طور خطار اجاني ياهله ابجيته للمشايه

......
مشايه اجيت اودمعتي ابعيني
طول الدرب احجي او يحسيني
كلبي سبكني اشتاك للملكه
واجدامي تركض رايده اتلحكه
ابعيني
.....
ابعيني احسيني
مشايه اجيك اتشيلني احلامي
انته الشفته
بحلامي نايم علترب دامي
امشي وامشي
محله المشي اتكلي اجدامي
صعبه اوعجبه
هلخفه مملاحضها بايامي
شوكي لبو اليمه الي قواني
لحسين رايح شايل احزاني
بحسين روحي حيل متعلكه
واجدامي تركض رايده اتلحكه
ابعيني
.....
دربه انحبه
منه تعلمنه الشرع والدين
نهجه انهجه
كلحنه ابدربه نظل ماشين
منه اوعنه
اتعلمنه درب الحق يمثله احسين
نهواه وياه
انصاره احنه ابكل وكت وبحين
هيهات ننسنه احسين وشحدنه
تتبره منه الروح تنبذنه
الينسه الحسين اوراقه محتركه
اجدامي تركض رايده اتلحكه
ابعيني
.......
عقلي ايكلي
اتمنه اكحل عيني بترابه
روحي اجروحي
اتكول اشفه امنوصل البابه
اوكلبي يربي
مشتاق شوقه يلثم اعتابه
اسمي رسمي
سجلني يا حبيب باحبابه
سجلني من زوار ابو اليمه
وانطيني نفحة عطره اشتمه
طول الدرب اشتم مسك علگه
اجدامي تركض رايده اتلحكه
ابعيني
.....
الماي وياي
انظره اوجذب حسره اوونه
محروم مظلوم
عطشان ظامي انحرم منه
دمعه اوضلعه
انحنه من الاكبر اله اتعنه
ايطلبه شربه
الماي كله امنين اجيبنه
حالي مثل حالك يضي عيني
بعدك عسن لاطالت اسنيني
درب الشهاده كلنه انسلكه
اجدامي تركض رايده اتلحكه
ابعيني
.......
اذكرته اونته
من طفله عبدالله اجاه ظامي
ناغاه حباه
ابمنحره اوشاف المنحر الدامي
ربي اشذنبي
طفلي انذبح بيديه جدامي
غطاه وانطاه
الزينب اودمعه عالطفل هامي
اشذنبه الطفل فطموه بالنبله
اصغير اشذنبه السهم سددله
زينب اتكله خويه شتلكه
اجدامي تركض رايده اتلحكه
ابعيني
........
الحاجة ام احسان الخاقاني
كتبت في14 صفر 1440 هـ
لطفا لاتحذف اسم الشاعرة

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الاربعين


فزاعيه مع هوسه

✍✍✍✍✍✍✍✍✍✍✍


زينبهم اجت شوماتلكوهااا

بين اجناب ليش تروح خلوها



🧿🧿🧿🧿🧿🧿🧿🧿🧿


اجت زينب ومدمعها على الوجنات

تهل عيونها و تتسايح العبراات

وين العالشريعه وبالمعاره مات

(((أتلكوني شوماكو اخوان ))





🧿🧿🧿🧿🧿🧿🧿🧿🧿

شومحد تلكاني وهله كلي

ويمنه يالحنينه يالاخت ضلي

يشيلونه الي اهل الشيم حملي

(((يعدلونه محملها الحره )))




🧿🧿🧿🧿🧿🧿🧿🧿🧿


حسبالي من اطبن كربلا الكاهم

واحجي الضيم كله واكعد اخذاهم

واتسامر واسمع كل حجاياهم

(((يصبروني عالصار بحالي ))))



🧿🧿🧿🧿🧿🧿🧿🧿🧿🧿🧿


يصبروني على ضيم السده عليه

رديت وركبتي اليوم محنيه

بلكت من اهلنه الي يفز ليه

(((تلكاني واحد من اهلي ))



🧿🧿🧿🧿🧿🧿🧿🧿🧿🧿🧿


جبت الروس يبن امي واجيت الكم

عن الضيم واللوعات اخبركم

جم طفله ويتيمه ماتت اعلمكم

(((جم طفله الماتت كدامي ))




🧿🧿🧿🧿🧿🧿🧿🧿🧿



جم طفله طفله يخويه الي دفناها

رقيه بالخرابه هناك عفناها

لاتنشد عليها الدهر سلاها

(((مارحموها عالراس تون )))


🧿🧿🧿🧿🧿🧿🧿🧿🧿



شسولفلك يخويه ضيمي وهمي

وصدعات الزمان شلون ياهظمي

دخلنه الشام والكوفان يبن امي

((وضربونه يالوالي خلافك))

🧿🧿🧿🧿🧿🧿🧿🧿🧿


ام زينب السعداوي ناصريه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصيده في رثاء الرسول الاكرم صلى •اللّـہ̣̥ عليه واله وسلم علـّۓ. طور قصيده مشينه للرادود مرتضى حرب

،،،،،،،،المستهل

نبينه نبينه فراگه بگلبنه كالجمر
نبينه نبينه فراگه بگلبنه كالجمر

««««««🖊🖊🖊🖊🖊
غاب الرسول الاكرم و انواره
وخله گلبنه اموجر بحر ناره
والدمعه تنزل عالوجن مطاره
تواسي الزچيه الي بگت محتاره

اجينه اجينه •نواسيها واندگ عالصدر

نبينه. نبينه •فراگه بگلبنه كالجمر
««««««🖊🖊🖊🖊🖊
جينه نواسي حيدره والبضعه
كلمن بچه بنوح وونين تسمعه
واجب علينه نصب دمه مودمعه
نعلك علـّۓ. مصاب الرسول الشمعه

المدينه المدينه حزنت عليه م̷ـــِْن كل كتر

نبينه ،،،،نبينه ،،،،فراگه بگلبه كا الجمر
««««««🖊🖊🖊🖊🖊

هذا العزه منصوب باسم المختار
الزهره تحظره وعلي حماي الجار
لاچن گلبها م̷ـــِْن الحزن شب بنار
بوداعه بس •اللّـہ̣̥ الي يعلم بلصار

ونينه ونينه لـحـظـــِھّ ونينه مافتر

نبينه. نبينه فراگه بگلبنه كاالجمر
««««««🖊🖊🖊🖊🖊

•اللّـہ̣̥ يساعد گلب بته الزهره
بعد الابو ضلت تجر بالحسره
جرح الفگد غـِْاليّے ابد مايبره
طول العمر بلگلب يبقه شكبره

هادينه هادينه ياوسفه يخفيه الگبر

نبينه نبينه. فراگه بگلبنه گا الجمر
««««««🖊🖊🖊🖊🖊

نجم الرسول وغاب م̷ــِْن سمانه
جبريل ينعاه و لزم قرانه
ومن اللطم متكسره جنحانه
يبچي وشبگ حيدر علي مولانه

حزينه حزينه ارض وسمه لخير البشر
نبينه نبينه فراگه بگلبنه كاالجمر
««««««🖊🖊🖊🖊🖊


✍الشاعره حسينية الهوى
زهراء الحربي

غير مبري الذمه م̷ـــِْن يحذف اسمي م̷ـــِْن جميع قصائدي❌

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه ثكيله للاربعين عن لسان زينب ع

حنيت / للفاركوني
اونيت / للتيهوني



اون طول الدرب كلساع احن الهم
اهل دمعي واكوم براظه اعاتبهم
خذاني الشوك واتصورت جمعتهم
بجيت وصبت عيون عله ا لمتهم

اشاكيت / لهلي الجفوني
حنيت / للفاركوني



عالناكه وذكرت ايام اهالينه
وذكرت العز هذاك الجان عالينه
وذكرت الجابنه وبالظعن حادينه
عله المحمل يحومي بجفه العينه

وهليت/ دمعت عيوني
حنيت / للفاركوني
............
واكو صوره ابد مافاركت عيني
جنت امخدره واهلي تباريني
ويالوليان خلصت بالعز اسنيني
ابوفاضل اخوي بجفه يحميني

الخوان/ من ضيعوني
حنيت/ للفاركوني
..........

واعاتب يازمن وين الاهل راحو
وخلوني حزينه وعالرمل نامو
شكثر ضيم الفاني وبيه ماكالو
اختنه ابياكتر بيها العده شالو

ميتين / لوهم نسوني
حنيت / للفاركوني
.........

اذا ماتو بعد واشتنفع الونات
ومايوصل عتب لايكعد الي مات
ولاترجع اخوتي ولا ترد هيهات
يسليني بفكدهم وني والدمعات


ناديت / بس مااجوني
حنيت / للفاركوني
..........

✍ام زينب كربلاء

غير مبري الذمه من ياخذ الكلام وينسبه له او يحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

رداديه لرجوع السبايا من الشام

ماتكعد تلقاني ياعباس
اجيتك جايبه الراس

----------1----------

اجيتك والهظم بيه ----- ياعباس
اجيتك خويه مسبيه ----ياعباس
الحبل مشدود بيديه----ياعباس
شمر وخوله حراس --ماتكعد تلقاني ياعباس

----------2----------

ماتكعد يارجوانه ----- ياعباس
مني الروح خلصانه---ياعباس
وياي اطفال تعبانه ---ياعباس
سورالعايله انت يافراس --ماتكعد تلقاني ياعباس

----------3----------

ابد ماشوف بعيوني ----- ياعباس
كبرك لو يدلوني --------ياعباس
اكلهم يمه عوفوني------ياعباس
طيب يا اعز الناس --ماتكعد تلقاني ياعباس

----------4----------

صار فراكنه كوه ------ياعباس
اجيتك يابو المروه --- ياعباس
الكفاله وين والخوه -- ياعباس
نايم بالقبر ومخمد انفاس--ماتكعد تلقاني ياعباس

----------5----------

لمجالسهم دخلونه ---ياعباس
بالاسواق شهرونه ----ياعباس
بخرابة شوم كعدونه -- ياعباس
وتشتمنه هالانجاس --ماتكعد تلقاني ياعباس

----------6----------


جيت انصب عزيتكم-- --ياعباس
هليوم اربعينتكم ------ياعباس
شلون الارض طمتكم --ياعباس
وانه اشم الانفاس --ماتكعد تلقاني ياعباس

---------- 7----------

ادري مكطعه جفينك ----ياعباس
والسهم وسط عينك ----ياعباس
جيت اسوي اربعينك -----ياعباس
وانه بحالة الياس--------ماتكعد تلقاني ياعباس

----------8----------

اريد اموت وياكم ----ياعباس
واضل بكربله انعاكم --ياعباس
مالي حيل فركاكم---ياعباس
ياطيب الخوه وكلك احساس --ماتكعد تلكاني ياعباس 😥


----------تمت بعون الله ---------
بقلم خادمة الزهراء منى البصراويه
13/10/2019

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أربعينية الحسين عليه السلام نصر الله
———-
منعوف الدرب يحسين
لكل خطوه وأثر نحتاج
يا نصرا لدين الله
اجينه ندخلك افواج
*
اجينه لحضرتك مولاي
وبعين البصيره انشوف
بكل خطوه المشيناهه
شاهدنه أثر لطفوف
هنا دم وطفل مذبوح
وخيام وحرگ والخوف
وصلنا العلگمي يحسين
لگينه مشتلات اچفوف
وشفنه ارماح تلبس تاج
اجينه ندخلك افواج
*
اجت مشايه الك زوار
تعنت قبلة العشاگ
مو بس الگلب والعين
هاي الروح الك تشتاگ
ساكن بالگلب يحسين
ولغيرك سكن ما لاگ
والعايش على طاريك
يموت ولا يمره افراگ
نتسابگ مع الامواج
اجينه ندخلك افواج
*
نضحيلك يمن ضحيت
مو بس كلمة التنگال
عزيزه وترخص الأرواح
وياهه الأهل والمال
قصتنه عظيمه وياك
ما يوصل لها لخيال
قصة عاشگ ومعشوگ
ساكن بالفكر والبال
نطوف بحضرتك حجاج
اجينه ندخلك افواج
*
يبن المصطفى الهادي
وأمك فاطمه الزهره
يا ثالث أصول الدين
وأول حب على الفطره
يا خامس شخص معصوم
وامام وثالث العتره
ضيگ ما وسعته الكون
وبينه وسعت الحضره
واسع گلبك وما ضاج
اجينه ندخلك افواج
*
رحت لكن بقه دمك
يخط النه الدرس للجاي
تعلمنه الصبر منك
شما كان البلاء هواي
اذنه تصغي للمعصوم
ما تطرب على كل راي
يا ظامي وتروينه
عطاشى انظل الك يا ماي
يالمقطوعة الك اوداج
اجينه ندخلك افواج
*
يا نصرا لدين الله
يبو السجاد يالمحبوب
نتوب من العشگ كله
وعن حبك ابد منتوب
هاك أخذ العهد منه
يامظلوم يامسلوب
منضيع ابد ثارك
حد گطع النفس مطلوب
دربك للمحب معراج
اجينه ندخلك افواج
***
الشاعرة نسيم كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه سريعه


*زينب اجت يهل الشيم ما واحد اتلكاها*



اليوم اجت عنايه
صوب الاهل شجايه
انهض يراعي الرايه
*محد نهض شافاها*


شافت اليوم المكبره
وصاحت يسبع الكنطره
مايدري بل صار وجره
*من يسروهه اعداها*


يمهم اجت متحزمه
بت الزجيه فاطمه
عله اكبورهم متألمه
*محد كعد حاجاها*


تعبانه مابيهه تون
وين الزجيه ام الحسن
فوك الكبر هنه نعن
*لحسين كله ابجاها*


صاحت عله امهه من اجت
عله اكبورهم وتحزمت
وينج يزهراء حشمت
*مابيهه وني وياها*


مابيهه زينب ناحله
اتسوي اربعين بكربله
عله اخوانهه تنصب عزه
*والونه يا محلاها*


مابيهه بس مشتاكه
وي الولي تتلاكه
تعبانه اجت عل ناكه
*محد نهض حياها*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

خويه كالوا ....عني كالو خارجيه
خويه ترضى....امشي من بعدك سبيه
بعدك اني شغربتي * منو ينشف دمعتي
خوية كالوا

*

ياهو اليه يالكمر بعدك ولوني
انت لاجفين عندك واني مسبيه خذوني
خويه اخ شكبرة جرحي لخيمتي لمن اجوني

خويه طاحت....خيمتي لاوحركوها
روحي راحت....لمن شفت الروس برماح ارفعوها
احركوها خيمتي * ومنو ينشف دمعتي
خوية كالوا

*
اني لمن معصبي شديته يا ناس
تخيلت كدام عيني جفوف عباس
والله جنت مدلله وبي رفعه الراس

بس يوسفه.....راح ما منه خبر
عيوني ترفة....وليلي خالي من الكمر
والله حيرة حيرتي * ومنو ينشف دمعتي
خوية كالوا

*
اه من بعد اخوتي شكبرة مصابي
اضعونه يا للاسف بيد الجنابي
واني كل هذا وادافع عن حجابي

خويه شفتك...بلاجفوف ابلا نحر
ماعرفتك.... الدمعه مغير الكمر

واشكبرها مصيبتي*** ومنو ينشف دمعتي

خوية كالوا

*
اني من بعد اخوتي شفت البلة
الشمر طكنه وعلي صوته عله
اه منج آ يـعـــمـلـة كـربــــلـة

اه منج ... ليه كلتي لامفر
كله منج... اكرهت طاري النهر
بسكته صارت ونتي *** منو ينشف دمعتي

الى الكاتبه ام امير الموسوي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الطميه لاربعين الحسين
====
الخال ابني اجيت اليوم
انصبله اربعينيه
===
اجيت انصب عزه الوالي
حال الظيم ياحالي
سبيه العدو يبرالي
كعدو ياهلي ليه
===
اجيت انصب عزه يمهم
حزينه لفت بت امهم
مشتاكه وتعاتبهم
نحيله وحيل مابيه
===
ماتكعد تحاجيني
اكعد ياضوه عيني
فراكك حيل ياذيني
بعد ماترجع عليه
===
اخوي الطول الغيبه
وراح الجان الي هيبه
الوالي راح شيجيبه
ما احمل فراكيه
====
حكهه العين من تبجي
والخال الولد تشكي
اجت والظيم اله تحجي
بلكت لوسمعني ينغر عليه
===
تمت بعون الله بقلم العلويه ام اسامه الموسوي شاعرة اهل البيت


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده للاربعين بعنوان ( عودة موكب الإباء لكربلاء ) تقرأ رجالي ثكيل وبعدة أطوار



أجيناكم يهلنه اليوم أجيناكم
بس كبور يالوليان شفناكم
إتراب الكبر بللته من مبجاي
جبت العايله والروس يهلي وياي
أجيناكم يهلنه اليوم أجيناكم



أجيناكم يهلنه من بعد الفراك
ويا نار اليسر بالقلب ظل حراك
وايام السبي يخوتي ما تنطاك
واتمنى متت يا هلي وياكم
أجيناكم يهلنه اليوم أجيناكم

🏴🏴🏴🏴🏴🏴🏴🏴

وصلنه الكربله تذكرنه كل الصار
وشلون الخيم حركوها يهلي بنار
بعد عباس بينه تحدي الاشرار
يضربونه العدا والقلب ينخاكم
أجيناكم يهلنه اليوم أجيناكم

🏴🏴🏴🏴🏴🏴🏴🏴

سويت أربعينك خويه لمن جيت
يم كبرك كعدنه وبهظم ناديت
مكطوع النحر عطشان هل ظليت
من دموع عيني اليوم أرواكم
أجيناكم يهلنه اليوم أجيناكم

🏴🏴🏴🏴🏴🏴🏴🏴

كل وحده اكعدت يم كبر واليها
تبجي وتنتحب تنعه عل غاليها
يا حلوين جوه الترب تاليها
أجينه اليوم نودعكم وننعاكم
أجيناكم يهلنه اليوم أجيناكم

🏴🏴🏴🏴🏴🏴🏴🏴

مثل سرب الحمام عله النهر راحن
يا كافل خدرنه يالشهم صاحن
طاح الستر ويه جفوفك الطاحن
سهم العين قوه علينه أعداكم
أجيناكم يهلنه اليوم أجيناكم

🏴🏴🏴🏴🏴🏴🏴🏴

هاي آنه العزيزه ورجعت ليكم
زينبكم أجتي اليوم تنعيكم
راح ارجع يخوتي وهنا اخليكم
أرد لديارنه المظلمه بلياكم
أجيناكم يهلنه اليوم أجيناكم




خادمة اهل البيت عليهم السلام
أزهار جبار الجياشي


نسألكم الدعاء
والفاتحه لروح والدي


غير مبري الذمه من يحذف الاسم أو يغيره


من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة بحق اربعين الامام الحسين ع
وكأني بالسيدة زينب ع



عيون الليل نامت وانه سهريته
هاي ايامها حسين اربعينيته


عيون الليل تغفه وانه مشايه
مشتاكه لخوتي وجيت عنايه
للعطشان اريد وراعي الرايه
كتلني غيابكم والحيل هديته


يانوم اليمرني وفاكده اخواني
عمت عين الزمان الهيج خلاني
على الوليان وكتي شكثر بجاني
وحسين وكفيلي انه تعنيته


مشتاكه ارد اروح اتعنه للوالي
اسولف ضيم كلبي وهمي وحوالي
دموعي اخلافهم بعيوني اتلالي
بشوك وللكبر تعبانه وصليته


تعبانه وعباتي من الشمس حمره
وعتب عالكفيل بصدري العبره
مكسور الكلب يايمه الف كسره
بيه يا علي يا بويه وصيته



اليوم اعتب عليهم والالم بيه
مكسور الكلب فاكد غواليه
اعتب عالكمر جاوين الوصيه
وكلها ضعن زينب وين خليته


بقلم الشاعرة سحر ام كرار الساعدي
غير مبري الذمه من يحذف اسم الشاعر

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*القصيدة من ديوان مسير الفواطم لارض المظالم الجزء الرابع*
*قصيدة لرجوع السيدة زينب للمدينه(ضالات المن يالعيون)*
❥━──➸➽❥❂❥━──➸➽❥❂
ضالات المن يالعيون
من بعدهم اصبر شلون
اشلون اصبر من بعدهم ... والله هد حيلي فگدهم
مشو عني وما يرجعون
ضالات المن يالعيون
❥━──➸➽❥❂❥━──➸➽❥❂
ضالات المن عيوني عگب الاحباب
راحو و خلو عيوني تربي عالباب
بعد مايرجع عليه السكن بتراب
وانه عمري اگضيته اون ودمعي سچاب
مرمراني والله الفراگ ... روحي الهم حيل تشتاگ
تحن روحي لليموتون
ضالات المن يالعيون
❥━──➸➽❥❂❥━──➸➽❥❂
شگد تحن الروح للي فارگوني
ابچي مابطل ونيني من جفوني
هواي تانيت وبعد ماظن يجوني
يمكن اعزاز الگلب يمكن نسوني
الفارگ اعزازه شيصبره … يعيش بس مكسور ظهره
والدمع يجرح بالجفون
ضالات المن يالعيون
❥━──➸➽❥❂❥━──➸➽❥❂
الدمع يجرح جفوني وعذباني
گمت اصيحن اه منك يا زماني
بگيت وحدي بغربتي ومنك اعاني
المات مايرجع عليه اشلون اتاني
مااضن يرجع عليه ... وصارت انزوله خليه
بعد ما اضنهم يرجعون
ضالات المن يالعيون
❥━──➸➽❥❂❥━──➸➽❥❂
النزول امكدره وظلمه بجفاهم
شالو وضليت بس انحب وراهم
ريت انه الموت اخذني وما خذاهم
گلبي المهضوم مالحضه نساهم
اشلون ينساهم دليلي ... همه روحي وهمه حيلي
اعز من الروح تدرون
ضالات المن يالعيون
❥━──➸➽❥❂❥━──➸➽❥❂
اعزاز اعز من روحي واغله من الأنفاس
حزام ضهري والدليل ورفعت الراس
صحت وين احسين اخوي اوينه عباس
واحد اعله المشرعه والثاني انداس
العاشروني ودللوني ... فارگوني وضيعوني
ضايعه وما ضل الي عون
ضالات المن يالعيون
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة مريم النور نسألكم الدعاء الفاتحة الى روح اختي ولأمواتكم:


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زينب ع تخاطب السجاد ع ان يعرج بها الى كربلاء

✍️✍️✍️✍️
يعمه ارجوك مرني بالنشامه
بلكي يگوملي البيه الشهامه

اصيحله من بعيد
اكعد هايصنديد

اثر بمتوني خزنله بعلامه
✍️✍️✍️
خزن جرح گلبي ويه المتون
اريد تشوف ذبل جفن العيون
يكفال الحرم رديت الظعون

ارجعتلك گوم ليه
شوف شصار بيه

عتابي عليكم يطول كلامه
✍️✍️✍️✍️
اعتبنكم يخواني وتعذروني
طكات الدهر كله عله عيوني
اصيحلكم يخوتي ماتسمعوني
چا وين اليونون
بختهم مايحيون
گبل وينه گبل راحت ايامه

✍️✍️✍️
اذكرنك يعباس من چنه سويه
تزعل لو يمر ضلي ضوه شويه
اجيتك بالجدم ذيالي مطويه

سماي بلاگمر
يخطاف النهر
شهم وادريك تربات الامامه
✍️✍️✍️
رباك الصميده ومك الحره
وديعة وكفلك بساعة الطبره
چا وين الكفاله حالي تنظره

رجعت بهالمسيه
اسوي اربعينيه

حدر كتري الروس الطم الهامه
✍️✍️✍️✍️
حدر كتري راسك ها يعطشان
راس الگمر رديته يريسان
وشبان المشت نبعة الريحان

يافكد الغوالي
هدمولي العوالي

ياضيم اليسر كثره سهامه

تمت بعون الله
بقلمي ام حسين المحمداويه

تقره بعدة اطوار


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات للاربعين

اجيت ازيارتك وحيل مشتاكه
اسوي اربعينك وانه عالناكه
يانار الاخو بالقلب حراكه
( تعميني / يانارك خويه )

اجيت ازيارتك ياخويه ياحسين
هلكنه الدرب واحنه نساوين
جبنه الروس ونسوي الاربعين
( حراقه / يانار فراكك )

اجيت امشي مشي مااركب الناقه
واكلك يابن امي حيل مشتاكه
ونار فراكم تجوي وحراكه
( لهابه / والنار بقلبي )

شافت قبر اخوها ونغشه عليها
صاحت صوت ماتكعد ياواليها
تدريني مره والعده سابيها
( تلكاني / اكعد يابن امي )


طاحت عالقبر بيديها شبكته
وعلى راسها ترابه هالته
هليوم اربعينك والعزه نصبته
( اكعد لينه / ياروح الزهره )


اكعد البناتك شوف حالتهن
طاحن عالقبر والونه كتلتهن
يصيحن يالولي ماتكعد تزتهن
( وفراكك مر / خويه الغالي )


فك الكبر خلي الراس اردنه
وعلى نحرك ياخويه ارد ارهمنه
اشيل الطفل وصوابك اشدنه
( وصوابك خزن / يالوالي )


اسوى الشمر ياخويه ويانه
يضربلي البنات وحيل اذانه
ورقيه على راسك ماتت وحزنانه
( يضربونه / من نبجي عليك )


ياخويه بخرابه عداك خلونه
وعلى نوك الهزل ياحسين مشونه
ماعدنه ولي لونبجي ضربونه
(هظمونه / يالوالي خلافك )


انفض تراب القبر يابو علي وكوم
وشوف ام المصايب جايه هاليوم
وياها الحرم وعاليها الهموم
( وتراب / الهيمه مغطيها )


وين الفكدت اخوها خل تجي يمي
نتكابل سوه ونلطم على بن امي
وخلاف الاخو جا بالعمر شلي
( المحزونه / نلطم وياها )


تعالي وقابليني خل نلطم عالخوان
ماشافوا غسل ماشافو الاكفان
شبان محسرين ونامو بتربان
( تغطيهم / ياحيف الغبره )


-----تمت بعون الله -----
تمت بعون الله بقلم خادمة الزهراء منى البصراويه

16/10/20
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده مع هوسه للعباس عليه السلام


ياهله بعباس شد احزامه
خله هاي الكوم جوه جدامه
➖➖➖➖➖➖➖➖

ياهله بعباس ياسبع الرجال
من يهد عباس يكطعهم وصال
او روسهم طشار مدفونه برمال
(والسيف ايلوك الراعيه)

➖➖➖➖➖➖➖➖
الراعيه يلوك السيف والطاس
تشهد هالخلك لو دخن العباس
فدوه الهيبته حيتله هاي الناس
(ايشهدوله وبيوم الطف )

➖➖➖➖➖➖➖➖
يشهدله الدرع والسف ابو فضل
معروف البطل ويسكت العايل
عينه اعله الخيم وبالحرب صايل
( اهلا بالكافل وخته ازامط بيه)

➖➖➖➖➖➖➖➖
تزامط بيك زينب رافعه الهام
غدرو بيك خويه شلون بسهام
اوعينك ياشهم ماكدرت اتنام
( وبنبله شلون ايغدرونه )
➖➖➖➖➖➖➖➖

غدروك العده يالشايل الجود
ابن حيدر علي يابن الحيود
كمرت ليلها والوادم اشهود
( اشلون الحيد ايصوبونه )
➖➖➖➖➖➖➖➖

تمت بقلم خادمة اهل البيت ع

الشاعرة *هيلين الساعدي*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله ..لزيارة الاربعين

ااااااااااااااااااا

لا تضن غايب ..مهدينه ماغاب
بكربله يحضر..يشارك بالمصاب
ااااااااااااااااااا
حاضر المهدي معانه بس يهل دمعاته
وينضر لحال السبابه ويبجي وي عماته
وبمحرم نصب مأتم ونور بخيماته
بيهه يستقبل ضيوفه بنوح وبعبراته

وعالصدر يلطم ..مهدينه ماغاب
بكربله يحضر...يشارك بالمصاب
اااااااااااااااااااا
يالخدمت حسين انت اتعنه اله مشايه
واسي مهدينه بمصابه وامشي رافع رايه
لاجل دين الله يخادم لاجل هاي الغايه
رايه حسين وعضيده وعلعهد وفايه

كلهم ينطرون ..مهدينه ماغاب
بكربله يحضر..يشارك بالمصاب
ااااااااااااااااااااااا
اليوم جينه نواسي زينب باربعين احسينهه
وبيهه نبجي اعله الكفيل وزينب الله يعينهه
اجت ملهوفه عليهم ودمه تنزف عينهه
تشكي للخوان ويلي شلون وملوعينهه

وثارك امتانين...مهدينه ماغاب
بكربله يحضر...يشارك بالمصاب
اااااااااااااااااااااا
وتحضر الزهرة الزجيه باربعين اولاده
اوي الخدم تلطم عليهم تطفي نار افادهه
وتبجي وي زينب يويلي والمرض ما هادهه
بدمعتج يلي بجيتي اخذي منهه امرادهه

وينضر لحالج ..مهدينه ماغاب
بكربله يحضر..يشارك بالمصاب
ااااااااااااااااااااااااا
اندبك يالمهدي وينك اشهره لبتارك
من ظلم احفاد اميه اخذ منهم ثارك
ويالثارات الحسين وبيهه طفي نارك
ننتضر يالمهدي وينك اونتبع اخبارك

بكربله نلكاه..مهدينه ماغاب
بكربله يحضر..يشارك بالمصاب
ااااااااااااااااااااااااا
✍خادمة الزهراء ع
ام حسين الفريداوي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه للاربعين
===
اجينه الكربله الزينب نواسيها
جت من اليسر لكبور اهاليها
اجت مشتاكه للوالي
تنحب والدمع هالي
والعبرات تجريها
====
اجينه الكربله ننصب تعازينه
نلطم ع الصدر وشكد تاذينه
نصيح احسين ماطول النفس بينه
نصيح احسين
ونهل العين
ولمصاب الغريب ادموعي اجريها
===
وي زينب نون لحسين مولانه
ونبجي وي العقيله بروح حزانه
وماننسه الحسين وذيج شبانه
ندك ونوح
وع المذبوح
والدمعات نجريها
====
شما نبجي عليه ابدا ولانوفي
حسين الباع روحه وضحه بكلشي
ولزيارة ظريحه كومي خل نمشي
نزور احسين
ونهل العين
ولزينب نواسيها
====
نواسي زينب الحره بمدامعنه
وي الزهره وزينب مدامعنه
والحسين الشهيد انعلي الونه
ونتنه نعليها
وي زينب لهاليها
هاي ام الخدر الواليها
===
هاي ام الر دت تجر حسرات
تلطلم والطلم لامايرد المات
ع مصاب العزير الظل بلمسنات
تون وتنوح
ع المذبوح
ع الظامي بواجيها
====
تمت بعون الله بقلم العلويه ام اسامه الموسوي شاعرة اهل البيت


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده حول نزول زينب عند قبر الحسين



*زينب اليله تون حضرت وياها ام حسن*


*يم كبر الحسين يم كبر الحسين*

*يم كبر الحسين يم كبر الحسين*


صاحت عله امهه ام الخدر يم الحسن حضريني
يا يمه اجيت الكربله ويا ريتج اتشوفيني
مهظومه حالي وبل حزن يم الولي عينيني
ارد ابكه يم كبر الاخو وانصب عزه خليني

*دموعي يم كبره جرن حضرت وياها ام حسن*

*يم كبر الحسين يم كبر الحسين*


خليني ارد انصب عزه وارد اشكي يم الوالي
وكل السوالف والحجي احجيهه يم الغالي
يحسين تدري بالكلب يمك بكه وكل بالي
وتدري يخويه من رحت رايح جهامه خيالي

*حسباتي يم كبرك صفن حضرت وياها ام الحسن*

*يم كبر الحسين يم كبر الحسين*


اليوم اربعين وحضرت روحي الحزنهم والبجي
ومن صار ليلي ابكربله سولفت وياهم حجي
كتلهم ابليه ولي كلولي بيمن انتجي
لو ارجع انه عله الوطن تعبانه من كد المشي

*مابيه اروحن للوطن حضرت وياها ام الحسن*

يم كبر الحسين يم كبر الحسين


يا يمه صعبه لو رحت ماكو زلم بظعوني
احتار لو سئلو بعد وعله الاهل نشدوني
مدري شكلهم حايره وخابت جميع اظنوني
لدار ارد صعبه علي وحشه الاهل خلوني

*وشموع ديراني طفن حضرت وياها ام الحسن*

*يم كبر الحسين يم كبر الحسين*


خلينه نبجي عله الكبر بلكي يرد ونشوفه
وادري الولي طيب علي واعرف بعد معروفه
يدري اشكثر مرت قصص وخته خذتهه الخوفه
من طاح كافلهه مشت عكب البطل وجفوفه

*كلهه خواته اتيسرن حضرت وياها ام الحسن*


يم كبر الحسين يم كبر الحسين


صار الظلام وعاتبت وين الحنين اليله
مشتاكه روحي من اجت يم الحنين اشكيله
يا خويه ما تكعد كلت بلكي يرد واحجيله
ونتاسمر ابشوك الكلب يا روحي هم عديله

*هموم الكلب يتناوبن حضرت وياها ام الحسن*

يم كبر الحسين يم كبر الحسين


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه كعده لرجوع لديار


ردينه ردينه
الدار الاهل ردينه
شضل بينه شضل بينه
كل حيل ماضل بينه
...........
ردينه نسحل بالجدم يالوليان
والضعن خالي لااهل لاخوان
بس العليل من الهظايم تعبان
ونينه ونينه
الذيج الزلم ونينه
...........
ونيت ونات الحزن لخواني
يوم الاجيت محد اتلكاني
تمنيت اطب بهيبتي اولياني

حنينه حنينه
الملكه الاهل حنينه
..........
حنيت لهلي ولخوتي ولمتهم
وعنت عليه ياخلك شوفتهم
واتذكرت هيبت هلي وكعدتهم

وهلينه وهلينه
دموع الحزن هلينه
.........
هليت دمعات الحزن علاعتاب
تعبان حيلي وانتجيت عالباب
بعبره وصحت احاه ينار الاحباب

اشتاكينه اشتاكينه
الجمعتهم اشتاكينه
.............
اشتاك كلبي وين بعد الكاهم
اباب النزل ارد انتجي وانعاهم
اعزاز القلب محله العتب وياهم

ملينه ملينه
من العتب ملينه



✍إم زينب كربلاء
غيرمبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747