فزاعيه الشجاعه مسلم ابن عقيل ع



اليوم الهاشمي الكوفه هزاهه

خله ارجالهم نسوان خلاهه



اليوم الهاشمي الكوفه نزل بيهه

عده ازماط مسلم ويه اهاليهه

اليوم ارجالهم نسوان اسويهه

مثل حيدر علي بليوم نزلاهه



مثل عمه علي صولاته معروفه

إنذار وخوف زلزل بيهم الكوفه

خله ارجالهم بحبال مجتوفه

بحبال الزلم بحبال چتفاهه


نزل ميدانهه وارهب الخيالة

يگص ارگاب كلمن راد يدناله

أهله بل شجاعه دوم عياله

هذوله اولاد هاشم الف حياهه



اليوم الهاشمي بيهم لعب جوله

رفعوهه البيارغ اله وحيوله

يستاهل شجاع اعلام رفعوله

جاب اركابهم بل سيف كصاهه



اليوم ارگابهم بل سيف جاباهه

وخلاهه الجثث عل كاع خلاهه

الموت أهل الغدر هليوم راواهه

الكوفه بكل اهلهه الرعب نزلاهه



لخادمه الحسين العلوية ام جعفر

5ذي القعدة

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مسلم ع

بكل جداره .. نال مرتبة الصداره
بكل جداره .. صار للشيعه مناره
لو ردت للعز دليل
زور مسلم بن عقيل
...
يالتدور عالشرف والعز والايثار
اقره بالتاريخ واتمعن بالاخبار
شوف ثورة كربله ثورة الاحرار
خالده وما تنمحي شما هالزمن دار
ثورة الحق والضمير
عينت مسلم سفير
اختاره ابو السجاد يا محله اختياره
بكل جداره نال مرتبة السفاره
...
اقره عن مسلم يهل گاصد تزوره
المواقف واضحه الجسدهه دوره
بصفحة النهضه الحسينيه حضوره
هناك سطرهه الملاحم صوره صوره
صورة ايمان او ولاء
وتضحيه ومنهج عطاء
هالمعاني اذكرهه من تقره الزياره
بكل جداره نال مرتبة السفاره
...
ما تردد لحظه من اختار دربه
رغم مو سهله مهمته وحيل صعبه
راد يثبت بالولاء والطاعه حبه
واليطيع حسين يعني يطيع ربه
واجب وعنده يقين
يطيع امام المتقين
واليطيعه باجر يحصل بشاره
بكل جداره نال مرتبة السفاره
...
راح للكوفه وشرح منهج امامه
حسين راد اصلاح للأمه بقيامه
لكن اهل الغدر ما تعرف سلامه
ما رعت شرع الله لا حله وحرامه
خانته وتبعت يزيد
وانكتب مسلم شهيد
ويا دمائه لثورة حسين الشراره
بكل جداره نال مرتبة السفاره
...
نكثوا البيعه الفلا عدهم حميه
وقابلوا احسان مسلم باﻻذيه
اقره عنه وعن بطولاته الأبيه
واحسب اشكم مسلم تريد القضيه
تعيش بينه بكل زمان
كربله وبكل مكان
وهل قضيه الما يعيش الهه خساره
بكل جداره نال مرتبة السفاره

.. الشاعرة نسيم كربلاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه حول مسلم ابن عقيل


اليله ابو طاهر دار// عينه
ويريد من الزلم يا ناس// عينه
جاوين النشامه ذيج//عينه/عنه
تشوفه اشلون ظل مابين اميه


نزله


*بمسلم مادره العباس ابن عمه*

*خلك يلحك عليه الكافل بهمه*



اليوم ابن الهيابه يريد خوانه
ظل وحده ابو طاهر بين عدوانه
مثل حيدر يهد ورجف ميدانه
*ولحسين لعهد كلهم يظل ذمه*

كلباها/الكوفه عليهم


طب ميدانهه ورجفت الخياله
مثل حيدر علي محد تنداله
ابو طاهر يرد جفك العياله
*وسفه وبالغرب خوان مايمه*

يحضرونه/يريد احبابه


عباس الشفيه وين صولاته
الكوفه ما يجيهه بذيج هداته
طاح ابن النشامه وحيل وناته
*عليكم ظل يون والزلم ملتمه*

*يجرونه/و راحت روحه*



مايدري الكفيل بهاي واخباره
الكوفه خانته والناس غداره
خل يتعنه ليهه وياخذ ابثاره
*ويشوف ابو طاهر من نزف دمه*

*من عيونه///الغيره اتفيض*


خل يلحك عليه ويشيله الرايه
ابن عمه كضه ومايدري ابهايه
يمحي الكوفه هوه وزلزل الثايه
*يكاومهه الزلم والكثره متهمه*

*اتعناها/الكوفه اليوم



*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://telegram.me/aabas78

بفضل وبركات الحسين القناة الأولى على للتلكرام لنشر القصائد الحسينيه

تم نشر قصائد جديده لكل ايام محرم

فزاعيه مع هوسات لمسلم(اعله ابن عمها)
من ديوان📚مسير الفواطم لأرض المظالم ج ٦
❥━──➸➽❥❂❥━──➸➽❥❂
لطمي اويه العقيلة اليوم
عازيها اعله ابن عمها
❥━──➸➽❥❂❥━──➸➽❥❂
عازي زينب الحره
مهظومه وتجر حسره
عالمشمور بالحفره
(عازيها عالمات بغربه)
❥━──➸➽❥❂❥━──➸➽❥❂
مالومه وتصيح بصوت
مسلم يا حسافه يموت
ونت والگلب مفتوت
(عينيها مهظومه وتنحب)
❥━──➸➽❥❂❥━──➸➽❥❂
مهظومه وتجر ونه
مسلم ايست منه
وحسين انگطع ضنه
(مفجوع ودمعاته بعينه)
❥━──➸➽❥❂❥━──➸➽❥❂
مفجوع بأبن عمه
خله بالگلب لچمه
ظل ينوح ابو اليمه
(مالوم مصوب دلاله)
❥━──➸➽❥❂❥━──➸➽❥❂
مالوم ويهل العين
وزينب تلطم الخدين
تگله ضيعاه البين
(غدرته الكوفه الخوانه)
❥━──➸➽❥❂❥━──➸➽❥❂
وسفه غدرته الكوفه
احظر يا علي وشوفه
روحه عليك ملهوفه
(اگعد شوف الصار بحاله)
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*نعي لمسلم بن عقيل*
*من ديوان📚مسير الفواطم لأرض المظالم ج١*

قال الراوي جاءت طوعة تسأل عن ضيفها وما حلّ به فوجودته مرمي من أعلى القصر.. نادت
*نعي مجرد:*
*--------------*
اجيتك وادور وين ماوين
حسبالي عايش ياضوه العين
لگيتك تون وتنادي حسين
ارجع اتكله بالنسواين
مثلك يغدرونه الملاعين
وتحرگ اخيامه والصواوين
مسلم وكع لحكو يطيبين
وولاده مانامو محازين
من عودهم يتمهم البين
*-----------------------*
اما حال حميده بنت مسلم عندما سمعت بخبر أبيها صرخت ونادت ...
*نعي الفراق:🍃*
*-----------------*
آه يبويه ... يالرحت من بين اديه
آه يبويه ... رايح وما الك جيه
آه يبويه ... دمعتي عالخد جريه
آه يبويه ... وحدي اضل شلون بيه
آه يبويه ... يالچنت هيبه وتچيه
آه يبويه ... خيمه وتفيي عليه
آه يبويه ... عگبك انه شضل اليه
آه يبويه ... ريتها اخذتني المنيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله للامام الحسين عليه السلام


اوليدج المظلوم طايح حيله
يمه وينج حضري خل نشيله

وشلون اوصفنه......مذبوح اشوفنه
يمه وينج حضري خل نشيله

يمه يايمه ارد اكلج سمعي الونين
وارد اسولفلج سوالف عملت البين
هواي دولبني زماني يم الحسين
طاح اخيي من المهر نص الميادين
الحكي هذه حسين ابنج منذبح
حسبي اجراحتهه يمه جم جرح
ويست منه ........مذبوح اشوفنه
يمه وينج حضري خل نشيله

يمه شوفي حسين راسه منكطع
هجمت الخيل علجثته ومنفجع
صعدت تجول عله صدره من وكع
تكسرن تدرين منه جم ظلع
حسين طاح بكربله وبين الغرب
خلي نطلع سهمه يمه من الكلب
ويون اسمعنه............مذبوح اشوفنه
يمه وينج حضري خل نشيله

صعدت الخياله تركض علصدر
وشوفي بعينج ييمه جم كسر
دموم ظل ينزف تره وشنهي العذر
وراح ويه حسين حيلي والصبر
وصعبه يمه امكطع اوليدج تره
نايمه عيونه علئ تراب الثره
وحسين موجنه ......مذبوح اشوفنه
يمه وينج حضري خل نشيله

حاله يفجع يم حسن والحيل رايح
وانتي حضري لكربله ونصبي النوايح
سمعي صوت من الخيم سمعي الصوايح
جسمه اموذر تره وشكد جرايح
تسلب المحبس ييمه من ايده
والشمر تدرين حز وريده
وبنحره اشمنه .........مذبوح اشوفنه
يمه وينج حضري خل نشيله

شوفي راسه منرفع فوك الرمح
يمه يدي تره ظل ينزف جرح
وسفه بيد عداج تالي منذبح
وبقه نايم بلشمس هم منطرح
مرمري ظل بلاغسل الحكيله
وعن مصابي وياج هم حجيله
مطشر والمنه ........مذبوح اشوفنه
يمه وينج حضري خل نشيله


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوز حذف الاسم أسم الكتاب
لبيك يازهراء بتاريخ الثلاثائ/2021/8/10
1محرم 1442نسالكم 🙏🙏الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للعباس عليه السلام ( وين السيف )

وين السيف وين اجفوف عباس
 زينب عالشريعه اتصيح ياناس

تلطم عالوجه واتصيح يا حيف
واكعد يالجبتني وياك بالكيف
مكطوع الزند ومسلب السيف
عينك توجعك لو طبرة الراس

خوية شيوجعك تجهر ونينك
اصواب العين لو طبرة جبينك
حسين يصيح يا عباس  وينك
تقبل  ينذبح  باجر  وينداس

باجر يذبح الظالم عضيدك
ضل وحيد ينخاك ويردك
ليش تنام نومك شفيدك
انطر جيتك لو اكطع الياس

انطر جيتك لو هاي هية
انتة الكتلي اردنج بدية
فليت العهد بالغاضرية
واكعد شوف بية شسوت الناس

واكعد شوف مارحموا بحالي
وانة الما بشر شايف خيالي
بين الكوم روحي شلون تالي
سبية ورافكت عدوان وارجاس


لشاعرة اهل البيت عليهم السلام
المله ام هجران العمارجيه

غير مبري الذمه من يمحي اسم الشاعره او يتلاعب بألقصيده وينسبها لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شدة لطم لأولاد مسلم ع
************************
حميده تصيح ياعمه راحوا وين خواني
*************************
طفله تصيح ياعمه يتيمه واليتم هضمه
جرحي جبير شيلمه مسلم راح ماجاني
*************************
حاطونه يعمه الجيش مطلوبين إلهم بيش
تاهو بالبراري ليش واحد ضاع والثاني
*************************
حركوهه الخيم عدوان وآنه ضيعت خوان
غدر بيه الزمن خوان انوح وابجي خلاني
**************************
محمد وينه ياريته يسمع صوتي حاجيته
صحت ياخويه ناديته يتيمه ودهري عاداني
***************************
طاهر ياضوه عيوني اصيح ومايحاجوني
بعدني ازغيره تدروني زماني اشكال راواني
***************************
مسلم بعد ماشوفه ابويه غدرته الكوفه
عافوني فرد عوفه غريبه ابين عدواني
**************************
ياسجان ارحمهم كلبك مايحن إلهم
يتامه ليش تذبحهم ذبايح اخوتي آني
***************************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسه للانصار ع


انصار احسين ذوله ونعم من عدهم
شالو راس ابوالسجاد وي دمه انخلط دمهم
نشامه وكل حجي والكول لاك الهم


(الهوسه اتلوك عليكم يسباع النيبه)
........................
خطب بيهم ابوالسجاد وتشكر ابوكفتهم
وكاللهم اريداعرف شني ينصارنيتكم
ورايد يرد عني خله ايرد يكللهم


(الموت اوياك انريده وجيناك عنايه)
.............. .......
زينب ياحبيب تكول اريدن فزعت الفرسان

شال السيف ويكلها امري يبت عالي الشان
هاي ارواحنه فدو لخوج وجدج العدنان


(نموت ونحيه بحبكم يولاد الهادي)

..........
ام زينب كربلاء غيرمبري الذمه من يأخذ الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

عندي عتاب ويه اهلي اليحملون
يعوفوني عليله شلون يرضون
❥❥ـــــــــــــ❁❂❁ـــــــــــــ❥❥
عندي عتاب ويه أهل الحميه
صعبه من تتركون البنيه
خلوني وحيدة شلون بيه
حاديهم سرى وانوو يرحلون
❥❥ـــــــــــــ❁❂❁ـــــــــــــ❥❥
أرجعت للدار دمعي اليوم همال
وهمي اثكيل بويه ابثكل الجبال
بهل كلبي الدهر ادريه ميال
لو يرضه ابوي افديله العيون
❥❥ـــــــــــــ❁❂❁ـــــــــــــ❥❥
لو يرضه ابوي افديله الروح
كلبي الفركته للدوم مجروح
واعتب ماخذوني وكال ختروح
كون تشيل روحي اويه اليشيلون
❥❥ـــــــــــــ❁❂❁ـــــــــــــ❥❥
كون اتشيل روحي اولا اظلن
وانه بدار وعيوني يهلن
من كثر البواجي ادموعي نشفن
اذكرت كعداتهم جانووو يزهون
❥❥ـــــــــــــ❁❂❁ـــــــــــــ❥❥
يهل الزود يهلي أهل الدواوين
موزون الحچي كله ابميازين
وسفه اعليك كالو ميت الزين
شلون اشيل يالمنك يهابون

تمت بقلم سعاد حسين الساعدي ام رحاب


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://telegram.me/aabas78

بفضل الله وبركات الامام الحسين👆👆 القناة الأولى على للتلكرام لنشر القصائد الحسينيه

تم نشر قصائد جديده لكل ايام محرم

موشح (4)
اولاد مسلم عليهم السلام
……
لبو اليمه احسين اشكي حالتي
اتوجهتله اوسلت يمه دمعتي
…..
خويه يابو اليمه مالومه اجيت
اكعدت يم جسمك يخويه اوصوتيت
اكعد اترجاك يبن امي انتخي
فگدك اعليه كلف يا هيبتي
……
خويه اسولفلك واريدك تستمع
امصيبتي منها دليلي منفجع
فرت اطفالي اوحنت مني الظلع
او ماهدت خويه عليهم دمعتي
….
اه يا بو اليمه امصابي كلف
وانته بالي صار ياخويه اتعرف
اشلون اسولفها ابد ماتنوصف
افگدت اطفالي اچماله اعله اخوتي
……
افكدت اطفالي من هجمت الخيل
فرت الاطفال بالبر دنيه ليل
حرت وين اتجه ممرودت دليل
جيت يمك خويه احجي امصيبتي
…..
خويه مو هاين عليه الي جره
شفت جثتك والضلوع امكسره
غصب اشكيلك تراني امرمره
ادري اتهمك يخويه حالتي
….
راس ابو اليمه اهتز بيه الرمح
والجسد رغم الترضرض والذبح
منه صدرت اه لوبيدي اويصح
انه ادورهم او اوفي ابخوًتي
….
الحاجة ام احسان الخاقاني
4محرم 1443هـ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لاولاد مسلم"ع"

اه وا ويلاه وينك يالگمر
ذبحو الويلاد خويه عله النهر

اه ياعباس ماتدري شجره
گوم شوف الصار يا بن حيدره
ذبحو الويلاد وانه محيره
عالمنيه زغار ماعاشو عمر
اه ياعباس وينك يالگمر

زغار وشمحلاهم ابعمر الورد
حسبت چم يوم واولادي ترد
راحو ولاجوني ماردو بعد
ولني اسمع بيهم انحز النحر
اه واويلاه وينك يالگمر

رگابهم ترفات مومالت ذبح
والله وايخافون من سن الرمح
موتهم بالروح خله اشچم جرح
ابچي وميفيد لوراح النظر
اه واويلاه وينك يالگمر

لوعميت العين والونه تدوم
ماترد هيهات حلوين الرسوم
ردت ياعباس لو ليه تگوم
حايره وظليت مهظومه اشكثر
اه واويلاه وينك يالگمر

وين ادير العين ياخويه السبع
هذا اخوك حسين نحره منگطع
چامنو اليفزعلي ويشوف الوضع
اختك بيا حال مكسوره ظهر
اه واويلاه وينك يالگمر

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية سريعة للعباس يوم السابع من محرم الحرام

جديد ١٤٤٣هـ

صوت العقيلة ام الخدر
طاح شيال العالم 💔
♥︎♥︎♥︎♥︎♥︎♥︎
صاحت الحرّه معولة
أختك ياخويه مدلله 😭😭
انهض ياراعي المرجلة
منهو اليباري هالحرم
♥︎♥︎♥︎♥︎♥︎♥︎♥︎
وين أوديها عمامتك
قلّي يابعد أوخيتك
ياليت الزهراء حضرتك 💔
ماأحمل الذل والألم
♥︎♥︎♥︎♥︎♥︎♥︎
بالذلة من بعدك أضل
عزيزة أختك يانفل
انهض ياخويه يابطل
انهض ياشيال العلم
♥︎♥︎♥︎♥︎♥︎♥︎
خبّرني خويه ياشهيد
في وين عنّك العضيد
لاتقول في حر الصعيد
سكنه تتاني والحرم
♥︎♥︎♥︎♥︎♥︎
باجر يوديني ليزيد
ويسوموني سوم العبيد
والدمعه منّي ماتهيد
عالغبرى نامت الزلم
♥︎♥︎♥︎♥︎♥︎♥︎
عباس نور عيوني
بعده العدى يولوني
بسياط يضربو متوني😭😭
واصيح صوت من الألم
♥︎♥︎♥︎♥︎♥︎❥
تمت بحمدلله وتوفيقه
كلمات خادمة أهل البيت
فاطمة المسلم
ام محمد

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حول اولاد مسلم.


*دوري الاطفال (يزينب) دوري الاطفال*

*محزن الحال (عليهم ) محزن الحال*

*ضاعو اثنين ومشو ابحالي اظن مافكرو*
*محزن الحال عليهم محزن الحال*


راحو اطفالي ومشو من عندي ابعيد
وانه حال الظيم حالي وما اهيد
اليل ظلمه والطفل لامه يريد
لو يسكتونه عليهه ما يفيد
*دمعه همال عله امه دمعه همال*



يا درب منه مشو ما ادري وين
ازغار اطفالي و عليه امعلمين
راحو امنيدي وبكه كلبي حزين
لا ينام اليل بس سهمه الونين
*خاب الامال عليهم خاب الامال*



خابت اظنوني عليهم وابجي العيون
ادري من هذه السفر ماظن يردون
مدري ذكروني وعليه هم ينوحون
ادري ظلمه وتاهو علينه يدورون
*من العيال طلعتو من العيال*



طلعو ابليل وبعد ما رجعو النه
ابيوم طاحت عل ترب مذبوحه اهلنه
حشمت عباس زينب والكفلنه
لاكن اجفوفه كطيعه وغاب عنه
*والظعن شال تكله والظعن شال*



خويه حيرانه عفتني ابلم الزغار
فرت امنيدي شفتهه ابلهبت النار
اركض وحافي ادوري كلبي احتار
وين اروحن ما تكلي وكلهه كفار
*كوم الانذال ضربهه كوم الانذال*



امشي وصياط العدو حيل ألمتني
عاتبت عباس اكله ضيعتني
أنوب اسمع والده درويلي ابني
اطفالهه ضاعو يخويه وحيرتني
*والدمع سال يخويه والدمع سال*



*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_الدموع_الزينبية_الجزء_٨_.


فزاعيه للقاسم عليه السلام


امبارك يلولد عريس
والعدوان زافوفه
🏴🏴💔🏴🏴
امبارك دمك الحنه
مصيوب وتجر ونه
من حضراك يمجنه
وعمك طاحن أجفوفه
🏴🏴💔🏴🏴
امك طفت الشمعه
يا جسام بلدمعه
وحسين انكسر ضلعه
روحه اعليك مخطوفه
🏴🏴💔🏴🏴
من زفوك للحومه
امك بقت مهضومه
مو تبطي يجيدومه
وحمل الوالده تعوفه
🏴🏴💔🏴🏴
ضلت تجذب العبره
أم الولد وتنطره
ما تدري على الغبره
جاسم طاح بلكوفه
🏴🏴💔🏴🏴
طاح وصاح يا عمي
جاسم مات كل لمي
ناده كثرت همي
والمضلوم اجه يشوفه
🏴🏴💔🏴🏴
اشلون ابو علي شافه
الدم بدل اوصافه
امه تنحب اخلافه
لجيته اشكثر ملهوفه
🏴🏴💔🏴🏴
ملهوفه اعله واحدهه
ريت الله يساعدهه
طاح وراح من عدهه
بعد ما مرن اطيوفه
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي*
*صاحبه ديوان📚الدموع الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي حول اولاد مسلم


نام الولي ومادره بحالي
وضاع الولد والدمع هالي
ومشدوه ظل ياخويه بالي

جندوب اصبر الروح كلي
وبيهه بعد يبن امي شلي
ضاع الولد هليوم مني


ضيعيته الجان شحلاته ضيعيته
مالكيته وضيعت طوله ومالكيته
حشميته البيه المروه حشميته


جاوين اهلنه بصوتي صحت جاوين اهلنه
يتبرون منه اعزاز الكلب يتبرون منه
ضايع ولدنه بهيمه تره ضايع ولدنه


نطلب الخوه حكنه تره ونطلب الخوه
بلوه ونكلهم بلانه الوكت بلوه
البيهم امروه عتبنه عله البيهم امروه


اتريد اهلهه الضايع ولده اتريد اهلهه
طايح حملهه وبيد الغرب طايح حملهه
وي خال ابنهه عدهه عتب وي خال ابنهه


ما كام ليهه حشمت بس ماكام ليهه
ومارد عليهه حنين الولي ومارد عليهه
بعازت وليهه اختك تره بعازت وليهه


ضايع بزرهه اختكم تره ضايع بزرهه
واجب يمرهه وخال الولد واجب يمرهه
عذرهه نام الولي وخته عذرهه


مو هاي هيه الخوه تره موهاي هيه
مارد عليه غافي الاخو ومارد عليه
وشلون بيه راح الولد وشلون بيه


ضيعت روحي ضاع وعليه ضيعت روحي
وتنزف اجروحي ظليت اون تنزف اجروحي
مابطل نوحي ونيت اله وما بطل نوحي


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مع هوسات لاولاد مسلم(يهل الخيل)
#من_ديوان_مسير_الفواطم_لأرض_المظالم_ج٦
#الشاعرة_العلوية_مريم_النور
❥━──➸➽❥❂❥━──➸➽❥❂
يهل لخيل ضاعوا مني الاولاد
عليهم بس انوح وحزني ما فاد
❥━──➸➽❥❂❥━──➸➽❥❂
يوم الهجمت اخيول ال اميه
ضيعت الولد واصفگ بديه
ياهو يدور الحلوين اليه
(وايردلي الراحو من ايدي)
❥━──➸➽❥❂❥━──➸➽❥❂
راحو من اديه ومااجوني
وظلت بس تهل دمعه اعيوني
يايمه اصيح ومالفوني
(اصرخ يمه وماسمعوني)
❥━──➸➽❥❂❥━──➸➽❥❂
ماسمعوني ابد حلوين الرسوم
اتناحب واون والحيل مهدوم
ضيعت الولد ماضايگه النوم
(مانامت عيني ومهظومه)
❥━──➸➽❥❂❥━──➸➽❥❂
المضيعه ولدها شلون ترتاح
من عدها ضناها ياخلگ راح
لاينفع بچي ولاونه ونياح
(شيرد الضاعو بالهيمه)
❥━──➸➽❥❂❥━──➸➽❥❂
شيردهم بعد لاحضان امهم
اتاني ولن خبر ياناس عنهم
اثاري اعله النهر شمرو جثثهم
(بالدم اتغسلو صبياني)
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للعباس ع عندما خرج الى الميدان
وزينب تدعوه بعودت ابوالفضل اليها



ياالاهي من عليه برجعته
ياالاهي ماافارك شوفته

هوه حيلي وشوف البعيني ابوفاضل
هسه رايح وانه بدعوات اسايل

ياالاهي لاتطول غيبته
................
هوه حيلي ومن افكده راح اضل ابليه حيل
ضوه عيوني وبدر ليلي وبغيابه الدنيه ليل
لوتاخر لحظه عني ايذوب بفراكه الدليل
تدري زينب وابوفاضل هوه اخوها والخليل


روحي وي روحه يالاهي علكتها
ريت تاخذها ويه خلها لوخذتها

ياالاهي مااتحمل شوغته
...........
هذا غالي يالاهي واغلى من روحي عليه
اتوسل بدمعات عيني وادعي يارب البريه
انته تدري ببوفاضل هوه اخوي وكلشي اليه
لوفكدته وراح مني دنيتي تصبح خليه

ياتجوتي وهيبتي وزهره زماني
عاد اطلبك بالصبر لو مااجاني

يالاهي حيل تكتل ونته
................
مرن عليه وجزني شكثر نوح ونايبات
انه كل ونه اجرعتها وعشت بحزان الحياة
لاكن من انظر خياله انسه ضيم البيه فات
يالاهي ادعيك دعوه لوكرب منه الممات

خلي ملك الموت كبله ايمر عليه
حتى ليك ارواحنه تمشي سويه

يالاهي واحض دوم برفكته

...............
ياعزيز الروح اخيي وروحي بيه اتعلكت
لوخبر عباس اجاني وكالو اليمنه هوت
خبر العباس عني لوكضه وروحه اطلعت
كله ابساعة وداعه اضلوعي السبعه انحنت


كله يومك صابها صواب بضلعها
وطاح فص عيونها بطيحت دمعها

يالاهي صعبه صعبه ساعته
..................

صعبه من يرجع عليه حسين محني الظهر
من يصيح بصوت زينب مات عالشاطي الكمر
اكدر انهض واعتنيله وصابني اصواب الدهر
هم تضل الروح بيهه وصاحلي جفه انشمر


ارد اكله المعذره ما ما تت اوياك
عدله زينب من اجاهاحسين ينعاك

يالاهي شلون يومه حملته
..............


انه اريد وياه اروحن وين ماراح الحنين
من اضلن ماارافك غير حزني والونين
يالاهي دعوه مني احفظ خواني الاثنين
حن عليه واخذ روحي كبل عباس وحسين

همه روحي وشوف عيني ثنينهم
لاتطول اسنيني بعد اسنينهم

يالاهي الاخو توجع فركته



...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي الفاطميه الجزء الثالث عشر
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك