نخوه فزاعيه ﻻبي الفضل العباس عليه الصلاة والسلام

يحظر بالشدايد دوم
هذا ابنج يبدويه
〰〰〰〰〰
ميقصر ابد عباس
ابو الغيره ابو النوماس
يكفي اﻻسم رفعه راس
بطل والراية حربيه
〰〰〰〰〰
انخه واعگد الرايه
والله بيه الكفايه
امه ام الوفه هايه
كفو منج ياعلويه
〰〰〰〰〰〰
كفو منج سبع تنعام
زوجه حيدرالضرغام
ام عباس فوك الهام
باب الحاجه مسميه
〰〰〰〰〰〰
مثل امه يندبونه
ماخاب اليگصدونه
بالكلفات ينخونه
جيته الدمعه مجريه
〰〰〰〰〰〰
جيتك دمعتي بعيني
من المرض شافيني
بيدك امسح اجبيني
وبزينب المسبيه
〰〰〰〰〰〰
بدمع زينب احلفنك
مهمومه واندبنك
وياموﻻي ماظنك
تردني خاليه اديه
〰〰〰〰〰〰

تمت بعون الله تعالى
✍خادمة الزهراء ام حسين الأسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح (5)
للعليله عليها السلام
…….
اه يا نار الاهل حراكه
اشلون اصبر علولي وفراكه
…….
اه يا نار الفراك اولوعته
احسين سافر واخذ اهله واخوته
مابقه واحد ابد من عيلته
استاحشت والگلب ضج باشواگه
…..
ليش عني سافرو وانه بگيت
اشكثر عمتي اتوسلتها اوبجيت
عمه يا عمه انه ابعلتي ابتليت
ما اظن ويه الولي نتلاگه
……
اشلون عمه لون علتي ما تطيب
اوما يصحلي امعالج اولامن طبيب
اولا الي عم لااخو اولا اب حبيب
والفراك ايعرفه كلمن ضاكه
……
عمه دار احسين ظلمه اوموحشه
من اشوفنها الحيلي اتفلشه
نارها تسعر ابگلبي اوبالحشه
خبر ما ودالي شنهو العاگه
…..
عمي ابوفاضل الكله مرجله
ما نشد عني اويدري امعلعله
انشد اعليه من وصلها الكربله
شنهو الشافه اوشنهو اللاگه
…..
ريت يوصلني خبر عن عمتي
اوعن علي الاكبر اخوي اوهيبتي
اوعن السجاد اخبره ابحالتي
والطفل عبد الله اله مشتاگه
…..
الحاجة ام احسان الخاقاني
1محرم 1443هـ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هزه بچفه جسام ميدانهم
تردم الخيل بخيل خلاهم


╌────═❁═────╌
برز عريس الهواشم
للحرب وبجفه صارم
والعده يفنيها عاازم
نصر عمه غايته

نزل يحصدهم بكيفه
حلف بيهم يروي سيفه
ال يدنا يمه مايعيفه
طشرتهم يمنته

الويل تربات حسين راواهم
تردم الخيل بخيل خلاهم

╌────═❁═────╌

وحده وبلحومه يفتر
جاسم وماهب عسكر
مثل قالع باب خيبر
بلحرب لمن نزل

غضب ياوسعه التلمه
الآلاف يمه وماتهمه
على روس تدوس جدمه
ويمه يا ويله الوصل

انه جدي الكرار. ناداهم.
تردم الخيل بخيل خلاهم.

╌────═❁═────╌
بجفه شبل الحسن بطف
روس وي الجثث يكطف
وكربله خلاها تنززف
من دماهم جن نهر

الحيد ماواحد يمره
الكرب بيمينه يشمره
اكبارهم حارت بامره
ومنه لاوين المفر

ومن دخل للميدان بچاهم
تردم الخيل. بخيل خلاهم

╌────═❁═────╌
بيه غيره الهاشميه
صال وارهب ال اميه
مااهاب من المنيه
العمي افدي ركبتي

سيفي عل عدوان يومي
اليوم هذا اليوم يومي
وبلحرب شااعت اعلومي
امن ابو فاضل شمرتي
صاحوا هذا عباس من جاهم
تردم الخيل. بخيل خلاهم
╌────═❁═────╌

*
✍نور الولاية الفاطميه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا_من_ديوان_قربان_الطف_ج١
#للشاعرة_العلوية_مريم_النور

فزاعيه لمسير الضعن إلى كربلاء
❥━──➸➽❥❂❥━──➸➽❥❂
تمشي بزود أخوها عمة الساده
اجت وي الغريب حسين وولاده
❥━──➸➽❥❂❥━──➸➽❥❂
بزود الي كفلها رافعه الهامه
من سار الضعن خلاها جدامه
شال العلم بيده وشاد حزامه
مثل هاليوم هذا حيدره راده
❥━──➸➽❥❂❥━──➸➽❥❂
راده الوالي ابو يتكفل الحره
خذاها للطفوف وشد على المهره
وهيه خايفه والروح منكسره
من غدر الاعادي تروح الحياده
❥━──➸➽❥❂❥━──➸➽❥❂
تعنت للطفوف وخايفه اعليهم
كفار الاعادي واتغدر بيهم
الأمر لو بيدها جا ما مشت بيهم
مصيبتهم تهد الحيل مراده
❥━──➸➽❥❂❥━──➸➽❥❂
تظل خوانها فوك الترب نومه
وهي محيره والروح مالومه
عليهم بس تنوح وحيل مهظومه
حسين بخيلهم ينسحك يفاده
❥━──➸➽❥❂❥━──➸➽❥❂
يسحكون العده باجر عله امتونه
والصيوان لو طبو يحركونه
اريد الطم لهل زينب وممنونه
الينخه اخوان زينب ياخذ امراده
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للحسين عليه السلام
لسان حال السيده زينب عليها السلام
تقرء فزاعيه مربوعه شده وثقيله
=============

يخويه عليك لا مابطل الونه

خوي الجابته امي منين اجيبنه

=============

اجيبه منين لو راح الولي مني

دوم وياي ابدا مايفاركني

اذا مسني هظم بهمي يشاركني

لو مره ازعلت هوه اليصالحني

كون يصح بديه بروحي ابدلنه

🌀🌀🌀🌀🌀

دمعتي عليك خويه ما ابطلها

والونه عليكم ما افاركها

روحي وبلحزن للدوم اشاركها

والراح من اديه منين اجيبنه

🌀🌀🌀🌀🌀

ما بطل ونيني وربي اليشهد

ليلي بلمناحه والحزن سرمد

كلبي مشتعل نارك فلا تبرد

نوحي عليك خويه ما ابطلنه

🌀🌀🌀🌀🌀

الميت مايرد والراح شيجيبه

فكدك يلولي خويه اكبر
مصيبه

شلون تعوف اخيتك يلولي غريبه

الراح بعيد بله شلون اشوفنه

🌀🌀🌀🌀🌀

من يوم الغبت مابطلت عيناي

دنيه وبلعكس تمشي يخويه وياي

المن لوعتي اشكي وهظم دنياي

ماعوف الحزن للدوم اقيمنه

=============
خادمة ال البيت وخادمتكم الحجيه ام علي البصره
المستهل ل خادمة الحسين ملا ام سماح نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للحسين


حسين طايح عالرمل
كومو يشيعه انشيله..



زينب بكت حزنانه
كلنه وياج عوانه
عالطايح اميدانه
وسفه احترك صيوانه
كومو يشيعه انشيله


يتباجن ابنياته
وتكثرن لوعاته
وضاحكو شماته
مولانه ياصولاته
كومو يشيعه انشيله


زينب بكت محتاره
تبجي وتريد اخباره
والجمرات وجاره
وجمعو اشراره
كومو يشيعه نشيله


الحره تنادي الكافل
ياخويه رد العايل
اليله اخيك شايل
اليوم حملي مايل
كومو يشيعه نشيله



عباس وينك ماتجي
وسلبوها خيمتي
ويسرو كل عيلتي
ياحسرتي وياكسرتي
كومو يشيعه انشيله


.. ➖➖➖➖➖➖

تمت بقلم خادمة اهل البيت
الشاعره
هيلين الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان رثاء النحر الطاهر الجزء الاول


مربوعه للعليله

بـعـدكم يـاهـلـي روحي عليله
صفالي النوح والمدمع اسيله

┉❈❥ًً❀(«🦋»)❀ ❥❈┉
لـيـل نـهـار لامـايبـطـل ونـينـي
من كثر البجي ماوچد ابعيني
يـا بـعـد الاهـل نـار أوتجويني
بفرگاهم صفت هالروح أنحيله
┉❈❥ًً❀(«🦋»)❀ ❥❈┉
نحيله من المرض وفراگكم يهلي
أريد اهل النشامه رايده خلي
وحيده بدنيتي وبـهالـعمر شـلي
بُعدكم يانشامه ما الي حيله
┉❈❥ًً❀(«🦋»)❀ ❥❈┉
مالي حيل اشيلن جدمي نحلانه
تلوب الروح شاه‍ت حيل حزنانه
بـعـد هيـهـات شيـردك يمـلـفانه
مفجوعه بهلي والفجعه اثچيله
┉❈❥ًً❀(«🦋»)❀ ❥❈┉
تـون الـدار حـزنـانـه مـبـانـيهـم
الـيـه اعـتـاب ويـاهـم يبـجـيهـم
اريدن طارش ايودي العتب ليهم
يردون بعجاله السفره اطويله
┉❈❥ًً❀(«🦋»)❀ ❥❈┉
تـدرونـي عليله وحـيـل مابيه
من همي صفيت اليوم محنيه
روحي أيست والدمعه مجريه
كضيت امن القهر وروحي أسليله




🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام


الشـاعره مـهـا الخـيـگاني

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

يا علي بليل الوداع
جم مصيبه وجم ضياع
من اخوتي اليله اشبع شوف منهم
باجر ابين الزم تركض اختهم
غريبه.. غربيه
╌────═❁═────╌

جم مصيبه ياعلي بليله العاشر
وجم كلب يتالم وجم جفن ساهر
وعلى ابنها الوالده أدير النواضر
وجم عزيز نشوفه فوك ترب باجر
ياعلي وفوك التراب ينذبح عمر الشباب

باجر ويم الخيام ايسل دمهم
باجر ابين الزم تركض اختهم
غريبه.. غربيه
╌────═❁═────╌


ياعلي وصار الوداع ابكل الخيام
وانظر من اتوادعت رمله وي جسام
تكله ياعريس يبني على الثرى تنام
تالي يوليدي التزفك نبل وسهام

من المهر لمن يطيح يبني يالقاسم تصيح
وترف جسمه يسحكونه بخيلهم
باجر ابين الزم تركض اختهم
غريبه.. غريبه
╌────═❁═────╌

واسمع اوداع الحصل ليله ويالاكبر
تكله يبني لو رحت علفركه مكدر
ياشبيهه المصطفى وهيبتك حيدر
باجر وبسيوفهم يبني اتوذر
بسهم يبني يصوبوك _لخيمتي يجيبك ابوك

وراسك يشيلونه يوليدي برمحهم
وباجر ابين الزلم تركض اختهم
غريبه.. غريبه

╌────═❁═────╌
والكمر يابويه لمن ودعيته
من اشبكت جفي وي جفه ذكريته
يابو فاضل خدري عدمن امنيته
وياه ريت الموت لو ياخذني ريته
علنهر عيني تشوف مكطعه منه الجفوف

وجم مصيبه ونايبات نشوف منهم
وباجر ابين الزلم تركض اختهم
غريبه ..غريبه

╌────═❁═────╌
والمصايب كلها يلتمن عليه
لو تركني الوحدي ابن الزجيه
وبسياط الشمر ابقه اشكف بديه
احتار اطفي اخيامي لو حامي رقيه

مدري اهيم المصرعه __مدري صوب المشرعه
مچتفات وعالهزل يمشن حرمهم
وباجر ابين الزلم تركض اختهم

غريبه ٠٠غريبه
╌────═❁═────╌

*
✍نور الولاية الفاطميه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح (2)
مسلم بن عقيل عليه السلام
…..
مسلم اوحيد اوگحم ميدانها
اولوه ارگاب الزلم شد اعنانها
….
حي ابو طالب اوذريته الابطال
كلها مضرب للمثل وقت القتال
حيدر اوجعفر الما الهم مثال
والشجاعه ورث من عدنانها
…..
بلشجاعه ما اله مسلم نظير
روسها ابسيفه من الرگبه تطير
لا اخو وياه اوما عنده ظهير
البساله صار مضرب الها اوعنوانها
…..
التمت اعليه الجحافل والجيوش
ريت ابو طالب حفيده لو يشوف
اشلون يحصد روسهم ويه الجفوف
ابنصرة احسين اويبيد اعوانها
….
ضجت الجيمان واشتد النزال
فرد واحد فرق اجموع الرجال
من يگف ابوجه مسلم لون صال
مسلم الوحده اوكسر جيمانها
…..
اكباله تتراكض اجنود الظالمين
كالجراد المنتشر يسره ويمين
اوطوعه اتهلهل لبن عم الحسين
لجن وسفه غدرته عدوانها
……
دمعت اعيونه اوناده ياحسين
ياحسين الناس بياعه للدين
ما وفو ويانه اوما ظل معين
الكوفه وسفه خانت ابربانها
…..
الحاجة ام احسان الخاقاني
3محرم 1443هـ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

📚ديوان جبل الصبر((الجزء الثاني))📚
نعـــــي
اتگول زينب.....
اونــن علـــه الضـــــلو ضــحايه
واطفــــالهم راحـــــو ســــــبايه
عطاشــه ويصـب النهـــر مايــه
❥━──➸➽❥💔❥━──➸➽❥
عطاشــه گضــو والمــاي يجـــري
زينــب اتگـــول شــكثر صـــــبري
اشــــــلونه اخيــي حســين مـدري
❥━──➸➽❥💔❥━──➸➽❥
مـدري انـدفن لــو بعـده مطــــروح
امصـابه اليفــت الگلـــــب والــروح
حگــــي انــــوح اشـــلون مـا نــوح
❥━──➸➽❥💔❥━──➸➽❥
يـــــردون ابطــل دمعـــت العـــين
انــــه الفاگـــــده واحـــد وسـبعين
كلهـــــم مــــــــذابيح ومطـــــاعين
❥━──➸➽❥💔❥━──➸➽❥
كلهـــــم مــــــــذابيح ومچاتيــــل
علــه صـــدورهم تتســابگ الخيـل
واليــوم گلبــــــي صــــبح انحيــل
❥━──➸➽❥💔❥━──➸➽❥
صـــبح اصــــواب الگلــــب يــــدي
واضـل يــم اخــــوي حســـين ودي
امرافگـــــه الشـــــامت شـــــــعندي
❥━──➸➽❥💔❥━──➸➽❥
رفگــــت الشـــــامت مـــا ردتهـــه
للــــــروس عينـــــي شـــــــابحتهه
ينهـــدم حيلـــــي لــــــو شـــــفتهه
❥━──➸➽❥💔❥━──➸➽❥
ينهــدم حيلــي امــــن أصــد للـروس
وعلـه حسـين خيـل العسـكر اتـدوس
ناديـــــت هـــــا يالبيــــك نــــــاموس
❥━──➸➽❥💔❥━──➸➽❥
ناديـــــت هـــــا يالبيـــــك غيـــــره
يعبــــــــاس گلبــــــي أحتــار حيـره
چفـــــــــك وگــــع وانــــــه اســـيره
❥━──➸➽❥💔❥━──➸➽❥
مـــن طـــــاح چفـــــــك اســــروني
عـــــدوان خويـــه ومـــا رعـــــوني
كلمـــــــــا اونــــــن يشــــــــــتموني
❥━──➸➽❥💔❥━──➸➽❥
تـمت الحمد الله
✍🏻 بقلم شاعرة أهل البيت عليهم السلام
المله/ ام هجران العمارچية
⭕غير مبري الذمه الي يحذف اسم الشاعرة او ينسب القصيده له.
*نسـالكم الدعاء*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للنزول الى كربلاء(ردو اضعوني)*
من ديوان📚 مسير الفواطم لأرض المظالم جزء ٥
❥━──➸➽❥❂❥━──➸➽❥❂
لا تنزلوني لا تنزلوني
بكربله يحسين لاتنزلوني
ردو اضعوني ردو اضعوني
خايفه منها ردو اضعوني
❥━──➸➽❥❂❥━──➸➽❥❂
لا تنزلوني بهالارض يحسين
روحي مالومه وبس اهل العين
خاف افگدكم يخوتي الطيبين

لا تخلوني لا تخلوني
وحدي يالوليان لا تخلوني
❥━──➸➽❥❂❥━──➸➽❥❂
لا تخلوني وحدي يالوليان
للوطن ردني خويه يا ريسان
من وصلت الها والگلب وجعان

تهمل عيوني تهمل عيوني
ما نشف دمعي تهمل عيوني
❥━──➸➽❥❂❥━──➸➽❥❂
مانشف دمعي يصب عالوجنات
مختنگ صدري وبس اجر حسرات
خايفه بيكم تغدر الشمات

من تعوفوني من تعوفني
خويه اشوف الضيم من تعوفوني
❥━──➸➽❥❂❥━──➸➽❥❂
راح اشوف الظيم وامشي مسبيه
ما يخلوني يمك شويه
والزلم والخيل تفتر عليه

ما يرحموني ما يرحموني
يضربوني بسوط ما يرحموني
❥━──➸➽❥❂❥━──➸➽❥❂
يضربوني بسوط يخوتي الارجاس
واضل محتاره والطم اعله الراس
ساعه انادي حسين ساعه يا عباس

ماتسمعوني ماتسمعوني
وانتم منومين ماتسمعوني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للعليله(مر الفراك)*
*من ديوان📚مسير الفواطم ج٥*
❥━──➸➽❥❂❥━──➸➽❥❂
گلبي مشتاك يبويه گلبي مشتاك
مر الفراك يبويه مر الفراك
يمته اشوفنك ترد/وين حچيك والوعد
مر الفراك يبويه مر الفراك
❥━──➸➽❥❂❥━──➸➽❥❂
وين حچيك والوعد يالواعدتني
لوحدي بالدار بويه شو عفتني
بين غمضة عين رحت وفارگتني
چن وداعك موت لمن ودعتني

تدري فراگك صعب /من رحت شاب الگلب
والنفس ضاك عليه والنفس ضاك
مر الفراك يبويه مر الفراك
❥━──➸➽❥❂❥━──➸➽❥❂
النفس ضايگ عليه وگوه اشمه
وداعت عيونك دنيتي بعيني ظلمه
عيوني من عگبك يوالي كون تعمه
على خدودي الدمع يجري ومن يلمه

ليش عفتوني اون/ذبل عيوني الحزن
والزمن باك ضحكتي والزمن باك
مر الفراك يبويه مر الفراك
❥━──➸➽❥❂❥━──➸➽❥❂
اخذ ضحكاتي الزمان وكل الاسنين
بحرگه ابچي وبچت وياي الحياطين
ليلي كله مساهره وما نامت العين
والله گلبي ينفطر لو صحت يحسين

لو صحت بويه انكسر/وگلبي احسه ينفطر
لازمه الراك عليله ولازمه الراك
مر الفراك يبويه مر الفراك
❥━──➸➽❥❂❥━──➸➽❥❂
لازمه الراك واتاني بعتبة الباب
بلكي ابوي يمر عليه ويا الاحباب
بعد ما اظنها ترد گعدت الغياب
من مشو عني حزينه والگلب ذاب

حزينه ودموعي تهل/ صعب يفراك الاهل
دمعي حراك عليهم دمعي حراك
مر الفراك يبويه مر الفراك
❥━──➸➽❥❂❥━──➸➽❥❂
دمعي حراك وچوه عيوني وعماني
لشوكت ابگه انه عالباب اتاني
فراگهم مر وكتلني ومنه اعاني
راحو اهلي وعني ضيعهم زماني

ضيعاهم هالزمان/ وبگه خلوان المكان
نار الاشوك جوتني نار الاشوك
مر الفراك يبويه مر الفراك
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه المسلم ابن عقيل

المستهل 👇🏻👇🏻

شجاع اوما يهاب الموت
حارب دون خوانه

♦️♦️♦️♦️♦️♦️♦️♦️

ولتمت عليه عدوان
ضل متحير الريسان
من شبو عليه نيران
صاح اجيوش عدوانه

♦️♦️♦️♦️♦️♦️♦️♦️

شبو نارهم يمه
ولتمو عليه لمه
والمغوار ميهمه
حاربهم ابميمونه

♦️♦️♦️♦️♦️♦️♦️♦️

يامغوار شخصك زين
حاربهم ولجل الدين
داروله الكل صوبين
اوسيفه الفنه عدوانه

♦️♦️♦️♦️♦️♦️♦️♦️

سيفه ايحارب الميات
الف وسفه اوالف حيفات
حفروله حفيره ومات
بي لزموه الخوانه

♦️♦️♦️♦️♦️♦️♦️♦️

شجاع وابد لاميخاف
من دارت عليه اصفاف
ابدآ مارجف ماخاف
ضلت عدوانه حيرانه

♦️♦️♦️♦️♦️♦️♦️♦️

وحده يحارب العدوان
ميبالي وهو حيران
لازم لامته الريسان
بسيفه يصيح هذا انه

♦️♦️♦️♦️♦️♦️♦️♦️

بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له

الفاتحه على روح الشاعره ام تحسين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية لمسلم بن عقيل ((ع))

طب الهاشمي والكوفه شالاها
وحيد ولعب جوله وكلها رعباها

طب مسلم وحيد وحير الكوفه
بوجوه الكفر خله ترى الخوفه
كف ردنه ويشال السيف بجفوفه
((يكف بردانه//ومترهي))


مترهي البطل ومسرفن اردانه
يفكر بالحسين وروحه تعبانه
ماحسب بحاله بحال رضعانه
((هاي الغيره //واربات العز))


هاي اربات عز وشمرت الساده
يضحون بنفسهم همه كل العاده
كل همهم الدين وثوب الشهاده
((ذوله اسطوره //تاريخ اكتب))



عن مسلم كتب تاريخنه النخوه
وكتب حيد وشجاع وكله امروه
صعب مثله السفير بهالوكت تحوه
((وين الگاه //ومسلم غرب ))


غرب ياوسف وابنيته حزنانه
جاوين الولي چاليش ماجانه
يتيمه وماخذه الريگان نحلانه
((وين الوالي//ابنيته اتون))


تمت بعون الله وتوفيقة 🧿
بقلم خادمة أهل البيت ((ع))
اسراء اللامي أم ذو الفقار

غير مبري الذمه من يحذف الاسم او ينسب الكلام لغير شاعرة مشكول الذمة

اهدي عملي الى صاحب العصر والزمان عجل الله فرجه الشريف


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات لمسلم ابن عقيل عليه السلام

انت بالشجاعه جمره ماتنداس
تشبه حيدره وتشبه العباس
فنيت جيوشها وتشهدلك الناس
( يشهدول / مسلم بالحومه )


يشهدوله بالشجاعه والكرم والاخلاق
سفير حسين هو بالحرب سباق
يا اول بطل طاح بارض العراق
( بايامه / ذكرنه بحيدر )


ذكرنه بعلي من صال عالعدوان
وبارض المعركه مايلحقه انسان
هاشم وبني هاشم تفتخر بالريسان
( وصولات الطف / ماننساها )


فنيت جيوشهم الكتلو الزهره
واظن من يقاتل يتذكر العصره
ويصيح بصوت ثاراتج يهل الحره
( وياخذ ثارات / المظلومه )


ياخذ ثار امه وضربة المسمار
وشما دار الزمن ماننسه والله شصار
عصروا فاطمه وبابها شعلوا نار
( ما ننساها / يالحيد امك )


ما ننسه الزجيه يامسلم احنه نصيح
ومن يمر بينه عسر لوردنه احنه نطيح
بس نندب فاطمه يجينه الفرج والترويح
( عاهدناها / من يوم الذر )


والكوفه واهلها تشهدلك والاخبار
ماكدروا عليك صاحو ياستار
اظنه هذا علي الطشر الكفار
( بهداته / يشبه عباس )


غيور وشهم يامسلم نعرفك
يا باب الحوائج يالحلو اسمك
نريد مراد من الزاجيه امك
( اسمك بالجيب / مخلينه )


من ايدك الطيبه طالبين مراد
تشفي كل مريض بجاه ابو السجاد
والحاضر هالعزى تحفظله الاولاد
( تنطونه /ومراد اليطلب )


مراد تنطي يابن عالي الشان
وليحبك يامسلم مايضل حيران
تحضرنه سيدي وتحفظ الاوطان
( تحفظونه / والبيت واهله )

----تمت بعون الله ----
بقلم خادمة الزهراء منى البصراويه



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه الشجاعه مسلم ابن عقيل ع



اليوم الهاشمي الكوفه هزاهه

خله ارجالهم نسوان خلاهه



اليوم الهاشمي الكوفه نزل بيهه

عده ازماط مسلم ويه اهاليهه

اليوم ارجالهم نسوان اسويهه

مثل حيدر علي بليوم نزلاهه



مثل عمه علي صولاته معروفه

إنذار وخوف زلزل بيهم الكوفه

خله ارجالهم بحبال مجتوفه

بحبال الزلم بحبال چتفاهه


نزل ميدانهه وارهب الخيالة

يگص ارگاب كلمن راد يدناله

أهله بل شجاعه دوم عياله

هذوله اولاد هاشم الف حياهه



اليوم الهاشمي بيهم لعب جوله

رفعوهه البيارغ اله وحيوله

يستاهل شجاع اعلام رفعوله

جاب اركابهم بل سيف كصاهه



اليوم ارگابهم بل سيف جاباهه

وخلاهه الجثث عل كاع خلاهه

الموت أهل الغدر هليوم راواهه

الكوفه بكل اهلهه الرعب نزلاهه



لخادمه الحسين العلوية ام جعفر

5ذي القعدة

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مسلم ع

بكل جداره .. نال مرتبة الصداره
بكل جداره .. صار للشيعه مناره
لو ردت للعز دليل
زور مسلم بن عقيل
...
يالتدور عالشرف والعز والايثار
اقره بالتاريخ واتمعن بالاخبار
شوف ثورة كربله ثورة الاحرار
خالده وما تنمحي شما هالزمن دار
ثورة الحق والضمير
عينت مسلم سفير
اختاره ابو السجاد يا محله اختياره
بكل جداره نال مرتبة السفاره
...
اقره عن مسلم يهل گاصد تزوره
المواقف واضحه الجسدهه دوره
بصفحة النهضه الحسينيه حضوره
هناك سطرهه الملاحم صوره صوره
صورة ايمان او ولاء
وتضحيه ومنهج عطاء
هالمعاني اذكرهه من تقره الزياره
بكل جداره نال مرتبة السفاره
...
ما تردد لحظه من اختار دربه
رغم مو سهله مهمته وحيل صعبه
راد يثبت بالولاء والطاعه حبه
واليطيع حسين يعني يطيع ربه
واجب وعنده يقين
يطيع امام المتقين
واليطيعه باجر يحصل بشاره
بكل جداره نال مرتبة السفاره
...
راح للكوفه وشرح منهج امامه
حسين راد اصلاح للأمه بقيامه
لكن اهل الغدر ما تعرف سلامه
ما رعت شرع الله لا حله وحرامه
خانته وتبعت يزيد
وانكتب مسلم شهيد
ويا دمائه لثورة حسين الشراره
بكل جداره نال مرتبة السفاره
...
نكثوا البيعه الفلا عدهم حميه
وقابلوا احسان مسلم باﻻذيه
اقره عنه وعن بطولاته الأبيه
واحسب اشكم مسلم تريد القضيه
تعيش بينه بكل زمان
كربله وبكل مكان
وهل قضيه الما يعيش الهه خساره
بكل جداره نال مرتبة السفاره

.. الشاعرة نسيم كربلاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه حول مسلم ابن عقيل


اليله ابو طاهر دار// عينه
ويريد من الزلم يا ناس// عينه
جاوين النشامه ذيج//عينه/عنه
تشوفه اشلون ظل مابين اميه


نزله


*بمسلم مادره العباس ابن عمه*

*خلك يلحك عليه الكافل بهمه*



اليوم ابن الهيابه يريد خوانه
ظل وحده ابو طاهر بين عدوانه
مثل حيدر يهد ورجف ميدانه
*ولحسين لعهد كلهم يظل ذمه*

كلباها/الكوفه عليهم


طب ميدانهه ورجفت الخياله
مثل حيدر علي محد تنداله
ابو طاهر يرد جفك العياله
*وسفه وبالغرب خوان مايمه*

يحضرونه/يريد احبابه


عباس الشفيه وين صولاته
الكوفه ما يجيهه بذيج هداته
طاح ابن النشامه وحيل وناته
*عليكم ظل يون والزلم ملتمه*

*يجرونه/و راحت روحه*



مايدري الكفيل بهاي واخباره
الكوفه خانته والناس غداره
خل يتعنه ليهه وياخذ ابثاره
*ويشوف ابو طاهر من نزف دمه*

*من عيونه///الغيره اتفيض*


خل يلحك عليه ويشيله الرايه
ابن عمه كضه ومايدري ابهايه
يمحي الكوفه هوه وزلزل الثايه
*يكاومهه الزلم والكثره متهمه*

*اتعناها/الكوفه اليوم



*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://telegram.me/aabas78

بفضل وبركات الحسين القناة الأولى على للتلكرام لنشر القصائد الحسينيه

تم نشر قصائد جديده لكل ايام محرم

فزاعيه مع هوسات لمسلم(اعله ابن عمها)
من ديوان📚مسير الفواطم لأرض المظالم ج ٦
❥━──➸➽❥❂❥━──➸➽❥❂
لطمي اويه العقيلة اليوم
عازيها اعله ابن عمها
❥━──➸➽❥❂❥━──➸➽❥❂
عازي زينب الحره
مهظومه وتجر حسره
عالمشمور بالحفره
(عازيها عالمات بغربه)
❥━──➸➽❥❂❥━──➸➽❥❂
مالومه وتصيح بصوت
مسلم يا حسافه يموت
ونت والگلب مفتوت
(عينيها مهظومه وتنحب)
❥━──➸➽❥❂❥━──➸➽❥❂
مهظومه وتجر ونه
مسلم ايست منه
وحسين انگطع ضنه
(مفجوع ودمعاته بعينه)
❥━──➸➽❥❂❥━──➸➽❥❂
مفجوع بأبن عمه
خله بالگلب لچمه
ظل ينوح ابو اليمه
(مالوم مصوب دلاله)
❥━──➸➽❥❂❥━──➸➽❥❂
مالوم ويهل العين
وزينب تلطم الخدين
تگله ضيعاه البين
(غدرته الكوفه الخوانه)
❥━──➸➽❥❂❥━──➸➽❥❂
وسفه غدرته الكوفه
احظر يا علي وشوفه
روحه عليك ملهوفه
(اگعد شوف الصار بحاله)
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك