قصائد نساء فقط

#قصيده بعنوان (مواجع المنتظر )حوار الامام_صاحب_الزمان_مع_عمته_زينب عليها السلام
شوط كربلائي بحر طويل

المستهل

زينب يا فخر عدنان
اريد انشد عن الاخبار
واشوف اشيوجعج عمه
ولا تخفي عليه اسرار

يعمه حيرتي حيره.. منين أبدي الحجي آني
مصايب كربله عمه.. هي كعبه احزاني
وحيده والاعادي اصفوف راحت كلها ولياني
الشمر وعوانه من هجموا بضرب سوطه تولاني

اليسر هو الحنه ظهري
بقيت بحيره من أمري
وآنه أم الخدر تدري
لونك حاظر العاشر دمعك من دمه مدرار

أزهار جبار الجياشي

┄┉❈❥ًً❀(«🧿»)❀❥❈┉┄
طالت غيبتي عمه وسكنت بوادي احزاني
لهسه بوضعج اتفكر والوج بلوعة اشجاني
يا هو الألمج زينب يعمه عاجز لساني
اشوف الحيره بعيونج دمعج والله اذاني

اشوف اضلوع محنيه
بسياط امتون مدميه
وحيل الونه مخفيه

اشوفنج تديري العين يعمه وحايره الأفكار

خادمة الزهراء /ليلى زغيب

┄┉❈❥ًً❀(«🧿»)❀❥❈┉┄

يعمه ليله العاشر خلت كلبي يتجوه
اساهر ليلي والاحزان صارت للكلب سلوه
كبال عيوني ليل نهار اشوف السوط يتلوه
واصعب جرح البكلبي اسيره صارت اللبوه

واليلجمني بلديوان
يتامه دخلت ونسوان
هيه للشرف عنوان

ماجانت عل بالي امشي بوليه الاشرار

الشاعره حسينية الهوى زهراء الحربي

┄┉❈❥ًً❀(«🧿»)❀❥❈┉┄

يكلهه يا فخر هاشم الثار الثار أجيبنه
اول امي الزهره .كبرهه انه اظهرنه
ثار الضلع والضربه عشر أضعاف اردنه
وثاري بكربله اضعاف لازم آلا اطلعنه
وآنه المنتظر للثار
وعمه توصلج الاخبار
وآنه ابن النبي المختار
بالفقار احاربهم واصيحن يا ابا الاحرار

✍أزهار جبار الجياشي

┄┉❈❥ًً❀(«🧿»)❀❥❈┉┄

ومن طبينه للكوفه. شامتنه بهضمنه زاد
يشتمها العزيزة امي. والمدمع بعد مافاد
ورقيه الطفله ضربوها. ابوها السافر وماعاد
هد حيلي الشمر من صاح... دخلوها اعله ابن ازياد
واني امدوهنه بدهري..
مصيبتهم حنت ضهري
دمعي عالوجن يجري.
.
ما انسه الهظم والجور... زينب بيها الوكت دار

✍اسيرة الأحزان 💔
مريم العبوديه

┄┉❈❥ًً❀(«🧿»)❀❥❈┉┄
عليكم بالدمع والون ..بجيت،وكلبي،ضل،محتار
من هجمو، الخياله، .. وشبو،خيمتج،بالنار.
نسوان برعب صاحت...تتركض،يتامه،صغار
متى يفرجلي،الباري... ،وأخذ بيدي انه الثار

مرار اعداي ارويهم
وصب،سجيل،انه،عليهم
وريد،بسيفي،انه،اكظيهم

واخذ ثار جدي حسين....وكل صحبة هلي الاطهار

✍اسيرة الأحزان 💔
مريم العبوديه

┄┉❈❥ًً❀(«🧿»)❀❥❈┉┄

شگلك بالله يا عمه ليالي الظيم هظمتني
اسهام ومن رماهه البين بالدلال صابني
اشاگف يا ضرب منها وزماني بيها دولبني
وحده منهن أعله العين خلت جم ضلع محني

عين بسطره طفوها
وعزيزة گوم يسروها
وترجية طفله سلبوها
عكس هالامه ويانه ودولاب الزمان اندار

✍خادمة الزهراء /ليلى زغيب

┄┉❈❥ًً❀(«🧿»)❀❥❈┉┄

يفخر النسه هيهات يهضمونج وانه موجود
خلي ياذن الباري ومن الغيبه يجي الموعود
اسوي الماجره والصار قسم بلواحد المعبود
اخليها الجثث طشار واعيدن كربلاء ردود

اشد حزام ثاراتي
او اولهن لعماتي
احيرهم ابصولاتي
و احفاد الشمر ويزيد عليهم اشهر البتار

✍الشاعره حسينية الهوى زهراء الحربي

┄┉❈❥ًً❀(«🧿»)❀❥❈┉┄
#تمت
✍✍باأقلام خادمات اهل البيت عليهم السلام

ونسالكم الدعاء
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747