https://youtu.be/0fzkpEjYZAQ

مكتوبه بالوصف اشترك بالقناة ضع لايك

*قصيدة للمشاية*
❥❥ـــــــــــــ❁❂❁❂❁❂❁ـــــــــــــ❥❥
لحسين الذبيح وصاحب الراية
كل عام اليمرنة انروح مشاية
❥❥ـــــــــــــ❁❂❁❂❁❂❁ـــــــــــــ❥❥
نتعنة مشي بالاربعينية
للي منذبح ماشارب امية
نصرخ ياحسين بصرخة شيعية
عالهامة ندگ جيناك عناية
❥❥ـــــــــــــ❁❂❁❂❁❂❁ـــــــــــــ❥❥
عالهامة ندگ وانصيح يالعطشان
وماننسى اخية مگطع الذرعان
نواسيها العقيلة والگلب حزنان
ماصارت مثل هالفاجعة هاية
❥❥ـــــــــــــ❁❂❁❂❁❂❁ـــــــــــــ❥❥
مصيبتكم يهد الحيل ذكراها
صابتة الگلب والروح اذاها
بكل عام اليمرنة لوحييناها
اعليك ارواحنة تتعذب اهواية
❥❥ـــــــــــــ❁❂❁❂❁❂❁ـــــــــــــ❥❥
يااكبر جرح بگلوب احبابك
اذانة وفجعنة سيدي امصابك
هذا اليوم اجينة انقبل اترابك
نجددلك عهدنة ونبقى وفاية
❥❥ـــــــــــــ❁❂❁❂❁❂❁ـــــــــــــ❥❥
وفاية الك وانسيل دمعتنة
ولاخر نفس يحسين صرختنة
نطلب بالحشر مولاي تحضرنة
تشفع لليگصدك هذي الغاية
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي لدخول الشام..

لسان حال السيده زينب ع
وصلنه الخرابه اليوم بالشام
هلكنه من التعب والمشي جدام
واطفال اتلوع ماترظى تنام
*
وينكم يااهلنه تلكونه
والسجاد مو راحن عيونه
والكيد عنه يفكونه
*
خرابه وتراب وذاري
لابيه سكف لافي ظوري
ابجى على اخواتي ليل ونهاري
*
الشام معيده وادك بالطبول
سونه المناحه عليكم فصول
وين اهلنه صفو تربات الفحول
**
يزيد يتفرج علينه
ويكلي اخوج وينه
يحاجيني جي غايب ولينه

وفوك ظيمي رقيه جملتنى
وماكو مغسله الساعدتني
ماتت اليوم وفاجعتنى

لحك علينه خويه ياحسين
انا ويني وين الدواوين
ويشوفني سؤد المتنين
*
بالديوان الروس بالطشت كبالي
صحت اه انهظلي يا والي
وشوف عيالك وحالي

زهره يمه....ماريد خوه بالتواسيل
اريد اليجيني بغير تعطيل
وعليه عينه مانامت اليل

اريد لاخو اليفزعلي بساع
مسرع يجيني ويطوى الكاع
ويكول هذا انا فزاع..يمه ونيني كله على اهل زينب ونيني..

ام محمد الهاشميه
لايجوز حذف لاسم ذمه رجاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه الزينب ع والحزن

صار الحزن عشره وياي
لا عافني و لا عفته

من يوم ودعة الروح
يم الولي وفاركته

صار الحزن عشره اوياي
.............
ياناس انه والحزن صرنه اثنين
ومبادل انه اوياه بدموع العين
ساعه عتب ساعه اجرن بونين
وياي مامل عشرته صار اسنين

ضعن امي من ودعته
لاعافني ولاعفته

صار الحزن عشره وياي
.............
من ودعت اغلى الخلك رافكني
عاهدت روحي اوماابطل حزني
كلما اجن رد ابسهم صوبني
صواباته حيل مأثره اوتوجعني

بس الدهر عاتبته
لاعافني ولاعفته

صار الحزن عشره وياي
.............
عاتبت دهري والحزن مو يمه
هذا رفيجي وكلبي يدري بهمه
كلما يريد ايروح روحي اتلمه
تتذكر احباب الكبل ملتمه

الحزني الهظم سولفته
لاعافني ولاعفته

صار الحزن عشره وياي
.............
اكعد واسولف والحزن يبرالي
ضل يمي من يوم التركت الوالي
انه ابجي واحزان الدهر تنعالي
عاشرني واصار ابمجان الغالي

من يومه ماتيهته
لاعافني ولاعفته

صار الحزن عشره اوياي
............
لمن مشيت وعفت كل اخواني
بعد الحزن للموت ماعافاني
وصار القب والاسم من احزاني
ام الحزن باسمه الدهر سماني

هذا الاسم شايلته
لاعافني ولاعفته

صار الحزن عشره اوياي

✍ام زينب كربلاء غير مبري الذمه من ياخذ الكلام وينسبه له او يحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

الى يتيمه الحسين مولاتي رقيه
وحال زينب ....ع


اه يلشام هد حيلي وعماني
بيه ماتت رقيه منين اجاني
〰️〰️〰️〰️〰️〰️

اودي عتاب للنامو وخلاوني
حرمه محيره وشلون عافوني
على طول الدرب بس يجرن عيوني

صدك غافي الولي جنه ونساني
〰️〰️〰️〰️〰️〰️〰️〰️
اليوم الفاجعه حلت عليه
رقيه اليوم اجت ليه المنيه
اصيح بصوت وين اهل الحميه
شلون اليوم عذبني ولفاني
〰️〰️〰️〰️〰️〰️〰️

ماتت بلغر ب تبجي رقيه
تون ونه باثر ونه شجيه
تصيح بصوت فكو حبل اديه

صعب يايومه ولله عماني
〰️〰️〰️〰️
خلونه بخرابه وتبجي العيون
مورمات وزرك من عدنه المتون
وين اهل الحميه ما يكومون

الشمر بينه يتمرجل وهضماني
〰️〰️〰️〰️〰️
حشمنه البطل حداي الاضعون
عدوانك يكرهونه ويعيلون
ياعمله رقيه بجت الكون
تون وتصيح ابويه ماجاني
〰️〰️〰️〰️〰️〰️〰️
وين اهل الشيم ماتت رقيه
بنص الليل راحت من اديه
اون ولطم عليه وحيل مابيه

بهل المرجله خاين زماني

〰️〰️〰️〰️〰️
✍🏻بقلمي خادمه البتول المله ولشاعره ام نادين زينب المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي بحق الاربعين


حسبت اليالي ليله ليله
وحتى الدليل انهدم حيله
همي كثر جا من يشيله


اربعين ليله ايام وحساب
احسب لحد ما هل كلب ذاب
وجرح الفراك ولا ابد طاب



ينزف دمه يا جرح الفراك
ما يلتحم لو ينفض اشواك
وياثوب الاسود بس علي لاك


الحزن والهم عاشريته
والدمع عالشالوا جريته
يفراكم ما حسبيته


اجيت بهضم ومحمله هموم
يكون اليفارك يا خلك يوم
يمرد دليلي فراكهم دوم


بقلم الشاعرة أم كرار الساعدي
غير مبري الذمه من يحذف اسم الشاعر


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

:
لطميه ثقيله الرقيه ع

زغيرونه بعدج عالحزن اه يارقيه
ماتعرف المثلج تون اه يارقيه

انتي شنهي ويالعذاب اتحملتي
سوط يوجع يارقيه اتجرعيتي

مهظومه وعيونج عمن اه يارقيه
زغيرونه بعدج عالحزن اه يارقيه
..............

صرتي تنعين/الليل كله بالخرابه
صرتي تنعين/اه يحسين وامصابه
صرتي تنعين/ بويه ياكلبي واعذابه

الفواطم لو نعيتي وياج صاحن
من يسمعنج رقيه عليج ناحن

تشابهين اويم حسن اه يارقيه
زغيرونه بعدج عالحزن اه يارقيه
..........
الزهره تبجي / وبنت بيت احزانها
الزهره تبجي /والحزن عنوانها
الزهره تبجي / وناحلات ابدانها

هيه سوط بعينها وكسرت بضلها
هيه مثلج مانشف ساعه دمعها

وعله ابوها من تحن اه يارقيه
زغيره بعدج عالحزن اه يارقيه

...........
نحر شفتي / هيه ماشافت نحر
نحر شفتي / وكطع جفين الكمر
نحر شفتي / وحبل شداه الشمر

الزهره بحضان الولي جرت بالانفاس
وانتي مابين العده ومتي عله الراس

بحالج اسوه الزمن اه يارقيه
زغيرونه بعدج عالحزن اه يارقيه
.........
من نظرتي /ضيم وهموم ومصايب
من نظرتي /يسر ونحور وخرايب
من نظرتي / والدج فوك الترايب

همه خمسه الي بجو حد المنيه
انتي سادس انه احسبج يارقيه

التمن عليج المحن اه يارقيه
زغيرونه بعدج عالحزن اه يارقيه
..........
من بجيتي / انتحبت املاك السمه
من بجيتي / وياج تبجي فاطمه
من بجيتي /طشت شاهدتي ودمه

يامصابج يوم شفتي نحر ابوج
بالطشت جابو الراس اوعذبوج

دموعج بهمج جرن اه يارقيه
زغيرونه بعدج عالحزن اه يارقيه

✍ام زينب كربلاء غير مبري الذمه من ياخذ الكلام وينسبه له او يحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

شدة طور فائزي للحسن المجتبى ع
————————————————-
للحسن ننحب هلمسة وننصب عزية
ونعازي خوانة وهلة وأمة الزجية

ننصب عزية للحسن وانوح هليوم
من سممو جبدة وتكطع ذبة بدموم
يم كترة ينحب من اجة حسين مهموم
من شاف اخية بهل وضع عينة جرية

شحالها اختة من اجت وصاحت احاه
يومك يبو محمد عسن مايجي وردناه
يل جنت هيبتنة وسند ماريد فركاه
يل بيك ريحة فاطمة وعودي ونبيه

اولادة وي رملة وبناتة تنحب اعليه
مسموم ياسودة علية وحيل ما بيه
مدو ارجولة اخوتة وتسبل ايديه
وفاظت الروح الطاهرة بهاي المسية

شيعوه وبعز وفخر هذا ابن الإكرام
لن العدة فوك النعش شو ذبو إسهام
ماقبلو ايجاور نبينة خير الازلام
تالي اندفن بارض البقيع الفرقدية

ريت احظر لقبرك واسوي مجلس هناك
وابجي واون لمصيبتك مولاية وانعاك
ياشبل حيدر ياشهم للشدة ردناك
كل حاجة بس اندب عليك تحلها الية

ارثي يمولانة الك ممنونة وانحب
بجاه من ضَل عَل ثرة عاري ومخضب
تحظرني ساعات الوحش وبقبري لو طب
وبيوم ماعندي حمة التفت لية
—————————————————
بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده حيدريه للسيده عفيفه ع
===========

شنهي الاسباب عفيفه

شنهي الاسباب

الدمع سجاب عفيفه

الدمع سجاب

راح لحسين الحنين
وكل اخوته الطاهرين

الدمع سجاب عفيفه شنهي الاسباب

===========

ذبحو حسين وبقه فوك الثرى

والدمه الطاهر على الرمله جرة

ياعفيفه روحي دوري خنصره

وخذي وياج العذب
روي جبده الملتهب

الدمع سجاب عفيفه شنهي الاسباب

😭😭😭😭😭

راح اخوج حسين برض الطف تره

وضلت اجفوف الكرامه مشمره

والشباب وياه كلها مطبره

حتى عبدالله الرضيع
كلش الموقف فضيع

الدمع سجاب عفيفه شنهي الاسباب

😭😭😭😭😭

زينب اختج راحت اوي الظالمين

تبجي وتنادي حبيبي ياحسين

الشمر يضربها وتشكف بليدين

والعليل امزنجليه
من الدمه تنزف اديه

الدمع سجاب عفيفه شنهي الاسباب

😭😭😭😭😭

بيدج اميه الحرم شربيهم

اسره اجوج اليوم اتلكيهم

علحسين وعلكمر نشديهم

وين عباس الكمر
والجفوف بياكتر

الدمع سجاب عفيفه شنهي الاسباب

😭😭😭😭😭

ويه زينب كومي نصبيه العزه

علبكه مطروح برضج كربلا

وني وي زينب اواسي العايله

تذبحو كلهم هلج
مابكه واحد الج

الدمع سجاب عفيفه شنهي الاسباب

===========
خادمة ال البيت الحجيه ام علي البصره
غير مبري الذمه من يحذف اسم الحجيه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*((القصيدة من ديوان📚مسير الفواطم لإرض المظالم الجزء الرابع))*
*قصيدة لرقيه عليها السلام(عمه يا رقيه)*
❥━──➸➽❥❂❥━──➸➽❥❂
نص الليل تبچين عمه يارقيه
ابوج حسين مذبوح ضل بالغاضريه
حاجيني شتريدين ... هلي واهلج بعيدين
مايدرون عنج مهضومه وسبيه
❥━──➸➽❥❂❥━──➸➽❥❂
ما يدرون عنچ مهظومه وتونين
وتگولين اريدن ابوي الغالي الحسين
اريد اليوم اشوفه واكحل بشوفته العين
ابوچ ابشوگ ردتيه… والمدمع هملتيه
وانه اشلون بيه عمه يا رقيه
❥━──➸➽❥❂❥━──➸➽❥❂
انه شلون بيه فگدت اهلي والاخوان
ضاعو من اديه كل اخواني الاحنان
ما يتحمل فراگ ‌گلبي حيل تعبان
تعب گلبي ولا هاد ... واهلي عني بعاد
واحملت الاذيه عمه يا رقيه
❥━──➸➽❥❂❥━──➸➽❥❂
حملت اهواي لوعات والالام ومصايب
يعمه وانتي وياي شفتيهه العجايب
زغيره وما تحملين كل هاي النوايب
طفلة ومايرحموچ… كلساع ويضربوچ
واعليچ شبديه عمه يارقيه
❥━──➸➽❥❂❥━──➸➽❥❂
تگللها يعمه عليچ انه شبيدي
ريت الذبحو حسين حزولي وريدي
ورقيه تبچي وتگول اريد اليلزم ايدي
اريده الوالي الحسين ... ما ابطل من الونين
خل يحظر اليه عمه يا رقيه
❥━──➸➽❥❂❥━──➸➽❥❂
جابو راس ابوها وحطو بين اديهه
لگته الوالي مذبوح وما جاوب عليهه
لفظت اخر انفاس من شافت وليهه
شالتهه العقيله ... والمدمع تسيله
ياعظم الرزيه عمه يا رقيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه لرقيه : بطور الشوط الكربلائي
_______
يالعندك علم بالصار رقيه اعله النحر ماتت
شافت منحرك يحسين ويابويه بحزن صاحت
............

صاحت والفواطم هاي صاحت ويه صحيتها
يخويه وعلت الصرخات اه يحسين صرختها
من ونت رقيه عليك ماكدرن يسكتنها
واختك من عذاب الشام نحيله وروحها راحت
.............

يخويه من سمعها يزيد صاح بصوت لعوانه
خبروني اشجره والصار كالوا طفله حلمانه
هاي التون بت حسين وعمتها الحزنانه
كال اخذوا الطشت ليهه وعينه من الحقد غارت
.............

جابوا منحر المظلوم ورقيه تلكته بلهفه
حط الطشت بيه الراس ورقيه كعدت بصفه
لمن شافته مذبوح صاحت يا الف وسفه
من صاحت يبويه حسين وياهه الحرم ناحت
...........

شبكت منحرك وتصيح بويه حسين حاجيني
ياهو الي كطع راسك كلي يا نظر عيني
من شفت النحر مذبوح كطع كل شراييني
بويه بيا ذنب يحسين دماك عالارض سالت

............

حطت راسه وتصيح بويه اوتشهك الانفاس
وزينب تندب الخوان وساعه تلطم على الراس
من ماتت رقيه اتكول ياهو ايجيب لي العباس
طاحت فوك نحر حسين وركبتها عليه مالت


✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للسيده،رقيه،،ع،،

بعدج يعمه ازغيره
بصدرج تذوب العبره
من شفتي ابوج المذبوح
والخيل داست صدره
@@@@@@@@@@@@@@@@

عمه الدرب صعب عليج
من عنده ورمن رجليج
وسوط العده اماثر بيج
وفراك ابوج اماذيج
عمه يارقيه ......... اخذوج العده سبيه

وگلبي صاير جمره
بصدرج تذوب العبره


كلبج يعمه ذايب
وزغيره على النوايب
وشفتي هوايه مصايب
وراحت كل الحبايب
عمه تعبني نوحج.....اعلى والدج وخوتج

والرجعته منتظره
بصدرج تذوب العبره


عمه ظليتي بالنوح
اعلى والدج المذبوح
وعلى الثرى ظل مطروح
وكلبي علي كله جروح

عمه حزوله منحره.....وكطعوله اصبع خنصره
وظليت بي متحيره
بصدرج تذوب العبره


بهيده اشويه لاتونين
اذيتي ابوج الحسين
ميت ويهل دمع العين
وعنه اسرى ماشين
ونج رقيه اذاني.....وزيد عليه احزاني

ومصاب ابوج اشكبره
بصدرج تذوب العبره


طفله انتي يارقيه
اخذوج العده سبيه
وجينه من الغاضريه
وحبل بيدج وديه
وطبينه المجلس يزيد.....والنفس بيه ترديد
بنت النبي متاسره
بصدرج تذوب العبره

مشينه وصحت آيحسين
بنتك ضربوهه ملاعين
طفله وتهل دمع العين
واثر السوط بمتنين
ونار الخيم مستعره......نمشي وجوته الجمره.

وينج يمه يازهره
بصدرج تذوب العبره


✍بقلم خادمة اهل البيت عليهم السلام
(ام مصطفى الاسدي )
اسالكم الدعاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه سريعه حول الاربعين


كرونه ما تعطلنه كلنه انروح مشايه


نمشي الزينب الحره
اجت بت فاطمه الزهره
تعبانه وتجر حسره
*يمهه اتريد نعايه*


ام عون اتريدنه وياها
يم كبور ولياها
ننصب تعزيه احذاها
*انون الصاحب الرايه*


تنصب اربعينيه
يم المشرعه هيه
من ونت العلويه
*مشت يم المسنايه*


وعل شبان ونتهه
شعلت هيه شمعتهه
بل دم ليش حنتهه
*ابد ما صايره هايه*


وين انصارنه صاحت
يمهم بل عجل راحت
لطمت راسهه وطاحت
*وين الكبل وفايه*


يم عبدلله راحتله
عمه زغير تكله
خالي المهد ونتله
*جابت امه عنايه*


يم ابن امهه واليهه
تلطم حيل مابيهه
انروح ودمعه نجريهه
*اتكله الاخو تجايه*


شنهي كرونه تمنعنه
مانمشي ابمواكبنه
هناك ام عون نطرتنه
*انروح و الهه وفايه*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

شاركوا الرابط للأجر والثواب ليصل إلى أكبر عدد ممكن قصائد خاصة للنساء 👇👇👇

https://tttttt.me/joinchat/AAAAAELdvGssZMurwfLsJA

قصيدة بحق الحسين ع والمشايه والوباء

نموت لو ماكو السنه مشايه
نزور كبر حسين هاي الغايه


شلون ماننصب مواكبنه ونجي
ما نزور حسين لا هذا حجي
نموت اذا مانلطم ونشبع بجي
واحنه كل يوم اليمر بقرايه



كلشي انطه حسين وحنه مقصرين
الك فدوه ارواحنه ها ياحسين
نبقى طول العمر عالخط سائرين
زحوف نتعناك نرفع رايه


هاي ياكارونه وانت اجمل فرض
يالعفت دمك يسيل اعله الارض
مايهمنه اليحجي طول وبالعرض
شيعتك تعرفنه الك وفايه



تدري مفطومين نشتم تربتك
نموت اذا منشوف والله كبتك
يالمتت عطشان خيل السحكتك
الخاطر الشيعه رضيت بهايه


شلون اذا مانمشي ونهل الدمع
ونلطم بحركه عليه نكسر ضلع
صار حبك فرض بينه ونطبع
وداعت الجود التبده ومايه



بقلم الشاعرة أم كرار الساعدي

غير مبري الذمه من يحذف اسم الشاعر

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه الدخول الشام عن لسان حال زينب ع

شلون الشام اطبنه يعباس
وذباحك اشوفنه يعباس

والله حيرتي حيره
وضعي صعب تفسيره
ماتلحك يبو الغيره
عهدي اليوم اريدنه
.........
اريد العهد من العندك
ركب ياسبع زندك
انه اليوم رايدتك
تهد لشام يمجنه

............
عتا بي اليوم وديته
وذاك الجف تنخيته
ضعني شلون خليته
وحكي اليوم اطلبنه
...........
ريتك تنظر الحالي
جابو منحر الوالي
وحطه يالاخو اكبالي
وانه بعيني اصدنه
..........
روحي اليوم مكواها
ثنايه حسين طكاها
سكينه اتصيح خلاها
عمي امنين اجيبنه


✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

( لطميه للسيدة رقيه ع ) ج 10

يـــا بويــه صحـت وحيـــل مـــا بيـــه
انـــــا عزيـــزتـــــــــك انــــــا رقيـــه
يـــا بويــه صحـت وحيـــل مـــا بيـــه
****
خــــــــذو مني التراچي واضربـــوني
والنــــــوب بحبــــــل شـــو چتفـــوني
ومـــــن ابچي واصيــــــحً يشتمـــوني
طحـت عالگاع بويـــه وانــــا مسبيـــة
****
يـــا بويـه العــــدو مـــا رحـــم حـــالي
شسولفلـــــــــك يـــا بويـــه بالجـــرالي
زغيـــره وخايفـــه وراســـــك گبـــالي
يضربني العـــــدو چــي انـــا علويـــه
****
تشگــف عمتي مـــــن الضـــرب عني
جسمي ازرگ يـــا بويــه وكثـــر وني
احـــــا يــــا الوكـــــــت بيكـــم فجعني
مــــا خلــــو عبايــــه وثــــوب عليـــه
****
وصلنـــه للخرابـــة وشفــــت راســـك
اشــم عطـرك يابــــه ويـــه وانفاســـك
ويــــــن الزهللـــــــه وذيـــــچ ناســـك
اگعـــــد لي يـــا بويـــــــه انـــا رقيـــه
****
مــــا اريـــــد العمــــــر بويـــه بليـــاك
هــلا براســـك يا بويــه الروح تفـــداك
اخذنــــه للحــرب كــل احنـــــه ويـــاك
هــــاي روحتـــــك روحــــت افراگيـــه.

ام محمد الهاشميه لايجوز حذف لاسم ذمه رجاء ذمه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه الو مولاتي السيده خوله بنت الحسين تنقره بعده اطوار

لطميه ثكيله

لخوله اليوم قدمنه حوائجنه
بت حسين يلكلجن تعرفنه
///////////////////////////

اجينه المجلسج يلبت الامجاد
معروفه وعطيتج بيه المراد
انحلفج بلكضوه موته بلاوهاد
تفرحين الندب وليندبج عونه
/////////////////////////////
كصديتج ياخوله بمجلس حسين
مهضومه ودمعتي تلالي بلعين
وانتي ام الكرم وام البراهين
اليوم انصيح مولاتي تحضرينه
/////// ///////////////////

هاي الناس اجت تندب يعلويه
بينه اهواي محتاجين ذريه
وعدانه امراض وريدج تشافيه
احفضي اولدنه اريديج ينشميه
بت حسين مولاتي تحضرينه
///////////////////////////
نمشيى عليج عمج صاحب الرايه
ذاك الطاح جفه على المسنايه
اهلج سند انه اهنا يعلويه
تفرحين اليندبج ماتردينه
//////////////////////////
ما نسسه مصابج وانتي ميسوره
كضاج الضيم وايامج صدك مره
تطشر ياشملكم ونهدم سوره
بت احيود تستاهل تعازينه
/////////////////// ///////
✍🏻بقلمي الفقير ام نادين خادمه البتول


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*قصيدة نخوه لرقيه عليها السلام(امرادنه نريده)*
*القصيدة من ديوان 📚 مسير الفواطم لارض المظالم الجزء٤*
❥━──➸➽❥❂❥━──➸➽❥❂
منچ يا رقيه امرادنه نريده
نحلفچ بالذبيح وحزت وريده
❥━──➸➽❥❂❥━──➸➽❥❂
جينه لمجلسچ والدمعه هلينه
وصحنه بجاه ابوچ اليوم حضرينه
الطالب حاجته انتِ التفرحينه
خايب مايرد المد الچ ايده
❥━──➸➽❥❂❥━──➸➽❥❂
زغيرونه ووگفتچ كلش چبيره
المهموم ونخاچ وطايح بحيره
بس يذكر ابوچ وصاحب الغيره
يحصل عاليريده وماهي ابعيده
❥━──➸➽❥❂❥━──➸➽❥❂
ماهي ابعيده عنچ انتِ معروفه
باب الحاجه صرتي الوادم اطوفه
بالطيبه وكرم والجود معروفه
نظره بجاه ابوچ الضامي ووليده
❥━──➸➽❥❂❥━──➸➽❥❂
نظره بجاه ابوچ وعمتچ الحره
اجينالچ نون و بالگلب جمره
بوسط صدورنه متكسره العبره
عدنه شگد حوائج كلفه واشديده
❥━──➸➽❥❂❥━──➸➽❥❂
حاجات شكثر صعبه وطلبناها
و منچ يا رقيه اليوم ردناها
مافاد الطبيب العله شافاها
بس انتِ المريض ادواچ اليفيده
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم:🍃*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/Z1_jNkhliDw
توجد مكتوبه بالوصف اشترك بالقناة ضع لايك للفيديو