فزاعيه نخوه السبع الدجيل ع

اريد انخاك ياباب الكرامات
ياسبع الدجيل يبو الشارا ت
.............
اريد مراد من جفك يمولاي
وحلفك بذبيح الماشرب ماي
ياقاضي الحوائج حاجتي هاي
يالمعروف باسمك باب حاجات
............
هله يالشاع صيته وسولفو بيه
اخو العباس والوادم تسميه
مهمومه واريد الهم تشكيه
كفو ونعمين من عدكم يسادات
............
ياسبع الدجيل ويبن الاجواد
ياحامي اليضيف وجاي كصاد
منك يبوجاسم رايده امراد
صدك يم بابكم تسهل الطلبات
............
هله يبن المعاجز والكرامه
يبن الزود واربات الامامه
اريد اليوم من جفك علامه
وادريها عليكم موش صعبات
............
اختم نخوتي بدمعات العيون
يمضلومين شيعتكم يونون
الك ماتم يبوجاسم ينصبون
يتاج الراس يالتسوون دمعات


✍ام زينب كربلاء غير مبري الذمه من ياخذ الكلام وينسبه له او يحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات بحق الامام الكاظم ع



من طبع اليموت احبابه ايحظرون
يشيلون الجنازه وهمه اليدفنون
بس الكاظم اهله بعيد ما يدرون
((جاوين اخوانه ايحظرونه))



ماكو اخوان يمه ولا ولد عمه
يشيعون العزيز مغسل بدمه
شمحله جنازته لو اهله ملتمه
((يلفون بزود يشيعونه))



صعبه اعله الجسر يجنازت المسموم
عمامه بعيد عنه و كفر هاي الكوم
تمنيت اخوته و اولاد عمه اليوم
((بهوسه لكبره يودونه))



عراضه وكون هوسه وبعد ملتمين
يشيلون الجنازه ويجري دمع العين
على موسى حسافه سمته ملاعين
((يشوفونه والسم اذاه))



بقلم الشاعرة أم كرار الساعدي
غير مبري الذمه من يحذف اسم الشاعرة



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه لمولاتنا زينب العقيله ع

((بت السلاطين))

الج هالنوح يا بت السلاطين
نلطم والطم كله اعله الجبين

•••☆☆●🕯️•🕯️●☆☆•••

عدلي لطمتج لم عون عدليهه
الج هالطمه يا مولاتي قبليهه
اليوم بلطمتج هالحره عينيهه
مالومه ارحلت بت الميامين

•••☆☆●🕯️•🕯️●☆☆•••

تسوين الطم والعين مجريه
ويَ ام الحسن نلطم حماسيه
مهمومه الزجيه بهاي المسيه
على بتها تون ودامعه العين

•••☆☆●🕯️•🕯️●☆☆•••

مهمومه مشت تنعى لهاليها
لا حضروا اهلها اوين واليها
تريد احبابها تحضر تجي ليها
ملجومة كَلب مفجوعه بحسين

•••☆☆●🕯️•🕯️●☆☆•••

ونت بت علي ماعدها وليان
يحضرون العزاها تريد دفان
يشيلونه لنعشه العاليه الشان
هاي ام الصبر ام كَلب الحزين

•••☆☆●🕯️•🕯️●☆☆•••

جينه المجلسج وبكَلب مالوم
نون اعليج كلنا بحزن هاليوم
حضرنه ماتمج نشكيها الهموم
نضره يا العقيله النه تنضرين

•••☆☆●🕯️•🕯️●☆☆•••

تمت بقلم خادمة العقيله ع
*ام مريــــــــــــــ✍️ـم العذراء التميميه*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

#من_ديوان_الدموع_الزينبيه_الجزء_الخامس_عشر_


مربعه للأمام علي الهادي عليه السلام



ما يگضي العتب وياج سامره
عندچ ليش هادينه انهدم گبره
..............😭
شاف شگد عذاب وجور مولانه
مابطل حــقدهم ليش عــدوانه
ردو للـــگــــبر هــــدمو بنيــانه
هدمو حيلنه من هدمو الحضره
..............😭
هدمو حيلنه والروح محتاره
تسعر ماطفت حدر الضلع ناره
اتراب الصحن وتنوح زواره
للهادي تجر عبره بأثر عبره
..............😭
مو عبره نجر عبرات للهادي
ياريت انهدم ياسيدي افادي
وينه المنتضر مايدري بالسادي
والله يعين گلبه هالكثر صبره
..............😭
الله يساعدك ياسيدي شيصير
گلبك بالوكت كليوم حيره يحير
جدك ينهدم بالغدر والتفجير
كلشيعي تدولب وانكسر ضهره
..............😭
دولبنه الوكت ياسيدي دولاب
مصيوب الگلب واصواب يم صواب
سامره شكثر ودينه ليها اعتاب
مدري شتعتذر باچر امن الزهره
..............😭
شگد شفنه مواقف ياعلي صعبه
والهضمه الچبيره هدمو الگبه
كل شيعي تصوب وانشلع گلبه
مو كسره انكسر مولاي الف كسره
..............😭

*تـــمت والـــــفضـــ🤲ـــل لله تعالى*
*بقلم✍الشاعره المله أم ريام دخيل الركابي*
*صاحبه ديوان📚الدموع الزينبيه*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للسيده زينب عليها السلام
تقـرأ بعــده اطـوار****(✫♡✫)

✫♡✫•┈•✫♡✫•┈•‏​‏​​‏✫♡✫

راس الـــــــولي جـــــــدامي
وحــــرك العــبـي وخـيــامي

مــنضر شفتــه وفجعـوني
رفعـــو راســـه وعذبــوني

وحــــرك العــبـي وخـيــامي

✫♡✫•┈•✫♡✫•┈•‏​‏​​‏✫♡✫

لمــن طاح أعلــــه الغبــ،ـره
خيـل أعـداه رضـت صـدره
مـن چـتلـو كطـعوا نحـــره
شفتـــه وخنكتني العبــــره

جت العــده تسبينــــــه
حركـت خيمنــه أعلينــه

وحــــرك العــبـي وخـيــامي

✫♡✫•┈•✫♡✫•┈•‏​‏​​‏✫♡✫

حطيت أيــدي فـوك الراس
صرت أصرخ وينــك عباس
أفـــزع لـينــــه يـنـــومــاس
وصلــو صيــواني الأرجـاس

كـــوم الـكفـر روعونـــــه
وليــه خويـــه أتـولونــــــه

وحــــرك العــبـي وخـيــامي

✫♡✫•┈•✫♡✫•┈•‏​‏​​‏✫♡✫

مـن هجـمـت هــاي العسـكر
أيــتـــامي فــــرت بالـــبـــــر
تبـچـي أطفــالي وهلــخـــدر
أعلـينـــه الخـيالــــه تفـــتـــر

مابيـهــم رحمـــه وعدوان
اتـولو بالسوط النســــوان

وحــــرك العــبـي وخـيــامي

✫♡✫•┈•✫♡✫•┈•‏​‏​​‏✫♡✫

شـيـبـتـنـي عـملـت كــربـلــه
شــوفـتـنـي أنـــواع الـبــلـــه
خــوانـي أگـبـالـي مچــتــلـــه
وبـالــسبــي كــل الـعـايــلـــــه

أختــك زينـب متيســـــره
بــدرب الســبي متحـيـــره

وحــــرك العــبـي وخـيــامي

✫♡✫•┈•✫♡✫•┈•‏​‏​​‏✫♡✫

مـن بــعــد كــل هــذا الـصــار
رجــعــت زيــنــب للــــديــــار
سـٲلـتـهـه ام عـبـاس أشـصــار
حـالـچ يـبــنــيـتــي أتــغـــيـــر

المصايـب غيـــرت حـالـي
منـهــــــه أتفـطــــــر دلالي

وحــــرك العــبـي وخـيــامي

✫♡✫•┈•✫♡✫•┈•‏​‏​​‏✫♡✫

ردت زيـنــب لـــرض الــشــام
وتــــذكـــرت ذيـــــﭻ الأيــــام
وزادت أعـلــيـــهـــــــه الٲلام
والـهـه الـدهــر بـعـد أشـضـام

الأيـام أعـلـيـهـه صـعبــــه
وتغمـض العـيــن أبغـربــــه

وحــــرك العــبـي وخـيــامي

✫♡✫•┈•✫♡✫•┈•‏​‏​​‏✫♡✫

تــﻣـت بـــ؏ــون الله تــعــالــئ

بـ✍🏻ــاقــ✍🏻ــلام خـادمـات أهـل البيت ؏

✍🏻#الـمـــلا ام زينـب الـواسـطي💔

✍🏻#خــادمــة الـزهــراء ام عـهـد

نســـألـكمــ الـدعـاء 🙏🏻(✫♡✫)

بتعجيل الفرج لصاحب الزمان (عج)

غير مبـري الذمـه مـن يحذف أسماء
الشاعــرات ويــنسب الـكــــلام لـــه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

شدة للسيدة زينب ع
********************
جيت لأرض الشام اريد المكبره
وين أخت عباس سبع الكنطره
******************
جيت لأرض الشام آنه ام الحسن
جيت ازور أم المصايب والمحن
بزينب المظلومه دولبني الزمن
لكبرج اتعنيت يابت حيدره
*****************
امن المدينه جيت تعبني الدرب
ألطم اعله الراس والمدمع يصب
ليش بالشام الكبر بين الغرب
وبالأراضي الجنتي بيهه اميسره
*****************
هاي نفس الشام طبيتيهه
وبالخرابه ذكرياتج بيهه
من رقيه تموت ودفتيهه
وبيهه وافاج الاجل يالطاهره
*****************
يعين كلبج يمه جم جرح اليشيل
راس اخوج حسين لو راس الكفيل
لو سبي الايتام وكيود العليل
حسين شفتي شلون حزو منحره
********************
صدر اخوج حسين ملعب للخيول
راسه فوك ارماح ودموعج سيول
امغسل بدمه وحزن كلبج يطول
شلون روحج عالمصايب صابره
******************
جيت من ابعيد اغمض عيونج
هم بعدهه يمه زركه امتونج
طاب جرحج لو بعد وشلونج
من لفاج الموت جنتي امحيره
******************
أم علي

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

الى مولاتي زينب

الج بيرغ حزن يم عون رفعوه
تابوت النجيبه اليوم شالوه
🏴🏴🏴🏴🏴🏴🏴🏴


هاي امخدره وعزيزه احسين
عليه اليوم ولله لعمي العين
اريد الطم عليه ايام وسنين

لو ونينه لام عون نون
🏴🏴🏴🏴🏴🏴

تريد اليوم اخوته بدفنها
يكون اليوم عباس يحضرهها
واجب على الاهل زينب تزتها

وتريد اخواته يحضروها
🏴🏴🏴🏴🏴🏴🏴

بونه اصيح زينب اه يعباس
تعال وشيل نعشي بين هلناس
ادري بيك كللك غيره وحساس
عباس احضر نعشي وشيله
🏴🏴🏴🏴🏴🏴

اريد اليوم انه اهلي يجوني

ترى بفاركاهم راحت عيوني
اريد اليوم ولياني يشيعوني

المهضومه من دون اخوان
🏴🏴🏴🏴🏴🏴🏴

محله الوالي خويه شاد انكابه
وانه كلبي ياوالي فاكد احبابه
ياحيف الولي راح وغللك بابه


شيع اختك عباس الليله
✍🏻✍🏻

بقلمي الفقير خادمه البتول المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

مربوعه او قصيده حول وفات السيده زينب



*ليش اليوم يا زينب تونين*

*وحباب الكلب ليهم تريدين*


شالو كل هلج شالو يحره
كسرج بالكلب كولي شيجبره
مفكود الولد والوالي كسره
*الحد الموت مابطلتي العين*


تبجي العين يا زينب عليهم
احبابج عل جره كولي شبديهم
وكت الموت روحي هناك ليهم
*حته بكربله دفانج حسين*


اسم الله عليج جاموعدج خوان
واجب عل ولي يصيرلهه دفان
انتي ملوعه يا كهف الاحزان
*ليش بموتج ما اجو مسرعين*


حك عله االخو يحضر لاخيته
ويدفنهه العزيزه اتريد اديته
غربه اتشيل ما تقبل حميته
*يشيعهه تريده اليوم الحنين*


يهايه ونتج كطعتهه الكلوب
نامي اهلج عليهه بعيد الدروب
تصبرين الكلب يمعوده جندوب
*خلصانه وشفيد اعتاب تحجين*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

اللهم صل على محمد وال محمــد
قصيده للسيده زينب عليها السلام
تقـرأ بعــدة اطـوار****(✵♡✵)
✶♡•┈•‏​‏​​‏✹.❀.✹•┈•‏​‏​​‏♡✶

رجعت زينب لرض االشام
وذكرت ذيــــــــــج الأيـام

بسوطه العدو يضربهــه
وتشكف زينب ضربتهـه

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

لمـن طاح حسيــن الوالي
مذبوح أعله الغبره أكبالي
هجمت كله وشدهت بالي
وهجت بالبـر كل أعيــالي

حركو خيمنه أعلينــــه
طفال وخدر ضلينـــــه

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

وليــه هلكــوم أتـولونــــه
والطفل اليبچي يضربونه
لديـار الغربـه مشونـــــــه
فرجه للعالـم خلونــــــــه

ماتــدري الوادم بالصار
ترمينــه صارت بحجار

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

طبـيـت الدارك يحسيـــــن
ولنـهــه اجت ام البنيـــــن
تســـئلني وتهــل العــيـــن
نشدج عن ولدي مقصرين

ماقصـرو كـل وليـاني
بيهـم لوعني أزمـاني

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

بمحنــت كلبي وعذابــــه
أتــمر أبـالي الخـرابـــــــه
أتجدد حزني ومصابـــــه
أتنادي أرقيــه يابابـــــــه

ماتـت رقيـــه أكبالي
وينـــك عني يالـوالي

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

أذكرت أبرحـلــــة أيامي
كل ضيم الشفته وآلامي
ماتــدري بحالي يلضامي
ماتــت أطفـالك كـــدامي

كربـت ليـه المنيـه
وينك يبن الزچيـــه

وذكرت ذيــــــــــج الأيـام

✶♡•┈•‏​‏​​‏✹.❀.✹•┈•‏​‏​​‏♡✶

تـمـت بعـون الله تعـالى

✍بقلم خادمة أهل البيت عليهم السلام

الملا ام زينب الواسطي💔 .❀.

نسـألكـم الـدعـاء *🤲*(✵♡✵)

بتعجيل الفرج لصاحب الزمان(عج)

غير مبري الذمه من يحذف الاسم

ويــنـسب الـكــــــــلام لــــــــه.❀.


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للسيده زينب ع


ياناكه بس حر وشمس
فاركت اخيي من امس


ياناكه ظلموني الغرب
موقف عدانه شكدصعب
امشي حزينه بلدرب
ماخذني للشام الرجس


ياناكه نار بخيمتي
عباس اخيي وهيبتي
من دمه تجري دمعتي
عطشانه والساني يبس


محروكه تدرين العبي
وهيبه انه وبت نبي
يحدي اظعوني الاجنبي
تعبانه مكطوع النفس


خواني نامو بلحرب
شيصير ياناكه الكلب
منعو احسين من العذب
حيرانه وبروحي احس


عفت الولي بترابه
يوجع بكلبي امصابه
مانسه طول اغيابه
من عنده سلبوه البس


الشاعره خادمة السيده الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيك يازهراء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة *[ #امسجِّل_التاريخ ]*
في إستشهاد #السيِّدة_زينب بنت أمير المؤمنين عليهما السلام، 1442 هـ .
____________

المستهل /

كلمه امسجِّل التاريخ
ليها وموقف وصوره
ربي اتقبَّل القربان
يم اعظام مكسوره

لا تعجب .. من زينب
بنت الداحي خيبر


1 /

تتحسس .. تتنفس
زينب من علي والدها من روحه
حِلَّتها .. بمحنتها
أيوب النبي بس زايده اجروحه
دمعتها .. اُو ونَّتها
يعقوب النبي ببچاه وبنوحه
ومن احسين .. تاخذ زين
نصره اعلى الظُلم من هدَّم اصروحه

مقيوده وذليله تسير
للكوفه تقول الناس
وتقول اهيَّه للسجاد
نفتح جينا والعبَّـاس

دِخلتها .. اُو قلبتها
و چن الجاي حيدر


2 /

من عاشت .. ما شافت
غير الهم يرافقها من الخامس
لزغيره .. اكبيره
وأمها أودعتها حسين إله حارس
وبالتالي .. هالغالي
صار ايرافقنها امرافق الهاجس
اوياه تقعد .. وتردد
لعيونك لربَّي ست مية عابس

حُره الحُره بت احرار
چالزهره رساليِّه
احترقت عالزچيه الدار
وخيمها اتحرق هيِّه

للوالي .. متبالي
تعثر وتمشي عالمجمر


3 /

شتتوصف .. وبعد الطف
رغم آلامها وسوط العدا والهم
قبال العين .. راس احسين
وشفت آنه الجميل تقول وتتكلم
فضحتهم .. قهرتهم
واهتز الدعي ابعرشه واتلعثم
بالسجاد .. يفتك راد
ووالي ليها من الذبح ما يسلم

حامت إلعلي وتقول
قبله يالعدو اقتلني
خلي والي للشيعه
واقتص لو ردت مني

سيدها .. وقائدها
تفدى ليه المنحر


4 /

وقفتها .. كلمتها
كد كيدك فلا تمحي ذكر لينا
تتخلد .. تتسيَّد
سيف احسين هيَّه واخته وعينه
افتكروا مات .. بس هيهات
ماتوا هم وعايش هو على سنينه
حيرتهم .. خَيلتهم
ساعه احسين چنها وساعه والينا

لو توقف يشوفوا احسين
وبيده ماسكه سيفه
تتكلم يجي الكرار
حِلته ولهجته وحيفه

ما ذلَّت .. واتعلَّت
نفس احسين واخطر


5 /

الذوبها .. ومرمرها
الأيتام العلى ذمتها مكفوله
كل ساعه .. مرتاعه
طفله بنومها وماتهدا بسهوله
عمه آنه .. عطشانه
تجيها ثانيه من العطش مذهوله
شتبدي .. شتخلي
العمه المن تعبها هيه منحوله

من قعده تصلي الليل
وتهمس لـ الله بالقوه
مهنَّى يا عسى العباس
خويه اليروي ابدلوه

ما نضما .. لو يمه
چنه وماي يحضر


6 /

حسرتها .. نِظرتها
من ابيوت المدينه تالي شافتها
رِدِّينا .. ما جينا
بابن الزهرا بالله ردِّي حَدْثتها
اطلعت اوياه .. وجيت ابلاه
خل تهجر جميع الناس زينتها
راح احسين .. نور العين
تسامحني الزچيه والعزا إلها

وما مهلتها ايد الموت
بأول ذكرى إخذتها
شمعه ومن اثرها تذوب
والطف طفى شمعتها

بالغربه .. للتربه
تروح وربها قدَّر .
____________

بِـ قلم/ خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

       لذكرى شهادة العقيلة عليها السلام
*
لا ما تطيح الرايه       شيعة ونظل وفايه
نشيعهه ميهمنه الخوف
ولزينب انصيراچـفــوف
شــيـعـه ونـظـل وفـــايه

****
يالعقيله الـــيوم اجينه انجدد اويــاج العهـــد
شيعه الكـــــــرار إحنه وما نعــوفج للأبـــد
راية الطـــــف بينه تعلة قســم بالله الأحـــد
إحنة خدامچ يزينب يا سبي الــيرجع بعــــد
عباس بينة وما مـــات
بچفوفنه وبالهامـــــات
انجيب الفرات او مايه
شيعه ونظل وفايــــــه
*

گلب اليحبچ يزينب لــــو ذكر خدرچ يــلـــوع
ويا حزن عاشر محرم سهمه نابت بالضلـــوع
اليوم اجينه يالعقـيله نصب على مصابچ دموع
نحضر انشييع الجنازه ونعلگ الليله الشمـــوع
مصابچ فلا مثله امصاب
يمخــدرة داحي البـــــاب
ولزيــــــــارتچ عنـــــايه
شيعـــه ونظـــل وفـــايه
*
أحنه ترباة أبو فاضل الشال بالطف اللــــواء
نهر غيره بدمنه يجري يرسم حروف الوفاء
صحنه رغـــماً عاليضدنه تبقه كَبتج بالسمـاء
كون لترابج يزينب نروح كـــــــل احنه فداء
نادينه كلنه ابهل صوت ابدربج يمحلاه المــوت
المـــوت لجلج غـــــايه
شيعــــه ونظل وفـــايه
*
خطوه خطـــوه من مشينه يمشي ويـانه الحنين
والحسن ندري يزينــــب شـال نعشج والحسين
ويه النسيم الدمعه صوغه للگبر ما ندري وين
بهل مصاب الليله اجينه نواسي أمير المؤمنين
جبنه النعش يا كـرار وجيناك لا مو خطار
يابو الحسن شچــايه
شيعه ونظل وفـــايه
*
يا علي وعن حال زينب شافــت الوان الــعذاب
عاشت آلام الوديعه وكل مصــاب يجر مصــاب
تالي قربان الشهــــــــاده قدمت سيد الشبــــاب
صابره وآ يا صـــبرهه ماله مقيــاس وحساب
مذبوح شافت بالعين والكـــافل ابلا چفين
زينب صــبرهه آيه
شيعه ونظــل وفايه
***
للشاعرة نسيم كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه لتشيع الامام الكاضم

مربعه مع هوسات جنوبيه

عليك البيرغ محدد يشلونه
للكاضم حرير اخضر يفصلونه

〰️〰️〰️〰️〰️〰️〰️
للك هوسه وعراضه الشيعه سوها
على جسر الرصافه الونه علوها
مرفوعه الروايه بسمه سموها
البيرغ باسمك يارعي النيبه
〰️〰️〰️〰️〰️〰️〰️〰️
هزوها البيارغ حيل للساده
يلماخذ كرامه وشارت اجداده
على المسموم لطمو الذايبه افاده

الكاضم يسوه نوح على مصابه
〰️〰️〰️〰️

مثل رايه محمدجده علوها
على نعش الامام اليوم حطوها

ترفرف رايت الكاضم تخلوها
البيرغ بسمك ياراعي النيبه
〰️〰️〰️〰️〰️

نوصل للجسر ونرفع للك رايه
هاي شيعتك تلطم وفايه
للك لطمت لطم علجسر شجايه

البيرغ يحلاه على الساده
〰️〰️〰️〰️

يومك مثل جدك حيل ماذينه

ثلاث تيام مرمي حسين ولينه

بونات وحزن اليوم هل جينه

على الساده نرفع الاعلام
〰️〰️〰️〰️
✍🏻بقلمي الفقير خادمه البتول الزهراء المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

محراب القلوب
للإمام الكاظم عليه السلام

*
بكل گلب محراب ويون
ودموعنه تشرح حــزن
يلكعبة الله تلــــوگ الك
المثلك شلــــون بسجن
*
القرآن انت ويا ســـــــــوه مضمونه وانت المحتــــوه
يالنورك امضوي الأرض يوم الرحت ما ظل ضـــوه
*
وياك ودعنه الأمــــــــــل غبت وفلا بعدك حصـــل
نادينه والآخـــــــــر نفس ويانه ياريتك تظــــــــــل
لتلومــــه كل شيعي يحن
المثلك شلــــون بسجــن
*
گلب اليحبك محتــــرگ بذكرى مصابك يختنگ
يمشيهه خطوات الألـــم ويرتل آيات  العشــــگ
*
ناذر الك كل العمــــــــر يمشي بطريقك لو جمـر
ميرده خـــوف ولا ذبح يوصل ضريحك ينتظـر
ميعوفك وخــاب اليظن
المثلك شلـــون بسجن
*
انته الإمام ابن الإمـــام والمعنى انت الكل سلام
بالكاظميــــه اترف الك رايات وجنـــاح الحمام
*
يالبيك آيــــــــات شكثر يا معنى انت لكل صبر
منك تفيض النه النعــم يالكاظم وخيــــرك يدر
يالشايل ايمــان وحسن
المثلك شلـــون بسجن

   **قلمي / الشاعرة نسيم كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

تهدم حيلي
للإمام الكاظم عليه السلام
*
تهدم حيلي تهدم حيلي
عالمسموم اتــــهدم حيلي
*
أقسم بالهادي وبالزهــره
وبالعطشان الحزوا نحره
عالكاظم ما تطفه الجمره
مسموم مگيد يا ويـــــلي عالمسموم تهدم حيلي
*
انوارك رادوا يطفـــوهه
سموك وظنهم يمحـــوهه
عميه عيون الما شافوهه
نورك ظل من جيل لجيلي *عالمسموم تهدم حيلي
*
يا باب الله وجيتك زايـر
ياليومك ينبع من عاشـر
السمك مو مسلم كــــافر
يالشمسك ضوت كل ليلي *عالمسموم تهدم حيلي
*
يالماخذ فكري او وجداني
ويالوضعك هيـج احزاني
(موسى الكاظم) لا تنساني
بالمحشر ريت اتبـاريلي عالمسموم تهدم حيلي
*
مفجوعه هاليوم احبابــــك
تنحب واتون اعله مصابك
حاجتنه وحاجتهه ابابـــــك
كل حاجه ابابك تگضيلي عالمسموم تهدم حيلي
*
كل خمسه وعشرين انادي
عجل عجل يبن الهــــادي
عالكاظم ما تدري شسادي
عالجسر امدد يا ويــــلي عالمسموم تهدم حيلي
*
عالجسر امـــــــدد مولانه
مسموم امگيدته اعـــــدانه
نبچي ودمع المهـدي ويانه
يا عيني كل دمعچ سيلي عالمسموم تهدم حيلي
* قلمي / الشاعرة نسيم كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للكاظم ع
خل تحظر بني هاشم للكاظم يشيعونه
ظل عالجسر مطروح تغسلونه وتجفنونه
*
فوك السجن ياساده ظل عالجسر مشمور
حماميل اربعه شالوه أهل الظلم والجور
أمام الرافضه يكولون وجهه مغطئ بالنور
هذا جده ابو الحسنين جنهم مايعرفونه
*
هاي جنازه الطيب شيلوها ياساده
مسجون بطاموره ومنه ذايب افاده
أهل بيت النبي ياناس الكتل الهم عاده
جابوله الطبيب يصيح خل أهله يحظرونه
*
الكاظم يابو طلبه ساجد يعبد ربه
يمه تنقضي الحاجات بس اوصل العتبه
وكله جيتك بمطلب مولانه ابو طلبه
مايرجع الخطار يكظيه تعرفونه
*
اجه سليمان طر الناس ويهل الدمع ساجم
يلطم عالصدر ويصيح تعالو يابني هاشم
هذا عالجسر مشمور ياساده الكاظم
بسجن الطاغيه هارون وانوب يسمونه
*
ياشيعه على اليوم لاتنسون امصابه
نعزي بته معصومه وأهله وكل احبابه
نارك بالكلب مولاي تسعر حيل لهابه
كل الجعفريه اليوم طلعو يشيعونه. ام محمد الهاشميه لايجوز حذف لاسم ذمه رجاء

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للامام الكاظم ع


مشونه الموسى ابن جعفر
ندك بابه

كومونه يمشايه
ناخذ بيدنه الرايه
ونكله اليوم شكايه

مايرضه الكريم بهظمت احبابه
.............
مهظومين مولانه
نشكي هموم دنيانه
يالكاظم تلكانه

نشكي الضيم يم حلال الطلابه
..............
نوكف عالجسر كلنه
وابو الكلفات يسمعنه
والله من الهظم متنه

وخلو دموعنه تنزل عله اعتابه
..............
كصدوه يالتحبونه
وبيرغكم تشيلونه
ذكره الحيد تحيونه

لطمو ودكو الهامه عله امصابه
.............
يوم السجن ماننساه
كل عام اليمر ذكراه
كلنه عالجسر ننعاه

برايات الحزن والعين سجابه
..........

✍أم زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده بحق الامام الكاظم ع


يعلويات ابوجن حمل وشال
كضاي الكلافه وفكده جتال


ابوجن شال كلبه محمل هموم
شايل يا حسافه ومات مسموم
يعلويات البسن سود الهدوم
كضاي الكلافه بالف رجال



محد شيعه وبس غربه شالوه
واهله بعيد عنه وما يحضروه
هذا ابن الهيابه شلون سموه
ماودع هله ولا شاف العيال



ضل اعله الجسر محد تدناه
لا خوان يمه ولا هله هناه
بجه عيونه وكل كلب كسراه
يستاهل عليه الدمع همال



يا نعش العزيز بنص الغراب
محلات الجنازه تشيلها احباب
مسموم الامام وجرحه ماطاب
سبع و جنازته شايلها حمال


حماميل اربعه شالوا المسجون
اخوته بعيد عنه وعيب يدرون
ما حضروه و لا شالته المتون
صعب يايوم موسى وعيب ينشال



كلمات أم كرار الساعدي
غير مبري الذمه من يحذف اسم الشاعر


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ثكيله للأمام الكاظم ع
*****************
دخيل اعله بابه واريدن جوابه
انوح لمصابه رهين السجون
*****************
ادك بيبان جوده وانتظر رحمه
حسبت احساب كلبي ينجلي همه
ياباب الحوائج بالخلك اسمه
بجفه ماتظل صعبه مثل عمه
جفوفه عطيه يحنن عليه
بجيت لعذابه رهين السجون
*****************
راهب عترة المختار يامظلوم
يمن كضيت عمرك بالسجن محروم
بطوامير السجون امكدر ومهموم
موتك بالسجن يابو الرضه مسموم
القيود بوريده العشيره بعيده
وبعيده الكرابه رهين السجون
*****************
مثل عاشور يومك ياعظيم الشان
نعشك عالجسر وحسين عالتربان
بس اعظم واشد امصيبة العطشان
ذبيح وخيل تسحك جسمه بالميدان
برمح راسه عالي يكضي الليالي
تون لمصابه رهين السجون
*****************
اجيت لحضرتك ولروحي داويهه
محتاره بزماني لاتخليهه
اجفوفك للجروح الصعبه يشفيهه
المشاكل سهله عندك دوم تكضيهه
شفيعي وحبيبي إمامي وطبيبي
عدوه يهابه رهين السجون
****************
طوامير السجن تشرح معاناتك
ذليت الاعادي بطول سجداتك
ماخاب اليندبك بيضه راياتك
امرادك بالعجل معروفه شاراتك
بجروحي اجيته حزين ونخيته
اصيح اعله بابه رهين السجون
******************
أم علي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي مجرد بحق الامام الكاظم ع
وكأني بمولاتنا المعصومه ع......تقول


بويه ونيت ماحضرينه ونتك
يمسموم يا الغالي اعلى بنتك
اليوم بويه يا محنتك



الشايل غريب وماله احباب
مثل الجرح لو نزف ماطاب
والله يبويه اصوابك اصواب


يومك صعب كلش ولاهان
يمسموم وبوليت السجان
ومن السلاسل بيك نيشان


ماينحمل يومك صعب حيل
بمتنك صفه طبع الزناجيل
ما غمضت ساعه ابطن ليل


شحجي يبويه وكلبي مكسور
وتدري الابو يا والدي سور
اضلم نزلنه و شايل النور


وليه ولوك الما يرحمون
والله اكسرت كلبي يمسجون
كون اليموت اهله اليحضرون


بقلم الشاعرة أم كرار الساعدي
غير مبري الذمه من يحذف اسم الشاعر


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw