لطميه للهلال

هل عاشور زينب هلت العين
تدري بهالشهر تفكد الطيبين
〰〰〰〰〰
هل عاشور هل وياه مدمعهه
زينب بت علي هالشهر يفجعهه
تفكد كل اهلهه تشوف مصرعهه
كلها مذبحه تشوف الميامين
〰〰〰〰〰〰
هل عاشور بين شهر الاحزان
بي سبط النبي ينذبح عطشان
تظل زينب غريبه بين عدوان
عالشاطي الكفل والسهم بالعين
〰〰〰〰〰
ماتبقه خيم ولا يبقى والي
كلهه مذبحه تشوف الغوالي
وايتام وحرم تحرس ليالي
تصيح الحك عليه خويه يحسين
〰〰〰〰〰
تصيح الحك ياخويه ومحد يكوم
تمشي ميسره وبوليه الكوم
وعليهه الاعادي كامت تحوم
تنادي ياعلي احضرلي الحين
〰〰〰〰〰
تنادي ياعلي احضر يحيدر
وخيول الاعادي عليه تفتر
حركوها الخيم واطفالي بالبر
ماادري يبويه انطي الوجه وين
〰〰〰〰〰〰〰〰〰〰
تمت بعون الله تعالى
خادمة الزهراء ام حسين الأسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*هوسات الى القاسم ((ع))* من ديوان نحر الحسين ع الجزء الاول




الحومه هلهلت جاسم نزل بيهه
هذا ابن الحسن يمبجي اعاديهه
مثل عباس عمه اعداه امبجيه
((مبجيه جاسم عدوانه ))


القاسم بلشجاعه اله وكفات
صال على العده ونكس الهامات
لكن حيف غدرت بي الجيمات
((وبلحومه جسام تكنطر))


اتكنطر بلعماره وطاح يا ويلي
وامه نادته يبني نهدم حيلي
شسوي شلون يا زينب دكليلي
(( ابني من ادمومه امحنينه))


محنين الولد يا زينب ابدمه
بعد منه ايست ما ضن اشوفنه
اوياي اتكابلي ونزيدهه الونه
((العرس بلطف وني اعليه))


فلشي خيمته والحنه بديهه
ورمله بالولد هليوم عازيهه
مذهوله وتون لفراكه شوفيهه
((رمله المحزونه عازيهه))


اليوم ام الولد مكسور خاطرهه
عنهه الشايل ابنهه اشلون نجبره
هاي ام الولد رمله شيصبرهه
((يا رمله انكلج ماجوره))


*لخادمه الحسين العلويه ام إياد لا يجوز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ابوذيات ونعي لرحيل الإمام الحسين عليه السلام إلى كربلاء عن لسان السيدة زينب


وگفه

لمن شفت الضعن سار وگفه
ياروحي وگفتي شبيچ وگفه
الم عتبي ويه المحملين وكفّه
العتب ماضن يرجع الشال إليه

///////////////////////////////////////

وداره

شال الدلل عياله وداره
مضيفه اليوم ضل خالي وداره
ياريت الضعن رده وداره
ويلم شمله ويعوف الغاضريه

///////////////////////////////////

ويه الضعينه البين يحدي
للوداع يمُ حسين اگعدي
وألمن نريد انروح أنشدي
أنه رايحه لكربله شعندي
ترى فراگنه بعاشور يبدي
ولازم اضل بلفاي وحدي
///////////////////////////////////////

محتاره اضل بعايلتهم
ولايهمون بحال اختهم
ياهو الأحشمنه ويردهم
محملين أهل گلبي شعدهم
تطلبون لو مطلوب دمكم
_______________________

بقلم شاعرة اهل البيت ع المله
أم ريام دخيل الركابي✍..
تجدون التكمله في ديوان
النهضه الحُسينيه الجزء الثالث

https://tttttt.me/joinchat/AAAAAELdvGssZMurwfLsJA

نعي للعليه عليها السلام
★★★★★★

خواتي للسفره استعدن
وبضعونهم گامن يحملن
وانه ملتهيه جروح اشدن

★★★★★★
سار الضعن وانه اتبعتهن
چلبت بأهوادج ضعنهن
بدموع من دم ودعتهن
★★★★★★
ويه المحامل ماحملني
من راحن بگلبي چوني
هانت العشره وفاركني
★★★★★★
من افراگهن ذابن اعيوني
أرچب ردت بس امنعوني
خذو كل اخوتي وماخذنوني
★★★★★★
كالوا اويانه ماتروحين
انتي عليله هنا تضلين
تبگه اوياچ بس ام البنين

*
من الاهل ماجاني اكتاب
بفراكهم بت الگلب ذاب
انطر يجوني لازمه الباب
★★★★★★
ساعه ساعه انتضرهم
هلبت تجيني اخبارمنهم
ماردوا وطول سفرهم
***
تمت والحمد لله
جديد
✍️العلويه أم علي الشرع
نسألكم الدعاء

https://tttttt.me/joinchat/AAAAAELdvGssZMurwfLsJA

فزاعيه
..............

هل شهرعاشور. زينب حايره
...............
تمشي وي اخوانهاومتنومسه
وبدلال ام الدلال امونسه
بهودج العزوالجلاله جالسه
وخادم الهاصارسبع الكنطره
...................
تمشي وي اخوانهاابهيبه وفخر
والكلب فرحان بيهم مبتشر
ماتحس ابضيم متهم ابخطر
من تصدلهل الشهامه ابمفخره
..................
ساعه لن كلب ام طهرويلي رجف
وانهمل مدمعهاواللون انخطف
شافت اهلال الكدرلاح وهتف
هايخت عباس ضنوت حيدره
.................
صدت اهلال الشهروسط السمه
لاح واعيون الوديعه ساجمه
خافت اتروح النشامه امخذمه
وكل شهم علكاع جثته اموذره
.................
خافت اعله اخوانهابت الرسول
منهاكلهااتروح والفركه تطول
ولنهاتنضرعرضت ارجال وخيول
اكبال ضعن حسين كلهاامسطره
...............
جعجعوبضعونهاوواليها
لكاع كشره والمصايب بيها
كربلايه ام الحزن تدريها
بيهاابوالسجادينحزمنحره
.............
النهايه
ام عمار العيساويه

غير برئ الذمة من يحذف اسم الشاعرة
https://tttttt.me/joinchat/AAAAAELdvGssZMurwfLsJA

لطميه لهلال شهر المحرام عن لسان السيدة زينب ع🎤🎤


رجف گلبي وخفت من شفت الهلال
يحسين المن جبت وياك العيال
رچف گلبي وخفت

//////////////////////////////////

هل شهر الحزن وأيام الفراگ
واليوم الأهل علموت عشاگ
اميه وجيشها وگفت عله الراگ

وگفو علشريعه الفين خيال
رچف گلبي وخفت من شفت الهلال

🏴🏴🏴🏴🏴🏴🏴🏴🏴🏴

هـل ابـللـيلة الـبـيـها نِزَلـنه
شفنه اهلال عاشور وحزنّه
بعد ماكو درب نرجع لهلنه

اليوم اهموم گلبي بثگل الجبال
رچف گلبي وخفت من شفت الهلال

🏴🏴🏴🏴🏴🏴🏴🏴🏴🏴

محزن ياشهر من دون الشهور
ياشهر الذبح سمّوك عاشور
هدمت اديارنه وعمرت الگبور

عرفتك ياشهر ماترحم الحال
رچف گلبي وخفت من شفت الهلال

🏴🏴🏴🏴🏴🏴🏴🏴🏴

رچف گلبي وبچيت بهل المسيه
وهل اهلال فرگاهم عليه
خويه حسين ضلمه الغاضريه

وهذا الجيش الك ياخوي چتال
رچف گلبي وخفت من شفت الهلال

______________________

بقلم شاعرة اهل البيت ع المله
أم ريام دخيل الركابي✍..
تجدون التكمله في ديوان
النهضه الحُسينيه الجزء الثالث


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه ثقيله عن لسان زينب ع

شايلين / وين يعزاز الكلب
شايلين / والفراك اشكد صعب

مشو والسفره طويله
افراكهم مابينه حيله

شايلين شايلين
.............

يوم شفت ارحالهم تمشي ومبعده
مودعين الله صحت يهل الموده
الرايح الصوب المكابر واشيرده
اخذ روحي الظعن من راح وتعده


شايلين / صحت وعيوني تصب
شايلين / وين يعزاز الكلب
............

بعيني اصدن لضعن لمن جزاني
هنا يشيال النعش بحبابي تاني
هذا ابوي وهيبتي وزهره زماني
خاليه ضلت عكب عينه المباني


شايلين / وبعد مافاد العتب
شايلين / وين يعزاز الكلب
.........
بعد ويه الشال ماينفع عتبنه
ترجع اضعون النحبهم هاي ظنه
الدار ضلت خاليه من اهل المحنه
ارد اجر عله المشو ونه عالونه

شايلين / ريح منهم مايهب
شايلين / وين يعزاز الكلب
..........
مايهب عطر المحنه ولايجينه
شلون اشوفه البالمكابر دافنينه
هذا ابونه وفركته صعبه علينه
يرجع ويلتم شملهم موبدينه

شايلين / كلبي نيران التهب
شايلين / وين يعزاز الكلب
.........
زينب بلوعه والم علت بجاها
لبست هدوم الحزن من ودعاها
وين اهل كلبي الدهر عني خذاها
ضعونهم من حملت اصرخ وراها

شايلين / شلكم بنوم الترب
شايلين / وين يعزاز الكلب

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي العلويه الجزء الثالث

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لبداية محرم

الك وسط الكلب ماتم نصبناه
بمجالسنه الشعائر واحسيناه

اليوم اعلنه الحداد
البالمهد لابس سواد

وبمجالسنه الشعائر واحسيناه
واحسيناه واحسيناه واحسيناه
.............
ياحسين الي جره بطف كربله
بجه عين المصطفى وكل المله
ودمعة ام الحسن ضلت هامله

دمعة عيون المحب
اليوم وي امك تصب

ويه دموعها المدمع جريناه
بمجالسنه الشعائر واحسيناه
............
هيه تنصب ماتم بنص القبور
واحنه وياها ندك عله الصدور
من يمر طاريكم وكطع النحور

حتى طفل البالمهد
عليك دلاله انمرد

وحبك من صدر امنه رضعناه
بمجالسنه الشعائر واحسيناه
واحسيناه واحسيناه واحسيناه
............
يامصيبه البجت عيون السمه
وعورت ضلع الزجيه فاطمه
تحضر ويانه المجالس لاطمه

تجي محنيه الضلع
والمصابك تستمع

تضل عالراس تلطم لونعيناه
بمجالسنه الشعائر واحسيناه
واحسيناه واحسينا واحسيناه
.............
لجلكم سبدي ماتنشف العين
بسمكم هالعزه واحنه المعزين
نصيح بصوت يامظلوم يحسين

كلما اشرب الماي
اخلطه بدمع عيناي

نجر حسره الرضيعك لو شربناه
بمجالسنه الشعائر واحسيناه
..............
لومرينه ننعه عله المصيبه
نصيح احاه زينب ياغريبه
عفتي جثة ابن امج سليبه

عزاج بنص الكلوب
يزينب دوم منصوب

ومصاب احسين ابدا مانسيناه
بمجالسنه الشعائر واحسيناه
واحسيناه واحسيناه واحسيناه
...........
ام زينب كربلاء غير مبري الذمه من ياخذ الكلام وينسبه له القصيده موجوده بداية القناة ومطبوعه بكتاب الماسي العلويه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للعليله ع نفس طور يايوم اشوف اعتابك للحاج باسم الكربلائي
***************************************
إتسافر يبن حامي الجار وكلب العليله يحتار
موش آنه بتكم يابويه موش آنه بتكم
هاذه المرض نحلني فراك الأهل كاتلني
موش آنه بتكم يابويه موش آنه بتكم
أصرخ دخيله آنه العليله
***********************************
ترحل والضعن كدامي مشيته
رقيه وكل بناتك محد انسيته
وعبد الله اخويه اكبالي ركبيته
اخذ كلبي عليمن يمي خليته
كلبي يريدك يحسين ويريد اخوتي الطيبين
عفتوني كلكم يابويه عفتوني كلكم
بيمن اشد جروحي خلصت مهجتي وروحي
عفتوني كلكم يابويه عفتوني كلكم
دمعي اسيله آنه العليله
************************************
حلم عمري اشوفه بالضعن ينباك
يبو السجاد يجويني ألم الفراك
اودي وين كلبي لو إلك يشتاك
صدري هالنفس ياوالدي بي ضاك
خلف غيابك آهات بالصدر صارت حسرات
اظلم نزلكم يابويه اظلم نزلكم
وحدي ادير عيوني ماصدكت عفتوني
اظلم نزلكم يابويه اظلم نزلكم
مؤلم رحيله آنه العليله
*********************************
عافوني هلي وعافيتي عافتني
كل خطوه لضعنكم بويه شيبتني
شما تبعد مسافه لموتي اخذتني
انعصر كلبي واحس بالعبره خنكتني
روحتكم ابلا رجعه صوتي بعد متسمعه
ماظن تجيني يابويه ماظن تجيني
باجر اموت بغربه وافراكك شكد صعبه
ماظن تجيني يابويه ماظن تجيني
الرحله طويله آنه العليله
********************************
اعاين عالمهد بويه انشده بالي
اهزن بالمهد وادري المهد خالي
اشم بكماط عبد الله اعرفت تاي
بسهم مذبوح اخويه ودمعته تلالي
عطشان محد رواه اتمنيت اروحن وياه
ازغر اخوتي يابويه ازغر اخوتي
انذبح كون ابداله ولاينمرد دلاله
ازغر اخوتي يابويه ازغر اخوتي
لهمه اشيله آنه العليله
********************************
اعرفت يحسين ذبحو اهل المروه
وعله الشاطي يبويه ذبحو الخوه
جبدك بالعطش يابويه يتلوه
اخذ دمعات عيني وبيهن اتروه
ضامي الاعادي ذبحوك وبدم وريدك غسلوك
عالغبره دمك يابويه عالغبره دمك
بالرمح ينشال الراس وياك راس العباس
عالغبره دمك يابويه عالغبره دمك
عون العقيله آنه العليله
*****************************
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للقاسم ع
********************
امصيبتك جسام ماننساهه
وامك احضرنه العزه وياهه
********************
كوم عاين حنتك جبنه الشمع
وانطفت شمعاتك بفيض الدمع
امك المظلومه محنية ضلع
ياوحيد امك تريد ارباهه
*******************
تصيح رمله عالولد عزوني
جاسم العريس بي فجعوني
عالوجه ألطم عميت عيوني
ويانه تلطم بالعزه شفناهه
********************
زفة العريس صارت فاجعه
جاسم سهام وسيوف اتكطعه
ثياب عرسه ليش بالدم ناكعه
امه بالطف تنتحب خلاهه
********************
تصيح يالقاسم اريدنك ذخر
من يجيني الشيب وايام الكبر
يبني ماظنيت ازفك للكبر
حسرة امك بالكلب تلكاهه
*********************
ياشباب لكلب امك مارده
حيل مابيهه تراهه الفاكده
تبقه للموت بحزنهه الوالده
ربك الرحمه بكلبهه انطاهه
*********************
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح للهلال عن لسان حال زينب ع

كون مايطلع اهلاله ولاتشوفه عيوني
يغيب لوكرب محرم يستحي من متوني
..............
يدري زينب تنفجع من طلعته
من تصد بالعين تذكر فجعته
يامصابي وياحسين اوذبحته
بيك اتذكر ليالي ويوم غير لوني
.............
كون يخجل مايهل هذا الشهر
يدعي ربه ايغيب ويذاك الكمر
الخله عينه انطفت يم راك النهر
يالخذت عزي ودلالي وخيبيت اضنوني
...........
ياشهر عاشور واحنيت الضلع
زينب تخاطب اهلالك بالدمع
يالبيك حسين دامي ومنصرع
مصابك ايلم دليلي وشيعتي ايعازوني
...........
تلبس اثياب الحزن بهلالك
وناعي يهلال بحزن ينعالك
اه يحسين وايسبي عيالك
ياذبيح الطف ينادي وانه ايذكروني
..............
ياهلال و يبدي وياك العتب
بيك ابوالسجاد ضامي وانسلب
بيك زينب عالهزل كطعت درب
مانسو يوم المصيبه وعالجره ايواسوني
...............
تدري يهلال المصايب من تهل
ترد مأساة السبي وشد الحبل
دهر حزنك ياهلال اومايزل
بيك مجتوفه ويسيره وعالهزل مشوني

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للحسين عليه السلام على وزن يزينب وين سويتي عزه حسين
========

عله کیفچ یزینب من تلطمین

لتعورين ظلعج من تدكين

========

متونج زركه من سوط الملاعين

بالج على عينج من تنوحين

عيونج رايحه لعباس وحسين

عفتيهم ذبح علثرى منومين

ماخلوج يم اهلج تضلين

ورحتي الشام وياج النساوين

تتفرج عليج الخلك صوبين

الف ياحيف بترابه تكعدين

بخرابه كعدو بت السلاطين

وينج وين دخلات الدواوين

كلبج علولي مفطور نصين

طلعتي صايحه جاوين تردين

بتل الزينبي جنج تصعدين

بس خيل وعده كولي شتشوفين

والميمون رد خالي من الحسين

اخوج علرمل مكسور ظلعين

وجفوف الكمر مشموره علطين

وراس حسين وبعينج تنضرين

فوك ارماح بي للشام ماشين

وبطشت الذهب حط راس الحسين

بس دمعج يصب وماتصرخين

ادري علكفل انتي تعتبين

بطلي من العتب مطروح بلطين

والله لو عدل لو عنده جفين

فنه اليوصلج من الملاعين

ونعازيها / بت الكرار

========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسيده رقيه عليها السلام


وتدري الشوفتك يابويه مشتاكه
خذوني عداك مسبيه وعلناكه


يبويه حسين خليني حاجيك
مو ادري الشمر وبسيفه ماذيك
وماخلاني اودعنك وامر بيك

(زغيرونه سلب ترجيتي )


زغيرونه وتراني الونه تحلالي
وطاح وياك كله حيلي يلغالي
والو ميته يبويه بساعتي اشوالي

(وتعبانه مااحمل طكه)


وعلناكه وصيحن وينك الحكلي
اريدنك تجيني اليله وتمرلي
ويبنيتي يابابه ومحد يكلي

(وجتالك اليمشي وياي)


وجتالك يبويه براسك يهوس
وكدامي اشوفه بجسمك ويرفس
وماخذني بظلام اليل بس هندس

(ويحاميني راسك يهتز)


طحت يحسين من علناكه علكاع
غفن عيوني خذني النوم وبساع
وبحجار الصحاري شابعه اوجاع

(تانوني ماواحد يسمع)


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوز حذف الاسم أسم الكتاب
لبيك يازهراء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_الدموع_الزينبية_الجزء_١٧_.


لطميه للأمام الحسين عليه السلام


خليني خليني وياك اضل خليني
بالهيمه واكعد يمك وبدمعي اغسل دمك
وياك أضل خليني
📚✍📚✍📚✍📚✍
خليني اجرن سهم البدلالك
ميته عساني وما شفت جتالك
يبره الضعون ولا رحم بعيالك
انمرد مثلك جبدي والسوط ورم زندي
تجويني تجويني نار الهضم تجويني
📚✍📚✍📚✍📚✍
ريتك شفتني والخيم منهوبه
وانه بمرار النايبه مصيوبه
ضليت حرمه محيره ومرعوبه
عطشانه واشرب دمعي ضلعك مصوب ضلعي
ماذيني ماذيني حيل اليسر ماذيني
📚✍📚✍📚✍📚✍
بالدرب راسك عالرمح يبرالي
شفتك تصدلي وانمرد دلالي
وانه الغريبه ولا بعد ضل والي
لا عندي ضلت خيمه والشمر مابيه شيمه
واليني واليني وليت عدو واليني
📚✍📚✍📚✍📚✍
شالوا ضعنه وعالجثث مرينه
ردنه الوداع وما يصيح بيدينه
كل نايبه المن الدهر ترمينه
صوبت كلبي العبره من عفتك اعله الغبره
تناديني تناديني اتعاتبني واتناديني
📚✍📚✍📚✍📚✍
كلبي تصوب من سمعتك يحسين
تعتب عليه اتكول زينب تمشين
مشمور جسمي لا غسل لا تجفين
امصوب وينزف نحري والخيل كسرت ظهري
عفتيني عفتيني فوك الرمل عفتيني
📚✍📚✍📚✍📚✍
تعتب عليه والعتب بجاني
ضليت يمك والشمر جراني
لمن نخيتك عالمتن ضرباني
جرني وصحت ياراسي مالان كلبه القاسي
كاضيني كاضيني ضيم العدو كاضيني
📚✍📚✍📚✍📚✍
وابنك علي السجاد شوف اشحاله
من شاف صدرك سحكته الخياله
صوت الحزن يحسين ضل يتعاله
شدوا الكوم امتونه دارت عليك اعيونه
يعميني يعميني كل مايون يعميني
📚✍📚✍📚✍📚✍
كل مايون يحسين يكسر ضهري
ابجي وكلت عباس جا مايدري
المن يصير الفكر تايه فكري
المن اجر الونات للضل عدل لو للمات
يبجيني يبجيني واليوكع ايبجيني
📚✍📚✍📚✍📚✍

*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي*
*صاحبه ديوان📚الدموع الزينبية*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله بحق الحسين ع
كتبتها على اثر رؤية لاحد الاخوات
وكأني بمولاتنا زينب ع



اخيي الخيل داسنه
وانه اسمع الونه



مذبوح الولي وشفته
وعليه الروح ممروده
عطشان ويبس كلبه
وعضيده مكطعه زنوده
رحل مني العزيز وشال
بعد هيهات شيعوده
ضامي شلون اشوفنه
وانه اسمع الونه




وناتك جون كلبي
خويه و حيل مابيه
مذبوح وشفت نحرك
ودمومك المجريه
ادري بروحتك هايه
ما ترجع بعد ليه
اكطع منك الضنه
وانه اسمع الونه



عطشان وجثيره الكوم
والخوان ما همه
شفت النحر يبن امي
وعليك الزلم ملتمه
شيضل بالكلب كلي
كل ساع و صحت يمه
شمس وجروحه ياذنه
وانه اسمع الونه



مذبوح و يدير العين
ضامي وتكتل اجروحه
حيل الرمل يحركها
وراحت بالشمس روحه
يا ميت يضل هيجي
جثته ايام مطروحه
ولا خلوني ادفننه
وانه اسمع الونه



من طبع اليموت بهاي
نشيعه ونمشي جنازه
شمعنى بس اخوي انه
ضل و ضلت اعزازه
وباجر بالسبي الممشه
غريبه و ضاله بعازه
ما خلوني اودعنه
وانه اسمع الونه


بقلم الشاعرة أم كرار الساعدي
غير مبري الذمه من يحذف اسم الشاعر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

بـ طور / يخيمات للملا عمار الكناني
قصيدة *[ #بالعيون ]*
في وداع #السيِّدة_زينب لإخوتها يوم الحادي عشر، عام 1443 هـ
_________

المستهل /

بالعيون .. راح أدفنكم بقلبي وبالعيون
راح أتوادع اوياكم أني أم عون
شسوي اِلخاطِر تردوا وترجعون

1 /

يا أخوتي آنه الاِخت، المدللـه المُصانه
يا أخوتي ما ظل خدر، آنه فـ لاهي آنه
انتو انذبحتوا يَخوتي، وضيم الأسر لفانه
جابوا هزلهم والحبل، وحلفوا ترى بأذانه

يصيحون .. يتاماكم يخوتي مو يصيحون
عليكم يندهوا لخاطر تحضرون
يلوذوا بيّه وآنه مورمه امتون

2 /

يا يومه هالحادي عشر، شاتحصَّلَت مصايب
خِلصت حرب وبِدأت حرب، وما اقسى هالحرايب
تتقوى أشباه الزلم، عالنسوة الغرايب
حرقوا خيمنا وبالضرب، استولونه الأجانب

يشتمون .. بنات النبي ابلا خجله يشتمون
بقلبنا من الفقد لا مايرحمون
انهضمنا يَخوتي من شوف العيون

3 /

أمرونا نركب عالهزل، وتدروا الهزل طويله
ركَّبت أنا العيله وبُقيت، يركَّب منو العقيله؟
مدلي العليل ايده بصعب، وركبني عالهزيله
ومدوله اسياط العدا، ومارحموا ابدليله

بضربهم .. علي السجاد ركبوه ابضربهم
عليل امن المرض ما يقوى إلهم
ألف آه اشحمل قلبه امن اثرهم

4 /

الحادي قِصد يآذي القلب، ويمكم قِصد يمرني
كل ما مشينا بهالترب، قطعه الاقي مني
هزني الحزن وانزل ردِت، اوداع اُو تغيبوا عني
لن ابندا هد خاطري، وعن رغبتي صرفني

يَعمَّه ..رحمي ابجسمي الناحل يَعمَّه
منهو لو نزلتي ايصَعدچ اهنه
لَتزيديلي عمْتي ابصدري ونه

5 /

ابلايا دفنكم أعتذر، راح أمشي ابكسرتي
يَحسين يا عباس أنا، مخنوقه ابعبرتي
لَتقولوا خوَّتكم نسيت، وعنَّا يَأختي رحتي
مارحت أنا جسمي الرحل، وروحي بُقت اُويا ونتي

وداعي .. من عالناقه عذروني وداعي
ما عندي أنا اليمسك ذِراعي
المكفوله كفيله اهيَّه وتِراعي .
ـــــــــــــــــــــــــــــــــــــــــــــــــــ
خادمة وليِّ النعمة ( قصائد وليِّ النعمة ) .

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لا اسمح بإزالة الرابط


قصيده ( ها تراجيج يبابه )


ها تراجيج يبابه.... بالخيم لو بالخرابه
من ركضتي ماذكرتي...خاف طاحن علترابه
*****.؟
ها تراجيج يبابه ماتذكرين
وين طاحن يابعد دلال الحسين
خاف بلخيمه لمن جنتي تركضين
خاف من حركو الخيمه... وتشدهتي يليتيمه
لمن ضربوج وعبرتي...خاف طاحن علترابه
*********؟
خاف من ضربوج ضيعتي التراجي
بويه لاتبجين تهظمني البووواجي
والله صعبه اعليه احمل هلمحاجي
بابه لاتبجين فدوه... كلبي بدموج تجوه
صبري يا بنتي وصبرتي...خاف طاحن علترابه
**********؟
من صعدتج ناكتج ويه العقيله
خاف ضربوج اوكعتي من الهزيله
وطاحت اعله الكاع ماظن مستحيله
لوفرض بلكوفه طاحت... كبل طبت الشام ضاعت
حرت واحتارت حسرتي...خاف طاحن علترابه
******؟
خاف طاحن كن دخلتو لسوك اميه
وانشدهتو من سياط الناصبيه
تكله لابابه جنت مجتوفه اديه
وعله الناكه امصعديني... يكسر الخاطر ونيني
وابد ما بطلت دمعتي...خاف طاحن علترابه
****)*****************؟
محتمل ضاعت بطبات الدواوين
لخاطري بابه رقيه كافي تحبين
للصبح لويبقه بجيج ماتظلين
وموتج يصير البدايه.... والحزن جان النهايه
متي بويه وماسكتي... خاف طاحن علترابه



للشاعره زليخة العباس رسل الإبراهيمي

هذه القصيده من ديوان سليل الاحزان الجزء العاشر صفحه ١٣٢

لا اسمح بإزالة الرابط

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

#هوسات فزاعیه

لطم نسوان

///////////
الخيل الداسن ابصدرك يجرحني
ياوسفة الحوافر باكتك مني
طبكت صدرك اعلة الكاع اذتني
وفراكك يخوية حيل موتني


( ما رحمت ابحالة الخيل الداستة )
/////////////////////////////
الحك نار بخيامك يشبوهة
ترضة امدللة حيدر يشتموهة
ترجية رقية حيل جروهة
من ضرب السياط اختك يأذوهة


(حركو خيمتك ياهو اليطفيهة)
/////////////////////////////
عاري اعلة الترب وامسلبة اهدومة
ياحيف التراب امغيرة ارسومة
بعيوني شفتهة ضلوعة مهشموة
بالحصران جثت حسين ملمومة


(نايم عالترب محد ايفييلة)
///////////////////////////////
اكعد ياعزيز اختك وحاجيني
عكبك يالولي منهو اليباريني
انتة الي جنت بيدك تداريني
من بعدك يخويه الشمر سابيني


(زينب بالهزايل تمشي مسبية )
/////////////////////////////////
حسين الفاطمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للأمام العباس عليه ألسلام


للعباس ثني اليوم
وي زينب والطميله



💔😔
ثني ولطمج اعله الراس
عازي أخت البطل عباس
هذه الحيد والفراس
حمل الطايح ايشيله
💔😔
ايشيل الحمل ويعدله
دخيلك سيدي أنگله
طبيب ويشفي العله
اليوم اشعندج اشكيله
💔😔
نشكيله ويشيل الهم
هاذه الحيد والضيغم
والينخاه ما يندم
يمحي الهضم وايزيله
💔😔
شجاع ويمحي الهضمه
نور اينور بالظلمه
هاذهِ ام البنين أمه
مدري اليوم شحجيله
💔😔
شحجي ياخلك عنه
ليث وبيش أوصفنه
يسوه النوح والونه
ابو فاضل اونيله
💔😔
يسوه النوح والعبره
للخوه نذر عمره
ننصب ماتمه ونقره
بدمع الحزن نبجيله
💔😔
نبجيله بدمع يجري
ابو فاضل بعد عمري
اعز من الهوه اليسري
وأشد الحيل من حيله
💔😔

*تمت وآلحمدلله*
بقلم📝الشاعره أم هجران العمارجيه*
من ديوان📚صبر العقيله
ص📗١١٠

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لا اسمح بإزالة الرابط

مانايمه...... يوميه اكعد للصبح
مانايمه....... ينعاد بعيوني الذبح
مانايمه....... شلون اغفه وكبالي الرمح
مانايمه ...... مانايمه

*****************

شلون انام وحرمه انه بليه والي
كاعده ونامو على متوني جهالي
النوم سلطان وسهرت انه الليالي
ياخويه........ من اسهو خاف انه احترك
ياخويه........ ماخلي جفني ينطبك
ياخويه........ شلون اغفه وكبالي الرمح

*****************

بيتوني عله الرمل ماكو حصيره
وبخرابه كعدو زينب الاميره
تره الماعدها اخو تصبح فقيره
ماراهمه........ ازمط وماعندي ضهر
ماراهمه........ الاخت الخذو منها الخدر
ماراهمه........ شلون اغفه وكبالي الرمح

*****************
باب مابيها الخرابه يبو سكينه
والحرس كل ساع يحط عينه علينه
كمنه علكنه على الحايط عبينه
يافشله........ ام الخدر واخت الأبي
يافشله......... والباب سترتها العبي
يافشله......... شلون اغفه وكبالي الرمح

*****************
رجال غربه اليوم زمخو عالغريبه
عيروني ونزلت دموعي سجيبه
وين اخوتج وانتي مجتوفه وسليبه
هضموني......... تدري الهضم ماينحمل
هضموني......... ضليت اون ون الطفل
هضموني......... شلون اغفه وكبالي الرمح

*****************

خويه نص الليل راسك مر عليه
حضنته بكل حيلها بتك رقيه
وايال هاشم ارد اروح بهالمسيه
بهدومك......... مهضومه كل ساعه تشم
بهدومك......... يل عطرك يعادي الزلم
بهدومك......... شلون اغفه وكبالي الرمح


بقلم الشاعرة 📖✍🏻
المبدعه رسل الإبراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك