ليلة الوحشه للزهراء عليها السلام لسان حال ايتامها ع
=================

وحشه يايمه الليالي ......

من بعد عين الغوالي .......

ليله وحشه علينه
بلهظم عفتينه

وحشه يايمه الليالي .......

=================

الليله اول ليله بيتج خالي

واليتامه تنوح يمه اكبالي

البيت ظلمه وبلهظم ياحالي

ردي يايمه علينه
منلبجي يمه عمينه

وحشه يايمه الليالي ......

🌻🌻🌻🌻🌻🌻🌻

وحشه يايمه الليالي علينه

ليش يمه يم حسن عفتينه

انطاج كلبج يمه وتيتمينه

تيتمينه من وكت
يمه يازهره صحت

وحشه يايمه الليالي .......

🌻🌻🌻🌻🌻🌻🌻

يوم رحتي عيني ماشافت النوم

طيفج كبالي من اكعد من اكوم

انه وخواني غاطينه الهموم

يمه وحشه غرفتج
بلمناحه ابنيتج

وحشه يايمه الليالي ........

🌻🌻🌻🌻🌻🌻🌻

وحشه ايام الهجر يم الحسن

ضلوعي يايمه يزهرتنه انحنن

عيوني من البجي ياشفجه عمن

رحتي وعفتيني
وياج مخذيتيني

وحشه يايمه الليالي ........

🌻🌻🌻🌻🌻🌻🌻

عمت عيني ودربي مااكدر اشوف

طيفج بكل كتر كدامي يطوف

على اخواني يمه ماخذني الخوف

زغار يمه بنينج
يمه محتاجينج

وحشه يايمه الليالي ......

🌻🌻🌻🌻🌻🌻🌻

من بعد عين الغوالي تعذبت

ليلي يمه مساهره لا مانمت

من رجعتج يلحنينه اييست

أييسنه ماترد
ذبلت ومثل الورد

وحشه يايمه الليالي ........

=================
خادمة ال البيت الحجيه ام علي البصره نسالكم الدعاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه للسيده الزهراء ع

❥❥ـــــــــــــ❁❂❁ـــــــــــــ❥❥

المـــن هــالنـعـش بــليل
لـــم ضــلــوع مـكسوره

❥❥ـــــــــــــ❁❂❁ـــــــــــــ❥❥

المــن هـالنعـش طلعوه
إضلـم كونــهـه ودفنوه
نعش ام الحسن شالوه
بــيــن الباب مـعـصوره

❥❥ـــــــــــــ❁❂❁ـــــــــــــ❥❥

بــيــن الـبـاب والبسمار
صـاحــت ياعلـي الكرار
الحـــك طفي هاي النار
ولـطمــت زينب الحوره

❥❥ـــــــــــــ❁❂❁ـــــــــــــ❥❥

زينب لطمت أعله لراس
امــهــه بــآخــر الأنفاس
مـابيـهــم رحـم هالناس
واعــلــه الكسر مجبوره

❥❥ـــــــــــــ❁❂❁ـــــــــــــ❥❥

طــلـعــت فــاطمـه بليل
بدمعـات الحزن وتسيل
شايلـهه علي وانحيـــل
والبــيــت انطــفه نوره

❥❥ـــــــــــــ❁❂❁ـــــــــــــ❥❥

عكبج ضلمـه هاي الدار
شــبــت بالكـلب هـالنار
يبجي الحسن وامحتار
ودارج يــمــه مـعـموره

❥❥ـــــــــــــ❁❂❁ـــــــــــــ❥❥


تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للسيده الزهراء،،،ع،،،

ابجي والدموع اتسيل اصيحن يمه يازهره
عفتيني وحيده شلون اريدنج وانه ازغيره
#######################

بعدني يمه اريدنج وحنانج مشبعت منه
زغيره انه وتعوفيني ومنج اگطع الضنه
البيت خلافج الخالي بعيني اظلم اشوفنه
وياج الراحت امالي وعلى فراگج اجر ونه

وصيحن يام حسن وحسين
عفتينه. يانور. ،العين
وعليج الصار مايجره اصيحن يمه يازهره


البنيه اويه امهه تكون وتشعرهه بسعادتهه
وتحمل بالزغرهمهه وعلى الجتفين حملتهه
عشت وياج خمس اسنين المحنه عيوني شافتهه
يمه يام گلب صافي حياتي انتي زهرتهه

اشوفج طايحه گبالي
عليج انفطر. دلالي

بگلبي اختنگت العبره اصيحن يمه يازهره

اولادج ييمه ازغار عفتينه ورحلتي شلون
حسن وحسين،يازهره بفيج رادو يكبرون
اعزاز الگلب احنه وتسمينه ضوه لعيون
هانت يمه عشرتنه ولجلنه يهون مابالكون

يشجرة بيتنه الحلوه
بعدج. دنيه ماتسوه
طويله تكون،هالسفره اصيحن يمه يازهره


ليش اتجرا الملعون والبابج وصل عنوه
يمه ومن حرگهه الباب دفعهه عليج بالكوه
مكسورة ظلع طحتي وجنينج طاح يابلوه
يزهره مارحم حالج بيج الكافر اسوه

النبيهم مدري اشگالوا
على بته العده. عالوا
اشوف بخدج الصطره اصيحن يمه يازهره


اون ومگابله فراشج حسبالي تحاجيني
وگظي اليل دمعي يسيل،وحسهه الصطره ابعيني
وحس بظلوعي مكسوره محنيه وتاذيني
عليج،الروح يمه تنوح اگعدي يابعد عيني

يمه احزاني ماتنعد
وجمره بگلبي ماتبرد
بعدج عيشتي مره اصيحن يمه يازهره


انوحن يل الحنينه عليج مصابج يمه هدمني
واشوفن بابج المحروگ واحسه الدنيه متلمني
بدونج دارنه وحشه ومجانج حيل المني
تيتمنه،وبعدنه ازغاروفگدتج من صغر سني
اظل،طول العمر،انعاج
وميته،ريت يمه وياج
عليج الگلب شيصبره اصيحن يمه يازهره


✍ بقلم خادمة اهل البيت عليهم السلام
ام مصطفى الاسدي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

الى فاطمه الزهراء بقلمي

شالت امي شال وياها الحنان
اه يروحي الضلت بلايه امان
شالت امي وحملت
عيوني بالدمعه انملت
اه منك يلزمان اه منك يلزمان
〰️〰️〰️〰️〰️
كل وكت كلبي يريدج يلحنينه
رحتي يايمه غفل واحنه شبدينه
كلبي ضل ينعى بحزن زايد ونينه

شالت امي وحملت
عيوني بالدمعه انملت

اه منك يلزمان اه منك يلزمان
〰️〰️〰️〰️〰️〰️〰️
يمه طولج ياحسافه بلمگابر
اشلون بفراك العزيزه كلبي صابر
مشو عنه كل اهلنه للكلب منهو اليجابر

شالت امي وحملت
الدمعه بعيوني انملت
اه منك يازمان. اه منك يازمان
〰️〰️〰️〰️〰️〰️

البيت اضلم ماريده بغير امي
هيه جانت بلمصيبه تشيل همي
ياعز من روحي ياشريان دمي
شالت امي وحملت
الدمعه بعيوني انملت
اه منك يازمان اه منك يازمان
〰️〰️〰️〰️〰️〰️

انته ياجنه بارض تزهي عليه
رحتي يايمه بعجل شحاصل بديه
ريت موتتنه سوه وفد منيه
شالت امي وحملت
الدمعه بعيوني انملت
اه منك يلزمان اه منك يلزمان
〰️〰️〰️〰️〰️
اني من غير ج غريبه اكضيه ونات
الدموع بحسره يمه بعيني تبات
وكلبي بغيابج تحمل شكثر لوعات
شالت امي وحملت
الدمعه بعيوني انملت
اه منك يازمان اه منك يازمان
〰️〰️〰️〰️〰️〰️
لا تضنين الكلب يايمه ينساج
ابد مترهم العشره اله وياج
سافريتي بلعجل وين منواج

شالت امي وحملت
عيوني بالدمعه امتلت
اه منك يلزمان اه منك يلزمان
〰️〰️〰️〰️〰️
✍🏻بقلمي الفقير خادمه البتول المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده ع طور..كومن بنات النبي ..
/////////////////////____///////////___

يوم الشفت عمتي ..زادت علي ونتي
وحدها تبره الضعن ..من دم جرت دمعتي


//////////


يعصرني كلش دليلي..ساعات اشوف المنيه
من التفت عن يميني..وانضرلدمعت رقيه
وانه بحبال وسلاسل..مجتوفه لشام اديه
بيا ذنب يمشن خواتي..المجلس الضالم هديه

....مامش زلم تنتفض ..تكلبهاطول بعرض
ترجعنه لرض الوطن..من دم جرت دمعتي


///////////


امشي وعيوني عليهم ..التفت يمنه ويساري
اسمع الصوت بمتنها.والجدي اقدم اعتذاري
مابيه حيل افزع الها تشتعل ماتطفه ناري
انضرعيالي سبايا تمشي مابين الضواري

مابيه افل الحبل..ويطكها عمده النذل
زادت عليه المحن ..من دم جرت دمعتي

....................


احترك وامشي برزيه.يشتعل كلبي بهضمهم
روحي تناطر رقيه..عمتي تنوح الحرمهم
مااحرس انه بديه...روحي وعيوني تلمهم حرمه ويتامه وارامل بالغرب مامش زلمهم

كساع اعاين طفل..مشدوده روحه بحبل
دولبني غدر الزمن ..من دم جرت دمعتي


///////////



والشمر صاح بشماته چـا وين اخــــوها الكفل
من سمع هاي العباره وهوه اعله رمحه زعل
مو ينضرلچـن اخوچن فـــوگ الرمح ما نزل
شو چنه تارك خـــــواته مـا ضن بعد بيه امل

وينك يخويه صحت. بشدة بعدكم طحت
ريت العيون انعمن من دم جرت دمعتي



///////////



شدو ادين الفـواطـم ياريته هذا بحلم
ويگول اتركوها زينب ومن عـدها اريد انتقم
ضبو حديد اعله اديه اتولاني ضـرب وشـتـم
وبحيله ضبها اعـلـه چـفي ينضر الي ويبتسم


من چفي دمي جره      شاهد يخويه شجره

الطحنو اضلوعك طحن     من دم جرت دمعتي
//////////__________________________
ابتسام العبودي .نساءلكم الدعاء 🙏🙏


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات للزهراء ع لسان حال زينب ع

❥❥ـــــــــــــ❁❂❁ـــــــــــــ❥❥

لحكـت نــعـش امي وتعذروني
ويــاج يـمــه شـو مـــا خذوني
صــحت بهيـده وياهه دتانوني
{ الجنــازه // شالوهـه بسرعه}

❥❥ـــــــــــــ❁❂❁ـــــــــــــ❥❥

شالوهـه ومشو واجذب والونه
شخــص الوالده ومنين اجيبنه
ياحيــف زمــن يحبيبه طشرنه
{ وماردناه // إفــراكـــج يمـه}

❥❥ـــــــــــــ❁❂❁ـــــــــــــ❥❥

ماردنــه الفــراك يعذب الكلوب
نـصبـر والصبـر يـايمه جندوب
بفراكج تره حته الكلب متعوب
{ وافراكج هدم // نص حيلي}

❥❥ـــــــــــــ❁❂❁ـــــــــــــ❥❥

اطب للدار ضلمه وتعمي لعيون
وعنج يــم هـلا الخطار يبجون
شكللهـم لو اجو يمه وينشدون
{ ينشدونـي // جاوين امغربه}

❥❥ـــــــــــــ❁❂❁ـــــــــــــ❥❥

بعــد هيهات امــي لو ترد للدار
خـلتـنـي عليله والكلـب محتار
يحبيبه تـره بيـه الزمــان اندار
{ ومن ايدي // بـاكــاج الموت}

❥❥ـــــــــــــ❁❂❁ـــــــــــــ❥❥


تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

https://tttttt.me/joinchat/AAAAAE7LQi7kM4Pwswz_Vg

اشترك بالقناة واتطلع على ما كل هو جديد

لطميه للسيده معصومه ع
_
تون. بهداي اخت السمته الگوم
البخريسان مات وشاف. الهموم
_________
البخريسان مات وحسرته بگلبه
ون عله الاخت والظلت بغربه
مايدري الكريمه عينهه الدربه

المهضومه. تون بهداي
_=====________
المهضومه تون الحگ الونتهه
مشتاگه تشوفك هاي،رادتهه
ظلت ياوسف. معلوله حسرتته


گلوله اليوم اخته///;; تريده
=====__________
گلوله تريده وخله. يلحگههه
بحظنات الاخوه تريد يشبگهه
حگهه من. تنوح اعليه اي حگهه

اتون عليهه ////تريده الوالي
_==_=======
تريده وبالگلب حسره عله فراگه
ماتدري الرضا چاشنهو العاگه
يانار الفراك شلون حراگه

حراگه نارك /////ياخويه

_______ئ
حراگه يخويه وحيل هدتني
لون تدري،الليالي ضيم راوتني
مثل الزاجيه وعمتي،خلتني

ظيم المر عليهن. ////مرني،وهداني


_====_________
تمت بقلمي ام حسين المحمداويه لااجيز مسح الاسم شرعا

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه ثقيله لزهراء ع

ودعتني / الجانت بعز الهوه
ودعتني / بدنيه مابيها ضوء

ياحنان الكون كله
كلبي بغيابج تسله
ودعتني ودعتني
..........
وداع امي صعب والروح سلاها
وخذت كل الحنان وراح وياها
ضلمه الدنيا صارت بعد عيناها
المثلج يالحنينه وين انه الكاها

راحت ايام المحنه
والحزن عاشرني جنه

ودعتني ودعتني
..............
الحزن قرر يضل وياي كل عمري
من يوم النوه عالرحيل ضعن امي
من كالت وداعا عاشرت همي
كلت هذا يدنيه من العمر سهمي

كالت الله وياج زينب
والكلب نيران عطب

ودعتني ودعتني
...........
من كالت يزينب كومي ودعيني
كمت ليها ودمعتي صبت بعيني
صحت يمه عالهونج لا تخليني
يانبع الحنان وياج حمليني

روحي ماتحمل غيابج
عني لاتسدين بابج

ودعتني ودعتني
..........
علي باب المحنه لا تسدينه
يضل البيت مظلم من تهجرينه
تدرين اليتم يازهره ياذينه
حسين ايضل حزين ودمعته بعينه

وداعج الهدم كيانه
يمه اولادج حزانه

ودعتني ودعتني
.............
صدك حان الوداع وفلت العشره
وبعد ماينسمع حس امي الزهره
الله وياج يمه وبالكلب جمره
انكسر كلبي عليج وبعد شيجبره

خلي اعيونج عليه
كبل لاتدنه المنيه

ودعتني ودعتني

✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطمية الجزء الاول

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه للزهراء عليهآ السلام
لســان زيــنــب عليها السلام

❥❥ـــــــــــــ❁❂❁ـــــــــــــ❥❥

كلش عزيزه ام الحسن
مــا يـنحـمـل فـركاهـه

❥❥ـــــــــــــ❁❂❁ـــــــــــــ❥❥

كـلـش عـزيـزه الوالده
للمـوت جـنــة رايـــده
اعلـه الـكبـر متواعـده
وســفـه الـباب طكاهه

❥❥ـــــــــــــ❁❂❁ـــــــــــــ❥❥

وبــيتــهه إضـلــم يون
جاوين شالت ام حسن
والـــدار خـلـتهه بحزن
خـلــوني اروح ويــاهه

❥❥ـــــــــــــ❁❂❁ـــــــــــــ❥❥

فــركـاهه مـوت روحي
جــانــت دوه لجروحي
لا مــا ابــطــل نـــوحي
ويـــن الـمــوت وداهـه

❥❥ـــــــــــــ❁❂❁ـــــــــــــ❥❥

ريـــض يـحفـــار الكبر
والـضلــع منهه منكسر
مــاله طـبيــب وينجبر
وسفه الـــرمل غاطاهه

❥❥ـــــــــــــ❁❂❁ـــــــــــــ❥❥


طفـت اشموع اسنيـني
واعله ام حسـن وديني
ابــجــي واون خلـينـي
ومــنــي بعجل شالاهه

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة أساسية بحق مولاتنا فاطمة الزهراء ع
عن لسان مولاتنا زينب ع وهي تصف محنة امها فاطمة الزهراء ع


امي جنه انوصفت بعفه وحجاب
يا المها وماتت بعز الشباب
امي حلوه اوصافها
ايه محد شافها
يا المها وماتت بعز الشباب
🎤🎤🎤🎤🎤🎤🎤🎤🎤🎤🎤🎤
احتار بيها الوصف امي معدله
امي يا قرأن محد رتله
ياهو مثل امي يفسرالمسأله
امي نعمه امن السماء
طيبه متروسه وفاء
ياالمها وماتت بعز الشباب
🎤🎤🎤🎤🎤🎤🎤🎤🎤🎤🎤🎤
احتارت بنار وضلعها وبالجنين
من عصرها الباب اذاها اللعين
صبرت وغير الله مارادت معين
حيل اذاها الالم
بس بقت تاج وعلم
ياالمها وماتت بعز الشباب
🎤🎤🎤🎤🎤🎤🎤🎤🎤🎤🎤🎤
نارها بكلبي سريه وماطفت
عيني من شالت الزهرة ولاغفت
الضلع يوجع روحها وماهودت
رغم كل شي اتحملت
شكثر امي اتألمت
يا المها وشالت بعز الشباب
🎤🎤🎤🎤🎤🎤🎤🎤🎤🎤🎤🎤
السطره توجع عينها ومحني الضلع
ومن تون كلبي احس بيه ينشلع
روحي تطلع لو جرى بخدها الدمع
امي حيل اتمحنت
دموعها بحركه جرت
يا المها و ماتت بعز الشباب
🎤🎤🎤🎤🎤🎤🎤🎤🎤🎤🎤🎤
بقلم الشاعرة ام كرار الساعدي
غير بريء الذمة



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه للسيده الزهراء عليها السلام
===========

مكسورة ظلع . ماتت العلويه

مخسوف الصدر والعين مدميه

===========

مكسورة ظلع ماتت المهيوبه

مهظومه وتون بلصدر مصيوبه

الزهره بياذنب جابيش مطلوبه

راحت للكبر بلعين مضروبه

ومالومه .. والعين مورمه

🙅🏼‍♀🙅🏼‍♀🙅🏼‍♀🙅🏼‍♀🙅🏼‍♀

من اصحاب السقيفه شنهي حصلنه

حتى من الامامه مارعو حَقّنه

حرمونه زجيتنه وتفاركنه

وحرمونه .. منج يايمه

🙅🏼‍♀🙅🏼‍♀🙅🏼‍♀🙅🏼‍♀🙅🏼‍♀

رحتي محسره يم عشرت الحلوه

سكته البيت صوتج يمه ماهوّه

ياجلمة اليمّه للكلب سلوه

وفكدناها .. ياجلمة يمه

🙅🏼‍♀🙅🏼‍♀🙅🏼‍♀🙅🏼‍♀🙅🏼‍♀

ظلمه ومحزنه ياتكتل الغرفه

حدر الكاع وسفه عينج وتغفه

يمه غيبتج يم الحسن كلفه

مانهواه .. البيت خلافج

🙅🏼‍♀🙅🏼‍♀🙅🏼‍♀🙅🏼‍♀🙅🏼‍♀

ما نحمل فراكج يمه تدريني

شيردج عليه يابعد عيني

طالت غيبتج يمته تلاكيني

وين الكاها .. يلعافتنه

🙅🏼‍♀🙅🏼‍♀🙅🏼‍♀🙅🏼‍♀🙅🏼‍♀

وحشه الدار يمه انتي مو بيها

عيالج بلمناحه لاتخليها

لو بتج انهظمت من يشجيها

وشجايه .. جيتج يايمه

===========
خادمة ال البيت الحجيه ام علي البصره


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

بسم الله الرحمن الرحيم
#قصيده_لاستشهاد_فاطمه_الزهراء_ع_
✍كلمات خادمة أهل البيت(ع) المُلا{قـدوتـــي الزهــــراء(؏)}
☆☆☆☆☆☆☆☆☆☆☆☆☆☆☆
يمه وينِچ يروحي فدوه حاجيني
انــه بنتِچ يـيــــــمه لاتــــــخليني
يمہه وينــــِـچ ارده اشمـِـچ
ـ♥ــ♥ــ♥ــ♥ــ♥ـ
البيت خالي ييمه وانه حزنـــــــانه
من اصد للدار يمــه وابـقه حيــرانه
ارسومچ الحلوه يبضعه مفارگه انه
بنت رسول الله وزهرته شلون ذبلانه
منو يزگيــــِـچ بعد واليـِــچ
يمہه ويـنــِــچ ارده اشمـِـچ
ـ♥ــ♥ــ♥ــ♥ــ♥ـ
من بعد عين النبي هلعده شتمـــوچ
بالسوط وسفه يمه شلون ضربــوچ
اباب الدار فاطم ويـــلي عصـــروچ
وببنج المحسن يزهره هما فجعـوچ
وگع ابنـــــِــچ زاد هـمـــِــچ
يمہه ويـنــِــچ ارده اشمـِـچ
ـ♥ــ♥ــ♥ــ♥ــ♥ـ
وگع لمحسن اخيي بعصرة البــــاب
وبالبسمار وسفه يمه صدرج انصاب
لوصحتي حامي الجار كلــها ترتاب
وذو لــفِـقـار بيـــــــده هلعده تـهاب
علي يمـــــِــچ ابن عمــــِـچ
يمہه وينـــِــچ ارده اشمــِچ
ـ♥ــ♥ــ♥ــ♥ــ♥ـ

تدرين بيه اعله العهد وهو ماخــان
لون ناديتي يحيدر يمحي لكــــوان
هذه وصيت لمصطفى موياهو لجان
گله يحيدر هلزمن بالزهره خــــوان
سال دمعـــِــچ ويه دمـــِــچ
يمہه وينـــِــچ ارده اشمـِـچ
ـ♥ــ♥ــ♥ــ♥ــ♥ـ
يمه فدوه ردي امتانيج لحســــــين
ولحسن ينعه ينوح وتــجري لعــين
وام كلثوم وانه انـــــزيد الونـــــين
من بعد امنه نظل كلنه محزنـــــين
انصيح بسمِچ ردنه حبــِـچ
يمہه ويـنـــِـچ ارده اشمـِـچ
ـ♥ــ♥ــ♥ــ♥ــ♥ـ
تمت بحمد الله بقلم الخادمه قـدوتـــي الزهــــراء(؏)
*اجيز لـ اخــــوه الراواديد ان لايذكروا اسمي
❌لااجيز حذف الاسم شرعاً ❌
والله ولي التوفيق


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

https://tttttt.me/joinchat/AAAAAE7LQi7kM4Pwswz_Vg
إلى أصحاب المبيعات

اشترك بالقناة واتطلع على ما كل هو جديد

لطميه لزهراء ع عن لسان حال زينب ع

يايمه احن الملكاج
ضيعتج اوين الكاج
وياج يمه اخذيني وياج يمه اخذيني
............

يايمه منج مشبعت
يالرايحه وعفتيني
وياج اريدن موتتي
يايمه فدو اخذيني
مكدر ييمه الفركتج
وكت العصر مريني

يوميه بالباب انعاج
يايمه احن الملكاج
وياج يمه احذيني
.........
بالباب اضل امناطره
بلكن تعود عليه
وانحب ودمعاتي تصب
وانتضر منج جيه
تهمل ادموعي عالوجن
يم الحسن يوميه

ماريد عمري بلياج
يايمه احن الملكاج
وياج يمه خذيني وياج يمه خذيني
............
يوميه اكعد عالدرب
وحسراتج ايكتلني
عالباب طارشها يجي
وام الوصل فكدتني
يايمه الفراك شكثر
يالفركتج هدتني

يالوالده وارد انعاج
يايمه احن الملكاج
وياج يمه اخذيني وياج يمه اخذيني
.........
يايمه ردي الخاطري
ومسحي الدمع بعيوني
حبيبه واريدن شوفتج
ومنها العده حرموني
وياج اريد اكضي العمر
خابت يزهره ضنوني

يالماشبعت من ارباج
يايمه احن الملكاج

وياج يمه خذيني /وياج يمه خذيني
............
امنين اجتني فركتج
ماحاسبه ليها احساب
يوميه ابجي بالنزل
واكعد يزهره عالباب
بلياج وحشه دنيتي
ومابيها يايمه احباب

ليمت اتسامر وياج
يايمه احن الملكاج

وياج يمه اخذيني وياج يمه خذيني

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطمية الجزء الاول

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده فزاعيه للوالده

يالخذيت الوالده
دخيل بس خليها
.............
خلي ليه الوالده
روحي ليها رايده
نار گلبي گايده
فدوه ونحاچيها
...........
فدوه اريد وياها
مكدر بلياها
دوم اضل انعاها
امي ما اجازيها
...........
يمه لتخليني
بالهضم تدريني
منهو اليداريني
عيني يمه اعميها
.........
لعمي عيني لفركتج
يمه صعبه غيبتچ
روحي يمه فدوتچ
عذيبي يا طاريها
..........
ريت كبلچ موتتي
انتي يمه دنيتي
حبيبه سمعي ونتي
ونتي سمعيها
............
ليچ يا شفجه العتب
يمه يا ريع الگلب
والدمع مني يصب
روحي فدوه اغديها
............
الشاعرة الحاجه ام حسين العسكري:


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لسان حال مولاتنا زينب ع
وزن شيعتي
--------------

لا تخليني وتروح
روحي ماتحمل جروح

خويه هد حيلي الوداع
ريت روحي اطمها كاع.

اه ياعباس اه ياعباس
〰️〰️〰️〰️〰️
من مشيت انصاب كلبي .ولدمع غرك عيوني
يطاوعك عباس كلبك تجفه وتغيب اضنوني
خويه بغيابك اموت وابد ماتغمض اجفوني

خويه هد حيلي الوداع
ريت روحي طمها كاع
اه ياعباس اه ياعباس
〰️〰️〰️〰️〰️〰️
وين رايح ياولينه اختك بديره غريبه
خاف ماترجع يغالي الراح مني وشيجيبه
ادري بيك تروح خويه والمحب يفگد حبيبه

خويه هد حيلي الوداع
ريت روحي اطمها كاع

اه ياعباس اه ياعباس
〰️〰️〰️〰️
انته يلدكيت صدرك كتلي لحضه ماعوفج
اني عباس الشفيه واني حاميه الضعونج
اني يا زينب كفيلج وانه من شايل حمولج

خويه هد حيلي الوداع
ريت روحي طمها كاع
اه ياعباساه ياعباس
〰️〰️〰️〰️〰️〰️

الروح ما تحمل الفركه والاخوه غالي على اخته
تضل روحي بانتضاره اني للشدات ردته
كون وافتني المنيه . وريت روحي وياه ميته

خويه هد حيلي الوداع
ريت روحي طمها كاع
اه ياعباس اه ياعباس
〰️〰️〰️〰️〰️〰️
جنك تكول الوداع . نضرت عيونك عمتني
بهذا توديعك يا غالي المصايب هل لفتني
الكلب.مصيوب وينادي ولمصايب دوهنتني

خويه هد حيلي الوداع
ريت روحه اطمها كاع

اه ياعباس اه يا عباس
〰️〰️〰️〰️〰️

تمت بقلم خادمة اهل البيت الشاعره ام نادين المحمداوي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده ثكيله للسيده الزهراءعليها السلام


يمه يمه /زغيره عفتيني وحيده
يمه يمه /وصرتي عن عيني بعيده

يمه يلكلج حنان
غاسي وياج الزمان

يمه يمه يمه يمه

يلرحلتي / كمت ادور مالكيتج
يلرحلتي /للكبر يمه عتنيتج
يلرحلتي/ خالي ومظلم يبتج
يلرحلتي /شفتي بنيتج يريتج

الدنيا بغيابج صفت
ظلمه وعينج غفت

يمه يمه يمه يمه


ودعيتي /الدنيا يايمه ومشيتي
ودعيتي /حالي يصعب مادريتي
ودعيتي /نمتي ابسرعه وغفيتي
ودعيتي /ليش بلفركه رضيتي

صعبه توجع قصتج
حيل تكتل ونتج

يمه يمه يمه يمه

يلمشيتي / غيبتج صعبه عليه
يلمشيتي / ردي يايمه الزجيه
يلمشيتي/شلتي ورحتي من اديه
يلمشيتي /وين كعدات المسيه

راحت وياج اليالي
الدنيه ماخلتلي غالي

يمه يمه يمه يمه

مادريتي /طفله حسيت بيتم
مادريتي /حسين بعدج بلهضم
مادريتي/ بروحتج زاد الالم
مادريتي/كلبي مكسور الجم

صعبه يايمه الحيات
اتمنئ وياج الممات

يمه يمه يمه يمه

فاركيتج /راح وياج الصبر
فاركيتج /يوجعج يمه الكسر
فاركيتج /بعد ماريد العمر
فاركيتج /رحتي عني للكبر

ظلمه بغيابج بعد
نمتي بتراب الحد

يمه يمه يمه يمه


الشاعره خادمة السيده الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيك يازهراء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه باسم مولاتي الزهراء
وايضا للفواتح


المعدلات وين يردن حملن

بروحتهن ترى ادموعي يهلن
〰️〰️〰️〰️〰️〰️〰️〰️
لا تشيلن يانصب يامعدلات
بودي الحك ضعنج ولضعن فات
ترى حيلي يايمه اليوم هل مات
ردي ويانه البيت اضلم
〰️〰️〰️〰️〰️〰️
بجينه اليوم كلنه للحنينات
مالوم الكلب فاكد الزينات
مكابل ولطم سونه نوبات
شيعوه بت العياله
〰️〰️〰️〰️〰️〰️〰️
تسوين البيارغ ولعرضات
اهلج روج عالي للمروات
ولخايف يلوذ وعدهم يبات
اربات الباشه المهيوبه
〰️〰️〰️〰️〰️〰️
اودي اعتاب الجن يا الجليلات
صدك نمتن يايمه بلمضلمات
مترجع بعد العشره هيهات
العشره وياهن خربانه
〰️〰️〰️〰️〰️
العيد اكبل يايمه اريد الحبيبات
يمن جنتن غطه النه وخيمات
اضل بغيابجن اهمل الدمعات

وزانه البين عليهن
〰️〰️〰️〰️〰️〰️✍🏻
بقلمي الفقير خادمه البتول المله ولشاعره ام نادين المحمداويه

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه مهداة للزهراء عليها السلام
=========

ياجلمة اليُمه

بعد ننساها

من مشت امّي خذتها وياها

=========

جلمة اليُمه الحلو طرواها

بلغريريه ادفنتها وياها

راحت اليايمه وين الكاها

وطرواها / يامحله اليُمه

🌴🌴🖤🌴🌴

اليُمه راحت من مشت لرض الغري

امنتها هناك يمك ياعلي

يوم راحت احس راحو كل هلي

ومهظومه / يايمه خلافج

🌴🌴🖤🌴🌴

وسفه حدر الكاع يم خد الترف

عليج دمعي يلحنينه مايكف

يمه من فركاج دم كلبي نزف

من اجروحي / وينزفن دم

🌴🌴🖤🌴🌴

بكلبي الحسرات يمه وجرن

مثل نار الباب بكليبي دون

عليج ليل انهار مابطلت اون

ودمعاتي / مابطلن يجرن

🌴🌴🖤🌴🌴

بعد ماترجع بعد كعداتنه

جنها خنجر من تمر صفناتنه

يكطع بروحي الحجي وجلماتنه

شينساها / جلماتج يمه

🌴🌴🖤🌴🌴

بعد ننسه ايامنه ذيج المضت

مثل شمعه ضاويه وهسه نطفت

ويه امنه الزاجيه العشره كضت

وخلصانه / عشرتنه وياهن

=========
خادمة ال البيت الحجيه ام علي البصره


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw