،، ﷽.قصائد محرم( 2020)
ابو ذيات🏴

رجيف الكلب وعيوني تراين
وعكلي من رحت خويه تراين
اخبرك بالهظم يمك تراين
بناتك وستمع ونت رقية

داي الشوك يامظلوم ويداي
الهظم قيدن الي الرجلين ويداي
مثل نار الخيم بالروح ويداي
تشب داخل گلب بنتك رقيه

الكلب بحزان نيرانه يشبلاه
رمش عيني لأبو الاكبر يشبلاه
تعنه ويطلب اميه يشبلاه
يكله اهناك ترويك الزجيه

اظلم كونها وغايب بدرها
وجلمات الوفة تنظح بدرها
بكَت بس لوعة الفاجد بدرها
ومن كل الاهل وحشه وخليه


وحشه الدار بفراكك. وخالي
شحط بمجان صولاتك وخالي
الي حيد الوكع بالطف وخالي
فده جفين لاجل ابن الزجيه

عله حمول الهظم روحي توازت
وي خط الالم ناري توازت
لمرار الموت بجتافي توازت
اخوتي وكل بنين الهاشمية

الدهر ماجزع من هظمي ولا راك
وبجت لجلي شجار البر ولا راك
اشلون امشي يضي عيني ولا راك
انه المتعوده اشوفك كل مسيه
❥✿•┈┈┈• • ★{★ • •┈┈┈•✿❥

تمت بعون الله تعالى*
✍🏻الشاعره مريم العبوديه اسبرة الاحزان

نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده لسيدي ومولاي علي إبن الحسين زين العابدين عليهما السلام
تقرأ بعدة اطوار


المستهل:

يالعشت عمرك مآسي وبس هموم
جفن عينك ما غمض يهمل دموم
خَلَصِت عمرك حزين
آ يزين العابدين
جفن عينك ما غمض يهمل دموم



بصحوتك واحلامك اتعيش الطفوف
تصيح بويه حسين وبقلب اللهوف
وجثته ابعينك أموذره بالسيوف

مستمر بيك الأنين
آ يزين العابدين
يالعشت عمرك مآسي وبس هموم

🌟🌟🌟🌟🌟🌟

لوَن شفت الماي تبجي وتنتحب
تذكر العطشان وجبده يلتهب
أنذبح ضامي ومرتوه من العذب

منكطع منه الوتين
آ يزين العابدين
يالعشت عمرك مآسي وبس هموم

🌟🌟🌟🌟🌟🌟

جم مصيبه الشاهِدَتَهه عينك بطف كربله
ذبح اهلك والمرض ويه سبيِ العايله
تشوف عمتك حايره بالحرم متألمه

بالحبال أمكيِدِين
آ يزين العابدين
يالعشت عمرك مآسي وبس هموم

🌟🌟🌟🌟🌟🌟

عَفَه قلبك سيدي يوم واريت الاهل
محني ظهرك جمر دمعاتك تِهِل
من بعد دفن الغوالي ما بقه عندك أمل

ارجعت تصفك بالايدين
آ يزين العابدين
يالعشت عمرك مآسي وبس هموم

🌟🌟🌟🌟🌟🌟

عين تنظر للفواطم بالقلب متوجره نار
بينهن ما بين علتك سيدي فكرك أحتار
بين شامت والشتيمه والضرب من لشرار

وشوفة الشمر اللعين
آ يزين العابدين
يالعشت عمرك مآسي وبس هموم

🌟🌟🌟🌟🌟🌟

كَظَيَت سنينك دمع كربله عايشه وياك
الحزن وي عِلِتك رافكنك من صِباك
تالي سَم المُرَد جبدك سيدي وطَفَه ضُواك

أتعَلعَلت كل السنين
آ يزين العابدين
يالعشت عمرك مآسي وبس هموم

🌟🌟🌟🌟🌟🌟


أبوذيه لمولانا زين العابدين عليه السلام

عمرك بالحزن خَلَص وراحاي
بحياتك ما شفت صحه وراحاي
كلمن ينظر الشخصه يرا حاي
عليل ومات من الغاظريه



خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي

غير مبري الذمه من يحذف الاسم أو يغيره

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للسجاد (ع)
ثگيله
(مقام المخالف)
لحن/ ياولي الله يانعم الولي



👈يوم ابو الباقر عظيم مصابه*
لجله ونت شيعته واحبابه👉

المستهل 👆👆


اليوم مالومين ونهل الدمع
اليوم كل شيعي على مصابه انفجع
ابو الباقر كسر بالامه ضلع
هذا من الله الوعد كتابه🎤


اليوم ضيعنه الفلا مثله يصح
سمموه بالسم امامي منذبح
وبگلب كل شعي خلاله جرح
ياهشام الحقد شنهو اسبابه🎤


شهلسبب تحقد وسميت الامام
شنهو ذنبه وياك ياابن اللئام
ماخفت من الله لو هذا حرام
ماخفت ربك وخفت احسابه🎤


ماخفت سميت ابن عقد الوله
حلت عليكم يخايب نازله
شنهو ذنبه وياك حته تقاتله
منزهين من العرش بكتابه🎤


الله نزهم على كل البشر
وانتو مسكنكم يظلام بصقر
صرتو للاجرام تاريخ وعبر
شتعتذر عد الله يوم احسابه🎤

___
✍لَخَآدِمَةّ أّلحسيّنِ (ع)
{{ الــ؏ـلّويــه َّسـهِــيِّــلَـهِ حـسـيِّـنِ }}

___
( غٌير مَبِريِّ أّلَذمَهِ مَنِ يِّحذّفِّ أّلَأَّّسمَ
أّو يغٌيّرهِ أّوِ يِّنِسبِ أّلَقِصيِّدِهِ لَنِفسهِ   )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نزله للسجاد ع
*****************
وحدي ياخواني ٣
ميت بأحزاني ٣
***************
أنه السجاد عافوني الاهل وحدي
ابويه بكربله واخوان ماعندي
جرحت دمعتي وكت الاجل خدي
اموت بغربتي والسم مرد جبدي
والصبر عنواني ٣
ميت باحزاني ٣
******************
انوح لكربله عمري كضيته دموع
تذوب ارويحتي من المصاب تلوع
تدوس الخيل صدره والكسر مسموع
وطيحة خنصره والخاتم المنزوع
انهضم خلاني ٣
ميت باحزاني ٣
********************
بعيوني شفت الخيام حركوهه
زينب تنسبي وبحبال كيدوهه
رقيه من التراجي كوه سلبوهه
سكنه لو بجت بالسوط طكوهه
بعلتي وحداني ٣
ميت باحزاني ٣
********************
أنه زين العباد الدفن احبابه
ابويه حسين ادفنه وعيني سجابه
ألمه بالحصيره وصحت يايابه
اموذر عالتراب وبالدمه اخضابه
منظره اذاني ٣
ميت باحزاني ٣
**********************
إدفنت بيدي الكمر عباس واخوانه
انهدم حيلي وردت ويايه عوانه
صحت عمي البطل مكطوعه ذرعانه
ماصدك اصير بيوم دفانه
هالجبل باحضاني ٣
ميت باحزاني ٣
***********************
صعب ياروحي شفت اخواني مذبوحه
الاكبر عالوطيه احسب جروحه
وعبد الله السهم اعمه واخذ روحه
ادفنهه لرقيه ابدال مرجوحه
هالدهر عاداني ٣
ميت باحزاني ٣
*************************
أم علي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه السجاد ع ج١١


وين اهلك يا عابد...خل يحظرون
يشيلون الجنازه وبيك يحدون
*
يون عالسبط يازين العباد
مكيد جامعه يا علي السجاد
وعماته سبايا وياه وبخربات
ليل نهار ييجي ومايسكتون
**
خل تحظر بني هاشم ولاعمام
تشيل الجنازه بدمع سجام
وتحدي بالنعش وتمشي جدام
اسباع واهل غيره خل يحظرون
*
مسموم لامام وويلي عليه
مكيد جامعه والحبل بيديه
وعملت كربلاء والسبي ماناسيه
ومن شأف المخيم بيه يحركون
***
كل هذا الجرى ويسمونه
وعلى فراش المنيه يخلونه
ومن يشرب المي تجري عيونه
وصلاته والمنابر يمنعونه
***
وين اهلك مشو ركابت الخيل
اسباع وبالحرب ما نامو اليل
يعازون ابنه دموعه تسيل
وعلى فكد لامام الكل يلطمون..

ام محمد الهاشميه لا يجوز حذف لاسم ذمه رجاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه لصفيه بنت الامام الحسين ع
____

بعدج بعمر الورد ليش انظلمتي
يا صفيه من الزغر لوعات شفتي

ضكتي لوعات والم / بالسبي وي الحرم
بعدج بعمر الورد ليش انضلمتي
..........

يوم سارت للسبي اضعون الغريبه
ياصفيه شاهديتي اشجم مصيبه
شفتي ابوج حسين والجثه سليبه
وكلب زينب على جره زايد نحيبه

يا مصيه شاهدت /عينج وروحج كضت
جم لوعه يابت فاطمه بيهه انصدعتي
...............

اه يا درب السبي او اه يا عذابه
يا صفيه مصيبتج فوك الخرابه
هم سمعتي حس رقيه تصيح يابه
فوك هم حسين واحزانه وامصابه


شفتي صرخات اودمع /وعمتج التحني الضلع
ويه صرخات العقيله حيل صحتي
_...........

صوت زيتب تصرخ اوما من معين
تصيح عمه والولي بعيد وطعين
والبنات وياها صاحت يا حسين
حيل صحتن كوم لينه يالحنين

ما سمعتن كل جواب / المن تودن عتاب
يا صفيه من الزلم ذيج انرعبتي
_............

وين وداج الدهر يا بت الاكرام
جن اشوفج من دخلتي الديره الشام
مجتفات على الهزل والروس جدام
والسياط اتلوح بيجن فوك الاالام

صحتي والمدمع جره/ وين سبع الكنطره
عمي الحك ورم من السوط متني
_..........


شفتي بعيونج مصايب يالحزينه
كلبج بكثر الهظم زايد ونينه
ضكتن اشكال الهظم عباس وينه
عمجن براك النهر جثه رهينه

وين زينب دفنتج / يالغريبه وعافتج
اه يا زينب جم مصيبه الي حملتي
بعدج بعمر الورد ليش انضلمتي


✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للامام السجاد عليه السلام

مسموم العليل ويجذب الونه
هدنه المصايب حيل هدنه
_
مصايب كربله ما فاركت باله
عالوساده ودمعته تسيل هماله
يبجي عالغريب وسبيت عياله
كضه عمره بمناحه ومابطل حزنه
____
حزنه ما بطل لا كطعن ادموعه
لا بطل ونينه و لا سكن روعه
وروحه من مرار البين مفجوعه
سموه العده وايلوج المجنه
_ .........
سموه العده وكطعو شرايينه
مهضوم ابو الباقر خلصن سنينه
كلنه اليوم لبن احسين ونينه
لجله اليوم منصوبه مآتمنه
____
مآتمنه عليكم دوووم منصوبه
والشيعه عالفكده اصبحت منكوبه
والدمعه عله المسموم مسجوبه
ننصب ماتمه ونهمل مدامعنه
............_
رحل مسموم والونه يجر بيها
جوت كلبه المصايب موش ناسيها
لمن كربت منيته العين يجريها
جنه ايشوف ابوه الخيل داسنه
____

✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه للامام السجاد ع

❥❥ـــــــــــــ❁❂❁ـــــــــــــ❥❥

لــطــمه تــريــد للســجاد
يــــازيــنـــب الــمحزونـه

❥❥ـــــــــــــ❁❂❁ـــــــــــــ❥❥

لــطــمــه تــريــد ويــاهـه
عـــالـشـــايـــل وخــلاهـه
رايــــح ويـــن ملــفــاهـه
وأهــــل الديــن يــردونـه

❥❥ـــــــــــــ❁❂❁ـــــــــــــ❥❥

عــالمردو جبدتـــه الكوم
ابــو البــاقر تــوفـه ليوم
حـيلــه بــأيــد وامهـدوم
يـــاوســفـــه يــفكــدونه

❥❥ـــــــــــــ❁❂❁ـــــــــــــ❥❥

شـــايـل يــاعـلي السجاد
يــــومــك لــلجــبــد مراد
حـــزنــك كــل سنه ينعاد
مــــات و غــمــض عيونه

❥❥ـــــــــــــ❁❂❁ـــــــــــــ❥❥

طــبــت كــابــلــي الحـره
تبجــي وتجـذب الحسره
واخــت حسـين متحيره
مــــا خـــافـــو يــسمونه

❥❥ـــــــــــــ❁❂❁ـــــــــــــ❥❥

وي ام عــــون عـــــوانــه
زيـــنـــب طـبــت ويانــه
عــــالــسـمـتــه عــدوانـه
عــمتــك تـــون مــرهونة

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للسيده زينب ع

يفراك النودهم يهدم الحيل
ماريض ظعنهم ماشي بليل
**************
مشو عني النودهم ماخذوني
بالاهات والونه اتركوني
شايل ياضعنهم عذبوني
************
اون لفراكهم مانايمه اليل
************
شمالك ياشهر شتريد مني
اخذت اعزاز كلبي اليوم عني
هظمات اليالي العذبني
************
مهظومه يروحي ودمعتي اتسيل
******************
خايب يالهوى خذلي رساله
يم راعي العلم راعي الكفاله
جاوين الخدر وين الجلاله
**************
ظليتوا ضحايه بلايه تغسيل
***************
مر افراكم وشسوه بيه
لاتعتب بعد خويه عليه
من ديره لديره اصفج بديه
***************
هظماني الوكت منين ماميل
***************
وين انصب عزه الخوان وابجي
وانا حرمه غريبه ولامتجي
نص اليل افز دمعي على خدي
****************&
اباري ايتام لو انعى مجاتيل
*&*****************
جاء شنهو المره وشنهو صبرهه
بس زينب الدولبهه دهرهه
طكه فوك طكه ويمرمرهه
*************
شبع هظمات كلبي بعد شيشيل
***********
من كتابي الخاص دموع الحنين للسبي والأربعين الشاعره ام رضا


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه مربعه مع هوسات الى مولاي زين العباد


.الشيعه اليوم خل تطلع عراضات

اهله اصحاب نيبه ولكلافات
〰️〰️〰️〰️〰️〰️〰️〰️

على الشيعه عزيز ابن الميامين

نون عليه هذا ابن الحسين

خل نلطم سوه وتدمعله كل عين

يشيعونه هذا ابن الهيبه
〰️〰️〰️〰️〰️〰️〰️
اللك تاريخ يشهد ولقيود اعلام

هذا ابن الصفا ولمروه علام

معصوم وينازع ابد ما نام

يابن الساده ياحيف تون
〰️〰️〰️〰️〰️
ارتجت واضلمت اليوم الاكوان
ضل يبجي عليه الانس ولجان
واليوم القدر بموتته حان

مودعينه نسل الاطهار
〰️〰️〰️〰️〰️〰️

خل نلطم على المعصوم نوبات
اهله اهل الكرم واهل المروات
مهضومه الزهره بعلمه من مات

تون عليه الزهره بعبره
〰️〰️〰️〰️〰️〰️〰️
شاف اشكال مرت يانوايب
كضت روحه وحيله اليوم ذايب
شاهدت عمته ام المصايب

يواسيه بدموع عيونه
〰️〰️〰️〰️
مسموم وتنازع يبن الحسين
يفراكك صعب بجيت كل عين
نجدد ياعزانه ايام وسنين
ماناسينه يايوم الطف
〰️〰️〰️〰️〰️

بقلمي✍🏻✍🏻خادمه البتول المله ولشاعره ام نادين زينب المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

https://youtu.be/09wwh-mfvWk

توجد مكتوبه بالوصف اشترك بالقناة تشجيعا لنا اضغط لايك للفيديو

قصيده لوفاة مولانا زين العابدين اهديها لمولاتي سكينه

**
سكينه اليوم نصبتها العزيه
مات الشاركها الغاضريه


مات الشاركها بشلت الحال
وشاركها المصاب الهد الجبال
وبدرب السبي من فوك الجمال
مكيد بالحبل سوده عليه

با لسم انكتل ابن الاجاويد
بعدهها امورمه رجليه من الكيد
واثار الحبل محفوره باليد
شاف الظيم من الناصبيه


مات ابن الرساله الجامل اهموم
ملعون الذي سمك يجيدوم
مثل اهلك تموت اليوم مظلوم
وجثتك هم بقت بالحر رميه


ياطاعم الفقره بهدوت الليل
بعدهن بيدك اثار الزناجيل
الك ونه اعله ابوك تهدم الحيل
ونتك حيل ترهب ال اميه

نواسيها اخيته التبجي غدران
بعدها تنوح ع الي مات عطشان
جمل ظيمها وزيدها احزان
مصاب الى حمل هم القضيه


ناعيه الطف
ام فاطمة الزهراء ✍🏻✍🏻✍🏻



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة بحق خوان زينب ع


خوال ابني مشوا // شالو فرد شيله
حكي لو اون /// وتحمل العيله

#####################
شالو من وكت والدار عافوها
يا عمت ولدهم ليش خلوها
وديار الغريبه حيف سكنوها
راح الجان هيبه وجان تشكيله
@@@@@@@@@@@@@@@@
تشكي شلون والوليان مفكوده
ويا ذاك الزمان الراح شيعوده
اضل محيره وبهدومي السوده
يا الشايل اخيج حك تونيله
@@@@@@@@@@@@@@@@
ما يتعوض انه شلون اعوضنه
من خال الولد الياس والضنه
يضل وني عليهم ما اكطعنه
يا همهم جبير وبعد شيشيله
@@@@@@@@@@@@@@@@
على ارجال الهيابه الليل ما نامه
هجم بيت الزمان الماضيه اسهامه
بعد شال العزيز وشالت ايامه
بعد ياهو العله همج تكليله
@@@@@@@@@@@@@@
ميال الوكت لو مال ميلاته
توجع حيل باالدلال طكاته
يا خال الولد شال من اخياته
وضلت بس دمع تهمل وتبجيله
@@@@@@@@@@@@@@@@

بقلم الشاعرة أم كرار الساعدي
غير مبري الذمه من يحذف اسم الشاعره


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده ثگيله عن لسان زينب (ع)
واهي تكلم امها الزهراء (ع)
عن راس اخيها الحسين(ع)


على وليدج ييمه سحگت الخيل
خلاني غريبه ودمعتي اتسيل

صحت يمه تعالي (((نطفه نور اليالي
نهد حيلي ييمه وماضل الحيل

🌱🌱🌱🌱🌱🌱
على واليدج ييمه سحگت اعداي
اسمعنه يگول ارووني الماي
يزهره انه الطمت ونطفت عيناي
الدنيا مگبعه بلضيم. وياي

يزهره الحال تعبان ((( اشوف حسين عطشان
بين عداي يمه ودنيتي ليل

🌱🌱🌱🌱🌱🌱

بين عداي يمه وعندي ايتام
ماعدهم رحم ياناس ضلام
عندي اطفال اخوي ورايده تنام
الشمر جاني يگول ونحدي للشام


على وليدج تصيحين ((( يزهره جن تريدين
صيحي اه يازينب اه يالعليل
🌱🌱🌱🌱🌱🌱🌱

على واليدج ييمه الگوم لمه
راسه منكطع فايض بدمه
اريد امشي ييمه وارد اشمه
تعالي وياي يازهره. ييمه


نحط الراس يمج ((( واسمعج عالي ونج
مصاب حسين يمه ضاگني الويل

🌱🌱🌱🌱🌱🌱

نحط الراس مابيني وبينج
اريد اسمع يزهره بس ونينيج
انتي الوالده ومحله حنينج
غدراج الدهر يمه. بنينج


خلوني سبيه ((( واضل اصفگ بديه
من جاني اللعين وگالي انشيل

🌱🌱🌱🌱🌱🌱


من جاني اللعين وشايل الراس
ضليت انتحب واندب. يعباس
ثاري على النهر مگطوعه الانفاس
يالگلك حميه وكلك. احساس

اخوك حسين نايم ((( حرات انه بحرايم
وتميل الايتام منين ماميل



تـــــمـت والحمـــــدللـــه
✍الشــــاعره ام حـــوراء الاسدی

واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه عزائيه زينب والشام

المستهل 👇👇👇


مشت للشام/ زينب محد اوياهه
وراس حسين فوك الرمح يبراهه


✿────↻✿...✿↺────✿
✿────↻✿...✿↺────✿

مشت للشام ميسوره اويه اعاديهه
وحارس بالضعن ماگو اليحاميهه
ونايم عالثره عباس واليهه

((مايدري بزينب/واليهه))

✿────↻✿...✿↺────✿
✿────↻✿...✿↺────✿

ميسوره مشت للشام اختكم
وياعباس گوم احرس حرمكم
وزينب ضايعه وجانت بااملكم

((زينبكم هايه /ذلوهه))

✿────↻✿...✿↺────✿
✿────↻✿...✿↺────✿

ياوسفه تذل بنت الحموله
اهلهه اسباع يالكلهم رجوله
ابو فاظل سبع فحل الفحوله

((شلون اينام /البي هيبه))

✿────↻✿...✿↺────✿
✿────↻✿...✿↺────✿

شلون ينام واخته تروح مسبيه
لومال الضعن تنخاه العلويه
يبو فاظل يخويه دلحك اعليه

((من اوكع يضرب/بمتوني))

✿────↻✿...✿↺────✿
✿────↻✿...✿↺────✿

يضربني النذل ويصيح يازينب
لا عباس يمج يعدل المرگب
ومااحمل اسياط الكوم بس انحب

((لو ابچي عليكم ضربوني ))

✿────↻✿...✿↺────✿
✿────↻✿...✿↺────✿

بقلم المله والشاعره ام علي الاماره
غير مبري الذمه اليحذف اسم الشاعره وينسب الكلام له

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لسان امير المؤمنين وهو يحاور جبل الصبر سلام الله عليهم.


زينب سولفيلي ياضوة العين
عينچ ماعمت من طاح الحسين

ءءءءء

شسوالف والسوالف ذوبن چبدي
الجرح نابت ابگلبي امخضر اويدي
محتاره أوعلي منين ابدي ماابدي
عميتي عيوني من شفتچ تلوجين

ءءءءءء

جسم اطهر سلاله ابدمه أتخضب
عمت عيني عليه ابموتته أتعذب
يون بهداي چبده امن العطش يلهب
على هونچ يزينب من تونين

ءءءءءء

أعاين عالكفل لو عن نحر دامي
لو عن اليتامى التجر بجدامي
بسواد الليل صارت معتمه أيامي
سهم نام بدليلي اوصار نصين

ءءءءءء

بگيت ابديره وحدي بناري اتچوه
رحل عني الكفيل الچان الي سلوه
تشب نار بدليلي امن اذكر الخوه
بهيده أويه البچي خافن لتعمين

ءءءءءء

يدهري براضه وي كليبي لتلچمه
خذيت الچان يرهب لو حچه الچلمه
الكفل ويه الحسين مخضب بدمه
وسفه حسين تفزعله النساوين

هناء الدراجي.


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه مربعه لهل زينب عليهم السلام
===
مافاد الحجي ما فاد العتاب شالو كل اخوتي وسدو االباب
====
ادور عالحنين الظيعاني
نايم بلحلد وانه نساني
شكثر غدار وي اهلي زماني
خلاني اون ودمعي سجاب
===
خلوني اون مناطرتهم
عافوني اومشو
ماجني اختهم
وانه بريحة امي مطالبتهم
صكدك ماينحمل يفراك الحباب
===
صعب يفراك خواني عليه
نامو بلكبر وشلون بيه
وراحت ذيج ايام الزهيه
وع غيابهم مني الكلب ذاب
===
اون الغيابهم والروح راحت
يريت الروح ماتت وستراحت
وي زينب ابد ما وحده صاحت
مشت حرمه وغريبه وي الاجناب
===
الله ايعين كلب الفاكد اخوان
وانه امفراكه ولياني الحنان
وبوسط الكلب خلولي نشيان
جرح افراكهم خزن ولاطاب
===
ابدما طاب الكلبي من ونينه
شيهيد الكلب زايد حنينه
والمفارك اخو متنام عينه
ليل انهار يبجي الفكد الطياب
===
طيبين وعليهم يحله الونين
هذوله الغربو عباس وحسين
يروحي ع الحياده زيدي الونين
ياوسفه الاخو نايم بلتراب
===
تمت بعون الله بقلم العلويه ام اسامه الموسوي شاعرة اهل
الفاتحه لروح اخي الراحل علاء الموسوي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصیده.لمولاتنا زینب(( ع)) وزن الموشح
تلحن بعدت اطوار

رکظت الصیوانها زينب تصيح
يا خـواتـي كَومن اندكَ عالذبيح

❥━──➸➽❥❂❥━──➸➽❥❂

اباب خيمتها تعاين بالجروح
للسبط ياناس بالدمعه تروح
الوداعك يالطحت ماعندي روح
ريت وياك بمماتي استريح

ركضت لصيوانها زينت تصيح
يا خواتي كَومن اندكَ عالذبيح
❥━──➸➽❥❂❥━──➸➽❥❂

تنادی یا عباس لحك یاشهم
ولچروح هواي ثلمني ثلم
وعل چمر ندوس یارعي العلم
وانه بالحسرات اركضلك واطيح

ركضت لصيوانها زينت تصيح
يا خواتي كَومن اندكَ عالذبيح
❥━──➸➽❥❂❥━──➸➽❥❂

الدنيه مو دنيه يخوي معتبره
مثل هذا الحال هم شافت مرة
طحت انته وطاح سبع الكنطرة
وهالدمع يخوان بكتاري يطيح

ركضت لصيوانها زينت تصيح
يا خواتي كَومن اندكَ عالذبيح
❥━──➸➽❥❂❥━──➸➽❥❂

وین اصدن نار تلهم بالخیم
والامان بطيحتك خويه انعدم
ناس لا رحمه ولا غيره وذمم
وادم ادوس بكلب طايح جريح

ركضت لصيوانها زينت تصيح
يا خواتي كَومن اندكَ عالذبيح
❥━──➸➽❥❂❥━──➸➽❥❂

عن الم حزني دموعي امسولفه
مهجة الاطفال بالهم نازفة
اخ ياروحي وعذاب الشافته
كلبي هالمصلوب مو مثل المسيح

ركضت لصيوانها زينت تصيح
يا خواتي كَومن اندكَ عالذبيح
❥━──➸➽❥❂❥━──➸➽❥❂

تبچي اطفالك يخوي من الذعر
كلبي هذا الحال حتمن ینکسر
صحت یاعباس ماظلي فکر
صح یاب الغوث کلساعه اصیح

ركضت لصيوانها زينت تصيح
يا خواتي كَومن اندكَ عالذبيح
❥━──➸➽❥❂❥━──➸➽❥❂

تمت بعون الله تعالى*
✍🏻الشاعره مريم العبوديه اسبرة الاحزان

نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للاربعين

على طور (يافاطمه يم الحسن)لعمار الكناني




ياسيدي ياباالحسن
والكربله طب الظعن
زينب اجت وي الحرم.. بدرب السبي شافن محن

⚡⚡⚡⚡⚡
ياابا الحسن زينب اجت..تبچي وتجر بضعونها
شبعت هظم ومن اليسر تغير شكلها ولونها
ياعلي من كثر البچي..جف الدمع بعيونها
مجتوفه بنتك بالحبل..ومورمات متونها

ياابا الحسن ...اه يالوصي
بت فاطمه... وجدهه النبي
ترضاهه بنتك تنضرب ،، ويحدي بضعنهه الاجنبي
⚡⚡⚡⚡⚡
رجعن بناتك ياعلي..من اليسر مهظومات
كوم وتلكه العايلة..يالتحضر انت الشدات
بالسبي اهواي اتعذبن.. ضاكن مراره ولوعات
من بعد كل ذاك الخدر..صارن تره مسبيات

ويلي على... ذاك الخدر
وكافلها طاح... اعله النهر
وهامته مطبوره الكفل
وتاليها يحديها الشمر
⚡⚡⚡⚡⚡
وصلن بناتك ياعلي..وايتامكم رجعوها
وظلت رقيه بالسبي..بديره غرب دفنوها
ماتت يويلي اعله النحر..براس الابو فجعوها
جابوه ياويلي بطشت..وازغيره مارحموها

ماتت غريبه بالسبي
احضرنا ياحيدر علي
بنت النبوه تنهظم ،، ومدفنها يم اﻻموي
⚡⚡⚡⚡⚡
يااباالحسن هاي الحرم..كل وحده تعنت يم گبر
زينب تكله ياعلي ...دليني ياعمه النهر
وسكنه تنادي وبالم .فگد الابو يحني الظهر
وهاي الرباب الفاكده.....
عبد الله مكطوع النحر

لو شاهدت حالتهن
من دم جرت دمعتهن
مثل الحمام المنجرح
اعله الكبر ونتهن

⚡⚡⚡⚡⚡
هاي الحرم لمن بچت..حتى الصخر ظل ينتحب
زينب تعاتب بالگمر..ترضه حرمكم تنسلب
وكلبي تره يم خيمتي..بيه الخدر ظل يلتهب
وهذا الشمر صار ازلمه..ورم متنه من الضرب

ترضاهه ياغيره علي
هايه الأميرة تنولي
تركب يويلي اعلة الهزل
وللشام تمشي بلا ولي
⚡⚡⚡⚡⚡
زينب اجت يم كل گبر..خلت الراس وعاتبت
اي يابني هاشم تره..زينب هواي تعذبت
لمن دروا محد الي..خيمكم تراهي تسلبت
ياخوتي وشاب الكلب لمن شمسكم غربت

من ظالم لظالم نروح
بكل بلده نطبهه ننوح
لكن وحگ راس الكفل
ما دكنت رغم الجروح
⚡⚡⚡⚡⚡
تمت بعون الله تعالى
✍خادمه الزهراء إم حسين الاسدي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده ثقيله للسيده رقيه عليها السلام
بطور قصيدة (خـل نستراح اهنانه)

ياعمه طاح اجــــدامي
وزادت اعـــــليه الآمي
والشمر شابعني ضرب
يشتم عــــلي ويسبنه
ومن نبجي يرد يضربنه
نرجف نضل من يقترب

  ✿┈┈••  •✦♡✦•  ••┈┈✿
الحادي خـل يوكف ياعمه بس ثواني
منــهد ذاك الـــركض من سلبولي ذاني
وانه مـــن خوفي احس سهم ورماني
ﭼماله هـــذا الـشمر بسيـــاطه ولانــي

سوط الشمر اذاني
احني الضهر خلاني
ياعمه والموقف صعب
ياعمه والموقف صعب
  ✿┈┈••  •✦♡✦•  ••┈┈✿
لحظه خل نكعد تعبنه من مشينه
شبيهم بـــــلايه ڰلب جاروا علينه
واحنه كلنه اطفال وشيطلع بدينه
ساعه لو تيـــــهنه يكتلنه بـــــﭼينه
بالحبل مو كيدونه
المن بعد ضــربونه
جاوينه وين الحرب
جاوينه وين الحرب

  ✿┈┈••  •✦♡✦•  ••┈┈✿
ورود ياعمه واذا عــــطشونه نذبل
فوك ضيم العطش محد منه يخجل
يشربون الـــــماي ﭼـــدامي بــلاول
ولوطلبــــــته منهم يخــــلوني انذل

الـــماي لامـــاريده
لو مــوتن بهالبيده
مااصير فرجه للغرب
مااصير فرجه للغرب
  ✿┈┈••  •✦♡✦•  ••┈┈✿
عـــمه لـــــتزعلين مني يالـــــحبيبه
المن اشكي ضيمي واهات المصيبه
غير الـــﭾ انتي الحرستي هالكتـيبه
وصـــرتي ام وابو النــــه يالغـــريبه
من الضرب تــحمينه
لو شمر عـــال اعلينه
تحامينه طول الدرب
تحامينه طول الدرب

  ✿┈┈••  •✦♡✦•  ••┈┈✿
عمه سالوفة قـــهر منــــي اسمعيها
وادري هاي القصه انـــتي تعـــرفيها
طفله مشـــــتاڰه لـــبوها شلون بيها
ومن تسالـﭾ ويـــنه شنهو تجاوبيها

هل لطفــــله اسمها ارقيه
تبـﭼـــي عــــليه ليـــليه
ودموعها عالخد تصب
ودموعها عالخد تصب
  ✿┈┈••  •✦♡✦•  ••┈┈✿

تجاوبيـــــها ســــافر الــــوالـد الغــــالي
وانه ٲحَسن راســــه فوك لـــرمح عالي
شـــفته اخـــر مــــره ڰلـــي يـــادلالــي
راح اروحـــن لـﭼــــن اتــــشغلين بالي

ودعـــته يوم العاشر
مگال آنـــه مـــسافر
ونوب شفته علئ الترب
ونوب شفته علئ الترب
  ✿┈┈••  •✦♡✦•  ••┈┈✿

تـםـت بـقـلـᓄ الــﺸـاﻋـره
ﺯﮪــﺭاء الـحـربــي

ونـسـال اللـه القــبول والتـوفيق
غــير مبـري الذمه من يحـذف اسـم الشـاعره


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw