قصيدة ثگيلة للنزول في كربلاء
❥❥ـــــــــــــ❁❂❁❂❁❂❁ـــــــــــــ❥❥
لمن نزلنة ابكربلة ونزلنة الظعون
گلبي انخمش يم الحسن واهملت العيون
❥❥ـــــــــــــ❁❂❁❂❁❂❁ـــــــــــــ❥❥
لمن نزلنة بكربلة جريت الونين
يايمة خفت اعلة البطل والغالي حسين
خاف الشمر باچر يحز ليه الوريدين
وانة سبية ارتحل بية يشمتون
❥❥ـــــــــــــ❁❂❁❂❁❂❁ـــــــــــــ❥❥
اتذكرچ لمن دنت ليچ المنية
گلتيلي تبدي النايبة بالغاضرية
تشوفين اخوتچ تنچتل فوگ الوطية
واحسين راسة اعلة الرماح وبي يهوسون
❥❥ـــــــــــــ❁❂❁❂❁❂❁ـــــــــــــ❥❥
نزلهن اظعوني الولي وانصب خيامي
وادريهة كلهة تحترگ مايبقة حامي
چم ساعة والغالي اشوفة يمة دامي
عالغبرة يبقى ابو علي واعليه يسحگون
❥❥ـــــــــــــ❁❂❁❂❁❂❁ـــــــــــــ❥❥
يايمة وينچ فاطمة ريتچ تجيني
بمصايب التجري عليه اتصبريني
اخواني كلهة تنذبح واهلي وبنيني
چا يمة گلبي شيحتمل ياصبري اشلون
❥❥ـــــــــــــ❁❂❁❂❁❂❁ـــــــــــــ❥❥
شنهي صبرهة العالثرة تشاهد اهلهة
دماهة تسيل ولاسند يبرة الحملهة
وكلساعة يضربهة النذل وبسوطة شلهة
ماعدهة ياگوم الكفر رحمة ويرحمون
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جديد
لاولاد مسلم بن عقيل عليهم السلام
يابو اعمامة الخضره
.....
هلي دمعتج ياعين
اولادج مشو عنج
.......
هلي الدمعه هليها
ونتج لا تكطعيها
عينج هلي جاريها
عليهم هلكثر ونج
.....
ما يبطل ابد نوحي
انتو وين يا روحي
زيدتولي اجروحي
شنهو ادواج اسئلنج
......
علتي بيش اداويها
اوناري اشلون اطفيها
وبدمعي احاجيها
كطعي امن الضنه ظنج
.......
ياهلناس عافوني
وبلوعاتي خلوني
ادور وين يعيوني
هم يضحك بعد سنج
.....
راحت فرحتي اوياهم
بعد هيهات الكاهم
زماني وين وداهم
النوح اتسربل ابحزنج
........
محزونه اوتهل عيني
عسن لا طالت اسنيني
يادنيه غدرتيني
بعد هيهات اعذرنج
.........
الحاجة ام احسان الخاقاني
5محرم الحرام1441هـ



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#فزاعيه لاولاد مسلم ع



وياذباح .... شربلي الولد ماي

ابساعة ذبحهم رفن اجلاي


............

ويا ذباح ريضلي عليهم

ومن الكيد بله فك ايديهم

تانيني خل اوصل واجيهم

واخبرنه السبع المادره بهاي

.............

اصيح بصوت ياخويه يعباس

تعال وشوف بيه اشسوت الناس

اولادي اعله النهر والكوم حراس

اريدنك تجي وتكوم وياي

...............

اريدنك تجي وتلحك عليه

كفر ضلام ما عدهم حميه

تفزع يا شهم لو ماكو جيه

اضنك ما ترد خويه يرواي

..............

حرمه لوحدي ما عندي والي

مسلم ما درئ بضيم الجرالي

اولاده بالسجن وانه الحالي

انذال الكفر ذبحوا يتاماي

..............

قبل لاتذبح الاولاد هليوم

تريد امهم تودعهم يمشؤم

ماعدهم رحم شمات هلكوم

يلجمون الكلب متقصدة اعداي .

............

تمت القصيدة بعون الله
مشتركه بين خادمات الزهراء

#الشاعره والمله زينب المالكي
الملقبه ام ادم الزهرائية 🚩

#المله والشاعره ام مريم العذراء التميمي

غير مبري الذمه من يتلاعب بلقصيدة ويحذف الاسماء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مواساة لعليله الحسين ع
كلمات✍/خادمة يعسوب الدين ام ذو الفقار ألمانيا

❃.✮:▹　◃:✮.❃❃.✮:▹　◃:✮.❃❃.✮:▹
　◃:✮.❃❃.✮:▹　◃:✮.❃

حيل اليوم.. دگي عله الوجعانه
اتصيح عمي ليش چا ماجانه
❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃

لبت حسين دگي وعلي الونه
حبايبها واجينه اليوم كل احنه
يعلويه و عليج ازنود كطعنه
صيحي بصوت اجيتج هاينحلانه
❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃
صيحي بصوت واللطمه اشتراکيه
عليله وبالنزل هالتبجي البنيه
اوياها ام البنين تصيح مابيه
تره ام عباس بالميدانه ويانه

❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃

اويانه ام البطل تلطم عالهامه
سهرانه وتصيح الليل مانامه
واعاين للعليله بروح محتامه
مريضه والحزن بيد التعبانه

❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃

تعبانه العليله اليوم ياشيعيه
تره حگ المريض انروحله اسويعه
ومن يبجي بحنان انشيله ادموعه
وياحال العليله اليوم بچانه
❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃

يبنيه ووحيده وحالتج صعبه
والعايف هله عايش تره بغربه
وبالمغرب ينوح ويذکر الصحبه
ومو حلوه الحياة ابغير عوانه

❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃

عوانه اجيتج والطم الليله
طلبناج بطلب والمدمع انسيله
شافي هالعراق وبردي ادليله
بحق اهلج نخيتج ها يحزنانه

❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃❃.✮:▹　◃:✮.❃

تمت بعون الله وتوفيقه غير مبري الذمه من يحذف الأسم ويغير في الكلمات أو ينسبه الكلام لغير شاعرة مشكول الذمه

🕊🌟اهدي عملي هذا الى صاحب العصر والزمان عجل الله فرجه صدقه جاريه لسلامته🕊🌟


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*قصيده ثگيله للعليله (ع)*
*من ديوان عبرات وأنين في رثاء الطاهرين الجزء ٢*
❥━──➸➽❥❂❥━──➸➽❥❂
*ابوي الراح مني...وافراگه هضمني*
*بعده لعمي العيون...فرگت والدي شلون*
*ابوي الراح مني*
❥━──➸➽❥❂❥━──➸➽❥❂
أبوي الراح مني واخذ كل اهلي وياه
بعد شتحمل فراگ يصعب علي فرگاه
أظل انه عليله وسط الدار و انعاه
أظل ابچي وانوحن والوالد اترجاه
الدمع غرگلي الجفون ...عليهم لعمي العيون
وفراگه هظمني... أبوي الراح مني
❥━──➸➽❥❂❥━──➸➽❥❂
الدمع غرگ جفوني وابد ما نمت ليله
وانه بالدار انوحن واهمومي ثگيله
راحو اهلي عني وخلوني عليله
اتانيهم يردون وانه روحي نحيله
ظنتكم ترجعون ...بسفرتكم تطولون
المصايب دوهنتني...أبوي الراح مني
❥━──➸➽❥❂❥━──➸➽❥❂
ظنتكم ترجعون المريضه تفروحها
وين أهل الرحم وين لابوها تودوها
زغيرة وعاشت ايام صعبه عگب أبوها
اريدنكم تردون وبتكم تاخذوها
كل ظني تعودون ... للدار وتگعدون
منكم خاب ضني...أبوي الراح مني
❥━──➸➽❥❂❥━──➸➽❥❂
اريدنكم ترجعون من الغاضرية
بگيت انه وحيده ودموعي جريه
صعب ويهدم اجبال يا هم العليه
اخافن زينب تروح وترجعلي سبيه
وسبايا من يردون ...ومورمات المتون
ومصابه كتلني...أبوي الراح مني
❥━──➸➽❥❂❥━──➸➽❥❂
شالو بالضعينه وبس انه اتركوني
عليله وحدي بالدار مريضه و تيهوني
اريد أعتب وأناشد على الي ضيعوني
طشرني زماني واهلي وفارگوني
مشو ما اضن يرجعون ...وبغيبتهم يطولون
الليالي دولبتني...أبوي الراح مني
❥━──➸➽❥❂❥━──➸➽❥❂
*بقلم 🖊خادمة الحسين*
*العلويه مريم النور*
*نسألكم الدعاء الفاتحه الى روح اختي وﻷمواتكم:*🍃


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده فزاعي
_______________

كل مجلس على المظلوم
امه حاضره ويانه،

تحضر بالمجالس دوم
وتنعي على المظلوم
من عدها الكلب مالوم
وتون اعله رضعانه

ونتها غصص وا الام
عالمذبوح والايتام
ظلو بين هالظلام
كل اطفاله عطشانه د

وجن بالكلب نارين
الله يساعد ام حسين
راوها وكتها البين
دنيه حيل خوانه ،

عالعطشان عالضامي
من عدها الدمع هامي
وللظلن بلا حامي
عالنسوان حزنانه،

خل نبجي وندك عالراس
مبجاها يشيب الراس
لجل حسين والعباس
اخيه الفكد ذرعانه ،

شيعتها ابد باقين
ونجدد مصاب حسين
ما كفينه هاي سنين
لو تمطر دمه سمانه


ناعيه خيام الطف
ام فاطمة الزهراء ✍✍

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده حيدريه
طور ويعباس طبينه الدوواين


قصيده حيدريه الى مولاي ابا الفضل العباس
تنقراء بطور ثكيل
👇👇👇👇👇👇👇

ياعباس زينب سلبوها...
مشت ويه الكفر اختك ولوها.ياعباس

〰️〰️〰️〰️〰️〰️
زينب بت علي ولشمر حاديها. ويا عباس

على الهضمه تون وحيل مابيها. وياعباس

حسافه ولوكت داير عليها.. وياعباس
〰️〰️〰️〰️〰️〰️

على الناكه بجت وتصيح ياهلي.. وياعباس
حرمه ميسره ولدمع هالي ... وياعباس
تمنيت البطل ينضر الحالي .. وياعباس
〰️〰️〰️〰️〰️〰️
جنك على الشريعه ومتجاوبني.. وياعباس
كوم انهض يخويه اليوم ركبني.. وياعباس
راحو كل اخوتي اليوم من عندني ... وياعباس

〰️〰️〰️〰️〰️〰️

رقيه تصيح عمي وينه عباس .. وياعباس

اشلون تعوفني مابين هلناس...ياعباس

امشي مجتفه ومهبطه الراس.. وياعباس
〰️〰️〰️〰️〰️
اريدك بلمحامل كون وياي
ا.. وياعباس
انته البلمحن يكون حادي .. وياعباس

اليوم من الصبح يمشون اعداي.. وياعباس

〰️〰️〰️〰️

مشينه ولعدو يحدي بضعنه .. وياعباس
بصوت نصيح عباس الكفلنه.. وياعباس
ضاع اليوم خويه كل املنه .. وياعباس

〰️〰️〰️〰️〰️〰️

بقلمي الفقير ✍🏻✍🏻✍🏻
خادمه البتول المله ولشاعره
ام نادين المحمداويه



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه نخوه لام البنين


يل عدك اهموم اتريد تحجيهه
لام عباس روح ومشي عليهه
بجفوف البطل والحاجه تكضيهه


وفيه ام البطل تحضر اليندبهه

سريعه وبالعجل معروفه حاجتهه



وفيه وبالوفه معروفه تكضيهه
اندبي ام البنين وفاتحه اقريهه
بكل شده وعسر بس كون اطلبيهه
ويا ما بل شدايد شدد كضتهه



كضتهه السوالف ماتضل هيه
بس انوي العتب تسمع البدويه
اقري الفاتحه بس الهه يوميه
وكل حاجه كفو بالضيج حلتهه


تره ام عباس هيه ونعم طرواها
ماخاب الكصدهه والتعناها
بس ينخه تجي ام عباس يلكاها
بصفه وطلبته بالايد حطتهه



نتباهه بأسمهه وفخر مولاتي
معروفه كريمه وتكضي طلباتي
اكلهه وداعتج للموت وناتي
ماتبطل لابنهه وريت سمعتهه



وحك عباس اكلهه ما ابطلنه
كل وني لابنهه ولا اعوفنه
مكطوع الجفوف ابهاي اذكرنه
وتباهت ام عون بهدت اخوتهه


ربيتي اسباع ارواح يفدوها
فدوه الزينب احنه هاي كالوها
عليج الاربعه باليوم فزعوها
تحضرين التعنه وكضي طلبتهه



*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له القصيده من ديوان طف الحوراء الجزء ٣ خاص للمسير والعليله وداع ام البنين

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نخوة للسيده حميده ع

هالليله أنخى ابدمعِتي حميده
مولاتي نظره ، محنِتي شديده


و أقسم عليچ ابمسلم ومصابه
و ابحق ذبحته وغربته وعذابه
بلغي دعائي يوصل الإجابه
و امرادي منچ بالعجل أريده


و ابحق أبو اليمه و عُظُم مقامه
بشريني بالحاجه و ردت علامه
ادعي لي بالعافْيه ، و السلامه
حفظيني من كل نازِله و مكيده


و ابحق عقيلة حيدره الحنينه
غفري لنا و اتستِري علينه
مو عادِتچ ما تترسين ايدينه
كلمن نخى انتِ ترستي ايده


حاشى تردينه و لنا مشاكل
و احنه نحلفچ بالقمر بوفاضل
رحمينه جينه وكل جسمنه ناحل
انتِ قريبه اعلينه مو بعيده


و ابحق مصابچ بالسبي وغربتچ
و ابحق حبال الطوِقت رقبتچ
شافي المراضى بالعجل طلبتچ
داوي عللهم و اختم القصيده
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
#ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه بدايتها نعي لحضور الزهراء ع بالمجالس
نعي

جن ام الحسن تومي بديها
يشيعه نادبه و علت بجيها
صيحو بالمجالس وانه بيها
يازينب وايا ذبحت وليها

نزلت الفزاعيه

وياكم بالمجالس حاضره الزهره
عونه ايريد لطم المنكطع نحره

...........
وياج محزمه بحزام ابوالغيره
تكول اتريد عونه الضلت بحيره
الحضرت بالتعازي بالها اديره
الزهره وياج عدلي ونت الحره
.............
نتكابل سوه والطمه اعدليها
دكي ولطمت العطشان شديها
الحيرها الدهر هاليوم اذكريها
اذكري امصاب اخوها وهلي العبره
.................
اذكري ابني الذبيح الرضو ضلوعه
لطمي وعاوني زينب المفجوعه
جاوين البجالي وهلت ادموعه
ينادي ياحسين وبالكلب جمره
............
احضر بالمجالس شايطه عيوني
حزام محزمه ويه اليعازوني
اكتب بالسجل يالما نسيتوني
اسجل باليعازي وكاتبه اليقره
.............

وياكم حاضره والسجل جايبته
وكل حاضر عزاي اليوم سجلته
واليلطم عله ابني بنوح كابلته
واصيحن ياغريب الكسرو صدره

✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيــده ليوم العاشر

شمسويه الضهر يحسين
مــاتقبــل شـمسنه تغيب


شمسويه الضهاري البيك
يبــن امي اجيت انعيــك
من شمس الضهر اشكيك
وبكلبي انــزرع هـالشيب


غــيـبي يــاشمس عـنهـم
تــره ذبـــلــت مناحــرهم
شــوفــي شنو اليوجعهم
روحـي عنهم شكد عيب


رحــمي حـال ابو الاكبــر
صــدره بخيلهه اتكــســر
واليفــجــع تــره المنـحـر
بالكت من جروحه يطيب


بلـكـت لــو تغيـــب اليوم
ترحـــم حــالــه المضـلوم
حيــله امن الذبح مهدوم
مــثله ابــد لا مـــا نجيب


خــل يلفــــي علينه اليل
بس ليـــوم كلـــنه نشيل
والمنـــضر يهــد الحيــل
اكعد خــــويه يا هنديب


تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي
صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الطميله ثكيله للسيده العليله عليها السلام


هاياروحي ...ماخذ خواني ورقيه
هاياروحي...ماشي لارض الغاضريه

والضعن بعيوني شفته
و للسفر ناوي عرفته

هاياروحي هاياروحي

بويه يحسين...خلي ضعنك لاتبعده
بويه يحسين...كلبي بغيابك تمرده
بويه يحسين...بكربله و للموت حده
بويه يحسين...لخاطري المحمل ترده

روحي نحلانه وحزينه
كلبي مايهده ونينه

هاياروحي هاياروحي

كل حياتي ... شلون انساكم ياهلنه
كل حياتي ... ابقه اكضيها بلونه
كل حياتي ... ثوب الاسود البسنه
كل حياتي ... بعد وين الكه المحنه

خذوني وياكم عليله
والدمع من عيني اسيله

هاياروحي هاياروحي

من بعدكم ...ظلمه يوحش هلنزل
من بعدكم... ابعيد واركض علهزل
من بعدكم ... اتزيد يابويه العلل
من بعدكم ...يثكل ايزود الحمل

بويه تانوني بضعنكم
طفله عفتوني بنزلكم

هاياروحي هاياروحي

دمعتي بعيني ...اصرخ ابجي بحسرتي
دمعتي بعيني ...بنيه تصعب محنتي
دمعتي بعيني ... مشت زينب عمتي
دمعتي بعيني... سافروا عني خوتي

حملن امي وخواتي
صعبه صارت ياحياتي

هاياروحي هاياروحي

شلون عفتوني ... كاعده وانطر وتاني
شلون عفتوني ...كمت احسب بلثواني
شلون عفتوني ... والمرض كلش بلاني
شلون عفتوني ...حسين ماكولن نساني

حافيه واركض وراكم
بويه عفتوني شجاكم

هاياروحي هاياروحي


الشاعره خادمة السيده الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيك يازهراء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة للسيدة فاطمة العليلة عليها السلام
*
اعاتبكم ودمع العين سچاب
رضيتوا شلون بالفرگه يالاحباب
اعاتبكم يمن رحتوا ومشيتوا
وبحال العليله ما دريتوا
بعدكم لا حله عيشي ولا طاب
رضيتوا شلون بالفرگه يالاحباب
...
سؤال ابالي كل لحظه اعيده
شغل فكري وجوابه اليوم اريده
ٱنه شسويت عفتوني وحيده
شنو ذنبي واظل عنكم بعيده
فرگتكم هلي تصعب عليه
وآنه زغيره ولا احمل اذيه
اسألكم واريد اليوم الجواب
رضيتوا شلون بالفرگه يالاحباب
*
ثگيل فراگم ماليه حيله
وحسرة گلبي ما تخلص طويله
ويله من الهجر دلالي ويله
عافوني ولا چني عليله
عليله الروح بغياب التحبهم
تريد تروح ما تندل دربهم
اظل امناطره وعيني عله الباب
رضيتوا شلون بالفرگه يالاحباب
*
بت حسين أنه وضايع دلالي
الصبر بفراگم ون اعله حالي
حلالي النوح بالفرگه حلالي
وحشه خلاف احبابي الليالي
ادور وينكم يهل الحميه
ولا واحد سمعني ورد عليه
الهجر مو من عوايدكم يالاطياب
رضيتوا شلون بالفرگه يالاحباب
*
اعاتبكم يمن كل روحي بيكم
واتمنه لون هالساعه اجيكم
المريض ايطيب لو بس يعتنيكم
عليله يا هلي مدولي اديكم
تطيب الروح لو رديتوا الهه
يهنيال التعيش ابين اهلهه
هنياله اليشم من عدكم تراب
رضيتوا شلون بالفرگه يالاحباب
*
أتنفس واشم ريحة عطركم
وعله حيطان گلبي ارسم صوركم
احبكم يا هلي اي والله احبكم
واعاتب بلكت اعتابي وصلكم
تحبكم روحي يالتدرون بيهه
عجببه ما وصل يمكم بچيهه
ظلمه سنيني صارت والعمر ذاب
رضيتوا شلون بالفرگه يالاحباب
*
احس بالكون مختل كل نظامه
ليلي بلا ضوه ولا له علامه
بعدكم دهري صوبني بسهامه
ولا راحه تصح لي ولا سلامه
ليل نهار ما يبرد غليلي
أنه الراحوا هلي وهدولي حيلي
خافن لو طحت تفزعلي الاجناب
رضيتوا شلون بالفرگه يالاحباب
***
بقلمي / الشاعرة نسيم كربلاء



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لسفير الحسين مسلم بن عقيل عليه السلام
.
بكل جداره .. نال مرتبة الصداره
بكل جداره .. صار للشيعه مناره
لو ردت للعز دليل
زور مسلم بن عقيل
...
يالتدور عالشرف والعز والايثار
اقره بالتاريخ واتمعن بالاخبار
شوف ثورة كربله ثورة الاحرار
خالده وما تنمحي شما هالزمن دار
ثورة الحق والضمير
عينت مسلم سفير
اختاره ابو السجاد يا محله اختياره
بكل جداره نال مرتبة السفاره
...
اقره عن مسلم يهل گاصد تزوره
المواقف واضحه الجسدهه دوره
بصفحة النهضه الحسينيه حضوره
هناك سطرهه الملاحم صوره صوره
صورة ايمان او ولاء
وتضحيه ومنهج عطاء
هالمعاني اذكرهه من تقره الزياره
بكل جداره نال مرتبة السفاره
...
ما تردد لحظه من اختار دربه
رغم مو سهله مهمته وحيل صعبه
راد يثبت بالولاء والطاعه حبه
واليطيع حسين يعني يطيع ربه
واجب وعنده يقين
يطيع امام المتقين
واليطيعه باجر يحصل بشاره
بكل جداره نال مرتبة السفاره
...
راح للكوفه وشرح منهج امامه
حسين راد اصلاح للأمه بقيامه
لكن اهل الغدر ما تعرف سلامه
ما رعت شرع الله لا حله وحرامه
خانته وتبعت يزيد
وانكتب مسلم شهيد
ويا دمائه لثورة حسين الشراره
بكل جداره نال مرتبة السفاره
...
نكثوا البيعه الفلا عدهم حميه
وقابلوا احسان مسلم باﻻذيه
اقره عنه وعن بطولاته الأبيه
واحسب اشكم مسلم تريد القضيه
تعيش بينه بكل زمان
كربله وبكل مكان
وهل قضيه الما يعيش الهه خساره
بكل جداره نال مرتبة السفاره

.. الشاعرة نسيم كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده الاولاد مسلم ابن عقيل


اه يبزري الضاع مني اه يدكت كربلا
زينب تنادي ييمه والمدامع هاملا
☆☆☆☆☆☆

اه يبزري الضاع مني اه يميلات الدهر
اه يانار الصبايه الذبحوهه بهل شهر
اه ياعباس شفته صار جتلك عالنهر
زينب تنادي يوسفه والمدامع هاملا
☆☆☆☆☆☆


زينب تنادي يوسفه شلون ضيعت الولد
شلون من ضاعو جنيني ليش اخيي ماكعد
شلون طاهر بعد عني منهو اليجيبه بعد
زينب تنادي الفركتك والكلب مني سله
☆☆☆☆☆☆



زينب تنادي الفركتك ذاب يايمه الكلب
شلون ماينفطر كلبي ونومه اخوتي بالحرب
شلون والله وخلص صبري راح ادور يادرب
زينب تنادي ييمه يمه يابعد البله
☆☆☆☆☆☆


زينب تنادي ييمه شجان صبري يابشر
شجان صبري الفكد جاسم الوعلي جنه كمر
الواشوف زنود اخوتي الكطعوهن عالنهر
الواسكت هاليتامه صرخيه ماله فله
☆☆☆☆☆☆


الواسكت هاليتامه كلبي مايحمل صبر
انه عفت اخواني والله امشي واسحك عالجمر
ايتام راحو من ايديه انطي وجهي وين افر
صحت ياعملت زماني وتيهتني بالفلا
☆☆☆☆☆☆

:
تـــــمـت والحمـــــدللـــه
✍الشــــاعره ام حـــوراء الاسدی

واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================

الشاعرة✒ ام حوراء الاسدي
غیر مبری الذمه من یمسح اسم الشاعرة



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جديد
ونه
لاولاد مسلم عليهم السلام
.......
اسمع ونه بالمجلس
جنها ونة الزهره
......
ونه اونعي ونحيبه
ونة لوعه ومصيبه
ماهي ونه اغريبه
ونه فاطمه او زينب الحوره
.......
ونه حزن مسموعه
صدر امكسره اظلوعه
ونة حزن مصدوعه
اصنها ونة الي كسرو صدره
......
ونه من جبد مسموم
ونة عمهم المظلوم
ونه من كلب مالوم
اظن الحسن متألم يهل عبره
.....
ونه علجره والصار
ونة حيدر الكرار
عله احفاده ابكلبه النار
حيدر علي ياناس اشكثر صبره
......
ونت امهم ارقيه
تنادي حيل مابيه
جثث اطفالي مرميه
اوروحي اتحوم علشاطي اوتجر حسره
......
ونت زينب اوصاحت
ويه امهم اظن راحت
ادموع اعيونها ساحت
يخويه اتحيرت شفتك على الغبره
......
يخويه اتحيرت يحسين
وكلبي منجسم نصين
حرت انطي الوجه لاوين
كلبي منكسر منهو الذي ايجبره
.......
الحاجة ام احسان الخاقاني
3محرم الحرام 1442هـ


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه لشجاعة مسلم ع

هله بوالد حميده وهله بهداته
الكوفه سجلت تاريخ وكفاته
...........
الكوفه سجلت تاريخ عنوانه
سبع وبصولته تحتار عدوانه
حاربها ودوت بالكلب نيرانه

دخان وكبر بعيونه
.........

يالوالدحميده الماثنه بسيفه
بالعدوان كام ايوزع بكيفه
طشر بركاب وبيها اخذ حيفه

وعيون حسين اله افنيها

.......
قسم بعيون ابوالسجاد يفنيها
واركاب الزلم بسيف كص بيها
تغرك بدموم اليوم اخليها

اتصيح ادخيلك خلاها
.......
ابوطاهر تصيح الغوث خلاها
ماهمه الجيوش بيوم لاكاها
واركاب الزلم ياحيد كصاها

صكرها جيوش البالحومه
.....
ابوطاهر سبع وبزود حييله
ونات الشجاع اليوم ونيله
يستاهل سفير حسين هوسيله

صكرها وتحلاله الهوسه


✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لحميده بنت مسلم



المسلم حميده تنوح
وظلت تبجي البنيه
___
تبجي تريد والدها
عزيز وغيره ماعدها
وبجيته واعدها
وجيته عنت اعليه
___

يعمي حسين مسلم وين
مشتاگه وتريده العين
واحنه بالدرب ماشين
وماشفته رجع ليه
____
يعمي تمسح براسي
اخاف اتخيب احساسي
وبعيونك اللي تواسي
وبين اليتم بيه _

___
گلي اصاير بمسلم
گلبي اعليه يتألم
اخافن مايرد سالم
ومحد ينشد اعليه
__
گلي اصار بالكوفه
وابويه خاف ماشوفه
صعبه صارت اضروفه
وتغدر بي بني اميه
___
مفجوعه اعله ابوها اتنوح
وبفراكه گضت الروح
ومسلم مابعد بي روح
راح ومارجع ليه

✍بقلم خادمة اهل البيت عليهم السلام
ام، مصطفى. الاسدي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه بحق الاهل ومولاتي العليله

ولله دنيه بعد ت احبابي من اديه
شلون محنه ابجي ولدمعه جريه


كلبي انصاب

بفكد الاحباب

ليش راحو من اديه
〰️〰️〰️〰️


ياوكت ليش النحبهم ضيعونه
الف ياحيف واسف من فاركونه

عليهم يون الكلب شو مايجونه
اه ياهلي الغربو وعذبونه


كلبي انصاب

ماردو اجواب
ليش راحو من اديه

〰️〰️〰️〰️〰️〰️〰️


نبجي خلونه اهلنه وسافرو

من وكت حملو عنه وماجو
ابجي ياعين بدمه للهاجرو
ليش جافين المحب وحملو

كلبي انصاب

بين الاجناب

ليش راحو من اديه

〰️〰️〰️〰️


اه ياسدت بابهم العذبتني

مضلم البيت بهجرهم موتاني

ليش طارش من اهلنه ماجاني
واني بس هجر هضم دهري ولاني
كلبي انصاب

سدو الباب

ليش راحو من اديه

〰️〰️〰️〰️〰️〰️

يتمونه من وكت ليش النحبهم

اه ياهلي التطشر كل شملهم

صارت بعيده المسافه وماشفتهم

بعد ما ضنهم يجون وضيعتهم


كلبي انصاب
ياهو ء الهاب

ليش راحو من اديه

〰️〰️〰️〰️〰️〰️

كون اندلكم واجيكم ليش ماشين

شكثر تانيت بدربكم ودممعت العين

من وكت عني مشيتو يلمحبين

ليش ضيعتو املنه وتعب الاسنين

كلبي انصاب
اه يغياب

ليش راحو من اديه
〰️〰️〰️〰️

عشنه بمحنه وهضم احنه وراهم
ولله جرحونه ومشو اه ياجفاهم

صاير بعيد الدرب وبعد سماهم
اضن خط عتابنه ماوصل ليهم

كلبي انصاب
ا
ضلعي انعاب

ليش راحو من اديه

〰️〰️〰️〰️

بقلمي الفقير ✍🏻✍🏻

ام نادين المحمدوويه



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747