيه
موردتك إنه هيبه وتچيه

┄┉❈❥ًً❀)🧿(❀❥❈┉

والله مشتاگه استمع كلمه ياامي
لو گلتها الي والله يزول همي
جنت اتمنى اعرسه ويبقى يمي
ماحسبت حساب يروح وگلبي يدمي

وامشي واعوفه بالغاضريه
مو ردتك إنه هيبه وتچيه

┄┉❈❥ًً❀)🧿(❀❥❈┉

تصيح وبصوت الحزن متشوف حالي
من عگب عينك صفت سوده الليالي
تبجي رمله عله الشباب بصوت عالي
تگول راح وليدي ياعزي ودلالي

عفتك على الگاع جثه رميه
مو ردتك إنه هيبه وتچيه

┄┉❈❥ًً❀)🧿(❀❥❈┉

ردتك تظل يمي ياعمري القادم
وافرح بعرسك تجي تهني الوادم
موگلت ابقى وياج وإنه خادم
وسفه جاك الموت ملك الموت هادم

رحت وتركت اللوعات بيه
مو ردتك إنه هيبه وتچيه

┄┉❈❥ًً❀)🧿(❀❥❈┉

من تمر زفه عرس يمه اذكريني
ذكري عمري اربع طعش ذبلت سنيني
انتي كل الدنيا عندي ونظر عيني
يمه غصباً عني عفتج صدگيني

ناداني الحسين عمي الشفيه
مو ردتك إنه هيبه وتچيه

┄┉❈❥ًً❀)🧿(❀❥❈┉

✍ الخادمه ام زيد الشمري

نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه للقاسم عليه السلام


لبس ثوب الچفن ويريد للحومه
يوم الشافته شگالت المهضومه

/////////////////////////////////////////////

يوم الشافته الله اليساعدها
طالع للحرب جسام واحدها
تهل دموعها ويچوي الدمع خدها
تنحب والگلب تتنازف ادمومه

/////////////////////////////////////////////

مايهجع گلبها ولا نشف همه
تصد لخيمت القاسم بقت ضلمه
ينادي للوداع وصاح يايمه
للميدان راح وشاعت اعلومه

/////////////////////////////////////////////

طب للمعركه ومحد وصل حده
يشبه والده وحيدر علي جده
من نار العطش جاسم يبس چبده
تنخه بجدته فاطمه المضلومه

/////////////////////////////////////////////


بقلم شاعرة اهل البيت ع المله
أم ريام دخيل الركابي✍...


تجدون التكمله في ديوان الدموع الزينبيه الجزء الثامن (خاص بالقاسم عليه السلام)

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

عتاب السيده رمله ع مع ولدها القاسم ع تقرا على طور يبن امي علتربان عفتك رميه لحمزه الزغير.
تقرا مربعه واطوارمختلفه
😭
يوليدي ليش تنام عايفها زفتك
جانت حلم دنياي اعجنها حنتك
🎤🎤🎤🎤🎤🎤🎤🎤
وسفه يجاسم بالدمع اعجن الحنه
وانحب على العريس ويلي الما تهنه
يوليدي من ادماك چفك هلتحنه
وانه بوسط الخيام انطرها جيتك
🎤🎤🎤🎤🎤🎤🎤🎤🎤

انه وسكنه بالخيم ننطر تجينه
تحرمنه منك كربله ماحسبينه
واشعلنه شمعك يالولد وتأملينه
ماندري نايم علثرى موذريها جثتك
🎤🎤🎤🎤🎤🎤🎤🎤🎤
ناداني عمه حسين أيسي يرمله
راح الولد ياحيف گطعي الظنه
شبل الحسن هاليوم بالدم تحنه
حسره بگليبي زفتك وبگلب عمتك
🎤🎤🎤🎤🎤🎤🎤🎤🎤
زفتك يمه يالولد حسره بگلبنه
للموت اظل انعاك يجري دمعنه
اخذاك الاجل يا حيف منك حرمنه
غدروك يمه هالعده من انگطع شسعك
🎤🎤🎤🎤🎤🎤🎤🎤🎤
عتبي عليك شلون نمت وعفتني
ماتدري بدنياي بس انته عندي
عدمن عفتني يالولد من ودعتني
هم اعرفت لمن نمت يسروهه امك
🎤🎤🎤🎤🎤🎤🎤🎤
تم ببركه الله تعالى
بقلم ✍🏻نور الهدى ✍🏻
بنت خادمه الزهراء ام حسين الاسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للقاسم "ع"
❥❥ـــــــــــــ❁❂❁❂❁❂❁ـــــــــــــ❥❥
آ يالراح ابنهة حالهة اشلونة
مايبطل بچيهة وتبقى محزونة
❥❥ـــــــــــــ❁❂❁❂❁❂❁ـــــــــــــ❥❥
ايالراح ابنهة وراحت ايامة
يالسهرت عليه وشدت احزامة
موحش ليلهة وماتگدر تنامة
يوم الودعاهة وغمضن عيونة
❥❥ـــــــــــــ❁❂❁❂❁❂❁ـــــــــــــ❥❥
المضيعة الولد الله يساعدهة
ماينشف دمعهة ويحفر بخدهة
شاب وياحلاتة وغيرة ماعدهة
ياوسفة بتراب الگاع يدفنونة
❥❥ـــــــــــــ❁❂❁❂❁❂❁ـــــــــــــ❥❥
دفنوه وبعد ماينسمع حسة
صاباها الدهر مافرحت ابعرسة
حال الظيم صارت ياخلگ هسة
مهظومة بقت وبحسرة من دونة
❥❥ـــــــــــــ❁❂❁❂❁❂❁ـــــــــــــ❥❥
تتحسر على الراحلهة تتحسر
لو شافت شباب اگبالهة وتمر
ام وياگلبهة اهواي يتفطر
گلب الوالدة حنين وتعرفونة
❥❥ـــــــــــــ❁❂❁❂❁❂❁ـــــــــــــ❥❥
لوشافت شباب اعليهة تتعدة
تتذكر ابنهة النايم بلحدة
زغير ياحلاتة وابعمر وردة
ولصوب المگابر غرب اظعونة
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://telegram.me/aabas78

بفضل الله وبركات الامام الحسين👆👆 القناة الأولى على للتلكرام لنشر القصائد الحسينيه

تم نشر قصائد جديده الامام القاسم عليه السلام