قصيدة عن لسان الحوراء زينب. عليها السلام.


طول علي درب السبي.
وتغيرت حتى العبي.
مو بس الرسوم.
يابا الفضل كوم .
،،،،،،،

من يچل ليل الخرايب خيمة اصيرن
وبين حزني والضعن عالروس اديرن
ترضى يا عباس بالنسوان احيرن
تالي شيبي اعله الهزل للشام اسيرن

مانمته ليلي من امس.
غيرت لوني هل الشمس .
ماشفت انه النوم.
يابا الفضل كوم.
،،،،،،،،،

ذابت الونه بدليلي دكول شمعه.
چم جرح ومصاب شفت شلون اجرعه.
من يجي طرواك وسمك خويه اسمعه
بريحت الخوة اضل علناگه انعى

دمعي يكت صبح ومسه
موش انه بت خير النسه
وناتي آلك دوم .
يابا الفضل كوم.
،،،،،،،،،،

خويه ياكافل رقيه امسح دمعتي.
تدري ون حتى الصخر من كد حسرتي.
وأنه اشاهد هالصور ذابت مهجتي.
خيمة محتركة وبنات و طيحت اختي

طاحت وتربي العين الي
وتگلي حشميلي هلي
يصعب ترا اللوم.
يابا الفضل كوم
،،،،،،،،،،،،

من يطر فجري عليه بكلبي حيره
تشوفني العدوان وأنه امشي أسيره
صحت ياعباس الحك يبو الغيره
طافت اختك يالگمر عشرين ديرة

ما ضلي حيل اعله الجرح
وجم سوگ اطبنه الصبح
جم متن ملچوم
يابا الفضل كوم
،،،،،،،،،،،،،

التمن جروحي ترى بذيج الخرايب.
وانه اشوف أطفالي نومه اعله الترايب.
مال دهري وشفت منه شكد مصايب.
ابفجعت كلوب الأرامل كلبي ذايب.

دوهني ياخوي الزمن
وجروحي الحالي بچن.
وكليبي مهضوم
يابا الفضل كوم

ماخط قلمي هناء رحيم الدراجي.


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسه لولادة مولاتنا المعصومة ع


بولادة معصومة انهني مهدينه 🌷
ورود و ياس نرفعه بدينه 🌷
وعشر صلوات للحشد هدينه 🌷

🍃وانهني حيدر مولانه 🌷


بتاريخ السعد نسعد بهاليوم والفرحة🌷
والفرحة بس ويه بيت نبي اتدوم 🌷
بميلاد الطاهرة تتفرج الهموم 🌷

ويتشافه هاليله مرضانه 🍃🌷


وفرحانه الملاءك بسماء الله وارضه🌷
هاي بنت الذي حافر الخيل مرضرضه 🌷
واخت سلطان الغريب اليسمونة الرضا 🌷

والشيعة بيهم فرحانة 🌷🍂


خادمة الموعود ام عون الفيلي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة فزاعيه ليلة الحادي عشر
[][][][][][][][][][][][][][][][][][][][][][][][][][][]
ياخوي والله اتحيرت بالايتام هليله
[][][][][][][][][][][][][][][][][][][][][][][][][][][]
يبچون يردونك ترد مابيدي كل حيله بعد
عنك يسئلوني الولد والدنه خل نمشيله
[][][][][][][][][][][][][][][][][][][][][][][][][][][]
الاطفال ماتسكت تره عايفني خويه امحيره
اشلون اگلهم علجره وشصار بيهه العيله
[][][][][][][][][][][][][][][][][][][][][][][][][][][]
يشكوله رادو علحصل وعباس يمهم ماوصل
مادرو والينه انچتل وعلشاطي طايح حيله
[][][][][][][][][][][][][][][][][][][][][][][][][][][]
رادو يگلوله الخيم حرگوهه مابيهم رحم
ومسبيه طلعوهه الحرم مامش شهم نشكيله
[][][][][][][][][][][][][][][][][][][][][][][][][][][]
ومن بعد حرگت خيمتي علترب صارت گعدتي
من بعد عزي وهيبتي حسيت نفسي ذليله
[][][][][][][][][][][][][][][][][][][][][][][][][][][]

الشاعره : رسل الابراهيمي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصيده_رئيسيه_للعليله ع


مايرد غايب دمع/ يالصو تجن ماينسمع
بسجن يلعيون / بسجن يلعيون

───✤◐►🖤◄◐✤───
لون صبيتن دمع يعيون خنياب
ما تكحلجن بعد شوفت الحباب
النواظر لا تضل مشبوحه للباب
الجفه وبعد ضعنهم/ الرجه كطعنه منهم
لدارهم لا مايردون/ بسجن يلعيون

───✤◐►🖤◄◐✤───
توسليت شكثر بيهم ياخذوني
كسرو الخاطر هلي تعذروني
كلمه ضلي يالعليله سمعوني
ضلي وحدج يالعليله/ هالسفر مالج حيله
كلهم يروحون / بسجن يلعيون

───✤◐►🖤◄◐✤───
تهد حيلي وحشت الدار الرهيبه
اليواسيني بغربتي منين اجيبه
للدرب ضلت عيوني مريبه
دم تهمل النواظر/ الكلب جانونه شاجر
الفراك ميهون / بسجن يلعيون

───✤◐►🖤◄◐✤───
انتظر طارش منعدهم يجيني
بجفاهم ماغفة لحضات عيني
الجدار نفطر من نوحي ونيني
الصدر ضاك / هدني الفراك
اصيح ومايسمعون/ بسجن يلعيون

───✤◐►🖤◄◐✤───
شيصبر التفارك كل اهلهه
الحزن بجفاهم هدهه وكتلهه
خبر منهم العليله ماوصلهه
تون ونتهه شجيه/ عل مشو للغاضريه
خاب الضنون / بسجن يلعيون

───✤◐►🖤◄◐✤───
بقلم العلويه الشاعره ام رائد زوين

───✤◐►🖤◄◐✤──

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لسان حال السيده زينب في خميسات الاحباب


*جمعه واحباب الكلب ذكريتهم*

*بس صور ظلت شفتهه ابيتهم*

*لا وصيه ولا خبر هذه عشرتنه بعمر*

اليله جمعه اليله جمعه


ليش يحبابي اليه ما اجيتو
ادري عل فركه اظن انتم رضيتو
خويه الغياب الصعب وتحمليتو
هم علينه وبذكرنه هم حجيتو

*لو بعد اكطع ظنوني ادري انتم ماتجوني*

*يالاودهم يا الاودهم*


صارت الجمعه ونصبت الفاتحه
وشوفو اختكم بالهظم والنايحه
مو حلم جني ويمرني البارحه
جن اختكم والسبيهه رايحه

*جن يكولون ابعجل وابد ماعدهم خجل*

*وين اختهم وين اختهم*


مو حلم يحسين هذه الكل نضرته
وهسه اني التعزيه وماتم نصبته
كل خميس ابدرب سبيى الوالي اخته
كل ثواب دموع من عيني هديته

*والكم اقره الفاتحه وهيه اختكم رايحه*

*ودعتهم ودعتهم*


اه يحباب الكلب سمعو الكلام
حته معتوبي اودي والسلام
اعزاز روحي ومنهدكم ما انام
ماحسبت احساب وياي الختام

*مني تمشون وبعد ماظن احبابي ترد*

*ضيعتهم ضيعتهم*


طالت الفركه تره وكلبي دوه
وصرت مخنوكه ولا اشم الهوه
والسبي والبعد صعبات وسوه
اثنينهن طبكن وكل عمري انطوه

*عمري ماريده صحت ريت وياهم رحت*

*رافكتهم رافكتهم*


كون رافكت الغوالي ولا اظل ابدنيتي
راحه ماشفت بحياتي وانه الهم حسرتي
كون اموت ولا اظلن كون اموت ويه اخوتي
همه احبابي وعفتهم همه جانو هيبتي
*وهسه اسوي انه الثواب نومه همه عله التراب*

*كلبي عدهم كلبي عدهم*


*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*قصيده بعنوان(مستشفى الحسين)لطلب الحاجه وتقرءفي كافة السفر*
😭😭🏴🏴🏴
خل نروح انزور مستشفى الحسين
نطرق الباب بأسم أم البنين
تسجل اسمك يم حبيب
وتدخل انوب الطبيب
ايشخص الحاله ويدليك الحنين
خل نروح انزور مستشفى الحسين
🏴🏴🏴🏴🏴🏴
ايشخص الحاله ويداوي علته
ويدري وين الالم يعرف ونته
وحلفه بجده النبي وي بضعته
ابو الأكبر خل نلوذ بصايته
نرتجي بأمه ونريد مروته
سيدي دمعي يسيل
وانته التشافي العليل
ابجاه اهل البيت ذوله الطاهرين
خل نروح نزور مستشفى الحسين
✍✍✍🙏🙏🙏
اقسام مستشفى الحسين اموزعه
قسم منهن يم عميد المشرعه
ينصف المهضوم هوه ويسمعه
هذا ابن ام البنين ومنبعه
بالكرم معروف چفه امگطعه
مجربه هاي الچفوف
الزم الحضره واطوف
جيتك انه وادري الي انته معين
خل نروح انزور مستشفى الحسين
✍✍✍✍🙏🙏
خلي ندخل قسم عبدالله ونشوف
نطلب الذريه من عنده ونطوف
ابجاه نحر حسين واحزان الطفوف
بداعت حسينك الحزززنّه السيوف
اتفرح المحروم وادريبك عطوف
ابجاه خدر ام الخدر
سيدي وانذر نذر
وادري روحي ما ارد منك حزين
خل نروح مستشفى الحسين
✍✍✍✍🙏🙏
صيدليت زينب التطي الدوه
لونخيت ام عون والكافل سوه
جسمي ناحل بالمرض حيل وخوه
عبرتي بصدري وعلي ضاگ الهوه
اآه يزينب لو گلت گلبي ارتوه
دمعتي لجلج شفه
وانتي كلچ عاطفه
ابجاه من ضلو عرايه مسلبين
خل نروح انزور مستشفى الحسين
✍✍✍✍🙏🙏
تشربك ادواك الزچيه فاطمه
چفها وي چفك الليله اتسالمه
هاي بت طه النبي والخاتمه
ذوله بيت اهل الكرم والغانمه
زيارتك لهل النبي اتضل دايمه
ابجاه ضلعچ والكسر
جيتچ المدمع يدر
ردتچ اتسمعين من عندي الونين
خل نروح انزور مستشفى الحسين
✍✍✍✍🙏🙏
*تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب ونسألكم الدعاء بالتوفيق لخدمة الحسين ٢٠١٩/٦/١٩///////١٥شوال*

,الشاعرة الحاجه ام حسين العسكري:


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده...للملالي... لسان حال السيده الزهراء ع وهي تطلب المواساة من
شيعتها بمصاب ولدها الحسين ع
********************
ظامي وطاح بالساحه
********************
عينوني على المجتول
ظامي وطاح بالساحه
********************
ظامي بلا ذنب مذبوح
وحده مخذم اعله السوح
ودمه اعله الترب مسفوح
وراسه باييد ذباحه
ظامي وطاح بالساحه
********************
حسين بلاذنب ويلاه
خل نلطم عليه احاه
ريت العمر كله فداه
وعمري ما لكه الراحه
ظامي وطاح بالساحه
********************
يمه حسين كوم وياي
شنهي اليولمك يجلاي
ظامي وما شربت الماي
وهاي شطوط فواحه
ظامي وطاح بالساحه
********************
دهري ما صلح هيهات
راواني الدهر ويلات
وجهي اعله الفرح ما بات
ودوم الحزن بصفاحه
ظامي وطاح بالساحه
********************
علتربان هذا حسين
واكع بالحتف والبين
ومن الكوم ما كو معين
اعليه اتكثر نياحه
ظامي وطاح بالساحه
********************
وزينب تفتر الميدان
تنشد علوكع عطشان
ابن امي على التربان
واكع ما شفت راحه
ظامي وطاح بالساحه
********************
يا شيعه العقيله اتنوح
تمشي بلا عقل لا روح
علطايح جتيل السوح
وباجي وحيد بالساحه
ظامي وطاح بالساحه
********************
وعليك الروح مهمومه
يبني الساكن الحومه
الاه وياه من يومه
اشلون الروح مرتاحه
ظامي وطاح بالساحه
********************
ايبني الوكت غدار
ما انصف عليكم دار
يبن المصطفى المختار
ودوم اسيوفه ذباحه
ظامي وطاح بالساحه
*******************
وايبني الدهر يبني
بالطف والسكم ذبني
وظالم هوه عذبني
عالي ويرهب صياحه
ظامي وطاح بالساحه
*******************
بقلم الشاعر مهدي العبساوي الرميثي
*******************

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للحسين ع


يحسين هايه صرختك
للموت ماننساها
......
ماننسه يحسين الجره
وداعت ضلوع الطاهره
حبك ويه ادمانه سره
والبيعه جددناها
......
وياك جددنه العهد
نصرخ باسمك للابد
وعلينه الباري شهد
مظلوم يابن طه
......
حسين تبقى صرخته
وماننسه يومه وذبحته
واخته الغريبه الشافته
ومن دم جرت عيناها
......
الزينب تسيل دموعنه
واندك سوه عالضلوعنه
وال النبي ايسمعونه
واذنوبنه امحيناها
......
تحضر الماتم فاطمه
ونشرت قميصه بالسمه
ملطوخ شيعه بالدمه
والعرش يبجي وياها

الشاعره ام زينب كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه لهلال الشهر
====
يهلال الشهر مظلم عليه
ادري ايروح بيك ابن الزجيه
====
يهلال الشهر مظلم علينه
ادري ينفكد عزنه ولينه
يروح حسين ياناس من ادينه
وفراكه كلف وشلون بيه

========
عسى لاجيتني ياشهر الاحزان
ادري بيك افكد كل الاخوان
ويضل وحده حاير الريسان
وانه حايره وصفك بديه
======
انه حايره من شفت الهلال
اهلي تروح مني حتى الطفال
وانه ابرى الحرم والدمع همال
والعدوان مابيهم حميه
=====
من شفت الشهر اسود بعيني
صحت يحسين مابطل ونيني
ادري بهل الشهر يكثر حنيني
افكد كل هلي وانه سبيه
======
ادري ايروح عباس من دينه
مرمي ع النهر حامي الضعينه
ويظل وحده حاير ولينه
وياهذا الشهر بيه المنيه
=======
تمت بعون الله بقلم العلويه ام اسامه الموسوي شاعرة اهل البيت

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نعي الزينب تعاتب العباس ع


عمت الولد ودت عتبها
ونيران متوجره بكلبها
مهظومه والدمعه تصبها

مهظومه وتعاتبكم يوليان
وتريد هدتكم يالخوان
اثاري الاخو من الاخت عجزان

خط العت ودت لخوها
بعدهي الخوه لوكضوها
نيام والخوه اكطعوها

غالي الاخو يالشايفاته
محلاه لومر بخواته
كله حنان وطيبه ذاته

حك الاخوه اريد منه
خال الولد واطالبنه
من ضيم كلبي اعاتبنه


عمت الولد حكها عالخوها
وتريد اهلها الدللوها
تشبع هظم لوتيهوها

وني يروحي وزيدي العتاب
خوال الولد نومه بالتراب
مايوصل عتب للسدو الباب

الخال الولد وديت عتبي
ومشتاك للوليان كلبي
من هد يومها ماشوف دربي


بسك يكلبي عاد بسك
بعيد الولي وماسمع ونك
ايس يكلبي شالو اهلك


عزيز الاخو وناره سريه
كظاني ولاضل حيل بيه
حليان اله نوم الوطيه

النوم خال ابني حلاله
مشت هيبته وحمل دلاله
يمن فدو الطوله والخياله


خال الولد للضيج ردته
وكلما تجي العيله ندهته
محله الاخو لوفزع لخته


✍ام زينب كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه الكربله من وصل ضعن الحسين
==========/
شصار بيه من وصلت الكربله
بين الذل وانه جنت مدلله
=====
من شفت ارضج حزينه مكدره
صبن ادموعي اوبكيت امرمره
تروح اخوتي وابقي وحدي محيره
من يروحون اخوتي تروح ذيج الزهللهه
======
يرحون مني والمن اشكي الهم بعدهم
اموت ما حمل الفرك العاشرتهم
شلون بيه ع الوطيه لوعفتهم
اصير مثل الطير المفارك هله
======
خاف يرحون منديه اهل الحميه
ابقه وحدي بكربله وصفدك بديه
ابقه لاوالي آلي وينغر عليه
جنت مهيوبه و اسمي ام العله
=====
اروح ميسوره وصيحن وين اخوتي
من كثر نوحي وصراخي راح صوتي
رد ت وي اعزاز كلبي ايصير موتي
ولا اضلن بلهظم متحمله
=====÷
ما احمل ظيم وهظم تدروني
خويه جنت مدلله تذلوني
من بعدكم ياهلي ترخصوني
شلون وحدي ايصير ابرى العائله
=======
تمت بعون الله بقلم العلويه ام اسامه الموسوي شاعرة اهل البيت

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

.لطميه ليلة اول محرم الحرام
.........
فاطمه ابوسط الجنان امكدره
ولقميص حسين بل الدم ناشره
..............
بأول محرم يشيعه كل سنه
فاطمه الزهره تون ومحزنه
ولقميص حسين ويلي معلنه
للاملاك ودم ابنهاتنضره
...........
تلطم وتنحب عله جسمه السليب
وبدمعهاتغسل الخدالتريب
اتصيح واويلاه لمصاب الغريب
البلطفوف الشمرحزله منحره
............
اتشيل بيديهاقميصه البي دمه
وتنحب وتبجي لبنهافاطمه
وتنشره ابأول محرم بل السمه
وتبجي دم الحورلمصاب الجره
............
تبجي دم اعيون كل اهل السماء
للغريب السلبومنه الرداء
وتنزل ويه احبابه تنعه ابكربلاء
ويه تبديل الروايه حاضره
..............
ابحضرت المضلوم تتربه وتطوف
الرايه سوده علكوهه من تشوف
ترفع الصيحه ويه صيحت هل الالوف
ويه حمزه اتصيح والمدمع جره
.............
ياشهرعاشورمامثلك شهر
تسمع الحمزه قراهه بل الكدر
بيك ابوالسجاددلاله انفطر
تضل تلطم عل الضلوع الطاهره
............
تحضرالزهره لون قمنه العزه
والينوح اوياهه حصل جائزه
شيعة الكرارهيه الفائزه
ابختم من طه الرسول وحيدره
..................النهايه
الشاعره ام عون الهاشمي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله لمسلم بن عقيل ع
*************
زلزلتهه الكوفه وغيرتك معروفه
*********************
ياهله بمسلم اجه بشرع الرسول ودينه
ماعرف يوم الغدر راية علي بيمينه
ياسفير ابن الزجيه المابخل بسنينه
ضحه لجل المعتقد غيرة علي بجبينه
ماعرف الخوفه وغيرتك معروفه
************************
ياغريب بلا أهل جيش العده كدامه
طوعه موقفهه البطل شدت بديهه حزامه
مرأه خلدهه الدهر مرفوعه دوم الهامه
وكفت بوجه الظلم مسلم تزيل آلامه
للوفه سالوفه وغيرتك معروفه
************************
حاوطوك اهل الكفر طبع الغدر ظل بيهم
وانته صولات الاسد صولة علي تراويهم
يللي تربات الوصي وآل النبي اتجازيهم
وانته سلم لكل سلم واتعادي اليعاديهم
مذهبك متعوفه وغيرتك معروفه
************************
حاشه ماننسه ابد مسلم غريب ويومه
منه نتعلم درس حي بينه عايش دومه
ناصر ابن المصطفه ومنه تغذه اعلومه
مابخل بيهه النفس ولدينه ضحه دمومه
يافدائي انشوفه وغيرتك معروفه
*************************
عالي كبرك سيدي بالكوفه ويضويهه
يكصدك دوم المحب ولحاجته تكضيهه
بجاهك احنه بهالشدد نار الفتن طفيهه
تنتظر شيعة علي يوم اليجي مهديهه
لشوفته ملهوفه وغيرتك معروفه
************************
أم علي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لسبي لسان حال السيدة زينب(ع)
❥❥ـــــــــــــ❁❂❁❂❁❂❁ـــــــــــــ❥❥
اه يخوية4
شوف زينبكم اشصاير بيها
اتگصصت من الحبال ايديها
اه يخوية4
❥❥ـــــــــــــ❁❂❁❂❁❂❁ـــــــــــــ❥❥
ياحسين ارد اشتكيلك عاللي بية
تدري فوگ النوگ اخذوني سبية
وبحبل يبن امي شدولي ادية
وعيني چتالك ضربني اعليها
اه يخوية4
❥❥ـــــــــــــ❁❂❁❂❁❂❁ـــــــــــــ❥❥
بچفة ضرباني النذل يالوالي
وانسطرت اعلة الارض يالغالي
ريتك اتشاهد يخوية حالي
ذاب گلبي والدموع اجريها
اه يخوية4
❥❥ـــــــــــــ❁❂❁❂❁❂❁ـــــــــــــ❥❥
لاشمر لاحرملة عندة رحم
واحد اتولاني بالضرب وشتم
واحد يگلي نراويچ الهظم
والمصايب كلهن اتشوفيها
اه يخوية4
❥❥ـــــــــــــ❁❂❁❂❁❂❁ـــــــــــــ❥❥
بعد شنهي اللي اشوفن يخوتي
فوگ هظمي وحزن گلبي ولوعتي
اشلون للديوان اني طبتي
الف وسفة يالولي تاليها
اه يخوية4
❥❥ـــــــــــــ❁❂❁❂❁❂❁ـــــــــــــ❥❥
شلون ديوان اللعين اني ادخلة
اتحملت درب السبي واعظم بلة
لكن اني هالالم ما احملة
خلص صبر ارويحتي تدريها
اه يخوية4
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نعي للام عن لسان الحوراء زينب ع


من شالت امي ا ودعتها
حملت بعيوني شفتها
سبعه من ضلوعي حنتها
..........
مبعد ضعنها وراح جنه
وشال ومشه بم المحنه
لخفن اجدامي والحكنه
.........
ريضي يشفجه خن احاجيج
وخليني اشم اتراب رجليج
دينج عليه وبيش اوافيج
.........
امي الحنينه و تطلب ديوان
ماوفي التعب لوانطي العيون
بروحي اشريج لوصح اليبدلون
............

بهونك صحت يالشايل امي
حط الجنازه وخلها يمي
شكايات هم الكلب ذني
.........
حط الوالد وابجي عليها
وخليني احبنها بديها
واشمن حنان الكون بيها

ياما اجفوفها لولت عليه
لمثل اليوم مريوده البنيه
تنعه الوالده بدمعه جريه

يالفاكده امج حيل وني
ذكري الربه وعليه حني
والعين خلها اليوم تعمي

ابجن دمه وهلن يالعيون
وذكري الزجيه ماتت شلون
مكسورة ضلع شالت بالضعون
........
وني عله زينب موش تنسين
وابجي عله محزوز الوريدين
وذكري البكه من غير تجفين
......

اهدي الكلمات المتواضعه الى اختي الغاليه ام زينب السعداوي مواسات بوفاة والدتها واسال الله ان يسكنها فسيح جناته انا لله وانا اليه راجعون

✍ام زينب كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه ليوم رابع للعليله ع
****★*****★****★
سافر ابويه بالضعن
اومخذاني اوياهم
★*****★********★
گتله يبو ريض إلي
لتخلي دمعاتي تهلي
ماخذ اخواني وكل هلي
ويايه ماخلاهم
****★*****★****★
جلبت برچاب الضعن
دمعي يكت مثل المزن
بالمرض والهم والحزن
مااحمل الفرگاهم
★*****★********★
للفرگه مااحمل تره
خبرني بويه شلجره
وحدي اظل امرمره
لشوكت ابگه اتناكم
****★*****★****★
لفراگم گلبي نحل
حنيت لعبد الطفل
تدري للفرگه ماحمل
للموت ما انساكم
★*****★********★
من يوم عني سافرت
والله يبويه مانمت
مانام ليلي ساهرت
بلچي احضه ابملگاكم
****★*****★****★
شابحه عيوني علدرب
وانعاب من عندي الگلب
ياناس فرگاهم صعب
وين الزمن وداكم
★*****★********★
انتظر من عدكم خبر
لٱ طارش اعليه يمر
لاخوي لاعمي الگمر
شو ماسمعت اخباركم
****★*****★******★
تمت بعون الله للشاعره خادمة الامام الحجه عج ام منذر الحجار✍✍✍


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة واقعة الطفوف .
عن لسان الزهراء روحي لها الفداء .

جيتك ودموعي اتصب من دم.
جسم اوليدي شفته تخذم .

اوليدي نزفت كل جروحه .
وادمومه ظلت مسفوحه .
حزو نحره وطلعت روحه .

معفر جسمه اوصدره مهشم .
جسم اوليدي شفته تخذم .

بانت بضلوعك هاللوعه.
والونه بجسمك مسموعه .
جيتك مذهوله ومفجوعه.

حاجيني يوليدي اتكلم
جسم اوليدي شفته تخذم

راسم بعيونك جم صورة.
بالخيمه اطفالك مذعورة.
لا ترفع جفك مبتورة.

والخنصر منهم مايسلم .
جسم اوليدي شفته تخذم .

لمصابك جم عين التدمع .
عفت كليبي بحزنه تكطع .
من شفتك وحدك بالمصرع .

بالحافر صدرك يتالم .
جسم اوليدي شفته تخذم .

رضت جسمك هالخياله .
هل حاله اصعب من كل حاله .
اوحيد اومحد يبراله .

بعدك زينب تكبع بالهم .
جسم اوليدي شفته تخذم .

ماخط قلمي .هناء رحيم الدراجي .

لااجيز انتهاك الحقوق .
===============================
بك المستغاث يبن الحسن .
ارید اخدم واهیم عاشگی المحبوب
وادور اعله الحبیب وگلبی بی مصیوب
اصیح ابصوت اه یاحسین یامهیوب
تسجلنی ابسجلکم هلگلب متعوب ✍️
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه


ياعباس حركوهه _ الصواوين
زينب فاره _ وبس تدمع العين


زينب فاره وتنادي يابن امي
ماتكعد تره وتشيل الي حملي
موانت الاخو وكل خيمتي وضلي
روحي تروح مني واندب حسين
_________

روحي تروح مني وضيعيت اهلي
من بعدك يخويه بالعمر شلي
لوتمسع خواتك من ينادلي
مضيعات لولي ولطمن عالعين
_^_____________________
مضيعات لولي ونسوان حيرانه
ولهانه عليك حسين ولهانه
مابين الغرايب ليش تنسانه
ضيعت لولي وبيمن تزمطين
_________
ضيعت لولي خلوني مايدرون
فركاكم كتلني ودرالي عيون
وتكلولي صبري يااختنه ام عون
افرح من تجي وتمسحلي العين
__________


افرح من تجي وبابي تدكونه
ودمعي الي يصب انتم تنشفونه
واليبجي من طفالك تسكتونه
وكلله رقيه لا تنشغين
_______

وكللهه رقيه انه ابوج وياج
راسي عالرمح اي والله ويرعاج
لا تتوقعين بيوم انه أنساج
وانه عالرمح وانتي تصدين
_________
💫



....

تـــــمـت والحمـــــدللـــه
✍الشــــاعره ام حـــوراء الاسدی

واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
🌹🌟قصائد🌟🌹
الشاعرة✒ ام حوراء الاسدي
غیر مبری الذمه من یمسح اسم الشاعرة 🌹

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطمية ثگيلةللزهراء ع وتقر بعدة اطوار مختلفة


يمة يمة ماابطل نوحي
يمة يمة يااعز من روحي
انتي بعيوني ضوة وانتي كل شمة هوة
يمة يمة يمة يمة

كلبي مايحمل قهر اهنا يزهرة
ضاع حلمي من مشيتي اوخلص صبرة
وخلاف عينج الوكت مارحم دهرة
هضم گلبي اوسوالة الف كسرة
هضمة هضمة والدمع بعيوني
هضمة هضمة من العده فجعوني
يمة يمة يمة يمة

يمة فجعوني العدة ودموعي اسيل
واني ابدي اذكرج لوجلجل الليل
يمة مايبقة فكر لا يبقة الي حيل
ماهي انتي اوين اشكي همي الثگيل
ظلمة ظلمة الدار ماتنطب بعد
ظلمة ظلمة وانتي نمتي بالحد
يمة يمة يمة يمة

اني عندي عتاب مو وياامي للبين
ارد اگلة ليش تاخذ ام الحسين
اني من اشتاك اجيها واهمل العين
الشوك ماحملة عليها ام گلب الحنين
همة همة گلبي ياهو ايشيلة
همة همة صاب حتئ ادليلة
يمة يمة يمة يمة

ليش يالبين احرمتني او گلبي ممرود
من الزغر علئ الزجية امي لابسة السود
اوبعد ذاك طولهة مايرد ويعود
اومن اطب الدارهاماضنة مو جود
زحمة زحمة علية انة ازغيرة
زحمة زحمة اضل وحدي ابحيرة
يمة يمة يمة يمة

امي راحت اوبعد لية اشيردهه
بالگبر علئ الرمل خلوة خدهه
جانت امي خيمة او اگعد ابسدهه
اوهسة نامت عينهه عني الوحدهه
طمة طمة الثرة ياطولهه
طمة طمة هم ترد گلولهه
يمة يمة يمة يمة

هم ترد گلولهه اونگعد سوية
مثل ماجنة گبل ابگعدت الفية
اني مشتاگة اهوايه مو شوية
علئ الحنينة الغالية امي الزجية
اضمة اضمة كون طولج بالگلب
اضمة اضمة اودمعي انشفة لايصب
يمة يمة يمة يمة





لخدمة العترة الطاهرة الشاعرة جنان الحسناوي
صاحبة ديوان زينبوالمصائب والفاجعه الحسينية
مشكولة الذمة كلمن ياخذ الكلمات وينسبها لة بالعباس وامير المؤمنين عليهم السلام


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

على طور قصيدة كومن بنات النبي لباسم الكربلائي

يهلال هذا الشهر
بهلتك كلبي أنفطر
أتذكرنه حرك العبي
وصياح وسوط الشمر

🏴🏴🏴🏴🏴🏴🏴🏴

ما يهل ريته الهلال ونوره لا يطلع علينه
يذكرنه حرك الخيام وشلون أحنه إنسبينه
ونذكر الاكبر وجاسم شباب راح من أدينه
وإخوه أبطال ونشامه للترب متوسدينه
تذكرنه كلما جرى
ولعلم عالكنطره
عباس كافل ضعنه
وشلون طاح الكمر

🏴🏴🏴🏴🏴🏴🏴🏴

نذكر ألي صار بينه وحسين باقي وحيد
ينظر أطفاله وحريمه والعدو الكتله يريد
عن يساره وعن يمينه متوذره الصناديد
للمشرعه دار عينه مرمي يشوفه العضيد
وصاني انا بالعيال
كلي أحفظي الطفال
ورقيه عينج عليها
أحميها من الخطر

🏴🏴🏴🏴🏴🏴🏴🏴

إتذكرنه ذبحة الوالي وشلون غاروا علينه
ولمن خيمنه أحركوها وتحيط النار بينه
عباس راح ومجانه الاسد ماكو بعرينه
الوليان كلهه رميه وشلون أحنه إنسبينه
ترجيه من سلبوا
وإذن رقيه دموا
تمنيت حامي الحمه
بهالساعه كون أيحظر

🏴🏴🏴🏴🏴🏴🏴🏴


يهلال كلشي نذكره بهلتك لمن تهل
نذكر ضربنه وشتمنه وسبايا فوك الهزل
أشرار التحدي بينه ومكيدينه بحبل
أسواط تنزل علينه لو بجه عدنه طفل
بسكته المدامع تصب
والتنسمع تنضرب
عدوان ما عدهه غيره
وكل همنه احنه الخدر


🏴🏴🏴🏴🏴🏴🏴🏴

أتمنه ميهل علينه أهلال شهر المصيبه
ولا يجي مصباح عاشر كون لا ربي يجيبه
وذبحوا حتى الرضيع والله هذي عجيبه
ظالم مه بقلبه رحمه بالسهم قرر يصيبه
عبدالله من أنذبح
ودم ركبته من أنسفح
حرمله إنشلت أيده
نبت سهم بالنحر

خادمة أهل البيت عليهم السلام

أزهار جبار الجياشي

نسألكم الدعاء
والفاتحه لروح والدي

غير مبري الذمه من يحذف الاسم أو يغيره

✹✹✹<><><>✹✹✹<><><>✹✹✹
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747