اللهم صل على محمد وال محمد
نزلـه للامام علي علـيــه الســلام

☆❊•ـ•《★°✫°★》•ـ•❊☆

طاح والينـــــه علي أبمحرابـــه
أشلـون أبن ملجم تجسر صابــه

وااعليا وااماما / وااعليا وااماما

☆❊•ـ•《★°✫°★》•ـ•❊☆

بـالسجـود اليـوم حيـدر منطبــر
هامـت المظلــوم طـراهــه غــدر
ٲشلون حالتـهه اليتـامـه أبهلخبر

واليـتامـــه أتجمعـت يــم بابـــه

وااعليا وااماما / وااعليا وااماما

☆❊•ـ•《★°✫°★》•ـ•❊☆

ركضت الشيـعـه كلهـــه فازعـــه
أكلوبهـم تنـزف دمـــه بالفـاجعــه
ضاكت أعليهــم الدنيا الـواسعـــه

تلطم أعلـه الراس كل أحبابـــه

وااعليا وااماما / وااعليا وااماما

☆❊•ـ•《★°✫°★》•ـ•❊☆

زينــب الليلــه تبـچي وحـايــره
تـنادي يالعباس مـتگلي أشجـره
منهـو المخضب شيبت حـيـدره

بالكـــلب نــار الحـزن لهابـــــه

وااعليا وااماما / وااعليا وااماما

☆❊•ـ•《★°✫°★》•ـ•❊☆

غمـض الليلــه عـليـنـه أعـيـونـــه
شلون ٲبـو الحمله علي يـدفنونـه
مـن حـنـانـك يـالـولي حـرمـونــه

يصعـب الـوالي عـليـنـه أغـيـابـه

وااعليا وااماما / وااعليا وااماما

☆❊•ـ•《★°✫°★》•ـ•❊☆


علي راح أويـاك كــل ذاك الامـان
غربه أعيش بدنيتي يابو الحنان
بـويـه مـن بعدك يـوليـني الزمان

أبحيـره عـفـت أبـنـيتك يايـابـه

وااعليا وااماما / وااعليا وااماما

☆❊•ـ•《★°✫°★》•ـ•❊☆

تـمـت بعــون الله تعـالى (★°✫°★)

✍بقلم خادمة أهل البيت عليهم السلام

الملا ام زينب الواسطي💔 •ـ•❊☆

نسـألكـم الـدعـاء *🤲*(★°✫°★)

بتعجيل الفرج لصاحب الزمان(عج)

غير مبري الذمه من يحذف الاسم

ويــــــــنسب الـــــــكـــلام لـــــــــه



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه للامام علي عليه السلام


بهيده ويه الوصي

يامن تدفنونه

وصوابه كلف ينزف على عيونه



بهيده بلمشي يلشايل الوالي

خافن تنلجم يجروح دلالي

خلاني ومشه بلظيم ياحالي

حسن وحسين للمكبره يزتونه



بهيده من تنزلون الولي بكبره

هاي الساعه كلبي منتهي صبره

صدك ماشوف وجهك يابو العتره

وبهداي الترابه من تهيلونه



بهيده علولي لو هلتو ترابه

جرحه ملتهب لاتلجم صوابه

ناري تستعر بلكلب لهابه

مايحمل ترف ياخوي تدرونه

*

نسوي فاتحه ونلطم على الهامه

نلطم علابو الماتمم صيامه

صرنه من بعد عيناه ايتامه

عليه وعلى اولاده شابحه عيونه



اسم على الولي من نومت الغبره

مكسور الكلب يابويه شيصبره

وعليك اليتامه تجري العبره

وذوله اهل العلم والدين يردونه



تمت بقلم الشاعرات.
الحجيه ام علي بصره.
ام حسين العباد بصره.


الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*فزاعيه مع هوسات للامام علي(اهتز الكون)*
من ديوان📚 عبرات وأنين ج 9 يحتوي على باب خاص للامام علي ع
❥━──➸➽❥❂❥━──➸➽❥❂
اهتز الكون لمن طاح ابو حسين
عالهامات الطمو ياموالين
❥━──➸➽❥❂❥━──➸➽❥❂
عالهمات الطمو واعله الصدور
طاح اليوم منه الراس مطبور
محمل يا علي وشايل للگبور
*(والحره تنوح مخليها)*
❥━──➸➽❥❂❥━──➸➽❥❂
تون اليوم مهضومه اعله ابوها
عالهامات الطمو وساعدوها
حيدر والزجيه يتموها
*(بالدار اتون المهضومه)*
❥━──➸➽❥❂❥━──➸➽❥❂
تون بالدار مهظومه العقيله
تدك عالراس والمدمع تسيله
شال الحيد عنهه فرد شيله
*(شيال الهم ما رد ليهه)*
❥━──➸➽❥❂❥━──➸➽❥❂
رحل شيال همها وغرب ابعيد
خلاها يتيمه ابليلة العيد
تصيح بصوت اخذني اوياك ياحيد
*(والموت ارحم من افراگه)*
❥━──➸➽❥❂❥━──➸➽❥❂
الموت ارحم ولا فرگت الوالي
بته تون عليه كل الليالي
تصيح بصوت ياعزي ودلالي
*(شلك يابويه بهالنومه)*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه ليلة الجرح بدايتها نعي
(نعي )
يدهري مارحمت الحال شليته
حيلي من النوايب ليش هديته
واحزامك عليه دوم شديته
كل صواب يوجع بيه خليته

(نزلت الفزاعيه)

توانه يادهر يوميه الصواب
بعدهه ماشفت ياعصرة الباب
.........
يوميه بعلم ومفاركه اعزاز
يوميه يشيل احباب جناز
لابطل يدهري وليش ماجاز
توجع يادهرطبرت المحراب
........
صواب عزاز يوميه بدليلي
خلاني نحيله وباد حيلي
بعد مانام منك واغفه ليلي
ولك شتريد مني رد الجواب
.........
بعد يوم الزجيه مانسيناه
انوب الحيد حيدر لوفكدناه
مانكدر نجرعه يوم فركاه
ياجرح الصميده مجيد ماطاب
.........
عسه بعيد البله يشايل الراس
مجيده طبرته وايجر بالانفاس
عله اجتاف الزلم نايم يفراس
وانته الموت من طاريك ايهاب
........
تعاي اوياي خنه نهل العيون
زينب سمعت الوادم يصيحون
من شافت طبرته كالت شلون
كرب يومه ويودع داحي الباب

✍أم زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء الثالث الماسي العلويه




الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ابيات نعي لاستشهاد الامام علي ع

العقيلة اليوم مالومة وحزينة
وين اليعاونهة بونينة
عالمصيوب ياشيعة جبينة

عالكرار خل ننصب عزانة
وبالحسرات خنعلي بچانة
هاليوم الولي موحش مكانة

تگول زينب ع:
خالي الدار من بعد الشفية
غطاه التراب ولالة جية
وبعد متعود لمتنة سوية

شيردك علية ياضوة العين
عمت عينة فجعني وصابني البين
فارگت العزيز الگلبه احنين

يالعفت العقيلة ابسود الايام
ماتدري الدهر لبنيتك اشضام
اشبع بس قهر واهموم والام

بعدة السة جرح الباب ماطاب
وبمصابك يبوية گلبي انصاب
راسي من الزغر ياحيدرة شاب

گدامي بعدها الغاضرية
واشوف الفاجعة واعظم رزية
اخوتي امذبحة فوگ الوطية

الله يعيني عالجاي الية
واشاهد ذبحة احسين واخية
واصيح ومايرد فزّاع الية

*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي




الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده الى مولاي الامام ...علي


صدك ونيت وانته التعدل الشور

شايل للنجف نايم بلكبور
〰️〰️〰️〰️

قرائنك يون ولسبحه حزنانه

اضلم صار بيتك مايله اركانه

عليك الروح يابو حسين عدمانه

(يردونه بيوم العازه))
〰️〰️〰️〰️
ابن عم النبي يانجم السهيل

وانته التعدل العوجات ولميل

عدونك تصيح الغوث والويل

(( يشهدله السيف وحملاته))

〰️〰️〰️〰️〰️

تون شلون وانته مركز النيبه

ولنته الحك يابو الحسين لجيبه

يمن اسمك ضخر يلتاج يلهيبه
((يصوبنه شلون الحك)))
〰️〰️〰️〰️〰️

تخاف اعدك من اسمك يضرغام

حلوه هدتك املثم لثام


يمخوف العدو وعيونك اسهام

(( ينوح عليه الحك يريده))
〰️〰️〰️〰️

للك ردت شمس متنومسه بيك

انته بلشدايد من يلويك

منين نجيب جراح اليداويك


دكتوره حاير بصوابه

〰️〰️〰️〰️

انته ياعلي يلحاضر الناس
تاج ومرجله وزودك المقياس
منبع للشجاعه صيتك الماس


(( نون عليه الخافو منه)))

✍🏻بقلمي الفقير خادمه البتول المله ولشاعره ام نادين المحمداويه




الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي لجرح الأمام علي عليه السلام


سار الولي يئدي صلاته
لا بس العمامه أو عباته
طلع وطلعن وراه بناته
أرجع بسرعه أمناشداته
أيضلن أبداره أمتانياته
🏴🏴💔🏴🏴
هالليله منها أعليه خافن
يم بابهن كعدن أيتانن
جنهن يطبره النذل يدرن
التمن سوه وكعدن أيونن
ياربي سلمه ورجعه صاحن
🏴🏴💔🏴🏴
طب الأمير الليله سلم
ويشوف كاعد أبن ملجم
يعلم أيظربه براسه يعلم
والحزن من هالليله خيم
ينطبر علي وصومه أتيتم
🏴🏴💔🏴🏴
كام الزاني وسيفه يسحبه
أتقدم عليه اليوم أيظربه
ظلمه صبح حيدرنه دربه
يبجي ويون كلمن يحبه
وشالته ويه أبنه الصحبه
🏴🏴💔🏴🏴
للبيت أو نسوانه يجيهن
مصيوب رد الولي ليهن
شافن الدم وشصار بيهن
كوه يباوع ضل عليهن
يمه أكعدن زايد بجيهن
🏴🏴💔🏴🏴
أيساعده الله يا كلبهن
مجروح راسه جد أبنهن
أيتام باجر علي أيخلهن
كلش بعيد أيروح عنهن
ماضل أبو الحسنين يمنهن
🏴🏴💔🏴🏴

*تـــــمت والـــــ🤲ـــــحمد الله تعالى*
*بقلم✍خادمه آهل البيت عليهم السلام*
*الشاعره العلويه أيه البياتيه*
*( الملقبه ببضعه الزهراء عليها السلام )*
*❌لايجوز شرعاً وغير مبرء الذمه كل من يسحب الكلمات ويتلاعب بالقصيده والأسم علماً ان القصيده قصد سجلت بدفتر الزهراء عليها السلام*❌



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه جنوبيه للأمام علي ع
*******************
ياليل الوداع إرحم إبنياته
يودعنه الحنين وتجري دمعاته
********************
ياليل الوداع إرحم كلب زينب
وام كلثوم وياهه بدمع ينحب
صاحن يالولي فكدك تره يصعب
ياريت الوداع إتطول ساعاته
********************
يودعنه الحنين الليله يتمنه
دمعتنه بعد مانشفت إعله امنه
بعدك يالوصي ياخيمه التلمنه
اليتيم ابلا علي تعرف معاناته
********************
آخر ليله يمنه وبلوتي بلوه
شلون انسه ابونه وكعدته الحلوه
بعد امي الزجيه جان إلي سلوه
تمسح دمعتي ابحنيه راحاته
*******************
ابونه حيدره ماتمم صيامه
ابن ملجم بسيفه خضب الهامه
تنحب عيلته وتنوح ايتامه
طبرو هامته واسمعهه وناته
********************
باجر بالنعش للمكبره يمشي
روحي والدي والأعز من كلشي
صحت كبل الابو لو شيعو نعشي
ولاعيد اليمر بغير كعداته
*********************
أم علي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده هتافيه بحق ليلة الوداع



*اليله انصيح وي زينب/ يحيدر*

*ونار كلوبنه تلهب/يحيدر*


وين اتريد تانيني/يحيدر
دخيلك لا تخليني/يحيدر
يبويه ويا بعدعيني/يحيدر
*جنه والدي غرب/يحيدر

اشلون اتشيل من عدهه/يحيدر
وتغرب يوالدهه/يحيدر
زينب تجري دمعتهه/يحيدر
*تبجي ابنيتك وتعتب/يحيدر


الله يعينهه اليله/يحيدر
راح الجان تشكيله/يحيدر
اخوها المدمع يسيله/
*شال الي شطر مرحب*

زينب صاحت بونه/يحيدر
ابوي اتخيل اريدنه/
شالو نعشه اشوفنه/يحيدر
*كلبي بفركته تعذب/يحيدر

نعشه لا تشيلونه/يحيدر
اموتن من تدفنونه/
حنين وغمص عيونه/يحيدر
*ماتم يالحسن تنصب/يحيدر

*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فقدان امير المؤمنين
___

نبجي اليوم ع الكرار
وام طاهر نعزيهه*


زينب تنتحب هاليوم
شايل ياعلي الجيدوم
سيف الصوبا مسموم
والهامه شعمل بيهه*

فاضخ هامة الكرار
يرهب حال حامي الجار
ها يمعزب الخطار
خاف تروح تاليهه*

يرهب يكلف صوابه
وكلها عليه مرتابه
خافن ينغلك بابه
وحبابه يخليهه*

كلها الشيعه حزانه
وتناي يامولانه
ظل للدوم ويانه
بيك ترد اعاديهه*

مرجونه السمه والكاع
كل شيعي يون ملتاع
يامن جندلت لسباع
جفك من يلاويهه*


*ناعية خيام الطف*
*فاطمة الزهراء*



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

رجع الحسن والحسين الى الدار يحملون اباهم والعباس خلفهم باكي العين
لما نضر الى زينب صاح بلعويل والبكاء
لقد اصيب والدنا
لقد حان البكا




سمعت الحره صوت عباس
ينادي يزينب لطمي الراس
صابو علي راعي النوماس
والهامه منه غدت نصين



صاحت افه ياداحي الباب
منين اجاني هذا المصاب
ويلي على كلبي الفاكد احباب
ابجي لفكدهم يالولي سنين



ادخلو الامام الى الدار ووضعوه في فراشه وجلست عنده زينب

تكله بويه
انه خايفه ياوالدي عليك
علمني بويه خل اداويك
من صوبك ياهو الدنه ليك
وخله دمعي دموم بالعين




يكلها يبويه بسج النوح
ونج هظمني وزاد الجروح
نشفي الدمع لايضل مسفوح
تاذيني لو زدتيه الونين




ونج بعد لاتزيدينه
أبوج المصوب تفحعينه
وكلبي يحره تهظمينه
اجرج على الله والصبر زين



بويه يزينب يم الاحزان
هواي المصايب من الزمان
بالحسن وبجبدة العطشان
تشوفين سهم الصوب العين


((فأجابته زينب ع))


يابوي فكدك ما احمله
عكبك اشوف الضيم كله
والعمر بعدك لاميحله
يتمني الزمن يابوي مرتين


ام زينب السعداوي
ناصريه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

https://tttttt.me/joinchat/AAAAAFR1edBva4n0mGWz0Q
قصائد باسم الكربلائي 👆👆👆👆

قصيدة بحق الامير ع



النومه موش الك مالايكه النومه
اعرفنك صكر ودريك جيدومه


النومه موش الك والكلفه تكضيها
اعرفنك سبع والزينه راعيها
يا صكارهم ونته المبجيها
الك تاريخ ضل يكتب المعلومه



يا شمعت نزلنه و سورنه و فينه
علينه و داعتك روحتك موهينه
ضلمه البيت عكبك يالجنت ضينه
وحشه وداعتك دارك ومهمومه



اسم الله من المنيه ويوم طاريها
نتساوم يبويه بروحي وشريها
الدنيا اخلاف عينك كلشي مابيها
فدوه لذاك وجهك بويه ورسومه



عمت عين المنيه التاخذ الوالي
كون انضل سويه وياك للتالي
جنه بزود ابونه نحجي بالعالي
ياريت الحنين الباري ايدومه



يا فركاك نار وتلجم اجروحي
من يوم الرحت زايد هضم روحي
عليك و لا افله حزني وي نوحي
من يومك يبويه وروحي مالومه


بقلم الشاعرة أم كرار الساعدي
غير مبري الذمه من يحذف اسم الشاعره



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نوحيه ل الأمام علي عليه السلام لوداع رمضان
=================

خلص رمضان ودعنه بلحزان

يوم الصوبو داحي البيبان

=================

من صوبو راسك ياولينه

الكون اظلم يبو زينب علينه

قدر مكتوب مولاي شبدينه

بليام الاخيره بشهر رمضان

يوم الصوبو داحي البيبان

🗡🗡🗡🗡🗡🗡🗡

بيام الأخيره والكمر غاب

وسفه وحيف يادحاي الابواب

شخصك فاكدينه وحدر التراب

حيف الدهر بلسادات خوان

يوم الصوبو داحي البيبان

🗡🗡🗡🗡🗡🗡🗡

انكضت ايام رمضان بمصيبه

علحسين وحسن وخته الغريبه

الدهر عاند واخذ منها نصيبه

يوم الراح ابوها الكلب حزنان

يوم الصوبو داحي البيبان

🗡🗡🗡🗡🗡🗡🗡

انطرت هامته بسيف المرادي

صوابك صابني ابلبة افادي

علينه وعل الخلك الحزن بادي

بعلشره الاخيره والحزن بان

يوم الصوبو داحي البيبان

🗡🗡🗡🗡🗡🗡🗡

على مصابك ولينه عميه العيون

وعيالك على مصابك ينوحون

عباس وحسن وحسين يبجون

على مصابك يوالينه يريسان

يوم الصوبو داحي البيبان

=================
خادمة ال البيت وخادمتكم الحجيه ام علي البصره نسألكم الدعاء
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه لمرور العيد ومن نحب تحت التراب على طور حجي باسم عليمن جايني العيد

المستهل👇👇

اجاني العيد وشلون
اخوي بلحد مدفون
منو اليسال عليه
چان الخيمه ليه
اجاني العيد وشلون 2

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

ياعيد ماريد تجيني وماكو احباب
واخوي الاوده صفه نايم بالتراب
صحيح اهوه يم حيدره قالع الباب
بس گلبي بمصابه ياناس فلاطاب

صحت بصوت عالي
ياعزي ودلالي
تعال وشوف اختك
تون وفاگدتك
فراگك بچه العيون
اجاني العيد وشلون

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

انعصر گلبي ياخويه لمن صار الغروب
ذكرتك يبعد اختك وظل گلبي يلوب
تبجين يروحي على اخييچ اغلى محبوب
سكتي بعد مايرجع السدو عليه بوب

لاتبجين ياروح
كافي من الجروح
بعد مايرجع الراح
ترك بگليبي الجراح
اخوي وسند وعون
اجاني العيد وشلون

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

اجه صاحبك يسال ومدري شگله
ويگلي مكانه ترك بگليبي عله
شجاوب وإنه بعدك العيشه بمذله
وگلبي بغيابك ابد مايوم يسله

راح الكله احساس
بعده شيب الراس
صبح مكسور ظهري
بعد ماريد عمري
انه لغيبته محزون
اجاني العيد وشلون

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

جنت اگعد وياك واسولفلك يغالي
واگضيها وياك يخوي احلى الليالي
واشكي الم روحي واحجي عالجرالي
بعد منهو ينشد عليه وعله حالي

اگظي الليل باهات
ودموع وحسافات
كلها مشت عني
غريبه وزاد وني
اخو مامثله بالكون
اجاني العيد وشلون

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

اجه العيد ومااگدر امشي إنه الكم
ازورك واشم گبرك واشتم عطركم
اگلب نهاري وي ليلي إنه بصوركم
مااحس بعد بيه حيل انهض بعدكم

لتصدگ نسيتك
يعافيتي رجيتك
دمعي جرح الخد
بعدك مالي احد
صفيت مغيره اللون
اجاني العيد وشلون

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

تمت بعون •اللّـہ̣̥ تعالى
✍الخادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا

رحم الله من قرا سوره الفاتحه مع الصلوات💔
الى روح الشاب مهند الشمري



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي ليلة العيد عن لسان زينب ع

يوم العيد ذكره اتمر عله البال
تمر عشره ويهلنه الدللونه

نذكر من يصبح بينه العيد
لهلنه انروح وانحب ايد ابونه

شحلات العيد ذاك وذيج الايام
صباح العيد وجهه ايصابحونه

يوم الراح راح الفرح وياه
ومات العيد من نامت اعيونه

ويه اعزازنه راح او دفناه
ونسينه العيد من يوم الجفونه


لوكالو يبويه العيد باجر
يطر الفجر ليمت نناطر
يوم العيد نصبح بالمكابر

تهل عيونه ونكعد وياهم
من شوكنه نشتم ثراهم
حزين الكلب للفركه ونعاهم


يوم العيد كلمن يكصد اهله
وين تروح ياكلبي اكله
ماهم هلك وعليك خله


العدهم احباب الهم يروحون
يالماتو اهلك تكصد شلون
تدك باالباب واهلك مايطلعون


الجان كلبك حن عليهم
وحنيت للملكه وحجيهم
امشي الكبرهم واعتنيهم


اكعد اباب الكبر وانعه
وجلمة اعتاب المات سمعه
رحت لاجن بكت بالعين دمعه


مانشفت والاكطعت تهل دوم
وصارت رفيجه ويه الهموم
لا نشفت دمع لاشافت النوم


✍أم زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ولهدم قبور الأئمة عليهم السلام

*
يا جرح اصبر يا جــــرح
لا بد يجي ايضمدك صبح
مهـــــدومه لتصدگ تظل
يبنيهه إبن خيـــــر العمل
لابد يجي ايضمدك صبح
*
يا جـرح نشفت الدمـــــع
عالخد نزل مــا ينسمــــع
لو طال ليـــلك والحـــزن
يم البقيع اعـــلگ شمــــع
هلبت ضوه منه يصـــــح
لابد يجي ايضمدك صبح
*
شو ديرة الله ابلا هـــــوه
ظلمه وفلا بيهه ضـــــوه
يا جرح اصبر والصــبر
بس هوه لجروحــك دوه
بلكي الله صدرك ينشرح
لابد يجي ايضمدك صبح
*
ما ينحمل حـــــاله صعب
منظر ضريح اويه الترب
والهدموا اگَبـــــور الأهل
لا ذمــــه عدهم لا گـــلب
ويه الكَاع مسحوهه مسح
لابد يجي ايضمدك صبح
*
الگبر الحسن أبقه ارتجي
ولم البنين اشبـــــــع بچي
السجـــاد والبــــــاقر علم
والصادق افعـــال وحچي
للدين هدموا چم صـــرح
لابد يجي ايضمدك صبح
*
يا جرح لو جار الدهــــــر
يبقه الأمـــل بالمنتظـــــــر
باچر يجي ويملي الأرض
قسط وعدل بس لو ظهــر
وكل زيف باچر ينفضــح
لابد يجي ايضمدك صبح
***/بقلمي الشاعرة نسيم كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

https://tttttt.me/joinchat/AAAAAFR1edBva4n0mGWz0Q
قصائد باسم الكربلائي 👆👆👆👆

قصيده لفقد الاحباب



الك مشتاگ الكلب . فكدك اعليه صعب
عني من درت الوجه. ما شفت حته الدرب

◆━━━━◆ ★-★ ◆━━━━◆

اشلون اعيد ونته ماكو . بروحي ظلت حسره بيه
ابصباح العيد انوحن . وبجي حد المغربيه
جنت الاگيك بلهفتي . تشبگك مشتاكة اديه
هسه فاتج بابي لاجن . ماتمر بالطيف اليه

روحي مابين المواجع الهظايم تنگلب
عني من درت.الوجه ماشفت حتى الدرب

◆━━━━◆ ★-★ ◆━━━━◆

حيل مهظومه بغيابك مايحن كلبك تجيني
احدي بدروب المكابر وتهمل الدمعات عيني
نوحي مابطل اخبرك بالامل زايد حنيني
العيد ودعته بغيابك من بعد فرحه سنيني

غياب شخصك من جفاني . بروحي مشتعله الحرب
عني من درت.الوجه ماشفت حتى الدرب

◆━━━━◆ ★-★ ◆━━━━◆


عيدك امبارك عفتها رحت والفركه طويله
انه انطر بالمدامع. من غيابك ليله ليله
شوفتك يمكن اظنها. عليه صارت مستحيله
لو اكلك نهر دمعي اشعر بهايه قليله

بس بواجي لداري عكبك وبنوايحها تطب
عني من درت.الوجه ماشفت حتى الدرب

◆━━━━◆ ★-★ ◆━━━━◆

هذا ياعيد الاحسبه ونته مو ويانه حاضر
عجب تحلالك النومه تالي ابوسط المكابر
خلاف عينك يالعفتني كلي انه بيش اكابر
دمعي خطيته اعله بابك بكثر ما بابك اناطر

حسره بالروح تركتها.. ودمعت اعيوني تصب
عني من درت.الوجه ماشفت حتى الدرب

◆━━━━◆ ★-★ ◆━━━━◆

اسمك الما فارگ لساني. فدوه لجلك رايح اسمي
يلي ساكن كلبي دومك. تمشي بيه ويه دمي
بيك اشدن انه حيلي . انته حيلي ونته عزمي
هسه تالي زماني . من غبت لوعني همي

الفرح لو راد يلفي . ابدليلي ينشطب
عني من درت.الوجه ماشفت حتى الدرب

◆━━━━◆ ★-★ ◆━━━━◆


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

#فزاعية_شهادة_الصادق ع

ونن حيل للصادق
خل يسمع بواجينه

~•~•~•~•~•~•~•~~•~•~•~•~•~•~•~
ويلي من كضه مسموم
صارت ضده هاي الكوم
صيحن حيل يا مظلوم
الصادق غمضت عينه

~•~•~•~•~•~•~•~

ويلي البيت صار اظلم
بفراكه الحزن خيّم
خلافه مابقه بس هم
مصابه يصعب علينه

~•~•~•~•~•~•~•~
اجر اه و الف حسرة
عله البلهم كضه عمره
مثل مصابه ما يجره
الصادق الله يعينه

~•~•~•~•~•~•~•~
الكاظم قبّله و شمه
وخواته وياه ملتمه
ينوحن بالبجي يمه
ابونه فراكه ياذينه

~•~•~•~•~•~•~•~
ظل كلبي يشب ناره
من انطفت انواره
عكبه موحشه دياره
وينه اللي يعزينه

~•~•~•~•~•~•~•~
لاجن يسهل صوابه
حضرت دفنته احبابه
اه يحسين و مصابه
عليه تكثر بواجينه

~•~•~•~•~•~•~•~
مثل حسين ما يجره
وخيل الداست بصدره
كل طبرة باثر طبرة
واخته تسمع ونينه

~•~•~•~•~•~•~•~~•~•~•~•~•~•~•~
✍🏻ذكرى الخفاف
11/7/2017

✿〰✿〰✿〰✿〰✿〰✿

قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw