نعي للهلال

(تكله ربي)
هل الهلال وصحت ربي
اعله حسين اخويه انشلع كلبي
حكج يعيني دموم صبي
،،،،،،،،،،،،،،،،،،،،،،،
زينب واه يازينب تدرون شسوت من شافت الهلال شسوووت زينب......؟ راحت لبو فاضل جابته لخوهه حسين ولزمت جفوفه ...... تكله يحسين... .....

انه حلفتك بهاي الاصابع
وراعيهن الواكف يباوع
ولكربله لتكلي طالع
،،،،،،،،،،،،،،،،،،،،،
زينب تكله عليه عليه ...

لو من صدك خايف عليه
انسالي درب الغاضريه
حلفتك . بسطرت رقيه
،،،،،،،،،،،،،،،،،،،،،
ااسمع زينب شتكله

انجان يمك مالي خاطر
الخاطر اخيك لاتسافر
ماريد اطر النهر باجر
،،،،،،،،،،،،،،،،،.
فل ضعنك وجابل ابنيتك
هيه بعازتك وبعازت اختك
لاتمشي يحسين اعله بختك
،،،،،،،،،،،،،،،،،،،،،،،،،،
الحسين يكلهه خويه انتي منين خايفه تره العباس يكفلج وانه اباريج اولد ام البنين تحجين بزودهم خويه احنه خمسه اخوتج مو واحد وثنين وتخافين..... شوف شراح اتجاوبه اتكله زينب... منكم
مشهوده ثلث انعام منكم
بس الحجي من يبدي ونكم
تدرون وين انه امشي عنكم
،،،،،،،،،،،،،،،،،،،،،،،،،

امشي سبيه ويه الذبحكم
واسمع يكول الله فضحكم
بنص كلبي مايهده جرحكم
سلمت امري لله هليوم
راح امشي بضعنك يمظلوم
اشبع مناحه واشبع هموم
،،،،،،،،،،،،،،،،،،،،،،
الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لنهاية المجلس للعباس عليه السلام ( هوسه اتريد للعباس )


هوسه اتريد للعباس
زينب طبت اويانه


جابت بيرغه اوياها
واتهوس الملفاها
هنياله التلگاها
اليوم اتريد عوانه


واتريد اليعاونها
راح الضيغمي منها
والشوغات كتلنها
ومن اليسر تعبانه


گاضيها اليسر والشام
واتهوس عله الضرغام
اشلون اعله الشريعه اينام
وايگطعون ذرعانه


اشلون اتطيح چفينه
وعاف الغاليه سكينه
بالزانه انطفت عينه
ومحد طلع الزانه


محد ضمده وداوه
وي زينب نصيح احاه
ويوم حسين ماننساه
ضل مرمي بميدانه


ضل مطروح بحرابه
ذبيح املسبه اثيابه
خل نلطم عله امصابه
مانلطم الموتانه


مانلطم لهالينه
آه يحسين نادينه
تحضرنه وتحامينه
بالكلفات مولانه


للشاعرة المله
ام هجران العمارچيه
ديوان معاني الحزن جزء الرابع
غير مبري الذمه من يمحي اسم الشاعره او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك بالقناة

مربعه (2)
في استقبال محرم الحرام
……..
اسمك يا شهر گلبي ارتعب منه
شهر عاشور اجفل من اسمعنه
…..
شهر عاشور اسمه هيج احزاني
احسن هلشهر بيه فگد خواني
علي نيشن زماني ابسهمه وارداني
اوخلاني اصيح او اجذب الونه
……
خلاني اون واتعوذ ابسري
واصيح الغوث ربي من غدر دهري
اخوتي هيبتي اوعزتي اوفخري
بس خوفي الدهر بسهامه يغدرنه
…..
اخاف البين يهظمني بعد ولياي
خوفي لو زماني يغدر ابولياي
ابو اليمه اوكفيلي الفارس الرواي
خوفي علولي عباس المجنه
…..
خوفي تنگطع عباس ذرعانه
اوتطيح الرايه ويحركون صيوانه
اوخواته اتصيح وين الكفل ممشانه
اشكثر وصاه بينه علي والدنه
…..
لو صار المقدر وشيصبرني
على يا كتر ابجي اومن يساعدني
عله ابن امي اون لو عله الكافلني
لو انحب عله جسام والحنه
…..
ياعاشور گلي اشناوي علشبان
كلها تنكتل ما تسلم الرضعان
كلي اشلون اصبر لوعة النسوان
اسمك يا شهر گلبي ارتعب منه
……
الحاجة ام احسان الخاقاني
26ذي الحجة 1442هـ


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للامام الحسين عليه السلام
(يمك جيت اصليها)

صلاة الليل يمك جيت اصليها
حرگو خيمتي السولفنه امس بيها


حرگو خيمتي البيها تسامرنه
خويه حسين بالوادي تطشرنه
وسبع الگنطره نام وتعذرنه
محتاره بحرمكم وين اوديها


عفتوني بحرم يحسين محتاره
والصيوان تسعر صبحت ناره
ماتدري بعلي السجاد شخباره
يون والنار مايگدر يطفيها


مايگدر يطفي النار منشوبه
روحه امن المرض والقهر متعوبه
تعال وشوف ذيچ الخيل مگلوبه
سبو بتك رقيه وزمخو اعليها


سبو بتك رقيه وشتمو سكينه
يامذبوح يالنعشك اموذرينه
اذا بعدك عدل لعيالك امشينه
من سوط الشمر يحسين حاميها


گوم العيلتك وبساع روح الها
تلگه الضيم فوگ الضيم كاتلها
گلبي انحيل ياشوغه ايتحملها
آه يالشوغتك للروح تگضيها


انته الشوغتك كلفه وگضت روحي
واجروحك غميگه ولچمت اجروحي
من يوم الطحت مابطلت نوحي
اضل للموت اون والعين لعميها


اضل للموت اون ماأگطع اونيني
خل تروح عيني وفدوه الك عيني
باچر وين چتالك يوديني
وادروب البعيده حافيه امشيها

خادمة اهل البيت
هجران الياسريه
بنت المله ام هجران العمارچيه
غير مبري الذمه من يمحي الاسم او يغيره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيــده ثقيله للامام الحسين عليه السلام

❥❥ـــــــــــــ❁❂❁ـــــــــــــ❥❥

حسين راسك هذا لو طلعت شمس
يــرتــل الــقـرآن ضـــل امن الامس

حــرس راسك للحرم
مذبوح ماي ومنحرم

وراســك المكطوع ون ابلايه حس

❥❥ـــــــــــــ❁❂❁ـــــــــــــ❥❥

حسين راسك هذا فوك اعله الرمح
يـشــع ضل بــالكون ويلي المنذبح
يقــره بــالــقـرآن وي طرت الصبح

دمــوعه تنزل لو قره
بصـوته عبره مكسره
وراســك المكطوع ون ابلايه حس

❥❥ـــــــــــــ❁❂❁ـــــــــــــ❥❥

شــرد اســولــف عـلـه راسه العالي
والــضـــوه مـــثــل الـبــدر ويلالي
يــحــرس اعــيــالــه يــضل الغالي

بــســم الـلـه لــو بده
وجثــته ويلي ممده
وراســك المكطوع ون ابلايه حس

❥❥ـــــــــــــ❁❂❁ـــــــــــــ❥❥

اسم الله راسك خويه رتل بالسماء
يـــغــرد الـمــذبــوح ويعـلـي النداء
نــزلــت امــلاك سـمه تصيح الفداء

فدوه صوتك ياحسين
يبجــي والله يالحنين
وراســك المكطوع ون ابلايه حس

❥❥ـــــــــــــ❁❂❁ـــــــــــــ❥❥

هــذا الـلـه القاسـمـه ونمشـي غرب
تــحــدي ويـانه يخويه اعله الغرب
بسوط راسه حسين شبعوه بضرب

دمــك يـفــوح بعطر
وانــته دامي ومنحر
وراســك المكطوع ون ابلايه حس

❥❥ـــــــــــــ❁❂❁ـــــــــــــ❥❥

تــضــوي لــلايـتـام لـمــن نـتـسراح
اعـليــنه والـلـه يخـاف منك يذباح
تــضـرب ايتامه بدمع تنزف جراح

عيونه تسري من دمه
هـــذا امـــه فــاطـمـه
وراســك المكطوع ون ابلايه حس

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده بعدة اطوار للوداع



ما يسوه العمر لا بعد نهواه
من شال الاخو وسفه وفكدناه



ما يسوه العمر بالعمر شلنه
من شال الاخو اتطشر شملنه
زايد بالكلب هل يوم همنه
يوم اوداعنه كوه حملناه



ما صارت بعد والعشره فلت
روحي من الالم والفركه ملت
سبع وجعات بالدلال خلت
ودعنه الفرح من ودعيناه



شلون وداع حط بالروح عله
مسافر والسفر ماهو بمحله
ما نامن يناس الليل كله
يا خال الولد من فاركيناه



مو هين علينه وشايل شلون
شمالك ياوكت ويانه بالهون
اخذت ارواحنه وبجيت العيون
صعبه يا خلك وشلون ننساه



ترادت حيل والوليان راحت
ودمعات الحزن عالوجن طاحت
ما ينفع بعد صايح الصاحت
يا خال الولد للعوز ردناه



بقلم الشاعرة أم كرار الساعدي
غير مبري الذمه من يحذف اسم الشاعر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه اوفزاعيه لاستقبال ضعن الحسين ع

نصبوها المواكب لاتقصرون
حمزه والرميثي عليه يقرون
...............
يشيعه تحزمو ورفعو الروايه
صيحو وياك حد يوم المنايه
يم باب المواكب سوو ثايه
بهوسات وعراضه اتلكو ام عون
...............
تلكوها بمناحه ودك الاصدور
معاهد خن نعاهد لخت الابدور
نموت ومانبطل لطم عاشور
عله الهامات لبن امج يلطمون
................
شيعه احنه ويسمونه المجانين
هنياله الصبح مجنون بحسين
ننجن لوسمعنه صوت ياسين
وحمزه لوقره كلي يميمون
..............
جن طف كربله ينعاد مرات
وجن انشوف لطم الفاطميات
ونسمع صوت فخر الهاشميات
من كامو عله ابن امها يسحكون
............
خلو بالمواكب يعتلي النوح
وفرد صيحه نصيح هنا يمذبوح
يولاد النبي وتفداكم الروح
فخر لوشيعتك لجلك يموتون

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه للقاسم ع
***********************
هله بجسام ياشبل الميامين
ماضاع الربه ولاتعب السنين
***********************
صاحت بالخيم امك يجسام
ربيتك ييمه لهاي الايام
يبني روح صير لعمك حزام
وحده بكربله بين الملاعين
***********************
حاطوه العده بالغربه محتار
ذبحو اخوته وذبحو الانصار
ياوسفه الزمان بعمك اندار
وجيوش العده لاشرف لادين
***********************
وصاني الحسن بحسين عمك
وحده بكربله تفديله دمك
عريس الهواشم صار اسمك
يتربات البطل عباس وحسين
***********************
بطل صنديد يالقاسم اعرفك
للحومه يبعد امك ازفك
احنيهه بدموم اليوم جفك
وشموع العرس طفتهه هالعين
************************
إبرز للحرب وعيوني حراس
ياتاج الكرمه وللشرف ساس
باجر يم الزهره ارفع الراس
يبني والنعم وفيت للدين
*************************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

رداديه لليوم الاول من المحرم
😥😥😥😥
نصرخ اليوم بونين / وامامي واحسين

-----1-----

اليوم واحد بالشهر / وامامي واحسين
نعازي فاطمه بقهر/ وامامي واحسين
جاير عليها الدهر / وامامي واحسين
نعازي امير المؤمنين

-----2-----
هل محرم ياشباب/ وامامي واحسين
ذكروا زينب والرباب / وامامي واحسين
وبن الحسن ويه الخضاب/وامامي واحسين
وعلي الاكبر الحنين

-----3-----
نصبو خيمه للعزاء / وامامي واحسين
وطلبوا من الله الشفاء/وامامي واحسين
يخلصنه من هالوباء / وامامي واحسين
ويدحر كل الكافرين/ وامامي واحسين

-----4-----

ماينكطع هذا العزاء / وامامي واحسين
وللقيامه كربلاء/ وامامي واحسين
ماننسه ذيج الدماء / وامامي واحسين
اليوم مهدينه حزين

-----5-----
اليوم حمره دموع عينه / وامامي واحسين
وينها الشيعه تعينه/ وامامي واحسين
تذرف الدمعه الولينه/ وامامي واحسين
وللولايه ناصرين/وامامي واحسين

-----تمت بعون الله-----
بقلم خادمة الزهراء منى البصراويه
9/8/2021


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

تسجيل صوتي جديد لممثل المرجع السيستاني كلام موجه إلى الخطباء
https://tttttt.me/joinchat/ORvjAOj5ClswOWUy

فزاعيه لرفع الرايه عن لسان ام البنين ع


يحسين بضريحك شالو الرايه
اليلة بالصحن حضرت الوفايه
...............
اليلة محزمه ام عباس حضرتها
من شالو الرايه اصوات علتها
تكول اليوم علكها عله صاحبها

اليلة الكافل يكعد / ويهوس بيها
...........

حطو رايته وخل يكعد الهيبه
وثارات العقيله من العده ايجيبه
ربيت الولد واحسنت ترتيبه

اليلة البيرغ / عباس ايشيله
..........
يشيال الروايه عيد ماضيها
حطها عالمناره وصيح راعيها
وخل عباس بجفوفه يعليها

هنا يبدل الرايه / ردها الجفينه
...........
انه امه واجيت اليوم احشمنه
بحليبي ودرتي عباس اطلبنه
الك تاريخ يبني و سولفو عنه

الطف يشهدله / وكيعان الحومه
............
اليله ام البنين تنوح بالحضره
اجت بحزامها وتصيح يالزهره
خن نلطم سوه للكطعو نحره

مكابل بالون/ وانه وياج انوح عليه
..........

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعة (2)
لام البنين عليها السلام
…….
من حمل ضعنهم شدت المعصب
اوصاحت يبو اليمه حكي لو اعتب
….
من حمل ضعنهم وانگطع بيها
تشوف الكل مشو هيه امخليها
صاحت صوت واهتزت بواديها
فركاهم صعب وحسين اشد واصعب
…..
صاحت ليش يمه ياضوه اعيوني
ماكلتو جبيره ليش عفتوني
شنهي ظلتي وياكم اخذوني
عفتوني ابنزلكم ابجي او انحب
…..
امر بديارهم وحشه اوتبجيني
جاوين الكمر ونجومي ابنيني
فركاهم صعب بالگلب جاويني
انه ام البنين ام گلب المعذب
….
انه ام البنين انه انذرت عمري
لحسين ابو اليمه انه اوبزري
لجن ياحيف تاليها اشتفه دعري
لوعني بفراگه والگلب عطب
…..
اجاها الخبر صاحت واه وا ويلاه
ريت احسين سالم والضنه تفداه
لون سالم عزيز الزهره اترجاه
يخفف لوعتي عباس لو غرب
…..
هذا ابن النبي حبه اصول الدين
ابن حيدر علي اوعلة التكوين
عليه ما بطلت تبچي اوتهل العين
وصلني الخبر خده ابكربله امترب
……
الحاجة ام احسان الخاقاني
29ذي الحجة 1442هـ


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للهلال (اه يهلال الشهر)*
*من ديوان📚 مسير الفواطم لأرض المظالم ج١*
❥━──➸➽❥❂❥━──➸➽❥❂
اه يهلال الشهر شفتك وگلبي انفطر
خايفه اعله حسين منك ادري باجر ينغدر
❥━──➸➽❥❂❥━──➸➽❥❂
ادري باجر ينذبح راسه ينشال برمح
گلبي من هسه انجرح وضهري عالوالي انكسر
❥━──➸➽❥❂❥━──➸➽❥❂
گلبي مهموم ويون روحي غطاها الحزن
حايره المن اون نوحي كاسرلي الظهر
❥━──➸➽❥❂❥━──➸➽❥❂
نكسر ظهري من الونين وبس اصيحن يا حسين
ماخذ عيالك لوين بيك يغدر هالدهر
❥━──➸➽❥❂❥━──➸➽❥❂
بيك غدار الوكت اشلون بيه لو متت
دمعي من هسه يكت وحشمت فارس مضر
❥━──➸➽❥❂❥━──➸➽❥❂
حشمت بويه علي باجر يطيح الولي
ومن يردني المنزلي امشي عگبه لليسر
❥━──➸➽❥❂❥━──➸➽❥❂
امشي عگبه ميسره وبالعيال محيره
المن اشكي الي الجره روحي كاتلهه القهر
❥━──➸➽❥❂❥━──➸➽❥❂
المن اشكي حالتي صعبه كلش قصتي
حملوا عني اخوتي وعيني تعبهه السهر
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هله بلجايه من ابعيد
ولعباس وياها
〰️〰️〰️〰️
هاي ام الفخر هيبه

ابواها الضايع يجيبه

يخلي العايل بريبه
هاي ام عون حياها
〰️〰️〰️〰️〰️
اجت بخوانها الحره
الج ونه ولج عبره
امه فاطمه الزهره
اخوها الخوه وفاها
〰️〰️〰️〰️〰️
تستاهل لطم على الراس
هاي اخت البطل عباس
هذا الجاس ما ينجاس
حنه الزلم سواها
〰️〰️〰️
بلطف رفعت الهامات
بيها شالت الرايات
تستاهل صدك ونات
الكمر بلهيبه جاباها
〰️〰️〰️
خل نلطم سوه كلنه
يله نعلي الونه
بيهم نضمن الجنه
اليوم الحره حياها
〰️〰️〰️〰️
(( اسمج هيبه يا تاج الغيره))
((
حياها ام عون الحره)))

✍🏻بقلمي الفقير خادمه البتول المله ولشاعره ام نادين المحمداويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نخوه فزاعيه ﻻبي الفضل العباس عليه الصلاة والسلام

يحظر بالشدايد دوم
هذا ابنج يبدويه
〰〰〰〰〰
ميقصر ابد عباس
ابو الغيره ابو النوماس
يكفي اﻻسم رفعه راس
بطل والراية حربيه
〰〰〰〰〰
انخه واعگد الرايه
والله بيه الكفايه
امه ام الوفه هايه
كفو منج ياعلويه
〰〰〰〰〰〰
كفو منج سبع تنعام
زوجه حيدرالضرغام
ام عباس فوك الهام
باب الحاجه مسميه
〰〰〰〰〰〰
مثل امه يندبونه
ماخاب اليگصدونه
بالكلفات ينخونه
جيته الدمعه مجريه
〰〰〰〰〰〰
جيتك دمعتي بعيني
من المرض شافيني
بيدك امسح اجبيني
وبزينب المسبيه
〰〰〰〰〰〰
بدمع زينب احلفنك
مهمومه واندبنك
وياموﻻي ماظنك
تردني خاليه اديه
〰〰〰〰〰〰

تمت بعون الله تعالى
✍خادمة الزهراء ام حسين الأسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح (5)
للعليله عليها السلام
…….
اه يا نار الاهل حراكه
اشلون اصبر علولي وفراكه
…….
اه يا نار الفراك اولوعته
احسين سافر واخذ اهله واخوته
مابقه واحد ابد من عيلته
استاحشت والگلب ضج باشواگه
…..
ليش عني سافرو وانه بگيت
اشكثر عمتي اتوسلتها اوبجيت
عمه يا عمه انه ابعلتي ابتليت
ما اظن ويه الولي نتلاگه
……
اشلون عمه لون علتي ما تطيب
اوما يصحلي امعالج اولامن طبيب
اولا الي عم لااخو اولا اب حبيب
والفراك ايعرفه كلمن ضاكه
……
عمه دار احسين ظلمه اوموحشه
من اشوفنها الحيلي اتفلشه
نارها تسعر ابگلبي اوبالحشه
خبر ما ودالي شنهو العاگه
…..
عمي ابوفاضل الكله مرجله
ما نشد عني اويدري امعلعله
انشد اعليه من وصلها الكربله
شنهو الشافه اوشنهو اللاگه
…..
ريت يوصلني خبر عن عمتي
اوعن علي الاكبر اخوي اوهيبتي
اوعن السجاد اخبره ابحالتي
والطفل عبد الله اله مشتاگه
…..
الحاجة ام احسان الخاقاني
1محرم 1443هـ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هزه بچفه جسام ميدانهم
تردم الخيل بخيل خلاهم


╌────═❁═────╌
برز عريس الهواشم
للحرب وبجفه صارم
والعده يفنيها عاازم
نصر عمه غايته

نزل يحصدهم بكيفه
حلف بيهم يروي سيفه
ال يدنا يمه مايعيفه
طشرتهم يمنته

الويل تربات حسين راواهم
تردم الخيل بخيل خلاهم

╌────═❁═────╌

وحده وبلحومه يفتر
جاسم وماهب عسكر
مثل قالع باب خيبر
بلحرب لمن نزل

غضب ياوسعه التلمه
الآلاف يمه وماتهمه
على روس تدوس جدمه
ويمه يا ويله الوصل

انه جدي الكرار. ناداهم.
تردم الخيل بخيل خلاهم.

╌────═❁═────╌
بجفه شبل الحسن بطف
روس وي الجثث يكطف
وكربله خلاها تنززف
من دماهم جن نهر

الحيد ماواحد يمره
الكرب بيمينه يشمره
اكبارهم حارت بامره
ومنه لاوين المفر

ومن دخل للميدان بچاهم
تردم الخيل. بخيل خلاهم

╌────═❁═────╌
بيه غيره الهاشميه
صال وارهب ال اميه
مااهاب من المنيه
العمي افدي ركبتي

سيفي عل عدوان يومي
اليوم هذا اليوم يومي
وبلحرب شااعت اعلومي
امن ابو فاضل شمرتي
صاحوا هذا عباس من جاهم
تردم الخيل. بخيل خلاهم
╌────═❁═────╌

*
✍نور الولاية الفاطميه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا_من_ديوان_قربان_الطف_ج١
#للشاعرة_العلوية_مريم_النور

فزاعيه لمسير الضعن إلى كربلاء
❥━──➸➽❥❂❥━──➸➽❥❂
تمشي بزود أخوها عمة الساده
اجت وي الغريب حسين وولاده
❥━──➸➽❥❂❥━──➸➽❥❂
بزود الي كفلها رافعه الهامه
من سار الضعن خلاها جدامه
شال العلم بيده وشاد حزامه
مثل هاليوم هذا حيدره راده
❥━──➸➽❥❂❥━──➸➽❥❂
راده الوالي ابو يتكفل الحره
خذاها للطفوف وشد على المهره
وهيه خايفه والروح منكسره
من غدر الاعادي تروح الحياده
❥━──➸➽❥❂❥━──➸➽❥❂
تعنت للطفوف وخايفه اعليهم
كفار الاعادي واتغدر بيهم
الأمر لو بيدها جا ما مشت بيهم
مصيبتهم تهد الحيل مراده
❥━──➸➽❥❂❥━──➸➽❥❂
تظل خوانها فوك الترب نومه
وهي محيره والروح مالومه
عليهم بس تنوح وحيل مهظومه
حسين بخيلهم ينسحك يفاده
❥━──➸➽❥❂❥━──➸➽❥❂
يسحكون العده باجر عله امتونه
والصيوان لو طبو يحركونه
اريد الطم لهل زينب وممنونه
الينخه اخوان زينب ياخذ امراده
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للحسين عليه السلام
لسان حال السيده زينب عليها السلام
تقرء فزاعيه مربوعه شده وثقيله
=============

يخويه عليك لا مابطل الونه

خوي الجابته امي منين اجيبنه

=============

اجيبه منين لو راح الولي مني

دوم وياي ابدا مايفاركني

اذا مسني هظم بهمي يشاركني

لو مره ازعلت هوه اليصالحني

كون يصح بديه بروحي ابدلنه

🌀🌀🌀🌀🌀

دمعتي عليك خويه ما ابطلها

والونه عليكم ما افاركها

روحي وبلحزن للدوم اشاركها

والراح من اديه منين اجيبنه

🌀🌀🌀🌀🌀

ما بطل ونيني وربي اليشهد

ليلي بلمناحه والحزن سرمد

كلبي مشتعل نارك فلا تبرد

نوحي عليك خويه ما ابطلنه

🌀🌀🌀🌀🌀

الميت مايرد والراح شيجيبه

فكدك يلولي خويه اكبر
مصيبه

شلون تعوف اخيتك يلولي غريبه

الراح بعيد بله شلون اشوفنه

🌀🌀🌀🌀🌀

من يوم الغبت مابطلت عيناي

دنيه وبلعكس تمشي يخويه وياي

المن لوعتي اشكي وهظم دنياي

ماعوف الحزن للدوم اقيمنه

=============
خادمة ال البيت وخادمتكم الحجيه ام علي البصره
المستهل ل خادمة الحسين ملا ام سماح نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للحسين


حسين طايح عالرمل
كومو يشيعه انشيله..



زينب بكت حزنانه
كلنه وياج عوانه
عالطايح اميدانه
وسفه احترك صيوانه
كومو يشيعه انشيله


يتباجن ابنياته
وتكثرن لوعاته
وضاحكو شماته
مولانه ياصولاته
كومو يشيعه انشيله


زينب بكت محتاره
تبجي وتريد اخباره
والجمرات وجاره
وجمعو اشراره
كومو يشيعه نشيله


الحره تنادي الكافل
ياخويه رد العايل
اليله اخيك شايل
اليوم حملي مايل
كومو يشيعه نشيله



عباس وينك ماتجي
وسلبوها خيمتي
ويسرو كل عيلتي
ياحسرتي وياكسرتي
كومو يشيعه انشيله


.. ➖➖➖➖➖➖

تمت بقلم خادمة اهل البيت
الشاعره
هيلين الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك